འཇིགས་མེད་ནུབ་པ།
སློབ་མཐར་ཕྱིན་རྗེས།
ང་མཐོ་སློབ་མཐར་ཕྱིན་རྗེས་ནེའུ་ཡོག་ལ་སོང་། ནེའུ་ཡོག་ཏུ་ང་ལ་ཨ་མདོའི་ངོ་ཤེས་གྲོགས་པོ་ཞིག་ཡོད་ཅིང་ཁོང་གི་མིང་ལ་འབུམ་སྐྱབས་ཟེར། ངེད་གཉིས་ཕན་ཚུན་ལ་ཆ་རྒྱུས་ཆེན་པོ་མེད་ན་ཡང་། ཁོང་དང་པེ་ཅིང་དུ་ཡོད་པའི་ངའི་ཨ་ཁུ་གཉིས་གྲོགས་པོ་བློས་ཐུབ་ཡིན། ཁོང་གིས་པེ་ཅིང་དུ་ཞིབ་འཇུག་སློབ་སྦྱོང་བྱེད་དུས་ངའི་ཨ་ཁུའི་རྩར་ལོ་གཉིས་ལྷག་བསྡད་འདུག དེར་བརྟེན། ཁོང་གིས་ཟླ་གཅིག་གི་ནང་ཚུན་དུ་ང་ལ་ཉུང་མཐར་ཡང་ཁ་པར་རེ་གཏོང་བ་མ་ཟད།
ཀླུ་སྨྱོན།
ངས་སྒེའུ་ཁུང་གི་འཁྲིས་སུ་འགྲེངས་ཏེ་མིག་གི་དབང་པོ་དང་རྣམ་ཤེས་སྲང་ལམ་ལ་གཏོད་མཚམས་བཞག་ནས་ཁ་ཕྱིར་འཁོར་ཏེ་རང་ཁྱིམ་ལ་ལྟ་ཙམ་བྱས། ཉལ་ཁྲི་གཉིས་དང་འབོལ་ཁྲི་རྙིང་གོག་གཅིག དེབ་གསར་རྙིང་མང་པོས་ཕྱུར་བུར་ཁེངས་བསྡད་ཡོད་པའི་དེབ་ཁྲི་གཉིས་དང་ཤོག་སྒམ་ལྔ་དྲུག་ཅིག གློག་ཀླད་སོ་ནི་རྟགས་ཅན་ཞིག་དང་པར་ཆས་ནེ་ཁོན་རྟགས་ཅན་ཞིག
ཀླུ་སྨྱོན།
ཆར་བ་ཆེན་པོ་ཞིག་འབབ་མཚམས་བཞག་ཟིན། ཕྱི་རོལ་ཏུ་རླུང་བུ་འུར་འུར་དུ་ལྡང་བ་དང་མཉམ་དུ་ལྗོན་ཤིང་གི་ལོ་མ་འདར་བའི་ཤག་སྒྲ་ཐོས་ཡོང་། གློག་འོད་དམར་ཤར་རེ་བ་ཞིག་ཀྱང་ལན་རེར་འཁྱུག་ཅིང་། དེས་སྒེའུ་ཡོལ་གྱི་ངོས་སུ་ཡོད་པའི་བྱ་བྱེའུ་དང་མེ་ཏོག་གི་རི་མོ་དེ་ཚོ་གསལ་བོར་མཐོང་ཡོང་། ཉལ་ཁྲིའི་ཟུར་གྱི་བརྙན་འཕྲིན་ལས་སིར་སྒྲ་ཞིག་འབྱིན་བཞིན་ཡོད་པ་མ་གཏོགས་ཐད་གཏོང་ལེ་ཚན་ཁག་སྔ་མོ་ཞིག་ནས་གཏོང་མཚམས་ཡོངས་སུ་བཞག་ཟིན་འདུག
གཅན་ཡེ་རྒྱམ།
དེ་ནི་ཕལ་ཆེར་ ༡༩༩༩ ལོའི་ཕྱི་ཟླ་བདུན་པའི་ཟླ་མཇུག་ལ་ཡིན་པ་ཡོད། ཞོགས་པ་སྔ་མོ་ནས་ཉིན་གུང་བར་ཆར་བ་སིམ་སིམ་ཞིག་བབས་པས། ཉིན་རྒྱབ་ཏུ་ས་གཞི་སྒེག་མོ་བརླན་གཤེར་གྱིས་ཟིན་པས་བར་སྣང་དུ་ས་རྡུལ་དབེན་ལ། མཁའ་དབྱིངས་སུ་སྤྲིན་པ་ལེབ་མོ་ཙམ་ཡང་མཐོང་རྒྱུ་མེད་པས་ནམ་མཁའ་གཡའ་དྭངས་ཤིང་། ཁ་དབུགས་ཀྱང་ཧ་ཅང་གཙང་བས་ཁོ་ར་ཁོག་ཡུག་ཀུན་ཤིན་ཏུ་ཉམས་དགའ་བའི་དུས་ཤིག་རེད། ང་དང་ལས་མེད་གྲོགས་པོ་འགའ་མཉམ་དུ་འཛོམས་ནས་ལག་རྩེད་སྤོ་ལོའི་འགྲན་བསྡུར་ཞིག་བྱས་པ་ཡིན། ང་རང་རྩེད་འགྲན་པ་ཚང་མའི་ནང་ནས་ལོ་ན་གཞོན་ཤོས་དེ་ཡིན་ནའང་ལག་རྩེད་སྤོ་ལོ་རྩེ་དགོས་བྱུང་ན་གྱོང་རྩ་བ་ནས་མེད་པ་ཞིག་ཡིན།
དྲིལ་ལྕེ།
༼ཀ༽
བཀྲ་ཤིས་ཆོས་རྫོང་དགོན་པའི་ཚོགས་ཆེན་འདུ་ཁང་གི་གསེར་ཏོག་ནི། རྒྱང་རིང་བོ་ཞིག་ནས་མཐོང་ཐུབ་པ་དང་། དེ་ནི་འོད་འཚེར་འཚེར་ཞིག་རེད། འོད་འཚེར་འཚེར་འཕྲོ་བའི་གསེར་ཏོག་མཐོང་བ་ན། ང་རང་འཇིག་རྟེན་ཟིང་ཟིང་གི་འཚོ་བ་དང་རྒྱབ་ཏུ་ཕྱོགས་ཏེ། དབེན་པའི་གནས་སམ། ཆོས་ཀྱི་བསྟི་གནས། ཡང་ན། གྲྭ་བའི་འཇིག་རྟེན་ལ་ཁ་ཕྱོགས་ཏེ་འགྲོ་བ་ཚོར་ཡོང་། ང་ལ་ཅུང་ཆ་རྒྱུས་ཡོད་པའི་དགོན་པ་འདིར་དུས་ཡུན་གང་འཚམ་ཞིག་ཕྱིན་ཡོད་སྟབས།
ཀླུ་སྨྱོན་ཧེ་རུ་ཀ
འདྲེ་སྒྲུང་འདི་ནི་ལ་རྩེ་དཔེ་མཛོད་ཁང་གིས་བསྡུས་པའི་འདྲེ་སྒྲུང་འགྲན་བསྡུར་དེའི་ཆེད་དུ་བྲིས་པ་ཡིན་མོད། དེ་རིང་གཤམ་གསལ་གྱི་འགྲེལ་བཤད་དང་བཅས་ཕྱིར་སློག་གནང་འདུག
“༄། རྩོམ་པ་པོ་ཀླུ་སྨྱོན་ཧེ་རུ་ཀ་ལགས་ལ།
ཟླ་འདིའི་ཚེས་ཉེར་བཞིའི་དགོང་མོར་སྤེལ་འཆར་གྱི་ཀུན་ཕན་ཐེབས་རྩ་ཚོགས་པའི་“མཚན་གུང་གི་ཆོ་ངེ་”ཞེས་པའི་བོད་ཀྱི་འདྲེ་སྒྲུང་གི་འགྲན་བསྡུར་དེ་ལ་སྐུ་ཉིད་ནས་འདྲེ་སྒྲུང་”ཆོས་བྷ་རྒྱ་ཐོ།”ཞེས་པ་ཆེད་རྩོམ་གྱིས་རྒྱབ་སྐྱོར་གནང་བར་ང་ཚོས་སྙིང་ཐག་པ་ནས་ཐུགས་རྗེ་ཆེ་ཞུ་བཞིན་ཡོད། ང་ཚོས་འདྲེ་སྒྲུང་ཀློག་འདེམས་ཚོགས་ཆུང་ཞིག་ཆེད་འཛུགས་ཀྱིས་བོད་ཕྱི་ནང་གཉིས་ཀ་ནས་འདྲེ་སྒྲུང་འགྲན་བསྡུར་ལ་ཞུགས་མཁན་གྱི་འདྲེ་སྒྲུང་མི་ཉུང་བ་ཞིག་འབྱོར་བ་ལས་འགྲན་བསྡུར་དངོས་ལ་ཞུགས་རྒྱུའི་འདྲེ་སྒྲུང་ལྔ་དམངས་གཙོའི་ལམ་ནས་འོས་ཤོག་འཕངས་ནས་བདམས་པ་ཡིན།
དྲིལ་ལྕེ།
༼ཏ༽
ཁྱིམ་དུ་ཐོན་པ་ན། ཨ་མས་ང་ལ་བཀའ་བཀྱོན་དང་གཤེ་གཤེ་ཆེར་མ་བཏང་། ཕྱིར་འདང་ཞིག་རྒྱབ་ན། ང་རང་ཁྱིམ་ནས་ཐོན་ཏེ་ཉིན་གང་སྡེ་བ་འདིའི་རི་ལུང་འཁྱམས་ནས་ཉི་མ་བསྐྱལ་བ་ཐེངས་མང་བོ་བྱུང་ཡོད་སྟབས། ཨ་མ་ལ་ང་རང་སྡེ་བ་འདི་ནས་ལྡོམ་སྟེ་གྲོང་རྡལ་དུ་འཁྱམས་པའི་རྣམ་རྟོག་བྱུང་མི་འདུག ད་ཐེངས་ང་རང་བློ་ཁོག་ཆེན་པོའི་ཁེར་རྐྱང་ངང་གྲོང་རྡལ་དུ་སོང་བ་ཡིན་སྟབས། ང་རང་ལྡོམ་པ་ནི། རང་ཉིད་ཕྱིར་ལོག་ཏུ་སོང་བའི་རང་སྣང་ཙམ་རེད་འདུག
བསྟན་པའི་ཉི་མ།
སྔོན་ཨ་མདོ་ཡུལ་་འབྲོག་སྡེ་ཆེན་པོ་ཞིག་ན་སྤུན་ཟླ་གསུམ་ཡོད་པའི་ཁྱིམ་ཚང་གཅིག་ཡོད། བུ་སྤུན་གསུམ་ག་ཆོས་སེམས་ཆེན་པོ་ཡོད་པར་མ་ཟད་སྒོམ་ཉམས་ལེན་སོགས་ལ་བརྩོན་པ་བྱེད་མཁན་ཤ་སྟག་རེད། སྐབས་ཤིག་ལུང་བ་དེར་བླ་མ་རྩ་ཆེན་ཞིག་ཡོད་པ་དེས་གཅོད་ཀྱི་དབང་གནང་བཞིན་འདུག་ཟེར་བ་ཞིག་སྤུན་ཟླ་གསུམ་གྱིས་ཐོས། དེ་ནས་ཁོང་གསུམ་པོས་གཅོད་དབང་ཞུ་རུ་འགྲོ་རྒྱུ་ཡིན་མིན་གྲོས་བྱས་པས་གསུམ་ག་ཁ་འཆམས་ཏེ་ཞུ་རུ་སོང་། གཅོད་དབང་ཐོབ་མཁན་ཚང་མ་རི་བརྒྱ་གཉན་བརྒྱ་དུར་བརྒྱ་སོགས་ལ་འགྲིམ་དགོས་འདུག་ཀྱང་། ཁོང་གསུམ་པོས་ཁས་ལེན་དམ་བཅའ་བྱས་ཏེ་གཅོད་དབང་ཟབ་མོ་དེ་ཐོབ་པར་བྱས།
དེ་ལས་མང་བ་། “གཅོད་པ་གསུམ་གྱིས་གནོད་སྦྱིན་མོ་ཞིག་བཏུལ་བའི་སྒྲུང་།” »
དགེ་འདུན་རྒྱ་མཚོ།
རྗེས་འཇུག་སློབ་མ་ཚོས་ཀྱང་ཉིན་མཚན་དབྱེར་མེད་དུ་གདུང་མཆོད་བསྒྲུབས། བླ་མ་མ་བཞུགས་ཚེ་དགོན་པའི་ནང་གི་དབང་འཛིན་ཆེས་ཤོས་ནི་ཨ་ཁུ་རྡ་རྡ་ཡིན། བླ་མ་ཡོད་དུས་ཕྱག་མཛོད་ཡིན་ལ་བླ་མ་མེད་དུས་བླ་ཚབ་ཡིན། དགེ་ཕྲུག་གཞན་དག་ཚོས་ཨ་ཁུ་རྡ་རྡ་ལ་བླ་མའི་ཞལ་ཆེམས་ཅི་གསུངས་དྲན་གསོ་གཏོང་དུ་བཅུག་པ་རེད། བླ་མས་ཉིན་མ་གསུམ་གྱི་ནང་ཚུན་ལ་སྐུ་གདུང་ས་འོག་ལ་སྦས་གསུངས་སོང་། ཡིན་ཡང་དེའི་སྐོར་དགོངས་ཞག་ཚང་ན་བསམ་བློ་གཏོང་རྒྱུ་ཡིན། ཨ་ཁུ་རྡ་རྡས་སྐད་ཆ་དེ་འདྲ་ཞིག་བཤད་ནས་གཞན་གྱི་ཁ་འགོག་ཐབས་བྱས།
དགེ་འདུན་རྒྱ་མཚོ།
རོ་ལངས་ནི་དམངས་ཁྲོད་ཀྱི་ངག་རྒྱུན་རྒྱ་ཆེ་ལ་གཏིང་ཟབ་པ་ཞིག་ཡིན། མ་མཐོང་ན་ཁས་མི་ལེན་པ་ཞིག་ལ་མཚོན་ན་རོ་སྒྲུང་ལ་དེ་ཙམ་གྱི་དོན་སྙིང་མེད་པ་བདེན་མོད། སྲིད་པ་རྒན་པོ་དག་ནི་རྣམ་དཔྱོད་ཡངས་པ་དང་བསླབ་བྱ་དང་སློབ་གསོ་ལ་མཁས། ཁོ་ཚོས་མ་འོངས་པའི་ཤུལ་འཛིན་དག་ལ་ལམ་སྟོན་དང་ཞལ་ཆེམས་ལྟ་བུའི་ཉམས་མྱོང་གི་ལེགས་སྐྱེས་ཆུང་ངུ་རེ་འཇོག་ངེས་ཡིན།
བོད་རིགས་དམངས་ཁྲོད་ཀྱི་ལྷ་འདྲེ་ཡི་སྒྲུང་གང་ཡིན་ཡང་དེ་དག་གི་ནང་ན་ང་ཚོ་ལ་འཐོབ་འོས་པའི་བསླབ་བྱ་རེ་ཡོད་པ་ཁོ་བོས་མཐོང་།
དགེ་འདུན་རྒྱ་མཚོ།
ཕྲ་མེན་མའི་ངོ་བོ་ཅི་ཡིན་ལ་བཤད་ཚུལ་མང་ཡང་ངན་སྔགས་གྲུབ་པའི་རྣལ་འབྱོར་མའི་རིགས་སུ་གཏོགས་པ་ཞིག་ཡིན། འདི་དག་ལ་མཐུ་དང་ནུས་པ་རྫུ་འཕྲུལ་སོགས་ཡོད་པ་མང་བོ་རེད། འདི་ལ་རིགས་གསུམ་ཡོད་པ་ལས་ངས་བཤད་པ་ནི་ས་ལ་སྤྱོད་པའི་ཕྲ་མེན་མའི་སྐོར་ཡིན། དམངས་ཁྲོད་ལ་གྲགས་པའི་གཏམ་རྒྱུད་མང་ལ་ཕལ་ཆེར་ཁ་རྒྱུན་ཙམ་ཡིན། ཡིག་ཐོག་ན་ཡོད་པ་ནི་རྭ་ལོ་ཙཱ་བའི་རྣམ་ཐར་ལས་གཞན་དུ་ཁོ་བོས་མཐོང་མ་མྱོང་། གང་དེར་མཐོང་བའི་ཐ་སྙད་འདི་བདག་གིས་མཐོང་བའི་ཕྲ་མེན་མའི་སྐོར་ཐོག་མ་ཡིན་ལ་ཐ་མ་ཡང་ཡིན།
དགེ་འདུན་རྒྱ་མཚོ།
དགའ་འོས་པ་ཞིག་ལ་མི་དེ་ནི་རྒྱ་རྒན་ཧོང་ཞིན་པོ་ཡིན་པ་དང་ཟླ་མང་བོའི་སྔོན་ནས་ཁོ་ཤི་ཟིན་པ་རེད་ཟེར། ཕོ་གསར་ཚོས་རང་སྐྱོན་ངོས་ལེན་བྱས་པ་ཡིན་པས་སྲིད་ཇུས་ཅུང་ཀུ་ཡངས་ལ་བཏང་། དེ་ནི་བཙོན་ཁང་དུ་འདུག་མ་དགོས་པར་སྒོར་མོས་ཆད་པ་ལྕི་མོ་བཅད་པ་དེ་རེད། ཡིན་ན་ཡང་དེ་རིང་གི་ཧོང་ཞིན་པོའི་གནས་ཚུལ་འདི་སུ་ལ་ཡང་བཤད་མི་ཆོག་པར་བཟོས། གལ་ཏེ་བཤད་མཁན་ཡོད་ན་དམངས་སེམས་དཀྲིགས་པའི་ཉེས་ཅན་པ་ཡིན་པས་མ་མཐའ་ཡང་ཟླ་དགུ་ལ་བཙོན་འཇུག་བྱེད་ངེས་ཡིན་ཟེར། གསར་བུ་བཞི་བོས་ཁས་བླངས་པ་དང་ཁོ་ཚོ་ཕྱིར་ཀློད།
དགེ་འདུན་རྒྱ་མཚོ།
༡༩༤༩ ལོར་ངའི་ཕ་ཡུལ་ལ་རྒྱ་ནག་གིས་བཙན་འཛུལ་བྱས་རྗེས་ངའི་ཕ་ཡུལ་ནི་རྒྱ་ནག་པས་མི་སེར་སྤེལ་ཡུལ་དུ་གྱུར། རྒྱ་གཞུང་གིས་ལས་བྱེད་ཧ་ཅང་མང་བོ་བཏང་ཡོད། དེ་དག་གིས་ངའི་ཡུལ་མི་ཚོ་རྒྱ་ནག་ཆེན་པོའི་བསམ་བློ་དང་ལྟ་བ་ཅན་དུ་བསྒྱུར་ཆེད་ཞི་དྲག་གི་སྲིད་ཇུས་སྣ་ཚོགས་སྤེལ་བཞིན་ཡོད། དིང་སང་རྒྱ་ནག་ལས་བྱེད་མང་བོ་ཡོད་པའི་ཁྲོད་ནས་འགའ་ཤས་རྒན་ཡོལ་དུའང་ཕྱིན་ཚར་ཡོད། རྒན་པོ་དེ་ཚོ་ཕྱིར་རྒྱ་ཡུལ་ལ་མ་སོང་བར་རྒན་ཕོགས་བླངས་ནས་ཟུར་འདུག་བྱས་ཡོད་པ་རེད།
དྲིལ་ལྕེ།
(སྔོན་མའི་འཕྲོས།)
༼ཆ༽
ངས་འགྲམ་ལྕག་ཚ་བོ་སྟེ་འཁུར་བཞིན། འགྲམ་པ་ལག་པའི་བསྐྱོར་ཏེ་ཁྱིམ་དུ་སོང་བ་ཡིན། རང་ཉིད་ཁོང་ཁྲོས་བརྟས་ཏེ་རྐང་བ་ལམ་ཁར་འཇོག་པའི་སྣང་བ་མི་འདུག ཁྱིམ་གྱི་སྒོ་འགྲམ་དུ་ཐོན་པ་ན། ཁེར་སྒོ་དམར་པོ་ལ་རྡོག་རྒྱག་བཞུས་ཏེ་ནང་དུ་འཛུལ་བ་ཡིན། ཨ་མས་ང་རང་ལ་ཡག་པོ་ཞིག་བྱུང་མེད་པ་ཤེས་ཡོད་པ་འདྲ། མདུན་དུ་རྒྱུགས་ཡོང་ནས། གཅེས་ལོ། ག་རེ་བྱས་སོང་། འགྲམ་པ། རྣ་ཟེར། ངས་ཨ་མ་ལ། ཕ་མེད་པའི་བུ་ང་ཅི་ཞིག་ལ་སྐྱེས་པ་ཡིན་ནམ། དེ་ལྟར་ཟེར་བཞིན།
དགེ་འདུན་རྒྱ་མཚོ།
སྔོན་ཆད་རྒན་གྱིས་རྟ་ལྕག་གཞུས་ནས་དགེ་ཕྲུག་བཏུལ་བ་རེད། དེ་སང་དགེ་ཕྲུག་གིས་སྟ་རེས་བརྒྱབ་ནས་རྒན་བཏུལ་བ་རེད། རྒན་གྱི་མཚན་ལ་མཁན་པོ་དགའ་བ་དང་དགེ་ཕྲུག་གི་མིང་རྒན་གྱི་མིང་ཟུར་ཆགས་ནས་གཞན་གྱིས་དགའ་ཕྲུག་ཟེར་ནས་འབོད། མཁན་པོ་དགའ་བ་ནི་ཞི་དུལ་བག་ཡོད་ཀྱིས་མཛེས་པའི་དགེ་སློང་ཚུལ་མཐུན་ཞིག་ཡིན་པས་ཁོ་རང་གསོན་འདྲེ་རེད་ཟེར་ན་སུའི་རྣ་ལ་འགྲོ་གི་རེད།
དགེ་འདུན་རྒྱ་མཚོ།
ངས་བསམ་བློ་གཏོང་སྟངས་ནོར་མེད་ན་སེང་ཁྱི་ཁོ་འདི་ནས་ཤི་རྒྱུ་རེད། ངས་ཁོ་ཕྱིར་ཁྱིམ་དུ་ཁུར་ཐུབ་ན་ཡང་ཁོ་གསོན་མི་ཐུབ་ཐག་ཆོད་རེད། ད་ཡིན་ན་ཁོའི་རེ་བ་མི་སྐོང་ཐབས་མེད་རེད། ཁོའི་མགོ་བོ་ངས་པང་དུ་བཟུང་སྟེ་ང་ཡུན་རིང་ངུས་པ་ཡིན། ཁོས་ཀྱང་ལག་གཡས་བརྐྱངས་ཏེ་ངའི་བྲང་ཁ་ལ་ཡང་ཡང་ཕུར་བ་ལྟར་བྱས་བྱུང་། དེ་ནི་ཁོས་ང་ལ་སེམས་ཁྲལ་མ་བྱེད་ཟེར་གྱི་ཡོད་པ་འདྲ། ཁ་ནས་བཤད་མི་ཤེས་ཀྱང་ཁོའི་མིག་མཐའ་ནས་མཆི་མ་ཡུར་ཆུ་ལྟར་བཞུར་སོང་།
དགེ་འདུན་རྒྱ་མཚོ།
ཞོགས་པའི་ཆུ་ཚོད་ལྔ་བ་ཟིན་པ་དང་བུ་དང་བུ་མོ་གཉིས་ཁག་གཉིས་སུ་གྱེས་ཏེ་རྒྱུག་རྩལ་འགྲན་བཞིན་བུད་སོང་། བུའི་འཛིན་གྲྭ་རྒན་པ་ཚོ་དུར་ཁྲོད་ཀྱི་ཕྱོགས་སུ་བརྒྱུགས་སོང་། དེ་མཐོང་བ་དང་ངས་ཡིད་ལ་རྒན་དངོས་གྲུབ་དྲན་བྱུང་། ང་འཛིན་ཁང་གི་ཁང་བརྩེགས་ལྔ་ཐོག་དེའི་རྩེར་བུད་ནས་སློབ་ཕྲུག་ཚོར་རྒྱང་ལྟ་བྱས་ཡོད། དེ་ནི་ངའི་ལས་འགན་ཞིག་ཀྱང་ཡིན། ད་དུང་མདུན་ཐང་ན་འཛིན་གྲྭ་དྲུག་པ་མན་གྱི་སློབ་ཕྲུག་ཚོས་ལུས་རྩལ་སྦྱང་གིན་ཡོད།
དེ་ལས་མང་བ་། “མདང་དགོང་གི་གདོན་འདྲེ་གསོན་པོ། ༼ཚན་པ་གཉིས་པ༽” »
དགེ་འདུན་རྒྱ་མཚོ།
ཁ་རྩང་ཉིན་གུང་གི་ཆུ་ཚོད་གསུམ་དང་ཕྱེད་ཀ་ཡོལ་རྗེས་ང་རང་སློབ་ཕྲུག་ཚོའི་ཇ་འཐུང་ས་ལ་སོང་བ་ཡིན། སློབ་ཕྲུག་ཚོས་ཇ་འཐུངས་རྗེས་ཉལ་ཁང་རྒན་བདག་གིས་གད་རེས་པ་ཚོར་ལས་ཀ་བགོ་བཤའ་བརྒྱབ་སོང་། སློབ་ཕྲུག་འགའ་ཤས་ཀྱིས་གཟུགས་པོ་འཁྲུད་རྒྱུ་དང་ལ་ལས་གྱོན་གོས་སོགས་འཁྲུད་པར་འགྲོ་སོང་། ལས་མེད་ཚོས་ལྒང་ལི་རྩེ་རྒྱུར་གྲ་སྒྲིག་བྱེད་བཞིན་འདུག
དྲིལ་ལྕེ།
༼སྔོན་མའི་འཕྲོས།༽
༼ག༽
ཞིང་ཁའི་གྲོ་ནས་ཀྱི་སྙེ་མ་ནི་རླུང་གི་རྒྱུ་ཕྱོགས་དང་བསྟུན་ཏེ་ཕར་གཡོ་ཚུར་གཡོ་བྱེད་བཞིན་པ་དང་། སྔོ་ཞིང་དྭངས་པའི་གནམ་མཁའ་རུ་སྤྲིན་པ་ཧ་ཅང་དཀར་བོ་དབྱིབས་གཟུགས་འདྲ་མིན་ཞིག་བགྲོད་བཞིན་འདུག ནམ་རྒྱུན་སྟོན་དུས་ཉེ་བའི་སྐབས། སྡེ་བ་འདིའི་གནམ་མཁའི་ངོགས་སུ་སྤྲིན་པ་སྙིང་རྗེ་བོ་རེ་དང་། སྤྲིན་པ་དཔུང་ཆེ་ལ་དབྱིབས་ཀྱང་། རི་བོ་དང་ཁང་ཆེན། སྲོག་ཆགས་འདྲ་མིན་གྱི་རྣམ་པ་འདྲ་མིན་ཞིག་མཐོང་རྒྱུ་ཡོད།
དགེ་འདུན་རྒྱ་མཚོ།
སྐྱག་ཁ་མ་ངེད་གཉིས་བར་ལ་དོན་མེད་ལ་ཁ་རྩོད་ཞིག་ཀྱང་ཤོར། ངས་སྣང་མེད་ཀྱིས་དེ་ལྟར་ལན་བཏབ་པར་སྐྱག་ཁ་མ་ཕལ་ཆེར་རླུང་ལངས་པ་འདྲ། དེང་སང་བསམ་ན་ང་སྐྲག་སྣང་ཡོང་ནས་ཤི་ཐལ། ངོ་མ་འཇིག་རྟེན་འདི་རྨི་ལམ་ཞིག་དང་འདྲ་གི་ལ། འཇིག་རྟེན་འདིའི་ཐོག་གི་ན་གཞོན་འདི་ཚོ་གར་སྟེགས་སྟེང་གི་འཁྲབ་སྟོན་པ་ཚོ་དང་ཅི་ཕྱིར་མི་འདྲ། ང་ཡང་ལས་ཀའི་དབང་གིས་རྒྱུན་དུ་སེང་ཁྱི་ལ་ལྟ་བར་འགྲོ་ཁོམ་མ་ཡོང་ན་ཡང་། ཉིན་གསུམ་གྱིས་རྗེས་སུ་ཡང་བསྐྱར་མི་འགྲོ་ཐབས་མེད་རེད།