གསལ་ལེ་རྒྱལ།
 
འདི་ནས་མི་ལོ་བརྒྱད་ཅུའི་ཡར་སྔོན་ཏེ།།
སྤྱི་ལོ་གཅིག་དགུ་སུམ་ཅུ་སོ་ལྔ་ལོར།།
ལྷ་ཡི་བུས་བ་ལྟ་ན་སྡུག་པ་ཞིག།
ལྷ་དང་ལྷ་མོ་ཀུན་ལ་གསང་སྟབས་ཀྱིས།།
ཐུགས་རྗེ་བརྩེ་ཆེན་འཇའ་ཡི་སྐས་འཛེག་ལས།།
བྱམས་སེམས་གོམ་པའི་འདེཊ་འཇོག་ས་ལ་བསྒྱུར།།
མགོན་མེད་ཁ་བ་རི་བའི་མགོན་དུ་ཕེབས།།
ལྷ་ལས་བབས་ཏེ་སྟག་འཚེར་ཡུལ་དུ་བཞུགས།།

དེ་ལས་མང་བ་། “ལྷ་དང་ལྷ་མོའི་ལྷན་འཛོམས།” »

ཆང་སྐྱེས།
 
མགོ་བོ་དགྱེ་ན་ལྷ་ཡི་བཀའ་ཆད་འཕོག།
རྐང་པ་བསྲིངས་ན་ཀླུ་ཡི་འཛེ་ནད་འབྱུང་།།
མགོ་ནག་མི་ཡི་ལས་དབང་ཟད་པོ་འདི།།
ཆར་ཆུའི་ཁྲོད་ཀྱི་བྱེའུ་ཆུང་རྨས་མ་ཞིག།

སྙིང་གཏམ་བཤད་ན་དགའ་མའི་རྣ་ལ་གཟན།།
བདེན་དོན་བསྒྲུབས་ན་སྡེ་བའི་མྱི་ཁ་འཁོར།།
ཁེར་རྐྱང་མི་ཡི་ཡིད་སེམས་རློན་པ་འདི།།
སུ་ཡི་བྲང་ལ་གླན་ཏེ་གང་ནས་བསྲོ།།

དེ་ལས་མང་བ་། “ཁ་མཚར་དྲང་བཤད་མ།” »

ཆང་སྐྱེས།

གཞན་ཡུལ་འཁོར་ཡུག་མེ་ཏོག་ཇི་ལྟར་མཛེས་ན།།
རང་གི་ཕ་ཡུལ་སྙིང་ནས་དེ་ལྟར་དྲན་སོང་།།
སྤྲིན་པ་དཀར་པོ་འཕུར་བའི་ས་ཕྱོགས་གན་ལ།།
མིག་གི་དབང་བོ་གཏད་དེ་ཡང་ཡང་བལྟས་ཡིན།།

ལེ་བར་སྟོང་གིས་བཅད་པའི་ས་མཐའ་འདི་ནས།།
འཚོ་བའི་ཁ་དོག་འདྲ་མིན་བཅོ་བརྒྱད་ཡོད་རུང་།།
དྲིན་ཆེན་ཨ་མས་བརྫིས་པའི་སྦྲང་དཀར་རྩམ་པ།།
སྣ་བརྒྱའི་ཟས་མཆོག་ལས་ཀྱང་ཞིམ་མངར་ལྡན་སོང་།།

དེ་ལས་མང་བ་། “ཐོལ་བྱུང་།” »

ཆང་སྐྱེས།
 
ལྷག་རླུང་ང་རོ་རྒོད་པོ་ཕྱོགས་སུ་ལྡང་།།
ལྔ་རྩེ་སྐར་མ་མཚན་མོའི་མཁའ་ན་འདར།།
ཁྱི་ཚོགས་ཟུག་སྐད་ཕྱི་རོལ་ཁྲོམ་ན་འཕུར།།
ཅེ་སྤྱང་སོ་བ་རི་བོའི་ཕག་ན་འཇབ།།

གློ་རྡེག་སྤྲིན་པ་ནག་པོ་ལང་ལོང་འཁྲུགས།།
ཐན་བྱ་འུག་པའི་ཧབ་ཆ་བྲག་ལ་འཁོར།།
ལྕགས་ཀྱི་མདའ་མོ་འཕུར་བའི་སྟངས་སྟབས་ཀྱིས།།
ཕུག་རོན་ཁྱུ་ཡི་ཚང་མལ་རྨང་ནས་གཏོར།།

དེ་ལས་མང་བ་། “དེ་རིང་གི་ཉིན་ཐོ།” »

ཆང་སྐྱེས།
 
___ གླུ་ཆུང་འདི་སུ་ལ་ཕོག་ན་དེ་ལ་ཡིན།

ཀ་ཡེ་ཁོ་བོས་གཏམ་ཞིག་བཤད་ཙམ་གྱིས།།
ཁ་ཕྱོགས་མི་མཐུན་ཁ་ཤས་སྨྱོ་ལ་ཁད།།
ག་ཞའི་ལས་ལ་དགའ་བའི་ཆ་ལུགས་འདི།།
ང་རྒྱལ་ཅན་གྱི་རང་གཤིས་ཨ་ཡིན་ནམ།།

ཅ་ཅོ་མེད་པའི་རྟུལ་ཞུགས་འཛིན་ཁུལ་གྱིས།།

དེ་ལས་མང་བ་། “ང་ཚོས་མཉམ་དུ་བོད་སྐད་བཤད་དེ་བོད་ཡིག་འབྲི།” »

གངས་དཀར་སེམས།

ཁྱོད་ཀྱི་དཀར་གསལ་ཟླ་བའི་ངོ་ཐོག་གི
ལྷག་བསམ་ཟོལ་མེད་ཀྱི་འཛུམ་ཆུང་དེ་མཐོང་ཐེངས་རེར།
སྙིང་བཙིར་བྱེད་སེམས་སྡུག་དང་རེ་ཐག་ཆད་པའི་ཡིད་མུག་དེས།
ངའི་དབུགས་ཀྱི་རྒྱུ་བ་གཅོད་བྱེད་སྡར་མ་ཞིག་དང་མཚུངས་ཤིང་།
དགེ་བར་རེ་ལྟོས་བྱེད་སྟངས་རྨི་ལམ་དེ་རྨང་ནས་ཞིག་འགོ་བརྩམས།

སྙིང་རྗེ་འོས་པའི་ཁྱོད་དང་འབྲེལ་བའི་སྐྱོ་གར་དེ།
སྦས་ཀྱང་མ་འཁོག་པའི་ཉི་ཟེར་ཇི་བཞིན།

དེ་ལས་མང་བ་། “བདུད་ཀྱི་ཆོ་འཕྲུལ་འོག་གི་ཚེ་སྲོག” »

གཡུ་སྒང་དགེ་འདུན།
 
ང་ཚོ་ཆང་རྐྱལ་ཞིག་ཡིན།
ང་ཚོས་ཤ་དང་རུས་པར་ཐིམ་པའི་ལ་ཞེན་གྱི་ཆང་རག་འཐུངས་ཏེ།
ང་དང་ཁྱོད་ཅེས་ངར་འཛིན་གྱི་སྲོག་རླུང་ཁྲོད། གནས་ལུགས་དང་སྒྲུབ་བྱེད་ཀྱིས་བཟི་གཏམ་བཤད།
ཅི་ཡང་མི་ཤེས་པའི་ཅོལ་ཆུང་དག་ལ་བརྟན་བརླིང་གི་མིག་དཔེ་བསྟན།
ང་ཚོ་ཆང་འཐུང་རླབས་ཆེན་ཞིག་ཨེ་རེད།

ང་ཚོ་དུ་རྐྱལ་ཞིག་ཡིན།
ང་ཚོས་འདས་པའི་ལོ་རྒྱུས་ཀྱི་ཐ་མ་རྔུབ་སྟེ།

དེ་ལས་མང་བ་། “ང་ཚོ་རླབས་ཆེན་ཞིག་ཨེ་རེད།” »

ཁྲོ་གཏུམ།
 
རི་མཐོ་ས་མཐོ་ས་དེའི་སྟེང་གི་ངའི་མིག་ཟུང
རྒྱང་རིང་རྒྱང་རིང་གི་གནམ་མཐའི་མཚམས་སུ
སྤྲིན་པ་དང་ས་གཞིའི་འདྲེས་མདོ་དེ་རུ
རེ་སྒུག་གི་ལོ་ཟླར་རྒྱུས་པའི་འདུན་པ་དེ་དག་འཚལ

ནགས་ཚལ་བྱ་རིགས་ཀྱི་སྐད་སྒྲར་འཐིམས་པའི་དབུས་སུ
སྤང་ཐང་དུ་རྫིང་བུ་ཀོར་ཀོར་མང་ས་ལ
རྟ་མཆོག་དང་ལུག་ཁྱུ་དཀོན་པས་ན

དེ་ལས་མང་བ་། “རི་མཐོ་སར་བུད་ན།” »

ཨཱཙཱརྱ་ཨག་ལོ།

རང་གི་རིགས་ལ་ཞེན་པ་དཀར་བ་འབྲོང་ཆུང་ཡིན། །
ལྷག་བསམ་གཙང་མའི་རི་རབ་རྩེག་མཁན་འབྲོང་ཆུང་ཡིན། །
གཞན་ཕན་ཁུར་གྱི་དཀའ་སྡུག་ཐེག་མཁན་འབྲོང་ཆུང་ཡིན། །
ཉེར་གཅིག་སྲིད་སྐྱོང་འོས་མི་འཚམ་ཤོས་འབྲོང་ཆུང་ཡིན། །

དེ་ལས་མང་བ་། “འབྲོང་ཆུང་ཡིན།” »

ཀླུ་སྨྱོན་ཧེ་རུ་ཀ

རིག་སྟོང་རྡོ་རྗེའི་གཟི་འོད་དཀར་པོ་གངས་རིའི་ལྗོངས་སུ་ལན་བརྒྱར་འཁྱུགས་པ་མི་ཤིགས་ཐིག་ལེར་ཀུན་ནས་བཟླུམས་པ་ཡི།།
རྒྱལ་ཀུན་འཕྲིན་ལས་བྱེད་པོ་ཉག་གཅིག་སློབ་དཔོན་པདྨ་ཐོད་ཕྲེང་རྩལ་ཞེས་ཕྱོགས་ཀྱི་བུ་མོའི་རྣ་རྒྱན་མཛེས་པ་གང་།།
སྙིང་དབུས་འོད་ལྔའི་གུར་ཁང་ཡངས་པོར་བྱིན་རླབས་འབུམ་གྱི་དྲོད་ཁོལ་དང་བཅས་དུས་དང་དུས་སུ་བཞུགས་པའི་བརྡ་རྟགས་ལས།།

དེ་ལས་མང་བ་། “ཀུན་མཁྱེན་རོང་ཟོམ་གཉིས་པ་མཁན་ཆེན་ཆོས་ཁྱབ་ལ་བསྔགས་པ་གློག་ཞགས་དམར་པོའི་མདུད་པ།” »

ཆང་སྐྱེས།
 
དུས་ཀྱི་འགྲོས་ནི་གཤོག་ཐོགས་རྟ་ཕོ་འདྲ།།
དབྱར་གྱི་མཛེས་སྡུག་སྐད་ཅིག་ཅིག་གིས་རྫོགས།།
མེ་ཏོག་དཀར་དམར་སད་ཀྱིས་བཅོམ་ཤུལ་ནས།།
གཡུ་སྦྲང་སེམས་པ་སྐྱ་མོ་ཐང་ལ་འབྱར།།

རླུང་བུ་ཙག་ཤེད་ཅན་པོ་རི་ནས་ཐོན།།
ལྗོན་ཤིང་ལོ་མའི་སྟེང་ལ་སེར་ཐིག་ལྷུང་།།
ཁུ་བྱུག་མོན་ལ་འཕུར་བའི་ཤུལ་ལམ་ནས།།
བྱེའུ་ཆུང་འཇོལ་མོའི་སྨྲེ་སྔགས་རི་ལ་འཁོར།།

དེ་ལས་མང་བ་། “སྟོན་ཁའི་སྐྱོ་གདུང་།” »

ཆང་སྐྱེས།
 
ཁ་བ་མར་མར་འབབ་པའི་ཞོགས་ཞིག།
རྨ་ཆུ་སྔོན་མོའི་འགྲམ་ནས་ལམ་ལ་ཆས།།
བློན་པོ་གསེར་ཆེན་སྒང་ནས་བསང་ཞིག་ཕུད།།
ཁྲི་ཤོར་རྒྱལ་མོའི་ངོགས་ནས་ཕྱག་གསུམ་འཚལ།།

ཨ་ཆེན་གངས་རྒྱབ་ཁུགས་ནས་ངལ་ཞིག་གསོས།།
ལྷག་རླུང་ཙག་གི་ང་རོ་ཕྱོགས་སུ་ལྡང་།།
ཅེ་སྤྱང་སོ་བ་རི་བོའི་ཕག་ནས་འཇབ།།
རི་དྭགས་མ་བུ་བདེ་མོ་ཐང་ནས་ཡལ།།

དེ་ལས་མང་བ་། “ཉི་མ་ལྷ་སའི་ཕྱོགས་ཀྱི་འགྲུལ་བཞུད།” »

ཆང་སྐྱེས།
 
ཀ་ཁའི་འགོ་རྔ་བསྒྲིགས་ཏེ་རྩོམ་ཞིག་བྲིས།།
ཁ་ཤ་འདར་བཞིན་འདར་བཞིན་གླུ་ཞིག་བླངས།།
ག་མོ་རྒྱབ་ལ་འཁུར་ནས་བྲོ་ཞིག་འཁྲབ།།
ང་འདྲ་ང་ངོ་ཟེར་བཞིན་མགུར་ཞིག་བརྩམས།།

ཅ་དག་ཤོམ་ཞིག་བྱས་ནས་གྲོང་ལ་སོང་།།
ཆ་ལུགས་ཡ་མ་ཟུང་གི་ཉམས་ཤིག་བསྟན།།
ཇ་ཆང་སྡེར་ཁའི་བར་ནས་ལག་ཅིག་བསྲིངས།།
ཉ་ཉོག་མང་པོ་བསྲེས་ནས་གཏམ་ཞིག་བཤད།།

དེ་ལས་མང་བ་། “ཀ་ཁའི་གླུ་ཆུང་།” »

ཨ་འདུས་པ།
 
ཆོས་རྒྱལ་མེས་དཔོན་རྣམ་པའི་བཀའ་དྲིན་གྱིས། །
འདི་ཕྱིའི་བློ་རྩ་དཀོན་མཆོག་གསུམ་ལ་གཏད། །
རྒྱ་གར་ཡུལ་ནས་དམ་པའི་ལྷ་ཆོས་བསྒྱུར། །
ཕ་མའི་ཕྱིར་ཡང་སྡིག་པའི་ལས་མི་བྱེད། །
མནའ་ལ་བརྩི་ཞིང་མཐའ་བཞིའི་དགྲ་གནོན་པའི། །
ཁ་བ་ཅན་གྱི་བཙན་པོའི་དམག་དཔུང་གིས། །
ཙི་ནའི་རྒྱལ་པོ་གཡུ་འབྲུག་ཁྲི་ལས་ཕབ། །

དེ་ལས་མང་བ་། “ཕྱི་མིག་ཁྲོད་ཀྱི་བོད།” »

ཐེ་འོད་ཟེར།

གངས་དཀར་པོ་གན་གི་ཚུར་རོལ་ན།།
བྱེས་དགོན་གྲོང་གཉིས་ཀྱི་ནང་ལོཊ་ན།།
དུས་ཉེར་གཅིག་པ་ཡི་བཀའ་ཁྲི་ལ།།
ཁོང་སྤེན་ཚེ་ལས་ལྷག་རྙེད་དུ་དཀོན།།

ལོ་ཉི་ཤུའི་ལྷག་གི་ཉམས་མྱོང་ཡོད།།
ལས་ཆེ་ཕྲ་ཀུན་ལ་འཛོལ་བ་མེད།།
རྗེ་བླ་མའི་ཐུགས་དགོངས་འགྲུབ་པ་ལ།།
ཁོང་སྤེན་ཚེ་ལས་ལྷག་བཀའ་ཁྲི་དཀོན།།

དེ་ལས་མང་བ་། “ཉེར་གཅིག་པའི་བཀའ་ཁྲི་གླེང་བ།” »

ཆང་སྐྱེས།
 
གཡོ་སྒྱུ་ཆེ་ན་འཇོན་ཐང་ཅན་ལ་རྩི།།
ཁྲེལ་མེད་ཁྲམ་པ་དེང་གི་དུས་ལ་བྲིན།།
སྒོར་མོ་རིག་ན་ངོ་ཚ་མི་དགོས་པ།།
ཁ་སང་དེ་རིང་ཇེ་མང་ཇེ་མང་རེད།།

ཅ་ཅོ་གཏམ་གྱིས་ཕྱུག་ན་མཁས་པར་རློམ།།
བཅོས་མའི་འཛུམ་གྱིས་བསུ་ན་མི་སེམས་དགའ།།
ཁ་ཡག་བཤད་ན་ཁ་ངོ་སྟེར་མཁན་མང་།།
ཤ་ཚའི་གཏམ་ལ་ཉན་མཁན་ཉུང་ཉུང་རེད།།

དེ་ལས་མང་བ་། “ཐོལ་བྱུང་།” »

ཁྲོ་གཏུམ།
 
ཤོག་བུ་སྟོང་པས་ས་རྡུལ་གྱི་ངོ་སྣུམ་མཐུག་པོར་བྱུག
ཡིག་འབྲུ་སྨྱུག་ཁའི་ཁྲོད་དུ་རིས་སུ་ཕབ་པ་སྟོང་བས
དྲ་ལམ་གྱི་ངོ་གདོང་ན་སེར་བུ་འཇམ་གཙུབ་གཉིས་ཀ་བཞུར

དེབ་ཀྱི་བརྩེགས་རིམ་ཁྲོད་ལ་རྡུལ་གྱི་བྱེ་མ་བབས་ན
དཔེ་ཆ་བའི་གདོང་གི་མིག་ཟུང་དྲ་ལམ་གྱི་རྩེད་མཚར་ལ་འཕྱན
བློ་གྲོས་ཀྱིས་བསྡུ་ལེན་བྱས་པའི་གཏིང་རིམ་ན
རལ་བོར་གྱུར་བའི་བསམ་གཞིགས་འགས་སྙད་གཙེས

དེ་ལས་མང་བ་། “མགོ་བོ་དུལ་པའི་དྲ་ཉུལ་བ།” »

ཨ་འདུས་པ།
 
མི་གི་དམྱལ་ཁམས་གཤིན་རྗེ་ཡི་རྒྱལ་ས་ན། །
འཇིགས་པའི་སྒོ་ཆེན་བཅོ་བརྒྱད་ནི་ཕྱེས་སྐད་གདའ། །
གར་འགྲོའི་ངེས་པ་ནི་རང་ལ་ཡང་མ་མཆིས་ན། །
ཕྱི་མའི་ལམ་རྒྱག་དད་པ་འདི་གླེང་རེ་རན། །

གཤོག་པ་ཡོད་ཀྱང་མི་ཤི་སར་འཕུར་རྒྱུ་མེད།
སྒོར་མོ་མང་རུང་འཆི་མེད་གནས་ཉོ་རྒྱུ་མེད། །
སྐྱེ་གཟུགས་མཛེས་པས་འཆི་བདག་དེ་མི་ཁུག་པས། །
ད་ནི་དད་པ་ཞིག་བཤད་ན་འོས་འཚམས་ཡིན། ། ​

དེ་ལས་མང་བ་། “དད་པའི་སྟོབས།” »

ཁ་བའི་རྣམ་ཤེས།
 
རྒྱལ་པོའི་ཁྲིམས་ཆད་ཕོག་པའི་མི་འཁྱམས་ཤིག།
འཇར་མན་ཡུལ་ནས་དབྱིན་ཇིའི་ལུང་པར་བྱོལ།།
དམར་ཤོག་ལྟ་གྲུབ་ཅེས་པའི་དེབ་ཆུང་བྲིས།།
གཤིན་རྗེའི་ཕོ་ཉ་ངོ་མ་རྩེབས་ནས་ཐལ།།

ལེ་ཉིན་དེ་ཡི་རྗེས་སུ་འབྲངས་ནས་ཐལ།།
ཨུ་རུ་སུ་ལ་དམར་ཤོག་བཙུགས་ནས་ཐལ།།
རྒྱལ་པོའི་ལམ་སྲོལ་རྩ་གཏོར་བཏང་ནས་ཐལ།།
ས་ཡ་ཉི་ཤུ་གཉིས་ལྷག་བཀུམས་ནས་ཐལ།།

དེ་ལས་མང་བ་། “འཆི་བདག་གཤིན་རྗེའི་ཕོ་ཉ།” »

གཅན་ཚ་སྒྲོལ་མ་གཡང་སྐྱིད།
 
ཁྱོད་ཀྱིས་ང་ལ་ཨ་ཅེ་མ་འབོད་རོགས།
ཨ་ཅེ་ཞེས་པའི་ཡིག་འབྲུ་གཉིས།
རི་རབ་ཅིག་དང་འདྲ་བར།
འུ་གཉིས་ཀྱི་བར་ལ་ཟུག་དུས།
ངའི་སེམས་ལ་སྨྲ་མི་ཤེས་པའི་བར་ཐག་ཅིག་བྱིན་ཡོང་།

འཛུམ་གྱི་མེ་ཏོག་དང་།
གཏམ་གྱི་བདུད་རྩི་ལ་རོལ་དུས།

དེ་ལས་མང་བ་། “ཁྱོད་ཀྱིས་ང་ལ་ཨ་ཅེ་མ་འབོད་རོགས།” »