ནམ་མཁའ།
སྟོབས་ཆེན་ཉོན་མོངས་བཅོམ་ལ་མཚོན་ཆ་མ་ཐོག་པར།།
ཤེས་རབ་རལ་གྲི་ཀུན་གཞི་སེམས་ལ་བརྡར་བའི་མཐུས།།
བདག་འཛིན་དགྲ་དཔུང་རང་གིས་བཅོམ་པའི་འབྲས་བུ་ལ།།
མཚན་དཔེ་ཕྱག་ཞབས་འཁོར་ལོའི་རི་མོ་ལྷུན་གྱིས་ཤར།།
འདོད་པའི་ཁམས་ཀྱི་བདེ་ལ་ཆགས་པའི་འཇིག་རྟེན་འདིར།།
སྐྱེ་རྒ་ན་འཆི་མཐོང་བའི་ཡིད་ཀྱི་ཆོད་སེམས་ལ།།
བུ་དང་ཆུང་མ་ལ་སོགས་བསྐྱུར་ཏེ་དབེན་པའི་གནས།།
གཅིག་བུ་བསྐྱོད་པའི་རྒྱལ་སྲས་གཞོན་ནུ་དེ་ལ་འདུད།།
གཅན་འོད་འབར།
ཁ་དོག་དང་པོ།
ཁ་དོག་ཅིག་ལ་ཐིམ་པའི་ཚེ་སྲོག་འདི།
ཐོག་མཐའ་བྲལ་བའི་གཏམ་རྒྱུད་ཅིག་གི་བྱུང་ཚུལ་ཡིན་ན།
ཁ་དོག་གིས་ཟོས་པའི་མི་ཚེ་འདི་ཡང།
མཐའ་མེད་པའི་རྒྱ་མཚོ་ཞིག་འཁྱིལ་ནས་སྐམ་ཚུལ་ཡིན་ངེས།
ཡང་སྙིང་སུ་དང་གང་ལ་ཡང་ཁ་དོག་མི་འདུག་སྟེ།
མིག་གིས་འཁྲུལ་བའི་སྣང་བརྙན་རྫུན་མ་ཞིག་དང།
སེམས་ཀྱིས་བསྐྲུན་པའི་གཟུགས་རིས་སྟོང་བ་ཞིག་སྟེ།
ནག་པོ། དཀར་པོ། སེར་པོ། དམར་པོ།
ཀ
མཐའ་མེད་པའི་ཁྱེད་ཀྱི་འཆར་སྣང་མང་པོ།
ཐལ་རྡུལ་དཀར་པོ་འཚུབ་འདྲའི་བར་སྣང་གི་སྐར་ཚོགས་ཡིན་པ་འདྲ་བྱུང་།
ཁྱེད་ཀྱིས། ་་སྐར་མ་མེ་བདུན་གྱི་སྐྱོགས་ཀྱིས་བཅུས་པའི།
ནམ་མཁའི་དགུ་ཚིགས་སྐྱ་མོ་་༡
ངེད་ཅག་གི་བདུན་དུ་གཏོར་བའི་སྙན་ཚོམ་འདི་དག་ཅིའི་མ་ཡིན།
རྩོམ་པ་པོ། ཁ་བ་རི། (བོད་འབྱོར།)
བསྐུར་བའི་འཕྲིན་ཆུང་རབ་གསལ་ཉི་མ།
གནམ་རུ་སྔོན་པོ་འདི་ཡི་མཐའ་རོལ་ན།
ནུབ་རིའི་ས་གནམ་གཉིས་ཀྱི་ཁ་མཚམས་ན།
འབྱོར་ཕྱུག་སྟོབས་ཀྱིས་བཙན་པོའི་རྒྱལ་ཁབ་ན།
རང་དབང་དང་དྲང་བདེན་སྐྱོང་བའི།
མི་རིགས་དང་ལ་རྒྱ་གླེང་བའི།
འཚོ་བ་དང་གོམས་སྲོལ་སྐྱོར་བའི།
བོད་པའི་བུ་མོ་ལྕགས་མོ་མཚོ། འཚོ་བཞུགས་གནང་རོགས།
ནམ་མཁའ
ནོར་ལ་རྔམ་པའི་གཡོ་ཅན་སྤྲུལ་རྫུན་འགས།།
འབྱོར་ལྡན་ཙི་ནའི་གྲོང་གི་སྡུག་ཅན་ལ།།
ཆོས་མིན་ལོག་བཤད་གཏམ་གྱི་ར་བ་རུ།།
ཕྱག་རྒྱ་བཞི་ལྡན་དབང་ཡང་ཁྲོམ་དུ་བཤམས།།
འཁྱོགས་པའི་གཏམ་ལ་སྤྲོ་བའི་འཇིག་རྟེན་འདིར།།
དཔོན་པོ་ཕལ་ཆེར་གཡོ་སྒྱུའི་གར་སྟེགས་སུ།།
ཕྱི་མཛེས་ཟློས་གར་འཁྲབ་མཁས་བུ་མོ་ལ།།
གཡོ་ཆང་མངར་མོ་བླུད་དེ་མགོ་བོ་དཀྲུགས།།
འབའ་སྲས།
བོད་ཀྱི་སྲིད་དབང་ལྷ་སའི་ཡུལ་ནས་བཙུགས།།
རྒྱལ་བོའི་ཕོ་བྲང་ལྷ་སའི་རི་ནས་བཞེངས།།
སྐུ་དྲག་བླ་བྲང་ལྷ་སའི་མཁར་ན་མང་།།
དེ་རིང་ལྷ་ས་བ་ཚོ་གང་དུ་བྲོས།།
སྲོང་བཙན་སྒམ་པོས་བཙན་མཁར་ལྷ་སར་བརྩིགས།།
ཁྲི་སྲོང་བཙན་པོས་ཆོས་སྒོ་ལྷ་སར་ཕྱེས།།
ཆོས་སྲིད་གཉིས་ཀྱི་བདག་པོ་ལྷ་ས་བ།།
དེ་རིང་ཡུལ་ཁམས་གང་དུ་བདེ་བར་བཞུགས།།
(གྲོགས་པོ་ཞིག་ལ་འཕྲིན་དུ་ཕུལ་པ།)
ཚྭ་རུ་མ་ཐབས་མཁས་ཀྱིས།
ཡ་མུ་གཙང་བོའི་འགྲམ་གྱི་སྤྲིན་དཀར་གྲོང་།།
ཁྱོད་དང་ཁྱོད་ལ་དབང་བའི་འཇིག་རྟེན་དེས།།
མུན་རླབས་མཐུག་པོའི་ཕ་རོལ་ཕ་རོལ་ན།།
འོད་དམར་འཁྱུགས་པའི་འོད་སྣང་ཁྱབ་ནས་འདུག།
ཁྱོད་ཀྱི་ཆང་ཕོར་བཟི་བའི་གོམ་འགྲོས་འགའ།།
ཡ་མུ་གཙང་བོས་ཤབ་ཤུབ་གླེང་ན་ཡང་།།
ད་དུང་བཟི་མེད་ཟེར་བའི་ཆང་ཕོར་དེ།།
འཁྱར་བཞིན་འཁྱོར་བཞིན་ད་དུང་ཆང་དགོས་ཟེར།།
ཁ་བྱང་གི་འགྲེལ།
ཡོད་ཚད་ཐམས་ཅད་དུས་ཚོད་ཀྱིས་བཟོས་ཤིང་གྲུབ། དུས་ཚོད་ཀྱིས་བཟོས་ཤིང་མ་གྲུབ་པའི་དངོས་པོ་རྡུལ་ཕྲན་ཙམ་ཡང་ཡོད་པ་མ་ཡིན་ནོ། -མདའ་ཚན་པ།
དུས་ཚོད་ནི་ཅི་ཞིག་རེད་ཟེར་ན།།
ཚན་རིག་པར་འགྲེལ་བཤད་ཉུང་གི་ཟེར།།
ཤེར་རྟོག་པར་སྐད་ཆ་དཀོན་གི་ཟེར།།
ཆོས་ལུགས་པའི་ངག་སྒོ་དམ་གི་ཟེར།
དུས་ཚོད་ལ་འགྲེལ་ཞིག་མ་བརྒྱབ་ན།།
དུས་ཚོད་ཀྱིས་གནང་བའི་ཀླད་པ་འདི།།
དུས་ཚོད་ཀྱི་ཆེད་དུ་བཏང་བ་འདི།།
དུས་ཚོད་ཀྱིས་འཕྲོ་བརླག་འགྲོ་བ་འདྲ།།
འབའ་སྲས།
གླེགས་བམ་མཐུག་པོ་ཞིག་ཆུ་ལ་བསྐྱེར་ཞིང་།།
ལོ་རྒྱུས་དེབ་ཐེར་ཞིག་མེ་ལ་བསྒྲོན་པའི།།
ན་ནིང་དགུན་ཁ་ཡི་རླུང་གི་རལ་གྲིས།།
ཁྱོད་ཀྱི་སྙིང་ངོས་ལ་རྨ་ཁ་བཟོས་སམ།།
གསེར་ཆེན་མེ་ཏོག་ཅིག་བྲེགས་པའི་ཤུལ་ཏུ།།
ཧ་ལོ་མེ་ཏོག་ཅིག་བཙན་གྱི་སྐྱེས་དུས།།
ན་ནིང་མཚན་གུང་དུ་བོར་བའི་ཟླ་བ།།
དེ་རིང་གང་ཞིག་ན་འཛུམ་པ་མཐོང་ངམ།།
༡
བྱུང་རབས་ལྷ་མོ་ཡི་མཛེས་ཉམས་ཆགས་པས་བྲིས་ཤིང།།
དངོས་བྱུང་མིག་མཐོང་གི་གཟུགས་ལ་སྣང་བརྙན་མེད་པའི།།
སྣང་ཡུལ་རབ་རིབ་ཀྱི་ཆར་སྤྲིན་སྨུག་ལོང་འདི་གོ།
བདག་གི་ཡབ་མེས་ཀྱི་ལོ་རྒྱུས་གླེགས་བམ་ཉིད་དོ།།
བོད། ཤ་ཁྲག་རུས་གསུམ། གཞན་དོན་ལས་ལ་ཞུམ་མེད་ཞི་བའི་ལྷ།། དུས་གསུམ་ཀུན་གཟིགས་འགྲོ་བའི་སྐྱབས་གནས་མཆོག། སྲིད་མཐའི་བར་དུ་འབྲལ་མེད་རྗེས་བཟུང་སྟེ།། ཞི་བའི་འཐབ་རྩོད་ལམ་ལྷོང་ཡོང་བར་སྨོན།།
ནམ་མཁའ།
དགོད་མ་འཛུམ་གྱི་སེམས་ཁམས་འདིས།
སྣོད་བཅུད་ཀྱི་འཇིག་རྟེན་ལ་གོད་ཆག་བཟོས།
གས་ཆག་ཏུ་སོང་བའི་འཇིག་རྟེན་ན།
རྫུན་འབག་གི་མ་རྒྱན་པའི་འཇིག་རྟེན་ཞིག་མཐོང་ཨེ་སྲིད།
བཅོས་མའི་སེམས་ཁམས་འདིས།
རས་པ།
༡
གངས་ཀྱི་རི་ལ་ཞབས་རྗེས་གནང་ཡོད།།
ཞབས་རྗེས་ཞི་བདེའི་འགྲུལ་བཞུད་དཀར་པོ།།
གངས་དཀར་ཉི་ཟླའི་འོད་ཟེར་གྱིས་བཏེགས།།
ཐུགས་ཀྱི་ཞུན་མ་འགྲོ་བར་གནང་བ།།
ཐུགས་བཞེད་མཚན་ལ་ཀུན་ཁྱབ་སེམས་འཁུར།།
བཀའ་བསྟན་བསྲུབས་པའི་གསེར་གྱི་དབྱུག་པ།།
རྒྱ་མཚོའི་དཀྱིལ་སྙིང་དེ་དང་འདྲ་བ།།
གཅན་འོད་འབར།
ཡུལ་ལ་ལོག་ཤོག
མིག་ཟུང་མཆི་མས་སྒྲིབ་པའི་རི་བོ་འདི་ཚོས་ཁྱོད་ལ་རེ་སྒུག་བྱས་ཡོད།
ལག་ཟུང་བཙག་གིས་གཙེས་པའི་གཙང་བོ་འདི་ཚོས་ཁྱོད་ལ་ཕེབས་བསུ་བྱས་ཡོད།
ཡུལ་ལ་ལོག་ཤོག
གཞན་ཡུལ་ཇི་འདྲའི་སྐྱིད་ཀྱང་ཡུལ་ལ་ལོག་རྒྱུ་མ་བརྗེད།
རང་ལ་བཤད་པ།
ཅི་ཞིག་གི་ཆེད་དུ་གསོན་ཡོད་པ་མ་ཤེས་ལ།
གང་ཞིག་གི་སླད་དུ་ཤི་དགོས་པ་ཡང་མ་རྟོགས་མོད།
གང་ལྟར། ང་སྔར་བཞིན་ང་རྒྱལ་གྱིས་འཚོ་འདོད་ལ།
འདས་ཟིན་པའི་ཚ་བོ་ལ་ཕུལ་བ།
ལྷ་ལུང་རྒྱལ།
སྒུག་ཀྱང་ཞལ་རས་མིག་གིས་མ་མཐོང༌།།
ཉན་བསམ་སྐད་ངག་རྣ་བས་མ་གོ།
ཚེ་འདིར་ཐུག་རྒྱུའི་གོ་སྐབས་མ་བྱུང༌།།
དངངས་ཤིང་སྐྲག་བཞིན་གང་ལ་བུད་སོང༌།།
འདས་སོང་ལོ་ཟླའི་ཡུལ་ལྗོངས་ཤིག་ནས།།
ལྷན་ཅིག་བརྩེ་དགའི་རོ་ལ་མྱངས་ཤིང༌།
ཁོ་བོར་དུང་བའི་ཉམས་འགྱུར་བསམ་ན།།
སྐྱོ་བའི་ན་བུན་དྭངས་ཐབས་མི་འདུག།
……..རྩེ་སྐར།
གནག་སྣུམ་སྐྲ་ལོ་གླས་མའི་ལན་བུ་འགྲམ་པའི་མཁུར་ཚོས་ཐུར་དུ་དཔྱངས།།
བཅུ་དྲུག་ལང་ཚོའི་ནུ་འབུར་ཟུང་དེ་སྟོད་གོས་ཐུ་ལ་བཙན་གྱིས་བཙུར།།
གཞོན་ཤ་ཆགས་པའི་རྐེད་པའི་ལྡེམ་སྒེག་གོམ་པའི་འདེགས་འཇོག་བར་ན་གསལ།།
ཕོ་སྐྱེས་རིག་ན་ངོ་ཚའི་ཟོལ་ཞིག་ཟུར་མིག་གཡོ་བའི་ཞོར་ནས་མངོན།།
ད་ནི་མགོ་དཀྲིས་དམར་པོའི་འོག་ན་སེམས་ཀྱི་འདོད་པ་ཅི་ཞིག་ཡོད།
རང་རྟོན།
གླུ་བ་བདུད་པེར་ཆེད་དུ་ཕུལ།
ཁ་བའི་བདེ་སྡུག་ལྷན་སྐྱེས་ངག་ལ་བརྒྱུས་པའི་དབྱངས་རྟའི་འགྱུར་ཁུགས་སྟོང་གིས་ས་ཆེན་ཁམས་འདི་གཉིད་ལས་དཀྲོགས་པའི་གཏམ་རྒྱུད་སྙན།།
ཁ་ཙམ་ཡིན་པའི་ལ་རྒྱའི་གཡུ་རལ་གསིག་བཞིན་མི་ཚེའི་ལང་ཚོ་རྫོགས་པའི་རྐང་རྗེས་རེ་རེ་འཇིག་རྟེན་ངོས་སུ་རྣམ་པར་བཀྲ།།
ཁ་སེམས་ཤར་ནུབ་མིན་པའི་ངེས་དོན་ལོ་རྒྱུས་མི་ཡུལ་ཁམས་ན་འབྲུག་བཞིན་ལྡིར་བའི་མཚན་སྙན་བ་དན་དཀར་བོ་དགུང་ན་གཡོ།།
ཁ་ཁུ་སིམ་པོའི་བོད་ཡུལ་ལུང་བ་ཁད་ཀྱིས་དཀྲོགས་པའི་སྙིང་སྟོབས་དེ་ཡང་སྒང་བ་བོད་པའི་ཤ་ཁྲག་རུས་ན་གནས་ཤིང་གསོན།།
འབའ་སྲས།
ཞི་བདེའི་རྒྱ་མཚོ་ཆེན་པོའི་ཕ་རོལ་ན།།
བདག་གི་སེམས་པ་དམར་པོའི་ནང་རོལ་ན།།
ནམ་ཡང་བརྗེད་པར་དཀའ་བའི་དྭངས་མོ་མཚོ།།
ཞེ་མཐུན་རོགས་ཁྱོད་དེང་སང་གང་ན་ཡོད།།
ཁྱེད་ཀྱི་ཞལ་རས་མ་མཐོང་ལོ་ལྔ་འགོར།།
ཁྱེད་ཀྱི་འཕྲིན་ཡིག་མ་འབྱོར་ལོ་བཞི་འདས།།
ཁྱེད་རང་གང་ཡོད་མ་ཤེས་ལོ་གསུམ་སོང་།།
ངོ་མ་བཤད་ན་ཁྱོད་ནི་གང་ན་ཡོད།།
གཅན་འོད་འབར།
ཁུ་སིམ་གྱི་མགོ་བོ་བྲང་ཁར་སྨད་ནས།
བདག་མེད་ཀྱི་སྐྲ་ལོར་བྱིལ་བྱིལ་བྱེད་པའི་རླུང་ཞིག་ལྡང་བར་རེ་ལ།
འཁྱག་སིབ་ཀྱི་ལག་ཟུང་བྲང་ཁར་བཞག་ནས།
ཁེར་རྐྱང་གི་འགྲམ་པར་འཇམ་ཞིམ་གྱི་འོ་ཞིག་བྱེད་པར་སྒུག
རེ་བས་ཁེངས་བའི་རི་གྲོང་འདིའི་མཚམས་སྤྲིན་ངོགས་ནས།
རང་ལ་མི་དབང་བའི་ཁང་མིག་འདི་ལ།
བརྩེ་འདང་གི་སྨུག་ཞགས་རེ་ཨེ་འཁོར་བལྟས་ཤིང་།
དྲོད་ཁོལ་ཀྱི་ཉི་ཟེར་རེ་ཨེ་ཕོགས་ལ་སྒུག
ཤར་ཕྱོགས་ཁུག་རྟ།
༡
ཆུ་ཚོད་སྐར་ཆ་འདི་མི་འདུག་ཐག་ཐག་འགྲོ་དུས།།
ལག་པས་འགྲོ་བསྐྱོད་ལ་ཚོད་འཛིན་བྱས་ན་བསམས་ཀྱང་།།
ཤར་ཕྱོགས་ཉི་མ་དེ་མི་འདུག་ནུབ་རིར་ཕྱིན་ན།།
སེམས་ནས་མི་འདོད་ཀྱང་ལག་པས་སྙོབ་ཚོད་མི་འདུག།
༢
ཟླ་བ་གཅིག་འདི་གོ་བསམས་ན་ཐུང་ཐུང་ཡིན་ཡང་།།
བྲལ་ནས་གྲངས་ཀ་དེ་ག་ལེར་རྒྱག་དགོས་བྱུང་ཚེ།།
སྣང་ཡུལ་ཐམས་ཅད་པོ་སུན་པས་ཁུར་ནས་འགྲོ་སྟབས།།
ཁྱེད་ལ་བྲལ་རྒྱུ་འདི་དངོས་གནས་ཡོང་ས་མ་རེད།།