རྩོམ་པ་པོཿ ཚེ་རིང་འོད་ཟེར། སྒྱུར་བ་པོཿ བསྟན་འཛིན་ཤེས་རབ།

གནམ་སྔོན་པོས་བདག་ལ་དཔག་མེད་ཀྱི་བློ་གྲོས་སྦྲེལ་ཡོད། དེ་ནི་བཟོད་བསྲན་གྱི་དབུགས་རྒྱུན་ཡིན། ཟད་པ་མེད་པའི་རྟོག་པ་མངའ་བས། ད་བཟོད་ང་ལ་འཛད་མེད་ཀྱི་སྟོབས་ཤུགས་འཁོལ་ཡོད། ང་ལ་ཡོད་པ་ནི་སྨྱུ་གུ་ཡིན། སུས་ཀྱང་ང་ལ་བཀག་སྡོམ་བྱེད་མི་ཐུབ། འདི་ནི་ངའི་སེམས་འདུན་ཡིན། འདི་ནི་ངའི་དགའ་མོས་ཡིན། འདི་ལས་ལྷག་པའི་སེམས་འདུན་དང་། འདི་ལས་ལྷག་པའི་སྤྲོ་སྣང་ཞིག་ང་ལ་གཞར་ཡང་མེད། མཐོ་བརྗིད་ཀྱི། མཐིང་མདོག་གི་རུས་པ་ཡ།

དེ་ལས་མང་བ་། “ང་ལ་ཡོད་པ་ནི་སྨྱུ་གུ་ཡིན། སུས་ཀྱང་ང་ལ་བཀག་སྡོམ་བྱེད་མི་ཐུབ།” »

བདེ་སྐྱིད་མེ་ཏོག་གིས་བསྒྱུར།

“གསར་གཏོད་ཀྱི་རང་བཞིན་ལྡན་པའི་”ཡོན་ཏན་ཅན་གྱི་གཤིས་ཀར་ཡང་སྙིང་ཁྱད་ཆོས་ཅི་ཡོད་ཅེ་ན།་་་སེམས་ཁམས་རིག་པ་བ་རྣམས་ཀྱི་སྡོམ་ཚིག་ནི་འདི་ལྟར་ཡིན་པ་སྟེ།
གཅིག རང་འགུལ་གྱི་རང་བཞིན་ལྡན་པ།་་་ཡོན་ཏན་སྦྱང་འདོད་ཆེ་བ་དང་མཚར་སྣང་གི་བསམ་པ་བསྐྱེད་པས་ཧུར་ཐག་གིས་ཡར་རྒྱས་ཡོང་རེ་བྱེད་པར་སྐུལ་མ་ཐེབས་ཀྱི་ཡོད་པ།
གཉིས། མཐིལ་རྟོགས་ནུས་ཤུགས་ལྡན་པ།་་་ཚོར་བ་རྣོ་བས་ཁོར་ཡུག་ལ་མྱོང་ཚོར་ཆེན་པོ་ཡོད་པ།
གསུམ། བབ་བསྟུན་སྒྱུར་བའི་རང་བཞིན་ལྡན་པ།་་་བསམ་བློ་གཏོང་རྒྱ་ཆེ་ཞིང་གཅིག་ཤེས་ཀུན་གྲོལ་བྱེད་མཁས་པ།

དེ་ལས་མང་བ་། “"གསར་གཏོད་ཀྱི་རང་བཞིན་ལྡན་པའི་"ཡོན་ཏན་ཅན་གྱི་རང་གཤིས་ཁྱད་ཆོས་སྐོར།” »

བདེ་སྐྱིད་མེ་ཏོག་གིས་བསྒྱུར།

“གསར་གཏོད་ཀྱི་རང་བཞིན་ལྡན་པའི་”ཡོན་ཏན་ཅན་གྱི་གཤིས་ཀར་ཡང་སྙིང་ཁྱད་ཆོས་ཅི་ཡོད་ཅེ་ན།་་་སེམས་ཁམས་རིག་པ་བ་རྣམས་ཀྱི་སྡོམ་ཚིག་ནི་འདི་ལྟར་ཡིན་པ་སྟེ།
གཅིག རང་འགུལ་གྱི་རང་བཞིན་ལྡན་པ།་་་ཡོན་ཏན་སྦྱང་འདོད་ཆེ་བ་དང་མཚར་སྣང་གི་བསམ་པ་བསྐྱེད་པས་ཧུར་ཐག་གིས་ཡར་རྒྱས་ཡོང་རེ་བྱེད་པར་སྐུལ་མ་ཐེབས་ཀྱི་ཡོད་པ།
གཉིས། མཐིལ་རྟོགས་ནུས་ཤུགས་ལྡན་པ།་་་ཚོར་བ་རྣོ་བས་ཁོར་ཡུག་ལ་མྱོང་ཚོར་ཆེན་པོ་ཡོད་པ།
གསུམ། བབ་བསྟུན་སྒྱུར་བའི་རང་བཞིན་ལྡན་པ།་་་བསམ་བློ་གཏོང་རྒྱ་ཆེ་ཞིང་གཅིག་ཤེས་ཀུན་གྲོལ་བྱེད་མཁས་པ།

དེ་ལས་མང་བ་། ““གསར་གཏོད་ཀྱི་རང་བཞིན་ལྡན་པའི་”ཡོན་ཏན་ཅན་གྱི་རང་གཤིས་ཁྱད་ཆོས་སྐོར།” »

རྩོམ་པ་པོ། མོ་ལིས། ས་དཀར་བཀྲ་ཤིས་ཀྱིས་བསྒྱུར།

བོད་མིའི་འཐབ་རྩོད་ཐད་ཀྱི་བསམ་གཞིགས་ཕྲན་བུ།

རྩོམ་ཡིག་འདིའི་ཁ་བྱང་ནི་ངས་འོད་ཟེར་གྱི་ཟིན་བྲིས་ལས་མཐོང་བ་ཡིན་ལ། མ་ཡིག་ནི་དབྱིན་ཡིག་གི་Tibetan self immolations: Why isn’t the world listening? ཞེས་བ་རེད། རྩོམ་པ་པོ་ནི་Vijay Kranti ཡིན་ལ་རྒྱ་ཡིག་ཏུ་བསྒྱུར་མཁན་ནི་ཧྥུའུ་ཁྲོན་ཡུས་རེད། ངས་ཁ་བྱང་དེ་འདིར་དྲངས་ནས་རང་སོར་འཇོག་དོན་ནི་བོད་མི་སོ་དྲུག་གིས་རང་ལུས་མེར་བསྲེགས་རྗེས། རྩོམ་པ་པོས་འདྲི་བ་དེ་ཡིས་ང་རང་བློ་མི་བདེ་བ་དང་སྡུག་བསྔལ་གྱི་ནང་དུ་ལྷུང་། འདིར་ངས་འདྲི་བ་འདི་ལ་ལན་འདེབས་ཀྱི་འབད་བརྩོན་གནང་སྟེ་སོ་ཕག་གཡུགས་ནས་གཡང་ཊི་འདྲེན་པའི་རེ་བ་བཟུང་ཡོད།

དེ་ལས་མང་བ་། “བོད་མིས་རང་ལུས་མེ་བསྲེགས་པར་འཛམ་གླིང་ཅིའི་ཕྱིར་འོན་སྐུགས་སུ་གྱུར།” »

ཁ་བའི་འོག་གི་མེ་ལྕེ་ཞེས་པའི་བོད་ཀྱི་བཙུན་པ་ཞིག་གི་དངོས་བྱུང་མྱོང་བ་བརྗོད་པའི་དཔེ་དེབ་བཀླགས་པ།

ཡུ་ཅེ་ཡིས་བརྩམས།ཚེ་རིང་རྡོ་རྗེས་བསྒྱུར།

དཔལ་ལྡན་རྒྱ་མཚོ་མི་ལོ་སུམ་ཅུ་ལྷག་ལ་རྒྱ་ནག་དམར་ཕྱོགས་གཞུང་གི་བཙོན་དུ་ཚུད་པ་དང་། ཁོང་བཙོན་ལས་གྲོལ་བའི་རྗེས་སུ་དཔེ་དེབ་གསར་བ་ཞིག་བྲིས་འདུག དཔེ་དེབ་དེས་བོད་ཀྱི་རིག་གནས་གཏོར་བཅོམ་གྱི་ཆེད་དུ་ལག་བསྟར་བྱས་པའི་རྒྱ་ནག་དམར་ཤོག་གཞུང་གི་དྲག་སྤྱོད་སྲིད་ཇུས་དམར་རྗེན་དུ་བསྟན་པ་དང་། དེ་དང་ཆབས་ཅིག་བོད་མི་མང་གི་མཆོག་ཏུ་གྱུར་བའི་བསམ་བློའི་གཟི་བརྗིད་ཀྱང་བསྟན་འདུག ཁོའི་དེབ་དེ་བཀླགས་པའི་རྗེས་སུ། ང་རང་རྒྱ་མི་ཞིག་ཡིན་པའི་ངོས་ནས་བོད་མི་ལ་གནོང་འགྱོད་དང་བཤགས་སེམས་ཟབ་མོ་ཞིག་སྐྱེས་སོང་།

དེ་ལས་མང་བ་། “བོད་ལ་འགྱོད་བཤགས་ཞུ།” »

ཨ་ནུ་ཐང་བསོད་ནམས།

༼ སྒྲུང་འདི་བོད་དོན་རྒྱབ་སྐྱོར་ཚོགས་པ་ཞིག་གིས་ཕྲན་ལ་བསྒྱུར་ཏུ་བཅུག་པས་ཁ་ངོ་མ་ཟློག་པས་ལས་བྱོལ་དུ་བསྒྱུར་ཁུལ་བྱས་ཀྱང་བོད་པའི་དབུ་མེད་ཅིག་གིས་སྒྲུང་འདི་ཨམ་སྐད་ཀྱིས་བྲིས་བས་གོ་ཡ་འདུག་མི་འདུག་གསུངས་བས་ཀློག་པ་པོ་རྣམས་ཀྱིས་དགོངས་འཆར་གསུངས་བ་མཁྱེན། ༽

༡༽རྒྱལ་པོ་ཞིག་ཡོད་པ་དེ་ལ་སྲས་ཤིག་ཡོད། ཉིན་ཞིག་རྒྱལ་པོས་ད་ནི་ང་རྒས་ཟིན་ཅིང་ཁྱེད་རང་ཆང་ས་རྒྱག་རན་པས་ངས་ཁྱེད་ཀྱི་མ་འོངས་བའི་གནའ་མ་ལྟ་འདོད་འདུག་ཅེས་ལབ། སྲས་ཀྱིས་ངས་ཁྱེད་ཀྱི་རེ་བ་སྐོང་འདོད་ཡོད་ཀྱང་ང་ལ་ངོ་ཤེས་ཀྱི་བུ་མོ་ཞིག་ད་བར་མེད་ཅེས་ཞུས།
༢༽ ཡབ་ཀྱིས་གསེར་གྱི་ལྡེར་མིག་ཅིག་སྤྲད་ཅིང་ཁྱེད་རང་ཐོག་ཁང་གི་བརྙན་པར་ར་བ་སོང་དང་། དེ་ནས་ཁྱེད་ཀྱི་བློ་ལ་འབབ་པའི་གནའ་མ་ཞིག་དེ་ནས་འདེམས་ཏེ་ང་ལ་ལབ་ཅེས་གསུངས།

དེ་ལས་མང་བ་། “ཨམ་སྐད་ཀྱིས་བྲིས་བས་ཤེས་ཀི་མི་འདུག་ཟེར། མི་རིང་དང་མི་ཞེང་ཆེན། མིག་རྣོ་གསུམ་གྱི་སྒྲུང་།།” »

སྐལ་བཟང་ཉི་མས་བསྒྱུར་།

ཨ་མའི་ཉིོན་མོའི་འགོ་ཁུངས་ནི་གནའ་རབས་གྷི་རིག་དང་རོ་མན་གྱི་དུས་རབས་ལ་ཐུག་འདུག་མོད། ཨ་མའི་ཉིན་མོའི་བྱུང་བའི་ཆ་ཤས་ཤིག་དབྱིན་ཡུལ་དུའང་ཡོད་འདུག་སྟེ། དབྱིན་ཡུལ་དུ་<<ཨ་མའི་དྲིན་གཟོའི་གཟའ་ཉི་མ་>>ཞེས་པ་ཨ་རིར་དུས་སྟོན་ཉིན་མོ་འདིའི་སྐྱ་རེངས་ཤར་བའི་སྔོན་ནས་སྲུང་བརྩི་བྱེད་པ་རེད། གང་ལྟར་ཡང་ད་ལྟའི་དུས་སྟོན་སྲུང་བརྩིའི་རྣམ་པ་འདི་ནི་ལོ་རྒན་བརྒྱ་ཙམ་ལས་ལོན་མེད་པའི་ཉེ་རབས་ཀྱི་སྣང་ཚུལ་ཞིག་ཡིན་ཞིང་།

དེ་ལས་མང་བ་། “འཛམ་གླིང་ཨ་མའི་ཉིན་མོའི་བྱུང་བ།” »

( འཇིག་རྟེན་ཡོངས་ཁྱབ་ཀྱི་མི་ཆོས། Ethics For A whole World )

༸གོང་ས་ཏཱ་ལའི་བླ་མ་མཆོག

སྒྱུར་མཁན། རིགས་སློབ། གོང་དཀར་ངག་རྣམ།

ངོ་སྤྲོད།

༡༩༣༥ ལོར་ངོས་རང་བོད་བྱང་ཤར་གྱི་མཚམས་སུ་སྐྱེས་ཤིང་ད་ལྟ་ནི་ངའི་ན་ཚོད་རྒས་ཡོད། ངོས་ཀྱིས་རང་ཉིད་ཀྱི་དར་མའི་ལོ་ཕལ་ཆེ་བ་རང་དབང་དང་ཁ་བྲལ་ཏེ། རྒྱ་གར་ནང་བཙན་བྱོལ་བ་བྱས་ནས་སྡོད་བཞིན་ཡོད། དེ་ནི་ལོ་ངོ་ལྔ་བཅུ་ལྷག་རིང་གི་ངའི་ཕ་ཡུལ་གཉིས་པ་ལྟ་བུ་ཡིན། ངས་སྐབས་རེ་རྩེད་མོ་དང་སྦྲགས་ང་ནི་རྒྱ་གར་གྱི་མགྲོན་པོ་རྒྱུན་རིང་ཤོས་དེ་ཡིན་ཞེས་ཤོད་ཀྱི་ཡོད། ང་དང་ངའི་ལོ་ན་གཅིག་པ་ཚོས་ངོ་མཚར་ཅན་གྱི་གནས་ཚུལ་མང་དག་ལ་བརྟེན་ནས་འཛམ་གླིང་ཐོག་འགྱུར་ལྡོག་བྱུང་བ་མཐོང་ཡོད།

དེ་ལས་མང་བ་། “འཇིག་རྟེན་མི་ཆོས།” »

མ་དྷར་ཁྲེ་རི་ཟ།

མི་ཚེ་ནི་གོ་སྐབས་ཤིག་ཡིན། དེ་ལས་ཁེ་བཟང་ལོངས།
མི་ཚེ་ནི་མཛེས་བ་ཡིན། དེ་ལ་ཡིད་སྨོན་གྱིས།
མི་ཚེ་ནི་རྨི་ལམ་ཡིན། དེ་ངོས་ཟུངས།
མི་ཚེ་ནི་འགྲན་རྩོད་ཅིག་ཡིན། དེ་ལ་ཐུག
མི་ཚེ་ནི་འགན་ཞིག་ཡིན། དེ་རྫོགས་ཆུག
མི་ཚེ་ནི་རྩེད་མོ་ཞིག་ཡིན། དེ་ལ་རྩེས།
མི་ཚེ་ནི་དམ་བཅའ་ཞིག་ཡིན། དེ་འགྲུབ་པར་འཚལ།
མི་ཚེ་ནི་སྡུག་བསྔལ་ཞིག་ཡིན། དེ་ཕམ་པར་གནང་།

དེ་ལས་མང་བ་། “མི་ཚེ།” »

ཕྱི་ཡི་ཉི་མ་དྲོ།།

ནང་གི་གོ་ཁ་དྲོ།།

གོན་གྱི་རྩག་པ་དྲོ།།

ཡིད་ཆེས་ཡོད་ན་དྲོ།

ཀ
བྱ་བ་གང་ཞིག་ལེགས་འགྲུབ་ཡོང་དགོས་ན། དང་པོ་དེ། ང་ཚོས་ངེས་པར་བྱེད་ཐུབ་ཀྱི་རེད་བསམ་པའི་ཡིད་ཆེས་ཤིག་དགོས་པ་རེད། མེ་ཤེལ་ཁོར་ཏ།

ཁ།
རྒྱབ་ཀྱི་འཛིན་མཁན་དེ་ཁྱེད་རང་མ་རེད། ཁྱེད་རང་གིས་རང་ཉིད་ཀྱིས་ཡོང་གི་མ་རེད་བསམ་པ་དེ་རེད། ཨ་ནོ་ནེ་མོ་སི།

དེ་ལས་མང་བ་། “རང་ཉིད་རང་ལ་ཡིད་ཆེས་དགོས།” »

རྩོམ། ཡུས་ཅེ། སྒྱུར། ནགས་ཤོད་སད་མི།

སྤྱི་ལོ ༢༠༡༢ ལོའི་ཟླ་བ ༥ པའི་ཚེས ༣༠ ཉིན། བོད་ཀྱི་བུད་མེད་ཅིག་གིས་སླར་ཡང་འཛམ་ཐང ༼ སི་ཁྲོན་རྔ་པ་ཁུལ་འཛམ་ཐང་རྫོང ༽ དུ་རང་སྲེག་བྱས་ནས་ལྔ་ལམ་དུ་བཞུད། ཉེ་བའི་ཟླ་འགའི་རིང་བོད་མིའི་རང་སྲེག་གྲངས་འབོར་ཞེ་གཅིག་ལ་འཕར་ཚར། ༼ བོད་ནང་སོ་བརྒྱད་དང་། བོད་ཕྱི་གསུམ ༽ དེའི་ཁྲོད་ནས་མི་སུམ་ཅུ་ཐམ་པ་གྲོངས་ཟིན། ༼ བོད་ནང་ཉེར་བརྒྱད་དང་། བོད་ཕྱི་གཅིག ༽ དེ་དག་ལས་བུད་མེད་དྲུག་དང་། བཙུན་མ་གསུམ སློབ་ཕྲུག་བུ་མོ་གཅིག་བཅས་ཚང་མ་སྐུ་གཤེགས་པ་རེད།

དེ་ལས་མང་བ་། “ལུས་ཐོག་ནས་ཁྲག་དྲོན་བཞུར་གི་ཡོད་པ་ལས་ས༌སྣུམ་མ་རེད།” »

ལིག་ཞོ་པོ་ཡིས་བརྩམས།  ཚེ་རིང་རྡོ་རྗེས་བསྒྱུུར།

མའོ་ཡི་དུས་སྐབས་ཕྱི་མའི་ཀྲུང་གུང་སྲིད་དབང་ནི་སྔར་བཞིན་དུ་སྒེར་གཅོད་ཡིན་ཡང་། སྨྱོ་རྟགས་དེ་ཙམ་མེད་པའི་སྒེར་གཅོད་བློ་རིག་ཅན་དུ་སོང་བས་ཁེ་ཕན་སྡོམ་རྩིས་ལ་ཇེ་བྱང་ནས་ཇེ་བྱང་ཡིན། ལྷག་པར་དུ་དྲུག་བཞིའི་དམར་གསོད་ཆེན་མོའི་རྗེས་སུ།  ཀྲུང་གུང་གིས་འབད་པ་གང་འདྲ་བྱས་ཀྱང་རང་གི་ལྟ་གྲུབ་འདུ་ཤེས་ཐོལ་རྒྱག་གིས་ཉམས་རྒུད་འགྲོ་བ་བསྟུངས་ཐབས་མ་རྙེད། 

དེ་ལས་མང་བ་། “ངོས་མང་བའི་ཀྲུང་གུང་སྒེར་གཅོད།” »

ཡུ་ཅེ་ཡིས་བརྩམས། ཚེ་རིང་རྡོ་རྗེས་བསྒྱུར།
དེང་སྐབས་ཀྲུང་གོའི་ལྟ་བ་མི་མཐུན་པའི་རྩོམ་པ་པོ་ནུབ་ཕྱོགས་སུ་བཙན་བྱོལ་ལ་སོང་ན། སྔར་ཨུ་རུ་སུའི་རྩོམ་པ་པོ་སཱོལ་ཇུ་ཉི་ཚིན༼Solzhenitsyn༽་ལ་ཐོབ་པའི་དགའ་བསུ་ཆེན་པོ་དེ་འདྲ་འཐོབ་དཀའ། དུས་རབས་ཉི་ཤུའི་་ལོ་རབས་བདུན་ཅུའི་ནང་དུ། ཨ་རིའི་ཕྱི་སྲིད་བློན་ཆེན་ཁི་སིན་ཇར༼Kissinger༽གྱིས་སྲིད་འཛིན་ཧྥོ་ཌི༼Ford༽་ལ་ཁོང་སཱོལ་ཇུ་ཉི་ཚིན་དང་ཐུག་འཕྲད་མི་གནང་རྒྱུར་བསླབ་བ་བཏོན་པ་མ་ཟད། དྲན་ཐོའི་སྟེང་དུ། སཱོལ་ཇུ་ཉི་ཚིན་དང་འཕྲད་ན་སུའུ་ལེན༼Soviet Union༽ལ་ཕོག་ཐུག་གཏོང་སྲིད། ཅེས་བྲིས། དེང་སྐབས་ལྟ་སྟངས་དེ་འདྲ་འཁྱེར་མི་ནི་ཁི་སིན་ཇར་ལྟ་བུའི་དངོས་ཕན་རིང་ལུགས་ཀྱི་སྲིད་ཚོང་པ་དག་ཡིན་པའི་མི་ཚད།

དེ་ལས་མང་བ་། “ཀྲུང་གོ་གུང་ཁྲན་ཏང་དངོས་ནས་མི་མི་ཟ་བའི་སྟག་ཏུ་གྱུར་སོང་ངམ།” »

༄༅།། ཧུའུ་ཅིན་ཐའོ་མེད་ན་པོ་ཞི་ལའེ་མེད་པ་དང་། ཅང་ཝེ་ཕིན་གྱིས་ཧུའུ་ཅིན་ཐའོ་ཡི་དམག་ཨུད་ཀྲུའུ་ཞིའི་གོ་ས་སོར་གནས་བྱུང་ན་ཀྲུང་གོའི་བཅོས་སྒྱུར་ལ་དགེ་མཚན་ཡོད་པར་སྨྲ་བ་ཞོར་དུ་དགག་པ།

ཡུ་ཅེ་ཡིས་བརྩམས། ཚེ་རིང་རྡོ་རྗེ་ཡིས་བསྒྱུར།

ཧུའུ་ཝུན་གཉིས་ཀྱིས་སྲིད་དབང་བཟུང་ཚུན་ནས་དཔལ་འབྱོར་རྒྱུན་ཆགས་སུ་གོང་འཕེལ་སོང་ཡང་། ལྟ་གྲུབ་འདུ་ཤེས་ཀྱི་ཆ་ནས་ལམ་ཁ་ཟད་དེ་མཐའ་ལ་ཐུག འབངས་གཡོག་རིང་ལུགས་པ་དང་རིགས་ཞེན་རིང་ལུགས་ཁོ་ནར་བརྟེན་ནས་མཐའ་མཇུག་གི་དབང་སྒྱུར་ཁྲིམས་མཐུན་གྱི་ཆ་ཤས་བཟུང་ཡོད། ཧུའུ་ཝུན་གཉིས་ནི་མའོ་ཙེ་ཏུང་གི་དུས་སྐབས་སུ་འཚར་ལོངས་བྱུང་བའི་ལས་བྱེད་ཡིན་པ་དང་མའོ་ནི་ཁོ་ཚོའི་བསམ་བློའི་ལམ་སྟོན་པ་ཡིན། ཏིན་ཞོ་ཕིན་གྱི་ལག་ལེན་སྨྲ་བའི་མཚན་ཉིད་ཀྱིས་ཀྲུང་གུང༼ CPC ༽སྲིད་དབང་ལ་མུ་མཐུད་ནས་བསམ་བློའི་གསོན་ཤུགས་སྦྱིན་ཐབས་ཟད་པའི་ཚེ་ན། ཁོ་ཚོས་སླར་ཡང་མའོ་ཡི་རྣམ་ཤེས་ལ་སྐྱབས་འཇུག་ཞུ་བ་ལས་ཐབས་ཟད། དེར་བརྟེན། ཧུའུ་ཝུན་གཉིས་ཀྱིས་སྲིད་བཟུང་བའི་ལོ་བཅུའི་རིང་ལ། ཏུན་ཞོ་ཕིན་གྱི་དུས་སྐབས་དང་ཅང་ཙེ་མིན་གྱི་དུས་སྐབས་སུ་མའོ་ཙེ་ཏུང་ལ་རྒྱང་བཀྱེད་པའི་འགྲོ་ལུགས་དེ་མཐའ་གཅིག་ཏུ་བསྒྱུར་ནས།

དེ་ལས་མང་བ་། “པོ་ཡིས་ཧུའུ་ལ་གཡོན་ཕྱོགས་འགྲན་ཏེ་ཕམ་ཉེས་ཐེབས།” »

གཅན་མུ་ཏིག་གིས་བསྒྱུར།

གཅིག། ཨ་ཕས་བདག་ལ་གཞན་གྱི་སྐད་ཡིག་ཁྲིད།

བདག་གིས་སྐད་ངོ་ཡིག་ངོ་ཆོད་པའི་སློབ་གསོ་ལ་གྲུབ་འབྲས་ལེགས་པོ་ཐོབ་པས་ཨ་ཕའི་བློ་ཁ་གང་བར་གྱུར། འོན་ཀྱང་། ཁོང་དེ་ལ་ཡིད་ཚིམས་ནས་མ་བསྡད་པར་བདག་ལ་སྔ་མོ་ནས་རང་གི་སྐད་ཡིག་ལ་ཐོགས་རྡུགས་མེད་པ། ད་དུང་གང་ནུས་ཅི་ལྕོགས་ཀྱིས་གཞན་གྱི་སྐད་ཡིག་གཙོ་བོ་རྣམས་ལ་རྨང་གཞི་བརྟན་པོ་འཛུགས་པའི་ཕུགས་ཀྱི་ཐབས་བཀོད་བཤམས། ཁོང་གི་ཐུགས་ལ་བྱིས་པར་སྐད་རིགས་མང་པོ་ཁྲིད་པ་དེས་བྱིས་པས་ཡང་དག་པའི་ཚིག་དོན་ལ་གོ་བ་ལེན་པ་དང་བསམ་གཞིགས་བྱ་བར་ཕན་ཐོགས་པར་དགོངས། དེའི་ཕྱིར་ཁོང་གིས་སྔོན་སླ་རྗེས་དཀའ་ཡི་རྩ་དོན་དམ་དུ་བཟུང་ནས་ཕ་སྐད་ཀློག་འདོན་ཐོགས་མེད་དུ་གྱུར་པའི་རྨང་གཞིའི་སྟེང་གཞན་གྱི་སྐད་ཡིག་ཀྱང་སློབ་ཏུ་བཅུག

དེ་ལས་མང་བ་། “ཨ་ཕས་གནང་བའི་སློབ་སྦྱོང་གི་ཐབས་ལམ།” »

རྩོམ་པ་པོ། ཀྲང་བྷོ་ཧྲུའུ།
བཀའ་ཡིག་དྲུང་འཕར་བུ་རྫོང་ལྷ་མོ་ཚང་ཚེ་རིང་དབང་ཕྱུག་གིས་བོད་ཡིག་ཏུ་བསྒྱུར།

༼ རྩོམ་ཡིག་འདི་སྤེལ་མཁན་ཀྲང་བྷོ་ཧྲུའུ་ནི་རྒྱ་ནག་པེ་ཅིང་གི་མི་ཡིན་ཞིང་རྒྱ་ནག་མི་དམངས་དཔལ་འབྱོར་སློབ་ཆེན་གྱི་མཁས་པའི་ཕྱག་འཁྱེར་དང་རྒྱ་ནག་སྤྱི་ཚོགས་མཚན་རིག་ཞིབ་འཇུག་ཁང་གི་མཚན་ཉིད་རིག་པ་ནས་རབ་འབྱམས་པ་དང་འབུམ་རམ་པ་འཐོབ་པའི་གྲགས་ཅན་ཞིབ་འཇུག་པ་ཞིག་ཡིན་འདུག ཁོང་གིས་ལོ་མང་རིང་རྩོམ་འབྲི་གནང་བའི་《དེང་རབས་ཅན་དང་ལམ་ལུགས་དེང་རབས་ཅན》སོགས་མཚོན་པའི་རྩོམ་ཡིག་ནང་དག་ཅིག་སྤེལ་མྱོང་ཡོད་མཁན་གྱི་རྒྱ་རིགས་མཁྱེན་ལྡན་པ་ཞིག་ཡིན་འདུག༽

དེ་ལས་མང་བ་། ““ཏཱ་ལའི་བླ་མར་དྲི་བ་བདུན་བཏོན་པ“”ཞེས་པའི་རྩོམ་ཡིག་གི་ཉེན་ཁའིཕྱོགས་ལྷུང༌།” »

རྩོམ་པ་པོ།ཀྲང་བྷོ་ཧྲུག
བློ་བཟང་གྲགས་པས་བསྒྱུར།

མ་རྩོམ་ལ་གཟིགས་ན་འདིར་བསྣུན།

ཀྲུང་གོའི་བོད་ལྗོངས་དྲ་རྒྱ་ནས་ཟླ་༣ཚེས་༢༢ཉིན་འདོན་སྤེལ་བྱས་པ་དང་། དེ་ནས་མི་དམངས་དྲ་རྒྱ་སོགས་གཞུང་འབྲེལ་གནད་ཡོད་དྲ་རྒྱ་ཁ་ཤས་ནས་“ཏཱ་ལའི་བླ་མར་དྲི་བ་བདུན”ཞེས་པའི་རྩོམ་ཡིག་ཅིག་བཀོད་ཡོད་པ་རེད།

དེ་ལས་མང་བ་། ““ཏཱ་ལའི་བླ་མར་དྲི་བ་བདུན”ཞེས་པའི་རྩོམ་ཡིག་འདི་ནི་ཉེན་ཚབ་ཅན་གྱི་འགྲོ་ཕྱོགས་ཤིག་རེད།” »

རྩོམ་པ་པོ། ཚེན་ཝེ་ཅན།
བློ་བཟང་གྲགས་པས་བསྒྱུར།

མ་རྩོམ་ལ་གཟིགས་ན་འདིར་བསྣུན།

ད་ལོ་ནི་བོད་ཀྱི་ཞི་རྒོལ་དུས་དྲན་ཐེངས་ལྔ་བཅུ་ང་གསུམ་པ་དེ་ཡིན་པ་དང་། དེ་ཡང་ཕྱིར་སྡོད་བོད་མི་རྣམས་ཀྱིས་རྒྱ་གཞུང་ལ་ཞི་རྒོལ་ལས་རིམ་དང་ལས་འགུལ་འདྲ་མིན་སྤེལ་གྱི་ཡོད་པ་རེད། ན་ནིང་ནས་བཟུང་། བོད་མི་རྣམས་ཀྱིས་རྒྱ་ནག་གི་དྲག་གནོན་ལ་ངོ་རྒོལ་གྱིས་རང་བསྲེགས་ལས་འགུལ་དེ་ཉིད། ཟླ་བ་ཁ་ཤས་ལ་ཐེངས་གཅིག་ཙམ་བྱེད་པ་དེ། ཟླ་བ་གཅིག་གི་ནང་ཐེངས་མང་བྱེད་སྲོལ་ཞིག་ཏུ་གྱུར་ཡོད། རྒྱ་ནག་གི་རྒྱལ་ཚོགས་ཚོགས་ཐེངས་གཉིས་ཀྱི་དུས་ཡུན་ཉིན་གསུམ་རིང་། ཉིན་རེར་རང་བསྲེགས་ལས་འགུལ་རེ་བྱུང་པར་གྱུར། འདས་ཟིན་པའི་ཟླ་བ་བཅུ་གཉིས་ཀྱི་དུས་ཡུན་ནང་། བོད་མི་མི་བགྲངས་ཉི་ཤུ་ལས་མང་བའི་གྲྭ་བཙུན་གྱིས་བོད་མིའི་རང་དབང་གི་ཆེད་སོ་སོའི་ཆེས་རིན་ཐང་བྲལ་བའི་མི་ལུས་རིན་པོ་ཆེ་དེ་ཉིད་བློས་གཏོང་གིས་རང་བསྲེགས་ལས་འགུལ་སྤེལ་པ་དང་། བོད་མི་འདི་དག་གི་བྱ་སྤྱོད་དེ་ནི་རྒྱ་ནག་གིས་དབང་འཛིན་དང་། ཧུའུ་ཅིན་ཐོའོ་ཡིས་བོད་དོན་ཐད་འཛིན་པའི་གཡོ་ཟོལ་ཀྱི་ཇུས་ངན་དེས་བོད་མི་འཚོ་ཐབས་དཀའ་བའི་གནས་སུ་གྱར་བའི་མཚོན་དོན་ཞིག་ཀྱང་རེད།

དེ་ལས་མང་བ་། “ཧུའུ་ཅིན་ཐོའོ་ནི་བོད་ཀྱི་དཀའ་རྙོག་བསྐྲུན་མཁན་གཏེ་བོ་དེ་ཡིན།” »