འཇིགས་མེད།༼ཁེ་ན་ཊ༽ ཆོལ་གསུམ་བོད་མི་རྣམས་ནས།། འུ་ཐུག་བཟོད་བྲལ་བྱུང་སྟེ།། གཅེས་པའི་སྲོག་ཀྱང་དོར་ཏེ།། ལུས་ངག་ཡིད་གསུམ་ན་ཚ།། འཛམ་གླིང་ཡོངས་ལ་བསྒྲགས་ཡོད།། བདེན་པའི་རྔ་སྒྲ་ཡིན་ཞིང༌།། དྲང་པོའི་གསལ་བསྒྲགས་ཡིན་ལགས།།
ཟླ་བ་གཞོན་ནུ། ========= ཀ་ཕྲེང་ལ་འོ་བརྒྱལ་བཟོ་དགོས་སམ ཁ་ལྕེ་འདི་སྡུག་ལ་གཏད་དགོས་སྙམ་པའི་འགལ་འདུ་ཁྲོད ག་ལེར་ལོ་མང་འགྲོགས་པའི་སྨྱུ་གུ་དེ་ལག་ཏུ་ཐོགས་དུས ང་རང འཆར་ཡན་གྱི་སྣང་བ་མོད་པོས་ཡུན་གྱིས་གཅུད་བྱུང་། ཅ་རེ་ྐླད་སྦུབས་དང་ཡིད་ཡུལ་དུ་འཁོར་འོང་བ་ནི ཆ་ཡོད་དང་མཛེས་སྡུག་གི་ཁྱེད་ཉིད་དེ ཇ་ཁའི་བྱད་བཞིན་དུ་བརྟན་པའི་འཛུམ་ཀོང་ལ ཉ་མ་ཁྲི་ཕྲག་གི་སྡུག་ཡུས་འཁྱིལ ཏ་ཀུ་ལ་ཁེན་རན་པའི་རྒན་པོ་དག་གི་མིག་ཞགས་ཀྱང ཐ་མག་དང་ཆང་རག་གིས་བསྐྱོར་ཏེ་ཁྱེད་ཉིད་ལ་ཡང་ཡང་འཕེན དྭ་ཕྲུག་ལྟར་ཁེར་འགྲོ་ཁེར་འདུག་གི་གདུང་བ་བཟོད་དམ་ཞེས ན་ཟུག་གིས་བསྟིམས་པའི་འདྲི་ཚིག་ཅིག…
ཟླ་བ་གཞོན་ནུ། —— མཛེས་པོའི་ལྷ་ཟླ་དཀར་པོ།། སྤྲིན་ནག་ཕག་ལ་མ་འགྲོ། གྲོགས་མེད་ཨུཏ྄ྭཔལ་སྔོན་པོའི།། འབྱེད་འཛུམ་ཁྱེད་ལ་ལྟོས་ཡོད།།
ཨ་མེ་ཆ། ——— མིག་ཆུས་བཀྲུས་པའི་དུས་ཚིགས། ཁྲག་གིས་ཚེས་པའི་ས་གཞི། དགུན་ཟླ་འདི་ཇི་ལྟར་རིང་ནའང་། མི་རིགས་ཤིག་འཆི་མི་སྲིད་པའི་ངར་རྒྱལ་དང་སྤོབས་པས་བཞེངས་ཡོད། གནའ་ནས་བཟུང་དམངས་ཀྱི་སྨྲ་ལྕེ་འཕྲོག་སྟེ། ལྕགས་སྒྲོག་དང་ཁང་མིག་རེ་རེ་བཀོད་སྒྲིག་བྱས་ཡོད་ནའང་། སུས་ཀྱང་བསྲེགས་མི་ནུས་པའི་སེམས་ཁམས་རྣལ་མ་ཞིག་ཡོད་སྟབས། ང་ཚོ་བསྐལ་བ་མ་སྟོང་བར་མེ་རི་ལྟར་འབར་སྲིད། ང་ཚོ་དུས་ནས་དུས་སུ་གཙང་བོ་བཞིན་བརྡོལ་སྲིད། 08/02/2009 05:55:40AM
ཤར་ཕྱོགས ཁུག་རྟ།
————
ཟླ་གཟུགས་གོར་གོར་ཡིན་པས
འདྲ་གཟུགས་ཀྱང་གོར་གོར་རེད
མཚན་མོ་རེ་ན འདྲ་གཟུགས་རེ
འདྲ་གཟུགས་རེ་ན མཚན་མོ་རེ
མཚན་མོ་བུད་སོང་
གོར་གོར་དེའང་ སུབས་སོང
མཛུབ་རྩེ་གཉིས་བསྣོལ་ནས་གོར་གོར་བཟོས
མིག་ཡ་གཅིག་དེ་ལ་བཙུགས་དུས
ཟོར་གཟུགས་ཟླ་བ་འང གོར་གོར་རེད
མཛུབ་རྩེ་རེ་ན རི་མོ་རེ
རི་མོའི་སྟེང་ན་ མཛུན་ཤུལ་རེ
མར་མེ་གཟིམ་སོང
རི་མོའང་ག་ལེར་ཡལ་སོང
ཁམས་མེ་ཞགས་ཀྱིས་བྲིས། _______________ འདས་ཟིན་པའི་ཟུངས་ཁྲག་གི་ལོ་ཟླའི་ཁྲོད། ལྷ་ས་ནས་སྤུན་ཟླ་གྲངས་མེད་ཞིག དྲག་པོའི་མདའ་ཁ་ནས་བརླགས་སོང་བས། ད་ལོ། ང་ཚོ་ལ་ལོ་སར་མེད། སི་ཁྲོན་ནས་འབངས་མི་རྫོགས་མེད་ཞིག ཡ་མེད་ས་ཆེན་གྱིས་མནན་སོང་བས། ད་ལོ། ང་ཚོ་ལ་ལོ་སར་མེད། ཁྱོད་ཀྱི་ཁ་ན་མི་ཆོག་ལས་མེད་ཀྱང༌། ང་ཚོ་ལ་ཟེར་ན་གཏན་ནས་མེད། ཁྱོད་ཀྱི་ཁོག་ན་ཞེ་སྡང་ལས་མེད་ཀྱང༌། ང་ཚོ་ལ་འཁོན་ས་ཡེ་ནས་མེད།…
སེ་འབྲས་ཀྱི་གདན་ས་གསུམ་ལ།། དུག་སྦྲུལ་གྱི་ཁ་རླངས་ཕོགས་སོང༌།། རྐྱེན་ངན་གྱི་དུག་མཚོ་འདི་ཡིས།། གཞུང་ལུགས་ལ་བརྩོན་དབང་མི་འདུག མཆོག་གསུམ་ལགས་་་་་་མགོན་ སྐྱབས་གནང་རོགས་་་་་མཆོག་གསུམ་ལགས་་་་མྱུར་དུ་ཕེབས་ཤོག སྟོང་གསུམ་གྱི་ཉི་མའི་དཀྱིལ་འཁོར།། བཙོན་ཁང་གི་སྒེའུ་ཁུང་ནང་ལ།། སྤྱན་འདྲེན་གྱི་གོ་སྐབས་ཕྲ་བས།། སྐྱོ་གདུང་གི་མུན་པ་སླེབས་སོང༌།། ཉི་མ་ལགས་་་་་་་་་་་་་་་་་་་མྱུར་དུ་ཕེབས་ཤོག་་་་་་་་་ཉི་མ་ ལགས་་་་་་་་་་སྒུག་ཚོད་མི་འདུག སྔོན་བསགས་ཀྱི་ལས་དབང་ཞིག་གིས།། གཞོན་ནུ་ང་རྐྱེན་དབང་ལ་ཤོར་སོང༌།། དབུས་གཙང་གི་གདན་ས་གསུམ་ལ།།…
སེང་རྡོར། འཁོར་བ་འདི་ལ་གང་ལྟར་གཟིགས་ནའང་། ། དགའ་བའི་དངོས་པོ་ལྷག་ཙམ་མེད་མོད་ཀྱང་། ། བཅུ་དྲུག་བུ་མོའི་སྐུ་ཡི་བུ་ག་འདིར། ། རྒྱལ་བ་རྡོ་རྗེ་འཆང་དེའི་ལྷག་ཅིག་དུངས། ། ལན་བུ་ཤ་ལ་དྲུད་ན་བསྲན་མི་ཚུགས ། ནུ་མགོ་ཕོ་ལ་གཏུག་ན་སྡོད་མི་འགྲིག ། ཁ་རླངས་འདོམས་ལ་བཏབ་ན་ཤི་སྙམ་བྱེད། །…
ཀརྨ་པ། མུན་ནག་གི་ནམ་མཁའ་འདིའི་ཆེས་གཏིང་རུམ་ཞིག་ནས། རྒྱུ་སྐར་ཁྲི་ཕྲག་ཟིལ་གྱིས་གནོན་པའི་ཤེས་རབ་ཀྱི་མེ་ཟླུམ་ཞིག འཇིག་རྟེན་བྱེ་བ་ཕྲག་བརྒྱ་འོད་ཟེར་གྱིས་འགེང་བཞིན། སྐྱེ་འགྲོ་ས་ཡ་དུ་མ་སྡུག་བསྔལ་ལས་སྐྱོབ་བཞིན། འཛམ་གླིང་གི་ཆེས་མཐོ་བའི་རི་ཚོགས་ཞབས་ཀྱིས་བརྒལ་བ་འདིས། ཉིད་ཀྱི་རྣམ་དཔྱོད་དང་ཉིད་ཀྱི་ཤེས་རབ། ད་དུང་ཉིད་ཀྱི་སྙིང་རྗེ་བཅས་ཀྱི་རང་གཟུགས་ངོ་མ་དེ། ཉི་འོད་བཞིན་དུ། སྦྲང་ཆར་ཇི་བཞིན། རླུང་བུ་ལྟ་བུར། རྒྱ་མཚོའི་གཟུགས་སུ། དུས་ཚོད་དང་བར་སྣང་ལས་བརྒལ་བའི་རང་གི་རྟོགས་བརྗོད་རིང་མོ་ཞིག་བསྐྲུན་སོང་། རྩོམ་ཐུང་འདི་ནི་རྡོར་གདན་བཀའ་བརྒྱུད་སྨོན་ལམ་ཆེན་མོའི་འཕྲེད་དར་ཞིག་གི་ཆེད་དུ་བྲིས།
བོང་སྟག་རི་ལུ། སྤྲིན་ནག་ཁུར་བའི་ནམ་ཟླ།། ཁྱེད་ཀྱི་བར་སྣང་ནས་ལུས།། སྡུག་བསྔལ་ཁུར་བའི་བགྲེས་མོ།། ཁྱེད་ཀྱི་མིག་མདུན་ནས་འགྱེལ།། ཉིས་སྟོང་བརྒྱད་ལོ། ལོ་རྒྱུས་ཀྱིས་བཞག་པའི་དྲན་ཤིང༌།། སྙིང་ཁོང་ལ་བརྐོས་པའི་རྨ་ཁ།། ཟུངས་ཁྲག་འདྲེས་པའི་གཙང་པོ།། ཁྱེད་ཀྱི་རྐང་འོག་ནས་བཞུར།། བརྩེ་བ་འཁྱིལ་བའི་གཉེན་ཉེ།། ཁྱེད་ཀྱི་མིག་མཐའ་ནས་ཡལ།། ཉིས་སྟོང་བརྒྱད་ལོ། ལོ་རྒྱུས་ཀྱིས་བཞག་པའི་དྲན་ཤིང༌།། སྙིང་ཁོང་ལ་བརྐོས་པའི་རྨ་ཁ།།…
བོད་ནང་གི་གྲོགས་པོ་ཞིག་གིས་ཁོ་བོའི་སྙན་ངག་ཁག་ཅིག་གི་བརྗོད་སྙིང་བསྡུས་ཏེ་བྲིས་པའི་སྙན་ངག་འདི་ལ་གཟིགས་ཚེ་གཤམ་དུ་རྡེག་གནོན་གནོངས། sky
ཤིས་ཚང་ལྗང་མྱུག _____________ ཚེ་སྲོག་རླུང་གིས་གཙབས་པའི་དུར་ཐང་ཧྲིལ་བོར།། ནམ་ཟླ་ཁྲག་གིས་བརླན་པ་ད་དུང་སྐམ་མེད།། སྡུག་དང་མཆི་མ་བསྣོལ་བའི་ལུང་ཁུགས་དེ་རུ།། ཁྲག་གི་ལོ་སར་འདོར་བའི་ཁྲེལ་གཞུང་མི་འདུག། ཀོང་པོའི་ལོ་སར་རྒྱ་མཚོའི་མཐའ་ནས་བསུས་སོང་།། བོད་ཀྱི་ལོ་སར་བྱང་མཐའི་སྨད་ནས་རོལ་སོང་།། གཤིན་པོའི་རྣམ་ཤེས་འཁོར་བའི་སྡེ་ཆེན་གླིང་དུ།། ཁྲག་གི་ལོ་སར་དགའ་སྤྲོའི་དགོད་སྒྲར་སིམ་ཡོད།། ཕུ་ནུ་གཡུལ་ནས་ཕམ་པའི་བྱུང་བ་སྡུག་པོ།། ཨ་ཇོ་བཙོན་ལ་ཤོར་བའི་རྐྱེན་དང་ཐོགས་ཡོད།། མཚོན་གྱི་རྣོ་ངར་གཟེངས་པའི་འཇིགས་རུང་མལ་དུ།། ཁྲག་གི་ལོ་སར་བསུ་བའི་སྤྲོ་སྣང་ཡལ་མེད།། ཁ་སང་ཨ་ཕ་གྲོངས་པའི་འདས་དོན་སྣེ་ན།།…
ཟླ་བ་གཞོན་ནུ། ————– ཀ་དྲང་སྨྱུ་གུ་སོར་མོའི་རྩེར་འཆང་ནས།། ཁ་ནས་མ་སྤོབས་ཁོག་ན་གདུ་བའི་ཚིག།། ག་ལེར་དཀར་འཇམ་ཤོག་བུ་ཡངས་པོའི་ངོར།། ང་ཡིས་བྲི་རྒྱུ་མ་གཡེང་དལ་གྱིས་གཟིགས།། ཅ་ཅོ་འུར་ཟིང་ཕྱོགས་ལ་མི་དགའ་ཞིང་།། ཆ་ལུགས་ཞི་དུལ་གནས་ལའང་འབད་མཛད་མ།། ཇ་ཁའི་བྱད་བཞིན་མིག་གི་རྒྱན་གྱུར་བའི།། ཉ་མ་ཁྱེད་འདྲ་བདག་གི་སེམས་རྐུན་ཉིད།། ཏ་འདྲའི་ཀུག་ཀྱོག་སེམས་པས་ཀུན་ནས་དབེན།། ཐ་མལ་མི་ཡི་ཅོད་པནའང་བདག་ལ་མེད།། ད་ལྟ་ཡ་ཆུང་དམར་པོ་བསྟན་པ་ལ།། ན་མཉམ་ཁྱེད་རང་ཐེ་ཚོམ་བྱེད་དགོས་མེད།། པ་སངས་ལྟ་བུའི་སེམས་ལྡན་བུ་ཆུང་ང་།།…
སྐབས་བཅུ་བཞི་པའི་བོད་མི་དམངས་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དྲུག་པ།2008-9-8—–16 བེ་རི་འཇིགས་མེད། བློ་གཏོད་ལས་ལ་བཅོལ་བའི་རྨི་ལམ་རིང༌།། ཡིད་ཆེས་ལྷ་ལ་རེ་བའི་དད་པ་ཟབ།། རྣམ་རྟོག་འདྲེ་ལ་ཟ་བའི་བར་ཆད་མང༌།། མགོ་ནག་བོད་པ་སྐྱབས་པའི་མགོན་དེར་མཆོད།། ཀ་ར་ལས་ཀྱང་མངར་བའི་གསུང་བཤད་དང༌།། ཁ་བ་ལས་ཀྱང་དཀར་བའི་ལྷག་བསམ་ཅན།། ག་ས་ག་ནས་ཕེབས་པའི་སྤྱི་འཐུས་ཚོ།། ང་ཚོ་དེ་རིང་སླར་ཡང་འཛོམས་པ་སྤྲོ།། ཅ་ཅོ་རྩོད་ལ་དགའ་བའི་སྐུ་ངོ་ཚོ། ཆ་རྒྱུས་ཡོད་མེད་ཁྱད་པར་མ་འཆིས་པར།། ཇ་དང་ཆུ་ཙམ་མེད་པའི་ཚོགས་རའི་ནང༌།། ཉ་དང་ཉུང་མ་བསྲེས་པའི་གཏམ་གླེང་སྤེལ།། ཏཱ་ལའི་བླ་མའི་བཀའ་སློབ་ཁ་ལ་ཁུར།།…
དེ་ལས་མང་བ་། “སྐབས་བཅུ་བཞི་པའི་བོད་མི་དམངས་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དྲུག་པ།” »
བེ་རི་འཇིགས་མེད། ཕ་རྒན་སྟ་རེས་བསད་པའི་ཤ་ཕ་དགྲ།། བུ་རྒྱུད་སྤྱང་པོས་སྐྱེས་སྐར་མཛད་སྒོ་ལ།། སྐུ་མགྲོན་གཙོ་བོར་དྲངས་པའི་ཚོགས་ར་ནང༌།། འཚམ་འདྲིའི་གསུང་བཤད་སྤེལ་བའི་སྒྲོག་སྦྱངས་སྙན།། མ་རྒན་བཙན་གཡེམ་གཏོང་པའི་འཆལ་ཕོ་ལ།། སྲིང་མོ་བག་མར་བརྫངས་པའི་མཛད་སྟོན་ཐོག། མི་ཚོགས་བརྒྱ་ཕྲག་འཛོམས་པའི་ཚོགས་རའི་ནང༌།། ཆང་རག་ཞབས་ཏག་རྒྱག་པའི་མཛད་སྒོ་ཚུགས།། ཕ་གཞིས་བཙན་འཕྲོགས་བྱས་པའི་དཔོན་ངན་ལ།། མེས་པོའི་གཅེས་ནོར་ལྐོག་རྔོན་ཕུལ་པའི་རྗེས།། བསླུ་མེད་མགོན་སྐྱབས་འཛིན་པའི་མཚན་ལྗོངས་སུ།། རྨི་ལམ་བདེན་པར་འཛིན་པའི་འཁྲུལ་སྣང་རིང༌།། བཟའ་ཟླ་བཙན་འཛག་གཏོང་པའི་ཇག་ཚོགས་མདུན།། པུས་མོ་ས་ལ་བཙུགས་པའི་གུས་ཕྱག་གིས།།…
འདས་པའི་ལོ་ཟླ་སྐད་གཅིག་སྐད་ཅིག་གིས་བུད་ཐལ།། ད་ལྟའི་ཉིན་ཞག་ག་ལེ་ག་ལེ་ལ་འགྲོ་གིན།། མ་འོངས་ནམ་ཟླ་རིམ་གྱིས་རིམ་གྱིས་རང་འཛད་ནས།། མི་རྟག་སྒྱུ་མའི་རང་གཤིས་མི་ཚེ་འདི་རྫོགས་འགྲོ།། ཆུང་དུས་རྩེད་ར་འགྲིམས་པའི་སྤྲོ་སྣང་དེ་མ་ཐོབ།། གཞོན་དུས་ཆུང་མ་བསུས་ནས་ཁྱིམ་གཞིས་ཀྱང་མ་བཟུང༌།། རྒས་དུས་རེ་ལྟོས་བཅོལ་ས་བུ་ཚ་ཞིག་མེད་པར།། མི་རྟག་སྒྱུ་མའི་ལུས་འདི་རྨི་ལམ་བཞིན་རྫོགས་སོང༌།། ཆུང་དུས་ཐོས་པ་བསགས་པའི་སློབ་སྦྱོང་གི་འབྲས་བུ།། སྒོམ་ནས་རྒྱུད་ལ་སྦྱར་བའི་ཉམས་ལེན་ཙམ་མེད་པར།། ཁ་བཤད་ཆུ་ཡི་ལྦུ་བས་དུས་ཚོད་ཀུན་བསྐྱལ་ནས།། མི་རྟག་སྒྱུ་མའི་ལུས་འདི་སྟོང་པ་རང་ཆགས་སོང༌།། སྐྱིད་པའི་ཕ་ཡུལ་སླེབས་པའི་སྐལ་བ་དེ་མེད་འདྲ།། དྲིན་ཅན་ཕ་མ་མཇལ་བའི་ལས་འཕྲོ་དེ་མི་འདུག།…
ཤིས་ཚང་ལྗང་མྱུག ———- སྤོ་རྨོས་མིག་ཆུ་ཞིག་གི་མྱ་ངན་རུམ།། ཕུ་བོས་ན་ཟུག་ཅིག་གི་འཕེལ་རིམ་བགྲོས།། གཏམ་རྒྱུད་ཁྲག་ལ་བསྒྲེས་པའི་བྱུང་རིམ་ན།། ཉི་མའི་སྤྱན་ཆབ་བསིལ་བའི་ལེའུ་ཞིག། ལོ་ཟླའི་འཇིག་ཉེན་ཁ་བའི་གླིང་ལ་ཕྱོགས།། སྲོག་གི་སྐུད་པ་རླུང་རྟའི་འགྲོས་ལ་ཐོགས།། མུན་པ་འཚོ་བར་བསྐྱལ་བའི་རི་གྲོང་ན།། ཟླ་བའི་ལང་ཚོ་རྒུད་པའི་ལེའུ་ཞིག། གསེར་གྱི་གླེགས་བམ་ཐལ་བའི་རྡུལ་ལ་བསྙལ།། མ་ཎིའི་དར་ཆ་རྨོངས་པའི་དབྱིངས་སུ་ཕྱར།། ཆོས་ཀྱི་སྲོག་ལ་རྒོལ་བའི་སྡེ་གྲལ་ན།། བཙུན་པའི་གཟུགས་ལ་སྡང་བའི་ལེའུ་ཞིག། མེས་པོའི་གཤིས་ཀ་རྗེས་ལུས་ལྟ་བར་རློམ།།…
བོད་ནས་ལྷམ་ཀོག་གིས —————- ཕག་ལོ་བ ངས་ཁྱོད་ལ་འདྲི ཁྱོད་ཀྱིས་གསེར་ཁྲི་སེར་བོའི་ཡང་སྟེང་ནས་འཇིག་རྟེན་ལ་ལྟ་དུས ཞོགས་པ་དང་ས་སྲོད་ལ་པོ་ཏྰ་ལའི་མཛེས་སྡུག་གི་རྒྱ་ཕིབས་མཐོང་དུས ཁྱོད་ལ་སྐྱོ་བ་དང་སྡུག་བསྔལ་ཡོད་དམ ཕག་ལོ་བ ངས་ཁྱོད་ལ་འདྲི ཅི་བྱ་གཏོལ་བྲལ་གྱི་ལོ་ཟླ་རླུང་རླབས་ཀྱིས་དེད་ནས ཁྱོད་ཀྱིས་འགྲོ་འདུག་སྤྱོད་གསུམ་བྱ་སྤུ་ལྟར་སྐྱོད་དུས ཁྱོད་ནི་ཉམ་ཆུང་གི་བྱེའུ་ཁེར་འཕུར་ཞིག དེ་དུས་གར་སོང་གི་གཞི་ནས་མཆི་མ་བཏོན་མྱོང་ངམ ཕག་ལོ་བ ངས་ཁྱོད་ལ་འདྲི…
ཤིས་ཚང་ལྗང་མྱུག ————— ལམ་འགྲམ་གྱི་ལྗོན་གསེབ་དེ་རུ ངོ་མི་ཤེས་པའི་སྤྲེའུ་ཞིག་གིས་སྙན་ངག་གྱེར་གྱིན་འདུག སྙན་ངག་ཏུ་སྤྱི་ཚོགས་ཤིག་གི་སྣང་ཚུལ་གླེང་གི་འདུག ངའི་སྔུན་གྱི་ཕྱི་གླིང་ལམ་འགྲོ་བ་དེས གོམ་ཁ་ཕྱིར་ལ་ནུར་ཙམ་གྱིས་ རྒྱབ་ཁུག་ཏུ་བཅུག་པའི་པར་ཆས་མཆུ་རིང་དེ་ ཕྱིར་ལ་བཏོན་ཏེ་ ཡ་མཚར་མདོག་གིས་སྤྲེའུ་དེའི་ཉམས་སྣང་མཐའ་དག་སྒྲོན་པར་བརྩམས། མ་ཎིའི་དབྱངས་རྟ་ལ་བྱང་བའི་རྨོ་མོ་དེས་ཀྱང་ མིག་ཆུའི་ཐིགས་པ་འགའ་མཁུར་འགོར་དཔྱངས་ཏེ སྤྲེའུས་གྱེར་བའི་སྙན་ངག་ལ་རྣ་བ་བླགས་ཤིང་། ཕྱི་གླིང་བའི་པར་ཆས་ཀྱི་ནང་དུ་ རང་ཉིད་ཐེ་བའི་རེ་བ་བཏོན།…
རས་པ ——- ནམ་ཞིག ཁྱེད་རང་བཞུད་འགྲོ་ཁའི་སྐད་ཅིག་མའི་དུས་དེར་ཡང༌། བདག་གི་སྣང་བ་གཙང་མ་འདི་ལ་ཕྱིར་ལྟོས་ཡང་ཡང་གནང་རོགས་ཞུ། སྲོད་ཁའི་རླུང་བུ་ཕྲ་མོས་སྐྲ་ལོ་སིལ་སིལ་སྒུལ་བའི་ངང་ཚུལ་དེ་ནི་ཞི་འཇམ་གྱི་སེམས་དོན་ལ་ཡང་ཡང་འགྲེལ་རོགས་ཞུ། ཁྱེད་རང་བཞུད་འགྲོ་དུས། དུས་སྐར་གྱི་ཆ་ཤས་རེ་རེས་བདག་ཉིད་ཀྱི་ཡོད་ཚད་སྟོང་བར་བཟོ་ངེས་ཀྱང༌། ནམ་མཁའི་དབྱིངས་ཀྱི་ཟླ་ཟེར་ཕྲ་མོ་ཞོགས་རྩྭའི་ཟིལ་ཐིགས་བཞིན་ཁྱོད་ཀྱི་མིག་མཐའ་རུ་མ་ལེན་རོགས། བདག་ཉིད་འགྲུལ་བཞུད་ལ་གོམས་པའི་རྐང་ལམ་ཕྲ་མོའི་ཟུར་དུ། ལྗོན་པའི་རྩེ་མོ་ནང་དུ་བཀུག་སྟེ་ང་ལ་བརྩི་བཀུར་མེད་པའི་བཟོ་ལྟ་རེ་སྟོན་སྲིད་ཀྱང༌། ཟླ་འོད་གཙང་བོར་བཞུར་བའི་གཅེས་སེམས་ཁོ་ནས།ངས་ཁྱེད་ཀྱི་སྐྲ་ལོ་ལས་མང་པའི་རང་ཉིད་ཀྱི་མདུན་ཕྱོགས་སུ་ཡང་ཡང་ལྟ་སྲིད། ཁྱེད་ཀྱི་གཅེས་ངག་ལས་མངོན་པའི་གཞས་དབྱངས་ཕྲ་མོའང་སྣང་བ་གཙང་མའི་བསིལ་གདུགས་སུ་འཁྱེར་ངེས་ལགས། ཁྱེད་རང་ཕེབས་རྗེས་སུ། བདག་གི་གཉིད་ལམ་ནི་སྟོང་ཁམས་ཆེན་པོ་ཞིག་ཏུ་ཅིས་ཀྱང་འགྱུར་བར་ཤོག…