འབའ་སྲས།
——-སྙན་ངག་གི་ཕ་ཁྱིམ་ལོ་དེབ་ཐོག་མར་བྲིས།
གཞིས་དང་བྱེས་ཀྱི་རྣམ་དཔྱོད་ཡངས་པའི་མཁའ།།
སྙན་ངག་ཕ་ཁྱིམ་སྤྲིན་ཕུང་དཀྲིགས་པ་ཡིས།།
ཚོར་བའི་འཇའ་དང་བསྡོངས་པའི་སྙན་ངག་ཆར།།
དབྱངས་འགྲོས་ཟིལ་དང་འགྲོགས་ཏེ་ས་ལ་བབས།།
ཨེ་མ་གངས་དཀར་རི་བོའི་རྒྱབ་མདུན་ན།།
ཚོན་རིས་སྣ་ལྔ་ལྷན་གཅིག་འདྲེས་པ་ཅན།།
—རས་པ།
༡༽ མུན་ནག་དང་མིག
འཇིག་རྟེན་དུ་མ་སླེབས་པའི་སྔོན་དུ།
སུ་ཞིག་གིས་མུན་ནག་གི་ཐ་སྙད་གང་ལ་སྦས་ཡོད་དམ།
དཀར་ངོགས་ཆེས་ཆེར་ཡོད་པའི་ས་གཞིའི་ངོས་ནས།
ག་ལེར་ནར་སོན་ཞིང་། གོམས་པར་གྱུར་ཚེ།
ད་གཟོད། ཁྱེད་རང་མུན་ནག་ལ་འཇིགས་ཤིང།
འཇིགས་ཡེར་བའི་གཏམ་རྒྱུད་ཡོད་ཚད།
མཚན་མོའི་འདྲེ་སྒྲུང་ལས་བྱུང་བ་དྲན་ནམ།
མི་གསོན་པོ།
སེམས་དང་སེམས་པའི་སྦྲེལ་ཐག་གཅིག་ན་ཡང་།།
ལས་དང་ལུས་ཀྱི་བསྐོས་ཐང་མེད་པ་ཡི།།
ང་དང་ཁྱོད་ཀྱི་གྱེས་བྲལ་དྲན་པའི་མོད།
སྐྱོ་བའི་མིག་ཆུས་གདུང་བ་སྙིང་དུ་ལྕི།།
ལས་ཀྱི་རི་མོ་གང་བསྐོས་མ་གཏོགས་པ།།
སེམས་ཀྱི་སྣང་བ་གང་ཤར་མེད་པ་ཡི།།
ལོག་སྨྲ་ཚར་གཅོད།
ཆུ་འཛིན་འཁྲིགས་པའི་ལྷ་ལམ་ཡོལ་བའི་འོག །
སྨུག་ཞགས་འཁྱིལ་བའི་འཛིན་མའི་གར་སྟེགས་ཐོག །
སྙན་འཇེབས་ལྡན་པའི་དབྱར་སྐྱེས་རྫ་རྔའི་ཁྲོད།།
དཔྱིད་ཀྱི་བུ་མོས་སྒྱུ་རྩལ་ངོམས་ལ་ཁད།།
ནགས་ཀླུང་སྟུག་པོའི་སྒྱུ་རྩལ་ཁང་ཆེན་ན།།
གྲང་དྲོ་སྙོམས་པའི་དུས་ཀྱི་རྐུབ་སྟེགས་ཐོག །
ཆབ་མདོ་ངག་ཕུན།
—————-
གྲོགས་པོ་ལགས།
སྐུ་ཉིད་ནད་གཞི་ཕྲན་བུ་དྲག་ཏུ་ཕྱིན་ནས་སྨན་ཁང་ནས་བཏང་བ་ཐོས་དུས་ཧ་ཅང་དགའ་བོ་བྱུང་།
རྒྱུ་མཚན་ནི་མི་ཡུལ་ལ་གྲོགས་མེད་ཁེར་རྐྱང་དུ་མལ་སར་ལྷག་ཅིང་།
ན་ཟུག་གི་དཀའ་ངལ་དང་།
དྲིན་ཅན་ཕ་མ་དང་ཁ་བྲལ་བའི་སྡུག་བསྔལ་སོགས།
ཁྱོད་ལ་དཀའ་སྡུག་ཅི་ཞིག་ཡོད་པར་རྟོགས་ཐུབ།
རས་པ།
སེམས་ཀྱི་འདུན་པ་འགོག་མེད་པ།།
བརྩེ་བའི་ཁ་བ་གངས་ཀྱིས་བཞུ།།
མཇལ་འཛོམས་སྤྲོ་བའི་གཟི་འོད་ཀྱིས།།
དགུན་འཁྱག་སྣང་བའི་སྐྱོ་བ་སྦྱིན།།
བསླུས་སམ་འདོད་པའི་སྣ་ཐག་བཞག།
གར་འགྲོ་ངེས་མེད་མགོ་ཡོམ་འཁོར།།
བྲེ་ནག
ས་མཐའི་རྣམ་ཤེས་འཁྱོམ་པོ།།
ལས་དབང་འཚུབ་མོའི་དེད་ནས།།
ངེས་མེད་ཕྱོགས་བཞིར་རྒྱུགས་ཀྱང་།།
དྲོད་ལྡན་ཁྱིམ་ཞིག་མ་རྙེད་།།
དགུང་གི་ཉི་ཟླ་འགྲིམ་ཞིང་།།
ས་ཡི་མེ་ཏོག་རྒས་དུས།།
ཁ་བའི་འབྲོག་མོ།
སེམས་ཀྱི་བྱེད་ལས་ཉིང་ཁུའི་བཅུད་ལ་གནས།།
ཁྲ་ཆུང་མིག་ཟུང་དྭངས་པའི་ལས་ཀྱི་ཡུལ།།
ཁམས་ཀྱི་ཁ་ཏོག་རླུང་གིས་རྙོག་པ་འདིས།།
དྭངས་གཙང་འཇིག་རྟེན་རྡུལ་གྱི་ངོ་ལ་སྦྱར།།
དགའ་སྐྱོའི་ཚོར་བ་ཤུགས་ཀྱིས་འགུལ་སྟངས་འདིས།།
བརྩེ་བའི་དགུ་མདུད་རང་སར་ཁད་ཀྱིས་གྲོལ།།
འབའ་སྲས།
མི་ནི་ཤིན་ཏུ་གླེན་པའི་སྲོག་ཆགས་ཤིག །
དེ་ལྟར་མིན་ན་ཤེས་བྱར་ཅི་ལ་སྦྱོང་།།
དུད་འགྲོ་དག་ནི་མི་ལས་མཁས་པ་སྟེ།།
གང་ལ་མ་སྦྱངས་རང་ཉིད་མཁས་པར་གྲུབ།།
དུད་འགྲོས་མི་ལ་སློབ་སྦྱོང་བྱས་མྱོང་མེད།།
མི་ཡིས་དུད་འགྲོ་སློབ་དཔོན་ཉིད་དུ་བསྟེན།།
བྲེ་ནག
མུན་ནག་གི་མཚན་མོ་རེ་ཕར་ལ་བསྐྱལ་ནས།
འོད་སྣང་གི་ཉིན་མོ་རེ་ཚུར་ལ་བསུ་དུས།
མདང་དགོང་གི་སྐྱོ་གདུང་དང་མིག་ཆུ།
དེ་རིང་གི་མཛེས་སྡུག་དང་རེ་བ་ཅི་ནས་མིན།
གྱེས་བྲལ་དང་ངུ་ཤུམ་གྱིས་བསྐྱལ་བའི་མདང་དགོང་།
ཁེར་རྐྱང་དང་ལྷིང་འཇགས་ཀྱི་ཁྲོད་དུ་ཕར་ལ་འདས་ཏེ།
སོག་མདའ།
ཀྭ་ཡེ་ཞེས་སེམས་ནས་འབོད་ན་འདོད་པའི་ཨ་ཅག་དེ་དབྱངས་ཅན་་ལྷ་མོ་མིང་ཅན།།
ཁ་མིན་གྱི་ཚིག་གིས་ཕྲེང་བ་བརྒྱུས་ནས་ལབ་གླེང་གི་དུས་ཚོད་ཇ་ཡུན་ཙམ་ཞིག །
གང་ཞིག་གི་ཇ་ཁང་ཟ་ཁང་ནང་ནས་སྐར་འགའི་རིང་སྐད་ཆ་བཤད་ན་ཆོག་གམ།།
ང་དང་ཁྱེད་ཕན་ཚུན་ངོ་ཤེས་བཟོ་་བར་དལ་དལ་ངང་ཁ་བརྡ་ཅུང་ཙམ་བྱེད་དགོས།།
ཅ་ཅོ་ཡི་འུར་ཟིང་འདུ་འཛི་མེད་སའི་ཁུ་སིམ་པའི་ཇ་ཁང་ཀེ་ལ་ཤ་རུ།།
ཆ་ཡོད་དང་ཆ་མེད་ཡོང་རོགས་མེད་པར་སྐུ་ཉིད་ལགས་ཁེར་རྐྱང་ངང་ལ་ཕེབས་དང་།།
འབའ་སྲས།
མི་ཞིག་མདུན་དུ་བསྐྱོད་བཞིན་རྒྱབ་ཏུ་ལྟ།།
གཞན་ཞིག་ཕྱི་ལ་ནུར་བཞིན་མདུན་དུ་གྱེར།།
མདུན་རྒྱབ་རྐང་བས་བགྲོད་པའི་གོམ་མཚམས་ནས།།
ད་དུང་འགྲོ་སྟངས་གཞན་ཞིག་ཡོད་པ་འདྲ།།
མི་ཞིག་དགོད་ཅིང་འཛུམ་བཞིན་ཚུར་ལ་འོང་།།
གཞན་ཞིག་སྐྱོ་ཞིང་ངུ་བཞིན་ཕར་ལ་འགྲོ །
ཀྱེ་མ་ཧོ།
བདེན་བཞི་སྟོན་མཁས་རྒྱལ་བ་རྒྱ་མཚོ།།
བསླབ་གསུམ་མཛོད་འཛིན་མཆེད་ལྕམ་དགེ་འདུན།།
སྐུ་གཉིས་མངོན་མཛད་དྲིན་ཆེན་བླ་མ།།
སྐྱབས་གཅིག་དམ་པར་སྙིང་ནས་འདུད་དོ།།
ཆོས་གྲལ་བསྡད་ཀྱང་ཆོས་ཀྱིས་དབུལ་ཞིང་།།
བར་ཕུ་ཕུན་ཚོགས།
——-
ཤར་སོང་བོད་ཀྱི་ལོ་གསར་ཤར་སོང་།
ནམ་དུས་ཀྱི་འགྱུར་བགྲོས་དང་།
ས་ཁམས་ཀྱི་གནས་སྟངས་ལ་གཞིགས་ནས།
ཉི་མ་བྱམས་སྐྱོང་གི་དྲོད་འཇམ་སྔར་བས་ཆེ་ལ།
ཟླ་བ་སྤྲིན་བྲལ་གྱི་རེ་སྒུག་སྔར་བས་ཟབ་ཅིང་།
ཚེ་རིང་།
མིག་ལ་འཚེར་བའི་དམར་སྨུག་གི་ཚེ་སྲོག
རེ་ཞགས་དང་ཡིད་ཆེས་ཀྱིས་སྦར་དེ
བགྲོད་དཀའ་བའི་ལོ་ཟླའི་ཁུགས་པ་རེ་རེ་བཞིན
འདི་ལྟར་ཨུ་ཚུགས་དང་བཟོད་སྒོམ་གྱིས་བརྒལ་དགོས
འདི་ནི་གྲྭ་རྐྱང་ཚོའི་ལས་དབང་གིས་བསྐོས་ཐང་ཡིན་ལ
གནས་ལུགས་སུ་གྲུབ་ཟིན་པའི་སྲོལ་རྒྱུན་གྱི་ལམ་བུའང་ཡིན
ལྷ་སྡེ་གནམ་ལོ་ཡག
____ གསུམ་ཅུའི་དུས་དྲན་ཐེངས ༥༥ལ་བྲིས།
མི་རྣམས་བཤར་བཞིན་པའི་རྒྱབ་གཟུགས་ལ་ཅེར་ཐེངས་རེར
དུས་མིན་འཆི་བར་ཚུད་འདྲའི་མགོ་ཡོམ་ཡང་ཡང་འཁོར
ད་དུང་དབྱིངས་དཔྱད་ལའང་ངེས་གཏན་ཞིག་མི་འདུག
ལོ་རྒྱུས་ནི་ནུ་ཆུས་དབུལ་བའི་དྭ་ཕྲུག་ཅིག་དང་འདྲ་བར
དུས་ཀྱི་ལྡོག་འགྲོས་ཀློང་བཤུམས་ཀྱིན་པའི་ངུ་སྐད་ཕྲ་མོར
ནུས་མེད་ཤུགས་ཟད་ཀྱི་བཟོ་ལྟས་ཀུན་ནས་བཅངས
ས་འཛིན་དཀར་པོ།
ཆེན་པོས་ཁྱོད་ལ་དོ་སྣང་མེད་ནས་སྐྱུར།།
ཉམ་ཆུང་ནུས་མེད་ང་ནི་ཁྱོད་རང་དྲན།།
ལོ་དང་ཟླ་བའི་དབར་ནས་སྐྱིད་སྡུག་དེ།།
སུས་ཀྱང་གོ་རིག་མེད་པས་གང་ན་ཡོད།།
ཐོག་མར་ཁྱོད་ལ་ཡག་སྡུག་བཤད་མཁན་མང་།།
བར་དུ་ཁྱོད་རང་བཙོན་ལ་དཀའ་སྡུག་མྱངས།།
མཐའ་མ་ཁྱོད་ཀྱིས་རྐང་འཕྲུལ་འདྲུད་ནས་ཉིན།།
མཐོང་ཐོས་མེད་པས་འཆི་གསོན་གང་ན་ཡོད།།
གླིང་གཅེར་བུ།
_____གསུམ་གཅིག་ཐིག་བོད་ཞི་བའི་སྒེར་ལངས་ཉིན་དྲན་པར་བྱ།
སང་ཉིན་གངས་རི་ལ་ཁ་བ་འབབ་སྲིད
དེ་ལས་ཀྱང་དྲག་རླུང་གཡུག་སྲིད
པོ་ཏ་ལའི་མི་མང་ཚོས་བྲང་ཁོག་སྒྲིལ་སྲིད
གློག་དམར་འཁྱུག་སྲིད
བྲག་ཅ་འཁོར་སྲིད
དམར་པོ་རིའི་ཁ་མདོག་འགྱུར་སྲིད
