མྱི་སྲས་བཙན་པོ།

ལྗང་མདོག་གི་ནེམ་ཤ་ཡོངས་སུ་དབེན་ཞིང

རི་ལུང་ཀུན་པོས་ཐལ་མདོག་གི་ལྭ་བ་གྱོན་པས

བསམ་གཞིག་ཀྱི་ཀློང་དུ་འཁྱམས་པའི་ཁེར་རྐྱང་གི་བདག་ལ

མྱ་ངན་གྱི་རོལ་དབྱངས་དཀྲོལ་བ་དང་མཚུངས  

དེ་ལས་མང་བ་། “གནམ་ས་སྒུལ་བའི་ཟུར་མིག” »

བསྟན་འཛིན་འོད་ཟེར།

ཐོ་རེངས་སྐར་ཆེན་དེས་སྐྱ་རེངས་བསུས་ཐལ།།
ཉི་རྩེའི་དྭངས་མ་དེར་གསེར་འོད་འཕྲོ་གི །
གཡང་དཀར་ལུག་ཆུང་གི་འབའ་སྒྲ་ལྷང་ལྷང་།།
གཡུ་མདོག་རྩྭ་ཐང་གི་རང་བྱུང་བཀོད་པ།།

དེ་ལས་མང་བ་། “ཨ་རོགས་འབྲོག་མོ།” »

རྒྱང་མིག

བོད་རིགས་མང་འདུ་ཡི་དྲ་ཚིགས།།
ཧི་གཟུགས་ཟིན་བྲིས་ཀྱི་གསེང་ནས།།
སྐལ་བཟང་སྒྲོལ་མ་ཡི་བཞོ་དབྱངས།།
ཁྲ་ཆུང་མིག་མདུན་དུ་མངོན་བྱུང་།།

རྗོད་བྱེད་ཚིག་འགྲོས་ནི་ལེགས་ཤིང་།།
བརྗོད་བྱའི་དོན་སྙིང་ཡང་གཏིང་ཟབ།།

དེ་ལས་མང་བ་། “སྐལ་བཟང་སྒྲོལ་མ་ལ་ཆེད་འཕྲིན།” »

     —རང་ཉིད་འགྲེལ་ཚུལ་ཞིག  

རོལ་དབྱངས།

རིང་ནས་བརྒྱུད་པའི་སྒྲུང་དང་འུད་ལ་བདག་གིས་གཏན་ཚིགས་མི་འགོད་ལ།།
ཉེ་བའི་དུས་ཀྱི་བྱུང་རབས་དག་ཀྱང་ཞིབ་མོའི་ཚུལ་གྱིས་མི་ཤོད་མོད།།
མིག་གིས་མཐོང་ཞིང་སེམས་ཀྱིས་ཚོར་བའི་གནས་ལུགས་འདི་ཀོ་མི་དོར་ལ།།
རིགས་པས་གྲུབ་ཅིང་བདེན་དཔང་མཐོ་བའི་རྒྱུ་འབྲས་ནམ་ཡང་མི་འབོར་རོ།།

དེ་ལས་མང་བ་། “རོལ་དབྱངས་ཀྱི་གསོན་སྐད།” »

བཀྲ་ཤིས་དོན་འགྲུབ།

མཁའ་མཐའ་རུ་བསྲིངས་པའི་ཞིང་ཐང་ཡུད་དང་ཡུད་ཀྱིས་བརྒལ་ནས
ཐར་ཐོར་དུ་སྐྱེས་པའི་བེེཏའི་སྡོང་པོ་དག་རྒྱབ་ནས་རྒྱབ་ཏུ་གཡུག་གིན
རི་ཐང་མང་པོའི་ཕ་རོལ་གྱི་བྲག་རྩེ་མཐོན་པོ་ནས་ཤུགས་དྲག་པོས་ཟགས་ཀྱིན་པའི
ཀ་བེ་རིའི་རྦབ་ཆུའི་ཟེགས་མ་ལ་བལྟས་ཡོང་དུས
ལོ་རྒྱུས་རིང་མོའི་གཞུང་ལམ་ཁྲོད་དུ

དེ་ལས་མང་བ་། “(Shivasagaram)གྱི་རྦབ་ཆུ་ལ་བལྟ་བར་བསྐྱོད་པ།” »

ཤེད་བུ།

བདག་གིས་ད་ལོའི་ལོ་མགོ་ནས་བཟུང་འབེལ་རྩོམ་གྱི་གཞི་སྒྲོམ་མ་འཆོལ་བའི་སྟེང་ནས། འབྲི་སྟངས་གསར་བ་ཞིག་ལ་ཚོད་ལྟ་ལན་མང་བྱས་པ་ཡིན། དེ་ལ་བདག་གིས་ཀློག་དཀའ་བའི་འབེལ་རྩོམ་གསར་མའི་འབྲི་སྟངས་ཟེར་གྱིན་ཡོད། དེ་ནི་ཚིགས་བཅད་གང་ཞིག་ལ། ཚིགས་བཅད་ཀྱི་དབྱངས་འགྲོས་དོར་ཏེ། ཚིགས་ལྷུག་མའི་དབྱངས་འགྲོས་ལ་ཞུགས་པའི་རྩོམ་ལུས་ཤིག་ཡིན་པས། དབྱངས་འགྲོས་ངོས་མ་ཟིན་པའི་མི་དག་གི་ལྕེ་གཅོག་གྲབས་བྱེད་ཀྱང་སྲིད། ཡིན་ནའང་། དབྱངས་འགྲོས་རྙེད་རྗེས་ཆུ་བཞུར་བ་བཞིན་ཁ་ནང་ལ་ལྷུང་ནས་ཡོང་བའི་ཁྱད་ཆོས་ཤིག་ཡོད།

དེ་ལས་མང་བ་། “སྐུ་ཞབས་སེང་རྡོར་གྱིས་བདག་གི་འབེལ་རྩོམ་གསར་མའི་འབྲི་ཐབས་བླངས་པ།” »

སྤོབས་པ་མཐའ་ཡས།

བོད་མི་ལ་ལས་དོལ་རྒྱལ་བརྟེན།།
བོད་མི་ལ་ལས་དོལ་རྒྱལ་དགག །
དེ་ལ་ཡ་མཚན་མ་མཆིས་ཏེ།།
བོད་མི་ལྷ་འདྲེའི་ཆོས་ལ་དགའ།།
དེང་སང་དུས་རབས་ཉེར་གཅིག་པའི།།
དངོས་གཙོ་སྨྲ་བ་གུང་ཁྲན་ཏང་།།
དོལ་རྒྱལ་བརྟེན་སྲོལ་སྤེལ་ལ་བྲེལ།།
འདི་ཉིད་ངོ་མ་ཡ་མཚན་ཆེ།།

དེ་ལས་མང་བ་། “དོལ་རྒྱལ་ཏང་ལ་ཞུགས་པའི་རྟོགས་བརྗོད་ལེའུ་བཅུ་གསུམ་མ།” »

རས་པ།

མི་རྣམས་ཀྱིས་བེད་མེད་དུ་གྱུར་བ་ལ
ཤི་བོ་ཡིན་པའི་དོན་དངོས་ཀྱི་གླེང་སློང་བྱེད
དང་ལེན་བྱེད་ཐབས་མ་བྱུང་བའི
སེམས་ཁམས་ཤིག་ཀྱང་སྐྱེས་སྲིད
དུས་དེར་ངས་ཀྱང་ཁ་ཁུ་སིམ་པོར

དེ་ལས་མང་བ་། “ཆབ་སྲིད་དང་ང་།” »

བསོད་ནམས་ནོར་བུ།
_T. C. ལ

ཡན་ལག་གཏུན་ལ་རྡུང་འདྲའི་ལུས་གོག་དང་།།
མཚོན་རྩེའི་དཀྱིལ་དུ་ལྷུང་འདྲའི་ཡ་ཆུང་འདི།།
སྐབས་རེར་བརྒྱལ་ཞིང་ལན་རེ་སོས་ན་ཡང་།།
ལྕི་མོའི་གོམ་ལྷག་ད་དུང་འདྲུད་བཞིན་ཡོང་།།

དེ་ལས་མང་བ་། “སེམས་ཀྱི་རྨ་ཁ།” »

ཀླུ་སྨྱོན་ཧེ་རུ་ཀ

རྨི་ལམ་ནང་དུ།
ནགས་ཚལ་གྱིས་བྱིས་པ་སྐྱེ་བཞིན་འདུག
གྲངས་ལས་འདས་པའི་བྱིས་པ་སྐྱེ་བཞིན་འདུག
བྱིས་པ་རེ་རེའི་ལུས་ནས་འཇའ་འོད་འཕྲོ་བཞིན་འདུག
བྱིས་པ་རེ་རེའི་ངག་ནས་སྙན་ངག་གྱེར་བཞིན་འདུག
བྱིས་པ་སྐྱེ་ཐེངས་རེ་རེར།

དེ་ལས་མང་བ་། “ནགས་ཚལ་གྱི་གཏམ་རྒྱུད།” »

བཀྲ་ཤིས་དོན་འགྲུབ།

ཞོགས་པའི་ཡུལ་ལྗོངས་དེ་ཧྲིལ་པོ།།
སྨུག་པའི་ཀློང་རུམ་ན་འཐུམ་འདུག།
ང་ཡི་སེམས་ཁམས་ཀྱི་འཇིག་རྟེན།།
སྐྱོ་སྣང་བན་བུན་གྱིས་བཟུང་ཡོད།།

དེ་ལས་མང་བ་། “རྫོགས་ལ་ཉེ་བའི་བདག་གི་སློབ་གཉེར་གྱི་དུས་ཚོད།” »

ནག་ཆུ་ཀུན་དགའ།

ཁམས་འཛམ་བུའི་གླིང་འདི་འབག་བཙོག་གིས་བསླད་ན།།
གནས་གཙང་མའི་ཞིང་ཞིག་ང་ཚོ་ལ་མི་ལྷག །
རྫས་སྙིགས་མས་སྦགས་པའི་ནད་འབུ་ཡི་འཇིག་རྟེན།།
བུ་ཚ་བོར་འཇོག་པ་སྙིང་དབུས་ནས་བཟོད་དམ།།

དེ་ལས་མང་བ་། “མིག་གིས་ལྟ་བར་བཟོད་དམ།” »

བསོད་ནམས་ནོར་བུ།
—–T. C ལ

ལང་ཚོའི་ཕྱི་ཤུན་གྱི་མཛེས་པ་ངོམ་དུས།།
མིག་རྡོག་ཧྲིག་ཧྲིག་དེ་བཙུམ་ན་ཆོག་པ།།
བཅོས་མའི་སྒེག་ཉམས་གྱིས་སེམས་པ་ཁྲིད་པའི།།
ཁྱོད་རང་རྒྱབ་གཟུགས་དེ་མཐོང་གི་མ་རེད།།

དེ་ལས་མང་བ་། “སྙིང་གི་ཕྱེད་ཀ” »

དོལ་སྨྱོན།

མག་མོག་ནས་རབ་རིབ་ཡིན་པའི་གྲོང་ཁྱེར་འདིའི་ནམ་མཁའ།
དྲི་ངན་དང་སྦག་རྫས་ཀྱིས་བརླན་པའི་གྲོང་ཁྱེར་འདིའི་མཁའ་རླུང་།
འུར་སྒྲ་དང་འཛིར་སྒྲས་ཁྱབ་པའི་གྲོང་ཁྱེར་འདིའི་ཕྱི་ནང་།

ད་དུང་

དེ་ལས་མང་བ་། “སེམས་པ་བདེ་ལ་འབབ་པའི་གོ་སྐབས་ཤིག་མི་འདུག” »

ཁྲོ་གཏུམ།

ནགས་ཚལ་གྱིས་དུས་བཞིར་འཕྱོར་ལྭ་མནབས་པ་མིག་ལ་བརྒྱུད་ཡོད
བྱིས་སྐད་ཡང་དེ་བཞིན་འགྱུར་ཁུག་ལ་སིམ་པ་རྣ་བས་རུམ
ཆུ་བོའི་རྒྱུན་ལ་ཤག་གླུ་གྱེར་སྲོལ་དེ་བཞིན་ཡག
སེམས་ཀྱི་འཕུར་ཕྱོགས་ཤིག་གིས་རོལ་མྱོང་གི་བར་མཚམས་བཅད་པའི་དུས་དེ་ཙ་ན

དེ་ལས་མང་བ་། “རྫ་ལུང་འདིའི་ངོ་གདོང་ནས།” »

ཀླུ་རྒྱལ་འབུམ།

མ་ཎིའི་དབྱངས་ལ་དགའ་བའི་སེམས་པ་ཞིག།
ངུར་སྨིག་གོས་ལ་དུངས་པའི་བག་ཆགས་ཤིག།
མ་ལོའི་འོ་མར་རྔམ་པའི་ཞེན་ཆགས་ཤིག།
བུ་ང་སྐྱེས་རྗེས་བྱུང་བའི་གཏམ་རྒྱུད་ཡིན།།

དེ་ལས་མང་བ་། “གཏམ་རྒྱུད།—-འཇིག་རྟེན་གྱི་སྣང་ཤས་ལ་ཐིམ་པའི་ངའི་རྐང་རྗེས་རབ་རིབ།” »

ལུང་རྟོགས།

བོད་མོ་གཡང་སྐྱིད་མའི་བྱ་དགའ།།
ལིའུ་ཞ་ཞ་ལ་ཤོར་སོང་།།
ལྟ་མཁན་ཁྲི་འབུམ་གྱི་དགའ་བསུ།།
མཐོ་སྒང་མཛངས་མ་ལ་ཐོབ་ཀྱང་།།
རང་དབང་མེད་པ་ཡི་ཡུལ་ན།།
དྲང་བདེན་ཟེར་བ་ཞིག་ཡོད་དམ།།
ཁྱོད་ཀྱི་མཛེས་སྡུག་གི་ཉམས་འགྱུར།།
སྒྲོལ་མ་དཀར་མོ་ལ་འགྲན་ཞིང་།།

དེ་ལས་མང་བ་། “གཡང་སྐྱིད་མའི་ར་མདའ།” »

བཀྲ་ཤིས་དོན་འགྲུབ།

རི་བོ་འདིའི་རྒྱབ་རོལ་ན ཆུ་མོ་འདིའི་ཕ་རོལ་ན
སྨྲ་བ་མེད་པར་ཁུ་སིམ་མེར་འདུག་མཁན་དེ་བདག་གི་ཕ་ཡུལ་ཡིན
མེ་མདའི་སྐད་སྒྲ་དང་ཡུགས་ས་མོའི་ཆོ་ངེས
སྡུག་ཡུས་དང་མིག་ཆུ་ལས་ཅི་ཡང་མ་བཞག་པའི་ཡུགས་ཕོ་མྱ་ངན་ཅན་དེ་ཡང་ཁྱོད་རང་མིན་ནམ

དེ་ལས་མང་བ་། “བདག་གི་ཕ་ཡུལ།” »

གླིང་གཅེར་བུ།

རླུང་གིས་ཁུར་བའི་ཕྱི་དྲོ་ཡངས་མོ་རེད།།
སྡོང་ལོ་འགུལ་བའི་མགོ་བོ་མཐོན་པོ་རེད།།
མི་ཚོ་ལས་ལ་བྲེལ་བ་མྱུར་མོ་རེད།།
ཉི་མའི་རྒྱང་མྱིག་ཆད་པ་གསལ་བོ་རེད།།

དེ་ལས་མང་བ་། “གྲིབ་ཀྱི་མགྱོགས་བྲིས།” »

བསོད་ནམས་ནོར་བུ།

སེམས་པ་ལག་སྙིམ་བར་དུ་ཟིན་ནས་བསྡད་ན།།
ཉེར་དགུའི་སྨག་རུམ་འོག་ཏུ་རྙིད་ནས་རུལ་འགྲོ།།
ལུས་པོ་ལྕགས་ཐག་འོག་ཏུ་འཁུམས་ནས་བསྡད་ན།།
རང་བྱུང་ས་ཡོམ་ཆེན་མོས་གཉའ་ནས་གནོན་ཡོང་།།

དེ་ལས་མང་བ་། “ལྒང་འབུག” »