ཆབ་མདོ་ངག་ཕུན།

 
དེ་ཡང་སྔོན་པདྨ་ལུང་ཞེས་པའི་ལུང་པ་དེའི་མི་རྣམས་འཚོ་བ་སྐྱེལ་སྟངས་ནི་ས་མ་འབྲོག་ཡིན་ཞིང་། དེའི་ནང་འཚོ་སྡོད་བྱེད་མཁན་གྱི་མི་དེ་དག་ནི་སོ་སོའི་ལས་དོན་གྱི་ཐོག་ལ་འབད་བརྩོན་ལྷོད་མེད་བྱེད་ཀྱི་ཡོད། ལྷག་པར་གྲོང་པའི་ཁྱིམ་མཚེས་བར་ལ་རྐྱེན་ངན་གོད་ཆག་འདྲ་བྱུང་ཚེ་ཕན་ཚུན་གཅིག་ཕན་གཅིག་གྲོགས་བྱེད་པའི་ལུགས་སྲོལ་ཧ་ཅང་བཟང་པོ་ཞིག་ཡོད། རིམ་པས་ལུང་པ་དེར་འཕོ་འགྱུར་ཆེན་པོ་ཕྱིན་ཏེ་སྤྱི་སྤྱོད་རླངས་འཁོར་འགྲོ་སའི་གཞུང་ལམ་གསར་བཟོ་བྱས་ཏེ་ཤར་གཏོང་ཐུབ་པར་བྱུང་བར་བརྟེན། ཁྱིམ་ཚང་ཕལ་ཆེ་བའི་ནང་ལ་

དེ་ལས་མང་བ་། “སྔར་བྱས་ལ་འགྱོད་བཤགས་དང་ཕྱིས་འབྱུང་མི་བྱེད་པའི་དམ་བཅའ།” »

ཀླུ་སྨྱོན།

བོད་ལྗོངས་ཀྱི་ལེའུ། དང་པོ།

སྟོན་མཇུག་གི་ལོ་མ་སེར་པོ་གང་སར་འཕུར། མཚོ་སྔོན་པོའི་འདབས་ཀྱི་བྱ་ཁུ་ཞིག་རྒྱང་རིང་གི་ལྷོ་སྤྲིན་དུམ་བུ་དེའི་ཀློང་དུ་ཡལ། མཚོ་མཐའ་རུ་སྒོ་ང་ཆག་རོ་གྲངས་ལས་འདས་པ་ཞིག་བྱེ་གསེང་དང་རྡོ་གསེང་དུ་ཐང་མར་བརྡལ། མཚོ་འདབས་ཀྱི་གྲོང་སྡེ་ཆུང་ཆུང་དེའི་

དེ་ལས་མང་བ་། “པོ་ཏྰ་ལ་ནས་པེ་ཅིན་བར་དུ།” »

རྩིབས་རི་རྒོད་ཕྲུག

 
མི་ཆེན་ཁྱིམ་ཚང་གི་གཏམ་རྒྱུད་དེ་གོ་དུས་ནི་དབྱར་དུས་སུ་ཡིན་ཞིང་སྐབས་དེར་ང་གནས་ཆེན་རྩིབས་རིའི་ལྷོ་ངོས་ན་ལུག་རྫིའི་འཚོ་བར་རོལ་བཞིན་ཡོད། དེ་ནི་ལོ་ངོ་བཅུ་ཕྲག་འགའི་གོང་དུ་རེད། ཉིན་མོ་དེར་ངས་གཏམ་རྒྱུད་དེ་ངའི་རྫི་རོགས་ཀྱི་ས་ནས་གོ་ཞིང་། དུས་སྐབས་དེར་ངའི་སེམས་ལ་དེ་ལྟ་བུའི་གཏམ་རྒྱུད་དང་ཆ་འདྲ་བ་ཞིག་མི་ལོ་དུ་མའི་རྗེས་ཀྱི་དེ་རིང་དྷ་རམ་ས་ལ་ནས་མཐོང་ཐོས་ཀྱི་ཡུལ་དུ་འགྱུར་ཡོང་བསམ་པ་ག་ནས་ཤར། འོན་ཀྱང་ངའི་ཨ་མས་ང་ལ་ཆུང་དུས་ནས་མི་ཞེས་པ་དེ་ས་ཆ་གང་དུ་སླེབས་མིན་དང་། ག་རེ་གོ་མིན།

དེ་ལས་མང་བ་། “བོ་ཇོ་གཉིས་དང་མི་ཆེན་ཁྱིམ་རྒྱུད་གཉིས་དབར་གྱི་ལས་དབང་།” »

ཆབ་མདོ་ངག་ཕུན་གྱིས།

སྔོན་དངུལ་མཚོའི་ལུང་པ་ཞེས་ཡུལ་ལྗོངས་སྟོད་སྨད་ཡོངས་རྫོགས་ལ་ཤིང་ནགས་ཀྱིས་ཁེངས་ཤིང་། དེའི་འཚོ་སྡོད་བྱེད་མཁན་སྲོག་ཆགས་རྣམས་རང་དབང་དང་ཞི་བདེའི་ངང་ནས་འཚོ་སྡོད་བྱེད་ཀྱི་ཡོད་པ་རེད། ཡིན་ནའང་སྐབས་རེ་ལུང་པ་དེར་ཁང་བྱིའུ་རྣམས་སྒུ་འབུ་འཐུ་བ་ཡོང་སྐབས་ཁ་ཏས་”ལུང་པ་འདི་ནི་ང་ཚོའི་ལུང་པ་ཡིན་པ་ལས་ཁང་བྱིའུ་རྣམས་གནས་འདིར་ཡོང་མི་ཆོག་”ཅེས་རྟག་ཏུ་ཁང་བྱིའུ་ལ་བརྙས་བཅོས་བཤད་ཀྱི་ཡོད། ཡིན་ནའང་ཁང་བྱིའུ་རྣམས་ཀྱིས་འཁྲུག་

དེ་ལས་མང་བ་། “ཁ་ཏ་དང་ཁང་བྱིའུ་བར་གྱི་འགལ་ཟླ།” »

ཆབ་མདོ་ངག་ཕུན།

 
བློ་ཡི་སྤྲིན་ལས་འོང་བའི་གཏམ་རྒྱུད་འདི།།
གངས་ལྗོངས་སྐད་ཡིག་གོང་འཕེལ་ཡོང་དམིཌ་ཏེ།།
རྟོགས་བཟོའི་སེམས་ལ་་གང་ཤར་འདི་ཉིད་བརྩམས།།
ཀློག་མཁན་རྣམས་ཀྱི་དེ་ལུགས་དགོངས་འཇཌ་མཛོད།།

དེ་ཡང་སྔོན་སྐྱིད་གཤོངས་ཟེར་བའི་ལུང་པའི་བཀོད་ལེགས་ཡིད་དུ་འོང་བ་ཞིག་ཡོད། ལུང་པ་དེར་བྱ་རིགས་སྣ་ཚོགས་ཤིག་འཚོ་སྡོད་བྱེད་ཀྱི་ཡོད་ཅིང་། བྱ་རིགས་དེ་དག་ནི་འཚོ་གོས་ཁོ་ནར་མགོ་འཁོར་ནས་གཡས་གཡོན་

དེ་ལས་མང་བ་། “འདབ་ཆགས་ཀྱི་སྲིད་སྐྱོང་ལངས་པའི་གཏམ་རྒྱུད།” »

——–ཀླུ་སྨྱོན།

 
དྲག་ཆར་དེ་འབབ་མཚམས་ཆད་མ་ཐག བྱིས་པ་ཚོ་འུར་འུར་ཟིང་ཟིང་ངང་རི་གྲོང་འདིའི་རྡོ་ལས་གྲུབ་པའི་ཁང་པ་དག་གི་སྟེང་དུ་འགོས་ནས་ཤོག་བྱ་ནམ་མཁར་སྤུར་བཞིན་ཡོད། ཤོག་བྱ་དེ་ཚོའི་ཚོན་མདོག་མི་འདྲ་ལ་སྤུས་ཀ་ཡང་མི་འདྲ། ཤོག་བྱ་འགའ་ཤས་སྐད་ཅིག་མར་རླུང་བུ་ཕྲན་ཙམ་ལྡང་རྗེས་ནམ་མཁའ་མཐོན་པོར་

དེ་ལས་མང་བ་། “བློ་བཟང་སེང་གེ་ནས་ཀླུ་མཁར་བྱམས་བར་གྱི་གཏམ་རྒྱུད།” »

ཀླུ་སྨྱོན།

 
ཟུངས་ཟད་ཀྱི་ནད་པ་ཞིག་དང་འདྲ་བའི་ཉི་མ་དམར་སེར་ཞིག་ནུབ་ཕྱོགས་ཀྱི་ཚལ་བར་འཐོར་བཞིན་པའི་སྤྲིན་པའི་རྒྱབ་ཏུ་ཡུད་ཙམ་མངོན། དེ་ནི་ཚ་ལུ་མ་རུལ་བ་ཞིག་དོན་སྟོང་གི་སྲིད་ཇུས་ཁྱབ་བསྒྲགས་བྱེད་སྤྱད་ཚགས་པར་རྙིང་ཧྲུལ་ཞིག་གི་ཁུག་ཏུ་གཅུད་པ་དང་ཡང་འདྲ་ལ། ལག་པའི་མཛུབ་མོ་ཡོངས་རྫོགས་ལ་སེར་ཁ་གས་པའི་འཁྱམ་པོ་ཞིག་གི་ཐ་མག་གི་རྩེ་མོའི་མེ་སྟག་ཤི་ཙམ་འབར་ཙམ་བྱེད་པ་ཞིག་དང་ཡང་མཚུངས།
ཨ་མ་གཡུ་སྒྲོན། ཨ་མ་གཡུ་སྒྲོན། ཀེ་་་་་་་་་་་་་་་་་། ཨ་མ་གཡུ་སྒྲོན། རྒྱང་རིང་གི་གནམ་སའི་འདྲེས་མཚམས་སུ་

དེ་ལས་མང་བ་། “རླུང་འཚུབ་ཐེངས་ཤིག་ལྡངས་རྗེས།” »

ཅོག་མྱི།

 
༼དེ་རིང་ཨ་སྐྱབས་དར་རྒྱས་ཀྱི་རྩོམ་འདིར་བལྟས་པ་ཡིན། ང་ཚོ་རང་ས་རང་ཐོག་ནས་རྒྱ་དང་ཁ་ཆེ་གཉིས་ཀྱིས་ཁྱི་སྤྱང་ངན་འབྲེལ་གྱིས་འདི་ལྟར་པགས་པ་དམར་རྗེན་ལ་བཤུས་པ་དེ་ལ་ཁོང་ཁྲོ་རབ་ཏུ་བླངས་པ་མ་ཟད། མཁན་པོ་ཚུལ་ཁྲིམས་བློ་གྲོས་སོགས་དཔལ་འབྱོར་རིག་པའི་གནས་ལ་རྨོངས་ཏེ་བོད་ཀྱི་གདོད་མའི་འབྲོག་པའི་དཔལ་འབྱོར་གནས་སྟངས་ལ་ཇི་མི་སྙམ་པར་བཟོ་བཅོས་བརྒྱབ་པའི་ལས་ལེན་རེད་སྙམ་ནས་དེ་ཚོར་ཚིག་པ་གཡག་རོ་འདྲ་ཞིག་ཟོས་སོང་། བོད་ཀྱི་འབྲོག་པ་ལས་ངན་པོ། ང་ཚོར་རྩེད་སྤྱད་བྱེད་མཁན་རྒྱ་ཁ་ཆེ་མི་རིགས་ཙམ་མ་ཡིན་པར་

དེ་ལས་མང་བ་། “ང་ཚོར་རྩེད་སྤྱད་བྱེད་པའི་མི་རིགས།” »

ཆབ་མདོ་ངག་ཕུན།

 
“གྲོག་མས་དྲེད་མོང་ཕྱིར་འབུད་བཏང་བ།” གནའ་སྔ་མོ་མདོ་སྡེ་ཟེར་བའི་ལུང་པའི་བཀོད་ལེགས་ཡིད་དུ་འོང་བ་ཞིག་ཡོད། ལུང་པ་དེའི་རི་རྩེ་དབྱར་དགུན་སྟོན་དཔྱིད་མེད་པར་ཁ་བས་གཡོག་ཅིང་། མི་རྒྱུས་མེད་གཅིག་གིས་ཐག་རིང་ནས་བལྟས་ཚེ་རྟ་དཀར་པོ་དུ་མ་ཞིག་བསྡད་འདུག་སྙམ་པའི་སྣང་བ་འཁོར་སྲིད། རི་སྐེད་ལ་ཤིང་རིགས་སྣ་ཚོགས་སྐྱེས་ཡོད་ཅིང་། ཤིང་ནགས་དེའི་ནང་ལ་བྱ་རིགས་ཀྱང་སྣ་ཚོགས་ཤིག་གཞན་གྱི་གནོད་འཚེ་མེད་པར་ཞི་བདེའི་རང་དབང་གི་ངང་ནས་འཚོ་སྡོད་བྱེད་ཀྱི་ཡོད། དུད་འགྲོ་དེ་དག་ལ་དཀའ་ངལ་ཆེ་ཤོས་ཤིག་ནི་ས་ཁུལ་དེར་ཆུ་མིག་གཅིག་ལས་མེད་པར་བརྟེན་དཀའ་ངལ་ཆེ་ཤོས་དེ་རེད།

དེ་ལས་མང་བ་། “གྲོག་མས་དྲེད་མོང་ཕྱིར་འབུད་བཏང་བ། (བརྩམས་སྒྲུང་།)” »

ཆབ་མདོ་ངག་ཕུན།

དེ་ཡང་ཕྱི་ལོ་༡༩༤༩ལོར་བོད་ཆོས་ལྡན་གྱི་ཞིང་ཁམས་སུ་ཤར་ཕྱོགས་ཁྱིམ་མཚེས་རྒྱལ་ཁབ་རྒྱ་མི་དམར་པོ་དྲག་པོའི་བཙན་འཛུལ་བྱས་ཤིང་། ཉེས་མེད་བོད་མི་ཉམ་ཆུང་མང་པོ་ཞིག་དམར་བཏང་། ཆེས་རིན་ཐང་བྲལ་བའི་གནའ་བོའི་དགོན་རྙིང་དུ་མ་ཞིག་གཏོར་བཤིག་བཏང་བ་སོགས་ཀྱི་བོད་མི་རྣམས་ལ་དཀའ་སྡུག་ཚད་མེད་མྱོང་དགོས་བྱུང་། དེ་འདྲའི་གནས་སྟངས་ཤིག་གི་འོག་ལ་གེག་པ་ཞེས་པའི་གྲོང་གསེབ་གཅིག་ལ་གཞུང་གི་སློབ་གྲྭ་ཞིག་བཙུགས་ཡོད། སློབ་གྲྭ་དེར་གྲོང་གསེབ་གཡས་གཡོན་ནས་ཕྲུ་གུ་རྣམས་བསྡུས་ནས་སློབ་གསོ་སྤྲད་ཀྱི་ཡོད་ཅིང་། སློབ་གྲྭ་དེར་

དེ་ལས་མང་བ་། ““ཆེས་མཐའ་མཇུག་གི་སློབ་ཁྲིད།”” »

ཁྱུང་ལྷ་སྨུག་པོ།

 
ཉི་མ་དེར་ང་ཚོའི་སློབ་གྲྭ་གུང་གསེང་ཡིན་པས། ང་རང་ས་ཐག་ཅུང་རིང་པོ་ཅིག་ནས་གྲོགས་མཆེད་ཅིག་གི་ནང་ངལ་གསོར་ཡོང་བ་ཡིན། འོན་ཀྱང་། སློབ་གྲྭ་ནས་ལམ་ལ་འབུད་དུས་ཅུང་འཕྱིས་དྲག་རྐྱེན་གཞིས་ཆགས་ནང་སླེབས་སྐབས་མུན་ཡོངས་སུ་རུབ་འདུག ང་རང་གླ་འཁོར་ལས་བབས་མ་ཐག་ལམ་འགྲམ་དུ་བོད་པའི་གཞིས་ཆགས་ཨ་ཅག་ཕལ་ཆེར་མོ་ལོ་སུམ་ཅུ་བརྒལ་བ་ཅིག་གིས་ཅ་ལག་མང་པོ་ཅིག་ཐུབ་ལ་མི་ཐུབ་ཀྱི་ངང་ཁུར་ཏེ་འགྲོ་བཞིན་གདའ།

སྣང་ཚུལ་དེ་མཐོང་རྗེས་ང་ལ་དམིགས་བསལ་དེར་ངན་སེམས་སམ་འཁྲུག་སྤྱོད་ཀྱི་དམིགས་ཡུལ་འདྲ་འཛིན་འདོད་གང་ཡང་མ་མཆིས་ཀྱང་།

དེ་ལས་མང་བ་། “ཡིད་ཚིམ་པའི་འཁྲིག་སྤྱོད།” »

ཆབ་མདོ་ངག་ཕུན་གྱིས།

 
རི་བོའི་རྩེ་མོར་དགུན་དུས་གངས་ཀྱིས་གཡོགས་ཤིང་། རི་སྐེད་ལ་དབྱར་དགུན་མེད་པའི་སྔོ་ལྗང་ལྗང་གི་རི་ལུང་ཡོངས་རྫོགས་མཛེས་སྡུག་བཀོད་ལེགས་ལྡན་པའི་ཡུལ་ལྗོངས་ཤིག་ཡིན་པ་རེད། ཞོགས་པ་ལྗོན་ཤིང་གི་རྩེ་མོའི་སྟེང་ནས་བྱ་བྱིའུ་སྣ་ཚོགས་ཀྱིས་སྐད་སྙན་སྒྲོག་པ་དང་དུས་མཚུངས་ལུས་སེམས་ལ་ཞི་བདེའི་འཚོ་སྣང་ཞིག་ཀྱང་སྦྱིན་འོང་གི་ཡོད་ཅིང་། དེ་འདྲའི་ཉམས་དགའ་བའི་ལུང་པ་དེར་གཞན་ནས་ཡུལ་གྱལ་ལ་ཡོང་བའི་མི་རྣམས་གནས་སྐབས་རིང་ལ་གནས་ཚང་གཡར་ནས་འཚོ་སྡོད་བྱེད་ཀྱི་ཡོད། ཁོ་ཚོ་ནི་གྲོང་མི་ཕན་ཚུན་ཧ་ཅང་གི་མཐུན་ལམ་ཟབ་ཅིང་།

དེ་ལས་མང་བ་། ““སྐར་ཚོགས་ཐང་ལ་ལྷུང་བ།”” »

རང་དབང་།

 
ཉི་མ་འདི་དག་ཏུ་ཚ་བ་ཇེ་ཆེ་ནས་ཇེ་ཆེ་རེད། མཚན་དུ་དཔེ་ཀློག་གི་འདུན་པ་ཡང་གང་ཞིག་ཏུ་བདས་འགྲོ ཆུ་འཁྱག་འགྱིག་དམ་གཅིག་མགོ་རུ་གཡོན་བཞིན་འདང་ཡར་མར་ལ་བརྒྱབ།
“སྒྲིག་སྲོལ་འདི་འདྲ་ཞིག་བཟོ་སྲོལ་གང་ན་ཡོད།” ཁོས་དེ་ལྟར་མགོ་རྔ་མེད་པ་ཞིག་བཤད་བཞིན་ངའི་འཁྲིས་སུ་བསྡད།
ཁོས་མུ་མཐུད་དུ་”འདི་ཚོས་དངོས་ནས་སྡོད་དུ་བཅུག་འདང་མེད་པ་འདྲ།” ཁོས་དེ་ལྟར་བཤད་དུས་ངས་སོ་ཧྥེ་ཡི་འཇིག་རྟེན་ཞེས་པའི་བརྩམས་སྒྲུང་དེའི་སོ་ཁུར་ར་ཁྲེ་ཡི་སྐོར་ནས་ཀློག་བཞིན་ཡོད་ལ།

དེ་ལས་མང་བ་། “སྐད་ཆ་བཤད་མཁན།” »

གཅན་ཡེ་རྒྱམ།

 
དེ་རིང་ནི་བསིལ་རླུང་འཇམ་ཞིང་ལྗང་མདོག་རྒྱས་ལ། མཛེས་པའི་མེ་ཏོག་གི་ཞལ་ཁ་བཞད་པ་མཐོང་རྒྱུ་ཡོད་པའི་དཔྱིད་ཟླ་ར་བའི་ཉིན་མོ་ཞིག་རེད། ང་རང་གཅིག་པུས་མཚོ་འགྲམ་དུ་གྲང་ཤུར་ཤུར་གྱི་དུས་ཚིགས་ཤིག་རྒྱབ་ཏུ་བསྐྱུར་ཞིང་། དྲོད་འཇམ་འཇམ་གྱི་ནམ་ཟླ་ཞིག་གི་གདོང་བསུས་ནས་དྲོ་འཇམ་གྱི་རླུང་བུ་དང་ཉི་འོད་ལོངས་སུ་སྤྱོད་ཞོར་འཚོ་བ་ནི་ཅི་འདྲའི་སྐྱིད་པ་ལའང་སྙམ་ནས་སྡོད་སྐབས། གློ་བུར་དུ་ཉེ་ཆར་རང་ཉིད་ཀྱི་གྲོགས་པོ་དོན་འགྲུབ་དང་ཁོང་གི་བཟའ་ཟླ་ཆོས་བཟང་སྒྲོལ་མ་གཉིས་ཀྱི་བར་ལ་བྱུང་བའི་གནས་ཚུལ་ཞིག་སེམས་ལ་ལྷང་ངེར་དྲན་བྱུང་།

དེ་ལས་མང་བ་། “གྱེས་ཁའི་སྐད་ཆ།” »

རྩོམ་པ་པོ། རྣོ་སྦྲེང་།

 
མདུན་རིའི་སྒང་ནས་བལྟས་ཚེ། རི་བོ་གླང་ཆེན་དང་འདྲ་བ་ཞིག་གི་འདབས་རོལ་ན་ཆགས་ཡོད་པའི་སྟག་ལུང་དགོན་པ་ནི། ཅི་འདྲའི་གནས་ཁམས་ཆེན་ཞིག་ལོས་ཡིན་སྙམ་པའི་ཚོར་བ་སྟེར། བྱམས་ཁང་དང་ཇོ་ཁང་། རྗེ་ལྷ་ཁང་སོགས་ཀྱི་དཀྱིལ་ན་ཀྲོང་ངེར་མངོན་པའི་ཚོགས་ཆེན་འདུ་ཁང་གི་ཆགས་དབྱིབས་དང་། ཚོགས་ཆེན་འདུ་ཁང་སྟེང་ན་སེར་ལམ་མེར་མངོན་པའི་གསེར་ཏོག་དང་རི་དྭགས་ཕོ་མོ་གཉིས་མིག་ལམ་ལ་གསལ་ལྷང་ངེར་མངོན་ཞིང་།

དེ་ལས་མང་བ་། “ཉི་ཐིག་གིས་འཚོས་པའི་གྲྭ་ཤག་གི་སྒེའུ་ཁུང་།” »

ཀླུ་སྨྱོན།

སྒྲུང་ཐུང་ཡིག་བརྒྱ་མ།

མདང་ནུབ་ཀྱི་ཁ་བས་རྡོ་ལ་རྡར་གྱི་རི་བརྒྱུད་ཧྲིལ་བོར་གངས་དཀར་གྱི་ན་བཟའ་བཀླུབས་འདུག སྒྲུང་དེབ་མཐུག་པོ་ཞིག་སིལ་བུར་གཏུབས་ནས་ནམ་མཁར་གཏོར་བ་དང་འདྲ་བའི་སྨུག་སྤྲིན་མཐུག་པོ་ཞིག་རི་རྩེ་ནས་ལྷོ་ཕྱོགས་སུ་སྐྱོད་བཞིན་ཡོད། ཁོས་གདོང་ཤིང་ནགས་མཐུག་པོའི་ཕྱོགས་སུ་འཁོར་ནས་གཅིན་པ་གཏོང་བཞིན་འདུག གཡས་ཕྱོགས་ཀྱི་ལྕགས་ཤོག་ཁང་པ་ནས་བེད་སྤྱོད་བཏང་ཟིན་པའི་སྦྲུམ་འགོག་འགྱིག་ཤུབ་ཀྱི་དྲི་མ་སྐྱུར་བོ་ཞིག་སྣ་ལམ་དུ་བར་མེད་འཐུལ་ཡོང་།

དེ་ལས་མང་བ་། “ལྕགས་ཤོག་ཁང་པ།” »

ཆབ་མདོ་ངག་ཕུན།

 
སྔོན་”སྐྱིད་གཤོངས་”ལུང་པ་ཞེས་བཀོད་ལེགས་ཡིད་དུ་འོང་བ་ཞིག་ཡོད་ཅིང་། དེའི་ནང་དུ་འཚོ་སྡོད་བྱེད་མཁན་ཁྱིམ་ཚང་འགའ་ཤས་ཤིག་ཡོད་ཅིང་། དུས་རྒྱུན་ཁོ་ཚོར་ཕན་ཚུན་དཀའ་སྡུག་ག་འདྲ་ཞིག་བྱུང་བ་ཡིན་ན་ཕར་ཚུར་རོགས་རམ་བྱེད་རེའི་བྱེད་པའི་ཧ་ཅང་གི་ལུགས་སྲོལ་བཟང་པོ་ཞིག་ཡོད། དེ་འདྲའི་ཁོར་ཡུག་བཟང་པོ་ཞིག་ལ་སོ་སོའི་ཁ་རྗེ་དབང་ཐང་ལ་དཔག་པའི་ཞིང་ལས་བྱེད་ཀྱི་ཡོད་པ་དང་། ལུང་པ་དེ་ནི་ས་མ་འབྲོག་ཡིན་གཤིས་སྟོན་ཐོག་ཀྱང་ཧ་ཅང་ཡག་པོ་སྐྱེས་ཀྱི་ཡོད་པ་རེད། ལུང་པ་དེར་”ཆོས་ལྡན་ཚང་”ཞེས་གནའ་སྔ་མོ་ནས་འཚོ་བྱེད་བསྡད་མཁན་ཞིག་ཡིན་ལ།

དེ་ལས་མང་བ་། “ཆོས་ལྡན་ཚང་གི་གཏམ་རྒྱུད་ཡིད་ཀྱི་མེ་ལོང་།” »

དོན་འགྲུབ་སྒྲོལ་མ།

 
སྤྱིར་ཁོ་མོའི་ཕ་མ་གཉིས་ནི་མི་ཚང་ཆེན་པོའི་རྒྱུད་པ་ཡིན། ཨ་ཕ་ལ་ཆབ་སྲིད་ཀྱི་སྐོར་གོ་རྟོགས་མཐོན་པོ་ཡོད་པ་དང་། ཨ་མས་སྨན་ཞབས་ཀྱི་ཕྱག་ལས་གནང་གི་ཡོད་པ་རེད། ཁྱིམ་ཚང་གི་འཚོ་ཐབས་ཧ་ཅང་བཟང་ལ་སྤྱི་ཚོགས་ཀྱི་ཆེ་མཐོང་ཆེན་པོ་ཐོབ་ཀྱི་ཡོད། འོན་ཀྱང་ཆབ་སྲིད་དང་འབྲེལ་བའི་ཁོ་མོའི་ཨ་ཕའི་ལས་དོན་ལམ་ལྷོང་མ་བྱུང་བར་འོད་མདངས་ལས་གྲིབ་ནག་ཏུ་ལྷུང་བ་དང་

དེ་ལས་མང་བ་། “མུན་པའི་ཚེ་སྲོག་ཉམ་ཆུང་ཞིག་་་་་(དངོས་བྱུང་གི་སྒྲུང་།)” »

རང་དབང་།

 
ཉི་མ་ཕྱེད་ཙམ་མ་གཏོགས་ནུབ་འདུག གྲང་རླུང་ཞིག་ཀྱང་ལྡང་བས་ངས་ལ་ཁའི་རྐང་ལམ་དེ་དེད་ནས་ཕྱིར་ལོག་པ་ཡིན། ལམ་འགྲམ་གྱི་ཁང་མིག་དེའི་ནང་དུ་གློག་བཀར་འདུག ཁང་མིག་དེ་དང་ཐག་ཇེ་ཉེ་ཇེ་ཉེར་སོང་བ་ན། ངས་རང་ཉིད་དང་ཁང་མིག་དེའི་བར་གྱི་དོན་དག་ཅིག་རང་དབང་མེད་པར་དྲན་ཡོང་།
ཁང་མིག་དེའི་ནང་དུ་སྔོན་ཀྱི་ངེད་གཉིས་ལྟ་བུའི་ཕོ་མོ་ཟུང་ཞིག་བཅའ་སྡོད་བྱས་ཡོད་པ་འདྲ། གོམ་པ་བཅུ་ལྷག་གི་མཚམས་སུ་གནས་པའི་ཁང་མིག་དེའི་ནང་ནས་སྙིང་ཉེ་བའི་དགོད་སྒྲ་རེར་མཆེད་ཡོང་ལ།

དེ་ལས་མང་བ་། “ས་སྲོད།” »

རང་དབང་།

 
སྐྱ་མདའ་བཀྱགས་མ་ཐག་ང་གཉིད་ལས་སད་སོང་། ཕྱི་རོལ་དུ་ཁྱིམ་མཚེས་རྒྱ་གར་ཚང་གི་བྱ་ཕོའི་སྐད་སྒྲོག་བཞིན་འདུག ཉལ་ཁྲིའི་སྟེང་དུ་ཡུན་རིང་སྐུམ་བཙོག་བྱས་ཏེ་མདང་དགོང་གི་གྲོགས་པོའི་ཁ་བརྡ་དག་ལ་ཕྱི་དྲན་བྱས་པ་ཡིན། ད་ལོར་ན་ནིང་ལས་གནམ་གཤིས་ཇེ་འཁྱགས་སུ་ཕྱིན་འདུག སྒེའུ་ཁུང་དུ་ཆུ་བད་ཞིག་ཀྱང་བཞག་འདུག་པས་ཕྱི་རོལ་མཐོང་མི་ཐུབ། ཡིན་ཡང་། ད་ནི་ཟླ་བཅུ་བ་ཚེས་སོང་རུང་། རི་ལུང་ཐམས་ཅད་ད་དུང་སྔོ་ཡུག་ཡུག་ཏུ་འདུག ལྷག་པར་དུ་ཚ་བ་ནི་ཕ་ཡུལ་གྱི་དབྱར་ཟླ་དྲུག་པ་ལས་ཀྱང་མཐུ་པས། མཚམས་ལན་རེར། གནས་འདིའི་གནམ་གཤིས་ནི་མི་སེམས་ཉོབ་པའི་ཁ་སྣོན་ཞིག་རེད་ཨང་སྙམ་ཡོང་།

དེ་ལས་མང་བ་། “གཟའ་ཉི་མ།” »