གཟའ་འཁོར་གཉིས་སྔོན་ཨ་རིའི་ཝིར་ཇི་ཉི་ཡའི་ཕི་ལེན་ས་ཁུལ་དུ་སྤེལ་བའི་ཐེངས་ ༡༠ པའི་ཨ་རི་རྒྱལ་ཡོངས་མེ་ཤུགས་འཕུར་མདའི་འགྲན་བསྡུར་ཁྲོད་ཝི་སི་ཀོན་སིན་མངའ་སྡེའི་མལ་ཌི་སིན་གྲོང་ཁྱེར་ཝེ་སི་ཊི་སློབ་གྲྭའི་ན་ཆུང་བོད་རིགས་ཚེ་རིང་ཨ་རུག་ཚང་ཚུད་པའི་རུ་ཁག་ལ་བྱ་དགའ་དང་པོ་ཐོབ་ཡོད་འདུག བྱ་དགའ་ཨང་དང་པོ་ཐོབ་པར་བརྟེན་ཚེ་རིང་ཨ་རུག་ཚང་དང་མེན་ ལོའོ་། ཧན་ཝོག་ ཁྲ། སུའུ་ཛེན་ ཧན་ལེ་བཅས་སློབ་ཕྲུག་བཞི་ད་ལོའི་ཕྱི་ཟླ་ ༧ ཚེས་ ༡༥ ཉིན་དབྱིན་ལན་ཌི་རྒྱལ་ས་ལོན་ཌོན་དུ་འཚུགས་རྒྱུ་ཡིན་པའི་ཕན་སྦོ་རོ་རྒྱལ་སྤྱིའི་བར་སྣང་འཕྲུལ་ཆས་དུས་སྟོན་སྐབས་ཨ་རིའི་སྐུ་ཚབ་བྱས་ཏེ་དབྱིན་ལན་ཌི་དང་ཕ་རན་སི་མཉམ་དུ་འགྲན་བསྡུར་ནང་ཞུགས་རྒྱུ་ཡིན་པ་དང་། ལོ་སྔོན་མར་ཨ་རི་རུ་ཁག་ལ་བྱ་དགའ་ཨང་དང་པོ་ཐོབ་ཡོད་པ་ལྟར་ཁོ་ཚོས་ད་ལོ་ཡང་མུ་མཐུད་ཨང་དང་པོ་ལེན་ཐུབ་པའི་རེ་བ་བྱེད་ཀྱི་ཡོད་ལ། ཁོ་ཚོར་ལོན་ཌོན་དུ་འགྲོ་བའི་འགྲུལ་སྐྱོད་ལམ་གྲོན་ཡང་ཐོབ་ཡོད་པ་རེད།
བྱམས་པ་ཕུན་ཚོགས་༼བོད་རང་སྐྱོང་ལྗོངས་མི་མང་འཐུས་ཚོགས་ཀྱི་རྒྱུན་ལས་ཚོགས་གཙོ་༽དང་། ཟླ་བ་བཀྲ་ཤིས༼མངའ་རིས་ས་ཁུལ་གྱི་མགོ་གཙོ༽། སྟོང་དགའ་༼བོད་རང་སྐྱོང་ལྗོངས་མི་མང་འཐུས་ཚོགས་ཀྱི་འཐུས་མི༽བཅས་ཀྱིས་སྣེ་ཁྲིད་པའི་མི་གྲངས་བཅུ་ལས་གྲུབ་པའི་བོད་རང་སྐྱོངས་ལྗོངས་ཟེར་པའི་མཐོ་རིམས་སྐུ་ཚབ་ཚོགས་པ་ཞིག དེ་རིང་ཕྱི་ཚེས་༡༤ ཉིན་ཡུ་རོབ་གྲོས་ཚོགས་ནང་སླེབས་འདུག་པའི་གོ་སྐབས་དང་བསྟུན། འདི་ག་སྦེལ་ལྗམ་བོད་རིགས་ཚོགས་པས་ཆོག་མཆན་དང་གོ་སྒྲིག་ཞུས་ཏེ།