ཁ་བའི་རྣམ་ཤེས།
ཀ་དག་སྨྲ་བསམ་བརྗོད་མེད་ཆོས་ཀློང་དུ།།
ཁ་དོག་རྟེན་འབྲེལ་འཇའ་ཚོན་ཤར་བ་ལྟར།།
ག་ནས་བལྟས་ཀྱང་རང་བཞིན་མི་རྙེད་པས།།
ང་དང་ང་ཡིར་འཛིན་པ་འཁྲུལ་སྣང་ཡིན།།
ཅ་ཅོ་ལུང་སྟོང་ཕུ་ཡི་བྲག་ཆ་དང་།།
ཆ་ལུགས་རྣམ་འགྱུར་སྒྱུ་མའི་སྤྲུལ་པ་བཞིན།།
ཇ་ཆང་རྨི་ལམ་ཡུལ་གྱི་ལོངས་སྤྱོད་དག།།
ཞོགས་ཇ་མ་འཐུང་བའི་སྔོན་ལ།
ཁྲོ་གཏུམ།
ཉི་འོད་ཀྱི་རྣ་ལུང་ཡ་གཅིག་བཏེགས་པའི་མཚོ་ངོགས་སུ
རླབས་རིས་སྟུད་མར་རྩེན་པའི་ཝུ་བའི་ལ་ཐོད་ཅན
ཉི་འོད་ཀྱི་ཟེར་མ་འོད་དུ་འཚེར་བའི་མུ་མཐའ་ལ
མིག་གིས་ལྟ་བས་མི་མངོན་པའི་ཕ་རོལ་དེར་ལྟ་འདོད
འདོད་པ་ནི་རེ་སྙེགས་ཀྱིས་ཁུར་བའི་གྲོ་ཁུག་ཅིག་སྟེ
མ་སྟོང་བར་དུ་ཟ་འདོད་ཅིང
སྟོང་བར་སྐྲག་སྟེ་འབད་དགོད་པས་ན
རྒྱང་དུ་ཅེར་བ།
ཁྲོ་གཏུམ།
མགོ་བོ་དགྱེ་དགྱེ་ཞེས་པའི་བར་སྣང་དུ
ཉི་རྡུལ་གྱི་ཚོགས་ཀྱིས་རི་བོ་གཏུབ་ཅིང་འགྲོ
རེ་བའི་མིག་ཟུང་གི་མཐའ་མཚམས་སུ
ལས་དབང་གི་ལམ་ཁ་ཧ་ཅང་གྱ་གྱུར་འཐེན
བསམ་གཞིག་གི་འཁྱག་རི།
ཁ་བ་མཚོ།
ཆར་བ་ཆད་སོང་། མིག་ཆུ་ཡང་མཉམ་དུ་ཆད་དམ།
ད་དུང་ཡོད་ཡོད་འདྲ་བའི་འཁྲུལ་སྣང་འདི་དག
སེམས་ཀྱི་ངོས་ལ་ཕབ་པའི་རྨ་ཁའི་རི་མོ་ཞིག་དང་འདྲ་བར།
ཆོས་སྲིད་ཟུང་འབྲེལ་དགོན་སློབ་མཉམ་བསྲེས།
སྡིག་པ་ར་ཛ།
བོད་ཀྱི་ཡུལ་གྲུ་གང་སར་དགོན་པ་ཧ་ཅང་གིས་མང་ཞིང་། དེར་གནས་སྡོད་བྱེད་བཞིན་པའི་གྲྭ་བཙུན་སྔགས་གསུམ་གྱི་སྡེར་གྲགས་པ་ཧ་ཅང་གི་མང་པོ་རེད། དགོན་པ་དྲུག་སྟོང་གཡས་གཡོན་ཞིག་གི་ནང་དུ་གྲྭ་བཙུན་འབུམ་བཞི་དང་དྲུག་སྟོང་བདུན་བརྒྱ་ཡོད་ཅེས་རྒྱལ་སྤྱིའི་གསར་ལམ་ཁག་ཏུ་བྲིས་འདུག བོད་ཀྱི་སྲིད་གཞུང་གི་ལས་སྣེ་ཕལ་མོ་ཆེ་གྲྭ་བཙུན་ཆགས་ཤིང་། དགོན་པས་བོད་ཡོངས་ལ་དབང་བསྒྱུར། མདོ་དབུས་ཁམས་གསུམ་གྱི་དགའ་ལྡན་པའི་དགོན་པ་ཡོངས་རྫོགས་ས་གནས་དེ་གེའི་ཆབ་སྲིད་ཀྱི་བདག་པོ་དང་། ལྷ་ལྡན་སྡེ་བ་གཞུང་གི་གནས་ཚུལ་ཆ་ཚང་དགོན་པའི་དབུ་འཛིན་རྣམས་བརྒྱུད་ནས་དར་སྤེལ་བྱས་པའི་ལུགས་སྲོལ་དེ་བྱུང་བ་རེད།
ཨབ་རྒན་དུས་འགྱུར།
རྩོམ་པ་པོ། རྫ་ཚེ་རིང་བཀྲ་ཤིས།
ཨ་ཧྥི་གྷན་ནི་སི་ཐན་དུས་འགྱུར་སྐོར། །
ཧ་ལམ་མ་མཐོང་མ་ཐོས་མེད་འདྲ་ཡང་། །
ས་ཆ་དངོས་ཀྱི་ཁེང་ལོག་དུས་ལོག་དེ། །
ཤ་ཚའི་ཡུལ་དུ་ཚང་མས་བྱེད་བཞིན་འདུག །
ལྟས་ངན་པ་གྱ་གཅིག
རྒྱ་སྟོན་བུ་དར་རྒྱས།
མཁའ་དབྱིངས་སུ་སྤྲིན་ནག་ཐིབས་པས།
ཕུགས་འདུན་གྱི་ཁ་ཕྱོགས་མི་གསལ་བའི་དུས་སྐབས།
མི་སེམས་གུ་དོག་ལ་དྲང་བདེན་ངོ་མི་ཤེས།
་་་གུ་ཡངས་ནི་ཇི་ལྟར་ཡོང་།
དེ་བས་ན “བཟོད་སྒོམ” ནི་ཆོས་ཚིག་ཟབ་མོ།
“ལ་རྒྱ”་ནི་རྒྱན་ཚིག་ཉག་གཅིག
དོན་ལ་ནི་འཇིག་རྟེན་གྱི་ལྷིང་འཇགས་དཀྲོགས།
ལོག་སྤྱོད་པས་བཙན་ཐབས་བཟུང་།
རྒྱ་གར་གྱི་འཁྲིག་སྤྱོད་རིག་པའི་བྱུང་བ་སྙིང་བསྡུས།
རྩོམ་ཁུངས། ཝཱི་ཀི་པེ་ཌི་ཡ། དགའ་བ་མཇེ་ཕྲུག་གིས་བསྒྱུར།
རྒྱ་གར་གྱིས་འཁྲིག་སྤྱོད་རིག་པའི་ལོ་རྒྱུས་ཐོག་ནུས་པ་གལ་ཆེན་བཏོན་ཡོད། རྒྱ་གར་ལ་རྩོམ་རིག་ཐོག་མ་དར་མགོ་བརྩམས་པ་ནས་ཕོ་མོའི་ལུས་འབྲེལ་ནི་རིག་པའི་གནས་ཤིག་ལ་འདོད་པ་ཉེ་རབས་མཚན་ཉིད་རིག་པ་བ་དག་གིས་འཁྲིག་སྤྱོད་ལ་བཟུང་བའི་ལྟ་བ་དང་གཅིག་མཐུན་ཆགས་ཡོད། རྒྱ་གར་གྱི་སྒྱུ་རྩལ་དང་རྩོམ་རིག་ལ་བརྟེན་ནས་འཁྲིག་སྤྱོད་རིག་གནས་གསར་གཏོད་བྱས་ཡོད་ཅེས་བརྗོད་ཆོག རྒྱ་གར་སྤྱི་ཚོགས་ཁྲོད་མིའི་གནས་རིམ་མཐོ་དམན་ལ་དཔག་པའི་འཁྲིག་སྤྱོད་ཀྱི་གནས་བབ་སྣ་ཚོགས་ཡོད་ཅིང་། དབང་ཐང་ལྡན་པའི་མི་དག་གིས་སྐབས་ཕྲལ་ཆགས་སྲེད་ཞི་ཆེད་འཁྲིག་སྤྱོད་རང་ཡན་དུ་བསྟེན་པའི་སྲོལ་ཡན་གར་རེ་ཡིས་སྤྱི་ཚོགས་ཁྱོན་ཡོངས་ཀྱི་འཁྲིག་སྤྱོད་སློབ་གསོ་མཚོན་ཐུབ་པ་མིན། དེང་སང་འཛམ་གླིང་ནང་ཐུན་མོང་དང་ཐུན་མོང་མ་ཡིན་པའི་འཁྲིག་སྤྱོད་བསྟེན་ཚུལ་ཁྲོད། འོ་སྐྱེལ་བའི་སྒྱུ་རྩལ་དང་གོམས་གཤིས་དག་རྒྱ་གར་ནས་དར་ཁྱབ་བྱུང་སྟེ། གོ་ལ་སྤྱིར་དར་འཕེལ་སྔ་ཤོས་ཀྱི་གྲས་སུ་ཡོད།
དེ་ལས་མང་བ་། “རྒྱ་གར་གྱི་འཁྲིག་སྤྱོད་རིག་པའི་བྱུང་བ་སྙིང་བསྡུས།” »
སྒྱུར་དེབ་གཉིས་བཀླགས་པའི་མྱོང་བ་མདོར་བསྡུས།
རླངས་ཚང་བསོད་ནམས་རྡོ་རྗེ།
ད་ལྟའི་བར་དུས་རབས་རང་བཞིན་གྱི་རིག་གནས་འཕེལ་འགྲོས་དང་བསྟུན་གཞན་སྐད་ནས་བོད་སྐད་དུ་བསྒྱུར་བའི་བསྟན་བཅོས་མང་པོ་བྱུང་། ཉེ་བའི་དུས་ནས་རྒྱ་སྐད་གཙོས་ཡིག་རིགས་འདྲ་མིན་དུ་ཡོད་པའི་རིག་ཚན་མི་འདྲ་བ་མང་པོ་ཞིག་རང་ཅག་གི་སྐད་དུ་བསྒྱུར་མཁན་གྱི་ཡིག་སྒྱུར་བ་ཡང་ཆར་རྗེས་ཀྱི་ཤ་མོ་བརྡོལ་བ་བཞིན་འཕེལ། འཛམ་གླིང་ཤར་ནུབ་ཀྱི་དཔེ་དེབ་མང་པོ་ཞིག་ཀྱང་རང་ཅག་གི་ཡི་གེར་སྒྱུར་བཞིན་པ་ནི་དགའ་བའི་གསོས་སུ་ཆེ། ཁོ་བོས་ཀྱང་ནུབ་ཏུ་
དེ་ལས་མང་བ་། “སྒྱུར་དེབ་གཉིས་བཀླགས་པའི་མྱོང་བ་མདོར་བསྡུས།” »
ཨོ་སི་ཊོ་ལི་ཡའི་རྩ་ཁྲིམས་ངོ་སྤྲོད།
བློ་བཟང་ལུང་རྟོགས།
(དོ་སྣང་ཅན་མང་པོ་ཞིག་གིས་རེ་སྐུལ་གནང་པ་ལྟར་ཚད་ལྡན་གྱི་ཡིག་ཆ་ཁག་གཞིར་བཅོལ་ནས་རྩོམ་སྒྲིག་བྱས་པའོ།།)
ཨོ་སི་ཊོ་ལི་ཡའི་རྩ་ཁྲིམས་ནི་ཡིག་ཐོག་ཏུ་ཡོད་པའི་རྩ་ཁྲིམས་ཤིག་ཡིན་པ་དང་། དེ་ནི་ཨོ་སི་ཊོ་ལི་ཡའི་ཁྲིམས་མཐོ་ཤོས་སམ་བླ་ན་མེད་པ་དེ་ཡིན། རྩ་ཁྲིམས་དེའི་ཁྱབ་ཁོངས་སུ་རྒྱལ་བརྒྱུད་མང་གཙོ་ཡི་སྒྲོམ་གཞིའི་འོག་སྤྱི་མཐུན་སྲིད་གཞུང་བཙུགས་ཡོད་པ་དང་། རྩ་ཁྲིམས་ནང་གཞུང་གི་འགན་འཛིན་དང་། ཁྲིམས་བཟོ་ལྷན་ཚོགས། ཁྲིམས་ལུགས་དབང་འཛིན་ནམ(ཁྲིམས་དཔོན་ལྷན་ཚོགས་) བཅས་ཀྱི་དབང་ཆ་དང་གྲུབ་ཚུལ་བཅས་འཁོད་ཡོད།
ཁྱེད་རང་ངའི་ཉི་འོད་ཡིན། (you are my sunshine)
རྩོམ་པ་པོ། ཇེ་མཱེ་སུ་སྒྲ་ཝུ་སུ། སྒྱུར་བ་པོ། འདྲེ་གླེན་པ།
དུས་རབས་གཅིག་གི་གཞས་ཞེས་པའི་བྱ་དགའ་ཐོབ་པའི་གླུ་གཞས་མིང་གྲགས་ཅན།
ཉིན་དེའི་མཚན་མོར
སྙིང་ཉེ་ང་རང་གཉིད་ལ་ཡུར་སྐབས
ངས་ཁྱེད་རང་བྲང་ཁར་སྦྱར་བ་རྨིས
ཡིན་ཡང་གཉིད་ལས་སད་དུས་འཁྲུལ་སྣང་རེད
ང་ཡིས་མགོ་བོ་བསྒུར་ནས་མིག་ཆུ་བཞུར
དེ་ལས་མང་བ་། “ཁྱེད་རང་ངའི་ཉི་འོད་ཡིན། (you are my sunshine)” »
མཚོ་ལ་བལྟས་པ།
ཁྲོ་གཏུམ།
དེ་རིང་། ལྷིང་འཇག་གི་མཚོ་མོ
རླབས་ཀྱི་འགྲམ་ལྕག་བྲལ
ཆུ་སྐྱུར་ཆ་ཀ་ཡང་ག་ཤེད་ཅིག་ཏུ་འཕུར
མཚོ་མོའི་ངོགས་སུ་ནམ་ཡང་ཅེར་མཁན
རྟག་བརྟན་གྱིས་གཟིགས་མཁན
མཚོ་མཐའི་ཁང་བརྩེགས་འདི་རིགས་ཡིན
སྙན་ངག་ལག་ཆད་མ།
ཁ་བ་མཚོ།
ཡང་བསྐྱར་གསོན་ན།
ཞང་ཡཱ་རེས་གཡུ་སྦྲ་དབྱངས་ཀྱིས་སྤུར་ཏེ།
རྗེ་བླ་མའི་བྱིན་རླབས་གླུ་ཡིས་ཞུས་ཏེ།
ཡུལ་ཕ་མའི་སྤྱན་ཟུང་འོད་དུ་འཚེར་བའི།
དྲིན་འཛུམ་དཀར་མེ་ཏོག་འདབ་བརྒྱ་དགོད་འདོད།
བུ་ཡུག་འཚུབ་སྟངས་ཤིག་གིས།
ཁྲོ་གཏུམ།
འབྲོག་ཐང་ནས་མེ་སྦར་མྱོང
སྔར་བཞིན་སྣང་བ་དགུང་སྔོན་གནམ་ཡིན
སེམས་པ་མེ་དང་གཅིག་ཡིན
རི་བོ་ལ་བྱིན་མྱོང
དེ་བཞིན་སྣང་བ་དབྱར་གཞུང་ཡིན
ཕ་ཡུལ་ལྟ་བུའི་རྡ་ལ་ཧོ་སི།
ཁ་བ་མཚོ།
ནམ་མཁའི་ལྷ་མོའི་གཞས་ཀྱི་དབྱངས་རྟ་དང་འགྲོགས་ནས།
ལམ་ལ་ཆས་དུས་ནང་ནས་ཆས་སྟངས་དང་འདྲ་བར།
ངའི་ཁང་ཆུང་གྲུ་བཞིའི་སྒེའུ་མིག་ལ་ཨ་མའི་མིག་ཟུང་ཕྱག་བརྡ་གཏོང་བ་འདྲ།
ཉི་མ་གནམ་ལ་སྐྱོ་ན།
ཨོ་གླིང་། འདྲེ་གླེན་པ།
དྲན་གདུང་ཆེ་སྐབས་སྙན་ངག་འབྲི
སེམས་པ་མི་སྐྱིད་སྐབས་རོལ་མོ་དཀྲོལ
ཀླད་པར་མུན་པ་འཐིབས་སྐབས་རི་མོ་འབྲི
སྙན་ངག
དཔལ་འབྱོར་མ་རེད
ཚན་རིག་མ་རེད
ཆོས་ལུགས་ཀྱང་མ་རེད
འུ་གཉིས་གཅིག་པུའི་སེམས་ཁྲལ་ཐོལ་པ་རེད
ནུབ་གླིང་ནས་འཁྲུངས་སྐར་གཟབ་རྒྱས་བསུས།
རིགས་ཀྱི་བུ།
ཉིན་ཐོ་འབྲི་སྲོལ་བོད་ལ་དར་མེད་པ་མིན་ནའང་། དངོས་སུ་ལག་བསྟར་བྱེད་མཁན་བོད་ལས་ནུབ་ཕྱོགས་མི་སྣའི་ཁྲོད་མང་བ་མེད་དམ་སྙམ། དེ་བཞིན་རྒྱ་ནག་གི་སྤྱི་ཚོགས་ཁྲོད་དུའང་ཁྱིམ་ཚང་དེབ་ཐེར་ཟེར་པ་སོགས་འབྲི་སྲོལ་ཧ་ཅང་ཡག་པོ་ཡོད་འདུག རྩ་བའི་མི་འབོར་ཆ་ནས་བོད་ལ་གསུང་རྩོམ་གྱི་གྲངས་འབོར་དང་། མཁས་པའི་གྲངས་འབོར་ཉུང་ཉུང་མིན་པ་གསུང་མཁན་ཡོད་པ་དངོས་བདེན་རེད་སྙམ།
ཁ་སང་ནི་ཕྱི་ཟླ་ ༧ ཚེས་ ༡༠ རེས་གཟའ་སྤེན་པ་རེད། ༧རྒྱལ་བའི་འཁྲུངས་སྐར་ཕྱི་ཟླ་ ༧ ཚེས་ ༦ ལ་ཡིན་ནའང་། ནུབ་ཕྱོགས་ཡུལ་གྲུ་ཕལ་ཆེ་བར་གཟའ་མཇུག་ལས་སེང་དང་སྟབས་བསྟུན་བོད་མི་འདུ་འཛོམས་ཀྱིས་༧རྒྱལ་བའི་སྲུང་བརྩི་གཟབ་རྒྱས་ཞུ་གི་ཡོད། ལོ་གཅིག་གི་སྔོན་ཕྱི་ལོ་ ༢༠༢༠ ལོར་རྒྱལ་སྤྱིའི་ཁྱོན་ཡོངས་ལ་ཏོག་དབྱིབས་ནད་ཡམས་ཤུགས་ཆེ་ཁྱབ་སྤེལ་བྱུང་བས་ཡུལ་ཁྲིམས་དང་བསྟུན་བོད་མི་འདུ་འཛོམས་བྱེད་རྒྱུར་ཁག་པོ་བྱུང་ཡོད་ནའང་། འདི་ལོ་ཕྱི་ལོ་ ༢༠༢༡ ལོར་ནུབ་ཕྱོགས་ཡུལ་ཁག་འདྲ་མིན་ལ་བོད་མི་
འཚལ།
ཨ་མཆོད་འཇམ་ཚུལ།
“འཚལ”་འདི་སྙན་ཚིག་འདི་ཡི་ཁ་ཡིག་མིན།
འདི་ནི་བསྟོད་ཚིག་ཅིག་གི་རྩོམ་ལུས་ཧྲིལ་པོ་ཡིན།
འདི་ནི་ཚེ་གཅིག་གི་འགྱོད་སེམས་དེ་གསོ་བའི་ཚིག་ཡིན།
འདི་ནི་ཚེ་གང་ལ་བསྟོད་ཚིག་ཅིག་མ་ཕུལད་པ་དེའི་དོད་པོ་ཡིན།
མགོ་བོ་སྔས་ཐོག་ལ་བཞག
ལག་པ་བྲང་ཐོག་ལ་བཀོད།
བསམ་བློ་མཛད་ཐོག་ལ་བསྡུས།
རྡོ་བ། བླ་མ། ཚེ་སྲོག
ཀླུ་སྨྱོན།
ཚེ་སྲོག་གྲངས་མེད་ཅིག་རྡོ་བ་ལས་སྐྱེས་རྗེས།
འཇིག་རྟེན་འདི་འཁོར་སྐྱོད་བྱེད་མཚམས་བཞག་སོང་།
སྲིན་བུ་མེ་འཁྱེར་རེ་ཟུང་མཚན་མོའི་མེལ་ཚེ་བར་གྱུར་ཅིང་།
དགོན་པའི་མཐོ་སར་ཆགས་པའི་གྲྭ་ཤག་ཅིག་གི་སྒེའུ་ཁུང་ལས།
ཞོགས་པ་སྔ་བོར་སྒྲོན་འོད་ཅིག་དྲ་མར་སྦྱར་བའི་ཤོག་དཀར་སྟེང་འཕྲོས་སོང་།
བླ་མ་དེ་གསོ་རིག་སྨན་པ་ཞིག་མིན་ཡང་།
ཁོང་གི་གཟིམ་ཤག་ཧྲིལ་བོ་དྲི་བཟང་གིས་ཁྱབ་ཡོད།
དགོན་ཆེན་ཚོ་ཡང་མུན་ནག་གི་ཀློང་ཆེན་པོར་སྔུར་བ་འཐེན་བཞིན་གཉིད་དུ་ཡུར།
འཛམ་གླིང་གི་ཡངས་རྩེ་རུ་བཞད་པའི་མེ་ཏོག་གངས་ལྟ།
ཁྲོ་གཏུམ།
འཛམ་གླིང་གི་གང་སར་བཞད་མོས་བཀང་བའི་དུས་ནི
དེ་རིང་གི་ཉིན་མོ་སྟེ
ས་སྟག་འཚེར་ནས་འཁྲུངས་པའི་སྐྱེས་བུ་ཞིག
དུས་རབས་ཀྱི་འཕེལ་རྒྱས་ཁྲོད་དུ་བཞད་པའི་འཛུམ་མདངས་དེ་ཉིད
དེ་རིང་གི་ཉི་བཟང་སྐར་བཟང་སྟེ
བོད་མཐོ་སྒང་ལ་ཞབས་རྗེ་བཀོད་མཁན་གྱི་སྐྱེས་བུ་ཞིག
དེ་ལས་མང་བ་། “འཛམ་གླིང་གི་ཡངས་རྩེ་རུ་བཞད་པའི་མེ་ཏོག་གངས་ལྟ།” »