དཔལ་གློ་བོ་རྒྱལ།
སེམས་ལ་རང་དབང་མེད་པས་ཅི་དགར་དུ།།
བྱས་དང་བྱེད་པའི་དཀར་ནག་ལས་འབྲས་ལ།།
བསམ་ན་མི་ཤེས་མིག་གིས་མཐོང་མེད་པས།།
ཡིད་ཆས་དཀའ་བའི་འཇིག་རྟེན་ཆེན་པོ་ན།།
འབྱུང་བཞི་འཁྲུག་པའི་སྡུག་བསྔལ་སྐད་ཅིག་གིས།།
སྐྱབས་བྲལ་ཉེ་དུ་གྲོགས་དང་དགྲ་སྣང་སོགས།།
<< མཆོད་མེ། >>
བྱ་མདོ་སྐལ་རྒྱམ།
ཁྱོད་རང་གྲུབ་ཙམ་ནས
དམར་ལམ་ལམ་གྱི་འོད་ཕུང་ཞིག་ཡིན
དེའི་ཕྱིར ཉིན་མཚན་དང་དུས་ཚིགས་ཀྱིས་དབྱེ་བ་མེད་པར
ནག་འབྱམས་སུ་སོང་བའི་མུན་པ་ཞིག་གི་ཁ་གཏད་དུ་ལངས་ཡོད་ལ
སོང་མི་ཚར་བའི་ལམ་བུ་ཞིག་གི་ས་མཁན་དུ་ཡང་གྱུར་ཡོད
དོ་ནུབ ང་ཁྱོད་ཀྱི་འོད་སྣང་ལ་ཁེན་ནས
བུད་མེད་ཚོས་ཉོན། གྲྭ་རྒོད་ཚོས་འདང་རྒྱོབས།
འབའ་སྲས།
བུད་མེད་ཁ་རྒོད་ཚོ་ལ་གཞས་ཤིག་ལེན།།
གཞས་འགོ་མེ་ཏོག་དམར་བོའི་ཚེར་མ་ཡིན།།
གྲྭ་བ་རྒོད་པོ་ཚོ་ལ་ཤགས་ཤིག་བརྒྱག །
ཤགས་རྟིང་ལྕགས་ནག་མདོང་གི་རྩེ་མོ་ཡིན།།
བུད་མེད་ཡིན་ལོ་ཟེར་ནས་གྲྭ་ལོག་ལ།།
སྡོམ་ཤོར་ཟེར་ནས་འཕྱ་དང་དམོད་ཁུལ་བྱེད།།
བདག་ནི་ཁང་ཆུང་འདི་དང་བྲལ་ནས་འགྲོ།
དོལ་སྨྱོན།
ཁང་ཆུང་འདི་ནི་རི་ཡི་རྩེ་ན་ཡོད།།
རི་ནི་བདག་གི་སེམས་པ་འཚོ་ས་ཡིན།།
ལས་དང་སྐལ་བ་ཞིག་གི་མིང་ཐོག་ནས།།
བདག་ནི་ཁང་ཆུང་འདི་དང་བྲལ་ནས་འགྲོ།།
ཁང་ཆུང་འདི་ནི་ནགས་ཀྱི་དཀྱིལ་ན་ཡོད།།
ནགས་ནི་བདག་གི་མིག་ཟུང་ཅེར་ས་ཡིན།།
སྨུག་པ།
རས་པ།
འཆར་ཡན་གྱི་རྩིག་ངོས་སུ་ད་དུང་གསལ་པོར་ཤར
རླུང་བུའི་འཁོར་ཕྱོགས་སུ་དྲི་བསུང་ཡངས་མོར་རྒྱུ
ལྗོན་པའི་ལོ་འདབ་ལས་ཟིལ་ཐིགས་འབབ་ཅིང
རི་བྱེའུ་དག་གིས་ང་དང་རྒྱང་བཀྱེད
སྨུག་པས་རི་ལུང་གཡོགས་ཤིང
ཆར་བའང་སྔར་བཞིན་འབབ
མཚོ་འགྲམ་གྱི་མགྱོགས་བྲིས།
སྙན་བཟང་གཡུང་དྲུང་ཚེ་རིང་།
ལྷོ་ཕྱོགས་རླུང་གིས་མཐའ་ཡས་རྒྱ་མཚོ་ལྟེབས་པའི་ཤུགས་ཀྱིས་རླབས་ཀྱི་ཕྲེང་བ་གནམ་ལ་འཕྱོ་བཞིན་མཚོ་ཡི་ངོགས་སུ་བྲེལ་ཏེ་འོང་། །
གཡོ་ཞིང་འཁྱོམས་པའི་གྲུ་ཆུང་དག་ནི་མཚོ་ཡི་གཉེར་མའི་ངོས་སུ་ཞུགས་ཏེ་དམིགས་པ་མེད་པར་རྒྱང་རིང་ཞིག་ལ་སྙེག་པར་བྱེད། །
ཉ་པ་རྒད་པོས་མཚོ་ནས་དྲངས་པའི་འཁྱུག་ལྡན་ཉ་མོ་རྡོ་གཅལ་སྟེང་ན་འཕག་ཚག་རྒྱག་བཞིན་མིག་གཉིས་འབྱེད་ཅིང་ཟུམ་པར་འགྱུར། །
མཚོ་བྱ་ཁྱུ་ཞིག་མཐོ་སར་འཕུར་ཡང་གློ་བུར་ཉིད་དུ་ཅི་ཞིག་མཐོང་བས་གཤོག་པ་ལེབ་མོ་རབ་ཏུ་བསྐུམས་ནས་མཚོ་ཡི་གཏིང་སར་འཛུལ་བར་བྲེལ། །
གཏམ་རྒྱུད་ཅིག་རྗེས་སུ་དྲན་པ།
ཏཱ་ན་བློ་བཟང་།
འདྲི་གཅོད་ཐེབས་པའི་མི་ཞིག་དང་། རང་སྲེག་པ་ཞིག་རྗེས་སུ་དྲན་པ།
རི་ལུང་འདར་བའི་དུས་ཚིགས་ཤིག་ལ་རུས་རྐང་ཁྲོད་ཀྱི་མར་ཁུ་ཁྱེད།།
རེ་བ་རྒས་པའི་དེབ་ཐེར་བར་གྱི་སྒྱུ་རྩལ་ཕུང་པོའི་ཐིགས་པ་ཡིན།།
ཉི་ནུབ་མཚམས་ལ་གྲིབ་སོ་གོན་དུས་གསེར་ཡིག་སྡོམ་པའི་གླེགས་ཐག་ཁྱེད།།
རྩྭ་ཕུང་འདབ་མ་སྨག་གིས་ཟ་དུས་ཁྱེད་ནི་མཚན་མོའི་ཟླ་འོད་ཡིན།།
མི་རབས་གསར་བའི་གྲྭ་ལོག་གི་མཚན་བྱང་།
འབའ་སྲས།
ངག་ནས་དབྱངས་ཅན་ངག་ཐོས་པ།།
དཔྱད་ན་རིག་པའི་ཀློང་བརྡོལ་བ།།
མདོ་སྨད་ལོ་རྒྱུས་རྩོམ་པ་པོ།།
ཧོར་གཙང་འཇིགས་མེད་གྲྭ་ལོག་ཡིན།།
ཤར་ཕྱོགས་མཚན་ཉིད་སྨྲ་བ་བོ།།
སྲོལ་རྒྱུན་སྙན་ངག་ཟླ་མེད་པ།།
སྙན་ངག་གི་ཕ་ཁྱིམ་ལ་ཕུལ་བའི་གཏམ་ཀྱེ་མ་ཧོ།
འབའ་སྲས།
ཨེ་མ་སྔོན་མེད་ས་འཛིན་རྩེར།།
རིག་པའི་རྐང་བ་བཀོད་བྱས་ཏེ།།
ངག་རིག་སྨྲ་བའི་སོར་མོ་ཡིས།།
འཇའ་ཚོན་འཛིན་པའི་ལྟད་མོར་མཐོང་།།
དོན་གྱི་ལྗོན་ཤིང་མཛེས་བྱེད་པའི།།
ཚིག་གི་ལོ་མ་ལྷམ་མེར་བཀྲ།།
རི་བོང་ལ་གདམས་པའི་མགུར་དབྱངས་དྲང་སྲོང་དགྱེས་གླུ
ཨེ་མ་ཧོ།
ན་མོ་གུ་རུ་ཨ་བྷྱ་ལ྇ཀྵྃ་ཀ་ར་ཡེ།
ཀ་མ་ལ་ལྟར་བཞད་པའི་དབེན་གནས་ཀྱི་རི་རྩེར།།
ཁ་ཁོག་བདེན་པའི་རིག་འཛིན་དེང་དུས་ཀྱི་རྣལ་འབྱོར།།
ག་ས་གང་ན་བལྟས་ཀྱང་དགའ་སྐྱིད་ཀྱི་ཞིང་ནས།།
ང་ཡི་མཛའ་གྲོགས་རི་བོང་དལ་ཅིག་ལ་གསོན་མཛོད།།
ཅ་ཅོ་འདུ་འཛིས་དབེན་པའི་རི་ཁྲོད་ཀྱི་གནས་འདིར།།
ཆ་ལུགས་གང་དགའ་སྒྱུར་བའི་སྨྱོན་པ་ངའི་དྲུང་ན།།
དེ་ལས་མང་བ་། “རི་བོང་ལ་གདམས་པའི་མགུར་དབྱངས་དྲང་སྲོང་དགྱེས་གླུ” »
གྲྭ་ལོག་ཅིག་ཚོལ་དང་བཟང་།
འབའ་སྲས།
དབེན་པར་མ་བསྟེན་ཆོས་ལ་མ་སྦྱངས་ཤིང་།།
གྲྭ་ཆས་མ་གོན་གྲྭ་ལོག་མ་བྱས་པ།།
གྲོང་ནས་སྐྱེས་ཤིང་གྲོང་ནས་རྒས་བཞིན་པའི།།
ཕོ་སྐྱེས་དག་གི་སེམས་ལ་མ་གནོད་དང་།།
འདི་ན་སྡོམ་ཤོར་གྲྭ་ལོག་བན་ལོག་ཚོ།།
གངས་ཅན་གཞོན་ནུ་མ་ཡི་བདག་པོ་རུ།།
འཚོ་བ་ནི་དོན་ངོ་མ་ཅི་ཞིག་ཡིན་ནམ།
བྱ་སྨྱོན་པ།
འཚོ་བ་ནི་འགྲེལ་བརྗོད་མེད་པའི་མག་མོག་གི་འཇིག་རྟེན་ཞིག་ཡིན་ཚེ།
ངའི་སྤྲོ་སྣང་དང་འཛུམ་མདངས་ནི་འཇིགས་རུང་གི་མཚན་མོ་ཞིག་ཡིན་སྲིད།
མི་ཞིག་ཁེར་རྐྱང་གིས་རྒུད་པའི་གོ་རིམ་ཧྲིལ་བོ།
ཀློག་པར་མི་སྤྲོ་བའི་ཐ་སྙད་འགས་བཙན་འཛུལ་ཁོ་ན་ཡིན་མི་སྲིད།
གལ་ཏེ། འཚོ་གནས་ཀྱི་དགའ་སྐྱོའི་རྣམ་པ་རེ་རེ།
ཐོབ་ཤོར་ཟེར་ནས་ལས་ཀྱི་བརྐོས་ཐང་ལ་འཁྲུལ་འགྲོ་ཚེ།
ང་ཚོར་རིན་ཐང་གི་ལོངས་སྤྱོད་ཅིག་ཡོད་མི་སྲིད།
ཁྲག་མཆོད་སྤངས་པར་སྨོན་པ།
ཁང་ཟླ་སྲས།
བགྲང་ཡས་བསྐལ་བར་བསླབས་པའི་ཤེས་རབ་དང་།།
བརྒྱ་ཕྲག་སྲོག་གིས་ཉོས་པའི་བྱམས་བརྩེ་ཡིས།།
སྲིད་ཞིའི་ཁྱོན་འདིར་དམ་ཆོས་རྔ་བོ་ཆེ།།
རྡུང་མཛད་སྟོན་པ་མཆོག་དེ་སྙིང་ནས་དྲན།།
འཇིག་རྟེན་འདི་ན་གཅེས་པ་གྲངས་མེད་ཀྱང་།།
སྲོག་ལས་གཅེས་པའི་དངོས་ཤིག་ཡོད་མ་ཡིན།།
སེམས་པ་སྲེག་པའི་ལོ་ཟླ།
རོ་བདག
_____ང་རང་ཆེས་དགའ་སའི་མི་དེ་ལ།
༡༽
ས་མཐའ་ནས་ལོ་ཟླ་ཞིག་ཕར་སྐྱེལ་དུས
བར་སྣང་གི་སྐྱོ་རོགས་སུ་གྱུར་བའི་ཉི་མ་ཞིག་ཐོལ་གྱིས་མངོན
ཉི་མའི་འོད་ཟེར་དག་ས་ཆེན་གྱི་སྙིང་ཀར་མར་ལྷུང་བས
མི་ཡུལ་གྱི་འཇིག་རྟེན
འཛུམ་མདངས་ཀྱིས་བཀང་བའི་ཁམས་ཆེན་པོ་ཞིག
ཧ་ལས་ཧོན་འཐོར་མ་གནང་ཀུ་རེ་ཡིན།
འཕན་པོ་སྐལ་ལྡན།
ཁམས་གསུམ་འགྲོ་བ་ཡོངས་ཀྱི་མགོན་སྐྱབས་དང་།།
འཇིག་རྟེན་ཞི་བདེའི་དེདདཔོན་ཆེན་པོ་མཆོག །
སྲིད་གསུམ་ཀུན་མཁྱེན་ལྷ་ཡི་བླ་མ་སྟེ།།
རྒྱལ་དབང་ཐམས་ཅད་མཁྱེན་པས་སྙིང་རྗེས་དགོངས།།
དགེ་བཅུའི་ཁྲིམས་ཀྱི་བསླབ་སྡོམ་མི་བསྲུང་ཞིང་།།
རིག་གྲོལ་ཡོན་ཏན་ཀུན་ལ་སྦྱང་བརྩོན་མེད།།
འདོད་པའི་འཁུན་སྒྲ།
དོལ་སྨྱོན།
རྒུན་ཆང་མངར་མོས་དབང་རྩ་སྦྲིད་དུས་འདོད་པའི་སྤུ་ལོང་ལང་ཙམ་གཡོ་ཙམ།།
སྟོན་རླུང་བསིལ་མོ་བཞིན་ལ་ཕོག་དུས་ལུས་སེམས་གཉིས་པོ་ཡོམ་ཙམ་འཕྱོ་ཙམ།།
མཚམས་སྤྲིན་དམར་པོའི་འཛུམ་ཞལ་ངོམ་དུས་དགའ་མའི་ཞལ་རས་དྲན་ཙམ་དུང་ཙམ།།
སེམས་དང་བསམ་པ་གཅིག་ཏུ་འདྲེས་དུས་ཚོར་བ་དེ་ཉིད་འཐོར་ཙམ་རྒྱལ་ཙམ།།
འདོད་སྲེད་མེ་ལྕེ་དམར་པོ་འབར་དུས་ཉལ་ཆས་འདི་ཡང་འཚིག་ཙམ་བསྲེགས་ཙམ།།
འཐམ་དང་འཁྱུད་པའི་བྱ་བར་བྲེལ་དུས་ཉལ་ཁེབ་དག་ཀྱང་རལ་ཙམ་ཆད་ཙམ།།
མུན་པར་སྙན་ངག་བརྩེགས་པ།
ཏཱ་ན་བློ་བཟང་།
ལྷིང་འཇགས་མཚན་མོའི་ཁ་དབུགས་ཟླ་འོད་ལ་འདྲེས་ན།།
དུངས་པའི་རྒྱུ་སྐར་ལྷེམ་ལྷེམ་མཁའ་མཐའ་ནས་འཚེར་བས།།
གངས་ཀྱི་འདབ་མ་ཐོར་བའི་དྭངས་གཙང་གི་རླབས་རིས།།
མིག་སྤུའི་མཐའ་ནས་འཛུམ་པའི་ཟིལ་ཆབ་ལ་འཐིམ་སོང་།།
ལམ་ཆེན་ཐགས་སུ་འཐེན་པའི་གཞི་མདོ་ལ་བལྟས་ན།།
ཁྱི་སྐད་གཉོམ་པོ་རླུང་གི་རྒྱུ་བ་དང་སྡེབ་པས།།
རྟོག་གཞིགས།
ཁང་ཟླ་སྲས།
ཚེ་འདིའི་ཕན་ན་འཚོ་བ་གཞན་ཡོད་ཅེས།།
ཐར་པ་འཚོལ་རྣམས་སྤོབས་པས་བསྒྲགས་མོད་ཀྱང་།།
མར་མེ་ཤི་དང་སྡོང་རྒན་འགྱེལ་བ་ལྟར།།
ཀུན་གྱིས་མྱང་བ་འདི་སྣང་ཙམ་དུ་ངེས།།
མི་རྣམས་འཚོ་བ་སྡུག་གི་ཆེད་མིན་ཡང་།།
འཚོ་བའི་གཞུང་ལམ་སྡུག་བསྔལ་གཟེར་གྱིས་ཁེངས།།
ང་ཤི་མ་འདོད་པའི་དུས་ཤིག
ཁྲོ་གཏུམ།
—-སྙན་ངག་པའི་མཚན་མོར་ང་རང་གཉིད་ལས་སད་དུས་སྔ་དྲོ་རེད་མོད། འོན་ཀྱང་སེམས་སུ་སྙན་ངག་པའི་མཚན་མོ་འདུག
སེམས་ཆུ་སྙིང་དུ་འཁོལ་བའི་ཁ་རླངས
བྲང་རུས་བརྡར་བའི་སྣང་བ་མཐོན་པོ་དེ་དག་གི་དབུས་སུ
སེམས་ཀྱི་ཁ་དོག་ན་འོད་དུ་ཚེར་བའི་སྙིང་གསོན་པོ་ཡོད
ལུག་ཁྱུས་ཟིལ་རྩྭ་བདའ་བའི་འགྲན་རྩོད་དུ
མཁའ་དབུགས་ཀྱི་དྭངས་ཞིམ་འཐིབས་པའི་གཡས་གཡོན་ལ
ངས་ཅིའང་མི་སྨྲའོ།།
——–རྔ་བ་རྒྱལ་ཁམས་པ། ངས་ཅིའང་མི་སྨྲའོ།། གལ་ཏེ་ཁྱོད་ལ་དོགས་པ་ཡོད་ན། གནས་ལུགས་ལ་དྲིས་ཤིག ངས་ཅིའང་མི་བསམ་མོ།། གལ་ཏེ་ཁྱོད་ལ་རྣམ་རྟོག་ཡོད་ན། རྟོག་མཁན་ལ་ལྟོས་ཤིག ངས་ཅིའང་མི་བྱེད་དོ།། གལ་ཏེ་ཁྱོད་ལ་བྱ་འདོད་ཡོད་ན། གཡང་ས་ལ་འཛེམས་ཤིག ཟླ་༧ཚེས་༡༣ལ།