དགའ་དགའ།
ང་འཇིག་རྟེན་འདིར
མི་དཔའ་བོ་ཞིག་ཡིན་པའི་དབང་དུ་བཏང་ན
ད་ལྟའི་ལུས་པོ་འདི་བཙོན་ཁང་ཞིག་ན་ཡོད་སྲིད
འོན་ཀྱང་གཅན་གཟན་གྱི་གདོང་པགས་ཅན་ཚོས
རྡོག་ཐོ་བཞུ ལྕགས་ཐག་བྲབས
གཟེར་མ་བརྒྱབ་ཀྱང ད་དུང་ཞུམ་མེད་ཀྱི་དཔའ་ངར
དོ་ནུབ། ང་དྲན་གདུང་གི་སྣེ་ན་ཡོད།
དོལ་སྨྱོན།
སྐར་ཚོགས་འོག་གི་མཚན་ལྗོངས་ན་ཡོད།
དགུན་རླུང་གྲང་མོའི་རྣོ་ཁ་ན་ཡོད།
དྲན་གདུང་མོད་པའི་སོ་མཚམས་ན་ཡོད།
ད་སྐབས་ངའི་ལུས་པོ་ཁེར་རྐྱང་ཡིན་ལ།
ད་སྐབས་ངའི་སེམས་པའང་ཁེར་རྐྱང་ཡིན།
ཆང་ཕོར་གང་གི་སྙན་ངག
འབའ་སྲས།
སྟོབས་ལྡན་ཉི་མ་རི་བོའི་རྒྱབ་ཏུ་གཟིམས།།
ཟླ་བ་གཞོན་ནུས་གསེར་གོས་གྱོན་ནས་ཕེབས།།
ཆང་ཕོར་མདུན་ལ་བཞག་པའི་མཚན་མོ་འདིར།།
ཚོར་བའི་གྲུ་ཆེན་མཚོ་མོའི་ངོགས་སུ་བསྐྱོད།།
ཟླ་བའི་འོད་ཀྱིས་ཆང་ཕོར་དྭངས་པར་བྱས།།
བསིལ་བའི་རླུང་གིས་དྲི་བཟང་སྣ་བར་བསྐྱེལ།།
བོད་ཡུལ་གངས་ཅན་པའི་དཔའ་བོ་དང་དཔའ་མོ་ལ་བསྟོད་པ་སྤྲིན་གྱི་སྒྲ་དབྱངས།
ཨེ་མ་ཧོ།
ན་མོ་གུ་རུ་ཙིཏྟ་ར་ཛ་ཡེ།
ཕ་མེས་བརྒྱུད་པའི་རུས་པ་དུང་ལས་གྲུབ།།
མ་ལུས་མ་སྲིང་མོ་སྨན་འཚོ་སྐྱོང་བྱམས།།
བུ་གཅེས་སྲོག་གི་ཀ་བ་དཔའ་མཛངས་ཅན།།
སྡང་དགྲར་ངོ་དགའི་གཡོ་འཕྲུལ་གཏན་བྲལ་བའི།།
དཔའ་བོ་ཞལ་དཀར་གཉེན་ཉེ་སྤུན་ཟླའི་སྙིང་།།
དེ་ལས་མང་བ་། “བོད་ཡུལ་གངས་ཅན་པའི་དཔའ་བོ་དང་དཔའ་མོ་ལ་བསྟོད་པ་སྤྲིན་གྱི་སྒྲ་དབྱངས།” »
དུངས་པའི་རླབས་ཕྲེང་།
ཟླ་བ་གཞོན་ནུ།
སེམས་ལ་ཁ་བ་བབས་སོང་།།
ཁ་བ་རི་དང་མཉམ་སོང་།།
ཁྱོད་ལ་འཁྲེང་བའི་སེམས་པ།།
ཇོ་མོ་གླིང་མའི་མཐོ་རེད།།
རྒྱ་མཚོར་རྦ་རླབས་ཆེ་བས།།
གྲུ་ཆུང་གཡང་ལ་བསྒྱུར་སོང་།།
རབ་བྱུང་ཡོངས་ལ་བསྟོད་བསྔགས་ཨུ་དུམ་དམར་པོའི་ཕྲེང་བ།
ཨེ་མ་ཧོ།
ན་མོ་གུ་རུ་བི་ན་ཡ་ཀ་ཡེ།
སངས་རྒྱས་ཆོས་དང་དགེ་འདུན་སྐྱབས་སུ་བསྙེན།།
ཐོས་བསམ་སྒོམ་ལས་འཇིག་རྟེན་བྱ་བ་བཏངས།།
ངེས་འབྱུང་རྣལ་མས་ཆོས་བརྒྱད་དགྲ་ཇག་བཅོམ།།
བདེན་བཞིར་བླང་དོར་མཛད་པའི་དགེ་སྦྱོང་མཆོག།
རྣམ་དག་རབ་ཏུ་བྱུང་རྣམས་གཙུག་ན་རྒྱལ།།
དེ་ལས་མང་བ་། “རབ་བྱུང་ཡོངས་ལ་བསྟོད་བསྔགས་ཨུ་དུམ་དམར་པོའི་ཕྲེང་བ།” »
ཀ་བཤད་ས་ཆའི་བདག་དབང་།
ཀོ་ལི་གྷལ་གཞུང་པ་ཚེ་དབང་བསོད་ནམས།
ཀ་ཡེ་གསོན་དང་གངས་ཅན་པ།།
ཁ་བ་ཅན་པའི་སྐྱེ་འགྲོ་རྣམས།།
ག་ས་གང་ལ་ཁ་འཐོར་ནས།།
ང་ཡིན་ཁོ་ཡིན་གླེང་གཞི་མང་།།
ཅ་ཅོ་ཉུང་ལ་ཆོད་སེམས་བརྟན།།
ཡིད་དང་ང་དང་དབང་པོ་ལྔ།
གཙང་མེ་ལྕེ།
མིག་གི་མ་མཐོང་ཡིད་ཀྱིས་རིག་སྟེ་ཁང་ཆུང་ཕུགས་ཀྱི་ཁ་སྟབས་བྱས།།
མཛའ་མོས་མ་བཤད་འདྲེ་མོས་བསྟན་པས་མཛུབ་མོ་གཉིས་ཀྱིས་ཁྱུག་ཙམ་སྒུལ།།
གླང་ཤ་མ་བཟས་བྱ་ཤས་རྒྱགས་ཏེ་སྦི་རག་མངར་མོའི་རོ་ལ་གཡེང་།།
འདི་ཡང་མི་ལུགས་དངོས་མ་ཞིག་གིས་རྒྱུན་གཏན་འཚོ་བའི་ཟུར་དུ་ཕབ།།
རྣ་ལ་བཤད་པའི་གསང་གཏམ་དེ་ཡིས་ཡིད་ཀྱི་མཚོ་མོ་རབ་ཏུ་སྐྱོམ།།
ཡར་ལངས་པ།
གླིང་གཅེར་བུ།
མལ་ལས་ལངས་ཚུལ་གྱི་མེ་ཏོག་འཚིག་རོ་མ།།
སྒེའུ་ཁུང་ཕྱི་རོལ་གྱི་སྐད་ཆའི་གོ་བརྡ་མིན།།
སྨུག་རྒྱུའི་བར་གསེང་གི་མཛེས་པ་རབ་རིབ་མ།།
ད་ནངས་ཞོགས་པ་ཡི་དཔེ་ཀློག་ངོས་ན་ཡོད།།
ལྷམ་སྒྲོག་དྲུད་པ་ཡི་དབྱངས་ཡིག་མགོ་མེད་མ།།
གོམ་པའི་བར་གླགས་ན་ཇེ་གསལ་ཇེ་ཆུང་ཡིན།།
ཁ་བ་དཀར་པོ།
བསྟན་འཛིན་འོད་ཟེར།
ཁ་བ་དཀར་པོ།
གངས་ལྗོངས་ཀྱི་ཡུལ་ན།
རང་བྱུང་གི་ཁ་བཏག།།
ཁ་བ་དཀར་བོ།
ཁ་བ་རི་བའི་ལྷག་བསམ་མཚོན་པའི།
སྔགས་འཆང་ཡོངས་ལ་བསྟོད་པ་རིག་འཛིན་རྒྱལ་བའི་གདུང་སྲས།
ཨེ་མ་ཧོ།
ན་མོ་གུ་རུ་བིརྱ་དྷྰ་ར་ཡེ།
མཆོག་གསུམ་རྒྱལ་བའི་ཆོས་ལས་དགེ་བས་བསྙེན།།
ཐེག་གསུམ་ཆོས་ཀྱི་སྙིང་པོའི་གསང་སྔགས་སྤྱོད།།
འཁོར་གསུམ་བདེན་མེད་རྟོགས་པའི་རིག་པ་འཛིན།།
བསླབ་གསུམ་ནོར་བུའི་མཛོད་འཛིན་རྡོ་རྗེ་འཆང་།།
གསུམ་ལྡན་སྔགས་འཆང་ཚོགས་ཀུན་མངོན་པར་བསྟོད།།
དེ་ལས་མང་བ་། “སྔགས་འཆང་ཡོངས་ལ་བསྟོད་པ་རིག་འཛིན་རྒྱལ་བའི་གདུང་སྲས།” »
སྐད་འཕྲིན་དང་རྨི་ལམ།
འབའ་སྲས།
སྐད་འཕྲིན་ནང་ནས་བུ་མོ་ཞིག །
སྒེར་ལ་བླངས་ཏེ་དེ་མ་ཐག །
སྐྱིད་པོ་འདོད་གཏམ་གླེང་བ་ཞིག །
མཚན་གུང་རྨི་ལམ་ནང་དུ་རྨིས།།
གདོང་པར་བལྟས་ན་མཛེས་མ་ཞིག །
སྐད་ལ་ཉན་ན་ལོ་ཆུང་ཞིག །
རྩེད་མཚར་ནག་རིལ་མ།
ཆང་སྐྱེས།
ཕྱུག་བདག་རྒྱ་མོ་ཚོའི་འཛུམ་ལ་ཆགས་ཏེ།།
སྐྱབས་འགྲོ་གདུགས་དཀར་གྱི་མགུར་དབྱངས་འཐེན་པའི།།
སྤྲུལ་བའི་སྐུ་ལོ་ཚོར་དད་པ་བྱོས་དང་།།
ལྷ་ཡུལ་དག་ཞིང་ནི་བདམ་ཀ་བྱས་ཆོག །
ཇ་ཆང་ཤ་མར་གྱི་ཚོགས་ལ་རོལ་ཏེ།།
ལྷ་མིན་མི་མིན་ལ་ཁ་ལོ་བསྒྱུར་བའི།།
རྨོངས་ནས་ལུས་འདུག
དགའ་དགའ།
དེང་གི་དགོན་སྡེའི་ནང་བླ་གྲྭ་དག་གིས།།
ཁ་ནས་ནང་ཆོས་ཟེར་ལྷ་འདྲེ་གསོལ་བའི།།
བོད་བརྒྱུད་ནང་བསྟན་གྱི་བྱེད་སྟངས་དེ་ཚོ།།
ཆོས་དད་རྨོངས་དད་ལ་འགྱུར་བ་མིན་ནམ།།
ཞྭ་ཅན་མཁན་སྤྲུལ་ཚོས་ཐོས་བསམ་སྒོམ་གསུམ།།
བར་སྟོང་རྣམ་གཡེང་རེས་རླུང་ལ་སྤུར་ནས།།
སྙན་ངག་དང་སེམས་འདྲེས་པའི་སྐད་ཆ།
འབའ་སྲས།
མི་རིགས་ལ་རྒྱ་བདག་ལ་ཡོད་པ་དང་།།
སྲིད་དོན་བྱ་བའི་འགན་ཞིག་བདོག་ན་ཡང་།།
བདག་ཉིད་སྙན་ངག་དུར་དུ་ཤི་གྱུར་བས།།
སྲོག་གི་མཆོད་མེ་འབར་བ་མ་རིག་ཐལ།།
ས་ཆ་གང་དང་རྒྱབ་ཁབ་གང་ཞིག་ཏུ།།
དོན་རྐྱེན་ཅི་ཞིག་བྱུང་བ་ཐོས་དགོས་མོད།།
ཨ་རག་དང་ང་།
ཆང་སྐྱེས།
ཨ་རག་ཨ་རག་གི་བཟི་ཁ་བཙན་པོས།།
མི་ཚེ་མི་ཚེ་འདིའི་རིན་ཐང་འཕྲོག་སོང་།།
འགྱོད་གདུང་འགྱོད་གདུང་གི་མནར་གཅོད་འོག་ན།།
སྙིང་ག་སྙིང་ག་ལ་གས་ཁ་ཤོར་སོང་།།
ཞེ་སྡང་ཞེ་སྡང་གི་རལ་གྲི་རྣོན་པོས།།
བརྩེ་དུང་བརྩེ་དུང་གི་རྨུ་ཐག་གཏུབ་སོང་།།
ཕྱེ་མ་ལེབ།
རྨ་དུང་ཟླ།
འདམ་རྫབ་ཁྲོད་ཀྱི་མེ་ཏོག
སྦྲང་ཆར་གྱིས་བྱིལ་བྱིལ་ལས་རྐང་ལག་རྒྱས་
རླུང་གིས་ཁུར་བའི་གྲགས་པ་དེས་
ཀུན་གྱི་ལྕེ་རྩེ་ལ་མཉེན་ཤ་བུད་ནའང་
མཛེས་སྡུག་གི་ལྗིད་ཤུགས་འཐེག་མཁན་
ད་ནི་སུ་ཞིག་ཡོད་
དོའོ་ན་གཙང་འགྲམ་ནས་འཕུར་བའི་སྐྱོ་དབྱངས།
ཆང་སྐྱེས།
སྣ་ཚོགས་གཡུ་ལོ་ཚང་ཚིང་ནགས་ན་བཞད།།
མེ་ཏོག་དཀར་་དམར་ཆུ་བོའི་འགྲམ་ན་འཛུམ།།
གནས་ཚང་གཡར་མ་ཞིག་ལ་ཞེ་འཁྲེང་ནས།།
ལོ་དང་ཟླ་བའི་ཕྲེང་བ་སྟོང་བས་ཟད།།
ས་སའི་saxའགྱུར་ཁུགས་རྣ་བའི་རྒྱུད་དུ་སྙན།།
རྒུན་ཆང་དམར་བོ་ཞལ་གྱི་རོ་ལ་ཞིམ།།
བརྩེ་དུང་ལ་རྨས་ཕོག་པ། ཁག་དང་པོ།
མགལ་དུམ།
ཁ་བྱང་མེད་པའི་མཇལ་འཕྲད་དེ་ཉིད་སེམས་ལ་ཟུག་པའི་བག་ཆགས་ཡིན།།
ཡུན་གྱིས་འདྲིས་པའི་གོ་རིམ་དེ་ཡང་ཁྱེད་ལ་དགའ་བའི་རྒྱུ་མཚན་ཡིན།།
ཁ་པར་ཉིན་གཏོང་མཚན་གཏོང་བྱས་པ་དྲན་པའི་གདུང་བ་ཆེ་བས་ཡིན།།
མི་ཚེ་ཞེས་པའི་སྐད་ཆ་བཤད་པ་ཚེ་ལ་བཀོད་པའི་གཡར་དམ་ཡིན།།
ཟླ་ངོ་མང་པོའི་གཏམ་རྒྱུད་ཁྲོད་ན་ཁྱེད་ཉིད་བདག་གི་མེ་ཏོག་ཡིན།།
དུས་ཚོད་མོད་པོའི་སྐར་མདའི་གསེབ་ན་ཁྱེད་ཉིད་ཕྲན་པའི་རྨི་ལམ་ཡིན།།
ས་སྲོད་ཀློང་གི་དྲན་གདུང་།
ཆང་སྐྱེས།
ཉིན་བྱེད་གཞོན་ནུ་ཕྱིར་མིག་སྟོང་གིས་ནུབ་མཐའི་རི་བོའི་ཕག་ལ་བཞུད།།
ཁོར་ཡུག་མེ་ཏོག་མཛེས་སྡུག་སྣུམ་པོ་ས་སྲོད་ཀློང་ན་ཡུན་གྱིས་རྒུད།།
འདབ་ཆགས་མ་བུའི་གཤོག་འགྱུར་བདེ་མོ་རི་བོའི་ཁུགས་ན་རྒྱང་དུ་ཡལ།།
ས་མཐའི་མི་བུའི་སེམས་ཀྱི་རི་ལུང་དྲན་གདུང་ཆར་ཆུས་ཡོངས་སུ་བརླན།།
ཟླ་བ་ཁེར་འགྲོ་སུན་སྣང་སྟོང་གིས་སྤྲིན་པ་ཐ་ཐོར་གསེབ་ན་འདུར།།
ཁྱི་ཚོགས་ཟུག་སྐད་སྐྱོ་བ་འབུམ་གྱིས་ཕྱི་རོལ་ཁྲོམ་ན་ཕྱོགས་སུ་འཕུར།།