ཟླ་འདིའི་ཕྱི་ཚེས་ ༡༦ ཉིན་མདོ་སྨད་རྔ་པ་ཀིརྟི་དགོན་པའི་རྒྱུད་པ་གྲྭ་ཚང་གི་རང་ལོ་ ༢༠ ཡིན་པའི་གྲྭ་བློ་བཟང་ཚུལ་ཁྲིམས་ལགས་ཀྱིས་རང་ལུས་མེར་བསྲེགས་བཏང་སྟེ་རྒྱ་གཞུང་ལ་ངོ་རྒོལ་གནང་ཡོད་ཅིང་། དེ་མ་ཐག་རྒྱ་གཞུང་གི་ཉེན་རྟོག་པས་བཙན་ཁྲིད་བྱས་ཡོད་ཀྱང་ཁ་སང་རྔ་པ་ཁུལ་འབར་ཁམས་ནས་སྐུ་གྲོངས་ཡོད་འདུག་ལ། ཉིན་དེ་རང་རྒྱ་གཞུང་གིས་ཁོང་གི་ཕུང་པོ་འབར་ཁམས་ནས་མེར་བསྲེགས་བཏང་སྟེ། རུས་ཐལ་ཞིག་ནང་མིར་སྤྲད་དེ་ཚེས་ ༡༩ ཉིན་གྱི་མཚན་མོ་རྔ་པ་ཀིརྟི་དགོན་པའི་ཉེ་འགྲམ་གྱི་དུར་སའི་ནང་བསྐྱལ་དགོས་བྱུང་ཡོད་འདུག
བོད་གཞིས་བྱེས་གཉིས་ནས་མ་ཎི་དུང་ཕྱུར་གཉིས་ལྷག་བསགས་འདུག
ཟླ་འདིའི་ཚེས ༡༢ ནས་ཚོགས་སྐྱིད་མཉམ་སྦྲེལ་མཐུན་ཚོགས་ནས་རྡ་ས་ཐེག་ཆེན་ཆོས་གླིང་གཙུག་ལག་ཁང་དུ་༧གོང་ས་མཆོག་བོད་དུ་གདན་འདྲེན་ཞུ་རྒྱུ་དང་བོད་རང་དབང་གི་ཆེད་དུ་སྐུ་ལུས་མེར་བསྲེགས་བཏང་བའི་དཔའ་བོ་དཔའ་མོ་རྣམས་གཙོས། བོད་མི་རིགས་ཀྱི་ཆེད་དུ་སྡུག་སྦྱོང་མནར་གཅོད་མྱངས་དང་མྱོང་བཞིན་པ་རྣམས་ཀྱི་ཆེད་དུ་གམ་བཅར་རྣམ་རྒྱལ་གྲྭ་ཚང་དབུ་བཞུགས་ཐོག་རྡ་སའི་སེར་སྐྱ་མི་མང་ཡོངས་ནས་མ་ཎི་དུང་ཕྱུར་གསོག་སྒྲུབ་མཛད་པ་བཞིན། ཕྱི་ཚེས ༡༩ ཉིན་མ་ཎི་དུང་ཕྱུར་གཅིག་ལྷག་གྲུབ་ཟིན་པ་དང་། བོད་ནང་ནས་ཀྱང་གནས་ཚུལ་འདི་གསན་ཐོས་བྱུང་འཕྲལ་ཕྱི་ཚེས ༡༩ ཉིན་མ་ཎི་དུང་ཕྱུར་གཅིག་ལྷག་འབུལ་ལམ་ཞུས་འདུག་པས། ད་ཐེངས་ཛ་དྲག་གནས་སྟངས་སྐབས་བོད་གཞིས་བྱེས་གཉིས་ཀྱིས་མཉམ་རུབ་ཐོག་མ་ཎི་དུང་ཕྱུར་གཉིས་ལྷག་བསགས་པ་འདི་ལོ་རྒྱུས་ནང་ཕལ་ཆེར་ཐེངས་དང་པོ་ཆགས་འདུག མ་ཎི་དུང་སྒྲུབ་སྐབས་ཀྱི་ཉིན་བརྒྱད་རིང་ཞོགས་པ་ཉིན་གུང་གི་གསོལ་ཚུགས་དང་གསོལ་ཇ་བཞེས་བག་སྐུ་འགྱེད་སོགས་ལ་ཁྱོན་བསྡོམས་ཧིན་སྒོར་འབུམ་དྲུག་དང་ཁྲི་གསུམ་ ༦༣༠༠༠༠ སོང་འདུག་པ་དང་། དད་ལྡན་མི་མང་གིས་དྭང་བླངས་ཞལ་འདེབས་གནང་བ་ཧིན་སྒོར་འབུམ་ལྔ་དང་ཁྲི་གསུམ་བརྒྱད་སྟོང་…
དེ་ལས་མང་བ་། “བོད་གཞིས་བྱེས་གཉིས་ནས་མ་ཎི་དུང་ཕྱུར་གཉིས་ལྷག་བསགས་འདུག” »
ཕྱི་ལོ་ ༢༠༡༢ ཟླ་ ༣་ཚེས་ ༡༧ ཉིན་གྱི་བོད་ནང་གི་ཞོགས་པའི་དུས་ཚོད་ ༩ དང་སྐར་མ་ ༤༠ ཡས་མས་ཙམ་ལ། རེབ་གོང་རྫོང་གཉན་ཐོག་ཞང། ཤ་བྲང་སྡེ་བའི་བོན་རྒྱ་ཚོ་བ་ནས་ཡིན་པ་བསོད་ནམས་དར་རྒྱས(གཅེས་མིང་ལ་བསོད་ལོ)༼རང་ལོ་ ༤༤། ཕ་མིང་ལ་ཤ་མོ(ཚེ་འདས)། མ་མིང་ལ་ལྕགས་མོ་རྒྱལ་ལོ་ན་བདུན་ཅུ་དོན་བརྒྱད་རེད་འདུག སྐྱེས་དམན་གྱི་མིང་ལ་སྒྲོལ་དཀར་སྐྱིད། ཁོང་གཉིས་ལ་བུ་གཉིས་དང་བུ་མོ་གཅིག་ཡོད་འདུག༽ ཞུ་བ་ཞིག་གིས་རེབ་གོང་རོང་པོ་རྒྱལ་ཐང་ཞེས་པ་ནས་རོང་པོ་དགོན་ཆེན་ཕྱོགས་སུ་འགྲོ་ལམ་འཁེལ་ཡུལ་གངས་རིའི་མགྲོན་ཁང་དང་ཐོན་མིའི་རིག་གནས་དཔེ་ཁང་གི་ཉེ་འགྲམ་ལམ་གཞུང་ནས་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་ལས་འགུལ་སྤེལ་འདུག་པ་དང་། ཁོང་ནི་ནམ་རྒྱུན་བོད་དོན་ཐད་དོ་སྣང་དང་སེམས་ཤུགས་ཆེ་ཞིང་། ནམ་རྒྱུན་རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་རྒྱུ་ལས་གལ་ཆེ་བ་གཞན་མེད་པར་ཤོད་མཁན་ཞིག་དང་། རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་ཐུབ་པ་ཡིན་ན། བོད་ཀྱི་གནད་དོན་ཚང་མ་འགྲིག་འགྲོ་གི་རེད་ཅེས་ཤུགས་ཆེར་གླེང་མཁན་ཞིག ད་དུང་སྡེ་བ་ཕན་ཚུན་བར་གྱི་ནང་འཁྲུག་རིགས་ལ་ནམ་ཡང་ངོ་རྒོལ་བྱེད་མཁན་ཞིག་ཡིན་འདུག
ཕྱི་ལོ་ ༢༠༡༢ ཟླ་ ༣ ཚེས་ ༡༦ ཉིན་བོད་ནང་གི་དགོང་མོའི་དུས་ཚོད་ ༥ ཙམ་ལ་མདོ་སྨད་རྔ་པ་ཀིརྟི་དགོན་པའི་རྒྱུད་པ་གྲྭ་ཚང་གི་གྲྭ་བློ་བཟང་ཚུལ་ཁྲིམས། རང་ལོ་ ༢༠ ། ཕ་མིང་ལ་ཡེ་ཤེས། མ་མིང་ལ་ཚེ་སྒྲོན་ཡིན་པ་ཁོང་གིས་རྔ་པ་རྫོང་མཁར་གྱི་སྟོད་ཕྱོགས་ཀྱི་གཞུང་ལམ་ནས་ངོ་རྒོལ་སྐད་འབོད་བྱེད་བཞིན་རང་ལུས་མེར་སྲེག་བཏང་འདུག་པ་དང་། ཁོང་གིས་རང་ལུས་མེར་སྲེག་གཏོང་ས་ནས་ཡར་གོམ་བགྲོད་བྱེད་བཞིན་པའི་སྐབས་དེར་ཁོང་གི་མདུན་ཕྱོགས་ནས་དྲག་ཆས་ཉེན་རྟོག་པ་སོགས་རྒྱུགས་ཡོང་སྐབས་ཁོང་མར་འཁོར་ནས་སྐད་འབོད་བྱེད་བཞིན་རྒྱུགས་ཡོད་འདུག་ཀྱང་། སྐབས་དེར་དེའི་ཕྱོགས་ཀྱི་ཉེན་རྟོག་པ་ཞིག་གིས་གཞུས་ནས་ཐང་ལ་འགྱེལ་བཅུག་ཡོད་པ་དང་།
བོད་ལྕགས་ཡོས་ལོའི་ནང་། རྒྱལ་གཅེས་དཔའ་བོ་དང་དཔའ་མོ་ཚོས་རང་ལུས་མེར་བསྲེགས་ཀྱི་ལམ་ནས་རྒྱ་ནག་གཞུང་ལ་ངོ་རྒོལ་ལས་འགུལ་རིམ་བསྟུད་དུ་སྤེལ་བའི་བྱུང་བ་འདི་ནི། བོད་ཀྱི་ལོ་རྒྱུས་ལེའུ་གསར་པ་ཞིག་ཆགས་ཡོད་ཅིང་། མདོ་སྨད་བཙན་རྒོལ་བདེན་རྒྱབ་མནའ་འབྲེལ་རྩོམ་སྒྲིག་ཚོགས་ཆུང་གི་ངོས་ནས། དམིགས་བསལ་བྱུང་རབས་འདི་ལོ་རྒྱུས་ཡིག་ཚགས་ནང་འགོད་རྒྱུ་གཙོ་འདོན་ཞུས་པའི་ཡིག་ཚགས་ལོ་རྒྱུས་ཀྱི་དེབ་༼ལྕགས་ཡོས་བཙན་རྒོལ་མེ་ལྕེ༽ཞེས་པ་ཡོངས་ཁྱབ་དཔར་འགྲེམས་ཀྱི་མཛད་སྒོ་དེ་བཞིན། དེ་རིང་ཕྱི་ཚེས་ ༡༦ ཉིན། བཙན་བྱོལ་བོད་གཞུང་ཕྱི་དྲིལ་ལས་ཁུངས་ཀྱི་ལྷག་པ་ཚེ་རིང་ཚོགས་ཁང་དུ། དཔལ་ལྡན་བཀའ་བློན་ཁྲི་པ་བློ་བཟང་སེང་གེ་མཆོག་གིས་དབུ་འབྱེད་གནང་ཡོད།