བསྟན་པའི་དངོས་གྲུབ་ཀྱིས།
-གླིང་ཚ་ཚེ་བརྟན་རྡོ་རྗེ་གླེང་བ།
གླིང་གི་དཔའ་རྟུལ་ཉེ་སར་སྐྱེས་པའི་གླིང་ཚ་ཚེ་བརྟན་རྡོ་རྗེ་ཁྱོད།།
ཕ་ས་ཕ་གཞིས་རྩོད་ལེན་དོན་དུ་ཕ་མ་བུ་ཕྲུག་དང་བཅས་ཁར།།
ཚེ་གཅིག་སྐྱ་ཡའི་བཟའ་ཟླ་ལ་སོགས་ཡོད་ཚད་བློས་གཏོང་ཐུབ་པའི་ཁྱོད།།
རྒྱལ་སྲས་སེམས་དཔའ་ལྟ་བུའི་དཔའ་རྒོད་སྐུ་ཉིད་ད་ལྟ་གང་དུ་བཞུགས།།
ཁྲོ་གཏུམ།
དལ་བུར་བསྐྱོད་པའི་རླུང་བུ་དེས་ལན་ནམ
སྡོང་ལོ་འགུལ་བའི་གྲིབ་གཟུགས་དེའི་སྐྱོན་ནམ
གང་ལྟར་བསམ་པའི་བརྩིགས་ལྡེབ་ཀྱི་ངོས་སུ
གསལ་བོར་མ་ངེས་པའི་སྙུག་རྗེས་འགའ་ལད་ཀྱི་འདུག
ཆབ་མདོ་ངག་ཕུན།
རྒྱ་གར་བསམ་ནས་མ་ཡོང་།། ཡིད་བཞིན་ནོར་བུ་བསམ་ནས།།
ལ་ལུང་མང་པོ་བརྒྱབ་ནས།། འཕགས་ཡུལ་ལུང་པར་ཡོང་ཡིན།།
རི་བོ་མཐོན་པོའི་རྩེ་ནས།། དྲོད་སྐྱིད་ཉི་མ་ཤར་ལྟར།།
རྒྱལ་བའི་ཞལ་རས་མཇལ་དུས།། དགའ་སྣང་དཔག་མེད་སྟེར་བྱུང་།།
རས་པ།
ཁྱོད་ཀྱི་མིག་ཟུང་གིས་སྡུག་བསྔལ་གྱི་ངོ་གདོང་གཅིག་པུར་གཟིགས།
སྐྱོ་སྡུག་གི་འཚོ་བས་འཁོན་པའི་བོད་ཡུལ་ལ།
ཁྱོད་ཀྱི་དངན་པ་རིང་མོས་གཡས་སྐོར་གཡོན་སྐོར་བྱས།
ཏི་སི་གངས་འདབས་ནས་ཆད་ཟིན་པའི་རྨུ་ཐག་མཐུད་པར་བརྩོན།
རྩྭ་ཐང་གི་རླུང་འཚུབ་ཀྱིས་དཔར་བའི།
ཁྱོད་ཀྱི་མིག་ཁའི་གཉེར་མ་གློག་བརྙན་གྱི་བསམ་གཞིག་ལ་འཕོས་ཤིང་།
སྙིང་རྗེ་མེད་པའི་གངས་རི་དཀར་པོའང་།
ལོ་ཤས་སྔོན་ནས་ཁྱོད་ཀྱི་མགོ་ལ་སྤོས།
ཁྱོད་ཀྱིས་དངན་པ་འཐེན་ཞོར་མུ་མཐུད་དུ་འཁུར།
ཏན་ཏན་ཁྱོད་རང་ཐང་ཆད་ཡོད་ངེས།
ཁྲོ་གཏུམ།
— སྒྱུ་རྩལ་གྱིས་རྩ་ལམ་དྲོས་པའི་པདྨ་ཚེ་བརྟན་ལགས།
རྣ་བར་ཐོས་དུས་སེམས་པས་དང་ལེན་བྱེད་མ་ཐུབ
སེམས་པས་མི་འདོད་པར་དང་ལེན་བྱས་ཚར་དུས
སེམས་པར་ཁ་བ་བུ་ཡུག་འཚུབ
ཟུངས་ཁྲག་གིས་མ་ལྡེང་བ་ལྟ་བུའི་འདར་ཡོམ་རེས
ཁྱོད་རང་ལ་ལག་གཡུག་ག་ཚོད་བྱས་པའི་རི་མོ
གནམ་མཐའི་མཚམས་སུ་བྱེ་རླུང་གིས་གསུབ
རྫ་ཚེ་རིང་བཀྲ་ཤིས།
༡༽
སྐྱེ་བ་འདི་ལ་དམ་པའི་ཆོས་དང་འཕྲད། །
བཤེས་གཉེན་བཟང་པོ་དུ་མས་རྗེས་སུ་བཟུང་། །
ཐོས་བསམ་སྒོམ་པའི་གནས་ལ་དགའ་བ་སྐྱེས། །
ཚུལ་འདི་བསམ་བཞིན་བླ་མའི་བཀའ་དྲིན་དྲན། །
༢༽
མི་ཚེའི་ལམ་བུ་དལ་ཁོད་སྙོམས་དཀའ་ཡང་། །
དགེ་བའི་བློ་གྲོས་བཟང་པོ་སྔར་བཞིན་བརྟན། །
འདུན་མ་ཅུང་ཟད་འགྲུབ་པའི་རྒྱ་བླ་ངས། །
འཕྲལ་སྣང་ཞེ་བློ་བདེ་བའི་གླུ་ཞིག་ལེན། །
ཆབ་མདོ་ངག་ཕུན།
རི་གྲོང་ལྗོན་ཤིང་སྣ་ཚོགས།། རླུང་བུས་ལྷབ་ལྷུབ་གཡོ་བ།།
ང་ཡི་ཕ་སའི་རི་གྲོང་།། ཡིད་ལ་ཡང་ཡང་འཁོར་བྱུང་།།
ལྗོན་པའི་ལོ་འདབ་རྒྱས་སོང་།། སེམས་ནང་དགའ་སྣང་སྐྱེས་བྱུང་།།
མི་ཡུལ་ས་མཐའ་འདི་ནས།། གདུང་བའི་གླུ་ཞིག་ལེན་ནོ།།
བདག་གི་སེམས་ཀྱི་ངོས་སུ།། རེ་བ་མཐོན་པོ་འཛིན་ནས།།
རི་ལུང་མང་པོ་བརྒལ་ཏེ།། མི་ཡུལ་འདི་རུ་ཡོང་ཡིན།།
ཁྲོ་གཏུམ། སེམས་པས་སྒུལ་བའི་འཇིག་རྟེན་གྱི་བྱ་དངོས་གང་རུངའདུ་ཤེས་ཀྱི་ཚོས་བས་འཐུ་ཞོརལས་དབང་གི་མདུན་ལམ་རྐང་པ་སྤོསེམས་ཀྱི་འཆར་སྒོ་དག་བཞུར་ཤུལ་དུརྐང་ཐང་ལ་འགྲོ་མཁན་གྱི་གྲས་སུ་ཚུད་པའི་མིབཅོས་ལས་ཀྱི་ཤོག་བྱ་སྤུར་བ་མང་སོང་བས་ཡིན་ནམམཁའ་དབྱིངས་ཀྱི་འཇའ་མཚོན་ལ་ལྟ་ཤོར་བས་མིན་ནམམཐའ་མཇུག་གི་འགྲུལ་བཞུད་ལམ་དུབསིལ་ལྷམ་གཅིག་པུ་གོན་པའི་རྐང་ཐང་བ་དེ་ཁྱོད་མིན་པ་སུ་ཞིག
རྔ་བ་ཀུན་བཟང་།
ཉིན་དང་མཚན།
ལོ་དང་ཟླ་བ་རེ་རེའི་ཁྲོད་ན།
མི་སེམས་རེ་ལ་སྙན་ངག་རེ་གསང་།
བསམ་བློ་བཏང་གིན་བཏང་གིན།
ལ་ལ་དགོད་ཀྱང་ལ་ལ་ངུ་།
ཕྱི་དང་ནང་།
ཤ་དང་རུས་པ་རེ་རེའི་དཀྱིལ་ན།
མི་སེམས་རེ་ལ་སྙན་ངག་རེ་འཁོར།
ཡིད་ལ་སྒོམ་གྱིན་སྒོམ་གྱིན།
ཁྲོ་གཏུམ།
ཟླ་བ་ཧྲིལ་བོ་གནམ་མཐའི་ག་ཤེད་ཅིག་ཏུ་ཅེར་ཏེ་ཡར་ཡར་འགྲོ་དུས
མཚོ་མོ་རྒྱས་པའི་རླབས་གཉེར་གྲངས་ཀྱིས་འོད་ཟེར་བརྩི་བར་བྲེལ་ཤ་བར་མེད་ལངས
བདག་གི་མིག་ཟུང་བཙུམ་པར་བརྗེད་དེ་ཧད་དེ་མཛེས་པའི་རོ་ལ་ཆགས
རླུང་ལ་བསྐྱོན་པའི་ཆུ་ཤོག་སྒྲ་བཞིན་མཚོ་རླབས་རོལ་མོས་རྣ་བའི་དབང་བོ་སྒུལ་བ་མཚམས་མེད་རུང
ཉ་དྲི་ཁ་བའི་མཚོ་མོའི་དྲི་མས་འབྲོག་རྒན་ཤ་གཟན་ཞིག་གི་དྲི་འཛིན་རྒྱལ་བོ་ཁྲོས་སུ་བཅུག་རུང
མཚོ་མོས་ཟླ་བ་འཁུར་བ་མིག་ལ་ཐོགས་ཏེ་ཡིད་ལ་དྲངས་པའི་མཛེས་སྡུག་སྒེག་མོས་སུན་པོ་ཐམས་ཅད་ཕ་མཐར་བསྐྲད
ཁ་རྒོད་མས།
ཞེ་སྡང་ངོ་རྒྱུགས་ཨེ་ཡོད་གི།
ཕྱོགས་ཁག་སྐྱག་བཀླབས་ཨེ་ཡོད་གི།
གཞན་སྐྱོན་བཙན་བཙལ་ཨེ་ཡོད་གི།
ཁ་སྣ་རྩོད་པ་ཨེ་ཆེ་གི།
སྤྱི་དོན་རླུང་བསྐུར་ཨེ་མང་གི།
སྒེར་ནད་རྩོད་ཤུགས་ཨེ་ཆེ་གི།
ནད་རྙིང་ཟུག་གཟེར་ཨེ་ཆེ་གི།
རྒྱབ་མདུན་གྲིབ་མ་ཨེ་ཆེ་གི།
གངས་དཀར་སེམས།
བུ་མོ་ཆོས་འཛོམས་སྐམ་ལ་རིད་ཅིང་གཟུགས་ཕུང་ཆུང་། འོན་ཀྱང་མོས་མོའི་གཟུགས་ཕུང་ཙི་ཙི་སྐམ་པོ་དེ་དང་ཧ་ཅང་མི་འཚམས་པའི་རླངས་འཁོར་ཆེན་པོ་གཡག་རྒན་ལྟ་བུ་ཞིག་ཁ་ལོ་བསྒྱུར་ནས་ལས་ཀར་འགྲོ་བཞིན་ཡོད། ཆོས་འཛོམས་རྒྱ་གར་ཡོད་དུས་འཛིན་རིམ་བཅུ་གཅིག་ཐོན་རྗེས་ཕ་མ་མཉམ་ཕྱི་རྒྱལ་དུ་གནས་སྤོས།
མོ་ནི་ད་ཆ་སྨན་ཁང་ཆེན་པོ་ཞིག་ནང་སྨན་ཞབས་མའི་ལས་ཀ་བྱེད་བཞིན་ཡོད། དེ་སྔོན་མོའི་ལོ་ཚད་དང་མཉམ་པའི་རོགས་པ་མང་པོས་གང་མགྱོགས་ལས་འཇུག་ལ་བྲེལ་ཞིང་། དངུལ་བསགས་རྒྱུ་དང་དགའ་རོགས་བསྒྲིག་རྒྱུ། སྤྲོ་འཆམ་དང་སྐྱིད་པོ་ཟེར་བ་གཏོང་ཐབས་གང་ཐུབ་བྱེད་བཞིན་པའི་སྐབས་ཆོས་འཛོམས་ཅུང་མི་འདོད་བཞིན་དུ་དགུང་ལོ་ལྔ་བཅུ་དྲུག་བཅུ་བརྒལ་ཟིན་པའི་ཕ་མའི་བཀའ་ལ་ཉན་ནས་མུ་མཐུད་སློབ་སྦྱོང་བྱས། དེ་རྗེས་སྨན་ཞབས་མའི་ཆེད་ལས་ཐོན་པ་དུས་མཚུངས་རླངས་འཁོར་ཁ་ལོ་བསྐོར་ཆོག་པའམ་ལེགས་པར་ཐོན།
ཁྲོ་གཏུམ།
དུས་དེ་ནས་བཟུང
གྲོང་ཁྱེར་ལ་ལྷུང་སོང་བས
མགོ་ཐོག་ཏུ་འཕུར་བ་དག་ལྕགས་བྱ་དང་དེའི་འཛེར་སྐད
རྐང་འོག་ཏུ་འགྲོ་བ་དག་རླངས་འཁོར་རིགས་ཀྱི་ཚོགས་དང་དེའི་ཆོམ་སྒྲ
ཆབ་མདོ་ངག་ཕུན།
སྔོན་གླེང་ཐུང་ངུ་།
དེ་རིང་གུས་པས་བཙན་བྱོལ་བའི་གཏམ་རྒྱུད་ཅེས་པའི་སྒྲུང་ཐུང་ཞིག་བྲིས་ཡོད་ཅིང་། དེ་ཉིད་འབྲི་དགོས་དོན་ནི་ང་ཚོ་མི་ཡུལ་དུ་གནས་དགོས་པའི་རྒྱུ་མཚན་གང་ཞིག་ཡིན་པ་ངེས་པར་ཤེས་དགོས་པ་དང་། ད་ལྟ་ང་ཚོ་བཙན་བྱོལ་བ་ཞིག་ཡིན་སྙམ་པའི་ཚོར་བ་དེ་དག་དུས་ནམ་ཡང་བརྗེད་མི་རུང་བ་ཞིག་རེད། ང་ཚོ་ཚང་མ་ཕ་ས་དགྲ་ལག་ཏུ་ཤོར་བའི་མི་ཡུལ་དུ་གནས་པའི་མགྲོན་པོ་ཞིག་ཡིན་པ་དང་། གནས་སྐབས་ཀྱི་མགྲོན་པོ་ཡིན་བསམ་པ་ལས་གནས་འདིའི་བདག་པོ་ཡིན་བསམ་པའི་བསམ་བློ་གཏན་ནས་གཏོང་མི་རུང་། ང་ཚོ་ལ་ལས་འགན་ལྕི་མོ་ཞིག་འཕྲག་སྟེང་དུ་ཡོད་བསམ་པའི་ཐོག་ནས་མདུན་སྐྱོད་གནང་དགོས་པ་ཞིག་ལས། ལྷོད་གཡེང་གཏན་ནས་བྱེད་མ་རུང་བ་དེ་རེད། ལྷག་པར་ང་ཚོར་ཆོས་དང་རིག་གཞུང་ཡོད་ཅིང་། དེ་དག་ང་ཚོའི་ནམ་ཡང་བརྗེད་མི་རུང་བ་དེ་རེད་སྙམ། བརྩམས་སྒྲུང་འདི་དག་ནང་གི་མི་སྣ་དང་ས་ཆ་གང་ཞིག་རང་ཉིད་ཀྱི་ལོ་རྒྱུས་དང་མཚུངས་ཚེ་དེ་ནི་ལྟོས་དབང་གིས་བྱུང་བ་ཞིག་ཡིན་པ་ལས། ཆེད་དུ་དམིགས་ནས་བྲིས་པ་ཞིག་གཏན་ནས་ངོས་འཛིན་གནང་མི་རུང་ཞེས་ཞུ་བཞིན་ཡོད། ད་ནི་དེ་ཙམ་གྱིས་ཆོག་པ་བྱོསབཙན་བྱོལ་བའི་གཏམ་རྒྱུད།
ཆོས་སྐྱབས་ནང་མི་བོད་ཤར་ཕྱོགས་ལུང་མདོ་ཞེས་པ་དེར་སྐྱེས་ཤིང་། འཚར་ལོངས་བྱུང་བ་ཞིག་ཡིན་པ་དང་། ལུང་མདོ་ཞེས་པའི་གནས་དེ་ནི་ཧ་ཅང་སྐྱིད་སྣང་ལྡན་པ་ཡུལ་གྲུ་ཞིག་ཡིན་ཞིང་། གནས་དེར་གནས་པའི་སྐྱེ་བོ་རྣམས་ནི་རང་བཞིན་ཞི་ཞིང་འདུལ་བ་ཞིག་ཡོད། གྲོང་པ་
བློ་བཟང་རིན་ཆེན།
གནམ་ལ་ཉི་ཟླ་སྐར་གསུམ་མངོན་པར་བཀྲ །
ས་ལ་སེ་འབྲས་དགའ་གསུམ་མངོན་པར་འཕགས།།
མཁས་དབང་སྐར་ཚོགས་ཁྲོད་ཀྱི་ཟླ་བ་ནི།།
ང་ཡི་བཤེས་གཉེན་ཟླ་བ་ཚེ་རིང་ཉིད།།
དཀར་དམར་ཚོན་གྱིས་ཞལ་མདངས་མ་ཕབ་ལ།།
བཅོས་མའི་ཉམས་ཀྱིས་གཞན་སེམས་མི་སླུ་ཞིང་།།
ཞི་དུལ་བག་ཕེབས་སྤྱོད་ལམ་བཟང་པོ་ཡིས།།
སློབ་བུ་སྟོང་ཕྲག་མང་པོའི་ཡིད་དབང་བཀུག །
གཡོ་དང་རྫུན་གྱི་ལྷད་པ་མ་འདྲེས་ཤིང་།།
གཏམ་དང་སྙན་གྲགས་ཆེད་དུ་མི་དམིགས་པར།།
གཞུང་ལུགས་རྣལ་མ་བཤད་ལ་མཁས་པའི་མཆོག །
མཁས་བརྒྱའི་ཁྲོད་ཀྱི་མཁས་པའི་དབང་པོ་ཉིད།།
གསལ་ལེ་རྒྱལ།
༼ ལྷ་མོ་དབྱངས་ཅན་མར་བྲིས་པའི་བརྩེ་འཕྲིན་རྡོ་རྗེ་མདུད་པ༽
ཀ་ཡེ་རིང་ནས་འདྲིས་པ་ཡི།།
ཁ་སེམས་གཉིས་མེད་གཅིག་གནས་མ།།
ག་དུས་བོས་ན་ཕེབས་པ་ཡི།།
ང་ཡི་ལྷ་མོ་བདེ་ལགས་སམ།།
ལོ་དང་ནམ་ཚས་དེད་པ་འམ།།
གསར་བུའི་སྣང་བ་ཉམས་པ་ཡིས།།
ལོ་ཟླས་ཟོས་པའི་སྐྲ་ལོ་བཞིན།།
རིག་པ་རིག་བྱེད་ཚིག་གིས་སྟོང་།།
ཁྲོ་གཏུམ།
ཤིང་ལོ་མའི་ལྗང་ལོ་ཉི་མར་ལྡེ་དུས
བྱ་བྱེའུའི་མགྲིན་གླུས་གཉིད་ལ་ཡུར་བའི་ཁོར་ཡུག་གི་ལྷིང་འཇགས་དཀྲོགས
ང་རང་གཉིད་ལས་སད་དོན
མིག་འབྲས་མུ་ཏིག་ཡིན་པས་ཕྱོགས་བཞིར་བལྟས་ཏེ
བསམ་བློའི་གཤོག་པས་ནམ་འཕང་གཅོད་ཚུལ་མཐོང་འདོད
གཉིད་སད་འདོད་པའི་རང་ཉིད་ནི
ཉེ་འཁོར་གྱི་འཕྲུལ་ཆས་སྣ་ཚོགས་ཀྱི་ཆོམ་སྒྲའི་ཁྲོད
གནས་གང་ཞིག་ལ་འགྲོ་བའམ
ཡང་ན གནས་གང་ཞིག་ཏུ་ངལ་གསོ་དགོས་པའི་འདུན་པ་དག་འཐུ་ཞོར
ལམ་ལ་ཆས་པའི་རྐང་རྗེས་མདུན་ནས་མདུན་དུ་དཔར
ཐེ་བོ་སངས་རྒྱས།
༡ འཛམ་གླིང་ཞི་བདེའི་དེད་དཔོན་གཟིམ་ཆུང་ཡོད།།
མིག་ནས་མཆི་མ་མི་འཁྲིགས་མཇལ་བ་མེད།།
ཆོས་ཀྱི་སྒྲ་དབྱངས་རྟག་པར་ཐོས་རྒྱུ་ཡོད།།
གྲུ་འཛིན་གཉིས་པ་མ་རེད་ཟེར་མཁན་མེད།།
༢ ལེགས་པའི་ཕྱོགས་རྣམས་མི་གླེང་བཞག་འདོད་ཡོད།།
ཆེད་དུ་སུ་ལ་དམིགས་ནས་འབྲི་འདོད་མེད།།
དེ་ཕྱིར་སུ་ལའང་མི་ཕོག་རེ་བ་ཡོད།།
རྟོག་བཏགས་ཁོ་ན་ཡིན་པའི་ངེས་པ་མེད།།
གདོང་མཁན་པས།
ཁྱེད་གསོན་པའི་སྐབས་ལ་དགག་སྒྲུབ་བྱེད་མ་མྱོང་ལ་་་་་
འུར་འགྲོས་ཀྱིས་བསྟོད་ཚིག་ཆེད་གཏད་དེ་ལས་བྱེད་མ་མྱོང་་་་
ངས་་་་་ཁྱེད་ངོ་ཤེས་པ་ནི་་་་་་་
མི་རིགས་དང་རིག་གཞུང་ལ་ཕུགས་མདུན་ཆེད་་་
ཀ་ཁའི་དབྱངས་རྟ་ལ་ཞེན་ཆགས་ཟབ་མོ་དང་་་་་་་་
གསོ་རིག་གི་སྨན་ཁུག་ནས་དྲི་བསུང་འཐུལ་བ་དེ་རེད་་་་་
དེ་རིང་ཁྱེད་ང་ཚོ་དང་རྒྱང་རིང་དུ་གྱེས་སོང་བ་ཐོས་འཕྲལ་་་་་
མྱ་ངན་དང་འཁྲེན་སེམས་འཐུམས་པས་ན་ཟུག་དང་་་་་་་
གདུང་བས་མནར་བའི་མིག་ཆུས་བརླན་ཞིང་་་་་
གངས་དཀར་སེམས།
བདེ་སྐྱིད་ཐོག་མ་བོད་ནས་ཡོང་དུས་གཙོ་བོ་བྱ་སྤུའི་ཉལ་ཆས་སྟབས་བདེ་ཞིག་འཁྱེར་ནས་ཡོད་འདུག་ལ། གཞན་སྤྱི་མཚུངས་ལྟར་རྒྱལ་བ་ཡིད་བཞིན་ནོར་བུ་མཇལ་འདོད་ཀྱི་དད་སེམས་བརྟན་པོ་ཞིག་དང་། སེམས་ཤུགས་ཁོ་ནར་བརྟེན་ནས་རྒྱ་གར་འཕགས་པའི་ཡུལ་དུ་འབྱོར། དར་གཞོན་གྱི་ལོ་ཚད་སླེབས་དུས་ཁྱོ་ག་ཅིག་དང་ཐུག ཕྲུ་གུ་གཅིག་ཆག་ཀྱང་མངལ་ནས་ཤོར། དེའང་མོའི་མི་ཚེའི་ནང་གི་ཁྱོ་ག་ཐོག་མ་དང་མཐའ་མ་དེ་རེད་འདུག སྐབས་དེར་ཆང་སའང་ཕ་ཡུལ་ལྟར་བག་མ་གཏོང་ལེན་འདྲ་ཅིའང་མ་བྱུང་བར་མཉམ་དུ་བསྡད། ཁོ་གཉིས་ཀ་ལ་དམིགས་བསལ་གྱི་འཇོན་ནུས་མེད་སྟབས་རྡ་སར་ཟ་ཁང་ཆུང་ངུ་ཞིག་བཟུང་འདུག ངས་ཨ་ཅེ་བདེ་སྐྱིད་ཀྱང་ཟ་ཁང་དེར་ངོ་ཤེས་བྱུང་།