སྨན་རྩིས་ཁང་གི་དབུ་འཛིན་ཐེངས་ ༡༤ པ་བླ་ཞབས་སྨན་པ་ཚེ་དབང་རྟ་མགྲིན་ལགས་ཀྱིས་རང་གི་ཆེད་ལས་སྨན་དཔྱད་ལག་ལེན་གྱི་ལས་དོན་གཙོ་གཉེར་བྱ་རྒྱུའི་འདུན་པ་བཅངས་ཏེ་སྨན་རྩིས་ཁང་གི་

དབུ་འཛིན་གྱི་ལས་གནས་ནས་དགོངས་པ་ཞུས་འདུག་པར། ཨ་རི་ཆི་ཀ་རྒོ་གནས་བཞུགས་ཚེ་རིང་བཀྲ་ཤིས་ལགས་ཀྱིས་འདི་ཟླའི་ཚེས་ ༡ ནས་རྡ་ས་བོད་ཀྱི་སྨན་རྩིས་ཁང་གི་དབུ་འཛིན་གྱི་ལས་

གནས་འགོ་འཛུགས་གནང་ཡོད་འདུག  ཁོང་གིས་དེ་སྔ་བཙན་བྱོལ་བོད་གཞུང་དཔལ་འབྱོར་ལས་ཁུངས་ཀྱི་དྲུང་ཆེ་དང་དེ་རྗེས་དབུས་སྨན་རྩིས་ཁང་གི་དབུ་འཛིན་གྱི་ལས་འགན་འཁུར་མྱོང་ཡོད།

རྗེས་སོར་ནང་མི་ཟླ་སྒྲིལ་གྱིས་ཨ་རིའི་ཆི་ཀ་རྒོ་གྲོང་ཁྱེར་དུ་གཞིས་སྤོར་བྱས་ཤིང་རིམ་པས་ས་དེ་རུ་བོད་ཁང་ (Tibet Center) ཞེས་པ་གསར་འཛུགས་བྱས་ཏེ་བོད་ཀྱི་བདེན་

མཐའ་དང་རིག་གཞུང་གོང་སྤེལ་ཀྱི་ལས་དོན་མུ་མཐུད་བསྒྲུབ་བཞིན་ཡོད་འདུག

དེ་ལས་མང་བ་། “རྡ་ས་སྨན་རྩིས་ཁང་གི་དབུ་འཛིན་འཕོ་འགྱུར།” »

སྨན་རྩིས་ཁང་གི་དབུ་འཛིན་ཐེངས་ ༡༤ པ་བླ་ཞབས་སྨན་པ་ཚེ་དབང་རྟ་མགྲིན་ལགས་ཀྱིས་རང་གི་ཆེད་ལས་སྨན་དཔྱད་ལག་ལེན་གྱི་ལས་དོན་གཙོ་གཉེར་བྱ་རྒྱུའི་འདུན་པ་བཅངས་ཏེ་སྨན་རྩིས་ཁང་གི་

དབུ་འཛིན་གྱི་ལས་གནས་ནས་དགོངས་པ་ཞུས་འདུག་པར། ཨ་རི་ཆི་ཀ་རྒོ་གནས་བཞུགས་ཚེ་རིང་བཀྲ་ཤིས་ལགས་ཀྱིས་འདི་ཟླའི་ཚེས་ ༡ ནས་རྡ་ས་བོད་ཀྱི་སྨན་རྩིས་ཁང་གི་དབུ་འཛིན་གྱི་ལས་

གནས་འགོ་འཛུགས་གནང་ཡོད་འདུག  ཁོང་གིས་དེ་སྔ་བཙན་བྱོལ་བོད་གཞུང་དཔལ་འབྱོར་ལས་ཁུངས་ཀྱི་དྲུང་ཆེ་དང་དེ་རྗེས་དབུས་སྨན་རྩིས་ཁང་གི་དབུ་འཛིན་གྱི་ལས་འགན་འཁུར་མྱོང་ཡོད།

རྗེས་སོར་ནང་མི་ཟླ་སྒྲིལ་གྱིས་ཨ་རིའི་ཆི་ཀ་རྒོ་གྲོང་ཁྱེར་དུ་གཞིས་སྤོར་བྱས་ཤིང་རིམ་པས་ས་དེ་རུ་བོད་ཁང་ (Tibet Center) ཞེས་པ་གསར་འཛུགས་བྱས་ཏེ་བོད་ཀྱི་བདེན་

མཐའ་དང་རིག་གཞུང་གོང་སྤེལ་ཀྱི་ལས་དོན་མུ་མཐུད་བསྒྲུབ་བཞིན་ཡོད་འདུག

དེ་ལས་མང་བ་། “རྡ་ས་སྨན་རྩིས་ཁང་གི་དབུ་འཛིན་འཕོ་འགྱུར།” »

གཡུ་ཞུན་དྲ་བ་ནས་བླངས།
ཁ་སང་དབུས་བོད་ཀྱི་གཞོན་ནུ་ལྷན་ཚོགས་ཀྱི་བཀོད་སྒྲིག་འོག་ཨ་རིའི་གྲོང་ཁྱེར་ནས་བོད་མི་གསུམ་གྱིས་ཟས་བཅད་ངོ་རྒོལ་གནང་བའི་ཉིན་གྲངས་བཅུ་གཅིག་ཡིན་པ་དང་།་ཉིན་དེར་རྒྱ་དམངས་གཙོ་དོན་གཉེར་བ་གྲགས་ཅན་དང་དུས་རབས་ཉེར་གཅིག་པའི་རྒྱ་ནག་ཐེབས་རྩ་ཚོགས་པའི་ཚོགས་གཙོ་ཡང་ཅན་ལི་ཆེད་དུ་ཝ་ཞིན་ཌོན་ནས་ནིག་ཡོག་ནང་ཡོང་སྟེ་བོད་མི་ཟས་བཅད་ངོ་རྒོལ་གནང་མཁན་ཚོ་དང་བོད་མིའི་འཐབ་རྩོད་ལ་རྒྱབ་སྐྱོར་མཚོད་ཆེད་ཉིན་གཅིག་རིང་བོད་མི་ཚོ་དང་མཉམ་དུ་ཟས་བཅད་ངོ་རྒོལ་གནང་ཡོད་པ་མ་ཟད།ཁོང་གིས་སྐབས་དེར་གསུང་དོན།དེ་རིང་འདི་ནས་མཉམ་འབྲེལ་རྒྱལ་ཚོགས་མདུན་དུ་བོད་མི་ཚོ་དང་མཉམ་དུ་ཟས་བཅད་ངོ་རྒོལ་བྱེད་དགོས་དོན་ནི།ང་འགྲོ་བ་མི་ཞིག་ཡིན་པས་ཆ་ནས་འཛམ་གླིང་གི་ཞི་བདེ་ལ་དགའ་བའི་གྲོགས་པོ་ཚོར་ཞུ་རྒྱུར་།དུས་ཚོད་འདི་ནི་ཚང་མས་བོད་ཀྱི་གནས་སྟངས་ལ་འགན་འཁུར་བའི་དུས་ལ་བབས་ཡོད།བོད་ནང་མེ་ལྕེ་འབར་བཞིན་ཡོད་ཅེས་གསུངས་ཡོད།དེ་བཞིན་མི་འགྱངས་པའི་གསུམ་བཅུ་དུས་དྲན་སྐབས་ཁོང་གིས་རྩོམ་སྒྲིག་གནང་བའི་བོད་ནང་རང་ལུས་མེར་བསྲེག་གཏོང་བཞིན་པ་འདིའི་སྐོར་གྱི་དཔེ་དེབ་ཅིག་འགྲེམ་སྤེལ་བྱེད་འཆར་ཡོད་པའང་འགྲེལ་བརྗོད་གནང་བྱུང་།

དེ་ལས་མང་བ་། “ནེའུ་ཡོག་ནས་ཟས་བཅད་ངོ་རྒོལ་གནང་མཁན་ཚོས་ཟས་བཅད་ངོ་རྒོལ་གནང་ནས་ཉིན་བཅུ་གཉིས་འགོར་བ” »

དུས་བབ་ལས་དྲངས།
ན་གཞོན་རྩོམ་པ་པོ་གླིང་ཚ་ཚེ་བརྟན་རྡོ་རྗེ་མ་བུ་གསུམ་གྱིས། རྒྱ་གཞུང་ལ་ཞི་བའི་དགོས་འདུན་དོན་ཚན་ལྔ་བཏོན་ཏེ། ད་ལོའི་གསུམ་བཅུའི་དུས་དྲན་ཉིན་བཞུགས་སྒར་ངྷ་ས་ནས་བོད་ཀྱི་རྒྱལ་ས་ལྷ་སའི་བར་གོམ་བགྲོད་གནང་རྒྱུ་ཡིན་འདུག

དཀྱིལ་ཤར་རྒྱལ་ཁབ་ཨེ་ཛི་རལ་ནང་གནས་བཞུགས་བོད་རིགས་གཞོན་སྐྱེས་རྩོམ་པ་པོ་གླིང་ཚ་ཚེ་བརྟན་རྡོ་རྗེ་འམ། སྨྱུག་མིང་ལ་མི་འགྱུར་གངས་ཕྲུག་ལགས་ཀྱིས་ཟླ་འགའི་གོང་ནས་བརྒྱུད་ལམ་ཁག་ཏུ་གསལ་བསྒྲགས་སྔ་རྗེས་སུ་སྤེལ་ཏེ། བོད་ནང་གི་ཛ་དྲག་གནས་ཚུལ་རིམ་བསྟུད་དུ་ཐོས་ཡོང་སྐབས་ཉན་པ་རྣ་བའི་མི་བཟོད་ཅིང་། དྲན་པ་སེམས་སུ་མ་ཤོང་བའི་ན་ཟུག་འོག ཁོང་གིས་རྒྱ་གཞུང་ལ་དགོས་འདུན་དོན་ཚན་ལྔའི་འོག་ད་ལོའི་གསུམ་བཅུའི་དུས་དྲན་དང་བསྟུན་ཏེ། བཞུགས་སྒར་ངྷ་རམ་ས་ལ་ནས་བོད་ཀྱི་རྒྱལ་ས་ལྷ་སའི་བར་གོམ་བགྲོད་གནང་རྒྱུའི་དམ་བཅའ་བཞག་ཡོད་ཅིང་། ཟླ་འདིའི་ཕྱི་ཚེས་ ༣ ཉིན་ཁོང་ཨེ་ཛི་རལ་ནས་ནང་མི་བུ་ཕྲུག་སོགས་ལ་ཁ་གྱེས་ཏེ་བཞུགས་སྒར་ངྷ་རམ་ས་ལར་འབྱོར་འདུག

དེ་ལས་མང་བ་། “ཚེ་བརྟན་རྡོ་རྗེ་མ་བུ་གསུམ་གྱིས་ངྷ་ས་ནས་ལྷ་སར་གོམ་བགྲོད་གནང་རྒྱུ་རེད།” »

ངས་ཏ་བྷེའི་མིང་མ་བོས་ཟེར་བ་དེ་ཁོ་མོའི་བོད་སྐད་མ་ཤེས་པས་ལན་པ་རེད་ཟེར།

མདོ་སྔགས་ལགས་ཀྱི་དྲི་བ།
འཚམས་འདྲི་ཞུ། ངའི་མིང་མདོ་སྔགས་ཡིན། ང་ཀིརྟི་དགོན་པའི་ཕྱག་མཛོད་ཡིན། ངའི་དེ་རིང་དྲི་བ་གཅིག་དང་རེ་བ་གཅིག་ཞུ་གི་ཡིན། སྤྱིར་བཏང་ངའི་དྲི་བ་དེ་དེ་རིང་སྐབས་སུ་བབས་པར་འདིར་ཞུས་བཞག་ན། རྩ་བའི་དྲི་བ་དེ་བོད་ནང་གི་དྲི་བ་ཞིག་ཡིན། སྐུ་ངོ་མཆོག དྲི་བ་འདི་འདྲ་རེད། བོད་རྒྱ་ཆེའི་མིང་གི་བདེ་སྡུག་གི་ཆེད་དུ་རང་སྲོག་མེ་ལ་བཏང་མཁན་གྱི་གྲངས་འབོར་གྱི་ཆ་ནས་ཡིན། དེའི་ངོ་བོའི་ཆ་ནས་ཡིན། ཁ་སང་རྡོ་རྗེ་གདན་ནས་༧སྐྱབས་མགོན་རིན་པོ་ཆེ་དབུ་བཞུགས་བོད་ཀྱི་བླ་ཆེན་དགེ་འདུན་པ་གྲངས་ལས་འདས་པ་ཞིག་གི་མདུན་ནས་མེར་སྲེག་གཏོང་མཁན་གྱི་མཚན་ཐོ་སྒྲོག་སྦྱང་གནང་དུས། བོད་ནང་རང་ལུས་མེར་སྲེག་གཏོང་མཁན་བཀྲ་བྷེ་ལགས་ཀྱི་མཚན་བཏོན་མ་སོང་། བོད་ནང་དུའང་དེའི་བསམ་ཚུལ་ཤུགས་ཆེན་པོ་ཞེ་དྲག་ཡོང་བསྡད་ཀྱི་འདུག སྐུ་ངོ་བཀའ་ཁྲི་ཡིན་ན་ཧ་གོ་ཡི་ཡོད་པ་རེད། ཐ་ན་རྒྱ་ནག་རྒྱལ་ས་པེ་ཅིང་ལ་སོགས་པ་ནས་སྐུ་ངོ་མཆོག་ལ་དྲ་རྒྱ་བརྒྱུད་ནས་ལན་བྱུང་བསྡད་ཡོད་པ་རེད། ཡིན་ནའང་། དེ་རིང་ཡང་ཆེད་དུ་མངགས་ནས་གསུང་མ་བདེ་བོ་འདྲ་བོ་ཞེ་དྲག་ཅིག་གནང་སོང་། ༢༠༠༩ ལོ་ལ་ཡོད་པ་རེད་དེ་གསུངས་ནས་ཐ་ན་གྲངས་ཀའི་ནང་དུའང་མི་འདུག མིང་ཐོའི་ནང་དུའང་མི་འདུག དེར་བོད་ནང་ང་ཚོ་འདི་དང་འདྲ་བོ་མ་རེད། བོད་ནང་གི་བོད་མི་དེ་ཚོ་དངོས་གནས་དྲང་གནས་ལྷག་བསམ་རྨ་མེད་པ་ཞིག་ཡིན་དུས། སོ་སོའི་མགོ་ཁྲིད་དང་སྒང་དུ་སྡོད་མཁན་ལ་ཆེ་མཐོང་དང་བརྩི་བཀུར་ཧ་ལས་པ་རེད། དེ་བྱས་དུས་བཀའ་ཁྲིའི་བཀྲ་བྷེའི་མིང་དང་པོ་མ་བཀོད་པ་དེ་ཁོར་ཡུག་མང་པོ་ཞིག་གིས་གནད་འགག་ཆེན་པོར་ཟིན་བསྡད་ཀྱི་འདུག དེ་རིང་འདི་ནས་ཀྱང་སྐུ་ངོ་མཆོ་གིས་གནང་མ་སོང་། མ་གནང་བར་དགེ་བ་རྒྱུ་མཚན་ག་འདྲ་ཞིག་ཡོད་ན། ལོའི་དབང་གིས་༢༠༡༡ ལོའི་སྔོན་དེ་མཚན་དང་གྲངས་ཐོའི་ནང་འཇོག་མ་བདེ་བ་ཞིག་ཡོད་ན་གནས་ཚུལ་གཞན་རེད། དེ་དང་མཉམ་དུ་གཞིས་བྱེས་གཉིས་ཀའི་ནང་དང་པོ་དང་པོ་དེ་དཔའ་བོ་ཐུབ་བསྟན་དངོས་གྲུབ་ལགས་རེད། དེའང་བཏོན་མ་སོང་། དེ་ཚོ་ག་འདྲ་ཡིན་ནམ། དེ་བཞིན་ད་གིན་གྲངས་ཀ་བཅད་ནས་མི་ཉེར་བཞིས་ལོ་གཉིས་ཀྱི་ནང་དུ་རང་ལུས་མེར་བསྲེགས་བཏང་ཡོད་པ་རེད་ཅེས་གསུངས་ཡོང་དུས། གཞན་རྣམས་ག་འདྲ་ཆགས་ཀྱི་ཡོད་ན། དེར་གསལ་བཤད་ཅིག་གནང་རོགས། དགོས་པ་རྒྱུ་མཚན་གཞན་ཡོད་དམ། ཡང་ཐུགས་བརྗེད་གནང་ཡིན་རྒྱུ་མ་རེད། དེ་རིང་ ༢༠༠༩ ནང་ཡོད་གདའ་ཡོད་པ་རེད་དེ་ཞེས་མཚན་བོས་མ་སོང་། དེ་ཚོ་བོད་ནང་དང་འབྲེལ་བ་ཡོད་དུས་གནད་འགག་ཅིག་ཆགས་བསྡད་ཀྱི་འདུག དེ་དྲི་བ་གཅིག་ཡིན།

དེ་ལས་མང་བ་། “བཀའ་ཁྲིས་ཕྱག་མཛོད་མདོ་སྔགས་དང་འོད་ཟེར་གཉིས་ལ་ཁྲོ་ཉམས་ཀྱིས་སྩལ་བའི་བཀའ་ལན།” »

༼བོད་ཀྱི་དུས་བབ་དྲ་ཚིགས་ནས་འདིར་འདྲེན་བཀོད་ཞུས་པ་ལགས༽

འདོན་སྤེལ། ༢༠༡༢/༠༣/༠༥
གཟའ་སྤེན་པའི་ཉིན་མདོ་སྨད་རྨ་ཆུ་རྫོང་བོད་ཡིག་སློབ་འབྲིང་གི་སློབ་མ་བུ་མོ་ཞིག་གིས་རྫོང་གི་སྔོ་ཚལ་ཁྲོམ་རའི་ནང་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་བྱས་ཏེ་འདས་གྲོངས་སུ་ཕྱིན་འདུག
མདོ་སྨད་སྤྱི་འཐུས་སྒྲོལ་དཀར་སྐྱབས་ལགས་ཀྱིས་གནས་ཚུལ་མཁོ་སྤྲོད་བྱས་པ་ལྟར་ན། ཟླ་འདིའི་ཕྱི་ཚེས་ ༣ ཉིན་གྱི་བོད་ནང་གི་ཕྱི་དྲོ་ཆུ་ཚོད་ ༣ པ་ཡས་མས་སུ། མདོ་སྨད་རྨ་ཆུ་རྫོང་ཁྲོ་ཁོ་སྨད་མ་ཞང་གི་ཕ་བསོད་ནམས་ཡེ་ཤེས་ཀྱི་རང་ལོ་ ༡༩ ཡིན་པའི་བུ་མོ། རྨ་ཆུ་རྫོང་བོད་ཡིག་སློབ་འབྲིང་གི་སློབ་མ་ཚེ་རིང་སྐྱིད་ལགས་ཀྱིས། ཉིན་དེར་རྨ་ཆུ་རྫོང་རྨ་ཆུ་ལམ་དུ་ཡོད་པའི་སྔོ་ཚལ་ཁྲོམ་རའི་ཉེ་འགྲམ་གྱི་ར་སྐོར་ཞིག་གི་ནང་ལུས་ལ་སྣུམ་བླུགས་པ་དང་མེར་བསྒྲོན་ཏེ། སྔོ་ཚལ་ཁྲོམ་རའི་ཁྲོམ་གཞུང་དུ་ཐོན་སྐབས། སྔོ་ཚལ་བཙོང་མཁན་གྱི་རྒྱ་རིགས་ཚོང་པ་ཚོས་རྡོ་རུབ་བརྒྱབ་པ་དང་། དྲག་ཆས་ཉེན་རྟོག་པ་བསླེབས་ཏེ་རྡོ་དང་ལྕག་དབྱུག་གིས་གཞུས་ཏེ་ལུས་སྟེང་གི་མེ་བསད་རྗེས་འདས་གྲོངས་སུ་ཕྱིན་ཡོད་ཀྱང་། ཉེན་རྟོག་པས་ཁོ་མོའི་སྐུ་ཕུང་ནང་མིར་རྩིས་སྤྲོད་མ་བྱས་པར་བཙན་འཁྱེར་བྱས་ཡོད་འདུག

དེ་ལས་མང་བ་། “རྨ་ཆུ་རྫོང་དུ་རང་ལུས་མེར་བསྲེཊ།” »

གླིང་ཚ་ཚེ་བརྟན་རྡོ་རྗེ་ནས་།

དྲ་ཐོག་གི་བོད་རིགས་སྤུན་ཟླ་ཡོངས་ལ་ཞུ་རྒྱུ། ང་རང་ཉེ་སྔོན་ནས་རང་གི་བུ་དང་བུ་མོ། སྙིང་གྲོགས་བཅས་ལ་ཡི་གེ་བྲིས་པ་དང་། སེམས་གཏང་དག་རེ་རེ་བཞིན་བཞག་རྗེས་སུ། ད་ལྟ་ང་རང་རྒྱལ་ཁབ་གཞན་ནས་ཕྱིར་སྐྱབས་བཅོལ་བོད་མིའི་ལྟེ་གནས་རྡ་སར་བོད་མི་རིགས་ཀྱི་རང་དབང་དང་ཞི་བདེ་ཆེད་དུ་སྐུ་ལུས་སྙིང་རྗེ་དང་ཤེས་རབ་ཀྱི་མེ་ལ་སྒྲོན་པའི་དབའ་བོ་དེ་དག་ཐུགས་དགོང་འགྲུབ་པའི་ཆེད་དང་། ༧གོང་ས་མཆོག་སྐུ་འཚོ་ཞིང་བཞུགས་པའི་སྐབས་འདི་ལ། རང་ཡུལ་ཁ་བ་ཅན་ལ་གདན་འདྲེན་ཞིག་བྱེད་ཐུབ་ན་སྙམ་པའི་རེ་བ་དང་ཡིད་ཆེས་དྲི་མ་མེད་པ་ཞིག་གི་ཁྲོད་ནས། རྡ་སར་འབྱོར་ནས་ཉིན་་གཉིས་པ་ཡིན་ལ། བོད་མི་རིགས་ཀྱི་ཞི་བའི་འཐབ་རྩོད། ཞི་བའི་གོམ་བགྲོད། བོད་ལ་རང་དབང་དང་ཞི་བདེ་མ་ཐོབ་བར་དང་། ༧རྒྱལ་བ་རིན་པོ་ཆེ་བོད་ལ་ཕེབས་མ་ཐུབ་བར་དུ་ཞི་བའི་འཐབ་རྩོད་འདི་ལ་ཞུགས་རྒྱུར་སྐྱེ་བོ་སྒེར་རང་ངོས་སེམས་ཐག་གཙང་བཅད་བྱས་པ་ལྟར།

དེ་ལས་མང་བ་། “མི་རིགས་ཀྱི་ཞི་བདེ་དང་རང་དབང་། ༧རྒྱལ་བ་རིན་པོ་ཆེ་བོད་དུ་གདན་འདྲེན་བྱེད་པའི་འཐབ་རྩོད་ཆེད་དུ་ང་རང་རྡ་སར་སླེབས་ཡོད།” »

ཟླ་འདིའི་ཚེས་༤ ཉིན་གནས་ཚུལ་གསར་དུ་འབྱོར་བ་ལྟར་ན། ཕྱི་ཟླ་༢ ཚེས་༢༡ ཉིན་གྱི་དགོང་མོར་དེ་སྔོན་རང་ལུས་མེར་བསྲེག་གིས་རྒྱ་ནག་གཞུང་ལ་ངོ་རྒོལ་བྱེད་མཁན་རིག་འཛིན་རྡོ་རྗེ་རྔ་པ་ཁུལ་གྱི་སྨན་ཁང་ཞིག་ཏུ་སྐུ་གྲོངས་ཡོད་པ་དང་།
འབྲེལ་ཡོད་ཚོ་འབར་ཁམས་སུ་སོང་ནས་སྐུ་ཕུང་ཚུར་ལེན་ཐབས་བྱས་ཀྱང་། རྒྱ་གཞུང་གིས་མ་སྤྲད་པར་ས་གནས་དེར་མེར་བསྲེག་བྱས་ནས་རུས་ཐལ་ཞིག་ནང་མི་ལ་བསྤྲད་ཡོད་འདུག
བོད་རང་གི་སྲོལ་རྒྱུན་གྱི་འགྲོ་ལུགས་དང་མཐུན་པར་སྐར་བཅོས་སོགས་གང་ཡང་བྱེད་ཐུབ་མེད་པ་མ་ཟད། ཡུལ་མི་རྣམས་མཉམ་འཛོམས་ཀྱིས་ཉིན་གཅིག་རིང་གཤེན་པོའི་ཆེད་མཎི་དང་བསྔོ་སྨོན་འཚོགས་སྲོལ་ཡོད་པ་དེ་ཡང་འཚོགས་མི་ཆོག་པའི་བཙན་བཀའ་བཏང་ཡོད་འདུག དམ་པ་ཁོང་ནི་རྔ་པ་རྫོང་རྨེའུ་རུ་མའི་རུ་ཆེན་གཉིས་པའི་ཕ་བརྩོན་ཁོ་དང་མ་དུང་དཀར་གཉིས་ཀྱི་བུ་ཡིན་པ་དང་། ཆུང་དུས་ནས་རྔ་པ་ཀིརྟིའི་དགོན་པར་ཆོས་ཞུགས་བྱས། ༢༠༡༠ ལོར་སྐྱ་སར་བབ་ནས་ད་བར་ཕ་མ་གཉིས་དང་མཉམ་དུ་འབྲོག་ལས་གྱི་འཚོ་བ་རོལ་ནས་བསྡད་ཡོད་པ་དང་། འདི་ལོའི་ཟླ་༢ ཚེས་༨ ཉིན་རྔ་པའི་ཁྲོམ་གཞུང་དུ་རང་ལུས་མེ་བསྲེགས་གནང་ནས་རྒྱ་གཞུང་ལ་ཞུ་འབོད་བྱས་པ་རེད།

དེ་ལས་མང་བ་། “རྒྱལ་གཅེས་དཔའ་བོ་རིག་འཛིན་རྡོ་རྗེ་འདས་གྲོངས་ཕྱིན་འདུག” »

དེ་རིང་ཞོགས་པར་རྔ་པ་ཀིརྟི་དགོན་པའི་རྒྱ་གཞུང་ཉེན་རྟོག་ལས་ཁུངས་སྒོ་ཁར། བོད་རིགས་བུད་མེད་ཅིག་གིས་རྒྱ་གཞུང་ལ་ངོ་རྒོལ་གྱིས་རང་ལུས་མེར་བསྲེགས་ཏེ་སྐུ་གྲོངས་འདུག

ད་ལྟ་རིང་གནས་ཚུལ་འབྱོར་གསལ་ལ། དེ་རིང་ཞོགས་པའི་བོད་ནང་གི་ཆུ་ཚོད་ ༦།༣༠ ཙམ་ལ་རྔ་པ་ཀིརྟི་དགོན་པའི་སྒོ་ཆེན་འགྲམ་དུ་གཏན་སྡོད་བྱས་ནས་ཡོད་པའི་ཀིརྟི་དགོན་པར་དམིགས་བསལ་ལྟ་སྲུང་བྱེད་མཁན་གྱི་ཉེན་རྟོག་ལས་ཁུངས་སྒོ་མདུན་དུ། རྔ་པ་རྫོང་གཅའ་ཞང་རྭ་རུ་བའི་ལམ་དཀར་ཚང་གི་མནའ་མ་རིན་ཆེན་ཞུ་པ། ཕ་མིང་ལ་ར་སྣ། མ་མིང་ལ་ལྷ་ཁོ། རང་ལོ་ ༣༢ ཡིན་པ། ཁོང་གིས་རང་ལུས་མེར་སྲེག་གིས་རྒྱལ་བ་རིན་པོ་ཆེ་བོད་ལ་ཕེབས་དགོས། བོད་ལ་རང་དབང་དགོས་ཞེས་རྒྱ་ནག་གཞུང་ལ་ཞུ་འབོད་གནང་སྟེ། ས་གནས་དེ་ཀ་རང་དུ་སྐུ་གྲོངས་ཡོད་འདུག

རིན་ཆེན་ལགས་ནི་ནགས་ཚང་མའི་ར་སྣ་ཚང་གི་ཕ་ར་སྣ་དང་མ་ལྷ་ཁོ་གཉིས་སུ་སྐྱེས་ཤིང་། རྗེས་སུ་རྭ་རུ་བའི་ལམ་དཀར་ཚང་གི་བུ་བྷུ་ངྷ་ཟེར་བའི་མནའ་མར་སོང་ཡོད་ཅིང་། མི་ཚང་དེར་གཟའ་མི་ཁྱོན་བརྒྱད་ཡོད་པ་དང་།
ཁོང་ལ་ཕ་མ་གཅིག་པའི་མིང་སྲིང་བརྒྱད་ཡོད་པའི་ནང་ནས་ཁོང་ཆེ་ཤོས་གཉིས་པ་དེ་ཡིན་འདུག

སྐབས་ཐོག་དེར་ཁོང་གི་སྐུ་ཕུང་དགོན་པའི་ནང་ཡར་འཁྱེར་ཐུབ་པ་བྱུང་ཡོད་མོད་དེའི་རྗེས་སུ་སྐུ་ཕུང་རྒྱ་གཞུང་གིས་བཙན་འཕྲོག་བྱས་ཡོད་མེད་ཀྱི་གནས་ཚུལ་ཤེས་རྟོགས་མ་བྱུང་།

དེ་ལས་མང་བ་། “རྔ་པའི་བུད་མེད་རིན་ཆེན་ལགས་ཀྱིས་རང་ལུས་མེར་བསྲེགས་འདུག” »

རང་གཞུང་དྲ་བས་་ ༢༠༡༢ ཟླ་ ༣ ཚེས་ ༣ ཉིན་ཁུངས་ལྡན་གནས་ཚུལ་སྤེལ་བ་ལྟར་ན། རྒྱ་གར་དུ་གནས་མཇལ་དང་དུས་འཁོར་དབང་ཆེན་ཞུས་ཏེ་རང་ཡུལ་བོད་དུ་ཕྱིར་ལོག་བྱེད་མཁན་རྣམས་ལ་རྒྱ་ནག་གཞུང་གི་འབྲེལ་ཡོད་ཚན་པས་མགྲོན་ཁང་དང༌། སློབ་གྲྭ་སོགས་ས་གནས་འདྲ་མིན་དུ་བཀག་ཉར་གྱིས་ཆབ་སྲིད་ཀྱི་སློབ་སྦྱོང་སྤྲོད་མུས་ཡིན་པ་ལྟར། ཉེ་དུས་ཨ་མདོ་བསང་ཆུ་རྫོང་ཁོངས་དང༌མཚོ་བྱང་ཚ་འདམ་ཆེ་བ་ས་ཁུལ་གཞུང་འབྲེལ་ཐོག་ཞིབ་བཤེར་ནན་པོ་བྱ་རྒྱུའི་ཚོགས་ཆུང་བཙུགས་ཡོད་པའི་གནས་ཚུལ་ཐོན་འདུག དེ་ཡང་ཕྱི་ལོ་ ༢༠༡༢ ཟླ་ ༣ ཚེས་ ༣ ཉིན་བསང་ཆུ་རྫོང་གཞུང་འབྲེལ་དྲ་ཚིགས་ཐོག་གནས་ཚུལ་སྤེལ་བར་གཞིག་ན། ཟླ་ ༣ ཚེས་ ༢ ཉིན་སྲིད་ཁྲིམས་ཨུ་ཡོན་ལྷན་ཁང་གི་ཚོགས་འདུ་ཚོགས་ཏེ་བསང་ཆུ་རྫོང་ནས་དུས་འཁོར་དབང་ཆེན་ལ་ཞུགས་ཏེ་ཕྱིར་ལོག་བྱེད་མཁན་རྣམས་ལ་ཆེད་དམིགས་བརྟག་དཔྱད་དོ་དམ་གྱི་ལས་དོན་སྤེལ་རྒྱུའི་གཏན་འབེབས་བྱས་ཡོད་འདུག

དེ་ལས་མང་བ་། “ཨ་མདོའི་དུས་དབང་ཞུ་མཁན་ལ་ཞིབ་བཤེར་ཚོགས་ཆུང་བཙུགས་པ།” »

འདི་གར་དཔལ་ལྡན་ལགས་ཀྱིས་བཏང་གནས་ནང་འཁོད་དོན། ཕྱི་ལོ་ ༢༠༡༢ ཟླ་ ༣ ཚེས་ ༢ ཉིན་གསར་ཏུ་ཤེས་རྟོགས་བྱུང་དོན་ལ་ད་སྐབས་བྲག་མགོ་རུ་རྒྱ་དམག་འབོར་ཆེན་འབྱོར་ནས་མང་ཚོགས་ལ་དམ་བསྒྲགས་ཤུགས་ཆེ་བྱས་དང་བྱེད་མུས་ཡིན་པ་མ་ཟད། ཁ་སྔོན་ཞི་རྒོལ་ནང་དུ་ཡོད་པ་རྣམས་འཛིན་བཟུང་བྱེད་མུས་ཡིན་འདུག དེང་སང་བོད་མི་རྣམས་གང་བྱུང་འགྲོ་འོང་མི་ཆོག་པ་དང་།
བྲག་མགོའི་རྫོང་གི་གཡས་གཡོན་དང་གཞུང་ལམ་གང་ས་ནས་དམག་གིས་བོད་མི་ལ་རྡུང་རྡེག་དང་། གང་བྱུང་འཛིན་བཟུང་བྱེད་པའི་བྱ་སྤྱོད་ངན་པ་སྤེལ་མུས་སུ་གནས་ཡོད་འདུག
ས་ཆ་མང་པོར་དམག་སྒར་བརྒྱབ་ཡོད་པ་མ་ཟད། བྲག་མགོ་དགོན་པའི་ནང་དུ་རྒྱལ་གཅེས་ཆོས་གཅེས་ཟེར་བའི་ཚོགས་འདུ་ཚོགས་ཏེ་དགོན་པའི་ལས་སྣེ་དང་མང་ཚོགས་ལ་དཀའ་ངལ་འཕྲད་བཞིན་ཡོད་འདུག དེ་ཡང་རྒྱ་དམག་གིས་བོད་མི་རྣམས་ལ་དྲི་བ་འདྲ་མིན་དྲིས་པ་སོགས་ལས་འགུལ་སྣ་ཚོགས་སྤེལ་ཡོད་ནའང། བོད་མི་དེ་དག་གིས་རྒྱ་གཞུང་ལ་མི་འདོད་པའི་རྣམ་འགྱུར་འདྲ་མིན་བསྟན་ནས་ཕན་ཚུན་གཉིས་དོགས་ཀྱིས་དཀའ་ཁག་ཆེ་རུ་གྱུར་ཡོད་འདུག

དེ་ལས་མང་བ་། “བྲག་མགོར་འབྱུང་བཞིན་པའི་ཛ་དྲག་གི་གནས་སྟངས།” »

ཨ་རིའི་བོད་དོན་དམིགས་བསལ་འབྲེལ་འཐུད་སྐུ་ཚབས་ལྕམ་མ་རི་ཡ་ཨོ་ཊེ་རོ་ཡིས་འཛམ་གླིང་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཐོག བོད་ནང་གི་ད་ལྟའི་གནས་སྟངས་ཐོག་ཨ་རི་གཞུང་གིས་ཐུགས་ཚབས་ཆེན་པོ་གནང་གི་ཡོད་པའི་སྐོར་གསལ་སྟོན་གནང་ཡོད་འདུག
འཛམ་གླིང་མཉམ་འབྲེལ་རྒྱལ་ཚོགས་འགྲོ་བ་མིའི་ཐོབ་ཐང་ལྷན་ཁང་གི་ཚོགས་ཆེན་ཐེངས་བཅུ་དགུ་པ་དེ་བཞིན། ཕྱི་ཟླ་གཉིས་པའི་ཚེས་༢༧ནས་ཕྱི་ཟླ་གསུམ་པའི་ཚེས་༢༣བར་སུད་སི་གྲོང་ཁྱེར་ཇི་ནི་བའི་ནང་ཚོགས་བཞིན་ཡོད་པ་དང་། དེ་རིང་སྔ་དྲོ་ལྷན་ཚོགས་ཐོག་ཨ་རིའི་ཕྱི་སྲིད་ལས་ཁང་གི་དྲུང་ཆེ་ཕྱག་རོགས་དང་། བོད་དོན་དམིགས་བསལ་འབྲེལ་འཐུད་འགན་འཛིན་ལྕམ་མཱ་རི་ཡ་ཨོ་ཊེ་རོ་ཡིས་ལྷན་ཚོགས་ཐོག ཨ་རི་གཞུང་གིས་ཉེ་བའི་ཆར་བོད་ཀྱི་ཛ་དྲག་གནས་སྟངས་ཐོག་ཐུགས་ཚབས་ཆེན་པོ་ཡོད་པ་གསལ་སྟོན་གནང་སྟེ། འཛམ་གླིང་མཉམ་འབྲེལ་རྒྱལ་ཚོགས་འགྲོ་བ་མིའི་ཐོབ་ཐང་ལྷན་ཁང་གི་རྒྱ་ནག་ཚུད་པའི་ཚོགས་བཞུགས་ཡུལ་གྲུ་ཚང་མས་གཞི་རྩའི་འགྲོ་བ་མིའི་ཆོས་དད་རང་མོས་དང་། གྲངས་ཉུང་མི་རིགས་ཚུད་པའི་སྤྱི་འབངས་ཀྱིས་རང་ཉིད་ཀྱི་བསམ་ཚུལ་བཏོན་རྒྱུའི་ཐོབ་ཐང་ལ་བརྩི་ཀུར་ཞུ་དགོས་པ་དང་། རྒྱལ་ཁབ་གང་དྲ་ཞིག་ཡིན་ཡང་མི་སྒེར་གྱི་འགྲོ་བ་མིའི་ཐོབ་ཐང་དང་། ཁོང་ཚོས་རང་ཉིད་ཀྱི་ཐོབ་ཐང་རྩོད་ལེན་ལ་སྲུང་བརྩི་ཞུ་དགོས་པ་གསལ་སྟོན་གནང་ཡོད་འདུག
ཇི་ནི་ལྦའི་ནང་ཚུགས་བཞིན་པའི་འཛམ་གླིང་མཉམ་འབྲེལ་རྒྱལ་ཚོགས་འགྲོ་བ་མིའི་ཐོབ་ཐང་ལྷན་ཚོགས་ཐོག སུད་སི་ནང་ཡོད་པའི་སྐུ་ཚབ་དོན་གཅོད་དང་དེ་བཞིན་དོན་གཅོད་ལས་ཁང་ནང་འགྲོ་བ་མིའི་ཐོབ་ཐང་སྐོར་ལ་ཕྱག་ལས་གནང་མཁན་གྱི་ལས་བྱེད་ཡང་ལྷན་ཚོགས་ཐོག་ཚོགས་བཞུགས་གནང་ཡོད་འདུག།

དེ་ལས་མང་བ་། “མཉམ་འབྲེལ་རྒྱལ་ཚོགས་ཀྱི་ལྷན་ཚོགས་ཐོག་བོད་དོན་གླེང་བ།” »

སྐར་ཁུང་རྩོམ་སྒྱུར་ཚོགས་ཆུང་གིས།
ཀྲུའུ་ཝེ་ཆོན།
མ་རྩོམ།
(རྒྱ་ནག་དབུས་དམར་ཤོག་སློབ་གྲྭའི་”སློབ་སྦྱོང་དུས་བབ་”སྟེང་འདེམས་བཀོད་བྱུང་བའི་མི་རིགས་གནད་དོན་གྱི་རྩོམ་ཡིག)

ཕྱི་ཟླ༢ཚེས་༡༣ཉིན། རྒྱ་ནག་དབུས་དམར་ཤོག་སློབ་གྲྭའི་<<སློབ་སྦྱོང་དུས་བབ>>འདོན་ཐེངས་གསར་ཤོས་དེའི་མདུན་ཤོག་དང་མདུན་བྱང་དུ། རྒྱ་ནག་དབུས་འཐབ་ཕྱོགས་གཅིག་གྱུར་ཁང་གི་འགན་འཛིན་གཞོན་པ་ཀྲུའུ་ཝེ་ཆོན་གྱིས་མི་རིགས་གནད་དོན་སྐོར་གྱི་རྕོམ་ཡིག་དེ་བཀོད་ཡོད་པ་དང་། ལོ་ཤས་ནང་རྒྱ་ནག་དམར་ཤོག་གི་མི་རིགས་ལས་དོན་དང་སྒོས་སུ་བོད་ཀྱི་གནད་དོན་ཐད་རྒྱུན་དུ་གླེང་སློང་བྱེད་མཁན་གྱི་ཀྲུའུ་ཝེ་ཆོན་གྱིས་“ངེས་པར་དུ་ལྷོད་ཡངས་མེད་པར་ནང་སྲིད་འཛིན་སྐྱོང་བཅོས་བསྒྱུར་དང་། ཁ་བྲལ་ལས་འགུལ་བརྩམ་མཁན་གྱི་ཕྱི་དགྲ་དེ་དག་ཚར་གཅོད་བྱེད་པའི་དུས་མཚུངས་སུ། མ་འོངས་པར་གྲངས་ཉུང་མི་རིགས་རྣམས་ལ་རོགས་སྐྱོར་དང་འདུ་ཤེས་འཛིན་སྟངས་དེའང་མཁོ་དགོས་ཆ་རྐྱེན་ལ་དམིགས་ནས་ལམ་སྟོན་ཁ་ཕྱོགས་བསྒྱུར་དགོས་པ་དང་། མི་སེར་ལག་འཁྱེར་ནང་“མི་རིགས”ཞེས་པའི་ཡི་འབྲུ་གཉིས་པོ་དེ་མེད་པར་བཟོས་ནས་། མི་རིགས་ས་ཁུལ་རང་སྐྱོང་གི་ས་ཆ་འཕར་སྣོན་མི་བྱེད་པ་དང་། མི་རིགས་རང་སྐྱོང་གི་གྲོང་ཁྱེར་མི་བསྐྲུན་པ། མི་རིགས་འདྲ་མིན་གྱི་སློབ་མ་རྣམས་མཉམ་བསྲེས་ཀྱི་སློབ་གྲྭར་གཏོང་པ་སོགས་གནད་དོན་འདྲ་མིན་ཐད་དཔྱད་བརྗོད་བྱས་པ་རེད”ཀྲུའུ་ཡི་འགྲེལ་བརྗོད་དེས་རྒྱ་ནག་དབུས་གཞུང་གི་མི་རིགས་སྲིད་བྱུས་ཐད་བཅོས་སྒྱུར་གཏོང་བའི་བསམ་བློ་དེ་མཚོན་ཐུབ་ལ། ཕྱོགས་གཞན་ཞིག་ནས་རྒྱ་ནག་དམར་ཤོག་གི་མི་རིགས་ལས་དོན་གྱི་མ་འོངས་ཁ་ཕྱོགས་དེ་གསལ་ལྷམ་མེར་སྟོན་ཐུབ།

དེ་ལས་མང་བ་། “དེང་གི་མི་རིགས་ས་ཁུལ་གནད་དོན་ཐད་བྱུང་བའི་བསམ་ཚུལ་ཁ་ཤས།” »

བོད་ཀྱི་རྩོམ་པ་པོ་འོད་ཟེར་ལགས་རྒྱ་ནག་གཞུང་གིས་བཟང་བཙོན་དུ་བཅུགས་པའི་བཀོད་ཁྱབ་དང་། འོད་ཟེར་ལགས་སུ་ནེ་ཐར་ལེནདྲ་རྒྱལ་ཁབ་ཀྱི་རྒྱལ་སྲས་ཀོ་ལོསེ་ཞེས་པའི་གཟེངས་རྟགས་འབུལ་བཞེས་ཡང་བཀག་སྡོམ་བྱས་ཡོད་པའི་གནས་ཚུལ་ཐོན་འདུག
རྒྱལ་སྲས་ཀོ་ལོསེ་ཐེབས་རྩ་ཞེས་ནེ་ཐར་ལེནདྲ་རྒྱལ་ཁབ་ནང་རྟེན་གཞི་བྱས་པའི་ཡུལ་དེའི་རྒྱལ་སྲས་ཀྱི་མཚན་ཐོག་ནས་ཆེད་འཛུགས་གནང་པའི་ཐེབས་རྩ་ཁང་གིས་ ༢༠༡༡ལོའི་རྒྱལ་སྲས་ཀོ་ལོསེ་ཞེས་པའི་གཟེངས་རྟགས་དེ་བོད་ཀྱི་རྩོམ་པ་པོ་འོད་ཟེར་ལགས་སུ་ཕུལ་ཡོད་པ་དང་། བྱ་དགའ་དེ་ཡང་འོད་ཟེར་ལགས་ཀྱིས་རྩོམ་བྲིས་ཀྱི་ལམ་ནས་བོད་ཀྱི་རིགས་གཞུང་དང་ད་ལྟའི་བོད་ཀྱི་གནས་སྟངས་ལ་གོ་རྟོགས་ཁྱབས་སྤེལ་ཆེད་ཕུལ་བྱུང་གི་ལེགས་སྐྱེད་མཛད་པར་ངོས་འཛིན་ཞུ་ཆེད་ཕུལ་ཡོད་པ་རེད། ཁ་ས་ཕྱི་ཚེས་༡ཉིན་འོད་ཟེར་ལགས་ཀྱིས་དྲ་ཚིགས་ཐོག་གནས་ཚུལ་བཀོད་སྤེལ་བྱས་པར། རྒྱ་ནག་གི་རྒྱལ་ས་པེ་ཅིང་དུ་རྟེན་གཞི་བྱས་པའི་ནེ་ཐར་ལེནདྲ་གཞུང་ཚབ་ཁང་གིས་འོད་ཟེར་ལགས་ལ་རྒྱལ་སྲས་ཀོ་ལོསེ་བྱ་དགའ་དབུལ་རྒྱུར་ཚེས་༡ཉིན་གྱི་དགོངས་དྲོ་གཞུང་ཚབ་ལས་ཁུངས་ནང་གསོལ་སྟོན་གྱི་མཛད་སྒོ་གནང་རྒྱུའི་མགྲོན་བརྡ་འབྱོར་ཡོད་པ་རེད།

དེ་ལས་མང་བ་། “རྩོམ་པ་པོ་འོད་ཟེར་ལགས་བཟང་བཙོན་དུ་བཅུག་འདུག་ཟེར།” »

ས་གནས་ནས་ཐུབ་བསྟན་རྒྱལ་མཚན་གྱིས།

ཟླ་འདིའི་ཕྱི་ཚེས་༡དང་བོད་ཚེས་༨ཉིན་སྤུར་རུ་ཝ་ལ་ས་སྐྱ་གཞིས་ཆགས་སུ་དཔལ་ས་སྐྱ༸གོང་མ་བདག་ཁྲི་རིན་པོ་ཆེ་མཆོག་གིས་བོད་ཆུ་འབྲུག་གི་གནམ་ལོ་གསར་བཞད་ནང་མི་མང་ལ་ཚེ་དབང་གི་ཆོས་འབྲེལ་ཐོག་མ་དེ་བསྩལ་གནང་སོང། དེ་ཡང་མགོན་པོ་གང་གིས་ཐོག་མ་མི་མང་ལ་འཚམས་འདྲི་དང་སྦྲག་བཀའ་བསྩལ་དོན། བོད་ཆུ་འབྲུག་གནམ་ལོ་གསར་བཞད་ཀྱི་ལོ་གསར་འདིའི་ནང་མི་འདོད་པའི་འགལ་རྐྱེན་དང་མཐུན་རྐྱེན་ལེགས་ཚོགས་མཐའ་དག་བགེགས་མེད་ཡིད་བཞིན་དུ་འགྲུབ་པའི་ཐུགས་སྨོན་ཞུ་རྒྱུ་ཡིན་ཞིག་གསུང་བྱུང་། མུ་མཐུད་ནས་བཀའ་ཕེབས་དོན།

དེ་ལས་མང་བ་། “མི་མང་ལ་ཚེ་དབང་གི་ཆོས་འབྲེལ་ཐོག་མ་དེ་བསྩལ་གནང་སོང།” »

རྨ་མགུར་སངས་རྒྱམ་གྱིས།

གནས་ཚུལ་མདོར་བསྡུས་སུ། སྤྱི་ཟླ་༢་པའི་ཚེས་༡༠་ཡས་མས་སུ་འབྲུག་ཡུལ་དུ་བོད་རིགས་ལྔ་འབྲུག་ཡུལ་གྱི་ཉེན་རྟོག་དམག་མིས་སྔ་རྗེས་སུ་འཛིན་བཟུང་བྱས་ཏེ་རྒྱ་གར་གྱི་ས་གནས་ཇལ་པའི་གུ་རི་རྫོང་ཁག་གི་(Distt. Jalpaiguri)་ཉེན་རྟོག་པར་རྩིས་སྤྲོད་བྱས་པ་དང་། ད་ལྟ་ཁོ་ཚོ་འབྲུག་ཡུལ་དང་རྒྱ་གར་གྱི་ས་མཚམས་ཇའི་གོན་(Jaigaon)་ས་གནས་ཀྱི་བཙོན་ཁང་ཞིག་ལ་བཅུག་ཡོད། ཁོ་ཚོ་ལས་ཁ་ཤས་ནི་འབྲུག་ཡུལ་དུ་གནས་སྐོར་དུ་ཕེབས་པ་དང་ཁ་ཤས་ནི་འབྲུག་ཡུལ་བརྒྱུད་ནས་བོད་ལ་ལོག་པའི་སྐབས་སུ་བོད་དང་འབྲུག་གི་ས་མཚམས་སུ་འབྲུག་ཡུལ་གྱི་ཉེན་རྟོག་དམག་མིས་འཛིན་བཟུང་བྱས་པ་ཞིག་ཡིན་འདུག་། ཁོ་ཚོ་འཛིན་བཟུང་བྱེད་དགོས་པའི་རྒྱུ་མཚན་ནི། ཁོ་ཚོ་ལ་འབྲུག་ཡུལ་དུ་གནས་སྐོར་དང་འགྲུལ་སྐྱོད་བྱེད་པའི་ཁྲིམས་མཐུན་ཀྱི་ལག་ཁྱེར་སོགས་སྟོན་རྒྱུ་མེད་པར་མ་ཟད། རྒྱ་གར་དུ་སྡོད་པའི་སྐྱབས་བཅོལ་གྱི་ཡིག་ཆ་སོགས་ཀྱང་གང་ཡང་སྟོན་རྒྱུ་མེད་པའི་རྐྱེན་གྱིས་བཙོན་ཁང་དུ་བཅུག་པ་རེད་ཟེར། ཁོ་ཚོའི་ཕ་ཡུལ་ནི་བོད་ཀྱི་མདོ་སྨད་ནས་ཡིན་ཞིང་། རྒྱ་གར་གྱི་ས་གནས་ལྡི་ལི་དང་རྡ་རམ་ས་ལ་སོགས་སུ་ལོ་ཁ་ཤས་བསྡད་མྱོང་ཡོད་འདུག

དེ་ལས་མང་བ་། “འབྲུག་ཡུལ་དུ་བོད་རིགས་འཛིན་བཟུང་།” »

གནས་ཚུལ་བསྡུ་རུབ་པ་ཚངས་དབྱངས་རྒྱ་མཚོ།
ཉེ་ཆར་ཕྱི་ཟླ་ ༢ ཚེས་ ༡༩ ཉིན་མདོ་སྨད་འཛམ་ཐང་ནས་རྒྱལ་གཅེས་དཔའ་བོ་སྣང་གྲོལ་ལགས་ཀྱིས་རང་ལུས་མེར་སྲེག་བཏང་སྐབས་ཁོང་གིས་ “བོད་ཆོལ་ཁ་གསུམ་ན་ཡོད་པའི་བོད་རིགས་སྤུན་ཟླ་ཡོངས་ངེས་པར་དུ་གཅིག་སྒྲིལ་བྱེད་རོགས། གལ་སྲིད་བོད་སྤྱི་བའི་དོན་དག་ཞིག་སྒྲུབ་མ་ཐུབ་རུང་། བོད་ལ་གནོད་པའི་ལས་དོན་མ་སྤེལ་རོགས། ནང་རྐུན་དང་། ནང་འཛིང་མ་བྱེད་རོགས། བོད་ཀྱི་སྐད་ཡིག་དང་། བོད་ཆས་སོགས་བོད་ཀྱི་རིགས་གཞུང་ལ་ངེས་པར་དུ་བདག་པོ་གནང་རོགས།”(ཞལ་ཆེམས་འདི་ཁོང་གི་ཚིག་འགྲོས་ནང་བཞིན་མིན་ཀྱང་དོན་དག་དེ་འདྲ་རེད་ཞེས་བོད་ནས་མཁོ་སྤྲོད་པས་གསུང་བ་གཞིར་བཞག་ནས་བྲིས།) ཞེས་སོགས་ཀྱི་ཞལ་ཆེན་ཞིག་བཞག་ཡོད་པ་དེ་དེང་སྐབས་ས་གནས་མང་ཚོགས་ཀྱིས་ལག་ལེན་བསྟར་རྒྱུའི་དམ་བཅའ་བཞག་བཞིན་ཡོད་པའི་གནས་ཚུལ་ཐོན་འདུག

དེ་ལས་མང་བ་། “འདས་པོ་སྣང་གྲོལ་ལགས་ཀྱི་ཞལ་ཆེམས་ལག་ལེན་ལ་བསྟར་རྒྱུའི་དམ་བཅའ་འཇོག་བཞིན་ཡོད་འདུག” »