རེབ་ཐོག་མདའ།
སྡུག་གི་མགོ་བོ་གླུ་ཡིས་གནོན་པའི་མྱ་ངན་ཚོགས་འདུར་བདག་མི་ཁོམ།།
རྡོ་རིང་འཁྱེར་ནས་བསྡུ་རུབ་བྱེད་པའི་ཞལ་འདེབས་དེ་ཡང་ང་ལ་མེད།།
མིག་ཆུ་ཞིག་གི་སེམས་པ་རུམ་པའི་གངས་རིའི་ལས་དབང་འཚོལ་བཞིན་དུ།།
མེ་ལ་འཐིམ་པའི་ཕུ་ནུའི་གཞུག་ལ་ཡིག་གེ་དྲུག་མས་སྐྱེས་མ་མཆོག།
དོལ་སྨྱོན།
ལོ་རིམ་དང་པོ།
ཞོགས་པའི་སྐྱ་རེངས་དང་འདྲ་བའི་ལོ་རིམ་དང་པོ།
དཔྱིད་མགོའི་བསིལ་རླུང་དང་འདྲ་བའི་ལོ་རིམ་དང་པོ།
འབུས་མ་ཐག་པའི་ལྗང་བུ་གཞོན་ནུ་ཞིག་དང་འདྲ་ནའང་།
བཞད་མ་ཐག་པའི་མེ་ཏོག་གི་ཚོམ་བུ་ཞིག་དང་མཚུངས་ནའང་།
ཚེ་སྲོག་གི་དོན་སྙིང་མ་རྟོགས་པའི་ངས།
རིག་གཞུང་གི་ནང་དོན་མ་ཤེས་པའི་ངས།
ཚུལ་ཁྲིམས་ཟླ་བ།
ནམ་མཁའི་སྐར་མ་ལ་ལག་བསྙབས་བྱས་ཀྱང་།།
རེག་པའི་སྐལ་བ་ཞིག་ཨེ་ཡོད་མི་ཤེས།།
ས་ཁའི་རྩི་ཐོག་ལ་མཛེས་སྡུག་ཡོད་ཀྱང་།།
ཟ་ཟི་བུང་བ་འགའི་སྤྱོད་ཡུལ་ཡིན་སོང་།།
བདེ་ཆེན་སྒྲོལ་མ།༼ཝཱར་ཎཱ།༽
བཅོ་ལྔའི་ཟླ་བ་དཀར་པོ།།
མ་སྐྱེས་ཨ་མའི་ཞལ་རས།།
ཡིད་ལ་སྒོམ་པའི་བྱམས་པ།།
མ་སྐྱེས་ཨ་མ་ཡིན་སོང་།།
གངས་ལ་བབས་པའི་ཞབས་རྗེ།།
མྱི་ཁ་རླུང་བུས་འཁུར་སོང་།།
མ་སྐྱེས་ཨ་མའི་ཞལ་རས།།
བཙལ་ཀྱང་མཇལ་རྒྱུ་མ་བྱུང་།།
ཨ་དམར་པོ།
སུམ་གཉིས་ས་ཡི་དཀྱིལ་འཁོོར་ཕྱག་ཐེལ་གྱིས་མནན་ཏེ། །
ལུགས་ཟུང་སྲིད་ཀྱི་རླུང་རྟ་མཁའ་དབྱིངས་སུ་འཕུར་བ།།
ཤར་མཐའི་ལྕགས་སྤྱང་དམར་པོའི་སྡེར་འོག་ཏུ་ཚུད་ནས།།
ཤི་གསོན་མཚན་མ་བྲལ་བའི་ངང་ཚུལ་དེ་སྐྱོ་བ། །
རེབ་ཐོག་མདའ།
དགུན་གྱི་ནམ་ཟླ་འདིས་སེམས་པ་རུམ་པའི།།
རི་ལུང་ཐང་གསུམ་གྱི་ངོ་གདོང་མཐོང་ན།།
ཉི་མའི་དྲོད་ཁོད་དེ་ལུས་ལ་ཕོག་ཀྱང་།།
སེམས་པའི་གཏིང་རུམ་དེ་འཁྱག་པས་བསྡམས་ཀི།
འབའ་སྲས།
ཡིད་འོང་རང་བྱུང་སྤྲིན་པ་དཀར་པོ་བརྩེ་དུང་འཕྲིན་གྱི་ཕོ་ཉར་བསྐོས།།
དཔུང་བར་རྒྱུ་བའི་གདུ་བུ་དག་ལ་དྲན་པས་གདུང་བའི་གཟུགས་རིས་ཕབ།།
རི་ཚོགས་ནགས་དང་ཆུ་ཕྲན་ལ་ཡང་སྐྱོ་བ་སངས་པའི་གདོང་གྲོགས་ཞུས།།
དགའ་མ་དྲན་པའི་གདུང་དབྱངས་སྙན་ངག་དེ་རིང་ད་དུང་རྒས་མེད་དམ།།
ཚེ་རིང་དོན་འགྲུབ།
བྱ་ཁུ་བྱུག་ནགས་ན་མེད་གི།
བྱ་ཁུ་བྱུག་ནགས་ན་ཡོད་ན།།
དགོང་ཕྱི་དྲོར་ཤིང་རྩེར་འབབ་བ།།
ནངས་སྔ་མོར་ཐེངས་གསུམ་གྲག་ག།
ངས་མེད་གི་ཟེར་དོན་དེ་རེད།།
དོལ་སྨྱོན།
དམར་པོ་རས་ཀྱི་སྟངས་ཀའི་འོག་ན་འདོད་པའི་ན་ཟུག་རླབས་ལྟར་གཡོ། །
ལུས་ཟུངས་བདུན་གྱི་འཁོར་སྐྱོད་ཁྲོད་ན་འཆར་གཞི་སྣ་དགུ་རླུང་ལྟར་འཚུབ། །
རིགས་མཐུན་འགྲོ་བའི་སྤྱི་ཚོགས་དཀྱིལ་ན་ཚུལ་འཆོས་བང་སོ་རྡོ་ལྟར་སྲ། །
གཤོག་པ་མེད་ཀྱང་འཕུར་ལ་གོམས་པའི་དེང་རབས་སྤྲུལ་པའི་སྐུ་ལོ་མཁྱེན། །
སྣང་རྒྱལ་ཤེས་དགེ། (ཝར་ཎཱ)
སེམས་པ་སྐྱོ་ཐེངས་རེ་ལ།།
ཚངས་དབྱངས་རྒྱ་མཚོ་དྲན་ཞིང་།།
མིག་ཆུ་ཤོར་ཐེངས་རེ་ལ།།
མ་སྐྱེས་ཨ་མ་དྲན་བྱུང་།།
པོ་ཏ་ལ་ཡི་རྩེ་ནས།།
གཞས་ཆུང་དབྱངས་སུ་གྱེར་དུས།།
སྤྱན་རིས་གཟིགས་ཀྱི་སྤྱན་མཐར།།
མཆི་མ་འཁོར་འཁོར་བྱས་སམ།
མགོན་པོ་ཕྱག་གཉིས་པ།
ལོ་དང་ཟླ་བ་རེ་རེ།།
མཛུབ་མོས་བགྲང་ནས་རྫོགས་སོང་།།
རྫོགས་ཀྱང་འགྱོད་པ་མི་འདུག།
དུས་ཀྱི་ཆོས་ཉིད་རེད་མོད།།
མདུན་གྱི་སྡོང་ལོ་རེ་རེ།།
སྟོན་རླུང་གཡུག་ནས་ཁུར་སོང་།།
ཁུར་ཀྱང་སེམས་ལས་མི་འདུག།
སང་ལོ་སྐྱར་དུ་ཐོགས་ཡོང་།།
དེ་ལས་མང་བ་། “ཁ་ནས་ཁད་ཀྱིས་ཤོར་བའི་མགུར་མ་ཆུ་མིག་རང་བརྡོལ།” »
རྔ་བ་ཀུན་བཟང་།
སུ་ཞིག་གིས་མཐོང་མ་མྱོང་བའི་ཁྱོད
སུ་ཞིག་གིས་བདག་དབང་མ་ཐུབ་པའི་ཁྱོད་
འདི་ལྟར་ མི་ཡུལ་གྱི་གྲུ་ཟུར་ཆུང་ཆུང་ཞིག་ནས་
ངའི་མི་ལོ་ཉེར་གསུམ་གྱི་ན་ཟུག་རེ་རེའི་བར་ནས་
མཚར་ལོངས་བྱུང་བཞིན་བྱུང་བཞིན་རྒས་སོང་
ངོ་མ་རྒས་སོང་
འབའ་སྲས།
ཨ་ཕ་བོད་ཀྱི་སྐད་དང་ཡི་གེེར་དགའ།།
ཨ་མ་རྒྱ་གར་ཧིན་རྡིའི་སྐད་ལ་དགའ།།
བུ་ཕྲུག་ནུབ་ཕྱོགས་ཕྱི་རྒྱལ་སྐད་ལ་དགའ།།
ཐ་དད་དགའ་ཕྱོགས་མང་ན་ཉོག་འཛིང་རེད།།
བསེ་རུ།
སེམས་ཤུགས་མེ་ལྕེ་འབར།
མེ་མདའི་སོ་ཁར་མཆོངས།
བཙོན་འཇུག་མནར་གཅོད་ཕོག
མྱ་ངན་ལོ་ཟླ་བསྐྱལ།
རེབ་ཐོག་མདའ།
མེ།
འཚིག་བཞིན་པའི་དཔའ་བོ་ཞིག་གི་རྣམ་ཤེས་ཡིན་ལ།
མེ་འབར་དུས་སུ།
ན་ཟུག་མེད་ལ།
ཞེ་སྣང་ཡང་མེད།
ཁ་སང་འབར་གྱིན་པའི་ཁྱོད།
དེ་རིང་ད་དུང་སྦྲ་སྒོ་བརྒྱུད་དེ་རྩྭ་ཐང་ཞིག་བསྲེག་ཀྱིན་འདུག་ལ།
དགོན་གྲོང་ཉུལ་ནས་ལ་རྒྱ་ཞིག་གླེང་གིན་འདུག
རྔ་བ་ཀུན་བཟང་སྒྲོལ་མ།
མེ་ལྕེ་འབར་གྱིན་འབར་གྱིན
ཁ་བ་ཉུང་ངུ་ཉུང་ངུ་
ཡོད་ཚད་ནས་ཡོད་ཚད་
འདི་ལྟར་ངའི་ཁོར་ཡུག་གི་བྱ་ཁྱུ་དེ་ཚོས
མི་རིགས་དེའི་གཟི་བརྗིད་ཆེད་
འཇིག་རྟེན་དེའི་ལ་རྒྱའི་ཆེད་
བློ་གྲོས་རབ་བརྟན།
ངའི་བླ་མའི་སྐུ་ལུས་ཞི་བདེ་ཡིན།།
ས་འཛམ་པའི་གླིང་གི་ཁྱོན་ལ་ཕེབས།།
བོད་གངས་ཅན་རང་གི་ཕ་ས་རུ།།
སྐུ་འཛུམ་མདངས་ཅན་པོ་ཕེབས་རྒྱུ་མེད།།
དེ་བསམས་ན་སེམས་པ་གཏིང་ནས་སྐྱོ།།
རེབ་ཐོག་མདའ
ཀ་ཁ་སུམ་ཅུའི་བདག་པོ་མ་ཉན་ཡང་།།
ཁ་བ་ཅན་ལ་ཞེན་ཁོག་དོར་གི་མིན།།
ག་ས་གང་ལ་འགྲོ་དགོས་བྱུང་ན་ཡང་།།
ཕ་མ་བླ་མའི་དྲིན་ལན་བརྗེ་གི་མིན།།
གྲིབ་གཟུགས།
རྨི་ལམ་མི་བདེན་རྫུན་ནོ་ཞེས།།
བདག་གིས་སྔར་ནས་ཤེས་མོད་ཀྱང་།།
རྨི་ལམ་ནང་གི་ཁ་བ་དེ།།
ངོ་མ་གསོན་ཉམས་ལྡན་པ་ཞིག།།
དལ་འབབ་ཁ་བའི་མེ་ཏོག་དང་།།
ཁ་བའི་རོལ་རྩེད་ཁ་བའི་མདངས།།
སོབ་འཇམ་ཁ་བའི་རེག་བྱ་དག།
རྨི་ལམ་ནང་ནས་དངོས་སུ་མྱངས།།
གྲིབ་གཟུགས།
རྨི་ལམ་མི་བདེན་རྫུན་ནོ་ཞེས།།
བདག་གིས་སྔར་ནས་ཤེས་མོད་ཀྱང་།།
རྨི་ལམ་ནང་གི་ཁ་བ་དེ།།
ངོ་མ་གསོན་ཉམས་ལྡན་པ་ཞིག།།
དལ་འབབ་ཁ་བའི་མེ་ཏོག་དང་།།
ཁ་བའི་རོལ་རྩེད་ཁ་བའི་མདངས།།
སོབ་འཇམ་ཁ་བའི་རེག་བྱ་དག།
རྨི་ལམ་ནང་ནས་དངོས་སུ་མྱངས།།