ཀླུ་སྨྱོན། ཁྱིམ་མཚེས་རྨོ་མོས་སྡུག་སྨོས་ལུང་བ་གང་།། སྐམ་གཉེར་མཆུ་ཏོའི་ནང་ནས་བྱོ་བཏང་ཐལ།། ཆང་དམ་དུད་སྣེ་གྲངས་ཀྱིས་མི་ཟིན་པས།། གྲོགས་པོའི་ཁྱིམ་གྱི་ཕྱི་ནང་ཡོངས་སུ་གང་།།
ལོག་སྨྲ་ཚར་གཅོད།
ངས་གླུ་ལེན་ངག་འགུག་མི་ཤེས་ཀྱང་།།
རྗེ་མི་ལ་བཞད་པའི་རྡོ་རྗེ་དང།།
རྗེ་རྒྱལ་དབང་ཚངས་དབྱངས་དགེ་འདུན་གྲུབ།།
སྐྱབས་ལྕང་སྐྱ་གྲུབ་པའི་རྡོ་རྗེ་སོགས།།
ཆོས་མགུར་གླུ་བླངས་པའི་སྲོལ་ལ་བརྟེན།།
ངས་དེ་རིང་སྐྱིད་པའི་མགུར་གླུ་ལེན།།
བསྟན་འཛིན་འོད་ཟེར།
ལས་དབང་སྨོན་ལམ་བཟང་པོའི་མཚམས་སྦྱོར་ལ་བསྟེན་ནས།།
དལ་བའི་རྟེན་བཟང་འཛིན་པའི་ས་ཆེན་འདིར་སྐྱེས་དེ།།
དྲིན་ཆེན་ཕ་མས་བྱམས་བརྩེའི་ཕྱག་ཡངས་ཀྱིས་བསྐྱངས་ཀྱང་།།
སྔོན་བསགས་ཐོད་པའི་ཤིང་ལོའི་རི་མོ་དེ་གར་འཁོར།།
ནག་ཆུ་ཀུན་དགའ།
མཛེས་སྡུག་ཡུལ་ལ་ཞེན་པའི་ལྷན་སྐྱེས་ཀྱི་གཤིས་འདི།།
བཙན་ཐབས་ཁྲིམས་ཀྱིས་བསྒྱུར་བའི་ངལ་བ་ལ་བརྩོན་ཀྱང་།།
གཞོམ་བྲལ་རྡོ་རྗེའི་ཆོས་སུ་གདོད་མ་ནས་གྲུབ་ཟེར།།
རྟག་བརྟན་གཡུང་དྲུང་རི་མོའི་རང་མདངས་ཤིག་ངོམ་བྱུང་།།
བཀྲ་ཤིས་དོན་འགྲུབ།
སྤྲིན་པ་ལང་ལོང་འཁྲིགས་པའི་འོག་རོལ་གྱི།།
སེར་འོད་ལམ་ལམ་འཕྲོ་བའི་རྒྱ་ཕིབས་དེ།།
ཐག་རིང་ཐག་རིང་ཞིག་གི་ཕ་རོལ་ལ།།
སེམས་པ་ལྷོད་ཀྱིས་འདྲེན་བྱེད་དེ་ཡིན་ནམ།།
རྫ་ཆུའི་ཟླ་བ།
ས་ཐག་རིང་རྒྱ་གར་ལྷོ་ཕྱོགས།།
ཤིང་ཙན་ཏན་དྲི་བསུང་འཐུལ་ཞིང་།།
བྱ་རྨ་བྱ་གླང་ཆེན་རྒྱུ་ས།།
སྟོང་འགྲོ་བའི་སེམས་ཀྱི་ཞིང་ཁམས།།
ནགས་ཐང་ཆེན་ཁ་རྒྱ་ཆེ་ཞིང་།།
ཞིང་འཇའ་ཚོན་དཔལ་བེའུ་རི་མོ།།
ཁྲོ་གཏུམ།
གནག་གནག་པའི་དེ་རིང
ངའི་སྒེའུ་ཁུང་གི་རས་ཡོལ་ལ་ཉི་འོད་ཕོག་འདུག
ཁང་ཆུང་ནང་ནི་ཁ་སང་གི་འོད་ལས་དཀར་བ་ལ
མཚེར་ས་འདི་ནས
ཉི་འོད་ལ་འོ་མ་བྱས་པར་ཡུན་རིང་འགོར
གངས་སྨྱུག
གྲིབ་ནག་མུན་པ་རུབ་པའི་རི་རབ་ཀློང་།།
སྲིན་པོ་ཤ་ཁྲག་དགའ་བའི་གྲོང་པའི་ནང་།།
རྒྱོབ་གསོད་ཀི་སྒྲ་འཁོར་བའི་དུས་རབས་སུ།།
སྤུན་ཟླའི་ཚེ་སྲོག་ཤོར་བའི་གཏམ་རྒྱུད་ཡོད།།
ཀ་ཁའི་རྫི་བོ།
ཁྱོད་ཀྱི་མིག་གི་སྐད་ཆ་དེ་ནི་ལོ་དགུར་བསྙལ་བའི་ཆང་ལ་བཞིན།།
ང་ནི་ཡོངས་སུ་བཟི་བར་གྱུར་པས་ཐ་ན་རང་ཉིད་སུ་ཡིན་འཁྲུལ།།
ཤིན་ཏུ་གསང་བའི་མིག་གིས་འཚོས་འདི་ང་ལ་སེམས་པ་ཤོར་མིན་ན།།
ཁོ་བོའི་ལས་དོན་ཆུང་ཚགས་དག་ཀྱང་ཐབས་ཀྱིས་ལྐོག་ནས་ཅི་ལ་བསྒྲུབས།།
—–གྲོཊ་དམ་པ་གླིང་ཚ་ཚེ་བརྟན་རྡོ་རྗེ་ལ།
འཁྱམས་པོ།
གཙང་ཞོལ་བདེ་གསལ།
1 མཐོན་པོ་དགུ་སྒྲིག་གི་རི་རྩེར་བུད་པ་ཡི།།
འཕྱོར་ཡག་མཐོ་བརྗིད་ཀྱི་སྨིན་མོའི་གསེར་དེའུ་ཐང་།།
ཁྱོད་ཀྱི་སྐྱེས་གཟུགས་ཀྱི་མགོ་བོ་འགྱོག་ས་དེ།།
བྱིས་དུས་ཞབས་རྗེས་ཤིག་བཞག་ཚད་དེ་ན་ཡོད།།
ཨེ་མ་ཧོ།
༄༅། །སྐྱབས་རྗེ་ཞེ་ཆེན་རབ་འབྱམས་རིན་པོ་ཆེའི་བསྟོད་པ་ཨུཏྤལ་དཀར་པོའི་མཆོད་ཕྲེང་ཞེས་བྱ་བ་བཞུགས་སོ། །རབ་འབྱམས་སྲས་བཅས་རྒྱལ་བའི་སྤྱན་སྔ་རུ།།
རབ་འབྱམས་ཚོགས་གཉིས་བསགས་པ་མཐར་ཕྱིན་པའི།།
རབ་འབྱམས་མཁྱེན་བརྩེ་ནུས་པའི་མངའ་བདག་མཆོག །
ནག་ཆུ་ཀུན་དགའ།
༼༡༽
ཡར་ཆབ་ཕུ་མདའ་ལྷོ་བྱང་བསྐྱེད་བསྲིངས་གདོང་དམར་བོད་ཀྱི་ཁྱིམ་གཞི་བསྐྲུན།།
རྟ་རྒོད་རྨིག་པས་ས་ཆེན་བརྡུངས་ཏེ་སུམ་གཉིས་འཛིན་མའི་དཀྱིལ་འཁོར་བཟུངས།།
མེ་རི་འབར་བའི་དམག་གི་དར་ལྕེ་བཀྲ་ཤིས་མཁར་གྱི་ཁྲི་སྒོར་བསྐྱོད།།
མཐུ་ལྡན་བཙན་པོའི་བཀའ་ལུང་བསྒྲགས་ཏེ་དཔའ་རྒོད་དཔུང་པའི་བག་མ་བསུས།།
བསོད་ནམས་ནོར་བུ།
སེམས་པ་རི་ལ་ཁུར་བའི་བདག སྒྲ་སྙན་ཐོགས་བཞིན
རྡོག་སྒྲ་རླུང་ལ་བསྐུར་ཞོར་སོང་སོང་མཐར
སྡོང་ལོ་འབབ་པའི ནགས་གསེབ་ཀྱི་ཁང་པ་ཞིག་རྩར་སླེབས
མིག་གིས་ཅི་འདྲ་བལྟས་ཀྱང
ལག་པས་གང་དུ་རེག་ཀྱང
དོལ་སྨྱོན།
དེ་རིང་བཞུར་བའི་མིག་ཆུ་འདི་ནི་མཛའ་མོར་ཕུལ་བའི་མཆོད་པ་ཡིན།།
དེ་རིང་ཤོར་བའི་དབུགས་རིང་འདི་ནི་མཛའ་མོ་དྲན་པའི་དབྱངས་རྟ་ཡིན།།
དེ་རིང་འཁྱོར་བའི་གོམ་ཟུང་འདི་ནི་མཛའ་མོར་དུང་བའི་བདེན་དཔང་ཡིན།།
དེ་རིང་བྲིས་པའི་སྙན་ངག་འདི་ནི་སྙིང་ཆུང་སྒུལ་བའི་འཕར་སྒྲ་ཡིན།།
ལུང་རྟོགས།
ཉི་མ་ལ་ལ་ནུབ་སོང་།།
གྲིབ་སོ་ཆུ་ལ་བབས་སོང་།།
ང་དང་སེམས་སོང་བྱམས་པ།།
ཁྲོམ་སྲང་དཀྱིལ་ནས་མཇལ་བྱུང་།།
ཀླུ་སྨྱོན། ཉི་འོད་སེར་པོ་སྒེའུ་ཁུང་བརྒྱུད་དེ་གནའ་བོའི་ཆོས་དཔེའི་སྟེང་དུ་འཕྲོས།། དབྱངས་གསལ་བར་ན་བྱམས་དང་སྙིང་རྗེའི་བྱིན་རླབས་འབུམ་ཕྲག་དྲོད་དུ་འཁྱིལ།། ཞོགས་རླུང་ཁྲོད་དུ་བྱེའུ་སྐད་སྙན་ཞིང་འོ་ཇ་འཐུང་བའི་དུས་ཚོད་དེར།། ཏག་ཏག་བར་སྣང་ཧྲིལ་བོ་ཞིག་གིས་དུས་ཚོད་ཡོངས་སུ་གཙབ་ཧྲལ་བཏང་།།
འཆི་བདག་ཚང་།
རྡུལ་དང་འདྲེས་པའི་འཇིག་རྟེན་རྣམ་བཞག་ལ།།
ཕངས་བའི་ཕྱི་མིག་ཙམ་ཡང་མ་བལྟས་པར།།
དམིགས་པ་འོད་དང་ལྷན་ཅིག་བསྲེས་པ་ཡི།།
བདག་གི་སྟོན་པས་ཐུགས་རྗེ་སྐྱབས་ཀྱིས་ཟུངས།།
དེ་ལས་མང་བ་། “བདག་གི་སྟོན་པས་བདག་ལ་དགོངས་དག་གནོངས།།༼བོད་འབྱོར།༽” »
བསམ་གླིང་ཚེ་རིང་ལྷ་མོ།
ཀ་ཤིའི་རས་གོས་རྩེ་མོར་བསྒྲོན་ལྟར་རྒྱང་རིང་གངས་རི་དཀར་མདངས་བཀྲ།།
ཁ་བའི་མཛེས་མདངས་རྣམ་པར་བཀྲ་བས་ཆུ་ཤེལ་དབང་པོས་འགྲན་པར་དཀའ།།
གང་དུ་བལྟས་ཀྱང་རྡ་སའི་ཡུལ་གྱིས་བདག་ཉིད་དྲན་པའི་ཀློང་དུ་ཚུད།།
ང་སེམས་མི་འགྱུར་རྡོ་རྗེར་འགྲན་ཀྱང་དེ་རིང་ནམ་མཁའི་གླང་པོ་བཞིན།།
ཀླུ་སྨྱོན།
མདང་ནུབ་ང་སྟེས་དབང་མིན་པར་སངས་རྒྱས་སོང་།
ཉོན་མོངས་ཅི་ཡང་མ་སྤངས་པར།
སྡིག་པ་ཅི་ཡང་མ་བྱས་པར་སངས་རྒྱས་སོང་།
ཕྲག་དོག་དང་མི་ཁའི་ཁྲོད།
འཕྱ་སྨོད་དང་སྡང་མིག་གི་ཀློང་ནས་སངས་རྒྱས་སོང་།
དེ་ནི་སངས་རྒྱ་འདོད་ཡོད་པ་མིན་པར།