སྤྱན་ཆེན་པོ།

གཙང་བོ་ཞིག་བརྒལ་ཏེ་རྒྱང་ལ་སྐྱོད་སྐབས
ཁང་མིག་གི་ཕྱི་རོལ་ན
ཉི་མར་ལྡེས་པའི་རྡོ་བ་དག་དྲན་སོང

རླུང་མ་ལྡང་བའི་ཡར་སྔོན་དེར
རྡོ་བ་འདི་དག   ཟོ་ཁ་ནས་འཐོར་བའི་ཆར་སྙིལ་བཞིན
གྱང་ཆག་དེའི་གས་སྲུབས་ནས་ཟགས་པས

དེ་ལས་མང་བ་། “རྡོ་བ། རྡོ་བ། རྡོ་བ།” »

བསོད་ནམས་ཚེ་རིང་།
——–ཀུན་གཟིགས་པཎ་ཆེན་ཐམས་ཅད་མཁྱེན་པ་མཁྱེན།

བདེ་སྟོང་ཟུང་འཇུག་སྤྲོས་བྲལ་ཆོས་སྐུ་ཡི་དབྱིངས་ནས།།
སྣ་ཚོགས་སྒྱུ་འཕྲུལ་ངོ་མཚར་ཟློས་གར་གྱི་གཟུགས་ཀྱིས།།
བསིལ་ལྗོངས་འགྲོ་ལ་བདེ་དགའི་དགའ་སྟོན་གྱི་གྲུ་ཆར།།
འབེབ་མཁས་འཇིགས་མེད་ཆོས་ཀྱི་དབང་ཕྱུག་དེས་སྐྱོངས་ཤིག །
མདོ་སྨད་སྤྱང་ཤེས་རྟ་མཆོག་ཆོལ་ཁ་ཡི་ཡུལ་ལ།།
རྣམ་དག་འོད་གསལ་ལྷ་རིགས་འཁོན་པ་ཡི་རྒྱུད་དུ།།

དེ་ལས་མང་བ་། “ས་མཐའི་མིག་ཆུ།” »

ཨེ་མ་ཧོ།

ན་མོ་གུ་རུ་ཨ་མི་ཏ་བྷྰ་ཡེ།
བདེ་ཆེན་ཞིང་གི་མགོན་པོ་སྣང་མཐའ་ཡས།།
བདེ་སྟོང་དོན་གྱི་དཀྱིལ་འཁོར་སྤྲོ་བསྡུ་ལས།།
བདེ་ལེགས་གངས་རིའི་དཔལ་དུ་ཡང་ཤར་བ།།
བདེ་མཆོག་ཀུན་གཟིགས་པཎ་ཆེན་རྗེས་སུ་དྲན།།
མཆོག་གི་སྐུ་ལས་གངས་རིའི་ཕ་ས་གཅེས།།
གཅེས་པའི་སྲོག་ལས་རང་ཆོས་འཛིན་པར་གདམས།།

དེ་ལས་མང་བ་། “སྐྱབས་མགོན་དམ་པ་ཀུན་གཟིགས་པཎ་ཆེན་སྐུ་ཕྲེང་བཅུ་པ་ཆེན་པོའི་རྗེས་དྲན་གསོལ་འདེབས།” »

ས་འཛིན་དཀར་པོ།

མཐོ་སྒང་གསེར་མདོག་ཉི་མའི་དྲོད་ཁ་དེ་ཡལ་ནས།།
མི་ལོ་གྲངས་ཆུང་ཉེར་དྲུག་མུན་ནག་གིས་གྲང་ངར།།
བོད་ལ་བྱམས་པའི་དྲིན་གྱི་སྣུམ་ཞག་དེ་ཟད་དུས།།
གོ་ལའི་ཡང་རྩེ་སྲིད་པའི་མི་རིགས་ཀྱི་སྐྱོ་གདུང་།།

དུང་ལྟར་འཛུམ་ཞལ་མངོན་པའི་ཟླ་བ་དེ་ཡལ་དུས།།
དྲན་གདུང་ཉི་མ་ལྕི་བའི་ཆུ་གཉེར་གྱིས་འཁུམས་སོང་།།

དེ་ལས་མང་བ་། “པཎ་ཆེན་རིན་པོ་ཆེ།” »

མགལ་དུམ།

 
(ཐག་རིང་ནས་ལྐོག་བཤད་བརྒྱབ་ཅིང་ངན་ལབ་པར་གོམས་པའི་བྱིས་བློ་མ་སྨིན་པའི་གསར་བུ་དེ་ཚོས་གོ་བར་གྱིས། དོན་མེད་དུ་ཇུས་གཏོགས་བྱས་ཏེ་དཀའ་ལས་མ་མྱངས་ཨ། ལས་ཀ་མི་རེག་ཚེ་ད་དུང་སློབ་སྦྱོང་བྱོས།)

ཁ་བ་ལེབ་མོ་ལྷབ་ལྷུབ་བབས་པའི་ས་སྲོད་ཅིག་གི་ལྟེ་བ་རུ།།
ཟུངས་ཁྲག་དྭངས་ཤིང་དྭངས་ཤིང་གཙང་བ་ཨ་མའི་སེམས་ཀྱི་མིག་ཆུ་ཡིན།།
རླུང་རྟའི་གསེབ་ཀྱི་བསང་དུད་སྔོན་མོ་ཨ་མྱེའི་སེམས་ཀྱི་སྨོན་འདུན་ཡིན།།
བལ་གདན་སྟེང་གི་ཚེ་སྲོག་གཉོམ་པོ་གཡང་ཁྱིམ་ཞིག་གི་ནོར་བུ་ཡིན།།

དེ་ལས་མང་བ་། “ཚིག་གིས་འགྲམ་ལྕག་གཞུས་པ།” »

ཀོ་ལི་གྷ་གཞུང་པ་ཚེ་དབང་བསོད་ནམས།

 
ཀ་ཁ་སྦྱངས་བརྩོན་དགོས་པ་བོད་མིའི་འགན།།
ཁ་ལྐུགས་མིན་ན་ཀ་ཁ་ངེས་པར་སྦྱོང་།།
ག་རུ་བསྡད་ཀྱང་ཀ་ཁ་མ་བརྗེད་དགོས།།
ང་ཚོའི་ཕ་མེས་སྐད་ཡིག་ཀ་ཁ་རེད།།
ཅ་ཅོ་མང་བའི་སྐད་ཡིག་མང་ན་ཡང་།།
ཆ་རྐྱེན་འཛོམས་པའི་ཡི་གེ་ཀ་ཁ་རེད།།

དེ་ལས་མང་བ་། “ཀ་བཤད་ཉི་ཤུ་རྩ་དྲུག་པ།” »

འབའ་སྲས།

 
ད་ནི་བདག་གིས་ཆགས་རྩོམ་འབྲི་བའི་སྙུ་གུ་ལག་ནས་དོར་བར་བྱས།།
མཛེས་མ་དག་ལ་བརྩེ་འཕྲིན་འབྲི་བའི་སེམས་ཀྱང་རིམ་གྱིས་ཉམས་སོང་བས།།
བརྩེ་ལྡན་ཆུང་མར་ཁོ་ནར་དབང་བའི་སྙིང་གི་བདུད་རྩི་ཐིགས་པ་འདི།།
རང་སེམས་བུམ་པའི་ལྟོ་ལས་དྲངས་ཏེ་སྙུ་གུ་ཀུ་ཤའི་རྩེ་མོས་མཆོད།།

ཀྱེ་ཀྱེ་ཉོན་དང་བདག་གི་ཆུང་མ་བྱིས་པ་གསུམ་གྱི་ཨ་མ་ལགས།།
ཁྱིམ་ཚང་ཞིག་གི་ལྟོ་རྒྱབ་བར་ནས་ཤིན་ཏུ་རྒས་པའི་བཟའ་ཟླ་ལགས།།

དེ་ལས་མང་བ་། “ཆུང་མའི་ལུས་སེམས་གསོ་བ།” »

བྱ་མདོ་སྐལ་རྒྱམ

 
མི་གཞི་བཙོ་སྦྱང་གི་གོ་རིམ་ཁྲོད་དུ
རང་ཉིད་མི་ཞིག་ཡིན་པའི་བདེན་དཔང་ཆ་ཚང་ཞིག་མཐོང་དུས
སེམས་པའི་བདེ་སྡུག་དང
འཚོ་བའི་རེ་དོགས་འཆོར་ས་གཙོ་བོ་དེ་རང་ཉིད་རེད་མི་འདུག
སྤྱི་ཚོགས་འདི་ནི་མ་གཞི་ནས་སྡོམ་ཐག་གི་དྲ་རྒྱ་ཞིག་སྟེ
རང་ཉིད་གཞན་དང་སྦྲེལ་ནས་འདུག་དགོས་ལ
རང་དང་སྦྲེལ་ཡོད་པའང་ཆེས་མང་བོ་ཞིག་འདུག་ཨང

དེ་ལས་མང་བ་། “<>” »

སྤྱན་ཆེན་པོ།

 
བོར་སོང་བའི་ཞག་སྒྲོན་དེ
དོ་ནུབ་ངའི་གཡས་ཕྱོགས་ན་འབར་བཞིན་འདུག
གཟི་འོད་ལམ་ལམ་ངང་འབར་བཞིན་འདུག

ངོ་གདོང་མེད་པ་ཚོས
སྨུག་རུམ་གྱི་ཟབ་ས་ཞིག་ནས
ལྐོག་ལྐོག་སུད་སུད་ངང

དེ་ལས་མང་བ་། “སླར་རྙེད་པ།” »

རེབ་ཐོག་མདའ།

 
ཕ་མ་ཉེ་དུ་མཛའ་བའི་གྲོགས་རྣམས་དང་།།
ལྷན་དུ་འདུས་པའི་ཁོར་ཡུག་ཉམས་དགའ་ཡང་།།
དད་འདུན་ཟབ་མོའི་ཀློང་གི་ཕག་ལོ་བ།།
ཁེར་རྐྱང་བསམ་གཞིག་ཁྲོད་ཀྱི་དྲན་གདུང་ཡིན།།
ནོར་དང་ལོངས་སྤྱོད་འཕེལ་བའི་གྲོང་འདི་ན།།
བདག་ལ་བརྩེ་བའི་ཕ་མ་ཟུང་མངའ་ཡང་།།

དེ་ལས་མང་བ་། “ཕག་ལོ་བ་དྲན་པ།” »

རེབ་ཐོག་མདའ།

 
ཁོ་མོ་མིག་ནས་བོར་བའི་སྔ་གཞུག་ཏུ།།
བདག་གི་རེ་བ་ད་དུང་ལྷག་ནས་ཡོད།།
འཇིག་རྟེན་སྣང་བ་ཞིག་གི་ལས་འཕྲོ་སྟེ།།
བླ་མ་མཁྱེན་དཔྱོད་ཅན་གྱིས་བརླགས་དང་ཐལ།།
དུངས་སེམས་གཅིག་ལ་འདྲེས་པ་བདེན་པ་ཡིན།།
བརྩེ་བའི་མེ་ཏོག་ད་དུང་མ་བཞད་ཐལ།།

དེ་ལས་མང་བ་། “མེ་ལ་བསྲེགས་པའི་བརྩེ་བ།” »

ཀོ་ལི་གྷ་གཞུང་པ་ཚེ་དབང་བསོད་ནམས།

 
ཕྱོགས་ཞེན་དྲ་འབུས་མ་བཟོད་སྐད་ངན་ཤོར།།
གཞུང་པའི་བུ་ཡིས་བོད་ཡིག་རིག་རྩལ་ངོམ།།
མགོ་འདྲེན་དྲ་འབུས་མ་བཟོད་ངུ་སྐད་ཤོར།།
གཞུང་པའི་བུ་ཡིས་རང་མིང་ངོ་མ་བཀོད།།
དཀྲུགས་ཤིང་དྲ་འབུས་མིང་རྫུན་མཆན་བཀོད་མང་།།
གཞུང་པའི་བུ་ཡིས་རྒྱུ་མཚན་ལུང་དུ་བགྲངས།།

དེ་ལས་མང་བ་། “གཞུང་པའི་བུ་ཡིས་དྲང་གཏམ་གཅེར་བུར་གླེང་།” »

དཔལ་དགྱེས་པ་རྡོ་རྗེ།

 
ན་མོ་མ་ཧཱ་གུ་རུ་ཨ་བྷྱ་ལཀྵྃ་ཀ་ར་ཡེ།

༡
ཕྱོགས་དུས་རྒྱལ་བ་ཀུན་གྱི་ཡེ་ཤེས་སྐུ། །
དཔལ་ལྡན་རྫོགས་པའི་སངས་རྒྱས་པདྨ་འབྱུང་། །
འཇམ་དཔལ་ཡིད་བཞིན་ནོར་བུར་གསོལ་བ་འདེབས། །
བཀྲ་ཤིས་དོན་ཀུན་འགྲུབ་པར་བྱིན་གྱིས་རློབས། །

དེ་ལས་མང་བ་། “ཆོས་རྗེ་དམ་པ་ཡིད་བཞིན་ནོར་བུའི་རྣམ་ཐར་རྗེས་དྲན་རིག་པའི་མེ་ལོང་ཞེས་བྱ་བ།” »

ཀོ་ལི་གྷ་གཞུང་པ་ཚེ་དབང་བསོད་ནམས།

 
དཀའ་ལས་མ་བརྒྱབ་སྐྱིད་པོ་གཏོང་མཁན་མང་།།
ཁ་དམག་བརྒྱབ་ནས་རང་དོན་གཉེར་མཁན་མང་།།
ག་རུ་ཕྱིན་ཀྱང་ང་ཡིན་ཟེར་མཁན་མང་།།
ང་ཡིན་ཁོ་ཡིན་ཟེར་ནས་བོད་དོན་བརླགས།།
ཅ་དངོས་ཐོན་གསར་སྤྱི་ཚོགས་འཁྲུག་ཆ་ཆེ།།
ཆ་མེད་མི་རྣམས་མགོ་བོ་འཐོམས་དུ་བཅུག །

དེ་ལས་མང་བ་། “དེང་དུས་སྤྱི་ཚོགས་ཀྱི་གོམས་གཤིས་སྐོར་གྱི་ཀ་བཤད་༢༥པ།” »

ཀོ་ལི་གྷ་གཞུང་པ་ཚེ་དབང་བསོད་ནམས།

ཀ་ར་གུ་རམ་ཕྲུ་གུར་སྤྲད།།
ཁ་ཟས་ཞིམ་པོ་ཕྲུ་གུར་སྤྲད།།
ག་རེ་དགོས་ནའང་ཕྲུ་གུར་སྤྲད།།
ང་ཚོའི་ཕྲུ་གུ་འཕྲོ་རླག་བཏང་།།
ཅ་ལག་འཐོན་གསར་མགོ་བོ་འཁོར།།
ཆ་རྐྱེན་བཟང་ནས་སློབ་སྦྱོང་མེད།།

དེ་ལས་མང་བ་། “དེང་དུས་ཕ་མས་ཕྲུ་གུར་བལྟ་སྐྱོང་བྱེད་སྟངས་ལ་དཔྱད་པའི་ཀ་བཤད་༢༤པ།” »

ཨེ་མ་ཧོ།

ན་མོ་མ་ཧཱ་གུ་རུ་པདྨ་ཀ་ར་ཡེ།།
ཚེ་དཔག་མེད་མགོན་རྒྱལ་བ་རབ་འབྱམས་དང་།།
ཚེ་དབང་རིག་འཛིན་གྲུབ་པའི་དྲང་སྲོང་ཚོགས།།
ཚེ་འཛིན་རྒྱལ་མོ་སྒྲོལ་དཀར་རྣམ་རྒྱལ་མ།།
ཚེ་བྷྲྰུྃ་ཆོས་སྐྱོང་སྲུང་མས་དུས་འདིར་དགོངས།།
གཞན་ཕན་རིན་ཆེན་གནམ་སྔོན་བཻཌཱུརྱ།།
ཕྲིན་ལས་འོད་སྣང་རྟ་བདུན་དབང་པོའི་གར།།

དེ་ལས་མང་བ་། “སྤྲུལ་སྐུ་གཞན་ཕན་རིན་པོ་ཆེའི་ཞབས་བརྟན་ཚེ་དབང་ལྷ་མོའི་སྲུང་མདུད་།” »

སྤྱན་ཆེན་པོ།

 
ཟམ་པ་དེ་བརྒྱུད་ནས་སོང་ན་ཉག་ག་ཞིག་ལ་ཐོན
ཉག་གའི་ཕ་རོལ་ན་གྲོང་བརྡལ་ཞིག་ཡོད་པས
དེ་རིང་གྲོང་བརྡལ་དེར་ཚོང་ཟོག་ཉོ་རུ་སོང་བ་ཡིན
གྲོང་བརྡལ་འདིའི་མགྲོན་པོ་རྣམས
སྒོང་འཁུར་གྱི་གྲོག་མ་རེ་རེ་བཞིན
ཚ་རླབས་དང་མཉམ་དུ་འདུར་བཞིན་འདུག

དེ་ལས་མང་བ་། “དམྱལ་ཁམས་ལྟ་བུའི་གྲོང་བརྡལ་ཞིག་ལ་སོང་བ།” »

རས་པ།

—-སྙན་ངག་འདི་ནི་གུས་པའི་རྩོམ་གྲོགས་རྣམས་ལ་ལོ་གསར་བའི་ལེགས་སྐྱེས་སུ་ཕུལ་བ་ཡིན། 

གླེང་གཞི།

ངས་ཕ་ཡུལ་ཞེས་པའི་དྲན་ཐོ་ཞིག་ཡང་ཡང་ཀློག་གིན་ཡོད
ཡང་ཡང་བཀླགས་ཀྱང་རྙེད་རྒྱུ་མ་བྱུང་བའི་དེབ་ཐེར་དེ་ནི
ཧི་མ་ལའི་རླུང་ཁར་གཤེགས་པའི་ཚྭ་འཚོང་རྒན་པོ་ཞིག་ནང་བཞིན
མི་རྣམས་ཀྱིས་བུ་རབས་ཚ་རྒྱུད་ལ་བརྗོད་ཀྱིན་འདུག
འོན་ཀྱང ངོས་སྟོང་བའི་དེབ་ཐེར་དེ་ནི
འབྲོག་ཁྱིམ་སྟོང་ཤུལ་གྱི་ནོར་ལྷས་དང་འདྲ་བར
རང་ཉིད་ལ་དགོས་ངེས་ཀྱི་ཡི་གེ་ཅི་ཡང་རྙེད་རྒྱུ་མི་འདུག་ཨང

དེ་ལས་མང་བ་། “རྒྱལ་ཁམས་དང་གྱེས་པའི་གདུང་གླུ།” »

རྡོ་རྗེ་རིན་ཆེན། (སྐྱ་རེངས)

༡

གཙང་ཆབ་ནག་པོ་དེ།
མཚམས་མེད་པར་གཞུར་ཞིང་མཆིས་ལ།
དེ་ཡི་མཐའ་མཇུག་གི་འབབ་ཡུལ་ནི།
གཏིང་མཐའ་བྲལ་བའི་རྒྱ་མཚོར་ངེས།
༢
འགྲུལ་བཞུད་པ་གཙང་ཆབ་བརྒལ་ཏེ།
ཐག་རིང་དུ་བཞུད་པར་གྱུར་ཞིང་།

དེ་ལས་མང་བ་། “ཁེར་རྐྱང་གི་མཚན་ཕྱེད་དུ། ངས་ཁྱོད་ལ་བརྩེ་དུང་གི་སྙན་ངག་འབྲི་ཕོད།” »

ཀོ་ལི་གྷ་གཞུང་པ་ཚེ་དབང་བསོད་ནམས།

ཀ་ཁ་སྦྱང་ནས་བོད་དོན་རྩོད།།
ཁ་དམག་མ་རྒྱག་དོན་དངོས་རྩོད།།
ག་རུ་ཡོད་ཀྱང་བོད་དོན་རྩོད།།
ང་ཚོའི་ཕ་ཡུལ་བོད་ལྗོངས་རེད།།
ཅ་ཅོ་ཆོས་མེད་ཀླ་ཀློའི་དཔུང་།།
ཆ་མེད་མི་ལ་རང་བརྒྱུས་བྱས།།

དེ་ལས་མང་བ་། “བོད་དོན་རྩོད་པའི་ཀ་བཤད་ཉི་ཤུ་རྩ་གསུམ་པ།” »