མིག་གསུམ་པ། ལྡ་ལི།
༡
སྒྲོལ་མ་དཀར་མོ
ཆེས་ཐོག་མའི་ཐུག་ཕྲད་ཀྱི་ཀློང་ནས
ཁམས་འདྲིའི་གོམ་སྟོབས་ལ་ཁད་ཀྱིས་ཞུགས་ཏེ
ཁྱོད་ཀྱི་ངོ་གདོང་ལ་ཐད་ཀར་དུ་ལྟ་དུས
ཞལ་རས་སྒོར་སྒོར་དེ་ང་ལ་གནང་བའི་པད་དཀར་ཞིག་གམ
སེམས་སྒྲ་གཉོམ་པོ་དེ་ང་ལ་བཏང་བའི་གླུ་གཞས་སྙན་མོ་ཞིག
ཀ་ཁ་ག་ང་ཤེས་པའི་ཁེངས་པ།
མེ་ཏོག་དཀར་པོ།
ཀ་ཁ་ག་ང་ཤེས་པའི་ཁེངས་པས། །
ཁ་ལྕེ་བརྒྱ་དང་སྟོང་དུ་སྤྲུལ་ཏེ། །
ག་ས་ག་རུ་ཆོས་ལ་སྨོད་མཁན། །
ང་ཚོའི་ཁྲོད་དུ་མང་དུ་མང་དུ། །
ཅ་ལག་ཙག་ཙིག་བཙོང་མཁན་ཡན་གྱི། །
ཆ་འཇོག་བློ་བཏད་བཅོལ་སའི་ཡུལ་ཞིག །
ཇ་ཕུད་ཆང་ཕུད་མཆོད་ཡུལ་སྲུང་མར། །
ཉ་སོགས་དུད་འགྲོ་འདྲ་འོ་སྐད་དོ། །
མུན་ནག་དང་སྐྱོ་གདུང་གི་ལོ་ཟླ་མངོན་པའི་ཁྲག་དྲོན་གྱི་ཟིན་ཐོ།
ངས་པོ་རྒྱལ་མཚན།
སྔོན་བྱུང་ཞི་བའི་ཁམས་སུ་རང་དབང་དཔལ།།
མ་བཅོས་ལྷུན་གྲུབ་རང་བཞིན་གཏེར་གྱི་མཛོད།།
གློ་བུར་དུད་རབས་ཉི་ཤུའི་སྲིབ་ཀ་ནས།།
ཀླ་ཀློའི་གདུང་རྩུབ་ཅིག་གིས་རྩད་ནས་གཏོར།།
འགྲན་བྲལ་མེས་པོའི་ཐུགས་མཚོའི་ལྟེ་བ་ལས།།
ལེགས་འཁྲུངས་ནང་རིག་རིན་ཆེན་ནོར་བུའི་ཕུང།།
མེ་ཆུའི་སྦྱོར་བ་བཙན་པོས་བརླགས་བྱས་ཏེ།།
དབེན་གནས་ཞི་གྲོང་ཁྲག་མཚོའི་གླིང་དུ་བསྒྱུར།།
དེ་ལས་མང་བ་། “མུན་ནག་དང་སྐྱོ་གདུང་གི་ལོ་ཟླ་མངོན་པའི་ཁྲག་དྲོན་གྱི་ཟིན་ཐོ།” »
མི་མཐོང་སེམས་པ་མ་མཐོང་བུ་མོས་ཁྱེར།
ནམ་མཁའ།
འདོད་པ་མང་བའི་སེམས་ཀྱི་མཁའ་དབྱིངས་སུ།།
ཆགས་སེམས་སྤྲིན་གྱིས་བྲིས་བའི་བུ་མོ་ལ།།
དྲན་པའི་ཡིད་ཀྱི་འཇའ་ཚོན་སྐེ་རྒྱན་འདི།།
གཡུ་ཆུང་བུ་མོའི་མགུལ་དུ་འཁྱོལ་བར་ཤོག།
དབྱངས་ཅན་ངག་གི་རོལ་མོའི་གདངས་ཀྱི་གཟུགས།།
དབྱངས་ཅན་ངག་གི་གཅུང་མོས་བྲིས་བ་ཞིག།
སྤྲིན་ལས་གྲོལ་བའི་ཟླ་བའི་འོད་སྣང་བཞིན།།
ཡུན་རིང་འཁྱམས་པའི་བུ་ཡི་སེམས་སུ་ཤར།།
སྲུང་མ་དང་སྐུ་རྟེན་ཕལ་ཆེ་བའི་དེ་ཉིད།།
མགོན་པོ་བསོད་ནམས།
ཀ་མེད་གལ་ལ་ཐུག་དུས་སྐུ་རྟེན་སྐུལ།། ཁ་རྗེ་དབང་ཐང་ཉམས་ཤིང་མགོ་མེད་བོད།།
ག་བར་ཁྲིད་ན་ཆུ་སྣ་གར་འཐེན་འདིས།། ང་ཚོར་ཇུས་ཉེས་ཐེབས་པའི་ལོ་རྒྱུས་མང་།།
དེ་རིང་དང་སང་ཉིན།
འབའ་སྲས།
དེ་རིང་འཐུང་བའི་ཆང་འདི་ཞིམ་པོ་མ་རེད།།
དེ་རིང་ལངས་པའི་གླུ་འདི་སྙན་མོ་མ་རེད།།
དེ་རིང་སྡོད་སའི་རྐུབ་སྟེགས་བདེ་བོ་མ་རེད།།
སང་ཉིན་སྐྱིད་པའི་འཚོ་བ་བདག་ལ་ཡོད་དམ།།
སྒུག་ཡོད།
རྨེ་རུ།
ཉི་མ་ལ་ཁར་འགྲོ་འགྲོ།
ང་ཚོ་ཕ་ཡུལ་ལ་འགྲོ།
གཉེན་ཉེ་ཚོས།
རེ་སྒུག་གི་ཁ་བཏགས་བཟུང་ཡོད།
མཚན་མོ་འདི
མིག་གསུམ་པ། ལྡི་ལི།
ཕྱི་རོལ་ན་གྲགས་འགུལ་ཅི་ཡང་མེད་པའི་ཁོར་ཡུག་འདིར
ང་རང་འོད་སྣང་གི་ཉེ་སར་བཅར་དུས
འོད་སྣང་གིས་བདག་ལ་སྩལ་བའི་བསམ་གཞིག་བརྩེགས་མ
ཁ་བའི་འདབ་མ་བཞིན་སྨྱུག་རྩེ་ནས་བབས
སྨུག་པའི་ཕྱི་ནང་གི་སེམས་པ
མིག་གསུམ་པ། ལྡི་ལི
རྟག་བརྟན་མེད་པའི་འཁོར་བ་འདིའི་ཕྱི་ནང་
ཅི་ཡང་མ་མཐོང་བའི་མིས་བཟོས་ལྡུམ་རྭ་ཆེན་པོ་ཞིག
འཁོར་བར་གནས་པའི་དགེ་སྡུག་གི་བྱེད་པོ
ངའི་ཁོར་ཡུག་གི་མེ་ཏོག་བཅོམ་བྱེད་ཀྱི་ཆར་བ་ཞིག་དང་ཀུན་ནས་མཚུངས
ཆར་བ་བབས་ཐེངས་ཤིག་གིས སེམས་པ་འདི་མགོ་ལྕོག་ལྡེམ་པར་བྱས་པའི་མེ་ཏོག་ཕོན་པོ་ཞིག་ཏུ་བསྒྱུར
པཎ་ཆེན་ཐམས་ཅད་མཁྱེན་པའི་རྗེས་དྲན་ཡིད་ཀྱི་སྨྲེ་ངག
སེར་སྨད་དགེ་བཤེས་ལྷ་རམས་པ་ཡང་སྟེང་སྤྲུལ་སྐུ།
༄༅། །བདེ་ཅན་ཞིང་ནས་གངས་ཅན་བོད་དུ་སྐར་མདའ་བཞིན་དུ་བྱོན་པ་ཡི། །
རྒྱལ་བའི་དབང་པོ་འོད་ཟེར་དཔག་མེད་པཎ་ཆེན་སྙིང་གི་ནོར་བུ་ལགས། །
ད་སྟེ་ཁྱེད་ཉིད་ཞི་བར་གཤེགས་ཏེ་ལོ་གྲངས་ཉེར་གསུམ་ཙམ་ཞིག་ཐལ། །
འོང་ཏང་བདག་གི་ཁོག་པའི་སྙིང་དུ་ཁྱེད་ཉིད་ཁ་སང་བཞིན་དུ་བཞུགས། །
གྱ་བདུན་ལོ་རུ་མགོན་པོ་ཁྱེད་ཉིད་བོད་ཁམས་ཤར་ཕྱོགས་འདབ་ཡུལ་དུ། །
དགྱེས་བརྩེས་གཟིགས་པས་ཞབས་ཟུང་འཁོར་ལོ་དཀའ་བ་སྟོང་གིས་སྒྱུར་བ་ན། །
ཁྱེད་ཀྱི་ཞལ་རས་ཉ་གང་ཟླ་བས་འཛུམ་དམུལ་དམུལ་གྱི་དགྱེས་ཉམས་བཅས། །
བྱམས་བརྩེ་ཕྱག་གིས་བདག་གིས་མགོ་བོར་རེག་པར་མཛད་པ་ཡིད་ལ་དྲན། །
དེ་ལས་མང་བ་། “པཎ་ཆེན་ཐམས་ཅད་མཁྱེན་པའི་རྗེས་དྲན་ཡིད་ཀྱི་སྨྲེ་ངག” »
དེ་རིང་གི་དངོས་སྒྲུང་སྐྱ་མོག་མོག
འབའ་སྲས།
༼ཀ༽
ཁ་སང་གི་གཏམ་རྒྱུད་དེ་འོད་ལམ་ལམ།
དེ་རིང་གི་དངོས་སྒྲུང་ནི་སྐྱ་མོག་མོག
ཨ་ཕ་ལགས། དྲང་མོར་གསུངས་དང་།།
གཏམ་རྒྱུད་དེ་ངོ་མ་བདེན་པ་ཡིན་ནམ།
ཟླ་བ་དང་མེ་ཏོག
(༧ཀུན་གཟིགས་པཎ་ཆེན་ཚང་ལ་ཕུལ་བ།)
གཅན་འོད་འབར།
བརྗེད་དཀའ་བའི་ཉིན་མོ་འདིའི་ནམ་ཟླའི་བཞུད་སྟངས་ཀྱིས།
ཟླ་བ་ཞིག་ཤར་ནས་ནུབ་ཚུལ་དྲན་དུ་བཅུག་ལ།
མེ་ཏོག་ཅིག་འཁྲུངས་ནས་བོར་ཚུལ་ཡང་བསམ་དུ་བཅུག
དད་བརྩེའི་མིག་ཟུང་ནས་བྲལ་བའི་ཟླ་བ།
རེ་བའི་སེམས་ཁོང་ནས་ཡལ་བའི་མེ་ཏོག
བཙལ་ནས་མ་རྙེད་པའི་ཟླ་བ་དང་མེ་ཏོག
ད་ལྟ་གང་ཞིག་ན་མཉམ་དུ་བཞད་ཡོད།
བདག་མེད་སྤྲུལ་སྐུའི་འཁྲུངས་སྐར་རོལ་བ།
ཁྱུང་ནག
ཁྱེའུ་ཆུང་ཆུང་ཞིག་ངོས་འཛིན་གནང་མ་ཐག་གྲོངས་སོང
བིས་མདོའི་མགོན་པོ་ཚེ་བརྟན་ཡར་ཁྲིད་ཤོག་ཟེར
ཉི་མ་ལྷ་ས་ན་འོས་སྤྲུལ་མང་པོའི་སྟག་སེང་འགྱིང་འདུག་ཟེར
གོ་མན་ཏང་དང གུང་བྲན་ཏང་གིས
ཡང་ན་ཆིངས་ཡིག་དོན་ཚན་བཅུ་བདུན་གྱིས
ཁྱེད་རང་སེང་ཁྲིའི་སྟེང་དུ་བཞག་ཅིང
ཐམས་ཅད་མཁྱེན་པས་རྒྱང་རིང་ནས་ཁྱེད་ལ་བཀའ་ཡིག་བསྩལ
པཎ་ཆེན་དྲན་པའི་འཁང་གཞས།
ཆབ་བྲག་ལྷ་མོ་སྐྱབས།
མགོན་པོ་འོད་དཔག་མེད་ལགས། བདེ་བ་ཅན་ལ་བཞུགས་ཟེར། དེ་སྲས་པཎ་ཆེན་བླ་མ། མི་ཡུལ་བཙོན་རར་བཞུགས་འདུག སངས་རྒྱས་འདི་འདྲ་ཡིན་ན། མི་ཡུལ་ཕེབས་ནས་ཅི་བྱེད། སུ་ཡིས་སུ་ཞིག་སྐྱོབ་རྒྱུ།
པཎ་ཆེན་སྣང་བ་མཐའ་ཡས། འོད་ཟེར་སྤྲོ་རྒྱུ་མིན་ན། མུན་ནག་ནང་གི་ང་ཚོས། རང་ལུས་མཆོད་མེར་སྦར་ནས། གསོལ་བ་སྨོན་ལམ་བཏབ་པ། དོན་མེད་སྡུག་གྱོང་མིན་ནམ། ཐུགས་རྗེའི་སྤྱན་ཆབ་གང་ན།
ཞེ་སྨྲེང་བའི་སྒང་ལ་སྡུག་གི
ལྷ་ལུང་རྒྱལ།
རྫ་སྤང་ནགས་རི་ཚལ་བར་གཤག་ཅིང་དགོ་འབྲོང་རི་དྭགས་མཚོན་ཁར་རྫོགས།།
ཤང་ཤང་གཙང་པོ་དུག་གིས་སྦགས་ཏེ་འབྱིན་རྔུབ་རླུང་ཡང་ནག་པོས་རྒྱུ།།
ཉི་མའི་ཁྱིམ་གྱི་འོད་རླབས་དམར་པོར་བསྐལ་བའི་འཁྱག་རོམ་གདུ་ཞིང་འཁོལ།།
བསིལ་ལྗོངས་སྣོད་ཀྱི་འཇིག་རྟེན་ངུ་བཞིན་ནམ་ཞར་དུ་ཡང་ཁྱོད་ཉིད་གླེང་།།
པཎ་ཆེན་རིན་པོ་ཆེ་དྲན་པ།
རས་པ།
སྤྲིན་པའི་གཞུ་རྒྱུད་རྡུང་བའི་དབྱངས་རྟ་ཡིས།།
ཀ་ཁའི་ཆར་བ་གངས་ཅན་ལྗོངས་སུ་བབས།།
སྲིད་གཞུང་ཞིང་ས་ཡིན་པའི་འབྲས་བུ་ལ།།
སྐད་ཡིག་རྩམ་པའི་ལོ་ལེགས་བྱུང་འདི་དྲན།།
ལྷ་སྲས་དོམ་ནག་སྣ་མེད།
བོན་རྒྱ་བསྟན་འཛིན་རབ་རྒྱས།
ངས་ཤེས་རིག་གི་ཞལ་པགས་ཕྱེ་ཙམ་ནས། ཁྱོད་ནི་འཇོན་པོ་མཐུར་མེད་ཀྱི་ཚོང་བ་རྒྱགས་པ་ཞིག་ཏུ་གོ་སོང་ལ། དཔའ་སྙིང་ཞུམ་མེད་ཀྱི་དོམ་ནག་སྣ་མེད་ཅིག་ཏུའང་ཐོས་མྱོང་། ནམ་མཁའ་དང་ས་གཞི་ཡུག་གཅིག་ཏུ་ཆ་ལང་རྡེབ་པའི་ལོ་ཟླ་དེ་ལའང་། ཁྱོད་ཀྱིས་ཤི་བོ་གྲངས་མེད་ཀྱི་བསྔོ་ཡིག་ཁྲི་ཕྲག་བདུན་ངར་སྐད་ཀྱིས་བསྒྲགས་ཤིང་། འཁྱག་ལ་གཟེར་བའི་མུན་ནག་གི་ལྕགས་སྒམ་ཞིག་ཏུ་ལོ་རྒན་དགུ་སྟོབས་ཀྱིས་བསྐྱལ་མྱོང་ཟེར།
རེ་བའི་མིག
སྤྱི་འཐུས་རྨོག་རུ་བསྟན་པ།
གངས་རི་དཀར་པོའི་མཛེས་སྡུག་གི་རྒྱན་ཆ་སྒྲོན་པའི་བསིལ་ལྡན་གྱི་གངས་ལྗོངས་ནི་ང་ཚོའི་མེས་པོ་དག་གི་ལེགས་སྐྱེས་ཀྱི་འོད་སྣང་སྒྲོན་སའི་བསྟི་གནས་ཡིན། ང་ཚོས་ལོ་རྒྱུས་ཆེས་རིང་ས་ནས་བཤད་ན་གངས་ལྗོངས་དང་ཁ་བ་ནི་བོད་མི་རིགས་འདིའི་ཚེ་སྲོག་གི་དར་སྐུད་ཉག་ཅིག་ཡིན། ང་ཚོ་དང་ལོ་རྒྱུས་ཀྱི་དབང་པོ་དག་གི་བར་ལ་ཁ་བའི་འཚོ་ལམ་ནས་རྙེད་པའི་དམིགས་བསལ་གྱི་འབྲེལ་ལམ་ཞིག་ཡོད་པ་ནི་
པཎ་ཆེན་དྲན་པ།
སྤྱི་འཐུས་གངས་ལྷ་མོ།
མེས་པོའི་ཤུལ་ལུས་ནམ་མཁའི་དབྱིངས་སུ་ཐོར།།
རིགས་ཀྱི་ཉིང་བཅུད་དྲི་མའི་ཀློང་དུ་ཐིམས།།
ཁ་བ་རི་བའི་ལུས་སེམས་འཁྱག་ལ་འབྱར།།
ཉི་ཟླ་མེད་པའི་འཁོར་འདི་འཇིགས་སུ་རུང།།
བྱིས་དུས་མག་མོག་ཅིག་ཕྱིར་དྲན་ལས་ཁྱེད་ཉིད།
ཐོར་རྒོད་པ་སྤྱན་ཆབ།
ཆུང་ཆུང་བྱིས་པའི་དུས་ཚེ་ལ།།
སྐུ་ཡི་འཕེན་པ་རྫོགས་པ་ཐོས།།
དུང་ཟླ་དཀར་པོའི་དཀྱིལ་འཁོར་ནས།།
ཁྱེད་སྐུ་རབ་རུབ་མཇལ་བ་དྲན།།
ཞིབ་ཀྱིས་བལྟས་པས་ཡོད་ཡོད་འདྲ།།
ཡང་ཡང་བལྟས་པས་མེད་མེད་འདྲ།།
མིག་ཟུང་ཕྱིས་ནས་བལྟས་པ་ན།།
ཡོད་ཡོད་འདྲ་བའི་སེམས་དེ་རྨད།།