ཀུན་དགས་དབྱིན་ཡིག་ནས་བོད་བསྒྱུར་བྱས།
བརྩེ་བའི་ཡིག་འབྲེལ་བ་ལགས།གློག་འཕྲིན་གྱི་བརྒྱུད་ལམ་སྤྱད་ནས་ང་ཚོའི་བར་དུ་བརྗོད་ན་རིན་ཐང་ལྡན་པའི་བརྩེ་འཛུམ་ཞིག་གི་མེ་ཏོག་ཁ་ཕྱེས་པ་རེད།ངས་སུ་ཞིག་ལ་ཐུགས་རྗེ་ཆེ་ཞུའི་ལེགས་སྐྱེས་འབུལ་དགོས་སམ།
ཁྱེད་རང་བདེ་བོ་ཡིན་ནམ།དེང་སང་ཁྱེད་ཀྱི་ལས་ཀའི་གནས་བབ་གང་འདྲ་འདུག
འདིར་ང་རང་གི་ཆོས་ལུགས་དང་འབྲེལ་བའི་སྐོར་ཞིག་བཤད་རྒྱུ་ཡིན།ཁྱེད་རང་དཀོན་མཆོག་ལ་ཡིད་ཆེས་ཡོད་དམ།ཁྱེད་ཀྱིས་དཀོན་མཆོག་གི་གནང་སྦྱིན་ལ་དང་ལེན་བྱེད་ཀྱིན་ཡོད་དམ།
རྟ་ནག་སྐལ་བཟང་ལུང་རིགས།
སྤྱི་ ལོ་གཅིག་སྟོང་དགུ་བརྒྱ་གྱ་དགུ་ལོའི་ཟླ་གསུམ་པའི་ཚེས་ཉེར་དྲུག་ཉིན་ཧྲན་ཧེ་ ཀོན་འགག་སྒོ་རུ་ཧེ་ཙི་ལྷིང་འཇགས་ཀྱི་ངང་ནས་ལྕགས་ལམ་དུ་འཕྲེད་ཀྱིས་ཉལ་སོང་ལ། ཁོང་གི་ལུས་སྟེང་དུ༼དམ་པའི་གསུང་རབ༽ཀྱི་ཁ་ཕྱེ་ནས་ཡོད། མེ་འཁོར་ཞིག་ལྡིར་སྐད་དང་བཅས་ཏེ་རྒྱང་རིང་ནས་བསླེབས་སོང་། སྐྱེས་སྟོབས་ཀྱི་ཤེས་རབ་འབར་བའི་སྙན་ངག་པ་ཞིག་འདི་ལྟར་འཇིག་རྟེན་གཞན་ཞིག་གི་ཁམས་སུ་བསྙེགས་སོང་ངོ་།།
དེ་ལས་མང་བ་། “ཧེ་ཙི་ཅིའི་ཕྱིར་ལྕགས་ལམ་དུ་འཕྲེད་ཀྱིས་ཉལ་ཏེ་རང་སྲོག་དོར་བ་རེད། ༼བོད་འགྱུར་མ༽” »
ཀུན་དགས་དབྱིན་ཡིག་ནས་བསྒྱུར།
བརྩེ་བའི་ཡིག་འབྲེལ་བ་ལགས།
སྤྲོ་སྣང་ཆེན་པོའི་སྒོ་ནས་ཡང་གཅིག་ཁྱེད་ཀྱི་འཕྲིན་ཡིག་ལ་སྒུག ངེད་ཀྱི་ཡིད་མགུ་དང་ཚོར་ཤུགས་ནི་ཁྱེད་ཀྱི་གནས་ཚུལ་མང་ཙམ་གོ་བའི་བརྡ་ལན་དེ་དག་ཡིན།
ཁྱེད་ཀྱི་བསམ་གཞིགས་ཀྱི་ལམ་ཁ་གང་དུ་ཡོད་དམ་བརྩེ་བའི་ཡིག་འབྲེལ་བ་ལགས།
ཀུན་དགས་དབྱིན་ཡིག་ནས་བོད་བསྒྱུར་བྱས།
༼གྲོགས་པོ་རྣམ་པ་ལགས།ངེད་ཀྱི་ཡིག་བསྒྱུར་འདིར་དེ་ཙམ་གྱིས་རིན་ཐང་མི་ལྡན་ལ།ཆབ་སྲིད་དང་རིག་གཞུང་གི་ཁོར་ཡུག་བཟང་པོ་ཁ་བརྡའི་དྲ་ངོ་འདི་སྦག་བཙོག་བཟོ་བྱེད་ཅིག་ཡིན་ཀྱང་སྲིད།འོན་ཀྱང་།ཡིག་འབྲེལ་འདི་ནི་རྟོག་བཟོ་ཙམ་མིན་པར་བུ་མོ་ཞིག་གི་སེམས་གཤིས་ངོ་མ་ཡིན་པ་དང་།འབྲི་ཐབས་ཀྱི་ཁྱད་ཆོས་ཤིག་ནི་བརྩེ་དུང་གི་ཚོར་བ་རྐྱང་པ་ལབ་གླེང་བྱེད་པ་ཙམ་མིན་པར་འབྲི་ཐེངས་རེ་རེའི་ནང་བརྗོད་བྱ་གསར་བ་ཁོར་ཡུག་དང་།ཆོས་ལུགས།ལྟ་ཚུལ།ལས་གནས་སོགས་མང་པོ་ཞིག་འཁོད་འདུག་པས་འབྲི་རྩལ་གྱི་ཆ་ནས་བརྩེ་དུང་གི་ཨ་ལོང་ལས་ཤོར་བའི་སེམས་འཕྲིན་དམར་པོ་ལས་ལྷག་ཅིག་མཐོང་སོང་།
ཀུན་དགས་དབྱིན་ཡིག་ནས་བོད་བསྒྱུར་བྱས།
བརྩེ་བའི་གྲོགས་པོ་ལགས། དེ་རིང་བདེ་བོ་ཡིན་པས་འཚམས་འདྲི་ཞུ་རྒྱུ་ཡིན། འདི་རུ་བདག་གིས་ང་རང་གི་ཉིན་ཐོ་ལྟ་བུའི་འཆར་ཅན་འགྲོ་ལུགས་སྐོར་ཞིག་ངོ་སྤྲོད་བྱེད་རྒྱུ་ཡིན།
བསྟན་འཛིན་རྡོ་རྗེ། ཨ་རི།
བསོད་ནམ་སྟོབས་རྒྱལ་གྱིས་བོད་བསྒྱུར་བྱས།
གལ་སྲིད་བདག་ཉིད་ཆེན་པོ་གྷན་དྷི་ཡི་བདེན་པའི་ཨུ་ཚུགས་ཀྱི་ཐབས་ལམ་དེ་བོད་དུ་ལག་བསྟར་བྱུང་ན་ཇི་ལྟར་འགྱུར་རམ་ཞེས་ང་ལ་ལོ་ངོ་དུ་མའི་རིང་དྲི་བ་འདྲི་མཁན་འདུག དེར་བརྟེན་འདི་ལ་ལྷག་དཀར་ཟེར་ཞེས་ལན་འདེབས་བྱས་པ་ཡིན། རྒྱ་ནག་གིས་བོད་ཡོངས་སུ་དབང་བསྒྱུར་བྱས་ནའང་བོད་མི་ཚོས་འཚེ་བ་མེད་པའི་ཐབས་ལམ་གྱི་ནུས་ཤུགས་ལ་བརྟེན་ནས་ལས་འགུལ་སྤེལ་གྱི་ཡོད། འཕོ་འགྱུར་ཆེན་པོའི་གཞི་རྩ་འདི་ལ་ལྷག་དཀར་ཞེས་གྲགས་ལ་དེ་ནི་རེས་གཟའ་ལྷག་པ་དཀར་པོའམ་ཡང་དག་པའི་རེས་གཟའ་ལྷག་པ་ཞེས་པའི་དོན་ཡིན། ཉིན་དེ་ནི་༧གོང་ས་མཆོག་གི་སྐུའི་བླ་གཟའ་ཡིན་པས་རེས་གཟའ་ལྷག་པ་ལ་དེ་ལྟར་ཆེ་བསྟོད་བྱས་པ་ནི་འོས་འཚམས་རེད།
ཀུན་དགས་དབྱིན་ཡིག་ནས་བོད་བསྒྱུར་བྱས།
བརྩེ་བའི་ཡིག་འབྲེལ་བ་ལགས།
ཁྱེད་ལ་ཐུགས་རྗེ་ཆེ་གྲངས་མེད་ཞུ་རྒྱུ་ཡིན། འདས་དོན་གྱི་མནར་གཅོད་མང་པོ་ཞིག་གིས་ང་ལ་སྨྱོ་བ་ལྟ་བུའི་སེམས་ཁྲལ་གྱིས་ཁེངས་བཞིན་ཡོད་མོད། ཁྱོད་དང་ངེད་གཉིས་ཀྱི་ཡིག་ལན་བརྒྱུད་ནས་ངས་རང་ཉིད་ལ་ཅི་ཞིག་དགོས་པའི་ཚོར་བ་རྙེད་ཅིང་། གནམ་འོག་གི་གཞོན་ནུ་དར་མའི་ལང་ཚོ་དེ་རང་ཉིད་ཀྱིས་གཅེས་སྤྲས་བྱེད་དགོས་པའི་ངོས་ཟིན་ཀྱང་ཐོབ། དེ་རིང་ངས་ཁྱེད་ལ་བརྩེ་བའི་ཡིག་འབྲེལ་བ་ཞེས་བསྐྱར་ཏུ་འབོད་འདོད་བྱུང་།
ཁྱེད་རང་གི་འཕྲིན་ཡིག་འབྱོར་བ་ནས་ངོ་མ་ཧ་ཅང་སྐྱིད། ངས་ཁྱེད་ཀྱི་ཡིག་འབྲུ་རེ་རེ་ཞིབ་ཀློག་བྱེད་བཞིན་ཡོད། ཁྱེད་རང་བདེ་བོ་ཡིན་ནམ། ཁྱེད་རང་སྡོད་གནས་ཀྱི་གནམ་གཤིས་གང་འདྲ་འདུག ངས་བསམ་བློ་བཏང་ན་ཚང་མ་སྐྱིད་པོ་ཡོད་ཤག་རེད། དེང་སང་འདིར་གནམ་གཤིས་ཧ་ཅང་གྲང་། ཉི་མ་འདི་ཚོའི་གྲང་ཚད་ནི་ཀླད་གོར་༡༢ ནས་ ༡༤ ་ཁོ་ན་རེད། ཡི་གེ་འདི་བརྒྱུད་ང་ཡི་ཁོར་ཡུག་གི་གནས་བབ་སྐོར་ལ་གླེང་མོལ་བྱེད་འདོད་བྱུང་།
ཨོའོ་ཞོ་ཡིས་བརྩམམས། ཁྲི་ཆུ་བཟང་རྒྱ་མཚོས་ཨིན་ཡིག་ལས་བསྒྱུར།
ཤེས་ཡོན་ནི་བཅིངས་གྲོལ་གྱི་ཐབས་ལམ་ཞིག་ཡིན་མོད། འོན་ཀྱང་། དེ་ནི་འཇིག་རྟེན་ཧྲིལ་བོར་དངོས་སུ་ལག་བསྟར་བྱས་མྱོང་མེད། བཅིངས་གྲོལ་ཟེར་བ་ནི་བསམ་བློ་བཅིངས་གྲོལ་གཏོང་བ་ལ་གོ་དགོས། དེ་ནི་འདས་ཟིན་པའི་ཆབ་སྲིད་ཀྱི་ལྟ་བ་དང་། ཆོས་ལུགས་ཀྱི་རྣམ་གཞག་ལས་བསམ་བློ་དེ་གྲོལ་བར་འཁུམས། འདི་འདྲའི་བསམ་བློ་བཅིངས་གྲོལ་གཏོང་བའི་ཤེས་ཡོན་གྱི་ལམ་ཁའི་ཁྲོད་ནས་སློབ་བུ་ཞིག་བསྐྱེད་བསྲིང་བྱེད་སྐབས། སློབ་བུ་དེ་ནི་ཕྱོགས་ལྷུང་བྲལ་ཞིང་ཡང་དག་པའི་འཚོལ་ཞིབ་པ་ཞིག་ཏུ་འགྱུར་ངེས།
བོད་ཀྱི་ཆབ་སྲིད་གནད་དོན་ཉམས་ཞིབ་རྩོམ་སྒྲིག་ཚོགས་ཆུང་གིས་ཕྱི་ལོ་༢༠༡༠ ཟླ་ ༡༠ ཚེས་ ༢༡ རེས་ གཟའ་ཕུར་བུ། ས་གནས་དེ་གའི་ཕྱི་དྲོ་ཆུ་ཚོད་༦ དང་སྐར་མ་ ༤༥ ཐོག་སྤེལ།
༡ བློ་བཟང་སེང་གེ་ལགས་དང་འཇམ་དབྱངས་ནོར་བུ་ལགས་རྣམ་པ་གཉིས་ལ་ཐུགས་རྗེ་ཆེ་ཞུ། བཀའ་བློན་ཁྲི་པའི་འགྲན་རྩོད་འདི་ཨ་རིའི་སྲིད་འཛིན་ཨོ་བྷ་མ་འོས་ལངས་སྐབས་ཀྱི་སྲིད་འཛིན་གཞོན་པའི་འོས་མ◌ིའི་ཁ་གཏད་ལྕམ་སྐུ་ས་ར་པ་ལིན་གྱི་དོན་རྐྱེན་དང་གཅིག་མཚུངས་ཀྱི་ཐོག་མའི་དུས་རིམ་ལ་སླེབས། ཕྱི་ལོ་༢༠༠༨ ལོའི་ཨ་རིའི་སྲིད་འཛིན་གཞོན་པའི་འོས་མིའི་ཁ་གཏད་ལྕམ་སྐུ་ས་ར་པ་ལིན་གྱིས་ཕྱི་སྲིད་ཀྱི་ཐོག་ཁོ་མོར་ཉམས་མྱོང་ཕུན་སུམ་ཚོགས་པོ་ཡོད། གང་ཡིན་ཟེར་ན། ཨ་ལ་ སི་ཀར་ཡོད་པའི་ཁོ་མོའི་ཁང་པ་ནས་ཨུ་རུ་སུ་མཐོང་ཐུབ་ཀྱི་ཡོད། ཅེས་སྤོབས་པ་ཆེན་པོའི་ངང་བཤད་པའི་རྐྱེན་གྱིས་འགྲན་རྩོད་ནང་ཁོ་མོར་ཕམ་ཉེས་བྱུང་བ་ཞུ་ཅི་ལ་དགོས། ཤོད་འཛོལ་ཤོར་བའི་ཁོ་མོའི་སྐད་ཆ་དེས་མངའ་སྡེའི་སྲིད་སྐྱོང་དུས་ཡུན་ཕྱེད་ཀྱི ་ནང་ལས་དོན་སྒྲུབ་པར་ཉམས་མྱོང་དམན་པ་དང་། གནད་དོན་ཐོག་འཛིན་པའི་ཁོ་མོའི་ལྟ་ཚུལ་ལ་ཞན་ཆ་ཆེན་པོ་ཡོད་པ་སོགས་ཀྱི་སྐྱོན་བརྗོད་དྲག་པོ་ཕོག་པའི་རྐྱེན་གང་ལ་གང་མཚམས་བྱས་ཡོད།
བོད་ཀྱི་ཆབ་སྲིད་གནད་དོན་ཉམས་ཞིབ་རྩོམ་སྒྲིག་ཚོགས་ཆུང་གིས་ཕྱི་ལོ་༢༠༡༠ ཟླ་ ༡༠ ཚེས་ ༢༡ རེས་ གཟའ་ཕུར་བུ། ས་གནས་དེ་གའི་ཕྱི་དྲོ་ཆུ་ཚོད་༦ དང་སྐར་མ་ ༤༥ ཐོག་སྤེལ།
༡ བློ་བཟང་སེང་གེ་ལགས་དང་འཇམ་དབྱངས་ནོར་བུ་ལགས་རྣམ་པ་གཉིས་ལ་ཐུགས་རྗེ་ཆེ་ཞུ། བཀའ་བློན་ཁྲི་པའི་འགྲན་རྩོད་འདི་ཨ་རིའི་སྲིད་འཛིན་ཨོ་བྷ་མ་འོས་ལངས་སྐབས་ཀྱི་སྲིད་འཛིན་གཞོན་པའི་འོས་མ◌ིའི་ཁ་གཏད་ལྕམ་སྐུ་ས་ར་པ་ལིན་གྱི་དོན་རྐྱེན་དང་གཅིག་མཚུངས་ཀྱི་ཐོག་མའི་དུས་རིམ་ལ་སླེབས། ཕྱི་ལོ་༢༠༠༨ ལོའི་ཨ་རིའི་སྲིད་འཛིན་གཞོན་པའི་འོས་མིའི་ཁ་གཏད་ལྕམ་སྐུ་ས་ར་པ་ལིན་གྱིས་ཕྱི་སྲིད་ཀྱི་ཐོག་ཁོ་མོར་ཉམས་མྱོང་ཕུན་སུམ་ཚོགས་པོ་ཡོད། གང་ཡིན་ཟེར་ན། ཨ་ལ་ སི་ཀར་ཡོད་པའི་ཁོ་མོའི་ཁང་པ་ནས་ཨུ་རུ་སུ་མཐོང་ཐུབ་ཀྱི་ཡོད། ཅེས་སྤོབས་པ་ཆེན་པོའི་ངང་བཤད་པའི་རྐྱེན་གྱིས་འགྲན་རྩོད་ནང་ཁོ་མོར་ཕམ་ཉེས་བྱུང་བ་ཞུ་ཅི་ལ་དགོས། ཤོད་འཛོལ་ཤོར་བའི་ཁོ་མོའི་སྐད་ཆ་དེས་མངའ་སྡེའི་སྲིད་སྐྱོང་དུས་ཡུན་ཕྱེད་ཀྱི ་ནང་ལས་དོན་སྒྲུབ་པར་ཉམས་མྱོང་དམན་པ་དང་། གནད་དོན་ཐོག་འཛིན་པའི་ཁོ་མོའི་ལྟ་ཚུལ་ལ་ཞན་ཆ་ཆེན་པོ་ཡོད་པ་སོགས་ཀྱི་སྐྱོན་བརྗོད་དྲག་པོ་ཕོག་པའི་རྐྱེན་གང་ལ་གང་མཚམས་བྱས་ཡོད།
ཀུན་དགས་དབྱིན་ཡིག་ནས་བོད་བསྒྱུར་ཞུས།
བརྩེ་བའི་ཡིག་འབྲེལ་བ་ལགས།
དེ་རིང་གི་ཉི་མ་ནི་སྤྲོ་སྣང་གི་འོད་ཟེར་དང་ལྡན་ཞིང་། ང་རང་འཚིག་ཇ་འཐུང་སའི་ཇ་ཁང་ཞིག་ཏུ་སོང་སྟེ་ཁྱེད་ཀྱི་འཕྲིན་ཡིག་གསར་པ་ཀློག་བཞིན་ཡོད། ང་རང་ཆེས་དགའ་བ་ནི་ཁྱེད་ཀྱིས་ཡང་བསྐྱར་གློག་འཕྲིན་འབྱོར་བ་དེ་ཡིན། ཁྱོད་རང་ཉིད་ལ་ཐུགས་རྗེ་ཆེ་གྲངས་མེད་ཞུ་རྒྱུ་ཡིན།
ཀུན་དགས་དབྱིན་ཡིག་ནས་བོད་བསྒྱུར་བྱས།
རྒྱང་རིང་འཕྲིན་ལམ་གྱི་གྲོགས་པོ་ལགས།
ཐོག་མར་ཁྱེད་ལ་འཚམས་འདྲི་ཞུ་བ་དང་ཆབས་ཅིག་ང་ནི་དྲང་བདེན་གྱི་བརྩེ་བ་ལ་རེ་ལྟོས་བྱེད་མཁན་ཞིག་དང་། གློག་འཕྲིན་གྱི་དྲ་ལམ་དུ་ཞུགས་ནས་མི་ཚེ་ཡི་འཚོལ་སྙེག་ལ་སྐུལ་འདེད་གཏོང་མཁན་ཞིག་ཀྱང་ཡིན། ཁྱེད་རང་ང་དང་མཉམ་དུ་རང་དབང་གི་ལམ་དུ་ཞུགས་ཏེ་ཐོབ་དཀའ་བའི་མི་ཚེ་ཞིག་གི་རིན་ཐང་ལ་འབད་འབད་དུང་དུང་གི་གཏམ་གླེང་བྱེད་པར་ཐུགས་རྗེ་ཆེ་ཞུ་རྒྱུ་ཡིན།
ངའི་མིང་ལ་ཏ་ཏའི་ཡ་ནར་འབོད་ཅིང་། གཟུགས་ཀྱི་ལྗིད་ཚད་དང་། རིང་ཚད་སོགས་ནི་ཚད་ལྡན་ གྱི་བུ་མོའི་ཕུང་བོའི་གྲུབ་ཆ་ཚང་ཡོད། ཕྱི་ལོ་༡༩༨༡་ལོར་ར་ཤི་ཡའི་རྒྱལ་ཁོངས་ཨིན་ཁྲ་རྫོང་ཁོངས་སུ་སྐྱེས་པ་ཡིན། ཨིན་ཁྲ་གྲོང་ཁྱེར་ནི་དེ་ཙམ་གྱིས་གཞི་རྒྱ་ཆེ་བའི་གྲོང་ཁྱེར་ཞིག་མ་རེད། འདི་ནི་ར་ཤི་ཡ་སྤྱི་མཐུན་རྒྱལ་ཁབ་ཀྱི་བྱང་ཕྱོགས་སུ་ཡོད་པ་དང་། གཞུང་གི་འཛིན་སྐྱོང་དང་འབྲེལ་བའི་ལྷན་ཁང་ཁག་ཀྱང་ཡོད་པ་རེད། གྲོང་ཁྱེར་འདིར་རྒྱུན་སྡོད་མི་འབོར་༣༧༠༠༠ལྷག་ཡོད་པ་དང་། ༡༩༤༠ལོར་གསར་དུ་འཛུགས་བསྐྲུན་བྱུང་བ་ཞིག་རེད།
ཟླ་བ་གཞོན་ནུ །།
<<ཐོག་ཁང་དམར་བོའི་རྨི་ལམ>>ནི་ཚོ་ཞོས་ཆིན་གྱིས་སྐྱོ་གདུང་དང་དཀའ་སྡུག་གི་གཏམས་པའི་ཚེ་མཇུག་ལ་བརྩམས་གནང་བ་དང་།
སྔོན་མའི་མིང་ལ<<རྡོའི་ཟིན་ཐོ་>>ཟེར་ཞིང་ལེའུ་༨༠ཡོད། དེ་ལག་བྲིས་ཀྱིས་བརྒྱུད་སྤེལ་བྱས་ནས་འོངས། སྤྱི་ལོ་༡༧༩༡ལོར། ཁྲིན་ཝེ་ཡོན་(程伟元)དང་ཀོ་ཨེ་(高鹗)གཉིས་ཀྱིས་ཐོག་དང་བོར་ཡིག་འབྲུ་སྒྲིག་པའི་དཔར་དུ་བཏབ་ནས་འགྲེམས་སྤེལ་བྱས་ཤིང་། དེབ་ཡོངས་ལེའུ་༡༢༠་དང་དེབ་མིང་<<ཐོག་ཁང་དམར་བོའི་རྨི་ལམ>>་ཞེས་པར་བསྒྱུར།
(བཀྲས་མཐོང་བསྟན་འཛིན་རྣམ་རྒྱལ་ལགས་བཀའ་ཁྲིའི་འོས་དམིགས་སུ་ངས་རྒྱབ་སྐྱོར་བྱེད་དགོས་དོན་ཅི།)
བསྟན་པ་དར་རྒྱས་སྒབ་ཤི (ཁ་ཎ་སྒྲ)
ཉེ་དུས་ང་རང་གྲོགས་པོ་དང་། གཉེན་ཚན། བོད་རིགས་རྣམ་པ་ལྷན་བཀའ་མོལ་རིམ་པ་ཞུསཔར་བཀའ་ཁྲི་འོས་དམིགས་བསྟན་འཛིན་རྣམ་རྒྱལ་ལགས་ཀྱི་དངོས་ཡོད་སྐོར་མང་ཆེ་བས་གོ་རྟོགས་དེ་ཙམ་མེད་པའི་དོ་སྣང་ཆེན་པོ་བྱུང་། བོད་མི་འགས་ཤེས་རྟོགས་སུ་ཁོང་བཙན་བྱོལ་བོད་གཞུང་ནང་ལོ་མང་ཞབས་ཞུ་གནང་མྱོང་ཡོད་པ་རེད་བཅས་དང་། ཡང་གོ་རྟོགས་གང་ཙམ་ཡོད་པའི་མང་དག་ཞིག་གིས་ཁོང་ལས་འཆར་འདྲ་མིན་ནང་མཉམ་བཞུགས་གནང་མྱོང་ཡོད་པར་ངོ་འཛིན་ཞུ་ཡི་ཡོད་ནའང་། གང་ལྟར་ཁོང་གི་མཛད་འཕྲིན་ངོ་མ་དང་ཁོང་གི་ལས་གཟུགས་དངོས་ཡོད་ཇི་འདྲ་ཞིག་ཡིན་མིན་སྐོར་དངོས་གསལ་ཤེས་རྟོགས་ཡོད་པའི་མི་སྣ་མཇལ་དཀའ་བ་འདུག
དེ་ལས་མང་བ་། “བཀྲས་མཐོང་བསྟན་འཛིན་རྣམ་རྒྱལ་ལ་ངས་རྒྱབ་སྐྱོར་བྱེད་དགོས་དོན་ཅི།” »
ཨོའོ་ཞོ་ཡིས་བརྕམས།
ཁྲི་ཆུ་བཟང་རྒྱ་མཚོས་་བསྒྱུར།
འཛམ་གླིང་འདི་རུ་ཞི་བདེ་གང་ཡང་མེད་ལ། ལོ་རྒྱུས་ཁྲོད་དུས་སྐབས་གཉིས་འབའ་ཞིག་བྱུང་མྱོང་སྟེ། ང་ཚོ་རྒྱུས་མངའ་ཆེ་བའི་དམག་འཁྲུག་གི་དུས་སྐབས་དང༌། ཞི་བདེ་རུ་འབོད་པའི་དུས་སྐབས་དེ་རེད། ཞི་བདེ་རུ་འབོད་པའི་དུས་སྐབས་དེ་ནི་མི་མངོན་པའི་སྒྲིབ་གཡོག་ཅིག་སྟེ། དོན་དངོས་ཐོག་དམག འཁྲུག་གཞན་ཞིག་གི་ཆེད་དུ་སྟ་གོན་བྱེད་པའི་དུས་སྐབས་ཞེས་བརྗོད་ཆོག ལོ་རྒྱུས་ཧྲིལ་བོ་ཁྲོད་དོན་ཚན་གཉིས་འབའ་ཞིག་མངའ་སྟེ། དམག་འཁྲུག་དང་དམག་འཁྲུག་གི་ཕྱིར་དུ་གྲ་སྒྲིག་དེ་རེད། ཁྱེད་ཀྱིས་ང་ལ་སྐད་ཆ་འདྲི་བཞིན་ཡོད་དེ། འཛམ་གླིང་དམག་ཆེན་གཉིས་པ་མཇུག་སྒྲིལ་རྗེས་འཛམ་གླིང་ཡོངས་ལ་གཞུང་འབྲེལ་གྱིས་ཞི་བདེ་བསྐྱར་གསོ་བྱས་པ་ནས་བཟུང༌། ཆབ་སྲིད་པ་རྣམས་ཀྱིས་ཅི་ཞིག་བྱེད་མྱོང་ཟེར།
བསྟན་འཛིན་བརྩོན་འགྲུས། ལུང་རིགས་རྒྱལ་གྱིས་བསྒྱུར།
བརྩེ་བའི་ཝན་ཅ་པོའོ་ལགས། ཁྱེད་རྒྱ་གར་དུ་ཕེབས་པར་ངས་དགའ་བསུ་ཞུ། ང་རྒྱལ་ཁབ་འདིའི་མི་སེར་ཞིག་མིན་ནའང་། ང་བཙན་བྱོལ་འདིར་སྐྱེས་ཤིང་འཚར་ལོངས་བྱུང་བ་ཞིག་ཡིན། རྒྱ་གར་ནི་ངས་ཤེས་པའི་ཁྱིམ་གཞིས་དེ་གཅིག་པུ་ཡིན། ང་ནི་བཙན་བྱོལ་གྱི་མི་རབས་གཉིས་པ་སྟེ། ༡༩༥༩ ལོར་༧གོང་ས་ཏཱ་ལའི་བླ་མ་མཆོག་གི་སྐུ་རྗེས་སུ་འབྲངས་ཏེ་རྒྱ་ནག་གི་དྲག་པོའི་བཙན་འཛུལ་འོག་ནས་བྲོས་བྱོལ་དུ་ཡོང་མཁན་བོད་པ་བཙན་བྱོལ་བ་དེ་དག་གི་བུ་ཕྲུག་གི་གྲས་ཡིན།
སྐུ་ཉིད་ཐེངས་སྔོན་མ་སྟེ། ༢༠༠༥ ལོའི་ཕྱི་ཟླ་ ༤ པའི་ཚེས་ ༡༠ ཉིན་རྒྱ་གར་དུ་ཕེབས་ཤིང་། ཉིད་ཀྱིས་བྷང་གྷ་ལོར་ཡོད་པའི་རྒྱ་གར་ཚན་རིག་བསྟི་གནས་ཁང་གི་ཐོག་བརྩེགས་འོག་མའི་ནང་དུ་རྒྱ་གར་གྱི་ཚན་རིག་པ་སྐོར་ཞིག་ལ་གཏམ་བཤད་གནང་ནས་མ་ཁོམ་པར་ཡོད་དུས་དེར། གློ་བུར་དུ་གསར་འགོད་པ་དག་སྒོའི་ཕྱི་ལོག་ལ་རྒྱུག་ཕྱིན་ཏེ་ཁྱེད་རང་ཚོགས་ཁང་ནང་ནས་གཡུག་བཞག་པ་རེད། སྐབས་དེར་མི་ཞིག་ཁང་བརྩེགས་དེའི་སྟེང་དུ་འཛེགས་ཏེ་བོད་རང་བཙན་གྱི་འཕྲེད་དར་ཅིག་ཕྱར་ཞིང་སྐད་འབོད་བྱེད་ཀྱིན་ཡོད། དེ་ནི་ང་ཡིན།
(ཕྱི་ལོ་༡༩༧༥ལོའི་བོད་གནས་བསྐྱར་ཞིབ་སྟེང་བཀོད།)
བཅར་འདྲི་བྱེད་མཁན། ཟླ་བ་ནོར་བུ།
རིག་འབྱུང་དོན་གྲུབ་བཀྲ་ཤིས་ཀྱིས་བསྒྱུར།
དང་པོ།
ཁྱེད་རང་སྒོ་འབྱེད་པ་ཞིག་ལ་མཚོན་ན། “ཡུལ་ཕྱོགས་སོ་སོའི་གསར་འགྱུར་མེ་ལོང་”འདི་ཐོག་མར་འདོན་དུས། དཀའ་ངལ་མང་པོ་འཕྲད་སོང་ངམ།
ལན། རེད། དཀའ་ངལ་མང་པོ་འཕྲད་སོང་། ཡིན་ན་ཡང་། ང་དེ་ཚོར་དགའ་སྣང་ཡོད། ངས་ཐོག་མར་བོད་ཡིག་གི་གསར་འགྱུར་འདོན་དུས། རྗེས་སུ་སོ་སོ་སྒེར་ངོས་ནས་བོད་ཡིག་གི་ཚགས་པར་འདོན་མཁན་བལ་བོའི་གྲོགས་པོ་ཞིག་གིས། “ག་རེ་བྱས་ནས་ཁྱེད་ཀྱིས་དངུལ་འཕྲོ་བརླག་ལ་གཏོང་གི་ཡོད་དམ། འདི་ལ་མ་འོངས་བ་ཡོད་མ་རེད།” ཞེས་སྨྲས་བྱུང་། འོན་ཀྱང་། ཕྱི་ལོ་༡༩༢༥ལོའི་ཟླ་བཅུ་བའི་ནང་། ཐོག་དང་པོར་ངས་ཚགས་པར་གྲངས་ལྔ་བཅུ་ཙམ་དཔར་བཏབ་ནས་ལྷ་སར་ཡོད་པའི་རང་གི་གྲོགས་པོ་ཚོར་བསྐུར་བ་ཡིན། རྒྱལ་དབང་སྐུ་ཕྲེང་བཅུ་གསུམ་པ་ལ་ཡང་བསྐུར་བ་ཡིན། ཁོང་ཧ་ཅང་ཐུགས་དགྱེས་ཚོར་ཆེན་པོ་བྱུང་འདུག ཁོང་གིས་ང་ལ་འཕྲིན་ཡིག་ཞིག་དང་མཉམ་དུ་ཐུགས་རྗེ་ཆེ་མཚོན་པའི་ལེགས་རྟགས་འགའ་བསྐུར་འདུག་པ་མ་ཟད། མུ་མཐུད་ནས་ཚགས་པར་འདོན་དགོས་བའི་སྐུལ་མ་གནང་འདུག
གཉིས་པ།
བོད་ཐོག་སྤེལ་བའི་ཚགས་པར་དེ་དང་འབྲེལ་ནས། ཁྱེད་རང་རྒྱལ་དབང་སྐུ་ཕྲེང་བཅུ་གསུམ་པ་དང་འབྲེལ་འདྲིས་གཏིང་ཟབ་བྱུང་ཡོད་པ་རེད། དེས་ན། ཁྱེད་རང་གི་ངོས་ནས་ཁོང་ལ་ལྟ་སྟངས་དང་ཁོང་གི་བྱས་རྗེས་གཙོ་བོ་ཅི་ཞིག་རེད་བསམ་གི་འདུག
ལན། ཁོང་ནི་ཧ་ཅང་སྒམ་ཚུགས་ཅན་ཞིག་རེད། ཁྱེད་རང་ཕྱི་རྒྱལ་བ་ཞིག་ཡིན་པའི་དབང་དུ་བཏང་རུང་། ཁོང་གི་གདོང་ལ་ཐད་ཀར་བལྟ་ཐུབ་གི་མ་རེད། དབྱིན་ཇིའི་ལས་བྱེད་ཚོར་ཉམས་མྱོང་འདི་གཅིག་མཚུངས་སུ་བྱུང་ཡོད་པ་རེད། ཁོང་ནི་ཧ་ཅང་གཟི་བརྗིད་ཅན་དང་ངར་མ། སྐྱེས་བ་ནས་བཀའ་གཏོང་མཁན། ད་དུང་བློ་གྲོས་ཅན་ཞིག་ཀྱང་རེད། ཁོང་གི་བྱས་རྗེས་གཙོ་བོ་ནི། བོད་ལ་འགྱུར་བ་ཞིག་ངེས་པར་གཏོང་དགོས་བར་འདོད་པ་དང་བོད་འདི་གཞན་འོག་ལ་ཤོར་རྒྱུའི་ཉེན་ཁ་ཡོད་པ་སོགས་ངོས་འཛིན་གསལ་བོ་ཐུབ་པ་དེ་ཡིན་ཞིང་། ཁོང་གིས་སྐུ་ཚེ་ཧྲིལ་བོར། བོད་འདི་དེང་རབས་ཅན་གྱི་ཕྱོགས་སུ་འཁྲིད་པ་དང་བོད་འདི་རྒྱ་ནག་འོག་ནས་ཐར་སྟེ་རང་བཙན་གཙང་མའི་རྒྱལ་ཁབ་ཞིག་བྱེད་རྒྱུར་འབད་བརྩོན་གནང་བ་རེད། ཁོང་ལ་རྒྱ་ནག་དང་ཞི་འགྲིག་བྱེད་འདོད་ཡོད་མོད། རྒྱ་ནག་གི་འོག་ཏུ་སྡོད་འདོད་མེད་པ་རེད། ད་ལྟའི་ཏཱ་ལའི་བླ་མ་ཡང་སྐུ་སྔོན་མའི་བཏིངས་བའི་ལམ་ཐིག་འདིའི་སྒང་དུ་སྙེག་འདོད་ཡོད་པ་འདྲ་ཞིག་འདུག
དེ་ལས་མང་བ་། “སྒོ་འབྱེད་པ་དང་རྒྱལ་ཞེན་པ། བྷ་བྷུ་མཐར་ཕྱིན་ལགས་སུ་བཅར་འདྲི།” »
༼བོད་ཀྱི་དུས་བབ་དྲ་ཚིགས་ནས་འདྲེན་བཀོད་ཞུས།༽
ལིའུ་ཞའོ་པོའོ་ཡིས་བརྩམས།
ཆུང་ཚེ་རིང་གིས་བསྒྱུར།
༼ཐ་མའི་བསྒྲགས་གཏམ།༽
༼ རྩོམ་ཡིག་འདི་ནི་ ༢༠༡༠ ལོའི་ནོ་སྦེལ་ཞི་བདེའི་གཟེངས་རྟགས་འཐོབ་མཁན་སྐུ་ཞབས་ལིའུ་ཞའོ་པོའོ་ཡིས། ཕྱི་ལོ་ ༢༠༠༩ ལོའི་ཟླ་ ༡༢ ཚེས་ ༢༣ ཉིན་རྒྱ་ནག་གི་ཁྲིམས་ཁང་ནང་ཡོངས་བསྒྲགས་གནང་བའི་བསྒྲགས་གཏམ་ཐ་མ་དེ་ཡིན་ཞིང་། དེ་ནས་ཉིན་གཉིས་ཀྱི་རྗེས་ཏེ་ཡེ་ཤུའི་འཁྲུངས་སྐར་དུས་ཆེན་ཉིན་ཁོང་དུས་བཀག་བཙོན་འཇུག་ལོ་ ༡༡ བྱ་རྒྱུའི་ཁྲིམས་ཐག་བཅད་པ་རེད། རྩོམ་ཡིག་འདི་ཧོང་ཀོང་དུ་བརྟེན་གཞི་བྱས་པའི་གཞུང་འབྲེལ་མ་ཡིན་པའི་ཚོགས་པ་“རྒྱ་ནག་ནང་གི་འགྲོ་བ་མིའི་ཐོབ་ཐང་”ཞེས་པའི་དྲ་རྒྱའི་ཐོག་བཀོད་པའི་དབྱིན་འགྱུར་གཞིར་བཟུང་བོད་ཡིག་ཏུ་བསྒྱུར་ཐོག །དབྱིན་འགྱུར་དུ་གོ་བ་གསལ་པོ་མེད་པའི་ཚིག་གནད་འགའ་ཞིག་གི་ཐད་མ་དཔེ་རྒྱ་ཡིག་དང་མཚུངས་བསྡུར་གྱིས་རྒྱ་ཡིག་གི་གོ་བ་ལྟར་བསྒྱུར་བའང་ཡོད། ༽
༅༅།། དུས་རབས་ཕྱེད་ལྷག་ཙམ་གྱི་ངའི་མི་ཚེའི་བརྒྱུད་རིམ་ནང་ ༡༩༨༩ ལོའི་ཕྱི་ཟླ་དྲུག་པ་ནི་དཀྱོག་མཚམས་གལ་ཆེན་ཞིག་ཡིན། དུས་མཚམས་དེར་མ་སླེབས་བར། ང་རང་ནི་རིག་གནས་གསར་བརྗེའི་རྗེས་སུ་སློབ་གྲྭ་ཆེན་མོའི་ཚུད་རྒྱུགས་གཞི་ནས་བསྐྱར་གསོ་ཐུབ་སྟེ། སློབ་ཆེན་དུ་འཛུལ་ཞུགས་བྱེད་མཁན་སྐབས་དང་པོའི་(ཕྱི་ལོ་ ༡༩༧༧ ལོའི་འཛིན་གྲྭ་)ཁོངས་མི་ཞིག་ཡིན་པས། ཉེ་བའི་གཙུག་ལག་རབ་འབྱམས་པ་(BA)ནས་གཙུག་ལག་རབ་འབྱམས་པ་(MA)དང་། དེ་ནས་འབུམ་རམས་པ་(PhD)བཅས་ངའི་ཤེས་ཡོན་གྱི་བརྒྱུད་རིམ་ཚང་མ་གེགས་མེད་བདེ་བགྲོད་ཐུབ་པ་བྱུང་ལ། སློབ་ཐོན་མིང་རྟགས་ཐོབ་རྗེས། པེ་ཅིང་དགེ་འོས་སློབ་གྲྭ་ཆེན་མོར་(Beijing Normal University)སློབ་ཁྲིད་བྱས་ཤིང་། སློབ་དཔོན་ཞིག་ཡིན་པའི་ཆ་ནས་ང་ལ་སློབ་མ་ཚོས་དགའ་མོས་ཆེན་པོ་ཐོབ། དེ་དང་དུས་མཉམ་དུ། ང་རང་སྤྱི་དམངས་ཀྱི་ཤེས་ཡོན་ཅན་ཞིག་ཡིན་པའི་ཆ་ནས་རྩོམ་ཡིག་དང་དཔེ་དེབ་ཁག་ཅིག་བྲིས་པ་དེས་ལོ་རབས་བརྒྱད་ཅུ་པའི་ནང་གཡོ་འགུལ་ཆེན་པོ་ཞིག་བསླངས་ཏེ་རྟག་ཏུ་ས་གནས་ཁག་ཏུ་གཏམ་བཤད་བྱེད་པར་གདན་ཞུ་དང་། ཕྱི་རྒྱལ་ཡུ་རོབ་དང་ཨ་རིར་སྐོར་སྐྱོད་མཁས་པའི་མིང་ཐོག་ནས་གཏམ་བཤད་བྱེད་པར་མགྲོན་འབོད་བྱས་པ་ལྟར་བསྐྱོད་མྱོང་ཡོད། ངས་རང་ཉིད་ལ་རེ་བ་གང་ཞིག་འདོན་གྱི་ཡོད་ཅེ་ན། རང་ཉིད་སྐྱེ་བོ་ཞིག་དང་རྩོམ་པ་པོ་གང་ཡིན་རུང་། གཞུང་དྲང་དང་འགན་ཁུར། ཆེ་མཐོང་ལྡན་པ་བཅས་ཀྱི་མི་ཚེ་སྐྱེལ་དགོས་པའི་རེ་བ་འདོན་གྱི་ཡོད། དེ་རྗེས་ཨ་རི་ནས་ཕྱིར་ལོག་གིས་ ༡༩༨༩ ལོའི་ལས་འགུལ་ནང་མཉམ་ཞུགས་བྱས་པའི་རྐྱེན་གྱིས་“གསར་བརྗེར་ངོ་ལོག་གི་དྲིལ་བསྒྲགས་དང་ངན་སྐུལ་བྱས་པའི་ནག་ཉེས་”འོག་ང་རང་བཙོན་ཁང་དུ་བཅུག །དེ་ལྟར་རང་གིས་དགའ་མོས་ཆེ་བའི་བཤད་སྟེགས་ཀྱང་ཤོར་བས། རྒྱ་ནག་ནང་རྩོམ་ཡིག་སྤེལ་བ་དང་གཏམ་བཤད་བྱེད་མི་ཐུབ་པར་གྱུར། ཆབ་སྲིད་ཀྱི་ལྟ་བ་མི་འདྲ་བའི་རྩོམ་ཡིག་སྤེལ་བ་དང་ཞི་བའི་ཐོག་ནས་བརྩམས་པའི་དམངས་གཙོའི་ལས་འགུལ་ནང་མཉམ་ཞུགས་བྱས་པའི་རྒྱུ་མཚན་ཙམ་ལ་བརྟེན་ནས། དགེ་རྒན་ཞིག་གི་སློབ་ཁྲིད་བཤད་སྟེགས་ཤོར་བ་དང་། རྩོམ་པ་པོ་ཞིག་གི་རྩོམ་ཡིག་འགྲེམས་སྤེལ་གྱི་ཐོབ་ཐང་ཤོར་བ། སྤྱི་དམངས་ཀྱི་ཤེས་ཡོན་ཅན་ཞིག་གི་ཡོངས་ཁྱབ་ཐོག་གཏམ་བཤད་བྱེད་པའི་གོ་སྐབས་ཤོར་བ་རེད། འདི་ནི་ང་མི་སྒེར་དང་སྒྱུར་བཅོས་སྒོ་དབྱེའི་ལོ་ངོ་སུམ་ཅུ་བརྒྱུད་ཟིན་པའི་རྒྱ་ནག་གཉིས་ཀའི་སྐྱོ་གར་ཞིག་རེད།
རྟ་ནག་སྐལ་བཟང་ལུང་རིགས།
རྒྱ་ ཡིག་རང་དབང་རྩོམ་པ་བོའི་མཐུན་ཚོགས་ཀྱི་ཚོགས་གཙོ་སྟེ། འབུམ་རམས་པ་ལུག་ཞོ་པོ་ལ་ཉིས་སྟོང་བཅུ་ལོའི་ནོ་སྦེལ་ཞི་བདེ་གཟེངས་རྟགས་བསྩལ་ བར་ངེད་ཅག་གི་སེམས་ཁོང་རུས་པའི་གཏིང་ནས་རྟེན་འབྲེལ་ཞུ།
ཁོང་ཉིད་ཁྲི་མུན་ལས་གློད་པ་ཐོབ་པའི་ཕྱིར་དང་། ནོ་སྦེལ་གཟེངས་རྟགས་བསྟབ་པའི་སླད་དུ་སྐུལ་འདེད་དང་། རྒྱབ་སྐྱོར། འབོད་པ་མཛད་མཁན་ཏེ། རྒྱལ་ཁབ་ཕྱི་ནང་གི་རིགས་སོ་སོ་བ་ཡོངས་ལ་ལྷག་བསམ་ཟོལ་མེད་ཀྱིས་ཐུགས་རྗེ་ཆེ་ཞུའོ།།
འབུམ་ རམས་པ་ལུག་ཞོ་པོ་ནི་སྙན་པར་གྲགས་པའི་རྒྱ་ནག་གི་རྩོམ་པ་བོ་སྟེ། རིག་གཞུང་དཔྱད་བརྗོད་པ་དང་། འགྲོ་མིའི་ཐོབ་ཐང་གི་ལས་འགུལ་བ་བཅས་སོ།། ༡༩༨༠ ལོ་ནས་བཟུང་རང་དབང་གི་རྩོམ་ཡིག་སྤེལ་བ་དེ་དང་། འགྲོ་མིའི་ཐོབ་ཐང་རྩོད་ལེན་མཛད་པ་དེ་དང་། དམངས་གཙོའི་ལས་འགུལ་ལ་གཞོལ་བ་དེ་དག་གིས་བགྲང་བྱ་ཉི་ཤུ་ལྷག་ལ་ཕྱིར་མི་ལྡོག་ པའི་བརྟུན་པ་བསྐྱེད་དེ་སྲིད་དབང་སྒེར་གཅོད་པར་སྐྱོན་བརྗོད་མཛད་པའོ།། སེམས་པ་དམངས་ལ་འཁོར་བའི་ཞི་བདེ་རང་བཞིན་གྱི་ལང་ཕྱོགས་གཞི་རྩར་བཟུང་སྟེ། རྒྱ་ཆེ་བའི་རྒྱ་ནག་མི་དམངས་ཀྱི་སྨྲ་བརྗོད་རང་དབང་རྩོད་ལེན་ལ་མཐའ་གཅིག་ཏུ་གཞོལ་ཞིང་བརྩོན་པར་བྱས། སྤྱི་དམངས་སྤྱི་ཚོགས་གསར་གཏོད་དང་རྩ་ཁྲིམས་བཅོས་སྒྱུར་གྱི་མཁའ་དབུགས་ཁྲོད་དུ་བཙོན་འཇུག་དང་། ལྟ་ཞིབ། སུན་བཙེར། རྡེག་འཚོགས་དང་བཅས་ཏེ་ཡོང་ནའང་འཇིགས་པས་བྲལ་ཞིང་། ཡི་གེ་ཡིས་མ་རུངས་པའི་ལས་སྤེལ་བར་བསྙད་བཏགས་ནས་ཁྲི་མུན་བཙུད་ཀྱང་ནོངས་འགྱོད་དེ་ལས་ཀྱང་མ་བྱུང་ངོ་།།
ར་ས་ཕོ་ཉ།
ཧ་ཆི་ཀོ། 《ཕྱི་ལོ་༡༩༢༣ ཟླ་བ་༡༡ ཚེས་༡༠ ནས་ ༡༩༣༥ ཟླ་བ་༣ ཚེས་༨ བར་འཚོ་གནས་བྱས།》
ཉི་ཧོང་དུ་དམ་ཚིག་གཡོ་བ་མེད་པའི་ཁྱི་རུ་གྲགས་པ་ཧ་ཆི་ཀོ་ནི་༡༩༢༣ ཟླ་བ་༡༡ ཚེས་༡༠ ཉིན་ཨོ་དྷ་ཏེ་Odateཞེས་པའི་ཉི་ཧོང་གི་གྲོང་ཁྱེར་དེའི་ཉེ་འདབས་སུ་ཞིང་པ་ཞིག་གི་ནང་དུ་ཨ་ཀི་ཏ་Akitaཞེས་པའི་ཁྱིའི་རིགས་སུ་སྐྱེས། ༡༩༢༤ ལོར་ཀྲོག་ཡོའི་Tokyoམཐོ་རིམ་སློབ་གྲྭའི་སོ་ནམ་མཁས་དབང་proffessorཡུའི་ནོ་ Ueno ཞུ་བ་ཞིག་གིས་ཧ་ཆི་ཀོ་གཅེས་ཉར་སེམས་ཅན་དུ་ཉར། མཁས་དབང་ཁོང་འཚོ་ཞུགས་ཀྱི་རིང་ཧ་ཆི་ཀོས་ཉིན་ལྟར་ཕྱི་དྲོ་ཤི་བྷུ་ཡ་Shibuya station ཞེས་པའི་མེ་འཁོར་བབ་ཚུགས་སུ་རང་གི་སྦྱིན་བདག་མཁས་དབང་དེ་བསུ་སར་བསྐྱོད་ཀྱི་ཡོད་འདུག འོན་ཀྱང་ཡིད་སྐྱོ་བ་ཞིག་ལ་ ༡༩༢༥ ཟླ་བ་༥ པའི་ནང་མཁས་དབང་དེ་ཀླད་ཁྲག་འདྲེས་ནས་འདས་གྲོང་དུ་གྱུར་པས་ཧ་ཆི་ཀོས་སྒུག་བསྡད་པའི་མེ་འཁོར་བབ་ཚུགས་སུ་ལོག་མ་ཐུབ། མཁས་དབང་ཁོང་འདས་པའི་རྗེས་སུ་ཧ་ཆི་ཀོ་གཞན་ཞིག་ལ་སྤྲད་ཡོད་ནའང་། བརྩེ་སེམས་ཀྱི་དམ་ཚིག་གཡོ་བ་མེད་པའི་ཧ་ཆི་ཀོས་རྟག་པར་བྲོས་ཕྱིན་ནས་སྦྱིན་བདག་འདས་པོ་དེའི་ཁྱིམ་དུ་ལོག་ཡོང་གི་ཡོད་ཅིང་། ཧ་ཆི་ཀོས་མཁས་དབང་ཁོང་གི་ཁྱིམ་ཚང་དེར་རང་གི་སྦྱིན་བདག་ད་ཆ་གནས་སྡོད་བྱེད་ཀྱི་མེད་པ་ཤེས་པའི་རྗེས། ཉིན་ལྟར་ཕྱི་དྲོ་མེ་འཁོར་བབ་ཚུགས་སུ་རང་གི་སྦྱིན་བདག་མཁས་དབང་ཡུའི་ནོ་འཚོལ་སར་ཕྱིན་ནས་སྒུག་བསྡད་པས་ཤི་བྷུ་ཡ་མེ་འཁོར་བབ་ཚུགས་སུ་འགྲུལ་བཞུད་པ་ཚོས་ཡིད་དབང་འཕྲོག་འོས་པ་ནི་བརྟན་འཇགས་མཐོང་རྒྱུ་ཡོད་པའི་ཧ་ཆི་ཀོས་རང་གི་སྦྱིན་བདག་སྒུག་བཞིན་པ་དེ་ཡིན། ཤི་བྷུ་ཡ་མེ་འཁོར་བབ་ཚུགས་སུ་རྟག་ཏུ་ཧ་ཆི་ཀོ་དང་མཁས་དབང་གཉིས་ཡང་ཡང་མཐོང་མྱོང་བའི་མི་མང་པོས་དེ་ལྟར་སྦྱིན་བདག་སྒུག་ནས་བསྡད་པའི་དམ་ཚིག་ཅན་གྱི་ཧ་ཆི་ཀོའི་བྱེད་སྟངས་དེ་ལ་ཡིད་སྨོན་ཤོར་ནས་ཧ་ཆི་ཀོ་ལ་བལྟ་རྟོགས་དང་འཚོ་སྐྱོང་བྱས་འདུག།