དེ་ལས་མང་བ་། “མ་ཎི་དུང་ཕྱུར་གསོག་སྒྲུབ།” »

ནམ་མཁའ་ནས།

ལོ་ངོ་སུམ་བཅུ་ལྷག་གི་ཡར་སྔོན་གྱི་༡༩༧༩ལོར་བོད་རིགས་སུམ་བཅུ་སོ་ལྔ་འདུ་འཛོམས་ཀྱིས་བོད་རིགས་ཚོགས་པ་བཙུགས་པ་ནས་བཟུང་།དེ་རིང་བར་དུ་གསུམ་བཅུ་དུས་ཐེངས་སུམ་བཅུ་སོ་གསུམ་བརྩི་སྲུང་བྱས།ཁོང་རྒན་པ་ཚོས་གསུངས་གསལ་ལ་སྔོན་མ་དེ་རིང་བཞིན་བོད་པ་མང་པོ་མེད་ན་ཡང་།ཧྥ་རན་སིའི་མི་སུམ་བརྒྱ་ལྷགས་སྐད་འབོད་དུ་ཕེབས་ཀྱི་ཡོད་པ་རེད་གསུངས་སོང་།

དེ་ལས་མང་བ་། “ཧྥ་རན་སིའི་གསུམ་བཅུ་དུས་དྲན་།” »

གཅན་ཡེ་རྒྱམ།
ཨ་རིའི་ཝེ་སི་ཀོན་སིན་ནང་བཞུགས་བོད་རིགས་རྣམས་ཀྱིས་གསུམ་བཅུ་དུས་དྲན་སྲུང་བརྩི་བྱས། །

དེ་ལས་མང་བ་། “གསུམ་བཅུ་དུས་དྲན།” »

ཨ་མདོ་རེབ་གོང་མི་རིགས་སློབ་འབྲིང་གི་སློབ་མ་ཚོར་བོད་ཡིག་སློབ་དེབ་ཀྱི་ཚབ་ཏུ། རྒྱ་ཡིག་སློབ་དེབ་བགོ་འགྲེམ་བྱས་པའི་རྗེས། སློབ་མ་ཚོས་སྐད་ཡིག་གི་རང་དབང་སྤྲོད་དགོས་པའི་ངོ་རྒོལ་བྱས་འདུག དེ་ཡང་བོད་ནས་གནས་ཚུལ་འབྱོར་གསལ་ལྟར་བྱས་ན། ཨ་མདོ་རེབ་གོང་མི་རིགས་སློབ་འབྲིང་གི་སློབ་མ་རྣམས་འདི་ལོའི་དགུན་དུས་ཀྱི་གུང་གསེང་རྫོགས་ཏེ་ཕྱིར་སློབ་གྲར་བསྐྱོད་པའི་སྐབས། སློབ་གྲྭ་དེར་འཛིན་རིམ་དང་པོ་དང་། གཉིས་པའི་དབར་གྱི་འཛིན་གྲྭ་བཅུ་གྲངས་ཤིག་ཡོད་པ་རྣམས་ཀྱི་སློབ་མ་ཚོར་དེ་སྔ་དང་མི་འདྲ་བར་འདི་ལོ་ཆབ་སྲིད་དང་ལོ་རྒྱུས། ཨང་རྩིས། ས་ཁམས་རིག་པ། དངོས་ཁམས་རིག་པ། རྫས་འགྱུར་རིག་པ་བཅས་ཀྱི་སློབ་དེབ་ཡོངས་རྫོགས་ རྒྱ་ཡིག་ཐོག་མཁོ་སྤྲོད་བྱས་པའི་རྗེས། འཛིན་གྲྭ་དེ་དག་གི་སློབ་མ་ཡོངས་ཀྱིས་སློབ་གྲྭའི་སྒོ་རའི་ནང་འཛོམས་ཏེ། རྒྱ་ཡིག་ཐོག་ཡོད་པའི་སློབ་དེབ་རྣམས་དབྲལ་ཏེ། སློབ་མཚན་དེ་དག་སྔར་བཞིན་བོད་ཡིག་ཐོག་སློབ་འཁྲིད་བྱེད་དགོས་པ་དང༌།

དེ་ལས་མང་བ་། “རེབ་གོང་དུ་བོད་ཡིག་སློབ་དེབ་བརྗེ་བསྒྱུར་ལ་ངོ་རྒོལ་གནང་འདུག” »

རྐྱང་ཕྲུག་ནས།

སྤྱི་ཟླ་༣་ཚེས་༡༠ཉིན་གྱི་སྔ་དྲོ་བལ་ཡུལ་ནང་གནས་སྡོད་བོད་མི་ཁག་ཅིག་འདུ་འཛོམས་ཀྱིས་སུམ་ཅུའི་དུས་དྲན་ཐེངས་༥༣པ་དེ་སྲུང་རྩི་བྱས་སོང་། སྐབས་དེར་བལ་ཡུལ་བོད་མིའི་དངས་བླངས་སྤྱི་ཁྱབ་འབྲེལ་མཐུད་པ་འཕྲིས་ལས་བླ་མ་ཡང་ཕེབས་འདུག ཚོགས་ཐོག་དེར་བཀའ་ཁྲི་བློ་བཟང་སེངྒེའི་གསུང་འཕྲིན་མང་ཚོགས་ལ་སྒྲོག་སྦྱང་གནང་བ་དང་། སུམ་ཅུའི་དྲན་གླུ་དང་མི་མང་ལངས་གླུ། བོད་ཀྱི་རྒྱལ་གླུ་དང་བལ་ཡུལ་གྱི་རྒྱལ་གླུ། ཚད་མེད་ཡོན་ཏན་བཅས་རྔ་རོལ་དང་དབྱངས་རྟའི་ལམ་ནས་སྐྱོར་སོང་། དེ་རྗེས་བསང་གསོལ་བཅས་བྱས་ཏེ། མཛད་སྒོ་མཇུག་སྒྲིལ་ཡོད་ནའང་། སྐབས་དེར་མཆོད་རྟེན་བྱ་རུང་ཁ་ཤོར་གྱི་སྐོར་ལམ་གཡས་གཡོན་གང་སར་བལ་ཡུལ་གྱི་དྲག་ཆས་སྤྲས་པའི་ཉེན་རྟོག་པ་གང་མང་ཞིག་འགྲེམ་འཇོག་བྱས་འདུག

དེ་ལས་མང་བ་། “དེ་རིང་བལ་ཡུལ་ནང་གི་ལས་འགུལ་དང་བོད་མི་འཛིན་བཟུང་།” »

གསར་འགྱུར་ཁོ་གཏོང་བ་སྦེལ་ལྗམ་བོད་རིགས་ཚོགས་པ་རྒྱུན་ལས་བྱམས་པ་ནས།

དེ་རིང་ཕྱི་ཟླ་༣པའི་ཚེས་༡༠ བོད་རང་དབང་སྒེར་ལང་བྱས་ནས་མི་ལོ་ལྔ་བཅུ་ང་གསུམ་འཁོར་པའི་དུས་དྲན་སྲུང་བརྩིའི་ཆེད། འདི་ག་སྦེལ་ལྗམ་བོད་རིགས་ཚོགས་པ་དང་། ས་གནས་བོད་ཀྱི་གཞོན་ནུ་ཚོགས་པ། ས་གནས་ཆུ་བཞི་སྒང་དྲུག ཡུ་རོབ་བོད་རྒྱ་མཛའ་འབྲེལ་ཚོགས་པ། རྒྱལ་སྤྱིའི་བོད་དོན་རྒྱབ་སྐྱོར་ཚོགས་པ། སྦེལ་ལྗམ་བོད་དོན་རྒྱབ་སྐྱོར་ཚོགས་པ་ཁག་གཉིས་བཅས་ནས་མཉམ་རུབ་ཐོག་གོ་སྒྲིག་ཞུས་དེ། ཡུ་རོབ་ཀྱི་རྒྱལ་ས་བྷུརུ་སེལས་ནང་ངོ་རྒོལ་སྐད་འབོད་གཞི་རྒྱ་ཆེ་པ་ཞིག་གོ་སྒྲིག་ཞུས་པ་ཤིང། སྐབས་དེར་ས་ཁུལ་འདིར་གནས་སྡོད་བོད་རིགས་མི་མང་དང་། ཕྱི་རྒྱལ་བོད་དོན་རྒྱབ་སྐྱོར་པ་བཅས་ཁྱོན་བསྡོམས་མི་གྲངས་བརྒྱད་བརྒྱ་ལྷག་ཅིག་འདུ་འཛོམས་བྱུང་པ་མ་ཟད། ཉིན་འདིར་ཕྱི་སྡོད་རྒྱ་རིགས་ཀྱི་ཚོགས་ཁག་གི་སྐུ་ཚབ་མི་གྲངས་བཅུ་གཉིས་ཉམས་ཞུགས་གནང་བྱུང་པའི་གནས་ཚུལ་དུ།

དེ་ལས་མང་བ་། “སྦེལ་ལྗམ་དུ་གསུམ་བཅུའི་དུས་དྲན་སྲུང་བརྩི།” »

དེ་ལས་མང་བ་། “ཨ་མདོ་རེབ་གོང་ནས་གསུམ་བཅུ་དུས་དྲན་༥༣པ་སྲུང་བརྩི་ཞུས་འདུག” »

དེ་རིང་བོད་མིའི་སྒེར་ལངས་དུས་དྲན་ཉིན། རྒྱལ་གཅེས་དཔའ་བོ་མིག་དམར་ལགས་ཀྱིས་རང་གི་མིག་གཉིས་རས་ནག་གིས་སྒྲིབ་སྟེ། རྒྱལ་གར་རྒྱལ་ཡོངས་ནང་གོམ་བགྲོད་ཀྱི་ལས་འགུལ་ཅིག་བརྩམས་སོང་། དེ་རིང་བོད་མིའི་སྒེར་ལངས་གསུམ་བཅུའི་དུས་དྲན་ཉིན་གྱི་གཞུང་འབྲེལ་མཛད་སྒོ་གྲུབ་པའི་རྗེས། ཉེ་ཆར་བོད་དོན་འཐབ་རྩོད་ཆེ་རྒྱ་གར་རྒྱལ་ས་ལྡི་ལིར་རང་ལུས་མེར་བསྲེགས་གཏོང་མྱོང་མཁན་གྱི་རྒྱལ་གཅེས་དཔའ་བོ་མིག་དམར་ལགས་ཀྱིས། མཉམ་འབྲེལ་རྒྱལ་ཚོགས་གཙོས་པའི་འཛམ་གླིང་རྒྱལ་ཁབ་ཡོངས་ལ་བོད་ནང་གི་ཛ་དྲག་གནས་སྟངས་ཐད་དོ་སྣང་དང་རྒྱབ་སྐྱོར་ཡོང་བར་འབོད་སྐུལ་ཆེད། རང་ཉིད་ཀྱི་མིག་གཉིས་རས་ནག་པོ་ཞིག་གིས་སྒྲིབ་སྟེ། རྒྱ་གར་རྒྱལ་ཡོངས་ནང་གོམ་བགྲོད་ཀྱི་ལས་འགུལ་ཞིག་བཞུགས་སྒར་དྷ་ནས་དབུ་འཛུགས་གནང་སོང་།

དེ་ལས་མང་བ་། “མིག་སྒྲིབ་རྒྱལ་དཀྲོགས་གོམ་བགྲོད།” »

དེ་རིང་གསུམ་བཅུའི་དུས་དྲན་དང་སྟབས་བསྟུན་ཏེ། རྩོམ་པ་པོ་ཚེ་བརྟན་རྡོ་རྗེ་མ་བུ་གསུམ་གྱི་བོད་སྐྱོད་ཞི་བའི་གོམ་བགྲོད་དེ། ངྷ་ས་གཙུག་ལག་ཁང་དུ་མང་ཚོགས་ཀྱིས་མིག་ཆུའི་ཕེབས་སྐྱེལ་ཁྲོད་མགོ་འཛུགས་གནང་སོང་།

དེ་རིང་ཕྱི་ཟླ་༣ཚེས་༡༠ཉིན་ནི་བོད་ས་ཤོར་ཏེ་ཁྱོན་མི་ལོ་ ༥༣ འཁོར་བའི་དུས་དྲན་གྱི་ཉིན་མོ་ཡིན་པ་དང་། ཉིན་མོ་འདིར་འཛམ་གླིང་གང་སར་གནས་སྡོད་བོད་མི་ཚོས་རྣམ་པ་འདྲ་མིན་ཐོག་དུས་གསུམ་བཅུའི་དྲན་སྲུང་གཙི་བྱེད་བཞིན་ཡོད་པ་ལྟར། ད་ནངས་ངྷ་ས་གཙུག་ལག་ཁང་དུ་༸གོང་ས་མཆོག་དབུ་བཞུགས་ཐོག་དབུས་བོད་མིའི་སྒྲིག་འཛུགས་ཀྱི་གཞུང་འབྲེལ་དུས་དྲན་མཛད་རིམ་ཁག་ལེགས་པར་གྲུབ་རྗེས། ཆུ་ཚོད་ ༡༡ དང་ཕྱེད་ཀའི་སྟེང་གཞུང་འབྲེལ་མིན་པའི་ཚོགས་པ་ལྔ་ཡི་སྣེ་ཁྲིད་འོག ངྷ་སའི་སེར་སྐྱ་མང་ཚོགས་སྟོང་ཕྲག་མང་པོས་བོད་ནང་རང་ལུས་མེར་བསྲེགས་ཁྲོད་འདས་གྲོངས་སུ་ཕྱིན་པའི་བོད་མི་ཚོའི་པུར་སྒམ་འཁུར་ཏེ་འབོད་ཚིག་སྣ་ཚོགས་སྒྲོག་བཞིན། ངྷ་ས་ཐེག་ཆེན་ཆོས་གླིང་གཙུག་ལག་ཁང་ནས་ངྷ་ཤོད་ཀཱ་ཅཱ་རིའི་ས་གནས་ཁྲིམས་ཁང་བར་ཞི་བའི་གོམ་བགྲོད་གནང་སོང་།

དེ་ལས་མང་བ་། “ཚེ་བརྟན་རྡོ་རྗེ་མ་བུ་གསུམ་གྱིས་གོམ་བགྲོད་མགོ་འཛུགས་གནང་སོང་།” »

ཨ་རིའི་ཝི་སི་ཀོན་སིན་མངའ་སྡེའི་བློན་ཆེན་གྱིས་བོད་རང་དབང་སྒེར་ལངས་ཀྱི་ཉིན་མོ་དེ་ཕྱི་ཟླ་གསུམ་པའི་ཚེས་བཅུ་འདི་བཞིན་བོད་ཀྱི་ཉིན་མོར་ཡོངས་ཁྱབ་གསལ་བསྒྲགས་གནང་འདུག་པ་མ་ཟད། ཝི་སི་ཀོན་སིན་མངའ་སྡེའི་རྒྱལ་ས་ཆགས་ཡུལ་མལ་ཌི་སིན་གྲོང་ཁྱེར་དུ་ཡོད་པའི་ཌེན་རྫོང་གི་འགན་འཛིན་ལྷན་ཚོགས་(Dane County Board of Supervisor)  ཀྱིས་ཌེན་རྫོང་ཁང་ཆེན་ (Dane County Building) གྱི་མདུན་དུ་ཕྱི་ཟླ་ ༣ ཚེས་ ༡༠ ཉིན་བོད་ཀྱི་རྒྱལ་དར་སྒྲེང་འཛུགས་བྱ་རྒྱུར་མོས་མཐུན་ཆོག་མཆན་སྤྲད་ཡོད་་པ་རེད།

མངའ་སྡེ་བློན་ཆེན་གྱི་མཚན་འཁོད་ཡོངས་ཁྱབ་གསལ་བསྒྲགས་ཡི་གེ

དེ་ལས་མང་བ་། “ཨ་རིའི་ཝི་སི་ཀོན་སིན་མངའ་སྡེར་གསུམ་པའི་ཚེས་བཅུ་བོད་ཀྱི་ཉིན་མོར་གཏན་འབེབས་བྱས་པ།” »

དཀའ་སྡུག་དང་གཉའ་གནོན་འོག བོད་མིས་རང་ལུས་མེར་བསྲེག་མི་གཏོང་བའི་འབོད་སྐུལ།
སྐད་ཡིག་གསུམ་གྱི་ནང་ཡོད་པའི་འདིའི་མ་ཡིག་ལ་གཟིགས་ན་འདིར་ནོན།

༼ ༢༠༡༢ ལོའི་ཟླ ༣ ཚེས ༧ ཉིན། ༽

བོད་མིས་རང་ལུས་མེར་བསྲེགས་བཏང་བའི་གནས་ཚུལ་གཅིག་རྗེས་གཉིས་མཐུད་ཀྱིས་ཐོན་ཡོང་། ད་བར་དུ་སྐྱ་སེར་ཕོ་མོ་ཉེར་དྲུག་ལ་སླེབས་ཤིང་། ཐེངས་རེ་རེར་བཟོད་གླགས་མེད་པའི་མེ་ལྕེའི་ཚ་བསྲེག་ཁྲོད་བཞུད་སོང་།

ཐེངས་བཅུ་དྲུག་པར་རང་ལུས་མེར་བསྲེག་གནང་མཁན་ནི་ཨ་མདོ་མགོ་ལོག་ས་ཆའི་བླ་མ་བསོད་བྷ་ཚང་ཡིན་ལ། ཁོང་གི་ཁ་ཆེམས་ནང་དུའང་འདི་ལྟར་བཀོད་ཡོད་དེ། ༼སྔོན་ཆད་བདག་ཅག་གི་སྟོན་པས་རང་གི་སྐུ་ལུས་སྟག་མོར་སྦྱིན་པ་བཏང་བའི་ལོ་རྒྱུས་“སྟག་མོ་ལུས་སྦྱིན་”ནང་བཞིན། རང་ལུས་མེར་བསྲེག་བཏང་བའི་རང་རིགས་སྤུན་ཟླ་དེ་ཚོ་ཡང་ང་དང་འདྲ་བར་བདེན་དོན་དང་རང་དབང་གི་ཆེད་དུ་རང་སྲོག་སྙིང་སྟོབས་ལ་བརྗེ་བ་ཤ་སྟག་ཡིན།༽

འདི་ནི་སྲིད་ན་དཀོན་པའི་སྦྱིན་པའི་བསྔོ་བ་ཞིག་ཡིན། འདིས་འབྱུང་འགྱུར་བོད་མི་རིགས་ཀྱི་སྤྱི་ཚོགས་ཧྲིལ་བོར་སྲུབ་ཐབས་མེད་པའི་ཤུགས་རྐྱེན་ཐེབས་ངེས་ལ། ང་ཚོས་དུས་དང་རྣམ་པ་ཀུན་ཏུ་བརྗེད་མི་སྲིད་པའི་བྱ་གཞག་ཞིག་ཀྱང་ཡིན།

རང་ལུས་མེར་སྲེག་བཏང་བ་དེས་བོད་མིའི་མངོན་འདོད་མཚོན་ཡོད་ལ། མེར་བསྲེགས་བཏང་བའི་མི་ཉེར་དྲུག་དེས་དྲག་གནོན་དང་མནར་གཅོད་འོག་གི་སྡུག་ཡུས་ཆ་ཚང་བརྗོད་ཡོད། འོན་ཀྱང་མངོན་འདོད་ཙམ་བརྗོད་པས་དམིགས་ཡུལ་དང་འདོད་འདུན་འགྲུབ་པ་ཞིག་མིན་པས། མངོན་འདོད་དེ་ཉིད་དོན་དངོས་དང་དངོས་ཡོད་འཚོ་བར་བསྒྱུར་རྒྱུ་དེའོ།

དེ་ལས་མང་བ་། “བོད་མིས་རང་ལུས་མེར་བསྲེག་མི་གཏོང་བའི་འབོད་སྐུལ།” »

གཟའ་ཕུར་བུ་ཉིན་༸གོང་ས་མཆོག་གིས་བཞུགས་སྒར་དུ་འཚོགས་བཞིན་པའི་སྨོན་ལམ་ཚོགས་ཆེན་སྟེང་། ཇོ་ནང་བསྟན་པའི་མངའ་བདག་ཁལ་ཁ་རྗེ་བཙུན་དམ་པ་མཆོག་གི་ཡང་སྲིད་སོག་ཡུལ་དུ་ཕེབས་རྒྱུ་ཡིན་པ་མ་ཟད། ཁོང་གི་ཡང་སྲིད་ཀྱིས་འབྲས་སྤུངས་སྒོ་མང་དུ་སློབ་གཉེར་གནང་དགོས་སྐོར་གསུངས་ཡོད། ཟླ་འདིའི་ཕྱི་ཚེས་ ༡ ཉིན་ཇོ་ནང་བསྟན་པའི་མངའ་བདག་ཁལ་ཁ་རྗེ་བཙུན་དམ་པ་མཆོག

དེ་ལས་མང་བ་། “ཁལ་ཁ་རྗེ་བཙུན་དམ་པའི་ཡང་སྲིད་སོག་ཡུལ་དུ་འཁྲུངས་རྒྱུ་རེད།” »

གནས་ཚུལ་འཁོ་སྤྲོད་པ་ཚངས་དབྱངས་རྒྱ་མཚོ། ༩༨༨༢༦༠༣༩༩༡ / ༨༦༧༩༠༤༤༤༠༥

ཕྱི་ལོ་ ༢༠༡༢ ཟླ་ ༣ ཚེས་ ༦ ཉིན་མགོ་ལོག་པདྨ་མ་རྫོང་གྱི་མཁར་ཡུལ་ཚོར་བོད་མི་ཞིག་རྒྱ་དམག་གིས་དམར་གསོད་བཏང་འདུག དེ་ཡང་གནས་ཚུལ་ཡོངས་ཁུངས་ནས་རྗོད་པ་ལྟར་ན་ཕྱི་ཟླ་ ༡ ཚེས་ ༢༥ ཉིན་མགོ་ལོག་པདྨ་རྫོང་སྟག་མཁར་ཡུལ་ཚོའི་མཁར་ནང་ཚོ་བ་དང་། རྟོག་རྟོག་ཚོ་བ། གྱི་མཁར་ཡུལ་ཚོའི་གྱི་ལུང་ཚོ་བ་བཅས་ཀྱིས་སྟར་མཁར་ཡུལ་ཚོའི་སྟེང་དུ་རྒྱ་གཞུང་ལ་ཞི་རྒོལ་བྱས་ཏེ་རྒྱ་གཞུང་གི་རྒྱལ་དར་མར་ཕབ་པ་སོགས་བྱས་པར་རྟེན་མི་མང་པོ་ཞིག་ཉིན་དེ་ནས་བཟུང་རིའི་སྒང་ལ་བྲོས་བྱོལ་བྱེད་དགོས་ཁེལ་ཡོད་པ་དང་། ཉིན་དེ་ནས་བཟུང་ས་གནས་ཡོངས་ལ་དམག་མི་ཕོན་ཆེན་འགྲེམ་འཇོག་བྱས་ཡོད་འདུག

དེ་ལས་མང་བ་། “མགོ་ལོག་པདྨར་རྒྱ་གཞུང་གིས་བོད་མི་དམར་གསོད་བཏང་འདུག” »