ཆབ་མདོ་ངག་ཕུན་གྱིས་ཕུལ།
རྒྱ་ནག་དམར་པོའི་སྲིད་གཞུང་།། ཆོས་ལྡན་བོད་ཀྱི་ཞིང་ལ།།
དྲག་པོའི་བཙན་འཛུལ་བྱས་ནས།། བོད་མི་འབུམ་ཕྲག་བསད་སོང་།།
རིས་མེད་ཆོས་སྡེ་ཆེན་པོ།། དྲུག་སྟོང་ལྷག་ཙམ་གཏོར་སོང་།།
ཆོས་ལྡན་བོད་ཀྱི་ཞིང་ལ།། སྡུག་གི་མུན་པ་རུབ་སོང་།།
ནང་བཅུད་ཕུན་སུམ་ཚོགས་ཤིང་། །ཕྱི་ཡི་བཀོད་ལེགས་ལྡན་པར།།
ཡར་རྒྱས་ཁ་དབྱངས་སྒྲོག་ནས།། ཐལ་རྡུལ་ཉིད་དུ་སྒྱུར་སོང་།།
དགེ་འདུན་རྒྱ་མཚོ།
༐ བློ་བཟང་རབ་ཡངས་མཁྱེན་པའི་མཁའ་ལ་ལེགས་བཤད་ཆུ་འཛིན་འབུམ་དཀྲིགས་ཏེ།། ལུང་རིགས་གྲུ་ཆར་རྟག་ཏུ་འབེབས་ལ་བཤད་སྒྲུབ་རླུང་གི་འགྲོས་བཟང་མྱུར།། བསྟན་པའི་དེ་ཉིད་འཛིན་ལ་དབང་འབྱོར་མཁས་གྲུབ་བྱེ་བའི་གར་འཕྲེང་ཅན།། ཐར་འདོད་རྐང་འཐུང་སྐྱོང་བའི་མགོན་ཁྱོད་ཟུར་ཕུད་མཛེས་པའི་རྒྱན་དུ་བཞུགས།། ༐ཕྱོགས་བཅུའི་ཞིང་ན་ཇི་སྙེད་བགྲང་ཡས་ས་ཡི་རྡུལ་དང་མཉམ་པའི་བདེར་གཤེགས་གངྒཱའི་ཀླུང་ཉིད་ལ།། མཆོད་པའི་མེ་ཏོག་སྙིམ་པར་འཆིང་རྣམས་མི་ཕྱེད་དད་པའི་རི་བོ་ལྷན་ཅིག་ས་ལ་བསྙིལ་བྱེད་ཅིང་།། བསྔགས་པའི་ཚིག་འཕྲེང་ཨུཏྤལ་ལྟེ་བར་སྦྲང་རྩི་རྐང་བ་འགོས་རྣམས་མྱོས་པའི་གླུ་དབྱངས་མཐོར་བཏེགས་ཏེ།། དངོས་བརྒྱུད་བླ་མའི་ཡོན་ཏན་ཆ་ཙམ་ཇི་བཞིན་བརྗོད་ལ་དགེ་ཚོགས་བསྡུ་ཞེས་རྒྱལ་རྣམས་མགྲིན་གཅིག་གླེང་།།
གསལ་ལེ་རྒྱལ།
བརྗོད་བྱའི་དོན་དང་ཚིག་གི་སྦྱོར་བ་སོགས།།
ཡིད་ལ་འཐད་པ་ཅི་ཡང་མེད་ན་ཡང་།།
དགའ་སྐྱོ་ཆགས་སྡང་ཚོར་བའི་རི་མོ་དག།
དབྱངས་གསལ་སོ་བཞིའི་གཟུགས་སུ་འགོད་པར་བརྩོན།།
བྱུང་ན་ཁ་བ་རི་བའི་སྐད་ཡིག་གི།།
ཚེ་ལ་སྲོག་གི་གཟུངས་འཇུག་འཐོབ་པར་གྱིས།།
མ་བྱུང་ན་ཡང་རང་སེམས་འགྱོད་པའི་རྒྱུ།།
ཡིག་རིགས་གཞན་པའི་དབང་དུ་མ་གྱུར་ཅིག།
ཁྲོ་གཏུམ།
ཀི་རིང་བཏབ་པས་རླུང་རྟའི་ཤོག་ལོ་མཁའ་རུ་མཐོ་རུ་འཕུར
རི་བོ་དེའི་རྣམ་ཤེས
མི་དེ་དག་གི་སེམས་ཕུར་རུ་གྱུར
དུང་བུད་པས་བསང་དུད་ཀྱི་འབྲུག་ཆུང་མཁའ་ལ་ལྡིང
རི་བོ་དེའི་རྣམ་ཤེས
ངས་མེས་པོའི་ཤུལ་བཞག་ལས་ཐོན་པའི་གནའ་རྫས་དག་མ་ཡིན
བསེ་རུ།
ཏང་གི་བཀའ་དེ་བཙན་པོ་ཡིན་ནོ་ཟེར།།
ཏང་གི་དབུ་ཁྲིད་བཀའ་དྲིན་ཆེ་ལོ་ཟེར།།
ཏང་གི་མངའ་འོག་མྱ་ངན་ལྕི་འོ་ཟེར།།
ཡོད་ཚད་ཏང་གིས་དབང་སྒྱུར་རེད་དོ་ཟེར།།
ཞིང་ལས་འཕྲུལ་ཆས་ཅན་དུ་བསྒྱུར་ན་ཡང་།།
རྨོན་གཡག་རྨོན་མཛོའི་བཀའ་དྲིན་བརྗེད་མེད་ཟེར།།
ཏང་གི་བཀའ་བཀོད་ཇི་ལྟར་གནང་ན་ཡང་།།
སྲོལ་རྒྱུན་མི་ཉམས་རྒྱུན་འཛིན་བྱེད་དོ་ཟེར།།
གངས་དཀར་སེམས།
བུ་ཆུང་དགའ་དགའ།
ཚེ་དབང་ནོར་བུ།
རང་ལོ་ཉེར་དྲུག་སྐབས་སུ།
དོ་ཟླ་མེད་པའི་རིགས་ཞེན་གྱིས།
མེ་ལྷ་དང་ལྡེབས་ནས་ས་ཆེན་པོར་སོང་ཟིན།
སེམས་ཉེ་བར་ཤོར་འགྲོ་བའི་ངའི་སེམས་ཚོར་སྦྲགས།
ཁྱེད་ཀྱི་ལང་ཚོ་དར་བའི་འཛུམ་ཆུང་།
གཞན་དང་མི་འདྲ་བའི་ཡ་རབ་ཀྱི་སྤྱོད་པ།
ངའི་མཐོང་སྣང་ལ་ཁྱོད་ནི།
བག་ཡོད་དལ་ལྷོད་སྙིང་རྗེ་ཅན་ཞིག་ཡིན།
ཁྱེད་ལ་གཏིང་རིང་བའི་ཚོར་འདུ་ལྡན་པའི་མི་གཤིས་དང་།
བཅོས་མིན་རང་ཆས་སུ་ལྡན་འདུག་པ་དེ་ངས་ཤེས་ཡོད།
ངས་དེ་སྔོན་ནས་ངོ་མ་ཚང་མ་ཤེས་ཡོད། བུ་ཆུང་ནོར་བུ་ལགས།
གཅན་ཚ་སྒྲོལ་མ་གཡང་སྐྱིད།
ང་ཚོ་ལྡོམ་པོ་ལྡོམ་མོ་ཡིན་པས་གཟི་བརྗིད་ཆེ། །
ཕ་མའི་བརྩེ་བ་མེད་ཕྱིར་ལྡོམ་ནས་སོང་བ་མིན། །
རང་གི་ལྟོ་རྒྱབ་དཀའ་བས་ལྡོམ་ནས་སོང་བ་མིན། །
ང་ཚོ་དམིགས་ཡུལ་ཡོད་པའི་ལྡོམ་པོ་ལྡོམ་མོ་ཡིན། །
ཁྲོ་གཏུམ།
སྙན་ངག་གིས་བྱང་ལམ་གཅད་དེ
མདུན་རི་དག་གི་ཕར་རྒྱབ་ནས་ཕར་རྒྱབ་ལ་འགྲོ་དགོས
གནས་དེ་ན
ས་དེ་ན་
ཆེས་མཐོང་འདོད་པའི་བདུད་བརྩི་ཡོད
ཤིན་ཏུ་ཉན་འདོད་པའི་དབྱངས་འགྲོས་ཡོད
བསྟན་དར།
ཀྱེ་མ། བོད་ཀྱི་ལས་དབང་།
རླུང་རྟ་མེད་པའི་དར་ཅོག
དྲི་བཟང་མེད་པའི་བདུག་སྤོས།
པད་མ་མེད་པའི་ཆུ་མཚོ།
སྐུ་པར་འགོག་པའི་གདུལ་ཞིང།
སྐུ་བརྙན་བཅོམ་པའི་ལྷ་ཁང་།
དགེ་འདུན་འབྱིན་པའི་དགོན་པ།
མ་བུ་འབྲལ་བའི་ཡུལ་གྲོང་།
ཐེ་བོ་སངས་རྒྱས།
ཉི་ཟླ་སྐར་གསུམ་ལྷ་རུ་བཀུར་ཅིང་།།
འཛམ་གླིང་སུམ་ཉིས་ས་ལ་སྤྱོད་པའི།།
བཙན་པོའི་བཀའ་ཆེམས་རྡོ་ལ་བརྐོས་ཤིང་།།
གཙུག་ལག་ཁང་བཟང་འཕྲུལ་གྱིས་བཞེངས་སོ།།
ཕོ་བྲང་དམར་པོར་ཉི་རྩེ་ཕོག་དུས།།
ལྷ་ཁང་ཕུག་གི་མར་མེའི་འོད་ཀྱིས།།
རྩིག་ངོས་ལྷ་སྒྲུང་རི་མོ་གསལ་བ།།
ཇོ་བོར་ཞུས་པའི་རྨོ་མོའི་འདོད་གསོལ།།
ཤེད་བུ།
ལྟ་གྲུབ་རིག་པ་སྟོང་ཕྲག་གི་བསྒྲུབ་བྱ་གཞན་ལ་བརྩེ་བ་དང་། །
གཞན་ལ་བརྩེ་བའི་རིགས་ལམ་གྱི་རྒྱལ་བོ་བརྟེན་ནས་འབྱུང་བ་གཉིས། །
རིགས་པའི་རྣམ་གྲངས་མཐའ་ཡས་པའི་སྒོ་ནས་སྟོན་པར་དབང་ཐོབ་པ། །
ཡེ་ཤེས་རང་སྣང་གི་གངས་རི་དཀར་པོ་ཞིག་ཡིད་ལ་འཁོར་སོང་། །
རི་མགོ་ཁ་བས་གཡོག་ཐེངས་རེར་དུང་མདོག་གི་སྨིན་མའི་འོག་ནས། །
གང་ཞིག་ལ་རྒྱང་གཟིགས་གནང་ཞིང་ཅི་ཞིག་ལ་ཐུགས་གཡེང་གནང་ཡོད། །
རང་ངོ་མི་ཟིན་པའི་ནོར་ནག་སྟོང་གི་རིགས་ཀྱི་བདག་པོ་ཀྱེ། །
བདེན་པ་འཚོ་བའི་སངས་རྒྱས་ཀྱི་ཚོ་བ་ཞིག་ཇག་པས་བཟུང་སོང་། །
ཐེ་བོ་སངས་རྒྱས། ཁྲུང་ཁྲུང་ལྷོ་རུ་འཕུར་རྗེས།།གཤོག་སྒྲོ་རྐང་གཅིག་ཟེགས་འདུག།གཤོག་སྒྲོའི་རི་མོའི་ནང་དུ།།འདས་པའི་གཏམ་རྒྱུད་གསལ་འདུག།མཚེའུ་དར་གྱིས་བསྡམས་པས།།སེམས་པ་འཁྱགས་ལ་འབྱར་སོང་།།འཇག་མའི་སྐྱོ་གླུར་ཉན་གྱིན།།དཔྱིད་ཀ་ཡོང་ངམ་སྙམ་ཡོོད།།
གཡུ་སྒང་དགེ་འདུན།
དུག་ནད་སྒྱུ་མས་སྤྲུལ་འགྱུར་སྣ་ཚོགས་བསྟན།།
བཞི་བརྒྱ་རྩ་བཞིའི་ནད་ཀུན་བདག་ཏུ་བཟུང་།།
འཇིག་རྟེན་འདི་རུ་ནད་ཀྱི་རྒྱལ་པོ་ནི།།
ཡིན་པར་རློམ་སྟེ་ས་ཆེན་ཧམ་པས་མནན།།
གོས་སྔོན་སྲིན་པོས་བཟོས་པའི་དུག་ནད་ཀྱིས།།
ས་ཆེན་སྡུག་གི་མེ་མུར་བསྐྱིལ་བ་ན།།
རྣམ་ཤེས་གྲངས་མེད་ངུས་པའི་འོ་དོད་དེར།།
འཛམ་གླིང་ས་སྐྱོང་དག་ཀྱང་བཤོལ་ལ་ལྟོས།།
ཆང་སྐྱེས།
ཉི་མ་ལ་མོ་བརྒལ་ཏེ་རི་ལ་ནུབ།།
བྱ་ཁྱུའི་གཤོག་འགྱུར་བདེ་མོ་ཐང་ནས་ཡལ།།
མུན་པ་རྫ་ལ་འཐིབས་ཏེ་ས་ལ་ལྷུང་།།
ཟུར་གསུམ་སྙིང་གི་འཕར་ལྡིང་ལག་པས་སྐྱོར།།
མཚམས་སྤྲིན་དམར་པོའི་མཛེས་སྡུག་ཡུན་གྱིས་རྒུད།།
འཁོར་ཡུག་རི་བོ་ཕལ་ཆེར་གཉིད་དུ་ཡེར།།
ཟླ་བ་ཁེར་འགྲོ་མཚན་མོའི་མཁའ་ན་འདུར།།
ས་མཐའི་འཁྱམ་པོ་ཨ་རག་ཆང་གིས་བཟི།།
ཁྲོ་གཏུམ།
ཞི་བདེ་རྒྱ་མཚོའི་རླབས་རིས་མིག་མདུན་དུ་རྩེན
མཚོ་དེའི་ཕ་རོལ་ང་ཡི་ལྟེ་ཁྲག་འཕོ་ས་ཡིན་པར་ཤེས་ནས་ཡོད་ཀྱང
རྒྱང་ཤེལ་ཇི་འདྲ་ཡག་རུང་རང་ཡུལ་མཐོང་བའི་རྒྱང་མིག་གཅོད་ཐུབ་བྲལ
སེམས་དང་བསམ་པ་ཞིག་གིས་ཕ་ཡུལ་ཕྱོགས་སུ་ལྟ་ཁུལ་བྱས་པ་འདི་ཡང་སེམས་བདེ་བག་ཕེབས་ཤིག
རྒྱ་སྟོན་བུ་དར་རྒྱས།
དུས་རབས་ད་ལྟའི་རྣམ་འདྲེན་སྟོན་པ་འམ།།
ཤཱཀྱའི་ཡོན་ཏན་མངའ་བའི་བདག་ཉིད་མཆོག།
རྒ་བའི་ཚེ་འདིར་དམོད་པ་འདེབས་ཕོད་པའི།།
བསྟན་དགྲའི་ལྟ་བ་ཅན་ནི་བོད་ལ་མང་།།
༧ཐེག་པ་མཆོག་གི་དགེ་བའི་བཤེས་གཉེན་ཆེན་པོ་གནས་བརྟན་སྡེ་སྣོད་འཛིན་པ་བདག་གི་མཁན་པོ་རིན་པོ་ཆེ་ཀུན་སྤངས་སེམས་དཔའ་ཆེན་པོ་༧ དགེ་འདུན་ཆོས་འཕེལ་༼ཡོངས་གྲགས་ལ་མཇའ་མོ་ཨ་ཁུ་ཚང་༽མཆོག་ལ་རྗེས་དྲན་དུ་ཕུལ་བ།
རོང་བོའི་དགེ་བཤེས་བློ་བཟང་ཆོས་གྲགས།
དགེ་བཅུ་བསླབ་གསུམ་བྱང་སེམས་ཕྱིན་དྲུག་སྤྱོད།།
འདུན་ལྡན་སྐྱེས་བུ་གསུམ་གྱི་ལམ་སྲོལ་མཆོག །
ཆོས་འདུལ་ཇི་བཞིན་སྟོན་དང་སྒྲུབ་མཁས་པ།།
འཕེལ་འགྲིབ་ཡོངས་བྲལ་སྨྲ་བའི་ཟླ་བར་འདུད།།
དེ་ལས་མང་བ་། “༄༅ །།བསྟོད་པ་བདེན་གཏམ་དྲང་སྲོང་དགྱེས་པའི་རོལ་དབྱངས།” »
ནམ་མཁའ།
ལོ་ངོ་དྲུག་བརྒྱའི་དུས་ཀྱི་སྔ་རོལ་དུ།།
མདོ་ཁམས་གཡར་མོ་ཐང་གི་ཡུལ་ལྗོངས་ཀྱི།
ཙོང་ཆུ་སྔོན་མོའི་འགྲམ་གྱི་སྦྲ་ཁྱིམ་རུ།།
རིག་པའི་ཁྱེའུ་འཁྲུངས་པ་དེ་ལ་འདུད།།
དེ་ལས་མང་བ་། “རེབ་གོང་གི་བླ་རྒན་ཞིག་གི་དགེ་ཕྲུག་ཤར་ཙོང་ཁ་བ།” »
རླུང་དམར།
མུན་པ་དང་མུན་པའི་བར་ཐག་ལ་ཚད་གཞི་འཇལ་བའི་ཉི་གདུགས་ཀྱི་སྒོ་ཆེན་པོ
རང་དབང་དང་བཙན་ཤེད་ཀྱི་ཤ་ལུས་ལ་བདེ་སྐྱིད་ཀྱི་འདྲ་མཉམ་བརྩིགས་པའི་ནམ་མཁའི་ཕོ་བྲང
འཇིག་རྟེན་དཀར་ངོགས་འདིར་ཞི་བདེའི་ངོ་གདོང་ལ་བསུས་པའི་ཡེ་ཤུའི་ལྷ་ཆེན་པོ
མཛད་དཔྱོད་ཀྱི་བྱམས་བརྩེ ཐུགས་མཛངས་ཀྱི་སྙིང་རྗེ བྱམས་སྐྱོང་གི་ཆོས་དཔོན
ཁྱེད་རང་སྐུ་གཤེགས་པར་གདུང་ཚོར་དྲག་པོས་མིག་ཆུ་ཆར་བཞིན་ལྷུང
ཁ་བ་ཉི་མས་བསྐམས བྲག་ནགས་སྤྲིན་རླུང་གིས་གཡོགས
ཞི་བདེའི་དབུ་འདྲེན་པ་སྐྱེས་བུ་ཁྱེད་འཁོར་བ་འདི་ནས་གཏན་གཤེགས་གནང་ཡོད་ནའང
ཁྱེད་ཀྱི་མཛད་རྗེས་ཀྱི་འོད་གཏེར་འཇིག་རྟེན་འདིའི་དབུ་ན་རྒུད་མེད་ཀྱི་ཉི་མ་ཤར་ཡོད
དེ་ལས་མང་བ་། “ཡེ་ཤུའི་སྐྱེས་མཆོག་ཌེ་སི་མོན་ཋུ་ཋུ་སྐུ་གཤེགས་པར་མྱ་ངན་ཞུ་ཚིག” »
གཞུང་པ་ཚེ་དབང་བསོད་ནམས་།
ཀ་ཁ་སྤྱི་བོར་བཀུར་ནས་ཀ་བཤད་བྲིས།།
ཁ་སྐད་བོད་སྐད་རྒྱབ་ནས་ཀ་བཤད་སྤེལ།།
ག་པར་གནས་ཀྱང་བོད་སྐད་བོད་ཡིག་ཟབ།།
ང་ཚོའི་སྐད་ཡིག་ང་ཚོའི་བདག་པོ་རྒྱོབ།།