རྟ་ནག་སྐལ་བཟང་ལུང་རིགས།

____________དགུང་ལོ་དྲུག་ཅུར་སོན་པའི་ཨང་ཧྲན་སོའུ་ཅེ་ལ་ཕུལ་བ།

ཡ་གླིང་གི་ཆེས་བླ་ན་མེད་པའི་མཛེས་མ་སུ་རེད། དེ་དག་ནི་ཉི་ཧོང་དང་ལྷོ་ཁོ་རི་ཡའི་ཟློས་གར་ཁྲོད་ཀྱི་དེ་དག་སྟེ། ལྷ་ཡི་ཁང་བཟང་ལ་འགྲན་པའི་དབུས་ཀྱི་འདྲ་རིས་དེ་དག་ཡིན་ནམ། ཧོང་ཀོང་དང་ཐེ་ཝན་ན་གཟི་བརྗིད་དང་མཚན་སྙན་གྱིས་སྲུང་བའི་འཁྲབ་སྟོན་པ་དེ་དག་ཡིན་ནམ། ཡང་ན་རྒྱ་ནག་སྐམ་ས་ཆེན་མོ་རང་ཉིད་ཀྱིས་བསྐྱེད་དེ་འོང་བའི་ན་ཆུང་མཛེས་མ་དེ་དག་ཡིན། ཡང་ན་ཉི་ཧོང་གི་འདྲེན་མ་སྐད་གྲགས་ཅན་ཐིན་ཡོན་ཅེས་ཞང་། ཡང་ན་ཀོ་རི་ཡའི་མཛེས་མ་ཆོན་ཏྲི་ཞན། དེ་མིན་ན་ཧོང་ཀོང་གི་སྨན་ཤར་ཀྲང་མན་ཡེས། དེའང་མིན་ན་སྐམ་ས་ཆེན་མོའི་ཞོའུ་ཅན་ལེའེ་ཡིན་ནམ།

དེ་ལས་མང་བ་། “གླིང་ཆེན་ཨེ་ཤ་ཡའི་ཆེས་བླ་ན་མཐོ་བའི་མཛེས་མ་སུ་རེད། ཡེས་ཅེས་བརྩམས། བོད་འགྱུར་མ།” »

རྟ་ནག་སྐལ་བཟང་ལུང་རིགས།

_________༼མེ་ དང་ཆབ་རོམ༽བསྐྱར་པར་གྱི་སྔོན་འགྲོའི་གཏམ།

བགྲང་བྱ་བཞིའི་སྔོན་གྱི་༼མེ་དང་ཆབ་རོམ༽གསར་དུ་ པར་འདེབས་ཀྱི་སྐབས་ཤིག་སྟེ། ཆུ་ ཐིགས་ཆབ་རོམ་དུ་འགྱུར་བའི་སྨག་གནག་པའི་མཚན་མོ་ཞིག་ལ་བདག་གིས་དཔེ་མཚོན་དཔེ་ དེབ་དེ་ལག་ཏུ་བླངས་ཤིང་། དགའ་སྐྱོ་ཟུང་འབྲེལ་གྱི་ཚོར་འདུ་ཞིག་བྲང་ལ་སྦྱར་ནས་དཔེ་དེབ་དེ་ཡང་བསྐྱར་ ཐེངས་བཀླགས་པ་ཡིན་ནོ།། དེ་ དང་མཉམ་དུ་བདག་གི་ལང་ཚོའི་དུས་ཚིགས་ཤིག་དང་། ཞི་དུལ་བརྩེ་བའི་དོག་པ་ཞིག རུས་པ་ལེབ་མོ་ཞིག་ཀྱང་ལྟ་ཀློག་བགྱིས་པ་ ཡིན་ནོ།།

དེ་ལས་མང་བ་། “ཡི་ གེའི་འཁྱག་གཏོར་གྲུ་གཟིངས། ཡེས་ཅེས་བརྩམས། བོད་འགྱུར་མ།” »

ཁྲན་ཕོ་ཁུང་གིས་བརྩམས།
ནགས་ཤོད་སད་མིས་བསྒྱུར།

ཟླ་བ 8 པའི་ནང་། རྒྱ་ནག་སྲིད་བློན་ཝན་ཅཱ་པོས་ཆབ་སྲིད་བཅོས་སྒྱུར་དགོས་པ་བསྐྱར་བརྗོད་བྱས་པས། མི་རྣམས་ལབ་གླེང་དིར་དིར་དུ་སོང་། ཝན་གྱི་སྐད་ཆ་གཙོ་བོ་འདི་ལྟ་སྟེ། དཔལ་འབྱོར་སྒྲིག་གཞི་སྐུལ་འདེད་བྱ་དགོས་པ་ཙམ་དུ་མ་ཟད། ཆབ་སྲིད་སྒྲིག་གཞི་ཡང་སྐུལ་འདེད་བྱ་དགོས། ཆབ་སྲིད་སྒྲིག་གཞི་བཅོས་སྒྱུར་བྱེད་པའི་འགན་ཐེག་མེད་ཚེ། དཔལ་འབྱོར་སྒྲིག་གཞི་བཅོས་སྒྱུར་བྱས་པའི་གྲུབ་འབྲས་འཆོར་རྒྱུ་ལས་མེད་ལ། དེང་རབས་ཅན་བསྐྲུན་རྒྱུའི་དམིགས་འབེན་ཡང་མངོན་འགྱུར་ཡོང་མི་ཐུབ་ཟེར།

ཝན་གྱི་སྐད་ཆས་སྒྲིག་གཞིའི་ཁོངས་ཀྱི་སྐྱེ་ཁམས་ལྡོག་འཕྲོས་བྱས་འདུག

དེ་ལས་མང་བ་། “ཝན་ཅཱ་པོས་ཆབ་སྲིད་བཅོས་སྒྱུར་གླེང་བའི་བསམ་པའི་འཁྱེར་རྐྱེན།” »

རྟ་ནག་སྐལ་བཟང་ལུང་རིགས།

གྲོང་ཁྱེར་མེས་ཀྲོའུ་ནས་སྐྱེས་པའི་ན་གཞོན་སྙན་ངག་པ་བུའུ་ཐུང་ཧྲོའུ་ཡིས་རང་ཡུལ་ཏོང་ཀོན་དུ་གནམ་ཐག་བརྒྱབ་ནས་རང་སྲོག་བཅད། སྤྱི་ལོ། ༢༠༠༨། ༨། ༡། རང་ལོ་ཉེར་དགུ་རེད།

༢༠༠༧། ༡༠། ༤། ཉིན་གྱི་ཐོ་རེངས་དུས་སུ། སྐྱེས་ཡུལ་ཧོའུ་པེ་ཡིན་པའི་སྙན་ངག་པ་ཡེའུ་ཏེས་ཀྱིས་ཁོན་མེན་གྱི་རང་ཁྱིམ་དུ་མགྲིན་པ་བཅད་དེ་རང་སྲོག་བླངས། དེ་དུས་རང་ལོ་སུམ་ཅུ་རེད།

༢༠༠༤། ༡༡། ༩། ཕྱི་རྒྱལ་དུ་སྡོད་པའི་རྒྱ་ནག་གི་བུད་མེད་རྩོམ་པ་མོ་ཀྲང་ཁྲོན་གྱིས་ཨ་རིའི་ཅ་ཀྲུའུ་ལོ་ཟི་ས་ཁུལ་དུ་དཀྲུམ་མདའ་སྤྱད་ནས་རླངས་འཁོར་དུ་རང་སྲོག་བཅད། དེ་དུས་རང་ལོ་སོ་དྲུག་རེད།

དེ་ལས་མང་བ་། “ཉེ་རབས་ཀྱི་རྒྱའི་སྙན་ངག་པའི་རང་སྲོག་བཅད་ཐོ། བོད་འགྱུར་མ།” »

རྟ་ནག་སྐལ་བཟང་ལུང་རིགས།

ལུག་ཞོ་པོ་དང་ལུག་ཞ་ཡི་མཉམ་པར།

ལུག་ཞོ་པོ་ལ་ཞི་བདེ་གཟེངས་རྟགས་ཐོབ་པ་ཐོས་པས་ལུག་ཞའི་སེམས་པ་སྤྲོ་བས་རབ་ཏུ་མྱོས་སོ།། ཁོ་མོའི་སེམས་སུ་ལུག་ཞོ་པོ་སྔ་མོ་ནས་ཕྱིར་ནང་དུ་ལོག་པའི་རེ་སྒུག་ཟབ་མོ་བྱས་ཡོད་སྐད། སེམས་སུ་འདི་ལྟར་སྟ་གོན་བྱས་ཡོད་དེ། ལུག་ཞོ་པོ་ནང་དུ་ལོག་ཚེ་ཆེས་ལྕི་བའི་འཐམ་འཁྱུད་ཅིག་གི་རྗེས་སུ་ཞིམ་པོའི་འོ་ཞིག་བྱས་ནས། “ཁྱེད་ལ་གཟེངས་རྟགས་ཐོབ་ཐལ།” ཞེས་བཤད་པ་དེའོ།།

དེ་ལས་མང་བ་། “ལུག་ཞོ་པོ་དང་ལུག་ཞ་ཡི་བརྩེ་དུང་གི་གཏམ་རྒྱུད། བོད་འགྱུར་མ།” »

རྒྱའི་ལོ་ཆུང་རྩོམ་པ་མོ་ཞོ་ཡན་མེས།

ཤེས་རབ་ཅན་གྱི་སྨྱུ་གུས་སྤྱི་ཚོགས་སྟེང་དངོས་སུ་བདོག་པའི་གནད་དོན་ཞིག་བྲི་སྲིད་དེ། ཁོའི་ནང་སེམས་སུ་བདོག་པ་ནི་ལྷད་མེད་དྭངས་གཙང་གི་མཚེའུ་ཞིག་ཡིན་པའི་ཕྱིར་རོ།། བདག་གིས་ངེས་པར་དུ་ཁས་ལེན་འོས་པ་ཞིག་ནི་བདག་གི་དཔེ་ཀློག་གི་གྲངས་འབོར་ཤིན་ཏུ་ནས་ཉུང་བ་དེ་དང་། དེ་ལས་ཀྱང་ཡིད་ཆེས་བྱས་ཆོག་པ་ཞིག་ལ་བདག་ནི་བསྙད་འདོགས་པ་ལ་མོས་པའི་ཀློག་པ་བོ་ཞིག་ཡིན་པ་དེའོ།།

དེ་ལས་མང་བ་། “ཡེས་ཅེ་ཡི་༼བདག་གི་ཕུགས་བསམ་མེ་རུ་སྤར་བ༽བཀླགས་པ། བོད་འགྱུར།” »

རྟ་ནག་སྐལ་བཟང་ལུང་རིགས།

༼འཛམ་གླིང་སྟེང་ཆེས་ཐུང་བའི་བརྩེ་དུང་ཞིབ་འབྲིའི་སྒྲུང་།༽

ཁོ་འདས་པའི་ཉིན་མོར། བུས་པ་སྐྱེས་བྱུང་། 　
འཛམ་གླིང་སྟེང་ཆེས་ཐུང་བའི་སྒྱུ་འཕྲུལ་ཚན་རིག་གི་སྒྲུང་། ཆེས་མཐའ་མའི་སའི་གོ་ལའི་མི་དེ་རང་ཁྱིམ་དུ་བདོག གློ་རྡེག་ཏུ་སྒོ་བརྡུངས་བྱུང་། 　　

༼འཛམ་གླིང་སྟེང་ཆེས་ཐུང་བའི་དོགས་སྒྲུང་།༽

སྐྱེས་པ། ཤི་བ། སྐྱེས་པ། 　　

༼འཛམ་གླིང་སྟེང་ཆེས་ཐུང་བའི་རྗེས་དཔག་གི་སྒྲུང་།༽

ཁོ་ལྔ་ལམ་དུ་ཕྱིན་སོང་། དེ་སྔ་ངེས་པར་དུ་གསོན་མྱོང་།

དེ་ལས་མང་བ་། “འཛམ་གླིང་སྟེང་ཆེས་ཐུང་བའི་སྒྲུང་ཐུང་ཁ་ཤས། ༼བོད་འགྱུར་མ།༽” »

རྟ་ནག་སྐལ་བཟང་ལུང་རིགས།

མཇུག་མཐའི་སློབ་ཐུན་གཅིག་གི་རྒྱབ་ལྗོངས།

སྤྱི་ལོ ༡༨༧༠ ལོའི་ཟླ་བདུན་པར་ཧྤ་རན་སི་དང་འཇར་མན་གཉིས་ཀྱིས་དམག་འཁྲུགས་བསླངས། ཟླ་དགུ་བའི་ནང་ཧྥ་རན་སིའི་དམག་དཔུང་གཡུལ་ལས་རབ་ཏུ་ཕམ་ཏེ་ན་ཕོ་ལོན་སྐྱེ་ཕྲེང་གསུམ་པ་གསོན་བཟུང་ཐེབས།(ན་ཕོ་ལོན་སྐྱེ་ཕྲེང་གསུམ་པ། ཧྥ་རན་སི་སྤྱི་མཐུན་རྒྱལ་ཁབ་ཀྱི་སྐབས་གཉིས་པའི་སྲིད་བློན། ཧྥ་རན་སི་བཙན་རྒྱལ་རིང་ལུགས་ཀྱི་སྐབས་གཉིས་པའི་རྒྱལ་བོ། ན་པོ་ལོན་སྐྱེ་ཕྲེང་དང་བོའི་ཡང་ཚ།___སྒྱུར་མཁན་གྱི་མཆན) འཇར་ མན་ཕུའུ་ལུའུ་ཧྲི་དམག་དཔུང་ཤར་སྐྱོད་ཀྱིས་ཧྥ་རན་སིའི་ཨ་ཨར་ས་སི་ས་ཁུལ་དུ་ དཔུང་འཇུག་དྲག་པོ་བགྱིས་ཏེ། ལོ་ལིན་གཙོ་བོར་བྱས་པའི་རྒྱལ་ཡོངས་ཀྱི་སུམ་ཆའི་གཅིག་གི་ས་ཁུལ་བདག་ཏུ་བཟུང་། སྐབས་འདིར་ཧྥ་རན་སི་ལ་མཚོན་ནས་བཤད་ན། རང་སྲུང་དམག་ཇུས་ལ་ཡང་འགྱུར་བ་བྱུང་སོང་བར་མ་ཟད། ཁ་གཏད་ཀྱི་ཕུའུ་ལུའུ་ཧྲིའི་དམག་དཔུང་གིས་གསོད་སྲེག་འཕྲོག་གསུམ་བགྱིས་པས། ཧྥ་རན་སིའི་མི་དམངས་དག་སྡང་སེམས་མཉམ་སྐྱེས་དང་། དགྲ་འགོག་ཕར་རྒོལ་ཀྱི་ལས་ལ་བརྩོན་བཞིན་ཡོད། ༼མཇུག་མཐའི་སློབ་ཐུན་གཅིག་༽གི་སྒྲུང་ཐུང་འདིས་འདི་ལྟར་བཤད་བཞིན་ཡོད་དེ། དགྲ་ལག་ཏུ་ཤོར་བའི་ཨ་ཨར་སིའི་ས་ཁུལ་གྱི་སློབ་གྲྭ་ཞིག་ལ་ཧྥ་རན་སིའི་སྐད་ཡིག་ གཏན་འགོག་དང་དེའི་ཚབ་ཏུ་འཇར་མན་གྱི་སྐད་ཡིག་མ་གཏོགས་བཀོལ་མི་ཆོག་པ་བཟོས་ པའི་བརྗོད་བྱ་བརྒྱུད་ནས། ཧྥ་རན་སིའི་སྐད་ཡིག་གི་མཇུག་མཐའི་སློབ་ཚན་གཅིག་གི་སྣང་ཚུལ་དང་། སློབ་ཕྲུག་ཧྥོ་ལང་ཧྲི་དང་། ཧྥ་རན་སིའི་སྐད་ཡིག་གི་དགེ་རྒན་སྐུ་ཞབས་ཧན་མེར་གྱི་སྣང་བརྙན་དང་ཉམས་འགྱུར་ མངོན་པར་མཚོན་ཡོད་ལ། ཧྥ་རན་སིའི་མི་དམངས་ཀྱིས་རང་གི་རྒྱལ་ཁབ་ལ་བཅངས་པའི་རྒྱལ་ཞེན་གྱི་བསམ་བློ་དང་བརྩེ་བ་ཟབ་མོའང་མངོན་པར་མཚོན་ཡོད་པ་ཡིན་ནོ།།

དེ་ལས་མང་བ་། “༼མཇུག་མཐའི་སློབ་ཐུན་གཅིག ༽ གླེང་བ། བོད་འགྱུར་མ།” »

བསྒྱུར་མཁན་འབྲོག་མྱི།

མཚོ་སྔོན་ཞིང་ཆེན་སློབ་གསོ་ཐེན།
བཅིངས་འགྲོལ་གྱི་རྗེས་སུ། ནང་སྒོས་སུ་བཅོས་བསྒྱུར་སྒོ་འབྱེད་བྱས་པ་ནས་བཟུང་། མཚོ་སྔོན་ཞིང་ཆེན་གྱི་མི་རིགས་སློབ་གསོའི་འཕེལ་རྒྱས་ཀྱི་གོམ་སྟབས་མགྱོགས་ཤིང་མྱུར་ལ་གསོན་ཤུགས་ལྡན། སྐད་གཉིས་སློབ་གསོའི་མ་ལག་གི་འཐུས་སྒོ་ཇེ་ཚང་དང་བསྟུན་ནས་གཡུར་དུ་ཟ་བའི་གྲུབ་འབྲས་ཐོབ་ཡོད་ལ། རྒྱལ་སྤྱིའི་སྟེང་ཉིན་རེ་ཞག་རེ་ལྟར་ཤུགས་རྐྱེན་ཇེ་ཆེ་ནས་ཇེ་ཆེར་འགྲོ་མུས་སུ་ཡིན། བོད་རིགས་རང་སྐྱོང་ཁུལ་དག་གིས་ནན་ནན་ཏན་ཏན་གྱིས་བརྟན་བརླིང་དང་ཚན་རིག་དང་མཐུན་ཞིང་། གཟབ་ནན་གྱིས་རྨང་གཞིའི་སློབ་གསོ་རིམ་པའི་སྐད་གཉིས་སློབ་གསོར་བསྐུལ་འདེད་བྱས་ཡོད་པས་སློབ་གསོའི་ཁྱབ་གདལ་གྱི་ཚད་རིམ་མཐོ་རུ་ཕྱིན་ཏེ་གཞོན་སྐྱེས་ཁྲོད 96%ཡིག་རྨོངས་ལས་ཐར་ཡོད། དེ་བས་ཀྱང་རྨ་ལྷོ་དང་མཚོ་ལྷོ་ཁུལ་གཉིས་ཀྱིས་གང་ཅིའི་ཐད་ནས་བོད་སྐད་དང་རྒྱ་སྐད་གཉིས་མཉམ་སྤྱོད་དང་ཁྱབ་སྤེལ་བཏང་བ་བརྒྱུད་དེ་བོད་སྐད་ནི་སློབ་ཚན་མང་ཆེ་བའི་སློབ་ཁྲིད་ཀྱི་ལག་ཆ་བྱས་ཡོད། དེའི་དབང་གིས་རང་ཡུལ་གྱི་ཤེས་འཇོན་གཉིས་འཛོམས་ཀྱི་མི་སྣའི་གྲངས་འབོར་དང་། མཐོ་རིམ་ཤེས་འཇོན་གཉིས་འཛོམས་ཀྱི་མི་སྣའི་གྲངས་འབོར་ཞིང་ཆེན་ཡོངས་ཀྱི་གྲལ་འགོར་སླེབས་ཡོད།
སྐད་གཉིས་དང་སྐད་མང་ཅན་གྱི་མི་སྣ་ནི་མཚོ་སྔོན་བོད་ཁུལ་གྱི་རང་ས་ལས་བརྒལ་བའི་འཕེལ་རྒྱས་དང་ཡུན་རིང་བརྟན་གནས་གྱི་སྟོབས་ཤུགས་མ་རྐང་ཡིན་པར་མ་ཟད། ད་དུང་འཛམ་གླིང་གྲུ་ཟུར་ཀུན་ཏུ་ཁྱབ་ཡོད་པས་ཁུལ་དེ་དག་ནི་བོད་ཁུལ་གྱི་སྐད་གཉིས་སློབ་གསོའི་གྲུབ་འབྲས་འབུར་དུ་ཐོན་པའི་ས་ཁུལ་དུ་གྱུར་ཡོད་ལ་སློབ་གསོ་དང་སྐད་རིགས་ཀྱི་ཕྱོགས་སུ་མང་ཚོགས་ཀྱི་བསམ་འཆར་ཆེས་ཉུང་བའི་ས་ཁུལ་དག་ཀྱང་ཡིན།༼ལྟོས་ས་བལྟོས་འཇོག་གིས་མཚོ་ཤར་དང་ཟི་ལིང་གྲོང་ཁྱེར་ཀྱི་ཁོངས་གཏོགས་བོད་རིགས་ཚོ་སྡེ་ཁག་དང་། མཚོ་བྱང་། ཡུལ་ཤུལ་སོགས་ས་ཁུལ་དུ་བསམ་འཆར་ཅུང་མང་།༽ རང་སྐྱོང་ཁུལ་དྲུག་དང་ཞིང་ཆེན་ཐད་གཏོགས་ལས་ཁུངས་ཀྱི་འཛིན་སྐྱོང་གཞུང་ཞབས་པ་དང་སློབ་གསོའི་ལས་ཀ་བ་ཞིག་གི་ཆ་ནས།

དེ་ལས་མང་བ་། “མཚོ་སྔོན་ཞིང་ཆེན་བོད་རྒྱ་སྐད་གཉིས་དུས་ཡུན་འབྲིང་རིང་གི་བཅོས་བསྒྱུར་ གནད་དོན་ཐད་ཀྱི་བསམ་འཆར།” »

2010-2020ལོའི་མཚོ་སྔོན་ཞིང་ཆེན་གྱི་དུས་ཡུན་འབྲིང་རིང་གི་སློབ་གསོ་བཅོས་བསྒྱུར་དང་འཕེལ་རྒྱས་རྩ་གནད་ཀྱི་བསམ་འཆར།

མཚོ་སྔོན་ཞིང་ཆེན་སློབ་གསོ་ཐིན།

བཅིངས་གྲོལ་གྱི་རྗེས་དང་། ལྷག་པར་དུ་བསྒྱུར་བཅོས་སྒོ་འབྱེད་ཀྱི་རྗེས་སུ་མཚོ་སྔོན་གྱི་སློབ་གསོ་ལ་འཕེལ་རྒྱས་བླ་ན་མེད་པ་བྱུང་ཞིང་། སྐད་གཉིས་སློབ་གསོའི་མ་ལག་མཚམས་མ་ཆད་པར་ཕུན་སུམ་ཇེ་ཚོགས་དང་། གཟེངས་སུ་ཐོན་པའི་གྲུབ་འབྲས་བྱུང་བས། རྒྱལ་སྤྱིའི་ལྟ་སྣང་ལའང་བར་མེད་དུ་རྒྱ་ཆེར་འཕེལ་བཞིན་པའི་སྣང་བ་ཞིག་སྤྲད་འོང་བ་དེའོ།། བོད་རིགས་རང་སྐྱོང་གི་ས་ཁུལ་རེ་འགས་གཟབ་ནན་བརྟན་བརླིང་དང་། ཚན་རིག་མཐུན་སྤྱོད། སྒམ་བརླིང་ནན་ཞིབ་བྱས་ཏེ་རྨང་གཞིའི་སློབ་གསོ་སྐད་གཉིས་སློབ་གསོའི་དུས་རིམ་དུ་བསླེབ་པར་སྐུལ་འདེད་བགྱིས་པས། སློབ་གསོའང་སྤང་ལ་མེ་སྟག་འཐོར་བ་བཞིན་རྒྱ་ཁབ་ཏུ་འཕེལ་ཏེ་ན་གཞོན་ཡིག་རྨོངས་ལས་ཐར་ཚད་ཀྱང་བརྒྱ་ཆའི་གོ་དྲུག་ལ་བསླེབས་པའོ།།
ལྷག་པར་དུ་རྨ་ལྷོ་ཁུལ་དང་མཚོ་ལྷོ་ཁུལ་གཉིས་ཀྱིས་ཕྱོགས་ཡོངས་ནས་སྐད་གཉིས་མཉམ་སྒྲུབ་བྱས་པ་བརྒྱུད། སློབ་ཚན་མང་བོ་ཞིག་བོད་སྐད་ཡིག་གི་ལམ་དུ་བསླབས་པའི་ཉེར་ལེན་དེས་ཤེས་ལྡན་པའི་གྲངས་འབོར་མཐོ་རུ་ཕྱིན་ཏེ་ཞིང་ཆེན་གཞན་དག་གི་སྔོན་དུ་བགྲོད་ཐུབ་པ་བྱུང་ཞིང་། མིག་དཔེ་ལྟ་ཡུལ་ཞིག་ཏུ་གྲུབ་པ་ནི་གཡོལ་ས་མེད་པའི་དོན་དངོས་ཡིན་ནོ།། སྐད་གཉིས་དང་སྐད་མང་གི་སློབ་གསོ་དེས་ཤེས་ལྡན་མི་སྣ་གསོ་སྐྱོང་ཙམ་དུ་མ་ཟད། མཚོ་སྔོན་བོད་ཁུལ་གྱི་འཕེལ་རྒྱས་དང་ཡུན་གཏན་བདེ་འཇགས་ཀྱི་གཞི་རྩའི་སྟོབས་ཤུགས་ལའང་ཚད་ལས་བརྒལ་བའི་ནུས་པ་མངོན་ཐུབ་པ་བྱུང་སྟེ། ཁྱོན་ཡོངས་སུ་ཁྱབ་འདུག་ཅེས་སྨྲས་ནའང་ཐལ་བར་མི་སེམས་སོ།། འདི་དག་ནི་སྐད་གཉིས་སློབ་གསོ་ཡི་འབྲས་བུ་ཡར་ལྡན་དུ་བྱུང་བའི་ས་ཁུལ་ཁག་ཡིན་ནའང་། མངའ་ཁུལ་གྱི་དམངས་ཚོགས་དག་གི་ངོར་སློབ་གསོ་དང་སྐད་ཡིག་གི་ལས་དོན་ཕྱོགས་ལ་བསམ་ཚུལ་ཆེས་ཉུང་ས་ནི་འདི་དག་སྟེ། མཚོ་ཤར་དང་ཟི་ལིང་གི་ཁོངས་སུ་གཏོགས་པའི་བོད་ཀྱི་ཞིང་གྲོང་ཁག མཚོ་བྱང་། ཡུལ་ཤུལ་བཅས་ལ་བསམ་ཚུལ་ཆེས་ཉུང་ངོ་།།

དེ་ལས་མང་བ་། “མཚོ་སྔོན་བོད་རིགས་རྒན་ཡོལ་བས་ཕུལ་བའི་སྙན་ཞུ།” »

སྐལ་བཟང་ཚེ་རིང་ལགས་ཀྱིས་བརྩམས་།
གངས་ཅན་པའམཚེ་སྐྱིད་ཀྱིས་བསྒྱུར།

ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ནི་མི་རིགས་ལྔ་བཅུ་ང་དྲུག་གིས་ཐུན་མོང་དུ་གསར་དུ་བཙུགས་པའི་རྒྱལ་ཁབ་ཞིག་ཡིན་ལ།འདྲ་མཉམ་དང་།ཞི་བདེ།རོགས་རེས་བཅས་སྤྱི་ཚོགས་རིང་ལུགས་ཀྱི་རྣམ་པ་གསར་པའི་མི་རིགས་ཀྱི་འབྲེལ་བ་བརྟན་པོ་ཚུགས་ཡོད་ལ་མུ་མཐུད་དུ་སྔར་ལས་ལྷག་པར་སྲ་བརྟན་དུ་གཏོང་དགོས།བོད་རིགས་ནི་ཀྲུང་ཧྭ་མི་རིགས་ཀྱི་ཡ་གྱལ་གཅིག་ཡིན་པའི་ཆ་ནས་བཤད་ན་ལོ་ངོ་སྟོང་ཕྲུག་དུ་མ་ཡི་ལོ་རྒྱུས་ཀྱི་ཆུ་རྒྱུན་རིང་པོའི་ཁྲོད་དུ་ཡུན་རིང་བའི་ལོ་རྒྱུས་དང་།འོད་སྟོང་འབར་ལ་མཚར་སྡུག་བཀྲ་བའི་རིག་གནས་སོགས་གསར་སྐྲུན་བྱས་ཡོད་ལ།མིའི་རིགས་ཀྱི་རིག་གནས་ཀྱི་བང་མཛོད་ནང་དུ་ཀུན་གྱིས་མཐེ་བོང་སྒྲེང་ལ་བསྔགས་བརྗོད་ཀྱི་མེ་ཏོག་གཏོར་ཞིང་འོད་ཟེར་ཕྱོགས་བཞིར་འཕྲོ་ལ་འོད་མདངས་བཀྲ་བའི་མུ་ཏིག་ཞིག་ཡིན།མི་ཞིག་ན་རེ།དུས་རབས་ཉེར་གཅིག་ནི་བོད་སྦྱོང་ཞིབ་འཇུག་གི་དུས་རབས་རེད་གསུངས་པ་དང་།མིག་སྔར་བོད་སྦྱོང་ཞིབ་འཇུག་ཁང་དང་།བོད་སྦྱོང་ཞིབ་འཇུག་ལྟེ་གནས་སོགས་ཀྱི་ལས་ཁུངས་འཛམ་གླིང་གི་དར་རྒྱས་ཆེ་བའི་རྒྱལ་ཁབ་མང་བོ་དག་དང་།འཕེལ་རྒྱས་འགྲོ་བཞིན་པའི་རྒྱལ་ཁབ་དང་ས་ཁུལ་མང་བོ་རུ་དར་ཁྱབ་འགྲོ་བཞིན་ཡོད།བོད་བརྒྱུད་ནང་བསྟན་དང་།བོད་ལུགས་ཀྱི་གསོ་བ་རིག་པ།སྐར་རྩིས།ཐང་ག་འབྲི་བའི་སྒྱུ་རྩལ་སོགས་བོད་རིགས་ཀྱི་རིག་གནས་དེ་འཛམ་གླིང་བོད་སྦྱོང་ཞིབ་འཇུག་གི་རྦ་རླབས་དྲག་ཏུ་གཡོ་བ་དང་བསྟུན་ནས་འཛམ་གླིང་གི་མིང་གྲགས་ཆེ་བའི་སློབ་གྲྭ་ཆེན་མོ་མང་བོ་དག་གི་སློབ་ཚན་གྱི་ཁྱབ་ཁོངས་སུ་འཛུལ་བཞིན་ཡོད།

དེ་ལས་མང་བ་། “ཞིང་ཆེན་ལྔ་ཡི་ས་ཁུལ་གྱིས་ད་ལྟ་ལག་ལེན་བྱེད་བཞིན་པའི་བོད་ཡིག་གི་སློབ་དེབ་ཀྱི་་དབྱེ་ཞིབ་རགས་ཙམ།” »

གསར་འགྱུར་བོད་འགྱུར་མ། རྟ་ནག་སྐལ་བཟུང་ལུང་རིགས།

པེ་ཅིན་གྱི་དུས་ཚོད། ༢༠༡༠ ༡༠ ༢༣ ཉིན། པོ་ཞོན།
དྲ་ཐོག་ཏུ་ཡོད་པའི་ཞིན་ཅང་གི་གསར་འགྱུར་རྩོམ་འབྲི་བ་ཞིག་གིས་བཤད་རྒྱུར། དེ་རིང་ཀྲུང་དབྱང་མི་རིགས་སློབ་ཆེན་གྱི་བོད་རིགས་སློབ་མས་སློབ་རྭའི་ནང་དུ་ འཚེ་མེད་ཞི་བའི་ལས་འགུལ་སྤེལ་གྱིན་འདུག སློབ་བུ་བརྒྱ་ལྷག་གིས་ལག་ཏུ་སྦྱར་ཡིག་བཟུང་ནས་རྔམ་སྟོན་བྱེད་ཀྱིན་འདུག སློབ་གྲྭའི་ནུབ་སྒོ་དང་ཤར་སྒོ་ཡོད་ཚད།
དམག་འཁོར་དང་རྒྱུན་གོས་གྱོན་པའི་དམག་མིས་བྱ་ར་དང་མེལ་ཚེ་མཛད་འདུག་ཀྱང་། ད་ལྟ་ད་དུང་རྒོལ་འཛིངས་ཀྱི་གནས་ཚུལ་བྱུང་མི་འདུག

དེ་ལས་མང་བ་། “ཀྲུང་དབྱང་མི་རིགས་སློབ་ཆེན་གྱི་བོད་རིགས་སློབ་མའི་རྔམ་སྟོན་ལ་ཡུ་གུར་གྱི་སློབ་མས་རྒྱབ་སྐྱོར་མཛད་པ།” »

བོད་འགྱུར།
རྟ་ནག་སྐལ་བཟང་ལུང་རིགས།

རྒྱ་ནག་མི་དམངས་སྤྱི་མཐུན་རྒྱལ་ཁབ་རྒྱལ་སྲིད་སྤྱི་ཁྱབ་ཁང་གི་བཀའ་རྒྱ།

ཡིག་ཆ་ཨང་། ༤༣༥
རྒྱལ་ སྲིད་སྤྱི་ཁྱབ་ཁང་གིས་ལག་བསྟར་བགྱིས་པའི༼རྒྱ་ནག་མི་དམངས་སྤྱི་མཐུན་རྒྱལ་ཁབ་ ཀྱི་མི་རིགས་རང་སྐྱོང་ལྗོངས་སམ་མི་རིགས་རང་སྐྱོང་ཁུལ་གྱི་རྩ་ཁྲིམས༽གཏན་ འབེབས། ༢༠༠༥ལོའི་ཟླ ༥ ཚེས ༡༡ ཉིན་རྒྱལ་སྤྱི་ཁྱབ་ཁང་གི་ཐེངས་གྱ་དགུ་བའི་རྒྱུན་ལས་ཨུ་ཡོན་ལྷན་ཁང་གི་གྲོས་ ཚོགས་བརྒྱུད་ནས་སྤྱི་བསྒྲགས་མཛད། ༢༠༠༥ལོའི་ཟླ ༥ ཚེས ༣༡ ནས་དངོས་སུ་ལག་བསྟར་མཛད།
སྲིད་བློན། བུན་ཅ་པོ། ༢༠༠༥ལོའི་ཟླ ༥ ཚེས ༡༩ ཉིན།
རྒྱལ་ སྲིད་སྤྱི་ཁྱབ་ཁང་གིས་ལག་བསྟར་བགྱིས་པའི༼རྒྱ་ནག་མི་དམངས་སྤྱི་མཐུན་རྒྱལ་ཁབ་ ཀྱི་མི་རིགས་རང་སྐྱོང་ལྗོངས་སམ་ཁུལ་གྱི་རྩ་ཁྲིམས༽ཆོད་དོན་གཏན་འབེབས།

དེ་ལས་མང་བ་། “མི་རིགས་སློབ་གསོའི་ལས་དོན་དང་འབྲེལ་བའི་ཁྲིམས་ལུགས་ཁོལ་ཕྱུངས་མ།” »

ཞེའུ་ཞོ་མེན་གྱིས་བརྩམས།
རྟ་ནག་སྐལ་བཟང་ལུང་རིགས།

སྤྱི་ ལོ་༡༩༨༨ཡས་མས་ཤིག་ཏུ་བདག་གིས་ལུག་ཞོ་པོ་ཡི་བརྩམས་ཆོས་ཐོག་མར་མཐོང་བ་ནི། ༼མཐའ་དཔྱོད་ཀྱི་གདམ་ཀ___ལུས་ཙི་ཧོའུ་དང་བགྲོ་གླེང་བ༽ཞེས་པ་དེའོ།། ཀློག་སྟངས་ཀྱི་ཆ་ནས་བམ་ཀློག་ཐེངས་གཅིག་ལས་མིན་པས། སེམས་ལ་བཞག་པའི་བག་ཆགས་ཀྱང་དེ་འདྲའི་ཟབ་མོ་ཞིག་མ་ཡིན་ནའང་། ཁོ་བོའི་བསམ་ངོར་རིག་གཞུང་ལ་འཕྲིགས་ཚུད་པའི་བསྟན་བཅོས་མཛད་པ་བོ་ཞིག་དང་། བྲིས་པ་ཡོད་ཚད་ཀྱང་བློ་བསྲལ་ཆེ་བའི་ཉམས་ཤིག་ཅི་ནས་ཀྱང་མངོན་འདུག་གོ།

དེ་ལས་མང་བ་། “ལུག་ཞོ་པོ་གླེང་བ།” »

རྟ་ནག་སྐལ་བཟང་ལུང་རིགས།

ལུག་ཞོ་པོ་ལ་ཞི་བདེ་གཟེངས་རྟགས་བསྟབས་པ་དེ་ནི། རྒྱ་ནག་ནང་ཁུལ་ཏུ་ནག་ཉེས་བཟོ་སླད་སྐུལ་མ་བཏང་བའོ།།
རྒྱ་ནག་གི་ཕྱི་འབྲེལ་མགྲིན་ཚབ་པ་མ་ཁྲོ་ཞེའུ་རེས་གཟའ་ཕུར་བའི་ཕྱི་ཚེས་བཅུ་བཞི་ཉིན། ལུག་ཞོ་པོ་ལ་ཞི་བདེ་གཟེངས་རྟགས་སྤྲད་པ་ནི་བྱས་ཉེས་བསག་པར་བསྐུལ་མ་བྱེད་པ་དང་མཚུངས་ཞེས་པའི་བསྒྲགས་གཏམ་སྤེལ། ཟླ་བཅུ་བའི་ཚེས་བརྒྱད་ཉིན་ནོ་སྦེལ་ཞི་བདེ་གཟེངས་རྟགས་ཁྲི་མུན་དུ་བཙུད་ཡོད་པའི་ལུག་ཞོ་པོ་ལ་དབུལ་བའི་བསྒྲགས་ཡིག་སྤེལ་རྗེས། རྒྱ་ནག་གི་ཕྱི་འབྲེལ་ལས་ཁུངས་ཀྱིས་ཐེངས་ཁ་ཤས་ལ་རྒོལ་བ་ཤུགས་ཆེར་བགྱིས།

དེ་ལས་མང་བ་། “ཕྱི་འབྲེལ་མགྲིན་ཚབ་པས་ཞི་བདེའི་གཟེངས་རྟགས་ལྷན་ཚོགས་ལ་བསྡིགས་པ། བོད་འགྱུར་མ།” »

ཀའོ་སྦོ་ཧྲེང་བརྩམས།
ནགས་ཤོད་སད་མིས་བསྒྱུར།

༢༠༡༠ ལོའི་ཟླ་བ ༡༠ པའི་ཚེས ༨ ཉིན་ལུའུ་ཞའོ་པོ་ལ་ནོར་ཝེའི་ཞི་བདེའི་བྱ་དགའ་ཐོབ་པར་གོ་ལ་ཡོངས་ཀྱིས་དོ་སྣང་བྱུང་བ་དང་། རྒྱལ་ཡོངས་ཀྱི་མིག་ཡངས་སྤྱོད་བཟང་བ་ཚོ་དགའ་བ་ཆེན་པོས་ཁྱབ་ལ་དུས་ཐུང་ནང་རྒྱ་ནག་དམངས་གཙོ་ཐོབ་གཏན་ཁེལ་བ་ལྟར་སྣང་བ་མ་ཟད་གཅིག་བྱས་ན་སང་ཉིན་ནས་དམངས་གཙོ་བསྐྱོད་པར་སེམས། རྒྱལ་ཁབ་གཅིག་གི་འགྲོ་མིའི་ཐོབ་ཐང་དབུ་ཁྲིད་ནོར་ཝེར་ཞི་བདེའི་གཟེངས་རྟགས་ཐོབ་ཚེ་དོན་དམ་པས་རྒྱལ་ཁབ་དེ་ཉིད་དམངས་གཙོ་ཕྱོགས་རྒྱུར་ཡར་སྐུལ་གྱི་ནུས་པ་ག་ཙམ་ཐོན་སྲིད། དངོས་གནས་མྱུར་མགྱོགས་ངང་བློ་རྩལ་ཕྱུང་སྟེ་ལས་འགུལ་ལ་རེམ་ནས་སྒེར་གཅོད་མཇུག་བསྡུ་འགྲོ་འམ། དང་ཐོག་ང་ཚོས་རིག་པའི་གཞུང་ལུགས་མི་རྩོད་པར་ཉམས་མྱོང་གི་སྟེང་ནས་ནོར་ཝེའི་ཞི་བདེའི་གཟེངས་རྟགས་ཐོབ་མཁན་ཚོ་དང་རྒྱལ་ཁབ་དེ་དང་དེ་རང་དབང་ཐོབ་མིན་གྱི་གྲངས་ཐོ་འདིར་ཅིག་ལྟོས་དང་།

དེ་ལས་མང་བ་། “ནོར་ཝེའི་ཞི་བདེའི་གཟེངས་རྟགས་ཀྱིས་རྒྱལ་ཁབ་རང་དབང་ཐོབ་སྲིད་དམ།” »

ཕུན་ཚོགས་ཀྱིས་བསྒྱུར།

སྤྱི་ལོ2010ལོའི་ཟླ10ཚེས11ཉིན། མའོ་ཡི་དྲུང་ཡིག་ལེའི་རིའི་གཙོས་པའི་རྒན་ཡོལ་ལས་བྱེད་པ་རྒན་པ་23གྱིས་རྒྱ་ནག་མི་མང་འཐུས་ཚོགས་ལ་སྙན་ཞུ་ཕུལ་ཏེ། པར་སྐྲུན་ཐད་གྱི་བཀའ་རྒྱའི་དམ་དྲག་མེད་པར་བཟོ་བ་དང་། རྩ་ཁྲིམས་གཞིར་བཟུང་ཏེ་སྤྱི་དམངས་ཀྱི་སྨྲ་བརྗོད་རང་དབང་མངོན་གྱུར་ཡོང་བར་འབོད་སྐུལ་བྱས་འདུག
སྤྱི་ཚེས་༡༣་ཉིན་ཏ་ཅེ་ཡོན་རྒྱ་ཡིག་དྲ་བར་གནས་ཚུལ་བཀོད་པ་ལྟར་ན། ལེའི་རིའི་དང་། ཧོའི་ཙི་བེའི། ཧྲ་ཡེ་ཞིན། ལེའུ་ཅིན
ཅང་ཕེན་སོགས་ལས་འཁྱུར་ངལ་གསོ་བྱས་ཟིན་པའི་རྒྱ་གཞུང་གི་ལས་བྱེད་པ་རྒན་པ་ཉེར་གསུམ་གྱིས་ཐུན་མོང་སྒོས་རྒྱ་ནག་མི་མང་འཐུས་ཚོགས་ལ་ཕུལ་བའི་ཡོངས་ཁྱབ་འཕྲིན་ཡིག་ཟེར་བ་ཞིག་སྤེལ་ཏེ། རྩ་ཁྲིམས་ཀྱི་དོན་ཚན་35ནང་བཀོད་ཀྱི་འབྲུ་དོན་ལྟར་དཔར་སྐྲུན་ཐད་གྱི་བཀའ་རྒྱའི་དམ་དྲག་མེད་པར་བཟོ་བ་དང་། སྤྱི་དམངས་ཀྱི་སྨྲ་བརྗོད་རང་དབང་ལག་བསྟར་ཡོང་བར་འབོད་སྐུལ་བྱས་འདུག ཡོངས་ཁྱབ་འཕྲིན་ཡིག་དེར་བསྟན་དོན། དོན་ཚན་འདི་ནི་ལོ་28རིང་ལག་བསྟར་བྱས་མེད་ཅིང་།

དེ་ལས་མང་བ་། “རྒྱ་ནག་གི་རྒན་ཡོལ་ལས་བྱེད་པ་སྐོར་ཞིག་གི་པར་སྐྲུན་རང་དབང་ཐད་གྱི་སྙན་ཞུ།” »

རྟ་ནག་སྐལ་བཟང་ལུང་རིགས།

༡༩༥༥ལོའི་ཟླ༡༢ཚེས༢༨ལ་ཅིས་ལིན་ཞིང་ཆེན་གྱི་ཁྲང་ཁྲོན་གྲོང་ཁྱེར་དུ་སྐྱེས།

༡༩༦༩ ནས ༡༩༧༣བར་ཕ་མའི་རྗེས་འབྲངས་ནས་ནང་སོག་དུ་སོང་།

༡༩༧༦ལོར་ཁྲོན་ཁྲང་གྲོང་ཁྱེར་གྱི་འཛུགས་སྐྲུན་ཀུང་ཟིའི་ལས་བཟོ་བ་བྱས།

༡༩༧༧ནས༡༩༨༢བར་ཅིས་ལིན་སློབ་ཆེན་གྱི་རྒྱ་ཡིག་ཚན་ཁག་ཏུ་སློབ་གཉེར་བྱས་ཏེ། ༡༩༨༢ལོར་སློབ་གླིང་དེ་གར་སློབ་མཐར་ཕྱིན་ཅིང་། རིག་གནས་རབ་འབྱམས་པའི་དཔང་རྟགས་ཐོབ།

དེ་ལས་མང་བ་། “ལུག་ཞོ་པོ་ཡི་ལོ་རྒྱུས་ལོ་ཚིགས་གུང་བསྒྲིགས་མ། ༼བོད་འགྱུར་མ།༽” »

(ཆེས་སྔགས་པར་འོས་པའི་བསམ་སྤྱོད་ལེགས་པོ་ནི་འཇིགས་པ་མེད་པ་དེའོ།)

ཉི་ཚེ། (尼采)
བུད་དྷ།（སི་ཁྲོན།）

༡ ཕྱིར་དྲན་ལ་ན་ཟུག་གིས་ཁེངས་པའི་ཟླ་གསུམ་པ།

ཉིས་སྟོང་བརྒྱད་ལོའི་ཟླ་གསུམ་པ་ནི་འཛམ་གླིང་ལ་མཚོན་ན་མིག་ཟུང་ཧྲིག་གེར་བལྟ་དགོས་པའི་དུས་ཚིགས་ཁྱད་པར་བ་ཞིག་རེད། གསུམ་པའི་བཅུ་བཞིའི་ཉིན་སྟོད་ཉི་མ་ལྷ་ས་ནས་མི་སེར་གཙོ་བྱས་པའི་མང་ཚོགས་ཡར་ལངས་ནས་ཁྲོམ་བསྐོར་བྱས། ཆུ་ལ་རྡོ་འཕངས་པ་ཇི་བཞིན་བསྟུན་མར་བོད་ཀྱི་ས་ཆ་མང་པོ་རུ་གཅིག་རྗེས་གཉིས་མཐུད་ངང་ངོ་བོ་དང་རྣམ་པ་འདྲ་བའི་ཁྲོམ་སྐོར་གང་མང་བྱས།
རང་ཡུལ་ཨ་མདོ་ལ་མཚོན་ན་གསུམ་པའི་བཅུ་དྲུག་སྔོན་གྱི་ཉི་མ་ཁ་ཤས་རིང་མེ་མདའ་དང་ད་དུང་མིང་ཡང་འབོད་མི་ཤེས་པའི་མཚོན་ཆ་མང་པོ་ཐོགས་པའི་དམག་མི་མང་པོས་རྫིག་རྫིག་ངང་དམག་ངོམས་བྱེད་ཅིང་བསྟར་ཕྲེང་བསྒྲིགས་ཏེ་ཚོང་རའི་ཡང་སྣེ་མར་སྣེ་སོགས་ཉུལ་ནས་སྐད་བསེང་མཐོན་པོས་འབོད་ཚིག་འདོན་གྱིན་ཉིན་མཚན་དབྱེར་མེད་ཀྱིས་དོགས་ཟོན་དང་མེལ་ཚེ་བྱེད་ཁུལ་བྱས།
གསུམ་པའི་བཅུ་དྲུག་ཉིན་མི་སེར་དང་གྲྭ་བ་གཉིས་ཀྱིས་གྲུབ་པའི་མི་ཚོགས་ཤིག་ཀིརྟི་དགོན་གྱི་ལམ་མདོ་(ཚོང་རའི་ལྷོ་ལམ་དང་ཆ་ཐང་ལམ་གྱི་བསྣོལ་མཚམས)ནས་མགོ་བརྩམས་ཏེ་ཁྲོམ་བསྐོར་བྱས།

དེ་ལས་མང་བ་། “ཕྱིར་རྟོག་དང་བསམ་གཞིག” »

ལུག་ཞོ་པོས་བརྩམས།
རྟ་ནག་སྐལ་བཟང་ལུང་རིགས་ཀྱིས་བསྒྱུར།

དམག་ཆེན་གཉིས་པའི་རྗེས་སུ་རང་སྐྱོང་གི་ཁེ་དབང་ཡང་སྤང་ལ་མེ་སྟག་འཐོར་བ་བཞིན་ ཕྱོགས་གང་སར་ཁྱབ་པར་གྱུར་ཅིང་། “མི་བུའི་ཆེས་མཐོའི་ཁེ་དབང་”ཡང་མི་བུ་རེ་རེ་ཡི་སེམས་ལ་བྱིང་པར་གྱུར། གྲངས་ཉུང་མི་རིགས་ཀྱི་རང་དབང་དང་རང་བཙན་གྱི་འདུན་པས་ཀུན་ནས་བསླངས་པའི་མི་ རིགས་ཀྱི་འགལ་བ་མཐའ་དག་ཀྱང་ཐག་གཅོད་བྱ་ཐུབ་པ་བྱུང་ཞིང་། སྲིད་དོན་མཁས་ཆེན་དག་གི་ཁྲིམས་མཐུན་རང་བཞིན་གྱི་ཐབས་ཤེས་དང་། ནུས་པ་རྒྱལ་ཡོངས་ཀུན་ཏུ་སྤྱོད་ཐུབ་པ་བྱུང་བས། དམངས་གཙོ་ནི་རིམ་བཞིན་འཛམ་གླིང་གི་རྒྱལ་ཁབ་ཕལ་མོ་ཆེས་སྤྱི་ཤེས་ལྟ་བུར་གྲུབ་ སོང་བ་རེད། དམངས་གཙོའི་ལྟ་ཚུལ་གྱི་རིན་ཐང་འདི་མི་དམངས་ཀྱི་ཁེ་དབང་གཏན་འབེབས་ཁྲོད་རིན་ ཐང་ལྡན་པས། མང་བོ་མང་བོ་ཞིག་གིས་དམངས་གཙོའི་རང་ལུགས་ལ་་བརྩི་མཐོང་དང་གདེངས་འཇོག་བླ་ མེད་གནང་ཞིང་། གྲངས་ཉུང་མི་རིགས་སྲུང་ཞིང་སྐྱོབ་པའི་རྩ་དོན་ཞིག་ལྷང་ངེར་གསལ་ཡོང་བ་རེད། མདོ་དོན་བཤད་ན། དམངས་གཙོའི་ལམ་ལུགས་ཀྱིས་གྲངས་ཉུང་མི་རིགས་ལ་མགོན་སྐྱབས་མཛད་དགོས་པ་གསལ་ བོར་མཚོན་ཡོད་པ་དེའོ།།

དེ་ལས་མང་བ་། “རང་སྐྱོང་གི་ཁེ་དབང་།” »