ཕྱི་ཚེས་༡༠་ཉིན་བལ་ཡུལ་དམག་གིས་ཞི་བའི་འཐབ་རྩོད་པ་མ་བུ་གསུམ་བཀག་འགོག་གིས་དཀའ་ངལ་མང་པོ་ཞིག་སྤྲད་དེ་ཨ་མ་ལྡོམ་པོ་སྐྱིད་ཀྱི་གཟུགས་པོ་ནད་པ་ཆགས། ཕྱི་ཚེས་༡༡་ཉིན་རྒྱ་གར་གྱི་གྲོང་ཁྱེར་གྷོ་ར་པུར་དུ་ཡོང་སྟེ་ཕྱི་ཚེས་༡༢་ཉིན་ཨ་མ་སྨན་ཁང་དུ་བསྟན་དེ་སྨན་བཅོས་བྱས། ཕྱི་ཚེས་༡༣་ཉིན་གྱི་ཕྱི་དྲོ་ཚེ་བརྟན་རྡོ་རྗེ་ཨ་མའི་རྩར་བཅར་ཏེ་ཨ་མ་དང་སྤུན་ཆུང་མ་གཉིས་ཕྱིར་འཐེན་བྱེད་དགོས་པའི་བསམ་ཚུལ་བཏོན། ཨ་མ་ལྡོམ་པོ་སྐྱིད་ཀྱིས་ཨུ་ཚུགས་མཐར་སྐྱེལ་བྱས་ཏེ་རང་ཉིད་ཚེ་རྡོར་དང་ལྷན་དུ་འགྲོ་རྒྱུའི་དམ་བཅའ་བྱས།
༸ གོང་ས་མཆོག་ལ་གཟེངས་རྟགས།
ཨ་རིའི་མངའ་སྡེ་པེན་སལ་ཝེ་ནི་ཡར་རྟེན་གཞི་བྱས་པའི་ཇོན་ཊེམ་པེ་ལེ་ཊོན་ཐེབས་རྩ་ཁང་ནས་དེ་གའི་ཆེས་སྙན་གྲགས་ཅན་གྱི་ ༢༠༡༢ ལོའི་ཊེམ་པེ་ལེ་ཊོན་གཟེངས་རྟགས་འདི་བཞིན་བོད་མིའི་ཆོས་ཀྱི་དབུ་ཁྲིད་ྋགོང་ས་ཏཱ་ལའི་བླ་མ་མཆོག་ལ་འབུལ་གཏན་འཁེལ་བ་ལྟར་དེ་རིང་ཚེས་ ༡༤་ཉིན་སནཊ་པོལ་ཡེ་ཤུའི་ལྷ་ཁང་ནང་དངོས་སུ་འབུལ་བཞེས་གནང་ཡོད་པ་རེད།
ཞི་བའི་འཐབ་རྩོད་པ་གླིང་ཚ་ཚེ་བརྟན་རྡོ་རྗེ་མ་བུ་གསུམ་བལ་ཡུལ་དམག་མིས་བཀག་རྗེས་ངོ་རྒོལ་གྱི་ཟས་བཅད་དུ་བཞུགས། ཕྱི་དྲོ་ཆར་རླུང་དྲག་པོ་གཡུག་པ་དང་ཆར་ཆེན་བབ་པའི་རྐྱེན་གྱིས་ཁོང་མ་བུ་གསུམ་ལ་ཆུ་ནང་དུ་ཐིམ་པའི་ཉེན་ཁ་བྱུང་། དགོང་དྲོ་ཆུ་ཚོད་༡༠་བ་ཙམ་ལས་བལ་ཡུལ་གྱི་དམག་མི་མང་པོ་སླེབས་ཏེ་ཁོང་མ་བུ་གསུམ་ནག་ཁུང་དུ་ཡར་འདྲུད་མར་འདྲུད་བྱས་ཏེ་སྡུག་ཚད་ལས་བརྒལ་བ་བཏང་འདུག་པ་དང་། ལག་གི་དར་ཆ་ཡོད་ཚད་དང་། ཡིག་ཆ། འཕྲེད་དར། ཐ་ན་ཉིན་ཐོ་ལ་སོགས་པ་འཕྲོག་བཅོམ་བྱས་འདུག 
༢༠༡༢།༥།༡༠་ཉིན་གྱི་ཞོགས་པའི་ཆུ་ཚོད་༡༠་ཕྱེད་སྟེང་གླིང་ཚ་མ་བུ་གསུམ་བལ་ཡུལ་གྱི་ས་མཚམས་སོ་ན་ལེ་ཉེ་སར་སླེབས། བལ་ཡུལ་ནས་ཕེབས་པའི་མགྲོན་པོ་ཁག་ཅིག་གིས་ཕེབས་བསུའི་ཁ་བཏགས་སྒྲོན་འབུལ་ཞུས། ཆུ་ཚོད་༡༡་དང་ཕྱེད་ཀའི་སྟེང་སོ་ན་ལའི་རྒྱ་གར་གྱི་འགག་སྒོ་བརྒལ་ཏེ་བལ་ཡུལ་འགག་སྒོ་དང་པོ་བརྒལ། ཉེན་རྟོག་པ་ཁག་ཅིག་གིས་ལམ་ཁ་བཀག་སྟེ་འདྲི་བརྩད་བྱས།
རྔ་པ་འཛམ་ཐང་དུ་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་སྐད་འབོད་བྱས་ཏེ། སྐུ་སྲོག་ཤོར་བའི་རྒྱལ་གཅེས་དཔའ་བོ་སྣང་གྲོལ་ལགས་དང་ཆོས་འཕགས་སྐྱབས། བསོད་ནམས་བཅས་གསུམ་གྱི་ཁ་ཆེམས་ཡི་གེ་དང་བརྙན་པར་ཞིག་གསར་དུ་ལག་སོན་བྱུང་འདུག དེ་རིང་སྔ་དྲོ་བོད་མིའི་སྒྲིག་འཛུགས་ཕྱི་དྲིལ་ལྷགས་པ་ཚེ་རིང་ཚོགས་ཁང་དུ། ཕ་ཡུལ་ཨ་མདོ་མགོ་ལོག་ནས་ཡིན་པའི་ཆབ་སྲིད་བཙོན་ཟུར་བསྟན་པ་དར་རྒྱས་ལགས་ཀྱིས་གསར་འགོད་གསལ་བསྒྲགས་ཤིག་སྤེལ་ཏེ།