མི་ཉག་དུང་བརྡ།

ངས་འཁོས་ལྕོགས་ཀྱིས་བྲོད་ཁ་སློང་པའི།
འུ་གཉིས་ཀྱི་མཛའ་བརྩེའི་རིན་ཐང་ལ་གློ་བ་དཀར་ཡང་།
ཁྱེད་ཀྱིས་བདག་ལ་ལེ་བདའ་དང་སྐང་རའི།
རྨ་ཁ་ཇི་ཙམ་བརྩེགས་ཀྱང་།
ངས་གཏན་དུ་ཁྱོད་ལ་བཟོད་སྒོམ་བྱེད་ཆོག

དེ་ལས་མང་བ་། “ཁྱོད་ཀྱི་ངོ་གདོང་བརྗེ་འདུག” »

     ——-གྲལ་དག་པའི་ཇ་ཁང་ཆུང་ཆུང་ཞིག་ཏུ།

ཤེལ་གྱི་ཅོག་ངོས་སུ་བལྟས་ཙ་ན
སེམས་ཀྱི་དྲི་མ་དག་ལ
ལྟེམ་མེར་འཁྱུལ་བའི་ཇ་མདོག་གི་ཡོ་ལང
ངའི་ཡི་ག་ཕྱེས་པའི་གྲོགས་སུ་ཐོན་འདྲའི
རང་དབང་མེད་པར་ཧུབ་གང་འཐུང་ལ
ཡང་བསྐྱར་གཅིག་འཕྲོར་གཅིག་ཏུ་མཐུད་པ

དེ་ལས་མང་བ་། “ཇ་ཁམས་དྭངས་ཁམས་པ་འདྲ་བོ། ཁྲོ་གཏུམ།” »

རེབ་ཐོག་མདའ།

༼དབྱར།༽

ཁུ་བྱུག་ནགས་ལ་དུངས་པའི་གླུ་ཞིག་ཤོར།།
སྦྲང་ཆར་བསིལ་མས་ས་གཞིའི་གདོང་པ་དཀྲུས།།
རླུང་བུ་འཇམ་པོ་ལྷོད་ཀྱིས་ལྡང་པ་ཡིས།།
སྙིང་སྡུག་མཛའ་མོ་ཞིག་གི་ལག་ཟུང་དྲན།།

དེ་ལས་མང་བ་། “དུས་བཞིའི་འབོད་པ།” »

མི་ཉག་དུང་བརྡ།

གཅིག༽
མེ་དཔུང་གཅིག
མེ་དཔུང་གཉིས།
མེ་དཔུང་བརྒྱ་ཁ་བསླངས་པའི་མེ་ལྕེ་མཆེད་ཚུལ་རེ་རེ་འདི།
མེ་ཡི་སྣང་བརྙན་ཙམ།
མེ་ཡི་ཁ་དོག་ཙམ།

དེ་ལས་མང་བ་། “མེ་དང་མི།” »

རྩེ་བློ་བཟང་བཀྲ་ཤིས།

དེ་ལས་མང་བ་། “ཨ་མའི་བུ་རྒོད་གླིང་ཚ་ཚེ་བརྟན་རྡོ་རྗེ།” »

རེབ་ཐོག་མདའ།

ཨ་རི་གྲོང་གི་མྱི་ཞིག་སླེབས་ནས།།

རྡ་སའི་རི་ནས་ཀི་ཞིག་བཏབ་དུས།།

མི་གཞི་བོར་བའི་རྡ་སའི་མྱི་ཚོ།།

གླུ་དང་གར་གྱི་ཀློང་ན་བཟི་འདུག།

དེ་ལས་མང་བ་། “རྡ་སའི་གླུ་གཞས་དགོང་ཚོགས་ལ་ཕུལ།” »

མི་ཉག་དུང་བརྡ།

གཅིག
བྱིས་པ་ཚོས་ཤོག་སྦག་སྤར་བའི་འུ་སྐད་ཁྲོད།
ཁྱོད་ཀྱིས་རང་ལུས་སྦར་བའི།
འ་ཆད་འུ་ཐུག་གི་རྣམ་ཤེས་འདི།
བཙན་པོའི་སྙིང་སྟོབས་ཀྱི་གྲལ་ལ་འཇུག་སྟེ།
ཡ་ཆུང་སྙིང་གི་འཕར་རྩ་ཡི་འོག་ནས་ལོ་སར་རོགས།

དེ་ལས་མང་བ་། “རླུང་དམར་ཁྲོད་ཀྱི་ལོ་སར།” »

གཅན་འོད་འབར།

འཁྲུལ་སྣང།
དང་པོ་མཛེས་མར་མཐོང་དུས་སྣང་བ་འགྲོ་འདྲ།།
གཉིས་པ་མཛངས་མར་སྣང་དུས་བརྩེ་བ་ཡོད་འདྲ།།
གསུམ་པ་མཛའ་མོར་བསམ་དུས་ཞེ་འདང་མོད་འདྲ།།
མཐའ་མར་ཞིབ་ཏུ་བསམ་ན་སྣང་བ་འཁྲུལ་འདུག།།

དེ་ལས་མང་བ་། “ཁྱོད་དང་ང་ལ་བྲིས་པའི་སྙན་ཚོམ།” »

གྲིབ་གཟུགས།
—–དོལ་སྨྱོན་གྱི་དགའ་མར་ཕུལ་བ།

ཉམ་ཆུང་བཞིན་རས་གོར་མོ་སྙིང་ལ་རྗེ་བོ།།
འཛུམ་པའི་མེ་ཏོག་གསེར་ཆུང་སེམས་ལ་འབབ་པོ།།
མཐོང་ན་མི་མཐུན་མེད་པའི་རང་གཤིས་འཇམ་པོ།།
ང་ཡི་སེམས་ཀྱི་གཅེན་མོ་མཚམས་གཅོད་སྒྲོལ་མ།།

དེ་ལས་མང་བ་། “ང་ཡི་སེམས་ཀྱི་གཅེན་མོ་མཚམས་གཅོད་སྒྲོལ་མ།” »

སྤྱན་ཆབ།

༡༽
ལོ་སར། ཁྱོད་ཀྱི་སེམས་པས་ཀྱང་ཚོར་ཡོད་སྲིད།
བྱིས་པ་ཚོས་རྨི་ལམ་ནས་ཉིན་མོ་མཛུབ་རྩིས་བརྒྱབ་མྱོང་བའི་ལོ་སར།
ན་ཟུག་གིས་འགྱོད་གདུང་དག་མིག་སྔ་རུ་བསྐྱལ་ཡོང་བའི་ལོ་སར།

དེ་ལས་མང་བ་། “ལོ་སར། ལོ་སར།” »

འཁྱམས་པོ།

མཆུ་རྩི་དམར་པོས་སྤྲོས་པ།
ད་ལོ་འུ་ཚང་ལ་ལོ་གསར་མེད།
དོ་ནུབ་ང་ཚོ་ལ་སྤྲོ་འཚོགས་བྲལ།
ཤུགས་ཀྱིས་འཁྱུད་དེ་དམ་པོར་སྦྱར་པས་ཁྱོད་ཀྱི་མཆུ་སྒྲོས།
ངའི་འགྲམ་པའི་མཁུར་མགོ་ན།
མཆུ་རྩི་དམར་པོས་སྤྲོས་པ་སྟེ་རྗེས་ཤུལ་མངར་མོ།

དེ་ལས་མང་བ་། “མཆུ་རྩི་དམར་པོས་སྤྲོས་པ།” »

རེབ་ཐོག་མདའ།

ལོ་གསར     མི་བུ་བརྒྱའི་ཁ་ཆེམས་དང་མཉམ་ཏུ
ལོ་གསར     མཐོ་སྒང་གངས་རིའི་ན་ཟུག་དང་ལྷན་ཏུ
གླུ་ལེན་བཞིན   བྲོ་འཁྲབ་བཞིན
བྱིས་པ་ཚོའི
རེ་སྒུག་གི་མིག་ཟུང་འཛུམ་གྱིས་བཞད་ན་ཡང
མནའ་མ་ལེན་བཞིན     བུ་སྟོན་བྱེད་བཞིན
ཨ་རག་ཅུང་ཙམ་འཐུང་དགོས་པ་བདེན་ཡང
བདག་ལ་ད་ལོ་ལོ་གསར་མེད

དེ་ལས་མང་བ་། “ལོ་གསར་བཟང་།” »

རྣམ་འདྲེན་རྒྱལ་བ་གཞན་གྱིས་བོར་བའི་གངས་ལྡན་ནགས་མའི་དཀྱིལ་འཁོར་ན།།

འཕྱན་པའི་འགྲོ་ལ་རྗེས་སུ་ཆགས་པའི་དམིགས་མེད་ཐུགས་རྗེ་གཡོ་མེད་ཅིང་།།

སྤྱན་རས་གཟིགས་ཞེས་རབ་འབྱམས་ཞིང་གི་རྣ་ལུང་དལ་གྱིས་སྒུལ་བ་སྟེ།།

བདག་གི་སྟོན་པ་བསྟན་འཛིན་རྒྱ་མཚོ་བསྐལ་པའི་མཐར་ཡང་གཏན་གྱི་སྐྱབས།།

དེ་ལས་མང་བ་། “རྒྱལ་བ་རིན་པོ་ཆེར་ཕུལ་བའི་ལྷ་ཆབ་ཀྱི་སྙན་ངག་གསར་བ་ཞིག” »

རེབ་ཐོག་མདའ།

ཀ་ཅུའི་ཚོང་པ་བོད་ལ་ཡོང་ནས་ཚོང་ཁང་མགྲོན་ཁང་བདག་ཏུ་བཟུང་།།

ཁ་བའི་བུ་མོ་རྒྱ་ནང་མྱུལ་བཞིན་ཆང་ཁང་གཞང་ཁང་སྒོ་ན་ལུས།།

ག་དུས་ཡིན་ཡང་རྗེས་ན་ལྷག་པའི་རོང་འབྲོག་ཕུ་ནུ་མིང་སྲིང་དག།

ང་རྒྱལ་མགོ་འཕང་སྒོར་མོས་བསླུ་བཞིན་རྨི་ལམ་གྲོང་ནས་མ་འདུག་ཅིག།།

དེ་ལས་མང་བ་། “ལོ་ངོ་བཅུའི་རྗེས་ཀྱི་ཕ་ཡུལ།” »

རྔ་བ་ཀུན་བཟང་།

ཁ་བ ་་་་་་ངའི་རྨི་ལམ་ནང་གི་ཁ་བ
ལྷབ་ལྷུབ་དུ་བབས་པ་་་་་་་ཅི་འདྲ་མཛེས་ཨང་
ཁྱེད་ཀྱི་དྭངས་གཙང་གི་ཁ་མདོག་རེ་རེར
སུས་ཀྱང་ཡིད་དུ་འོང་སྲིད་ལ་
ཁྱོད་རང་ཟིམ་ཟིམ་དུ་འབབ་ཐེངས་ཀྱི་བདེ་སྐྱིད་རེ་རེ
ངས་རྨི་ལམ་གྱི་འཇིག་རྟེན་སྔར་ལས་འོད་མདངས་འགྱུར

དེ་ལས་མང་བ་། “རྨི་ལམ་ནང་གི་ཁ་བ།” »