ཀླུ་སྨྱོན། བུད་མེད་སྙན་ངག་པ་དོམ་པ་ཚེ་རིང་དབང་མོར་ཆེད་དུ་ཕུལ་བ། ཉི་ཟེར་ས་གཞིའི་སྟེང་དུ་འཕྲོས་མ་ཐག སྒྱུ་མ་མཁན་ལམ་ལ་ཆས་ཤིང་། ཁོ་ལ་དམིགས་ཡུལ་དང་རྒྱགས་བྲོ་ལྡེངས་ངེས་ཤིག་ཡོད། ཁོ་རང་ལམ་ལ་ཆས་ཤུལ་དུ། སྨུག་སྤྲིན་ཕོན་པོ་ཞིག་གིས་ཁོའི་གྲོང་ཚོ་དེ་སྟུག་པོར་བཀབ། ཡིན་ན་ཡང་། ཆུ་འགྲམ་དུ་ཁོའི་ཆུང་དུས་ཀྱི་རྐང་རྗེས་འགའ་གསལ་ལ་མི་གསལ་བའི་ཚུལ་དུ་ད་དུང་ལུས་འདུག སྒྱུ་མ་མཁན་གྱི་འཚོ་བ་ལ་དོན་སྙིང་ལྡན། སྒྱུ་མ་མཁན་གྱི་མི་ཚེ་ལ་རྒྱབ་ལྗོངས་མང་། སྒྱུ་མ་མཁན་གྱིས་རང་གི་འདོད་པ་བཞིན་ཡོད་པ་མེད་པར་བསྒྱུར་ཐུབ་ཅིང་མེད་པ་ཡོད་པར་ཡང་བསྒྱུར་ནུས། སྒྱུ་མ་མཁན་གྱི་རྣམ་ཤེས་དེ་འཇིག་རྟེན་གཞན་ཞིག་ནས་འོངས་པ་བཞིན། ཁོ་ཚོའི་རིགས་རྒྱུད་ཁོ་ནས་ད་གཟོད་འཇིག་རྟེན་གཞན་གྱི་གསང་བ་རྟོགས་ཐུབ་པར་གླེང་། བུ་མོ་ཞིག…

དེ་ལས་མང་བ་། “སྙན་ངག་པ་དང་སྒྱུ་མ་མཁན།” »

བདག་ནི་ལོ་ན་ཉི་ཤུར་བསླེབས་པའི་གཡང་དཀར་རྫི་བོ་གཞོན་ནུ་སྟེ། ། གཉིས་འཐུང་མཆེ་བ་གཏུབས་པའི་རྗེས་འགྲོ་ཟླ་ཤེལ་ཁ་བའི་རི་ཚོམ་དང་། ། རྐང་འཐུང་ཡལ་ཀ་བསྣོལ་མར་འཁྲིགས་པའི་ལྗང་མདོག་རི་བོའི་གདགས་སྲིབ་དང་། ། འཇའ་ཚོན་མེ་ཏོག་ཚོམ་བུར་བཀྲ་བའི་མརྒད་སྤང་ཐང་ཡངས་པོའི་གཞིར། ། ཨེ་ཊ་ཀ་ཡི་ཁྱུ་དང་ལྷན་ཅིག་ལོ་ཟླའི་ཕྲེང་བ་སོར་མོས་བགྲངས། ། ཉིན་ཞིག་ཆགས་ལྡན་སྔོ་བསང་གཡེམ་མས་མཚམས་སྤྲིན་དམར་པོའི་གོས་དོར་ནས། ། དགུ་ཚིགས་དོ་ཤལ་མགུལ་བར་དཔྱངས་ཤིང་སྐར་ཚོགས་སྟོང་གི་རྒྱན་སྤྲས་ཏེ། ། བཅུ་དྲུག་ལང་ཚོའི་དཀྱིལ་འཁོར་རྫོགས་པའི་མཛེས་སྡུག་ཟླ་བ་གཞོན་ནུ་དེར།…

དེ་ལས་མང་བ་། “ལུག་རྫིའི་སྙན་ངག” »

  ཀླུ་སྨྱོན། མུན་ནག་གི་འཇིག་རྟེན་ལ་ལང་ཚོ་སྣོན་པའི་སྐར་ཚོགས་དལ་བུར་འཕྱོ་བའི་མཚན་མོ་དེར། བདག་གཅིག་བུས་ཀེང་རུས་ལྟ་བུའི་ལུས་པོ་འཁྱར་འཁྱོར་ངང་དཀར་ལྷོག་ལྷོག་ཏུ་འཕྱུར་བའི་སྨུག་སྤྲིན་བརྒལ་ནས་རྒྱང་རིང་གི་རི་གྲོང་ཞིག་ཏུ་བསྐྱོད། འཇམ་སྙན་རོལ་དབྱངས་ཀྱི་འགྱུར་ཁུག་ལྟ་བུའི་དུང་ཞེན་གྱི་ལོ་འདབ་ལ་བྲིས་པའི་ཁེར་རྐྱང་གི་སྐྱོ་གདུང་དུམ་བུ། གློག་གཞུའི་འོད་སྣང་སྐྱ་བོའི་ཁྲོད་དུ་འཕུར་བའི་སྨྲེ་སྔགས་དང་མིག་ཆུའི་མངར་སྐྱུར་དང་འདྲེས་ཏེ་ཆར་ཟིམ་དལ་བུར་འཐོར་བའི་སྤྲིན་གསེབ་ཏུ་རྒྱུ། ཆར་སྤྲིན་གྱི་ལྟེབས་གཉེར་བར་ནས་གློག་ཞགས་ཀྱིས་མཚན་ལྗོངས་ལ་ཚེ་སྲོག་གི་དྲན་ཤིང་འཇོག་དུས། དྭངས་ཤིང་གཙང་བའི་གཏམ་རྒྱུད་ཅིག་བདག་གི་སྙིང་དམར་པོའི་སྒོ་གླེགས་བར་ནས་དུང་ཟླ་དཀར་པོའི་ལང་ཚོ་ཇི་བཞིན་འཛུམ་ཡོང་། ཆུ་ཐིགས་དང་ལོ་འདབ་ཀྱི་སྙིང་གཏམ་ལ་རྫོགས་ཚིག་འགོད་ཐབས་བྲལ་བའི་ལྗོན་ཤིང་གི་ཡལ་གར་བསྙེས་པའི་སྙན་ངག་པ་ཀྱེ། ས་མཐའི་གཉེན་ཉེ་ཡི་འཕྲིན་ཡིག་དང་ཁ་བ་མཉམ་དུ་འབབ་མི་སྲིད་པ་ནི། ཁྱོད་ལ་བཞག་པའི་སྐྱོ་གར་དེའི་མཇུག་མཐའི་རོལ་དབྱངས་ཐེངས་ཤིག་མ་ཡིན་ནམ། བརྩེ་དུང་དང་རེ་འདུན་བསྲེགས་པའི་མེ་ལྕེ་ནི་མཁའ་མཐའི་ཉི་མ་དམར་པོ་དེ་ལགས་པས། ཕ་སའི་སྦྲ་ནག་གི་ཆོན་ཐག་ལ་བརྒྱུས་པའི་བཅོ་ལྔའི་དུང་ཟླ་བགྲང་ལས་འདས་པའི་ཕམ་ཁའི་སྡུག་ཡུས་དེ་འདི་རུ་གྱེར་བས་ཅི་ཕན། དུང་ཟླ་ཟླུམ་པོ་དེར་ནང་ཡང་ལྷིང་འཇགས་དཀྲོག་པའི་སྙིང་གྲོགས་ཤིག་ཡོད་པའི་གཏམ་རྒྱུད་མང་མོད། འོད་དཀར་གྱི་གཟེགས་མས་ནམ་རྒྱུན་ཁེར་རྐྱང་གི་སྙན་ངག་པའི་མིག་མཐའ་བརླན་དོན་ཅི།…

དེ་ལས་མང་བ་། “འཆམ་འཆམ་ལས་བཏུས་པའི་སྙན་ངག” »

བདེ་ཆེན་སྒྲོལ་མ། མཚན་མོ་ནི་མཚན་མོ་ཡིན་པས། མཚན་མོ་ལ་རིང་ཐུང་ཞིག་གང་ནས་ཡོད། ཁ་བྱང་གི་གསང་བ། ཀ ཁ་སང་དེ་རིང༌། ཉི་མ་དང་རྡ་སའི་བར་ཐག་ཇེ་རིང་ཇེ་རིང་རེད། གཅིག་བྱས་ན་བདག་གི་བསམ་ཚུལ་ནོར་ཡོད་སྲིད། གནས་ལུགས་སྟོང་ཉིད་ཀྱི་མིག་ནང་ནས། མི་རིགས་དང་རྒྱལ་ཁབ་ག་ལེར་བོར་འགྲོ་དུས། མཚན་མོ་རིང་དུ་རིང་དུ། ལོ་དང་ཟླ་བར་འདྲེས་སོང༌། ཁ། སྐུ་ངོ་ཚོས། རྐང་པ་རྡ་ས་དང་མགོ་བོ་ཨ་རིར་བཞག་དུས་དང༌།…

དེ་ལས་མང་བ་། “མཚན་མོ་རིང་དུ་རིང་དུ།” »

ངས་ཐང་ཆད་པའི་མིག་ཟུང་དམ་པོར་བཙུམས་ཏེ། ཡིད་ཚིམ་པ་ཞིག་གཉིད་རྒྱུའི་གྲ་སྒྲིག་བྱས། ཉི་མ་ནུབ་པར་སྒུག་དུས། ས་སྲོད་ཀྱི་རླུང་བུ་ལྡང་བྱུང་། རྒྱང་རིང་གི་བྱ་ཁྱུུ་འཕུར་བྱུང་། མལ་ཁྲིའི་གཡས་གཡོན་དུ། ནུ་ཤུབ་དང་གསང་དོར་གོ་རིམ་མེད་པར་བཀྲམས་ཤིང་། མལ་ཁྲིའི་སྟེང་དུ། ཉལ་རས་ཁྲ་ཁྲ་ཞིག ཟུར་མིག་མ་དེས་སྔས་འབོལ་ཁྱེར་ནས་གང་དུ་སོང་། སྨིག་རྒྱུ་རབ་རིབ། ནགས་ཚལ་རབ་རིབ། མཁའ་དབུགས་རབ་རིབ། མེ་ཏོག་དང་རྩྭ་ལོ་རབ་རིབ། ཟུར་མིག་མ་དེ་ད་དུང་ཕྱིར་མ་བསླེབས།…

དེ་ལས་མང་བ་། “མེ་རུ་འབར་བའི་རྨི་ལམ།” »

ཚིག བོང་སྟག་རི་ལུ། དབྱངས། ནམ་མཁའ། དཔྱིད་ཀ་སླེབས་ཐེངས་རེ་ལ་མེ་ཏོག་བཞད།། མེ་ཏོག་བཞད་ཐེངས་རེ་ལ་ཨ་མ་དྲན།། ཨ་མའི་སེམས་ན་བཞད་པའི་མེ་ཏོག་དེ།། ས་མཐར་འཁྱམ་པའི་བུ་མོ་ང་རང་ཡིན།། དཔྱིད་ཀ་སླེབས་ཐེངས་རེ་ལ་ཁུ་བྱུག་གྲག། ཁུ་བྱུག་གྲག་ཐེངས་རེ་ལ་ཨ་མ་དྲན།། ཨ་མའི་སེམས་ན་རེ་བའི་དབྱངས་རྟ་དེ།། ས་མཐར་མཁྱམ་པའི་བུ་མོའི་སྐད་ཆ་ཡིན། དཔྱིད་ཀ་སླེབས་ཐེངས་རེ་ལ་ཆར་བ་བབས།། ཆར་བ་འབབ་ཐེངས་རེ་ལ་ཨ་མ་དྲན།། ཨ་མའི་སེམས་ཀྱི་མིག་ཆུ་རྡོག་པོ་རེ།།…

དེ་ལས་མང་བ་། “ཨ་མའི་སེམས། ༼བོད་འབྱོར་རྩོམ་ཡིག༽” »

པདྨ་ཚེ་དབང་ཤཱསྟྲིས་བརྩམས་པའི་སྙན་དེབ་ཀུན་རྟོག་གི་ཕྲེང་བ་ཞེས་པ་འདིར་བཀོད་ཡོད་ན། འབྲེལ་ཐག་འདི་ལ་ ༼paradoxpoetry-_final༽བསྣུན་ནས་གཟིགས་རོགས་འཚལ།

ཁ་བ་བབས་བྱུང་། རི་ལ་ཐང་མེད་པར་ཁ་བས་བཏུམས་སོང་། ཆབ་གཙང་བོ་མེད་པར་འཁྱག་པས་བསྡམས་སོང་། རྩྭ་རྩི་ཤིང་མེད་པར་གསོན་ཤུགས་ཉམས་སོང་། ཡིན་ན་ཡང་། ཟླ་བ་སྒོར་སྒོར་ཞིག་དལ་བུར་མཁའ་དབྱིངས་སུ་འཕགས་བྱུང་ལ། ཟླ་འོད་ཀྱིས་གངས་ཀྱི་འཇིག་རྟེན་འདིར་གསོན་ཤུགས་བླ་ན་མེད་པ་ཞིག་སྤྲད་བྱུང་། རང་བྱུང་ཁམས་འདི་ཡང་ཟླ་འོད་འོག་ནས་ཚེ་སྲོག་རྒྱས་པར་སྤྲོ་བ་འཕེལ་བཞིན་པའི་སྒང་ཡིན་པ་འདྲ། ཏག་ཏག་དུས་འདིར། སྤྱང་ལྟོགས་ཤིག་རི་མཐོའི་བྲག་སྐྱིབས་ཤིག་ཏུ་ཨོང་ཙོག་གིས་བསྡད་དེ། རང་གི་ཕ་མེས་ནས་བརྒྱུད་པའི་གླུ་དབྱངས་ཏེ། ཨ་འུ་་་་་་་་་་་་་་ཨ་འུ་་་་་་་་་་་་་་་་་་་་་ཞེས་པའི་དབྱངས་རྟ་སྙན་མོ་ཞིག་གི་ཀློང་དུ་བརྒྱལ་ལ་ཉེ། ཟླ་བ་སྔར་ལས་སྒོར་དབྱིབས་སུ་མངོན་ཞིང་། འཇིག་རྟེན་འདི་ཡང་སྔར་ལས་ཞི་འཇགས་ཀྱི་ཀློང་དུ་མནལ། སྤྱང་ལྟོགས་དེས་ཀྱང་ཁ་བ་བུ་ཡུག་གི་གཡུལ་ས་འདི་ནས།…

དེ་ལས་མང་བ་། “སྤྱང་ལྟོགས།” »

ཀླུ་སྨྱོན། སྡོམ་གྱི་བཀའ་དྲིན་གྱིས་ང་ཚོར་དེང་རབས་ཅན་གྱི་དྲ་རྒྱ་འདི་དག་བྱུང་བ་མ་བརྗེད་པར་གྱིས། ཁ་བྱང་གི་འགྲེལ། ས་རུབ་ནས་ཅུང་མ་འགོར་བར། ། སྡོམ་ཞིག་ཕྱི་རོལ་གྱི་འཇིག་རྟེན་འདིར་མངོན་བྱུང་། གློག་འོད་གསལ་ས་ཞིག་ནས། སྡོམ་གྱིས་དྲ་རྒྱ་འགྲེམ་མགོ་བཙུགས་སོང་། ཆར་བ་ཟམ་ཟིམ་ཞིག་བབས་བྱུང་། ཡིན་ན་ཡང་སྡོམ་གྱིས་འབད་བརྩོན་ཆེན་པོས་དྲ་རྒྱ་འགྲེམ་རྒྱུར་བར་ཆད་ཅི་ཡང་མ་བྱུང་། སྦྲང་བུ་མེ་ལྕེབས་ཤིག་དྲ་རྒྱས་བཟུང་སོང་། དེ་མ་ཡིན་པའི་སྲིན་བུ་མང་པོ་ཞིག་ཀྱང་དྲ་རྒྱའི་ཉེ་ས་ན་འཕུར་ལྡིང་བྱེད། ཅུང་མ་འགོར་བར་། སྡོམ་གྱི་འཚོ་བ་ལ་གནམ་ས་བླ་འོག་བརྗེས་པ་ལྟ་བུའི་འགྱུར་ལྡོག་ཅིག་ཀྱང་བྱུང་སོང་། སྐྱ་རེངས་ཤར་ལ་ཉེ།…

དེ་ལས་མང་བ་། “སྡོམ།” »

ཚེ་ཆོས་སྒྲོན། སྐད་འབོད་རྒྱབ་ག་ལོས་འགྲོ། ཞལ་འདོན་སྐྱོར་ག་ལོས་འགྲོ། འབུལ་བ་ཞལ་འདེབས་ལོས་ཕུལ། བོད་ཀྱི་རང་བཙན་ཆེད་དུ། རང་སྲོག་གློད་ཀྱང་ཅི་འགྱོད།

སྐུའི་གཅེན་པོ་སྟག་མཚེར་རིན་པོ་ཆེ་མཆོག་ལ་མྱ་ངན་རྗེས་དྲན་དུ། ལྷ་ལུང་རྒྱལ། ཆོས་སྲིད་ཆུ་འཛིན་གཡོ་བའི་རྔམ་བརྗིད་བློ་དང་སྤོབས་པའི་ནམ་མཁའ་ཡི།། བེཌཱུའི་མེ་ལོང་ཞལ་གྱི་ཁྱིམ་ན་ངོ་མཚར་གཟིགས་མོའི་མཚར་སྡུག་ཅན།། བཙན་པོའི་ཞབས་རྗེས་རྡུལ་གྱི་བྱིན་རླབས་སྙིང་ཁ་སྒོར་མོའི་བར་སྣང་ནས།། དོན་ལྔ་སྣོད་ཀྱི་གཤོང་བར་འཁྱིལ་བ་ལ་རྒྱའི་རླུང་གིས་གཡོ་ཞིང་འཁྱོམ།། བཙན་འཛུལ་བདུད་མོའི་བསམ་སྦྱོར་དུག་གི་སྲོག་ལ་ཉེན་པའི་རླུང་ནག་འཚུབ།། འཇིགས་རུང་ཉམས་ཀྱི་གར་ལ་རོལ་པ་གངས་ལྗོངས་རབ་དཀར་སྤྲིན་གྱི་ཚོམ།། ཚལ་བུར་གཏུབས་པའི་དཔུང་གི་ཤེད་ཀྱིས་ཀྱེ་མ་བས་བའི་མཐར་སྤྱུགས་ཀྱང༌།། རང་བཙན་གདོང་ལྔའི་གད་རྒྱངས་རིང་མོའི་ང་རོ་དབྱར་གྱི་འབྲུག་བཞིན་བསྒྲགས།། བླ་མ་ཆེན་པོའི་སྤྲུལ་སྐུ་ཡིན་ཞེས་ཡིན་དང་རྫིག་མདོག་མི་སྟོན་ལ།། སྐུ་འབུམ་དགོན་པའི་མཁན་པོར་བཞུགས་ཀྱང་མ་དྲིས་ཚུར་ལ་མི་གསུངས་ཞིང༌།། སྟོན་པ་ཆེན་པོའི་གཅེན་པོ་ཡིན་པ་གདོང་ལ་མ་བལྟས་མི་ཤེས་པར།། རང་ལུས་འདོམ་གང་རང་དབང་གཙང་མར་མི་ཚེ་ཧྲིལ་པོར་བསྔོས་པ་མཚར།། རྒ་སྡུག་རྡོ་ཡི་ཁུར་པོའི་སྟེང་ལ་གྲིབ་སྐྱོན་རྡུལ་གྱི་ལྕིད་ཕབ་ཏེ།།…

དེ་ལས་མང་བ་། “ཁ་བ་དཀར་པོས་ཁྱེད་རང་འདི་ལྟར་གླེང༌།” »

ངའི་དུར་སའི་མདུན་ལ་ལངས་ཏེ་མ་ངུ་ཞིག ང་འདི་ན་བསྡད་མེད། ང་གཉིད་བསྡད་མེད། ང་ནི་ལྷགས་རླུང་ཁྲི་སྟོང་ལྡང་བ་དེ་ཡིན། ང་ནི་གངས་ངོས་ཀྱི་ཕ་ལམ་འོད་འཚེར་བ་དེ་ཡིན། ང་ནི་སྙེ་མའི་རྩེ་ན་འཚེར་བའི་ཉི་འོད་དེ་ཡིན། ང་ནི་སྟོན་ཟླ་ར་བའི་སྦྲང་ཆར་བསིལ་མ་དེ་ཡིན། ནམ་ཞིག་སྐྱ་རེངས་ཀྱི་དབེན་འཇགས་ཁྲོད་ནས་ཁྱེད་རང་གཉིད་ལས་སད་དུས། ཁ་ཁུ་སིམ་པའི་བྱེའུའི་ཚོགས་དེས་བདེ་ལྕག་འཁྱུག་པའི་ངང་ནས་ལྡིང་འཁོར་བརྒྱབ་ཅིང་། ཨ་སྔོན་དབྱིངས་ལ་འཕུར་བའི་ཤུ་སྒྲ་དེ་ནི་ང་རང་ཡིན། ང་ནི་མཚན་མོའི་འོད་མདངས་མག་མོག་གི་སྐར་ཚོགས་དེ་ཡིན། མ་ངུ་ཞིག ང་འདི་ན་མེད། ང་ཤི་མེད། ༡༩༨༩ལོར།…

དེ་ལས་མང་བ་། “ངའི་དུར་སའི་མདུན་ལ་ལངས་ཏེ་མ་ངུ་ཞིག” »