སྤོབས་པ་མཐའ་ཡས།
རང་གི་རང་དབང་ནམ་ཡང་མི་འདོར་ཞིང་། །
དེ་བཞིན་གཞན་ལ་འཚེ་བ་མི་བགྱིད་པའི། །
ཆོས་མཐུན་ལས་ཀྱིས་རང་རང་འཚོ་བ་འདི། །
འཇིག་རྟེན་མི་ཡི་རྩ་བའི་དམ་ཚིག་ཡིན། །
རང་དབང་བདེ་བ་སྙིང་ལ་བཅངས་ན་ཡང་། །
སྐྱེས་པའི་ཉིན་ནས་འཆི་བའི་མཐར་ཐུག་བར། །
གཞན་ལ་བསྟུན་ཅིང་གཞན་རྗེས་འབྲངས་འབྲངས་བ། །
བསམ་ན་རང་སེམས་གཞན་གྱི་ཚེ་གཡོག་ཉིད། །
མདའ་ཚན་པ། དེ་རིང་གཟའ་ཉི་མའི་ཞོགས་པར། ཨ་ཕ་དང་བཟའ་ཟླ། ཁོ་རང་གི་ལོ་བཅུ་གསུམ་དང་ལོ་གསུམ་ལོན་པའི་བུ་གཉིས་བཅས་ཀྱིས་ནམ་རྒྱུན་བཞིན་ཅོགཙེའི་མཐའ་བསྐོར་ཏེ་ཞོགས་ཇ་ཟ་བཞིན་ཁ་བརྡ་བྱེད་བཞིན་འདུག དེ་རིང་གི་ཁ་རྡ་ནི་ནམ་རྒྱུན་དང་མི་འདྲ་བར་ཨ་ཕ་ཤི་རྗེས་དུར་ལས་ཇི་ལྟར་བྱེད་རྒྱུའི་སྐོར་རེད། ཨ་ཕས་བཤད་རྒྱུར། ཉིན་ཞིག་ལ་ཨ་ཕ་ཤི་འགྲོ་གི་རེད། ནམ་ཞིག་ལ་ཤི་རྒྱུ་ཡིན་པ་སུས་ཀྱང་ཤེས་དཀའ། ཨ་ཕ་ཤི་དུས་ན་རོ་མེ་ལ་བསྲེག་མི་དགོས། ཨ་ཕ་ལ་གནམ་རྒན་མའི་ཞལ་ངོར་དུ་བས་བདུག་འདོད་མེད། ཨ་ཕ་ལ་རང་བྱུང་གི་མཁའ་རླུང་རྗས་ཀྱིས་སྦག་འདོད་མེད། ཨ་ཕ་ལ་མི་མངོན་པའི་རྣམ་ཤེས་ཚོགས་གསུར་དྲིས་བསུན་པ་བསྐུར་འདོད་མེད། ཉིན་ཞིག་ལ་ཨ་ཕ་ཤི་འགྲོ་གི་རེད། ནམ་ཞིག་ལ་ཤི་རྒྱུ་ཡིན་པ་སུས་ཀྱང་ཤེས་དཀའ། ཨ་ཕ་ཤི་དུས་ན་རོ་དུར་ལ་སྦས་མི་དགོས།…
ངའི་དུར་སའི་མདུན་ལ་ལངས་ཏེ་མ་ངུ་ཞིག ང་འདི་ན་བསྡད་མེད། ང་གཉིད་བསྡད་མེད། ང་ནི་ལྷགས་རླུང་ཁྲི་སྟོང་ལྡང་བ་དེ་ཡིན། ང་ནི་གངས་ངོས་ཀྱི་ཕ་ལམ་འོད་འཚེར་བ་དེ་ཡིན། ང་ནི་སྙེ་མའི་རྩེ་ན་འཚེར་བའི་ཉི་འོད་དེ་ཡིན། ང་ནི་སྟོན་ཟླ་ར་བའི་སྦྲང་ཆར་བསིལ་མ་དེ་ཡིན། ནམ་ཞིག་སྐྱ་རེངས་ཀྱི་དབེན་འཇགས་ཁྲོད་ནས་ཁྱེད་རང་གཉིད་ལས་སད་དུས། ཁ་ཁུ་སིམ་པའི་བྱེའུའི་ཚོགས་དེས་བདེ་ལྕག་འཁྱུག་པའི་ངང་ནས་ལྡིང་འཁོར་བརྒྱབ་ཅིང་། ཨ་སྔོན་དབྱིངས་ལ་འཕུར་བའི་ཤུ་སྒྲ་དེ་ནི་ང་རང་ཡིན། ང་ནི་མཚན་མོའི་འོད་མདངས་མག་མོག་གི་སྐར་ཚོགས་དེ་ཡིན། མ་ངུ་ཞིག ང་འདི་ན་མེད། ང་ཤི་མེད། ༡༩༨༩ལོར།…
ཀ་དག་སེམས་ཀྱི་ངོ་བོ་འོད་གསལ་དེ། །
ཁ་བཤད་ཙམ་གྱི་རྣམ་དཔྱོད་ལ་བརྟེན་ན། །
ག་དུས་ཡིན་ཡང་རང་ངོ་འཁྲོད་དཀའ་བས། །
ང་ང་ཟེར་ཞིང་བདག་འཛིན་ཇི་ཆེར་འཕེལ་། །
ཅ་ཅོ་རོལ་མོ་མདངས་བསྙན་ཆོས་སྐོར་དང་། །
ཆ་ལུགས་རྒྱན་གོས་སྣ་ཚོགས་ཆོས་ལུགས་རྣམས། །
ཇ་དང་དངུལ་ལ་མི་བརྗེ་བཅོས་མིན་དོན། །
ཉ་སྐྱེས་ཟླ་བཞིན་འཔེལ་བར་སྙིང་ནས་སྨོན། །
ཏ་ཐ་གྷ་ཏའི་བསྟན་པའི་སྙིང་པོ་འདི། །
ཐ་མལ་སྐྱེ་བོའི་སྤྱོད་ཡུལ་དུ་དཀའ་ཡང་། །
ད་ལྟ་རང་ནས་དོན་གཉེར་གྱིས་གོམས་ན། །
ན་རྒ་འཆི་བའི་འཇིགས་ལས་སྐྱོབ་པར་ནུས། །
པ་ཊ་ལྟར་བཅིངས་བློ་མཐུན་དད་དམ་དང་། །
ཕ་མས་བུ་བཞིན་འགྲོ་ཀུན་ལ་གཅེས་ན། །
བ་བེའུ་ལྟར་གྱི་ཕན་སེམས་དང་སྙིང་བརྩེ། །
མ་རྒན་སེམས་ཅན་ཀུན་ལ་ལེགས་ཁྱབ་ནུས། །
བོང་སྟག་རི་ལུ།
ཀུན་མཁྱེན་འཇམ་པའི་དབྱངས་ཀྱིས་ཤིས་པ་སྩོལ།།
ངག་དབང་དབྱངས་ཅན་ལྷ་མོའི་སྨྱུག་རྩེ་དྲོངས།།
ས་མཐོའི་སྒང་པ་བོད་ཀྱིས་མཐུན་རྐྱེན་སྦྱོར།།
ང་ཚོས་གླེང་གཞི་ཟླུམ་པོ་གཅིག་ཏུ།།
ང་ཚོ་ཆ་བྱད་གཞན་ལ་དགའ་དང་གཅིག།།
གཞན་མི་ང་ཚོའི་གྲལ་དུ་འཚང་དང་གཉིས།།
སྔོན་ནས་བོད་མི་འཐོར་ཞིག་སོང་དང་གསུམ།།
ང་ཚོ་འཇིག་པའི་མཐུན་རྐྱེན་འཛོམས་ནས་འདུག།
ང་ཚོ་རླུང་དང་འཕྲད་ན་གྱང་ཁའི་རྩྭ།།
སེར་བུ་གར་འགྲོའི་རྗེས་སུ་བཙན་གྱིས་མཆོངས།།
ང་ཚོ་གཞན་དང་ཕྲད་ན་གྲམ་པའི་ཆུ།།
ཆུ་སྣ་གར་ཁྲིད་ཕྱོགས་ལ་ངང་གིས་འདུར།།
ལྷ་ལུང་རྒྱལ།
རིའི་བར་སྐེད་ལོང་ལོང་སྨུག་སྤྲིན་གྱིས་བཟུང་ཞིང༌།།
ཆར་སིམ་བུའི་དངོས་གྲུབ་ཉི་འོད་ཀྱིས་ལྕིབས་པ།།
འོད་འཚེར་རེར་འཇོ་བའི་ཕྱི་དྲོ་ཡི་དུས་ཤིག།
སེམས་རྒྱག་ཕྱོགས་ཤིག་གིས་ཞེ་མཐུན་ཁྱོད་དྲན་འོང༌།།
བྱ་རྒོད་པོའི་གཤོག་པས་འཁྱོག་ཐབས་རང་མེད་ལ།།
ཆུ་གཙང་པོ་རླབས་ཀྱིས་འཁྱེར་ཐབས་ཀྱང་དབེན་པ།།
ལུས་ནམ་མཁའ་དྲན་གདུང་སྤྲིན་ནག་གིས་གཡོགས་ཏེ།།
ས་འདི་ནས་ཉི་མ་འཁྱོལ་ཐབས་ཅིག་མི་འདུག།
ཕྱིའི་འབྱོར་བ་གདོན་གྱི་བསླུ་བྲིད་ཀྱིས་ཡིན་ནམ།།
དུས་འགྱུར་ལྡོག་མི་ཡི་ཁ་དོག་ཀྱང་བསྒྱུར་རམ།།
ཕྱི་ཐག་རིང་མཛའ་གཅུགས་མེ་ཏོག་དང་འཇའ་སྤྲིན།།
མིག་ལོངས་སྤྱོད་མ་ཐོབ་སེམས་པ་དེ་ལྟོགས་ཡོད།།
ཀླུ་སྨྱོན་ཧེ་རུ་ཀའི་རང་མོས་སྙན་ངག་མུ་འགོད།
༡
འོ་དྲི་འཐུལ་བའི་རྨི་ལམ་ཞིག་གི་སྔོན་འགྲོར་བརྟེན་ནས།
སྲིང་ཆུང་མ་ཁྱོད་སྙན་ངག་གི་གནས་ཡུལ་བརྒྱུད།
མེ་ཏོག་དང་ཟླ་འོད་བཞུར་བའི་མཚན་ལྗོངས་སུ།
ཁྱེད་ཀྱི་ཟུར་མིག་ལ་གདུངས་དབྱངས་འཁྱིལ།
བོང་སྟག་རི་ལུ། བོད།
ཁྱེད་ཀྱིས་ངའི་འབར་འབུར་གྱི་སྒལ་ཚིགས་འདིར་གནས་ཚང་བཅས་ནས་མི་ལོ་ག་ཙམ་འགོར་སོང༌།
ཁྱེད་ཀྱིས་ངའི་ལྷད་མེད་ཀྱི་ཟུང་ཁྲག་འདི་ཧུབ་ཀྱིས་རྔུབས་ནས་མི་ལོ་ག་ཙམ་འགོར་སོང༌།
དང་པོ་དང་པོ་ཙ་ན།
ང་ཡང་ཨ་མའི་མངལ་ནས་ལྷུང་དུས།
ངའི་རང་ལུས་དྲོན་མོ་འདི་རྨ་ཁའི་མ་རེག་པའི་མི་ལུས་གཙང་མ་ཞིག་ཡིན།
ངའི་ཡུམ་སྐད་དྭངས་མོ་དེ་ལྷད་ཀྱིས་མ་གོས་པའི་རྫ་ཆུ་བསིལ་མ་ཞིག་ཡིན།
ངའི་རྩོམ་ཉོག་དེ་གཤམ་དུ་རྡེག་གནོན་བྱས་ན་ཀློག་ཐུབ། http://www.tibetcm.com/new/News_View.asp?NewsID=500
དབྱིངས་ཀྱི་རྣམ་ཤེས། ཚེ་རིང་སྐྱིད། རི་རྒྱུད་སྨུག་པས་གཡོག་པའི་གྲོང་གསེབ་ཞིག་ཏུ།། རྣམ་ཤེས་སྟོང་ཕྲག་དུ་མ་དྲན་པས་གདུང་ཡོད།། རེ་སྒུག་ལོ་ཟླས་བསླུས་པའི་རྒན་ཁོག་མང་སོང༌། རྨི་ལམ་རུམ་ན་ཡོད་པའི་གཞོན་པ་མང་སོང༌། ། རི་བོ་་ཧི་མ་ལ་ཡའི་ཕ་རོལ་དེ་ན།། དཔྲལ་བ་ས་ལ་བཏུག་པའི་མི་རིགས་ཞིག་གིས།། རང་ཁྱིམ་དྲོན་མོའི་མཁར་ཁ་སྲུང་བའི་ཞོར་ཏུ།། དགུང་གི་ཟླ་བར་སེམས་ཀྱི་མཆི་མ་སྐུར་ཡོད།། ནམ་མཁའི་སྐར་མདས་སེམས་ལ་ཚ་ཤེར་སློང་དུས།། གནམ་འོག་གཅིག་ན་ངུ་བའི་རྣམ་ཤེས་མང་སོང༌།། ཆུ་མོའི་གཞུང་གི་རང་དབང་ཉྭ་མོར་ལྟ་ཞོར།། ལྕགས་དྲར་ཡོད་པའི་བྱེའུ་ཆུང་སྙིང་རེ་རྗེ་སོང༌།།…
ཨ.མེ་ཆ།
“ང་ཚོའི་ཚེ་སྲོག་འདི་མ་དོར་བར་ཁྱེད་ཚོའི་ཁ་གཏད་དུ་ལངས་ངེས་ཡིན”བསྲན་དཀའ་བའི་
མནར་གཅོད་མྱངས་ཤིང་མྱོང་བཞིན་པའི་བོད་གཞིས་ལུས་མི་མང་གི་ཆོད་སེམས་དང་ཡིད་
ཆེས་ཀྱིས་བསྒྲགས་པའི་སྐད་ཆའི་ཟུར་སྣེ་ཞིག
ཚེ་སྲོག་འདོར་བའི་མི་དམངས།
ཉི་མ་ལྷ་སའི་སྐད་གཟེངས་གཅིག་གིས་ཆོལ་གསུམ་སེམས་ཀྱི་གསང་མིག་བརྡོལ།།
གསོན་པོའི་གཅེས་སྲོག་གྲི་ཡིས་འཐུལ་སྦྲ་ནཨ.མེ་ཆ།ག་གྲུ་བཞིའི་མཐའ་བཞི་བསྲུངས།།
བཙན་པོ་གདུང་གི་དཔའ་རྟུལ་མིག་རྩ་ཞི་བདེའི་འོ་མའི་རླབས་ཀྱིས་འཁྱུད།།
མགོ་ལུས་དམར་བོ་ཁྲག་ལ་བསྙལ་ཡང་རླབས་ཆེན་སྲོག་གི་རྒོལ་བ་བསླངས།།
སྡུག་སུན་སྣ་དགུ་ལུས་ཀྱིས་མ་བཟོད་གནམ་ས་འགུལ་བའི་ཀི་ཞིག་བཏབ།།
རྣམ་དག་ཡིད་ཀྱི་འགྱུར་མེད་ཁ་དན་རིགས་མཐུན་གདོང་དམར་བོད་ལ་བཞག།
རྒྱང་རིང་སྤུན་ཉེའི་བརྩེ་བའི་དངས་མ་རྒས་མེད་དུས་ཀྱི་མཐའ་ལ་བསྲིངས།།
ཞི་བདེ་འདྲེན་པའི་འོད་ཀྱི་ཞིང་ཁམས་ཤ་དང་ཁྲག་གིས་ཉོ་བར་བརྩམས།།
གཡུ་ལོའི་བསིལ་གྲིབ་སྙེག་པའི་བྱེའུ་ཆུང་གི་ཁྱུ་དེ། ། ཁོ་བོའི་སེམས་བྱུང་འོད་ཀྱི་ཟེགས་མ་ཡི་འགྲམ་དུ། ། འཁྲུལ་སྣང་སྨིག་རྒྱུའི་ཆུ་ལ་ངོམ་མེད་དུ་རོལ་བ། ། ཕྱིར་དྲན་རླུང་གིས་ཆལ་ཆིལ་རྦ་རླབས་སུ་བསྙིལ་བྱུང་། ། དམར་ཆུང་བྱུ་རུའི་ཞལ་ཁྱིམ་མཁའ་མཐའ་ནས་ཕྱེ་སྟེ། ། སྦྲང་ཆར་ཟོལ་དུ་བབས་པའི་སྙིང་གཏམ་གྱི་ཟླ་འོད། ། ཚོགས་དྲུག་འོ་མའི་མཚོ་ལ་ངལ་མེད་དུ་བསྙིམས་པ། །…
སྐར་ཆེན།
ལོ་ན་ཆུང་བའི་དུས་སུ།
ངའི་བསམ་པར།
ཕ་ཡུལ་འདི་རང་ལ་དབང་བའི་རྩེད་རྭ་ཆུང་ཆུང་ཞིག་རེད་སྙམ
ངའི་བསམ་པར།
ཕ་ཡུལ་འདི་ལྷ་སྒྲུང་གི་ཞིང་ཁམས་ཤིག་རེད་སྙམ།
ད་དུང༌།
ངའི་ཡིད་ལ།
ཕ་ཡུལ་འདི་ཨ་མའི་འཇམ་གཉེན་གྱི་ཕྱག་ཟུང་བཞིན།
ཧ་ཅང་དྲོད་ཁོལ་ལྡན་པ་ཞིག
ཧ་ཅང་བརྩེ་སེམས་གྱིས་ཁོལ་བ་ཞིག
ད་དུང༌།
ངའི་དྲན་སྣང་ལ།
ཕ་ཡུལ་གྱི་རི་ཆུ་ནགས་གསུམ་འདི།
ང་ལ་དབང་བའི་ཁྱིམ་གཞིས་ངོ་མ་དེ་ཡིན་བསམ་མྱོང༌།
ངས་ལོངས་སྤྱོད་བྱས་ཆོག་པའི་མ་འོངས་བའི་རྒྱུ་ནོར་ཡིན་བསམ་མྱོང༌།
བོང་སྟག་རི་ལུ།
མི་རྐྱང་གླུ་བའི་མིང་ལ་རི་ལུ་ཟེར།།
སྨྱུ་གུའི་རྩེད་མོར་རོལ་ནས་ལོ་མང་འགོར།།
ཕྲག་དོག་མདའ་ཡི་རྨ་ཁ་ལན་ཤས་ཕོག།
མིག་ཟུང་རྒྱང་ལ་གཏད་ནས་ཉིན་ཤས་སོང༌།།
ལུས་པོ་རླུང་ཁར་གཟེད་ནས་སྲང་ལ་བསྐྱོད།།
གོམ་པ་འཁྱར་འཁྱོར་ངང་ནས་མདུན་ལ་སྤོས།།
ས་ནག་སུམ་མདོ་དེ་ནས་ངལ་ཞིག་གསོས།།
སང་གི་ཉིན་མའི་ཕྱོགས་ལ་རྒྱང་བལྟ་བྱས།།
རི་བོའི་རྩེ་ལ་བུད་ནས་ཀི་ཞིག་བཏབ།།
རང་གི་རིགས་རྒྱུད་མཐོང་ནས་སྙིང་ཞིག་འཕར།།
བོད་མི་ཀུན་ལ་ཕན་པའི་གཏམ་ཞིག་སྨྲས།།
ཡིད་མཐུན་གྲོགས་ཤིག་མེད་པས་སེམས་པ་སྡུག།
དེ་ལས་མང་བ་། “མི་རྐྱང་གླུ་བའི་མིང་ལ་རི་ལུ་ཟེར།༼བོད་འབྱོར་རྩོམ་ཡིག༽” »
བོང་སྟག་རི་ལུ།
ཐོག་མར་མི་ལུས་ཐོབ་པར་དགའ་སྣང་ཞིག་སྐྱེས་ཀྱང༌།།
བར་དུ་མི་ཡུལ་འགྲིམས་པའི་ངལ་དུབ་ཀྱིས་གཟིར་བ།།
ཐ་མར་མི་སེམས་དཀྲུགས་པའི་སྡུག་བསྔལ་ཞིག་སྐྱེས་པས།།
མི་ཡུལ་མི་ཡུལ་ཞེས་པར་ཞེན་ཆགས་ཤིག་མ་སྐྱེས།།
མི་རྣམས་མཐོང་ན་བྱ་ཚོགས་ཀྱུག་ཀྱུག་གིས་འཕུར་ཞིང༌།།
མི་སྐད་ཐོས་ནས་རི་དྭགས་ཕྱོགས་བཞི་རུ་འབྲོ་ལ།།
མི་ལུས་མཐོང་ན་ཨ་བྲ་ཙག་ཙག་གིས་གྲག་པས།།
མི་འདི་འཇིགས་སུ་རུང་བའི་གཅན་གཟན་དང་འདྲ་འདུག།
དེ་ལས་མང་བ་། “མི་ལུས་ཐོབ་པའི་སྡུག་བསྔལ།༼བོད་འབྱོར་རྩོམ་ཡིག༽” »
སྤོབས་པ་མཐའ་ཡས།
ངུར་སྨྲིག་གསེར་གྱི་སྒ་ཆས་རང་ལུས་ལ་བརྗིད་ཀྱང༌། །
ངེས་འབྱུང་སྲབ་ཀྱིས་མ་ཟིན་རང་སེམས་ཀྱི་རྟ་རྒོད། །
ཐར་བའི་གླིང་དུ་བགྲོད་པའི་བཞོན་པ་ཞིག་མིན་ཕྱིར། །
ལྟུང་བ་སྡེ་ལྔའི་བསྲུང་སྡོམ་བཤགས་གསུམ་གྱིས་ཅི་བྱ། །
འཇིག་རྟེན་ཆོས་བརྒྱད་ཟེར་བའི་དགྲ་བོ་ཡིས་བསྐོར་ནས། །
ཆགས་སྡང་མཚོན་ཆ་རྩུབ་མོས་བར་མེད་དུ་གཙེས་སྐབས། །
རྒྱུ་འབྲས་མན་ངག་བདུན་གྱི་མདུང་ཡུ་ནས་ཤོར་བས། །
མར་གྱུར་སེམས་ཅན་ཟེར་བའི་ཁ་ཕོ་དེས་ཅི་བྱེད། །
སྤོབས་པ་མཐའ་ཡས།
མི་ཡི་དབང་པོ་པཎ་ཆེན་བླ་མའི་དྲུང༌། །
མི་བྱེད་དགུ་བྱེད་ཚངས་དབྱངས་རྒྱ་མཚོ་ཡིས། །
མི་བསྲུང་མི་བསྲུང་སྡོམ་པ་མི་བསྲུང་ཞེས། །
མི་ཁར་མ་འཛེམས་བརྟུལ་ཞུགས་སྤྱོད་པ་བསྐྱངས། །
མི་སྡུག་ཧོར་སོག་སྲིན་པོའི་མཚོན་ཆའི་འོག །
མི་ཡི་བདག་པོ་སངས་རྒྱས་རྒྱ་མཚོ་ཡིས། །
མི་གཏོང་མི་གཏོང་རྒྱལ་སྲིད་མི་གཏོང་ཞེས། །
མི་མགོ་ཧོར་ལ་ཤོར་ཡང་ཕངས་པ་བྲལ། །
ཨ་མདོའི་ཕོ་རྒོད་བློ་སྤོབས་ཇི་བཞིན་གཙང་ཆེན་ས་གཞིའི་མཐའ་དབུས་བསྐོར་ནས་འབབ། ། ཡུལ་གྱར་འཁྱམ་པོའི་གདུང་སེམས་ཇི་བཞིན་ལྷོ་རླུང་ནམ་མཁའི་མཐའ་ནས་ཕྱོགས་མེད་ལྡང་། ། རྨི་ལམ་ཞིང་གི་མཛའ་མོ་ཇི་བཞིན་གློག་སྒྲོན་རྒྱང་རིང་ལྗོན་པའི་གསེབ་ཏུ་སྦར། ། མ་འོངས་བཅང་བའི་ཕུགས་བསམ་ཇི་བཞིན་གཡུ་ཡི་ལོ་འདབ་འབུམ་གྱི་འཛུམ་རྒྱ་གྲོལ། ། འཁྱམ་པོས་སེམས་པ་འཁྱམ་པོར་བསྟན་ཏེ་མི་རིགས་ཤིག་གི་འདས་པའི་ལོ་རྒྱུས་གླེང་། ། སྐྱོ་གདུང་དྲག་པོ་ཁོག་ཏུ་སྦས་ཏེ་རེ་ཞིག་བྱིས་པའི་ལོ་ཟླར་ཕྱིར་དྲན་བྱས། ། ས་སྲོད་ནམ་མཁའི་གཏིང་རུམ་འཚེར་བའི་སྐར་ཚོགས་འོད་སྣང་ཁྱེར་ནས་ནང་དུ་ལོག །…
ལྷ་གསར་བསྟེན་ཅིང་གཞོན་རབས་པ་དག་ལོག་ལམ་འཁྲིད་པའི་ནག་ཉེས་ཅན། ། སོ་ཁི་ར་ཁྲེར་དུག་ཆང་བླུད་དེ་སྒི་རིག་སྤྱི་ཚོགས་མུན་པར་ཕྱོགས། ། སར་ཝེ་ཐུ་ཡི་ཤེས་རབ་རྣོན་པོར་འཇིག་རྟེན་བྱེད་པོ་མི་དགའ་ཞེས། ། ལྟ་ལོག་ཞྭ་མོ་དགུ་བརྩེགས་དང་བཅས་དམར་པོ་མེ་ཡི་ཀློང་དུ་བསྲེགས། ། སྦི་རི་ནོ་ཡི་རྒྱུ་སྐར་ལྟ་བས་དཀོན་མཆོག་ཐུགས་དགོངས་དཀྲུགས་སོ་ཞེས། ། ཁོང་ཡང་ཡ་ང་སྙིང་རྗེ་མེད་པར་གསོན་སྲེག་སྟེགས་བུར་མ་བསྐྱལ་ལམ། ། རང་རེ་གངས་ཅན་བོད་པ་ཚང་གི་འཇིགས་སུ་རུང་བའི་ལོ་རྒྱུས་ཁྲོད། ། མིག་ལྡན་སྐྱེས་བུ་ཅི་ཙམ་ཞིག་ལ་ལོང་བས་ཁྲིམས་ཆད་མ་བཅད་དམ།…
དཀོན་མཆོག་གསུམ། དགེ་འདུན་དཀོན་མཆོག་ནི་སྐྱེ་སྟོབས་ཀྱི་དཔལ་ཡོན་འབར་བའི་མེ་ཏོག་གི་ས་བོན་ཞིག་རེད། ཆོས་དཀོན་མཆོག་ནི་ས་བོན་དེ་ལས་འབུས་པའི་བཀྲག་མདངས་འཚེར་བའི་ལྗང་མྱུག་ཅིག་རེད། སངས་རྒྱས་དཀོན་མཆོག་ནི་ལྗང་མྱུག་དེའི་རྩེ་རུ་བཞད་པའི་ཡིད་དུ་འོང་བའི་མེ་ཏོག་གི་གང་བུ་ཞིག་རེད། བདེན་པ་བཞི། འགོག་བདེན་ནི་འཇིག་རྟེན་འདིར་འགྲན་ཟླ་དང་བྲལ་བའི་མེ་ཏོག་གི་སྐྱེད་ཚལ་ཞིག་རེད། ལམ་བདེན་ནི་སྐྱེད་ཚལ་དེར་བགྲོད་སའི་ཀྱག་ཀྱོག་གི་ལམ་ཕྲན་ཞིག་རེད། ཀུན ་འབྱུང་བདེན་པ་ནི་ལམ་ཕྲན་དེའི་སྟེང་དུ་ཡོད་པའི་མི་གཙང་བའི་ལྗན་ལྗིན་རེད། སྡུག་བསྔལ་བདེན་པ་ནི་ལྗན་ལྗིན་དེ་དག་ལས་འཐུལ་བའི་དྲི་ངན་རེད།