ཁྲོ་གཏུམ།
ཀ་ར་ཟས་པ།། ཁ་སྣ་བཙོག་པ།། ག་རེ་བྱེད་པ།། ང་ཡི་ཆུང་དུས།།
ཅ་ཅོ་མང་པ།། ཆ་ལུགས་རྙིང་པ།། ང་ཆང་ཉུང་པ།། ཉ་མ་ཡིན་དུས།།
ཏ་ལེན་ཁུར་པ།། ཐ་མག་འཐེན་པ།། ད་གཟོད་ཤེས་པ།། ན་ཚོད་གཞོན་དུས།།
དྲ་གྲོགས་ཡོངས་ལ་བདེ་མོ་ཞུ་ཡིག་རིན་ཆེན་སྒྲོན་མེ།
ཨེ་མ་ཧོ།
ན་མོ་གུ་རུ་བྷོ་དྷི་ཙིཏྟ་ཡེ།།
སངས་རྒྱས་ཆོས་དང་དགེ་འདུན་དང་།།
བླ་མ་ཡི་དམ་མཁའ་འགྲོ་ལ།།
རྟག་ཏུ་གུས་པས་ཕྱག་འཚལ་ནས།།
གྲོགས་པོ་ཡོངས་ལ་བདེ་ལེགས་ཞུ།།
རྣམདག་ལྷག་བསམ་སྔོན་བསུས་ནས།།
དེ་ལས་མང་བ་། “དྲ་གྲོགས་ཡོངས་ལ་བདེ་མོ་ཞུ་ཡིག་རིན་ཆེན་སྒྲོན་མེ།” »
ངས་དམའ་ས་ཞིག་ནས་བལྟས་ཡོད།
སྙན་ཚེ་བ།
ངས་དམའ་ས་དམའ་ས་ཞིག་ནས་
ཁྱེད་བཙལ་ནས་རྙེད་ཡོད་ཀྱང་།
ཁྱེད་མཐོ་ས་མཐོ་ས་ཞིག་ལ་ལྟ་བར་གོམས་ཏེ་
མེ་ཏོག་གི་དྲི་མ་མི་ཤེས་ཟེར།
ཐ་ན། མེ་ཏོག་ལ་མི་དགའ་བས་མེ་ཏོག་མི་གསོ་ཟེར།
རྐང་ཐང་དུ་འགྲོ་བའི་ཤོག་བུ།
ཁྲོ་གཏུམ།
— སེམས་སྐྱ་མོའི་དགའ་སྐྱོ་རླུང་ལ་སྤུར་བའི་དུས་དེ་ཙ་ན།
གནམ་གཤིས་ཀྱི་སྲུབ་ཀར་ལྷག་པའི་གོས་ཀྱི་སེམས་ཁུངས་ཡུག་མ་དག
རླུང་བའི་རྒྱུ་ཕྱོགས་དང་ནམ་མཁའི་ངོ་གདོང་ལ་སིམ་པར་འཁྱམས
གྲངས་ངར་གྱིས་རུས་རྐང་རྡུང་བའི་དུས་ཀྱི་སོ་ཁ
རྨི་ལམ་མ་ཡིན་པའི་རྨི་ལམ་གྱི་ལམ་ཕྲན་ཧ་ཅང་མང་ཞིང
གངས་རིའི་ཁྲོད་ཀྱི་རྨ་བྱ།
འབའ་སྲས།
མེ་ཏོག་ཚལ་དུ་དུག་ཟས་མི་བཟའ་ཞིང་།།
སྤུ་རིགས་སྒྲོ་ལྡན་བྱ་ལ་མི་གཏོགས་པ།།
ཡིད་འོང་མཚར་སྡུག་འཛུམ་གྱིས་མཛེས་པ་ཡི།།
སྔོན་མེད་རྨ་བྱ་ཞིག་ནི་བདག་གིས་མཐོང་།།
འཇའ་རིས་གོས་སུ་གྱོན་པས་མཚར་དུ་སྡུག །
སྒྲོ་མདོངས་རྒྱན་དུ་བཟུང་བའི་སྒེག་ག་མོ།།
སྨན་སྤྲུལ་༸ཀུན་བཟང་རིག་རྩལ་ལ་འཁྲུངས་མཆོད་བདུད་རྩིའི་ཐིགས་པ།
ཨེ་མ་ཧོ།
ན་མོ་གུ་རུ་བྷྱེ་ཥ་ཛ་ཡེ།
༂༸ཀུན་བཟང་རིག་འཛིན་བརྒྱུད་པའི་གདུང་སྲས་མཆོག།
ཉེར་གཅིག་སྐུ་སྲས་བསྐྱེད་པའི་ཡབ་རྗེ་མཆོག།
བཀའ་གཏེར་མན་ངག་ཕྱུག་པའི་མཁས་གྲུབ་མཆོག།
མཆོག་གསུམ་ཀུན་འདུས་བླ་མའི་འཁྲུངས་མཆོད་བསུ།།
དེ་ལས་མང་བ་། “སྨན་སྤྲུལ་༸ཀུན་བཟང་རིག་རྩལ་ལ་འཁྲུངས་མཆོད་བདུད་རྩིའི་ཐིགས་པ།” »
བོད་དར་སྤྲུལ་སྐུའི་རྒྱུན་གཅོད་ཅི་བས་འཚམ།
སྨྱུག་སྨྱོན།
སྤྲུལ་མིང་ཆོ་ལོ་ལོག་སྤྱོད་ཟང་ཟིང་གིས།།
རབ་མྱོས་འབྱོར་བས་ཆེར་རློམ་སྐུ་སྐྱེས་དག།
བག་ཡོད་བསྟེན་ཕྱིར་མཚང་ལ་རྒོལ་བའི་མདའ།།
མིང་དོན་མཚུངས་བ་དག་ལ་ཕོག་དགོས་ཅི།།
བཞུད་སྔ་བའི་རྣམ་ཤེས།
སྤྱན་ཆེན་པོ།
———འདས་པོ་རྔ་བ་ཆོས་གྲགས་ལ།
གླེགས་བམ་འཁུར་བའི་རྒྱང་བཞུད་ཀྱི་བཙུན་ཆུང་དེ
མཚན་མོའི་ཧྲག་བར་ནས་ཐོལ་གྱིས་མངོན་པའི་
ལག་ཟུང་དམར་པོ་དེའི་སྐྱོ་རོགས་སུ་གྱུར་བས
གངས་རིའི་ཕྱི་ནང སླར་ཡང་ཆང་ཕོར་གྱི་ཁ་ན་སྐད་ངག་འཛེར་འཛེར་ངང
ཀ་ཨའི་རང་བྱུང་གི་དོ་ཧ།
དཔལ་དགྱེས་རྡོ་རྗེ།
ན་མོ་གུ་རུ་ཛྙྰ་ན་ཡེ།
ཀ་དག་ངོ་བོ་སྤྲོས་བྲལ་གྱི་ངང་ནས།།
ཁ་སྦྱོར་རང་བཞིན་འོད་གསལ་གྱི་རིག་པ།།
ག་བུར་ཐུགས་རྗེ་མཚུངས་མེད་ཀྱི་ཀུན་ཁྱབ།།
ང་རྒྱལ་རྣམ་དག་ཡིད་བཞིན་གྱི་ནོར་བུ།།
སྨན་གྱི་ལྗོན་ཤིང་།
སྣང་རྒྱལ་ཤེས་དགེ
——སྨན་རི་བ་མཉམ་མེད་ཤེས་རབ་རྒྱལ་མཚན་རྗེས་དྲན་དུ།
གཞན་དོན་ཁུར་དུ་འཁྱེར་བའི་དགོངས་སྟོབས་ཀྱིས།།
ཞབས་སེན་ས་རུ་འགོད་པའི་ཚུལ་བསྟན་ཅིང་།།
སྐྱེ་རྒུའི་བྲན་དུ་གྱུར་བའི་རྣམ་འགྱུར་གྱིས།།
རྨད་བྱུང་མཛད་འཕྲིན་སྐྱོང་མཛད་དེར་འདུད་དོ།།
ཀ་མད་སུམ་ཅུའི་འབོད་སྐུལ།
དཔལ་གློ་བོ་རྒྱལ་ནས།
ཀ་དག་གནས་ལུགས་མ་ཤེས་པར།།
ཁ་ནས་དེང་སང་གནས་ཚུལ་དག།
ག་ས་ག་ལ་བཤད་པའི་དུས།།
ང་ཡིན་བསམ་པ་གཟོབ་ན་བཟང་།།
ཅ་ཅོས་སུན་པ་མེད་པ་ཡི།།
ཨ་མའི་གཅེས་ཕྲུག
རྔ་བཟའ་བདེ་པོ་འཚོ།
འཇིག་རྟེན་འདིར
ས་སྟེང་གི་འབུ་དང་ནམ་མཁའི་བྱ་བྱེའུ་ཚུན་ཆད
རང་གི་ཤ་ལས་མཆེད་པའི་བུ་ཕྲུག་དག
ཁོག་གི་སྙིང་ལས་ཀྱང་གཅེས་ཤིང་དུངས་པས་ན
ཨ་མ་ངས་བུ་ཁྱེད་ལ་བཅང་བའི་བརྩེ་བ་ནི་གནམ་ས་གཅིག་ཏུ་སྤྲེལ་ན་ཡང་འགྲན་དུ་མེད་ལ
སུས་ཀྱང་ཚབ་བྱེད་མི་ཐུབ་པའི་བརྩེ་བ་རྣལ་མ་ཞིག་ཏེ
སྐད་ཆ་འགའི་མགོ་རྟིང་བསྒྲིགས་རྗེས།
མགལ་དུམ།
སྐད་ཆ་འགའི་མགོ་རྟིང་བསྒྲིགས་རྗེས།
ངས་སླར་ཡང་རང་གི་སྙིང་ཆུང་ལ་ཉན་ཡོད།
རྒྱང་རིང་གི་མྱི། རྒྱང་རིང་གི་མྱི།
ཕྲན་པས་ཚོད་ཚོད་ལ་སྐད་ཆ་འདི་བརྒྱ་ཚར་འགའ་བོས་ཡོད།
ཨ་ལན་མེད་པའི་ངུད་མོའི་སྒྲ་དབྱངས་དེ།
དོན་དམ་སུ་ཞིག་གི་རྣ་བ་རུ་ཟུག་ཡོད།
ངས་སྔར་བཞིན་ཤེས་དགོས་པ་ང་རང་ཡིན།
ཁྲོ་གཏུམ།
ས་སྲོད་ཀྱིས་ང་རང་མ་སྒུལ
སྒུལ་བ་ཐ་དག་གི་ཀློང་ནས་ཐར་བའི
ང་རང་སྔར་བཞིན་མི་ཡུལ་དུ་ཡོད
བོད་པའི་འདུ་ཤེས་ཀྱི་ཀློང་ནས་ཐར་བའི
མི་ཡུལ་སྔར་བཞིན་ཁྱོད་རང་དང་ང་ཡིན
དྲན་ཤེས་བག་ཡོད་ཀྱི་རྒྱ་མ་དང་རྒྱ་རྡོ་དགོས།
དཔལ་དགྱེས་རྡོ་རྗེ།
ན་མོ་གུ་རུ་བུདྡྷ་ཛྙྰ་ན་ཡེ།
ཀ་མད་སུམ་ཅུའི་སྲོག་རྩ་མི་གཅོད་ཞིང་།།
ཁ་ཁོག་མཉམ་པས་སྤྱི་དོན་ལས་རིགས་ཀུན།།
ག་ལེར་དཔྱོད་ནས་གངས་ཅན་བསྟན་སྲིད་ཕྱིར།།
ང་ཚོས་སོ་སོས་ངོས་ནས་སྒྲུབ་པར་དགོས།།
ཅ་ཅོའི་འུར་སྒྲོག་དབང་དུ་མ་སོང་བར།།
ཆ་ཡོད་རྒྱུ་མཚན་རྣམ་དག་ལེགས་ཤེས་ནས།།
ཧིན་ངྷིའི་རྒྱ་མཚོར་བདེ་མོ་འཇོག
བྱ་མདོ་སྐལ་རྒྱམ།
བདེ་མོ་བྱོས ལྷིང་འཇགས་ཀྱི་མཚོ་ཁུགས
ཁ་སང་ང་འདིར་སླེབས་དུས
ང་ལ་རང་གིས་མི་ཐེག་པའི་ཁུར་བོ་ལྕི་མོ་ཞིག་ཡོད
ཁྱོད་ཀྱི་དག་གཙང་དང ཁྱོད་ཀྱི་ལྷད་མེད་དེས
ང་ལ་སེམས་གསོ་དང་གུ་ཡངས་གྲངས་མེད་གནང་བས
རྒན་མཁར་རྨེའུ་བསམ་གཏན་གྱི་སྐྱེས་སྐར་ལ་རྟེན་འབྲེལ་ཞུ།
སོག་མདའ།
གངས་དཀར་བོས་བསྐོར་བའི་བོད་ཀྱི་ཡུལ།།
སྨད་མདོ་སྨད་གླིང་ས་ཤར་ཁོག་ནས།།
དུས་དེ་རིང་ད་གི་དུས་ཚོད་ལ།།
དྲིན་ཕ་ལོ་ཞིག་གིས་བསང་ཞིག་ཕུད།།
དྲིན་མ་ལོ་ཞིག་གིས་མཆོད་ཅིག་འཕངས།།
བུ་སྐྱེས་པའི་རྟེན་འབྲེལ་དེ་ནས་འགྲིག །
དེ་ལས་མང་བ་། “རྒན་མཁར་རྨེའུ་བསམ་གཏན་གྱི་སྐྱེས་སྐར་ལ་རྟེན་འབྲེལ་ཞུ།” »
བོད་ཡུལ་རང་ཆོས་ཤོར་བའི་རྒྱུ་རྐྱེན་དགུ
ཨེ་མ་ཧོ།
ན་མོ་གུ་རུ་བྷྱཿ
བོད་ལ་བརྩེ་བའི་གདམས་པ་ཞིག།
སྙིང་གིས་དཀྱིལ་ནས་དྲན་པ་དག།
སྦས་གསང་མེད་པས་ཡོངས་ལ་གདམས།།
བསྟན་སྲིད་རྒུད་པ་སེལ་ནུས་ཤོག།
བརྩེ་དུང་འགྲེལ་བ།
དོལ་སྨྱོན།
ཁྱོད་ཀྱིས་བརྗོད་ན་བརྩེ་དུང་ནི་བདེ་སྐྱིད་ཀྱི་ངོ་བོ་ཡིན་ཟེར།
ཁོང་གིས་བཤད་ན་བརྩེ་དུང་ནི་སྡུག་བསྔལ་གྱི་རྨང་གཞི་རེད་ཟེར།
བདག་གིས་བསམ་ན་བརྩེ་དུང་ནི་མངོན་ལྐོག་མེད་པའི་ཡིད་ཆེས་བྱེད་སྟངས་ཤིག་གོ།།
གཞན་དེས་བརྗོད་ན་བརྩེ་དུང་ནི་ཆེས་དྭངས་གཙང་གི་མེ་ཏོག་ཆ་གཅིག་ཡིན་ཟེར།
ཁོང་གིས་བཤད་ན་བརྩེ་དུང་ནི་སྒོར་མོས་ཉོ་ཆོག་པའི་ཁྲོམ་རྭའི་འཚོང་རྫས་ཤིག་རེད་ཟེར།
གཡང་དཀར་ལུག་ལོའི་བཀྲ་ཤིས་ཁ་གཡང་།
ཁྲི་སྤྲེལ་སླག་ཅན།
ལུས་དང་ལུས་ཀྱི་བར་ཐག་རིང་ན་ཡང་།།
ཁ་པར་ཁ་ནས་བརྡ་འཕྲིན་ཆད་མྱོང་མེད།།
སེམས་དང་སེམས་པའི་བརྩེ་བ་མཚོན་བྱེད་དུ།།
རྟེན་འབྲེལ་ཐོག་མར་བཀྲ་ཤིས་བདེ་ལེགས་ཞུ།།