བསྟན་འཛིན་འོད་ཟེར།
དགུན་གྱི་ཁ་བ་དེ་ལྷོད་ལ་བབས་ཐལ།།
དཔྱིད་ཀྱི་དཔལ་མོ་དེ་འཛུམ་གྱིས་བསུས་ཐལ།།
གནམ་ལོ་གསར་བ་ཡི་ཅོང་བརྡ་གྲགས་ཐལ།།
གྲོགས་པོ་ལྷན་འཛོམས་ཀྱི་ཉིན་མོ་སླེབས་ཐལ།།
ཤིང་ཕོ་རྟ་ལོ་ཡི་ཚེས་པ་དང་པོ།།
དྲི་ཞིམ་གསེར་ཤུག་དང་འབྲུ་སྣ་གང་འཛོམས།།
ཡང་བསྐྱར་ངས་ཁྱེད་ལ་སྙན་ངག་འབྲི།
འབའ་སྲས།
དཀར་གསལ་ཟླ་བ་ཞིག་འཛུམ་སོང་།།
དེ་ནི་ཡིད་འོང་ཁྱོད་མ་རེད།།
མཛེས་པའི་མེ་ཏོག་ཅིག་བཞད་སོང་།།
དེ་ཡང་རོགས་ལོ་ཁྱོད་མ་རེད།།
བདག་གི་སེམས་པ་ཡི་གཡས་ངོར།།
ཉ་གང་ཟླ་བ་ཞིག་ཤར་བྱུང་།།
དོ་ནུབ་ངས་ཁྱེད་ལ་སྙན་ངག་འབྲི་བཞིན་ཡོད།
འབའ་སྲས།
སེམས་ཀྱི་གཏིང་ན་བཞད་པའི་རྒྱང་རིང་གི་མེ་ཏོག །
སྙིང་གི་ངོས་སུ་ཤར་བའི་དཀར་གསལ་གྱི་ཟླ་བ།།
ཉིན་དང་ཟླ་བ་འདས་ནས་ལོ་འཁོར་ཡང་རྫོགས་ཀྱང་།།
དྲན་པའི་སེམས་ངོགས་འདི་ནས་ཡལ་ཐབས་ཤིག་མ་བྱུང་།།
སྐར་མ་རེ་རེར་བསྐུར་བའི་སྙིང་གཏམ་གྱི་ཟེགས་མ།།
རྐང་དྲུག་ཅན་ལ་སྤྲིངས་པའི་དྲན་གདུང་གི་ཟིལ་མངར།།
ཐོལ་གླུ་ཡིད་ཀྱི་མེ་ལོང་།
ཨེ་མ་ཧོ།
བདེན་གཏམ་བཅོས་མིན་གཡོ་སྒྱུ་མཐོང་བ་འདི།།
ངེས་དོན་སྙིང་པོ་ཁོག་ནས་རུལ་བའི་བརྡ།།
ཆོས་ལོངས་སྤྲུལ་གསུམ་མེད་པར་མོས་པ་འདི།།
ཐེག་གསུམ་ཆོས་ལ་སྦྱང་མཐར་མ་ཕྱིན་དོན།།
ལུས་ངག་ཡིག་གསུམ་གཞན་དབང་གྱུར་པ་དེ།།
དོན་དམ་ཆོས་ཉིད་དགོངས་པར་མ་རྟོགས་རྟགས།།
སྙན་ངག་པ་གྲགས་ཅན་ཧོར་གཙང་འཇིགས་མེད་མཆོག་གིས་སྙན་ངག་གི་ཕ་ཁྱིམ་ནང་སྤེལ་བའི་གཏམ་བཤད།
སྙན་ངག་པ་གྲགས་ཅན་ཧོར་གཙང་འཇིགས་མེད་མཆོག་གིས་སྙན་ངག་གི་ཕ་ཁྱིམ་ནང་སྤེལ་བའི་གཏམ་བཤད། དང་པོ། http://voxer.com/v/8f107a2474 གཉིས་པ། http://voxer.com/v/9601699e3f གསུམ་པ། http://voxer.com/v/4602230e11 བཞི་པ། http://voxer.com/v/8a2ad7e802 ལྔ་པ། http://voxer.com/v/1643c03c51 དྲུག་པ། http://voxer.com/v/d7032c768c བདུན་པ། http://voxer.com/v/fe8bcaa580…
དེ་ལས་མང་བ་། “སྙན་ངག་པ་གྲགས་ཅན་ཧོར་གཙང་འཇིགས་མེད་མཆོག་གིས་སྙན་ངག་གི་ཕ་ཁྱིམ་ནང་སྤེལ་བའི་གཏམ་བཤད།” »
སྨོན་འདུན།
རིགས་གྲོལ།
གནམ་ལོ་གསར་པ་བཞད་བྱུང་།།
སྨོན་ལམ་གསར་པ་བཏབ་ཡོད།།
རྒྱལ་ཀུན་ཐུགས་རྗེ་ཅན་པོས།།
སྐྱབས་དང་མགོན་ཞིག་མཛོད་དང་།།
ཚེས་གཅིག་བླ་མའི་ལོ་གསར།།
བླ་མའི་ཞབས་ལ་མཆོད་ཡོད།།
རབ་རྒྱན་ཤིང་རྟའི་ལོ་སར་ལ་སྨོན་ཚིག་གི་ལྷ་དར་དཀར་པོ།
ཨེ་མ་ཧོ།
བསླུ་མེད་གཏན་གྱི་སྐྱབས་གནས་ཡིད་བཞིན་གྱི་ནོར་བུ།།
སྙིང་དབུས་པད་ཟླའི་གདན་ལ་འབྲལ་མེད་དུ་བཞུགས་ནས།།
བསྟན་དང་འགྲོ་བའི་དོན་ཆེན་འབད་མེད་དུ་འགྲུབ་པའི།།
མཆོག་དང་ཐུན་མོང་བྱིན་རླབས་ལྷུན་གྲུབ་ཏུ་སྩོལ་ཅིག།
བསོད་ནམས་ཡེ་ཤེས་ཤིང་རྟའི་དཀྱིལ་འཁོར་གྱི་བཀོད་པ།།
གང་བསམ་ལྷུན་གྱིས་འགྲུབ་པའི་གནམ་ལོ་འདི་འཆར།།
རེ་སྒུག་གངས་རི་དཀར་པོའི་སྣོད་བཅུད་ཀྱི་དགེ་མཚན།།
ཕུན་ཚོགས་ཡོན་ཏན་བྱེ་བའི་གཏེར་མཛོད་དེ་མངོན་ཤོག།
དེ་ལས་མང་བ་། “རབ་རྒྱན་ཤིང་རྟའི་ལོ་སར་ལ་སྨོན་ཚིག་གི་ལྷ་དར་དཀར་པོ།” »
ཁྲི་ལོར་ཤོག
སྐྲན།
བོད་ཀྱི་སྐད་དང་ཡི་གེ་ཁྲི་ལོར་ཤོག།
དགོས་སུ་བྱམས་དང་སྙིང་རྗེ་ཁྲི་ལོར་ཤོག།
མདོར་ན་ཐུན་མིན་ཡུལ་གོམས་ཁྲི་ལོར་ཤོག།
༧གོང་ས་ཡིད་བཞིན་ནོར་བུ་ཁྲི་ལོར་ཤོག།
ལྷོ་བ་འཛམ་བུ་གླིང་འདི་ཁྲི་ལོར་ཤོག།
དགོས་སུ་ས་དང་ནམ་མཁའ་ཁྲི་ལོར་ཤོག།
བླ་མ་རྡུང་ལེན་པ་གུང་ཐང་རིན་པོ་ཆེ་རྗེས་དྲན་ཞུ།
ཤར་ཕྱོགས་ཁུག་རྟ། བོད་ལ་བཀའ་དྲིན་ཆེ་བའི་གུང་ཐང་བ།། བསྟན་སྲིད་ལར་རྒྱ་མི་འདོར་གུང་ཐང་བ།། མཁས་པའི་མཁས་མཆོག་བླ་མ་གུང་ཐང་བ།། མཛད་འཕྲིན་བཟང་འཁྱོལ་བླ་མ་གུང་ཐང་བ།། དེ་རིང་རྒྱུས་མེད་མི་ཡི་རྒྱུས་གཏམ་ཙམ།། ཁྱེད་དང་གངས་ཅན་བོད་འདི་དགའ་ས་སྟེ།། ༸གོང་ས་ཆེན་པོའི་བཞུགས་སྒར་ངྷ་ས་ནས།། བྱས་པ་མ་བརྗེད་དྲན་པའི་རྟེན་དུ་འབུལ།། ༢༠༡༤། ༣། ༡། ཉིན།།
རྒྱལ་སྲས་ཀྱི་སྤྱོད་པ།
ལོག་སྨྲ་ཚར་གཅོད།
ཞབས་འོག་གི་ས་སྒང་འཁོར་གྱིན་འཁོར་གྱིན།།
གནམ་འོག་གི་འཕུར་གྲུ་འཕུར་གྱིན་འཕུར་གྱིན།།
སྤྱན་འོག་གི་སེམས་ཅན་གཟིགས་ཀྱིན་གཟིགས་ཀྱིན།།
ཉི་འོག་གི་སྐྱེ་འགྲོ་སྨིན་གྱིན་སྨིན་གྱིན།།
ས་སྟེང་གི་སེམས་དཔའ་བསྐྱོད་ཀྱིན་བསྐྱོད་ཀྱིན།།
བྱམས་བརྩེ་ཡི་ནུས་སྟོབས་འདོན་གྱིན་འདོན་གྱིན།།
རྟེན་འབྱུང་གི་ཟབ་ཆོས་གསུང་གིན་གསུང་གིན།།
<<ཁ་བ་ལྷག་མ>>
ཚེ་རིང་།
རླབས་ཀྱི་གཉེར་མས་མ་གོས་པའི་མཚོ་མོ
འཇམ་དྭངས་ངེར་འོ་སྤྲིས་བཞིན་ཆགས་
མཚོ་མོའི་ཀློང་དུ
ལྷང་འཇག་དང་སྨག་བུན་ལྷན་ཏུ་འདྲེས་ཤིང
མྱ་ངན་དང་གདུང་བ་མཉམ་དུ་འཁྱིལ
སྨག་བུན་རབ་རིབ་ཀྱི་ཁྲོད་ནས
ལོ་གསར་པར་ངེས་པར་དུ་འཚམས་འདྲི་བྱ་ཡུལ།
ཤིང་ནགས་མེ་ཏོག
༡༽ ༸གོང་ས་མཆོག
བསིལ་ལྡན་ལྗོངས་སུ་འཁྲུངས་པའི་མགོན།།
འཕགས་ཡུལ་ས་སྟེང་བྱོན་པར་དགྱེས།།
སླར་ཡང་རང་ཡུལ་འབྱོན་པར་རེ།།
སྐུ་ཉིད་ལོ་གསར་སྐུ་ཚེ་བརྟན།།
འབའ་སྲས་ཀྱིས་སྙན་ངག་ལ་ལྟ་སྟངས།
འབའ་སྲས།
ཚིག་འགྲོས་གློ་བུར་མ་འཁྱོལ་མཉམ་པའི་གདངས།།
འགྱུར་བ་མངོན་དུ་གསལ་ལ་མཛེས་པའི་ཉམས།།
དོན་གང་ཇི་ལྟར་བརྗོད་ལ་ཐབས་ཀྱི་རྩལ།།
རྣམ་གསུམ་གཅིག་འདྲེས་སྙན་ངག་མཆོག་ཏུ་ལྟ།།
རྨང་ནས་ཅི་ཡང་མ་མཐོང་མ་ཐོས་པ།།
ཚོར་བའི་ནང་འཇུག་ཁོ་ནར་བརྟེན་པ་དང་།།
ཆུང་མར་ཕུལ་བའི་མེ་ཏོག་གི་འཕྲེང་བ། (ཞར་བཀོད་གསུམ)
སྐྱ་རེངས།
བརྩེ་བའི་ཞལ་རས་ཆུ་སྐྱེས་པད་མ་འདྲ།།
འཛུམ་པའི་མཆུ་སྒྲོས་སྐྱུར་སིལ་དམར་པོའི་མདངས།།
ཆགས་པས་སྤྲོས་པའི་སྐྲ་ལོ་མུན་ལྟར་གཏིབས།།
མིག་གཉིས་བཀྲག་མདངས་འཚེར་བའི་ཟླ་བ་བཞིན།།
བརྩེ་བའི་ཞལ་ཁྱིམ་ཐེངས་གཅིག་མཐོང་བས་མོད།།
སྐྱོ་བའི་མུན་པ་ཐ་དག་ཞི་མཛད་པའི།།
དེ་ལས་མང་བ་། “ཆུང་མར་ཕུལ་བའི་མེ་ཏོག་གི་འཕྲེང་བ། (ཞར་བཀོད་གསུམ)” »
སེམས་ཀྱི་མདུད་པ་གྲོལ་གླུ
སོག་ཚང་བློ་བྷེ།
འཚང་ཀ་རྒོད་པའི་མི་ཚོགས་ཀྱི་སྲང་མདོར།།
ཀུན་རྟོག་འཁྲུལ་བའི་རྣམ་གཡེང་གི་གཞི་མར།།
ཆ་ལུགས་སྤྱོད་ལམ་སྣ་ཚོགས་ཀྱི་སྣང་བ།།
རེར་འཇིག་རེར་སྐྱེ་མ་ངེས་ཀྱིས་བྱུང་ངོ་།།
མཛེས་མའི་བསླུ་བྲིད་མེ་ཏོག་གི་དྲི་ཞིམ།།
དབྱར་དུས་ལང་ཚོ་བཀྲག་མདངས་ཀྱི་བརྩེ་བ།།
མཚན་གུང་གི་སེམས་འགྱུ།
ཁ་བའི་འབྲོག་མོ།
ཕ་རོལ་རྒྱབ་ན་བརྩེ་བ་རྣལ་མ་ཞིག།
ཚུར་རོལ་མདུན་ན་འཁོན་འཛིང་དྲག་པོ་ཞིག།
རྒྱབ་དང་མདུན་གྱི་འགྱུར་བའི་འཕྲང་ལམ་ན།།
སེམས་ཀྱིས་མ་ཟིན་འཕྲུལ་སྣང་སྟོང་གིས་གཡོ།།
སེམས་ཀྱི་འདོད་པ་མི་མངོན་གསེང་ན་སྦས།།
ང་ཡི་ལུས་རྟེན་ནམ་མཁའི་མཐའ་རུ་འཁྱམ།།
ཁྱི་རྒན་མ།
ཉི་མ་རྒྱལ་མཚན།
ཁྱི་རྒན་མ།
ཁྱོད་ད་དུང་། འདི་ལྟར་བསྡད་དགོས་དོན་ཅི། དོན་ངོ་མར། ཁྱོད་ཀྱིས་ཅི་ཞིག་བྱ་འདོད། ཁྱོད་ཀྱི་བྱ་སྤྱོད་དེ་ངས་ནམ་ཡང་མཐོང་མི་འདོད། ཁྱི་རྒན་མ། ཁྱོད་ད་དུང་འདི་ལྟར་ཅེར་དགོས་དོན་ཅི། དོན་ངོ་མ་ཁྱོད་སུའི་སྒོ་ཁྱི་ཡིན། ཁྱོད་འདིར་སླེབས་ནས་བཟུང་། ངའི་འགྲོ་ལམ་བཀག་སོང་ལ་ངའི་སེམས་པ་སྡུག་ལ་སྦྱར་སོང་། ད་ཁྱོད་འགྲོ་ན་རན།
མཁས་དབང་དགེ་འདུན་ཆོས་འཕེལ་དང་དབྱུག་པ་ཅན་གྱི་སྙན་ངག་མེ་ལོང་།
འདིར་མཁས་དབང་དགེ་འདུན་ཆོས་འཕེལ་གྱི་གསུང་འབུམ་ཁྲོད་དུ་བཞུགས་པའི་ལེགས་སྦྱར་བང་མཛོད་ལས། སྙན་ངག་མེ་ལོང་གི་སྐོར་དང་དབྱུག་པ་ཅན་གྱི་ལོ་རྒྱུས་བཅས་ཁོལ་དུ་ཕྱུངས་ཏེ་བཀོད་ཡོད། གཤམ་གྱི་འབྲེལ་ཐག་ལ་བསྣུན་ནས་གཟིགས་རོགས། ཤོག་ངོས་གསུམ་ཡོད། dge ‘dun chos ‘phel on Dandi
རྒྱ་སྟག་ངར་མ་ཞིག
___སྲས་འཇིགས་མེད་ནོར་བུར་རྗེས་དྲན་དུ།
རྡོ་རྗེ་རིན་ཆེན།
ཐུ་བྷོད་བཙན་པོ་གཤེགས་པའི་བཤུལ་ལམ་རིང་།།
སྒང་བ་བོད་ཀྱི་“སྒེར་ཚུགས་’’དེ་བས་རིང་།།
ལྷ་ཁང་ནང་གི་བཙན་གཡེམ།(ཞཪ་བཀོད་བཞི)
རྩོམ་པ་པོ། སྐྱ་རེངས།
ནགས་ཀྱི་ཤིང་ཕྲན་དག་ནི་ཕན་ཚུན་གཙུབ།།
སྙན་བའི་བྱིའུ་སྐད་དག་ནི་ངེས་མེད་འབྱིན།།
རིང་ནས་བརྩེ་བའི་སྤྲ་དང་སྤྲེའུ་རྣམས།།
ཡལ་འདབ་ཤིང་གི་རྩེ་ལ་འདོད་པས་འཁྱུད།།
མོ་ཤིང་སྟོངས་བའི་དབེན་པའི་ནགས་རྫོང་ན།།
ཕོ་ཤིང་དག་ནི་ངེས་མེད་བཙན་གྱིས་གཙུབ།།