ཨེ་མ་ཧོ།
ན་མོ་གུ་ར་ཝེ།
ཀ་དག་སྤྲོས་བྲལ་གྱི་ངོ་བོ་རྟོགས་ནས།།
ཁ་སྦྱོར་བདུན་ལྡན་ལ་རང་བྱན་ཆུབ་ཅིང་།།
ག་བུར་དབང་པོ་ལས་ཀུན་ཕན་དམ་པ།།
ང་ཡི་སྙིང་ནོར་ཉིད་གང་དུ་བཞུགས་སམ།།
ཅ་ཅོ་ཀུན་བྲལ་གྱི་དབེན་གནས་འདི་ནས།།
ཆ་ཤས་ཀུན་གཙང་གི་དཀྱིལ་འཁོར་བཤམས་ཏེ།།
༅༅།། གསོལ་འདེབས་བྱིན་རླབས་མྱུར་འཇུག།
རྔ་བ་རྒྱལ་ཁམས་པ།
སེམས་ཀྱི་རྡོ་རྗེ་འོད་གསལ་ཆོས་སྐུའི་དབྱིངས།།
རང་རིག་རྩལ་འཕགས་རབ་འབྱམས་རྒྱུད་སྡེའི་ཞིང་།།
ལྷུན་གྲུབ་རིགས་ལྔའི་ཚོམ་པུར་རྟག་འཆར་བ།།
རང་བཞིན་རྫོགས་པ་ཆེན་པོར་གསོལ་བ་འདེབས།།
གདོད་ནས་ནམ་དག་བླ་མ་ཀུན་ཏུ་བཟང་།།
གདུལ་བྱ་འདུལ་བྱེད་ཆུ་ཟླའི་རོལ་བ་ལས།།
ཤུལ་དུ་ལྷག་པ་ནི་ང་ཁོ་ནའོ།
སྤྱན་ཆེན་པོ།
འཇའ་ཚོན་ཞིག་ག་ལེར་ཡལ་སོང
རྨི་ལམ་ཞིག་དལ་གྱིས་འཕུར་སོང
ཤོག་བུ་ཐེད་པོ་དེའི་ངོས་ཀྱི་ཡིག་འབྲུ་དག་གིས
འཛུམ་མདངས་འཁྱག་པོ་ཞིག་གྱོན་ནས
འདར་སིག་སིག་བྱེད་ཀྱིན་འདུག
རྒྱུད་བཞི་བློ་འཛིན་དག་ལ་ཕུལ་བའི་ཨ་རུ་རྣམ་རྒྱལ།
ཨེ་མ་ཧོ།
བོད་རིགས་འཚོ་བྱེད་མའི་སྡེ་ལས་དཔལ་ལྡན་རྒྱུད་བཞི་བློ་འཛིན་དག་ལ་ཕུལ་བའི་ཨ་རུ་རྣམ་རྒྱལ་དཀར་པོ་ཞེས་བྱ་བ།
ན་མོ་གུ་རུ་བྷྱེཥ་ཛ་ཡ་ཡེ།
ཐུགས་རྗེ་ཀུན་ལ་མཉམ་པའི་བཅོམ་ལྡན་འདས།།
དུག་གསུམ་ནད་སེལ་སངས་རྒྱས་སྨན་གྱི་བླ།།
ཆོས་སྨན་བརྒྱད་ཁྲི་བཞི་སྟོང་གསུང་པའི་མགོན།།
ནད་གདོན་ཀུན་སེལ་སྟོན་པས་འགྲོ་རྣམས་སྐྱོབས།།
དེ་ལས་མང་བ་། “རྒྱུད་བཞི་བློ་འཛིན་དག་ལ་ཕུལ་བའི་ཨ་རུ་རྣམ་རྒྱལ།” »
མདོག་མེད་པའི་བརྩེ་གླུ
མྱི་ལྟིག
ལས་དབང་ནག་པོའི་བརྩེ་བ།།
མཉེ་བའི་བསམ་པ་ཡོད་ཀྱང་།།
ཚིག་ཞག་ལས་འཕྲོ་མེད་པས།།
ཚིགས་མགོ་བཤུ་བའི་སྡུག་ལས།།
ལས་འཕྲོ་ཀ་ར་གོ་རེ།།
ལས་སྐལ་འོ་ཕྱེ་དཀར་པོ།།
སྙིང་ནས་ཚིག་བྲུས་པ།
མགལ་དུམ།
——-(སྟོང་ལོ་གསར་བར་རང་ཉིད་ཀྱིས་རང་ཉིད་ལ་གྲོས་བཏབ་པ།)
སྐར་མ་ཐག་ཐག་འདའ་བའི་སྔ་ཕྱི་ཙམ་ནས།།
ཉི་མ་ལོ་ལ་འབྱར་ཏེ་ཕར་ལ་ཆས་སོང་།།
དེའི་ལོར་འདི་ལོར་དྲན་པའི་སྐད་ཅིག་རེ་རེར། །
ང་ཚོ་ལ་ཁའི་ཉི་མའི་ཟླ་བོ་མིན་འགྲོ།།
སེམས་ཀྱི་དག་ཞིང་།
སེང་གདོང་སྐྱབས།
——-རྨི་ལམ་ཞིག་གི་རྐྱེན་བྱས་ཏེ་བིས་མདོ་བུ་མོར་བྲིས།
སྨད་ཕྱོགས་རོང་ནས་འཚར་བའི་བིས་མདོའི་བུ་མོ།།
ལྷན་སྐྱེས་གཤིས་ལུགས་འཇམ་པོའི་མཛེས་བ་དེ་ཡིས།།
སྐལ་བའི་བག་ཆགས་མཐའ་མེད་རྒྱ་མཚོ་གང་ཞིག།
བདག་སེམས་ཚོར་བའི་རླབས་ལ་གཏན་དུ་བསྐྱིལ་སོང་།།
ཁམས་སྟོད་ཀྱི་མཛེས་ལྗོངས་ལ་བསྟོད་པ་སྙན་ཚིག་མུ་ཏིག་ཕྲེང་བ།
དགེ་རྩེ་ཕུན་དགའ། （སྐྱེན་ཡུལ）
ཁམས་ཡུལ་མདོ་ཆེན་གསུམ་གྱི་ཡ་གྱལ་དུ། །གྲགས་པའི་སྐྱེ་དགུ་ས་ཡི་ཕང་བ་རུ། །ཉལ་འགྲོ་གསེར་ལྡན་འབྲི་ཆུ་སྔོན་མོ་སོགས། །ཀླུང་ཆེན་གཙང་པོ་གསུམ་གྱི་འབྱུང་ཡུལ་ཡིན། །གནས་ཀྱི་ཡང་རྩེ་སྒ་སྟོད་ཇོ་བོ་མཆོག །རྡོ་ཏི་གངས་དཀར་སྐྱོ་བྲག་གནས་རྒན་མ། །ཁུ་རྒྱལ་གྭ་བ་བླ་མ་ནོར་ལྷ་དང་། །ཤེལ་རི་དཀར་འབར་གཉན་རྒྱལ་སྒྲོལ་མའི་མཚོ། །ལྕི་ཡི་གཟེ་རྒྱལ་མདོ་སྟོད་རྟ་རྣ་སོགས། །
དེ་ལས་མང་བ་། “ཁམས་སྟོད་ཀྱི་མཛེས་ལྗོངས་ལ་བསྟོད་པ་སྙན་ཚིག་མུ་ཏིག་ཕྲེང་བ།” »
རྨི་ལམ་བཟང་པོ་འགྲུབ་པར་སྨོན།
ཨེ་མ་ཧོ།
མགྲོན་ཁང་བཟང་པོ་སྐར་མ་ལྔའི་ནང་།།
སྦྱིན་བདག་བཟང་པོ་གསེར་མདོག་ལྕང་ལོ་པས།།
མཐུན་རྐྱེན་བཟང་པོ་གནང་བར་ལོངས་སྤྱོད་ངང་།།
རྨི་ལམ་བཟང་པོ་ཐོ་རངས་སྐབས་སུ་རྨིས།།
གངས་རི་དཀར་པོ་དུང་མདོག་ཟླ་འོད་མཛེས།།
གངས་སེང་གཡུ་རལ་མ་ཉམས་ངར་སྐད་སྒྲོག །
ལོ་གསར་པའི་ནང་།
ཀླུ་སྨྱོན།
ལོ་གསར་པའི་ནང་།
ཞིང་གྲོང་ནས་རླུང་བུ་བཞིན་ལྡང་བའི་མཛེས་མ་ཁྱུ་གཅིག་གྲོང་ཁྱེར་དུ་ལས་ཀ་འཚོལ་བར་ཆས་རྒྱུ་རེད།
ཁོ་མོ་ཚོའི་ལང་ཚོའི་མེ་ཏོག་ལ་བཀྲག་མདངས་འཚེར་ཞིང་།
ད་དུང་ཞེན་ཆགས་ཀྱི་དྲི་བསུང་ཡང་བར་མེད་དུ་འཐུལ།
སྟོད་གོས་ཁྲ་ཁྲ་སིལ་སིལ་དེ་ཚོའི་འོག་ན།
དཀར་ཞིང་ཟླུམ་པའི་མྱོས་བུམ་ཆ་རེ་ཡང་སུ་ཞིག་གི་ལག་པས་སྐྱོར་བར་གྲ་སྒྲིག་ཨང་བསར་ཡོད།
ཕ་ཡུལ་དང་ཉེ་སར་བཅར་བ།
སེང་གདོང་སྐྱབས།
རྒྱ་གར་བལ་ཡུལ་འགྲུལ་ལམ་རིང་ལ་ཀྱོག།
ལོ་རེར་འགྲུལ་བཞུད་ཐེངས་རེར་དཀའ་བས་ལན།།
སྟབས་ལེགས་ལྟེས་དབང་འདི་ཡི་སློབ་གསེང་གིས།།
དེ་རིང་ཡུལ་སྤུན་ལྷན་དུ་འདི་ལ་འདུར།།
འདི་ནས་ཀྱེན་དུ་བརྩིས་བའི་མི་ལོ་བཅུར།།
བྲོས་བྱོལ་མི་ཚེ་ཞིག་གི་གཏམ་རྒྱུད་དྲན།།
གྱེས་ཕྱག
སེང་གདོང་སྐྱབས།
——གྲོགས་ཀྱི་དྭངས་མ་ཨ་པ་ཡག་པར་གྱེས་ཕྱག་ཏུ།
རྡ་སའི་རི་ངོགས་དེ་ན་ང་ལ་དབང་བའི་ཁྱིམ་ཞིག་ཡོད།།
ཁྱིམ་གཞི་དྲོན་མོ་དེ་ན་འཛེམ་དོགས་མེད་པའི་ཐོབ་ཅིག་ཡོད།།
ཐོབ་དེའི་སྔ་རྗེས་གཉིས་ན་སྐྱིད་ལ་སྡུག་པའི་གཏམ་ཞིག་ཡོད།།
གཏམ་ཚོགས་སྣ་བརྒྱའི་ཁྲོད་ན་ལས་ཀྱིས་བཏུས་པའི་སྤུན་ཞིག་ཡོད།།
ཐུ་མི་སམ་བྷོ་ཊའི་རྗེས་དྲན་གངས་ཅན་རིག་པའི་ཚེ་སྲོག
ཨེ་མ་ཧོ།
སློབ་དཔོན་ཐུ་མི་སམ་བྷོ་ཊའི་རྗེས་དྲན་གངས་ཅན་རིག་པའི་ཚེ་སྲོག་ཅེས་བྱ་བ།
ན་མོ་གུ་རུ་ཐུ་མི་སམ་བྷོ་ཊ་ཡེ།
ཀ་ནས་ཨ་བར་དབྱངས་གསལ་གཏན་ལ་ཕབས།།
ཁ་བ་ཅན་དུ་ཚེ་སྲོག་སྙིང་བཅུད་གཏམས།།
གང་ལ་བསམ་ཚེ་ཐུ་མིའི་བཀའ་དྲིན་ཉིད།།
ང་ཚོས་གཞལ་བའི་དུས་ཤིག་མཆིས་སྲིད་དམ།།
དེ་ལས་མང་བ་། “ཐུ་མི་སམ་བྷོ་ཊའི་རྗེས་དྲན་གངས་ཅན་རིག་པའི་ཚེ་སྲོག” »
ཐོལ་རྩོམ་འཐེན་ཐུག་བརྔོས་མ།
རྐ་འབྲོང་ཕྲུག
གལ་ཏེ་བརྩེ་བ་དེ་སོར་གདུབ་ཞིག་ཡིན་པའི་དབང་དུ་གཏོང་རྒྱུ་ན
དེ་ནི་ཁྱེད་ཀྱི་སྲིན་མཛུབ་ཁོ་ནར་རན་པའི་དངུལ་དཀར་དེ་ཡིན་ནའང་ཐང
ཡང་གལ་ཏེ་དུང་བ་དེ་ཉི་འོད་འདི་ཡིན་པའི་དབང་དུ་བཏང
དེ་ནི་ཁྱེད་ཀྱི་སྙིང་གི་འཁྱག་རོམ་ལྷག་མེད་ཞུ་བའི་དྲོད་ཁོལ་ཏེ་ཡིན་ནའང་ཐང
གལ་ཏེ་ཤེས་རབ་དེ་མེ་ལྕེ་ཞིག་ཡིན་པའི་དབང་དུ་གཏོང་རྒྱུ་ན
ཆེས་ཆེར་བཙན་པའི་མེ་ཞགས་དེས་དབང་གི
ཁྱི་སྤྱང་ཚོ།
མི་ཉག་སྐལ་བཟང་།
——–ལྟ་ལོག་ཅན་ཚོར་སྤྲིངས་པ།
ཀ་ཁ་མི་ཤེས་དོལ་རྒྱལ་རྗེས་འབྲངས་ཚོས།།
ཁ་ནས་བཤད་ཀྱང་དོན་ལ་མི་གནས་པར།།
ག་དུས་ཡིན་ཡང་རང་མགོ་ཆུ་འདྲེན་གྱིས།།
ང་ཡིས་བལྟས་ན་ཀླ་ཀློའི་རྒྱུགས་ཁྱི་བཞིན།།
ཅ་ཅོ་ཆེ་སྒྲོག་རྫུན་གཏམ་ཁོ་ན་ཡིས།།
ཆ་མེད་རྒྱུས་མེད་ཚོ་ལ་ཡིད་ཆེས་མེད།།
ལོ་སར་གྱི་ཤིས་བརྗོད་པདྨ་གེ་སར།
ཨེ་མ་ཧོ།
ན་མོ་གུ་རུ་ཀ་ལ་ཙཀྲ་ཡེ།
རང་སྣང་རྣམ་དག་ཀུན་བཟང་དགའ་བའི་ཆར།།
སྣང་སྲིད་གཞིར་བཞེང་རང་རིག་བདེ་ཆེན་དཔལ།།
སྣོད་བཅུད་ཡང་དག་འོག་མིན་ཞིང་ཁམས་སུ།།
དམ་ཆོས་དགའ་སྟོན་ངེས་པ་ལྔ་ལྡན་རོལ།།
རང་ཡུལ་རྣམ་དག་གངས་ཅན་དགའ་བའི་ཆར།།
མདོ་སྔགས་གཞིར་བཞེང་ལུགས་གཉིས་ཕུན་ཚོགས་དཔལ།།
སྟོང་ལོ་གསར་བ་འཕུར་ས་རུ།
ཁྲོ་གཏུམ།
ཤོག་བུའི་ངོས་ན་ཡི་གེ་བསྐྱོད་པའི་གཡོ་གྲུ་ཆུང་ཆུང་དག
རྨི་ལམ་དུ་བབས་པའི་ཁོག་རྒྱ་ཆེ་ཆུང་འགའི་སྟེགས་བུ་ལབ་རྐྱལ་ཞིག
རྨི་ལམ་སྔར་བཞིན་ཕུགས་མདུན་གྱི་ཁྲོད་དུ་སྐྱོམ་ལ
བགྲང་བྱས་སྒུག་ཚོད་མ་ཟིན་པའི་ཐོབ་ཤོར་དེས་སེམས་ཁུང་བྲ་བཞག
ང་ཚོའི་ཕུགས་བསམ་སྟོང་ལོ་གསར་བའི་ངོས་སུ་དམ་ལ་བཏགས་རུང
བྱ་བྱེའུ་འགའི་ནམ་འཕངས་གཅོད་པ་ལས་ཡང་ཤིང་ཆུང
༧ཆོས་རྗེ་དམ་པ་ཡིད་བཞིན་ནོར་བུའི་རྗེས་དྲན་སྙིང་གི་ནོར་བུ།
ཨེ་མ་ཧོ།
ན་མོ་གུ་རུ་ཨ་བྷྱ་ལཀྵྃ་ཀ་ར་ཡེ།
གཞི་དབྱིངས་གདོད་མའི་མགོན་པོ་ཀུན་ཏུ་བཟང་།།
ལམ་མཆོག་འཁྲུལ་རྟོག་ཀུན་སེལ་རྫོགས་པ་ཆེ།།
བཟང་པོ་སྤྱོད་པའི་སྨོན་ལམ་མཐར་ཕྱིན་པའི།།
ཆོས་རྗེ་ཡིད་བཞིན་ནོར་བུས་དགེ་ལེགས་སྩོལ།།
མཁན་སློབ་ཆོས་རྒྱལ་དམ་པའི་བཀའ་དྲིན་དང་།།
འཕགས་བོད་རིག་འཛིན་བརྒྱུད་པའི་ཐུགས་རྗེ་དང་།།
དེ་ལས་མང་བ་། “༧ཆོས་རྗེ་དམ་པ་ཡིད་བཞིན་ནོར་བུའི་རྗེས་དྲན་སྙིང་གི་ནོར་བུ།” »
བོད་ཀྱི་སྐད་ཡིག་ལ་འགན་ཁུར་དགོས་པའི་ཀ་བཤད་༢༢ པ།
ཀོ་ལི་གྷ་གཞུང་པ་ཚེ་དབང་བསོད་ནམས།
ཀ་དག་ཕྱག་རྒྱ་ཀ་མད་སུམ་ཅུར་འདུད།།
ཁ་བའི་ཡུལ་དུ་ཁྱེད་ཀྱི་མཛད་འཕྲིན་བསྐྱངས།།
ག་བུར་ཙན་དན་དྲི་ཞིམ་ཁྱེད་ལ་འབུལ།།
ང་ཚོ་ས་ཡ་དྲུག་གི་སྲོག་རྩ་རེད།།
ཅ་ཅོ་གྲངས་མང་གཞན་གྱི་སྐད་ཡིག་ལ།།
ཆ་རྒྱུས་མ་ལོན་བོད་མིས་ཤི་འཐམ་བྱེད།།
དེ་ལས་མང་བ་། “བོད་ཀྱི་སྐད་ཡིག་ལ་འགན་ཁུར་དགོས་པའི་ཀ་བཤད་༢༢ པ།” »
རྨ་ཡུལ་འབྲོག་མོ།
འབའ་སྲས།
རྨ་ཡུལ་འབྲོག་ནས་སྐྱེས་པའི་འབྲོག་མོ་ཞིག །
ནགས་ཀྱི་ཁུ་བྱུག་སྤྲུལ་བའི་སྐད་ངག་ཅན།།
འཇའ་ཚོན་གོས་སུ་གྱོན་པའི་ལང་ཚོ་མ།།
ཟླ་བའི་འཛུམ་དང་ཡིད་ཀྱི་མཁའ་ལ་ཤར།།
རང་བྱུང་ངག་གི་པི་ཝང་རྟ་མགོ་མ།།
སྙམ་འཇེབས་དབྱངས་ཀྱི་སོར་མོས་དཀྲོལ་བས་ན།།