གཉན་ཆེན།
ང་ནི་རླུང་གི་གཤོག་པ་བཅིབས་ནས་ཁ་བ་ཅན་ལ་དཀྱུས་གསུམ་རྒྱབ།།
ཁ་བའི་ཁྲོད་ཀྱི་རླུང་འཚུབ་རྒོད་རུང་ང་ཡི་གཤོག་པ་གཅོག་ནུས་མེད།།
ཁ་བའི་ཁྲོད་ན་འཁྱག་རོམས་ཆེ་རུང་ང་ཡི་ཁ་ལག་བྱིད་ཐུབ་མེད།།
ཁ་བའི་ཁོར་ཡུག་གཞི་རྒྱ་ཆེ་རུང་གཞི་བདག་མི་སླེབས་ས་ཞིག་མེད།།
ཁ་བ་འབབ་པའི་དགུན་གྱི་དུས་སུ་སློག་པ་གོན་ནས་རི་ལུང་ཉུགས།།
དྲག་རླུང་ལྡིང་བའི་དཔྱིད་ཁའི་དུས་སུ་ར་རྩག་གོན་ནས་རོང་ལ་སོང་།།
སེར་ཤུལ་རིན་ཆེན་དོན་གྲུབ།
—གནས་ལུགས་དང་དངོས་ཡོད་འཚོ་བའི་བར་གྱི་སྣང་ཞེན་ཐར་ཐོར་འགའ་མྱངས་རྗེས།
གནས་ལུགས་གོམ་པས་གཞལ་བ་དཀའ་ཚེགས་མ་བྱུང་།།
ཐོས་བརྩོན་ནུས་པས་འདེགས་པར་བཟོད་བློས་ནུས་སོང་།།
ངག་རིག་སྒྱུ་རྩལ་བུ་མོའི་ཟུར་མིག་ཐོབ་བྱུང་།།
བདེ་བའི་ལམ་ཆེན་འདི་ན་ཡོད་ཚོད་མི་འདུག །
བརྒལ་རྟགས་རིགས་པའི་ཀློང་ཡངས་རྩོད་པས་གཤེགས་ཤིང་།།
མཛེས་སྡུག་དབྱངས་ཅན་དགའ་མ་ཁབ་ཏུ་བསུས་ནས།།
ཨེ་མ་ཧོ།
ཀ་ཡེ་གསོན་དང་སྙན་ངག་འབྲི་མཁས་མ།།
ཡང་ཡང་རྗེས་དེད་འདི་ལ་རྒྱུ་མཚན་གང་།།
དངོས་ཡོད་བདེན་ཚིག་ཡིན་པར་ངས་མ་མཐོང་།།
དགེ་སློང་ང་ལ་རེ་བ་མ་བཅའ་ཞིག །
གསུམ་ལྡན་དགེ་སློང་ཡོད་པར་བདེན་སྲིད་ཀྱང་།།
ན་ཆུང་ཁྱོད་འདྲ་མཚན་ལྡན་རིག་མ་མིན།།
རྨ་རོ་ལངས། ༼རྨ་ལྷོ༽
རི་མཐོན་པོའི་རྩེ་མོ་སྨུག་སྤྲིན་གྱིས་བཟུང་ཐལ།།
ཆུ་གཙང་བོའི་དྭངས་ཤ་རྙོག་མ་ཡིས་གྱུར་ཐལ།།
སེམས་སྐྱོ་སྣང་ཆེ་བའི་ཁེར་རྐྱང་གི་མི་ལ།།
ཆུང་བྱམས་པ་དྲན་པའི་མིག་ཆུ་རེ་སྦྱིན་ཡོང་།།
སྔོན་འདས་པའི་ལོ་ཟླའི་བརྩེགས་རིམ་གྱི་ཁྲོད་ན།།
སེམས་རེ་བའི་ཁེངས་པའི་ལམ་བུ་ཞིག་ཡོད་ཀྱང་།།
དེ་ལས་མང་བ་། “སྐྱོ་གདུང་གི་ཟབ་ས་ནས། ངས་འདི་ལྟར་རང་སེམས་ཀློག ༼བོད་འབྱོར།༽” »
བཀྲ་ཤིས་དོན་འགྲུབ།
བས་མཐའ་ཉུལ་བའི་ཤྭ་ཁྱུ་ཞིག
སྐོམ་གདུང་དྲག་པོས་མནར་ཡོད
སྔོ་ལྡེམ་ལྡེམ་གྱི་གཙང་ཆུ་རླབས་སྒྲ་དང་བཅས
མིག་མདུན་ནས་བཞུར་བཞིན་ཡོད་ཀྱང
ཤྭ་ཁྱུའི་ཚོགས་ཀྱིས་ཅི་ཡང་མ་མཐོང་ཞིང་གང་ཡང་མི་ཐོས་པ་འདྲ་སྟེ
རྒྱང་རིང་རྒྱང་རིང་གི་སྨིག་རྒྱུ་ལ་ཅེར་འདུག
དེ་ལས་མང་བ་། “སྐོམ་གདུང་གིས་མནར་བའི་ཤྭ་ཁྱུ། (ཞར་བཀོད་ཚན་པ་གཉིས།)” »
ལོ་མ་རྒྱལ།
སྦྲང་མའི་རྭ་ཅོ་མཉེན་མོ་དེ།།
ལྷམ་ལྷམ་གཡོ་བཞིན་རང་ལམ་འཚོལ།།
རྐང་ལག་ཕན་ཚུན་བརྡར་བརྡར་ཡིས།།
བར་སྣང་དབྱིངས་སུ་འཕུར་བར་བརྩམ།།
ས་ལ་ཡངས་བའི་ནམ་མཁའ་འདེབས།།
སྦུག་གུ་ནང་གི་ཆུ་ཐིགས་མཛེས།།
འོས་སྦྱོར་བ། ཤར་ཕྱོགས་ཁུག་རྟ།
༼མཁས་པའི་གཙུག་ནོར་ཟམ་གདོང་རིན་པོ་ཆེ་མཆོག་གི་དགུང་གྲངས་ ༧༤ པའི་འཁྲུངས་སྐར་ཉིན་དཔེ་སྟོན་སློབ་གྲྭའི་སློབ་མ་ཁག་ཅིག་གིས་བྲིས་ཤིང་གྱེར་འདོན་གནང་བའི་སྙན་ཚོམ།༽
ཡབ་ཆེན་ཁྱེད་ཀྱི་བཀའ་དྲིན་ག་ལ་བརྗེད།
འཆི་མེད་སྒྲོལ་དཀར། རང་ལོ་༡༣ འཛིན་རིམ་ ༨
དཔེ་སྟོན་ཡབ་ཆེན་ཁྱེད་ཀྱི་བཀའ་དྲིན་ག་ལ་བརྗེད།།
ང་ཚོའི་སེམས་སུ་རྡོ་ལ་རི་མོ་བྲིས་བཞིན་ཡོད།།
དེ་ལས་མང་བ་། “དཔེ་སྟོན་སློབ་གྲྭའི་སློབ་མ་ཁག་ཅིག་གིས་བྲིས་ཤིང་གྱེར་འདོན་གནང་བའི་སྙན་ཚོམ།” »
རས་པ།
སྤྲིན་པ་དཀར་པོ་ཞིག
ནག་རོག་རོག་གིས་ཐོན་དུས
ཆར་མཚམས་འཇོག་དཀའ་བའི་སྡུག་སྣང་གིས
ང་ལ་བརྙསབཅོས་བྱེད་པ་འདྲ
མལ་ཐལ་ལ་བརླན་དྲི་མཆེད་དེ
ཉི་ཟེར་གྱིས་ལེན་པར་དཀའ་ཞིང
བརྩེ་སེམས་ཀྱིས་དམ་པོར་འཇུས་ཡོད
པདྨ།
གཉེན་གྱི་ཕྱོགས་ལ་ཆགས་པའི་འཆང་བ་ལྷོད།།
མི་མཐུན་དགྲ་ལ་རྣོན་པོ་མཚོན་ཆས་དབེན།།
བྱམས་བརྩེ་ཀུན་ལ་སྙོམས་མཛད་ཐུགས་རྗེའི་བདག །
ཕྱག་ན་པདྨས་བྱིན་རླབས་ཆར་དུ་སྙིལ།།
འདི་ན་ལུགས་གཉིས་ཕྱོགས་མཐར་སྤེལ་བའི་གནས།།
གདོང་དམར་བོད་པའི་སྙིང་ལ་གདོན་ཞུགས་ཏེ།།
ཕྱོགས་སྒྲིག་པ། སེར་ཤུལ་རིན་ཆེན་དོན་གྲུབ།
ཁྱེད་ཀྱི་འཁྲུངས་སྐར་བསུ།
སྙིགས་མའི་དུས་འདིར་སྟོན་མཆོག་གཉིས་པ་ཞེས། །
ས་གསུམ་འགྲོ་བའི་འདྲེན་མཆོག་ཟླ་མེད་པ། །
མིག་མི་འཛུམ་གྱི་སྲས་ཀྱི་མཆོག་གྱུར་བ། །
མཁས་མཆོག་ཟམ་གདོང་འཁྲུངས་སྐར་དེང་འདིར་བསུ། །
སེར་ཤུལ་རིན་ཆེན་དོན་གྲུབ།
——བཙན་བྱོལ་བོད་མིའི་ཤེས་རིག་གི་ཡབ་ཆེན་སློབ་དཔོན་ཆེན་པོ་མཁས་དབང་ཟམ་གདོང་རིན་པོ་ཆེ་མཆོག་དགུང་གྲངས་༧༤ ལ་ཕེབས་པའི་སྐུའི་འཁྲུངས་སྐར་ལ་ཕུལ།
ལྷ་ཚོགས་མནལ་ལ་ཞུགས་པའི་དུས་སྐབས་སུ།།
སྒྲོན་མེ་མུན་པར་སྤྲོ་བའི་སྔ་གཞུག་ཏུ།།
དཔྱོད་ལྡན་གདན་གྲལ་ལྷོད་པའི་དུས་མཐའ་རུ།།
ཤེས་དཔྱོད་སྤོབས་པས་འགྱིངས་པ་ཁྱེད་ཉིད་ཙམ།།
ནག་ཆུ་ཀུན་དགའ།
མི་ཤེས་གདོལ་པའི་ཕྲུ་གུའི་ཡལ་འདབ་ལྔ།།
བདེ་གཤེགས་གཙུག་ལ་རེག་པའི་ཕྱི་ཉིན་ན།།
འཇིགས་མེད་སྡེར་ཆགས་རྒྱལ་པོའི་ཕ་ཁྱིམ་ལ།།
ནོར་སྲུང་དཔོན་དུ་བསྐོས་པའི་སྟོན་མོ་རོལ།།
རིག་པའི་ལང་ཚོ་དར་བའི་རྣམ་གསལ་བུ།།
ཕྱུག་བདག་བླུན་པོས་བྲན་དུ་བཀོལ་བའི་གླས།།
ཤར་ཕྱོགས་ཁུག་རྟ།
——-གྲོགས་འཕྲིན་ལས་འཇིག་རྟེན་ཕྱི་མར་འགྲིམས་པ་མྱ་ངན་ཞུ།
མི་འདོད་ནད་ཀྱིས་ཟིན་པའི་ལོ་ངོ་དེ་དག །
འཇིག་རྟེན་དཀར་ངོགས་འདི་ཡི་དྲན་ཤིང་རྡོ་ཡིན།།
བརྩེ་བའི་སེམས་ཀྱིས་ཚིག་ཡག་བཤད་རྒྱུ་ཙམ་ལས།།
ང་དང་ང་འདྲའི་གྲོགས་ལ་ཅི་ཡང་མི་འདུག །
འཕྲད་པའི་དུས་ནས་བཤིབ་པའི་ལོ་ཟླའི་བར་དུ།།
ངུ་མ་དགོད་ཀྱི་གཏམ་རྒྱུད་སྣ་ཚོགས་ཡོད་ཀྱང་།།
ཀླུ་སྨྱོན།
—-ངོ་མི་ཤེས་པའི་སྙན་ངག་མ་འབྲུག་མོ་རྒྱལ་ལ་བྲིས་པ།
འོད་ཀྱིས་མཚན་མོ་མེ་རུ་སྦར། །
འོད་ཀྱིས་ལང་ཚོའི་གཟི་བྱིན་འགྱེད། །
འོད་ཀྱིས་མི་ཚེའི་རིན་ཐང་སྟོན། །
འོད་ཀྱིས་མཛེས་མའི་སྒང་གཤོང་འབྲི། །
སྐྲ་ལོ་ནག་པོའི་རྦབ་ཆུ་དེ། །
མཚན་མོའི་མུན་པའི་ཁྲོད་དུ་བཞུར། །
ཞལ་རས་ཟླ་བའི་དཀྱིལ་འཁོར་ཡང་། །
ལོ་བརྒྱའི་གདུང་སེལ་སྙན་ངག་བཞིན། །
ཆུ་སྐྱེས་སྒྲོལ་མ།
ལས་དགུའི་ཐག་པས་རྐང་ལག་བཅིངས་ལས་གྲོལ།།
གྲོལ་བའི་མཛུབ་མོ་སེམས་བརྙན་འབྲི་བར་བྲེལ།།
བྲེལ་འཚུབ་སོར་མོ་ཚོར་འདུའི་དོ་རར་མྱུལ།།
མྱུལ་བའི་བྲོ་གར་རི་མོ་འདི་ན་བཤམས།།
སེམས་སོང་སྙིང་གཏམ་གསོང་པོར་སྨྲ་བ་མཇལ།།
མཇལ་འཛོམས་ལས་སྨོན་བཟང་པོའི་དམ་ཚིག་མཐུན།།
རྔ་བ་ཀུན་བཟང་།
མེ་ལྕེ་ ཧ་ཅང་འབར་བའི་མེ།
ཡོད་ཚད་ལ་ཞེད་སྣང་སློང་བའི་ཁྱོད།
ཅིའི་ཕྱིར་ ཁྱོད་རང་འབར་བཞིན་ཡོད།
མེ་ལྕེ་དེ་འབར་མང་པས།
ངའི་སེམས་པའི་ཟབ་ངོར།
རྨེ་རུ།
གནམ་ས་གཉིས་ཀ་མུན་པས་བཟུང་ཀྱང་།།
ལྟོ་གོས་གཉིས་ཀ་སྤྲང་པོར་གྱུར་ཡང་།།
ང་ཡི་དགའ་མ་དཔེ་དེབ་ལྷན་དུ།།
སྙིང་གཏམ་གླེང་རེས་ནམ་ཡང་མི་འཇོག །
འགྲོ་ལམ་ཡོད་ཚད་ཁ་བས་བཀག་ཡང་།།
འཕུར་ལམ་ཐམས་ཅད་མུན་པས་བཟུང་ཡང་།།
བར་ཕུ་ཕུན་ཚོགས།
ནག་ནོག་ཡོལ་བས་བཀབ་པའི་ཁང་ཆུང་གི །
སྐར་ཁུང་ཕྱེ་ནས་བོད་མིའི་སྤྱི་ཚོགས་སུ།།
ཡུད་ཙམ་བལྟ་བའི་འདོད་བློ་མ་བཀག་པས།།
ཡ་ཆུང་མིག་གིས་ཚོར་སྣང་འདི་ལྟར་སྟེར།།
ལོ་ཆུང་བྱིས་པ་རྩེད་འཇོར་བྲེལ་བ་དང་།།
མཐུན་རྐྱེན་ཅི་དྲག་གང་ལེགས་སྦྱར་བས་དགའ།།
བཀྲ་ཤིས་དོན་འགྲུབ།
འདུ་འབྲལ་དབྱངས་ལ་འཁྲིལ་བའི་སོར་མོ་འདི།།
མིག་ཆུའི་གཡའ་ཚོར་འཕྲུག་པའི་རྣོ་ཁབ་སྟེ།།
རྣ་བ་གླུ་ལ་གཏོད་པའི་གྲོགས་པོ་ཚོ།།
འཁྱམ་པོའི་སུག་པ་འདི་ལ་ཞེ་དུང་ངམ།།
ཟླ་བ་དཀར་མོའི་ཞལ་རས་སྒོར་སྒོར་དེ།།
སུ་ཞིག་དྲན་དུ་འཇུག་པའི་རྐྱེན་ཡིན་ན།།
ཟླ་འོད་འོག་ནས་སྙན་ཚིག་གྱེར་ཚུལ་འདིས།།
ཁྱེད་ལ་བརྩེ་བ་སྟོན་ཚུལ་མཚོན་པ་ཡིན།།
སྙན་བཟང་གཡུང་དྲུང་ཚེ་རིང་།
ཕྱག་ན་པད་མོའི་ཞལ་གསུང་རྡོ་རྗེའི་ཚིག །དད་གདུང་སྙིང་ལ་སྲོག་གི་སྟོབས་བསྐྱེད་ནས། །དཀའ་བའི་ཚེགས་ཀྱིས་བྲིས་པའི་གླེགས་བམ་ཆེ། །བགོ་བའི་སྐལ་བར་ཐོབ་པ་བསྔགས་པའི་ཡུལ། །གནའ་ནས་གྲགས་པ་མ་རྙིང་གདོང་དམར་གྱི། །ཡུལ་ཁམས་ཇི་ལྟར་ཆགས་པའི་བཤད་སྒྲོས་ལ། །དེང་རབས་རིག་པའི་འགྲོས་ཀྱིས་གཞལ་སྟངས་དེར། ། མཚོ་ཆེན་བྲི་བའི་ལྟད་མོ་ངང་གིས་འཁྱིལ། །