ཨེ་མ་ཧོ།

 
ཕ་བླ་མ་སྐུ་གསུམ་བདག་པོ།།
བུ་དམ་པའི་སྒོ་གསུམ་འདྲེན་པ།།
རྗེ་ཀུན་མཁྱེན་བརྒྱུད་གསུམ་རིག་འཛིན།།
གྲོགས་བཟང་པོར་དུས་གསུམ་གཟིགས་མཛོད།།
ཕྱི་འབྱུང་བའི་བསིལ་དྲོད་ཡལ་ཡང་།།
ནང་སྒྱུ་ལུས་བདག་འཛིན་མ་བྱས།།

དེ་ལས་མང་བ་། “སྐྱོ་གླུ་འཆི་ཁའི་ཟུག་གཟེར།” »

ཨེ་མ་ཧོ།

 
ཕྱོགས་དུས་རྒྱལ་ཀུན་འདུས་པའི་དཔལ།།
དཔལ་ལྡན་སངས་རྒྱས་པདྨ་སྐྱེས།།
འཇམ་དཔལ་ཡིད་བཞིན་ནོར་བུ་ཡིས།།
བཀྲ་ཤིས་དོན་ཀུན་འགྲུབ་པར་མཛོད།།
ལོ་རྒྱུས་ནགས་ཀློང་དཀྲིགས་པའི་ཚལ།།
དཔའ་སྟོབས་འཛུམ་དྲུག་རབ་ཏུ་བཀྲ།།

དེ་ལས་མང་བ་། “རླུང་རྟ་རྒྱས་སྨོན་པདྨ་གེ་སར།” »

ཨེ་མ་ཧོ།

ན་མོ་གུ་རུ་དྷརྨ་དྷརྟུ་པྲ་ཛྙྰ་བཛྲ་ཡེ།།
ཆོས་དབྱིངས་དགོངས་པའི་དེ་ཉིད་གཟིགས་པའི་ཁྱབ་བརྡལ་རིག་པའི་དཔའ་བོ་ཉིད།།
དྲན་ཀློང་གཉུག་མའི་བདེ་ཆེན་ཞིང་ན་ཉིན་མཚན་ཀུན་ཏུ་འབྲལ་མེད་གནས།།
ཤར་ནུབ་རྒྱ་མཚོས་རྒྱང་རིང་བསྐལ་ཀྱང་བརྩེ་དུང་དམ་ཚིག་བདེན་པའི་རྒྱ།།
ནམ་ཡང་མ་རལ་སྙིང་དཀྱིལ་འཁོར་ལོར་བགྲེས་རྒུད་བྲལ་བའི་སེམས་དཔའ་ལགས།།
ཚངས་དང་ཚངས་ཆེན་དཔེ་ཟླ་དབེན་ཞིང་གསང་ཆེན་སྔགས་ཀྱི་མཆེད་ལྕམ་དག།

དེ་ལས་མང་བ་། “དཔྱིད་ཀྱི་རྒྱལ་མོའི་སྐྱེལ་མ་ཨུཏྤལ་སྔོན་པོ།།” »

སྙན་བཟང་གཡུང་དྲུང་ཚེ་རིང་།

 
དྲི་བཞོན་བུ་མོ་ལྷ་ལས་བབས་པས་དཔྱིད་ཀྱི་རྒྱལ་མོའི་རྨི་ལམ་དཀྲོགས།།
འཇམ་གཉེན་རྩི་ཤིང་གཉིད་ལས་བསླངས་ཏེ་གཅེར་གཟུགས་སྒྲིབ་པའི་གོས་སུ་བསྟེན།།
སྐྱེ་དངོས་འབུམ་ཕྲག་ལང་ཚོ་ལྡེམ་པའི་དུས་བཞིའི་ཐོག་མ་བདག་གིར་བཞེས།།
མི་ཡི་ཡུལ་ལ་ལྷ་ཡི་སྐྱེད་ཚལ་མངོན་སུམ་བྱས་འདི་ཨེ་མ་སྐྱིད།།

དཔྱིད་ཀྱི་དཔལ་མོའི་ལང་ཚོའི་དྲོད་ཀྱིས་འཁྱག་གིས་བསྡམས་པའི་ཆུ་ཀླུང་འབུམ།།
བཞུས་པའི་ཞུན་མས་གཡུ་འབྲུག་ཟོལ་གྱིས་ས་ཡི་མུ་འཁྱུད་གཅིག་ཏུ་སྦྲེལ།།

དེ་ལས་མང་བ་། “དཔྱིད་ཀྱི་རྒྱལ་མོ་སླེབས་བྱུང་།” »

དོལ་སྨྱོན།

 
མདུན་གྱི་ལམ་ནི་ཁོད་ཡངས་ཤིང་།།
ཟུར་གྱི་མེ་ཏོག་མིག་ལ་མཛེས།།
བདེ་སྐྱིད་བདེ་སྐྱིད་ཅེས་པའང་།།
ཞར་དང་ཞོར་ནས་འཐོབ་པར་མཛོད།།

མི་ཚེ་རླུང་ཁའི་མར་མེ་སྟེ།།
ཁྱོད་ལ་སྤོབས་པའི་གདེང་ཅི་ཡོད།།

དེ་ལས་མང་བ་། “བདེ་བའི་གླུ” »

ས་མཐའི་མིག་ཆུ།

 
ཀ་བ་ལྟ་བུའི་བཀའ་སྤྱི་གཉིས་ཀྱིས་དབུས།།
ཁ་བ་ཅན་གྱི་སྲིད་ཀྱི་ཆེ་རྒུ་རྣམས།།
ག་དུས་ཡིན་ཡང་་ཐུགས་སྣང་གཤིན་པོའི་ངང་།།
ང་ཅག་བོད་ཀྱི་བདེན་དོན་རྩོད་ཅིག་གོ །
ཅ་ཅོ་རིང་མིན་ཐུན་མིན་ཙམ་ཞིག་ལ།།
ཆ་ཤས་ཕྱེ་སྟེ་ཁྱོད་དང་ང་ཞེས་ནས།།

དེ་ལས་མང་བ་། “འཆམ་པོ་མཐུན་པོ་གནང་རོགས།” »

——མར་མེ———

 
བྱིས་པ།

ཀ་ཁ་སྦྱོར་ཀློག་དགའ་བའི་བྱིས་པ་ཆུང་ཆུང་།།
ཁ་བའི་སྐྱེས་མ་ཞིག་གི་རེ་བ་གཏད་ས།།
ག་པར་གཏད་སོ་མེད་པ་ནུ་ཐུང་བྱ་བ།།
ང་ཡི་དྲན་པའི་ཁྲོད་ན་སྤྲོ་བའི་སྐབས་ཤིག །

ཅ་ཅོ་རྩེད་རའི་ནང་གི་མིག་གི་འབྲས་བུ།།

དེ་ལས་མང་བ་། “མར་མེའི་མི་ཚེ།” »

གོ་འཇོ། བསོད་ནམས་ནོར་བུ།

རྐང་ལམ་སྨུག་པས་འཐུམ་པའི་རི་གྲོང་ན།།
དཔྱིད་ཆར་སིལ་མ་བྱོ་སྟངས་ཁྱད་མཚར་དེས།།
གློ་རྡེག་རྒྱ་སེའི་མེ་ཏོག་དམར་པོ་ཞིག །
བདག་གི་ཁོག་ན་ཟིལ་པ་ཕྲོམ་མེར་བཞད།།

མ་གཞི་ཁྱེད་རང་མེ་ཏོག་ཡིན་ན་ཡང་།།
ཡུ་བའི་སྐེད་ལ་རྣོ་བའི་ཚེར་མ་འདུག །

དེ་ལས་མང་བ་། “རྒྱ་སེ་མེ་ཏོག” »

ཨེ་མ་ཧོ།

 
ན་མོ་གུ་རུ་པདྨ་ཀ་ར་ཡེ།
ཕྱོགས་དུས་རྒྱལ་བ་ཀུན་གྱི་ཡེ་ཤེས་སྐུ།།
དཔལ་ལྡན་རྫོགས་པའི་སངས་རྒྱས་པདྨ་སྐྱེས།།
འཇམ་དཔལ་ཡིད་བཞིན་ནོར་བུ་གསོལ་བ་འདེབས།།
བཀྲ་ཤིས་དོན་ཀུན་འགྲུབ་པར་བྱིན་གྱིས་རློབས།།
དལ་འབྱོར་རྙེད་དཀའ་མི་རྟག་སྒྱུ་མའི་འཕྲུལ།།

དེ་ལས་མང་བ་། “ཨེ་མ་ཧོའི་གླིང་ཀར་ཕུལ་བའི་སེམས་གཏམ་རིན་ཆེན་ཕྲེང་བ།” »

~~ རྟ་དབྱངས་ཀྱིས། ~~

ཟུངས་ཁྲག

 
མིག་ཆུ་དེའི་དབང་གིས
ངའི་སེམས་པ་འདི་བྲག་རྡོ་ཞིག་གིས་བརྫིས་ནས
གཤོག་ཟུང་གི་འདབ་མ་ཆད་པས་རྣམ་ཤེས་ཀྱི་འཇའ་ཚོན་བཞིན

རླུང་བུས་དེད་པའི་སེམས་པ་དེ
བྲག་ངོགས་སུ་བོར་བའི་གཏམ་བརྒྱུད་ཅིག་དང་འདྲ་བར
ཟུངས་ཁྲག་གི་རྒྱུ་བ་བྲག་ལ་འཐིམ་པས་ངའི་ཡབ་མེས་ཀྱི་རྣམ་ཤེས་དེ

དེ་ལས་མང་བ་། “ང་འཆི་རན་འདུག” »

གོ་འཇོ། བསོད་ནམས་ནོར་བུ།

 
དེ་རིང་ནམ་མཁའ་ལྟ་བུའི་སེམས་པ་འདི།།
ས་ཐག་རྒྱང་ནས་ཅེར་བའི་ཁྱེད་ལ་འབུལ།།
ལྷོག་ལྷོག་ལྷོག་ལ་འགྱུ་བའི་སྤྲིན་དཀར་ཚོམ།།
ལྭ་ཤམ་འོག་ནས་འཕུར་བའི་བརྩེ་དུང་ཡིན།།

དེ་རིང་ཉི་མ་འདྲ་བའི་ངོ་གདོང་འདི།།
གློ་མཆིན་བར་ན་བཞད་པའི་ཁྱེད་ལ་འབུལ།།

དེ་ལས་མང་བ་། “སྣང་བ་བན་བུན།” »

ཆང་སྐྱེས།
—-གསུམ་བཅུའི་དུས་དྲན་ཉིན་ཨ་རིར་བྱུང་བའི་བརྙན་པར་ཞིག་ལ་བལྟས་རྗེས

 
བརྙན་པར་ཐུང་ཐུང་འདི་ལ་ལྟ་ཞོར་ལྟ་ཞོར་ཏུ
ངོ་གདོང་གི་སྐྱི་པགས་ཚ་བས་བསྲེགས་སོང
ཡིད་སེམས་ཀྱི་དབང་བོ་དྲན་པ་ཐོར་སོང
ནམ་རྒྱུན ས་ཡ་དྲུག་གི་ལས་དབང་ཕྲག་ཏུ་འཁུར་བའི་དཔའ་རྒོད་ཚོ
དབྱངས་གསལ་སོ་བཞིའི་ཚེ་སྲོག་གི་དབུགས་རྒྱུན་སྲུང་བའི་དམ་པ་ཚོ
རྒྱལ་བ་ཐམས་ཅད་མཁྱེན་པའི་བཀའ་སློབ་དམར་བོ་སྙིང་བཞིན་གཅེས་བའི

དེ་ལས་མང་བ་། “ཁྱེད་ཚོས་ལྟད་མོ་བསྟན་འདུག” »

ཨེ་མ་ཧོ།

 
ན་མོ་གུ་རུ་པདྨ་ཀ་ར་ཡེ།
སྐུ་གསུམ་རྒྱལ་ཀུན་འདུས་ཞལ་པདྨ་འབྱུང་།།
ཁམས་གསུམ་འགྲོ་བ་ཡོངས་ཀྱི་མགོན་གཅིག་པུ།།
དུས་གསུམ་རྒྱུན་ཆད་མེད་པའི་ཐུགས་རྗེ་ཅན།།
མཆོག་གསུམ་རྒྱལ་བའི་སྤྱི་གཟུགས་རྒྱལ་གྱུར་ཅིག།
ཞིང་འབྲོག་ཕལ་ཆེར་གྲོང་མཐའི་རྒུད་པར་སྐྱལ།།

དེ་ལས་མང་བ་། “གསུམ་བཅུའི་དུས་དྲན་ཉིན་མོའི་ཚོར་བ་གཅེར་བུ་བ།” »

བྱ་མདོ་སྐལ་རྒྱམ།

སང་ཉིན་ང་ལམ་དུ་ཆས་ཀྱིན་ཡོད
རང་ཉིད་ཀྱི་འཚོ་ལམ་དང་འདྲ་བའི
མེ་འཁོར་གྱི་ལྕགས་ལམ་ཀྱ་ཀྱུ་དེ་བརྒྱུད་ནས
ལམ་དུ་ཆས་ཀྱིན་ཡོད

གནས་འདི་དང་འབྲལ་དགོས་པ་དྲན་ཚེ
ངའི་ལུས་ལ་སྐྱུར་སིལ་སིལ་གྱི་བ་སྤུ་དུ་མ་གཟེང་ནས་ཡོང

དེ་ལས་མང་བ་། “ལམ་དུ་མ་ཆས་གོང་གི་ཕྱིར་མིག” »

བསྟན་འཛིན་འོད་ཟེར།

རྣམ་འདྲེན་བཞི་བ་ཤཀྱའི་སྲས་པོ་དང།།
རྒྱན་དྲུག་མཆོག་གཉིས་རྒྱ་བོད་མཁས་གྲུབ་ཚོགས།།
མེས་དབོན་རྣམས་སོགས་ཆོས་རྒྱལ་རིམ་བྱོན་རྣམས།།
བསྐྱེད་པའི་མ་ནི་རྒྱམ་ཡུམ་བུད་མེད་ཡིན།།

ཤེས་རབ་རང་བཞིན་བྱམས་བརྩེའི་བདག་ཉིད་མ།།
ལྷག་བསམ་རབ་དཀར་གཤིས་བཟང་རྒྱུད་འཇམ་མ།།

དེ་ལས་མང་བ་། “བུད་མེད་དུས་ཆེན་ལ།” »

ཨེ་མ་ཧོ།

 
ན་མོ་གུ་རུ་ཌཱཀྐི་ནི་ཡེ།
གངས་དཀར་རི་བོས་བསྐོར་བའི་གནས་ན།།
གངས་རིའི་ལྷ་ལྕམ་བུ་མོའི་པང་ན།།
གངས་སེང་དཀར་པོའི་གདོང་རྒྱུད་ཡིན་ན།།
གངས་ཆབ་གཙང་མས་སྐྱེད་པར་ལགས་སོ།།

བྱམས་བཟང་གཡུ་ཡི་མེ་ཏོག་རྐང་གཅིག།

དེ་ལས་མང་བ་། “རྒྱལ་ཡོངས་གངས་ཅན་བུ་མོ་རྣམས་ལ་བསྟོད་པ་མུ་ཏིག་དཀར་པོ།” »

བར་ཕུ་ཕུན་ཚོགས།

ང་ནི་མིའི་སྤྱི་ཚོགས་སུ་གསོན་ནས་མི་ལོ་སོ་བདུན་འགྲོ་བཞིན་པའི་དེ་རིང་།
ཉི་ཟེར་ས་ལ་འཕོག་ཀྱང་གྲང་ཤུར་ཤུར།
བཅོ་ལྔའི་ཟླ་བ་ཚེས་ཀྱང་མུན་འཐིབ་འཐིབ།
ཤོག་དངུལ་དཔལ་ཡོན་མཐོང་རུང་སྟོང་ལྷང་ལྷང་།
ཉེ་འཁོར་མི་ཚོགས་ཆེ་ཡང་ཅང་ཤིག་ཤིག
ངོ་མ་འདི་ནི་དྲིན་ཆེ་བའི་ཨ་མ་ལགས་ཞལ་བྲལ་ནས་ཡུན་རིང་སོང་སྐབས།

དེ་ལས་མང་བ་། “ལྷད་མེད་ཀྱི་བརྩེ་བ་ཁྱེད་ལ་ཡོད།” »

རྔ་བཟའ་བདེ་པོ་འཚོ།

དབྱར་ཟླ་ཚེས་བྱུང
ཆར་བ་བབས་བྱུང
མཛེས་སྡུག་བཀྲ་བའི་མེ་ཏོག་གི་གི་མགོ་བོ
གར་མཁན་མས་གར་འཁྲབ་པ་བཞིན
ལྡེམ་ལྡེམ་དུ་གཡོ
ཤིང་སྡོང་གི་ལོ་འདབ་དག་ལྷབ་ལྷུབ་ཏུ་མགུལ་ལ
རྩྭ་འཇག་མའི་ཟིར་སྒྲ་ཡང་ཧུར་ཧུར་དུ་སྒྲོག

དེ་ལས་མང་བ་། “བྱེའུ་ཆུང་།” »

རྡོ་མེ་འབུད།

 
བྱིས་དུས་ཀྱི་ཕ་ཡུལ་ནི
གོ་ཁ་ཆུང་ཆུང་ལྟ་བུ་དེ་ཡིན་ནའང
དེ་རུ་གཙང་བོ་བཞུར་ས་དང
ནོར་ལུག་འཚོ་སའི་རྩྭ་ཐང་ཞིག་ཤོང་ངེས

ལོ་འདི་ཚོར
ཕ་ཡུལ་ཟེར་བའི་ཐ་སྙད་སྣུམ་པོ་དེ

དེ་ལས་མང་བ་། “ཕ་ཡུལ།” »