བདེ་ཆེན་སྒྲོལ་མ།
ཁ་བ་བབས་རྗེས་ཀྱི་ཞོགས་པ།
ཁྱོད་རང་སྔ་མོར་ལངས་ནས།
ཁྱོད་ཀྱི་སྒོ་འགྲམ་དང་མཐའ་བསྐོར་ལ་གཟིགས་དང༌།
རྐང་རྗེས་གྲངས་མེད་ཞིག་དཔར་ནས་ཡོད་པ།
ངས་ཁྱོད་ལ་སྒུག་པའི་སེམས་པ་རྣམ་དག་ཡིན།
ནག་ཉེས་ངོས་མ་བླངས་པའི་ནག་ཉེས།
ཚེ་དབང་རིག་འཛིན།
མིའི་རིགས་འཕེལ་རྒྱས་ཀྱི་ལམ་དུ་བསྐྱོད་པའི་བཀག་རྡོ་ཅི་ཞིག་ལ་འཕྲད་ཡོད་དམ། རང་གཞན་སུ་ཞིག་གིས་བཟོས་པ་ཡིན་ནམ། ཡང་སྙིང་འདི་དག་ལ་གདོང་ལེན་ཇི་ལྟར་བྱས་ན་བཟང་ངམ། དྲི་བ་འདི་དག་གིས་རྐང་བཙུགས་ཏེ་དྲིས་ལན་འཚོལ་བར་རིགས།
མཁན་པོ་འཇིགས་མེད་ཕུན་ཚོགས་ཚང་དྲན་པ། ༼བོད་འབྱོར་རྩོམ་ཡིག༽
བོང་སྟག་རི་ལུ།
ཨེ་ཐོབ་བསམ་པའི་ནོར་བུ་གཞན་ལ་ཤོར་ཐལ།།
མི་ཐོབ་བསམ་པའི་སྡུག་བསྔལ་མགོ་ལ་ལྷུང་ཐལ།།
ལས་དེ་བསམ་སར་མི་འགྲོ་གསེག་སར་འགྲོ་བས།།
དོ་ནུབ་ཡ་ཆུང་སེམས་པ་སྡུག་གིས་ཁེངས་ཐལ།།
དེ་ལས་མང་བ་། “མཁན་པོ་འཇིགས་མེད་ཕུན་ཚོགས་ཚང་དྲན་པ། ༼བོད་འབྱོར་རྩོམ་ཡིག༽” »
བརྩེ་དུང་ནི་རྨི་ལམ་རེད།
རྡ་ས། ཤཻས་རབ་སྒྲོལ་མས།
མཐོང་ན་མི་བདེ་ཞིང་མ་རིག་ན་དྲན་འཛིན་གྱི་རྒྱ་རུ་ཚུད་པའི་སྙིང་སྡུག་ཕྱོགས་སུ།
བཟོད་བསྲན་མི་ཐུབ་པའི་འདུ་ཤེས་ཁྱད་མཚར་བ་ཞིག་དྲག་ཏུ་འཕྱུར་དུས།
ཡོད་ཚད་མགོ་མཇུག་མེད་པར།
ཆེས་ཐོག་མར་རང་ཉིད་བོར་སོང༌།
ཆེས་མཐའ་མར་རང་ཉིད་ཕོངས་སོང༌།
འབྲོག་རྒན་པེ་ཅིང་ལ་སྐྱོད་པ།
རྒྱ་ནག་དམར་ཤོག་གི་འགོ་པ་ཚོ་སྡོད་སའི་ཕོ་བྲང་དེ་པེ་ཅིང་གི་དཀྱིལ་དེར་གནས། ཁང་པ་དེར་སྐུ་སྲུང་བ་མང་པོས་མཐའ་སྐོར་ནས་ཡོད། ཉིན་ལྟར་བོད་པའི་འབྲོག་པ་རྒན་པོ་ཞིག་གིས་དེའི་རྒྱལ་སྒོའི་ནང་འཛུལ་ཐབས་བྱེད། ཡིན་ནའི་སྐུ་སྲུང་བས་ཁོ་པ་བཀག་ནས་འདྲི་དོན།
བོད་ཀྱི་རང་དབང་ལས་འགུལ་ཡུན་གནས་ཐུབ་པའི་ལམ་གཅིག
བོད་ཀྱི་རང་དབང་ལས་འགུལ་ཡུན་གནས་ཐུབ་པའི་ལམ་གཅིག་དེ་གང་རེད་ཅེས་ན། དེ་ཆབ་སྲིད་ཀྱི་ཚོགས་པ་༼Political Party༽འཛུགས་རྒྱུ་དེ་རེད། དེ་འཛུགས་ཐུབ་ནས་མང་ཚོགས་ཀྱི་རྒྱབ་སྐྱོར་ཡོད་པ་དང་། གོང་ནས་བླ་ཆེན་རྣམས་ཀྱིས་མཐུན་རྐྱེན་གནང་ན། དེ་ནི་བོད་ཀྱི་རང་དབང་གི་འཐབ་རྩོད་དེ་རྡོ་རྗེའི་ས་གཞི་ལྟ་བུར་བརྟན་པོར་གནས་ཐུབ་པའི་ལམ་རེད་སྙམ
དེ་ལས་མང་བ་། “བོད་ཀྱི་རང་དབང་ལས་འགུལ་ཡུན་གནས་ཐུབ་པའི་ལམ་གཅིག” »
བོད་ཀྱི་བུད་མེད་ཚོ་ནུབ་ཕྱོགས་མི་ལ་ཆང་ས་རྒྱག་པའི་རྒྱུ་མཚན།
ཁ་སང་ངས་ནུབ་ཕྱོགས་ཀྱི་མི་ལ་ཆང་ས་བརྒྱབ་པའི་བོད་ཀྱི་བུད་མེད་ཞིག་དང་ཕོ་མོའི་འབྲེལ་བའི་སྐོར་བཤད་པ་ཡིན། ངས་ཁོང་ལ་ཕྱི་རྒྱལ་མི་ལ་ཆང་ས་རྒྱག་པའི་རྒྱུ་མཚན་དྲིས་པར་ཐལ་སོང་། རྒྱུ་མཚན་ནི་ཁོང་གི་ཁྱོ་ག་དང་པོ་དེ་བོད་པ་ཞིག་ཡིན་པ་མ་ཟད་ངའི་ངོ་ཤེས་ཡག་པོ་ཞིག་ཀྱང་ཡིན། ཁོང་གཉིས་དང་པོ་ཆམ་པོ་བྱུང་བ་དང་རྗེས་སུ་གློ་བུར་དུ་ཁ་བྲལ་དུ་སོང་།
ཁོ་མོས་བཤད་རྒྱུར། བོད་པའི་ཁྱོ་ག་དེ་ཚོའི་བསམ་བློ་གཏོང་སྟངས་དེ་ཕྲུ་གུ་དང་གཅིག་པ་རེད། རྒྱུ་མཚན་བཤད་ས་མེད་པར་རླུང་དང་ཨུ་ཚུགས། ད་དུང་”དེ་ང་ཚོའི་ཡུལ་གྱི་འགྲོ་སྟངས་རེད།” ཞེས་བཤད་ནས་བུད་མེད་ལ་མཐོང་ཆུང་བྱེད་ཀྱང་ཟེར།
ངས་འོ་ན་ཕྱི་རྒྱལ་བ་ཚོས་ཇི་ལྟར་བྱེད་ཟེར་སྐབས། ཁོང་ཚོ་སློབ་གསོ་ཡག་པོ་ཐོབ་ཡོད་ཙང་གཞན་ལ་སེམས་གཏིང་ནས་གུས་ཞབས་བྱེད་ཀྱི་འདུག་ཟེར། དཔེར་ན་ཁོ་མོས་བསམ་ཚུལ་ཞིག་བཤད་ན། དེ་ཁོ་བོའི་བློ་ལ་འགྲོ་མིན་ལ་མ་བལྟོས་པར་བསམ་བློ་ཞིབ་མོ་བཏང་ནས་བསམ་ཚུལ་ཤོད་པ་ལས། སྐད་ཆ་དེ་བྱབ་ཆུང་རེད་ཅེས་མཐོང་ཆུང་བྱེད་ཀྱི་མིན་འདུག་ཟེར།
དེ་ལས་མང་བ་། “བོད་ཀྱི་བུད་མེད་ཚོ་ནུབ་ཕྱོགས་མི་ལ་ཆང་ས་རྒྱག་པའི་རྒྱུ་མཚན།” »
ཐལ་ཆ་ཤོར་བའི་གླེང་མོལ་འགའ།
ཆབ་བྲག་ལྷ་མོ་སྐྱབས།
(བོད་ཀྱི་དུས་བབ)འདོན་ཐེངས་༣༤༧ ཐོག་ལ་བཅར་འདྲིར་ལན་འདེབས་གནང་མཁན་སྐུ་ཞབས་ཨེལིཊ་སྤེར་ལིང་གིས་རང་གི་བསམ་ཚུལ་རྣམས་དྲང་མོར་ཞུས་འདུག་པར་ཐུགས་རྗེ་ཆེ་ཞུ། ཡིན་ཡང་ཁོང་གི་ལན་འདེབས་ཁ་ཤས་ཤིག་ཐལ་ཆ་ཤོར་འདུག་པར་གསལ་བཤད་གླེང་མོལ་ཞིག་བྱེད་འདོད་བྱུང༌།
གཅིག ཁོང་གིས། “ད་ལྟ་སྐྱབས་བཅོལ་བོད་གཞུང་གི་སྲིད་བྱུས་དེ་གཅིག་གྱུར་ཡོད་པ་མ་རེད། དེ་སྣ་ཚོགས་པ་ཡིན་་་”ཟེར་བ་མི་བདེན། སྐྱབས་བཅོལ་བོད་གཞུང་གི་སྲིད་བྱུས་དེ་ལམ་དབུ་མ་རང་ཡིན་ལ། སྲིད་བྱུས་འདི་སྔར་ནས་ཡོད་པའི་ྋགོང་ས་མཆོག་གི་དགོངས་གཞི་དེར། ༡༩༩༧ ལོར་མི་དམངས་ཀྱི་མང་མོས་དང་གྲོས་ཚོགས་ཀྱིས་སྤྱི་མོས་ཐག་གཅོད་ཀྱིས་གཏན་འབེབས་བྱས་པ་ནས་འགྱུར་བ་གཏན་ནས་སོང་མེད་པར་ལྷག་པར་ཕྱི་གསལ་ནང་གསལ་གྱིས་ཁྱབ་བསྒྲགས་དང་ལག་ལེན་བྱེད་ཀྱིན་ཡོད་པ་མ་མཐོང་ངམ།
ས་གཞི་འདྀའི་ཆེད་དུ།
ཨ་འབྲུག་དཀོན་མཆོག
ཀ༽
ཁ་ཕྱིར་འཁོར་ནས་རྒྱང་རིང་རྒྱང་རིང་དུ་བལྟས་ན། ས་གཞི་འདི་ང་ལ་རང་བྱུང་གིས་བདག་པའི་སྐྱེས་ཐོབ་ཀྱི་གནས་མལ་ཞིག་ཡིན་ལ། ས་གཞི་འདི་ང་དང་ང་ཚོའི་ཆེད་དུ་མེས་པོ་ཁྲི་སྟོང་གི་ཟུངས་ཁྲག་དང་རུས་པར་བརྟེན་ནས་རྩོད་ལེན་དང་བཞེངས་བསྐྲུན་བྱས་པའི་ཕ་གཞིས་ཡིན་པས། ས་གཞི་འདི་ཁོ་ན་ངའི་ཚེ་སྲོག་གི་མྱུ་གུ་འབུས་ས་ཙམ་མ་ཟད་ཚེ་སྲོག་གི་འབྲས་བུ་གཏོར་སའི་གཞིས་ཁྱིམ་གཅིག་བུ་སྟེ། ངའི་མཐའ་མཇུག་གི་རུས་ཀོང་སྐམ་པོ་དེ་སླར་ཡང་ས་གཞི་འདིའི་སྟེང་དུ་ཅིས་ཀྱང་གཏོར་དགོས་པ་ནི་གདམ་ཀ་བྱེད་རྒྱུ་ཞིག་གཏན་ནས་མིན་ཏེ། འདི་ནི་ས་གཞི་འདིས་བསྐྱེད་པའི་འབྲས་ལྡོག་ཅིག་ས་གཞི་འདིའི་སྟེང་དུ་ཕྱིར་འཐོར་བའི་ས་གཞི་རང་ཉིད་ཀྱི་མུ་རྒྱུད་སྦྲེལ་སྟངས་ཀྱི་རྒྱུ་འབྲས་ཀྱི་གོ་རིམ་ཞིག་ཡིན་པས། ཆོས་ཉིད་འདི་ལས་ང་གཏན་ནས་འདའ་མི་འོས།
འཆི་ཕོད་སྙིང་སྟོབས།
གཡུ་དྲུག་དཀར།
ཚན་ཚན་རིག་པའི་ཡར་འཕེལ་གྱི་མཐོ་རླབས་བླ་རུ་འཕར་བའི་དུས་རབས་ཉེར་གཅིག་པའི་ས་སྒང་ཧྲིལ་བོ་འདིའི་སྟེང་ངོ་མཚར་བའི་ལྟད་མོ་གཞན་ཞིག་མཐོང་རྒྱུ་ཡོད་པ་ནི། བོད་མི་ཚོའི་བྲང་ཁོག་ལྷན་སྐྱེས་ཀྱི་འཆི་ཕོད་སྙིང་སྟོབས་ཤིག་གིས་ཁེངས་ཡོད་པ་འདི་རེད།
ང་ལ་ཉན་རོགས།
ལྷ་ལུང་རྒྱལ།
ཕྲག་དོག་གདོན་གྱི་བྱེད་བབ་ནག་པོའི།།
རྣོ་དབལ་སྤུ་གྲིས་སྙིང་གི་གླང་པོ།།
ཁྲག་ཏུ་བརྫུས་ཀྱང་ཤེས་རབ་སྣ་ཞགས།།
རིང་བར་བརྐྱངས་པ་འགོག་ཐབས་ཨེ་ཡོད།།
སློབ་གྲོགས་ཤིག་གི་དྲིས་ལན་དུ་ཕུལ་བའི་བསམ་ཚུལ་ཐུང་ངུ༌།
ཨ་འབྲུག་དཀོན་མཆོག
འབྲི་རྩོམ་བྱེད་པ་ནི་ལད་མོ་གཏན་ནས་བྱེད་རྒྱུ་མེད་པའི་བྱ་གཞག་ཅིག་རེད་ལ། འབྲི་རྩོམ་ལ་ལད་མོ་བྱེད་པ་ནི་འགྲོ་བ་མིའི་ཤེས་རབ་དང་ཤེས་རིག་གི་ཉམས་རྒུད་ཆེན་པོ་ཞིག་རེད། བོད་ཀྱི་ཕུལ་བྱུང་རྩོམ་པོ་ཞིག་གིས་དེ་སྔ་འགྲུབ་མ་ཐག་པའི་བརྩམས་ཆོས་ཀྱི་ཤུལ་རྒྱུན་སྟེང་དུ་སླར་ཡང་མགོ་ཞིག་རྩོམ་དགོས་པ་ནི་རྩོམ་རིག་སྒྱུ་རྩལ་གྱི་གཏན་གནས་ཆོས་ཉིད་རེད་ཅེས་བཤད་མྱོང༌། ང་ཚོ་རྩོམ་གྱི་ལས་སུ་ཐོག་མར་ཞུགས་དུས་རྩོམ་འབྲི་བ་ནི་ཚིག་གི་སྡེབ་སྦྱོར་སྒྲིག་སྟངས་ཀྱི་སྦྱོང་བརྡར་ཞིག་ཏུ་ངོས་འཛིན་བྱེད་སྲིད་ལ། རྩོམ་འབྲི་བ་ནི་གནད་དོན་གཅིག་གསལ་འདོན་དང་གསེད་བཀྲོལ་བྱེད་པ་ཞིག་ཏུ་ངོས་འཛིན་ཀྱང་བྱེད་སྲིད། ལྷག་པར་དུ་རིགས་འགའ་ཞིག་གིས་རྩོམ་ཡིག་ནི་དེ་སྔ་ནས་གཏན་འཁེལ་བྱས་ཟིན་པའི་ནང་དོན་ཞིག་གི་སྒྲོམ་གཞི་ཞིག་དང༌། དེ་སྔ་ནས་གཏན་ཆགས་སུ་སོང་བའི་ཚིག་སྦྱོར་གྱི་ར་བ་ཞིག་ནས་འཁོར་བསྐྱོད་བྱེད་ཀྱི་ཡོད་ཅིང༌། ད་དུང་དེ་ལས་སྡུག་པ་ཞིག་ལ་བྱེད་སྤྱོད་དེ་རིགས་གཉེར་མཁན་རིགས་ལ་རྩོམ་པ་པོ་ཞེས་པའི་ཆོ་ལོ་ཡང་ཐོབ་ཀྱི་ཡོད་པ་རེད། ང་ཚོས་རྗེ་བཙུན་མི་ལ་རས་པ་དང༌། འཇམ་མགོན་ས་སྐྱ་པ། རྗེ་ཙོང་ཁ་པ། མཁས་དབང་དགེ་འདུན་ཆོས་འཕེལ་སོགས་ཀྱི་གསུང་རྩོམ་ཀློག་སྐབས་ཁོང་ཚོའི་ཤེས་རབ་དང༌། ལྟ་བ། དཀའ་ཐུབ་དང་སྙིང་སྟོབས། མི་གཤིས་དང་སེམས་ཁམས་ལ་སོགས་པ་མཐོང་གི་ཡོད་ལ། དེ་དག་རང་རང་གི་ཐུན་མོང་མ་ཡིན་པའི་ཁྱད་གཤིས་རེ་རེས་རང་རྐྱ་འཕེར་བའི་རང་གཟུགས་ཤིག་མངོན་གྱུར་བྱས་ཡོད་པ་དེ་མཐོང་ཐུབ་ཀྱི་ཡོད་པ་རེད།
དེ་ལས་མང་བ་། “སློབ་གྲོགས་ཤིག་གི་དྲིས་ལན་དུ་ཕུལ་བའི་བསམ་ཚུལ་ཐུང་ངུ༌།” »
ཀརྨ་པ་དང་ཁྲུང་ཁྲུང་།
འཇམ་དབྱངས་ནོར་བུས་བརྩམས།
༡༩༩༩ ལོའི་ཟླ་བ་ ༡༢ པའི་ནང་གི་ངོ་མཚར་བའི་བྲོས་བྱོལ་གྱི་རྗེས་དེར། རྒྱལ་བ་ཀརྨ་པ་སྐུ་གཞོན་དེ་བཙན་བྱོལ་སྤྱི་ཚོགས་ནང་གི་གློ་བུར་གྱི་གྲགས་ཅན་མི་སྣ་ཞིག་ཏུ་གྱུར་པ་རེད། དེ་ནི་ཏན་ཏན་བོད་མིའི་གུས་སྲོལ་ལྟ་བུ་ཞིག་གི་ནང་དུ་བྱུང་བ་ཞིག་ཡིན་པ་རེད། བོད་ཁྱིམ་སློབ་གྲྭའི་སློབ་མ་སྐོར་གཅིག་གིས་ བོད་ཀྱི་ཁྲུང་ཁྲུང་སྲུང་སྐྱོབ་བྱེད་ཕྱོགས་ཀྱི་སྐོར་རང་གི་འཛིན་གྲྭའི་ཁོར་ཡུག་ལས་འཆར་དེ་ལོ་ཆུང་བླ་མ་འདི་ལ་འབུལ་རྒྱུའི་ཐག་གཅོད་བྱས་པ་རེད། རྐང་བཙུགས་ནས་ཡིན་མིན་གང་ལྟར་ཡང་མཚོན་རྟགས་ནི་འོས་མཚམས་ཅན་ཡིན་པ་སྟེ། ཉེན་ཁར་འཕྲད་པའི་ཚེ་སྲོག་དང་། བོད་ནས་ལྷོ་ཕྱོགས་སུ་འཕུར་བསྐྱོད་བྱེད་པ་སོགས་རེད།
རྨོངས་བའི་ང་རྒྱལ་དགུང་ལས་མཐོ།
རྨོངས་བའི་ང་རྒྱལ་དགུང་ལས་མཐོ།
སྤྲིན་བྲལ། མདོ་སྨད་ཟི་ལིང།
བོད་འབྱོར།
ནམ་རྒྱུན་གྱི་འཚོ་བའི་ཁྲོད་དུ་མི་སྤོབས་པ་ཅན་ལ་དཔའ་བོ་ཞེས་འབོད་ཀྱི་ཡོད། དཔའ་བོའི་སྤྱི་ཚོགས་དེ་ལོ་རྒྱུས་སུ་གྱུར་ནས་ཡུན་རིང་འགོར། བསམ་བློ་བ་ཞིག་ཡིན་ཕྱིན་ད་ལྟའི་དུས་སུ་དཔའ་ཡང་དག་གི་རྩ་བ་དེ་གང་ལ་ཐུག་འདུག་པ་ཚོར་ནི་རེད། གནའ་མི་བོད་ཀྱི་གཏམ་དཔེ་ལ། རྨོངས་པའི་ང་རྒྱལ་དགུངལས་མཐོ་ཟེར་བ་ཅི་མ་བདེན། དེང་སྐབས་གཞན་ལ་སྡིགས་མོ་བྱེད་པའི་རྩོམ་ཡིག་འགའ་རེ་བྲིས་རྗེས། རང་ཉིད་བོད་ཀྱི་ཡོན་ཏན་པའི་སྡེ་རུ་རློམ་པ་དག་ལ། ངོམས་རན་ཡོད་པ་ནི་ང་རྒྱལ་ཡིན་ལ་སྟོན་རན་མེད་པ་ནི་བོད་ཀྱི་ནང་དོན་རིག་པའི་གཞུང་རེད། ཁྱད་པར་དུ་དེ་དག་གི་གྲས་ན་བོད་ཀྱི་རིག་གནས་ཆེ་བ་ལྔ་དང་བོད་ཀྱི་ཡུལ་སྲོལ་གོམས་འདྲིས་ལ་རྒྱུས་ལོན་གཏིང་ཟབ་བྱས་མྱོང་མཁན་ཕལ་ཆེར་མེད། ཐ་ན་རིག་གནས་ཆུང་བ་ལྔ་ལ་བག་ཆགས་ཙམ་བཞག་ཡོད་པའང་ཤིན་ཏུ་ཉུང༌། ཁ་ན་བོད་སྐད་དང་ལག་ན་བོད་ཡིག་འབྲི་བཞིན་ཡོད་ནའང༌། ཁོང་ཚོའི་འདུ་ཤེས་ནི་སྔ་མོ་ནས་སྐྲསེར་མིག་ལྗང་ཅན་ཏུ་འགྱུར་ཚར་འདུག
རྒྱ་མི་ཞིག་ཡིན་པར་ངོ་ཚ་བྱུང་བར་ངས་ཚོར་སྣང་ཐོག་མ་དང་། དམར་བའི་ཚོགས་མི་ཞིག་མིན་པར་སྟབས་ལེགས་པ།
བོད་སྒྱུར་ ཚེ་རིང་དོན་གྲུབ
China Digital Times [April 07, 2008]
གཤམ་གྱི་རྩོམ་ཡིག་འདི་ཀྲུང་དབྱང་མི་རིགས་སློབ་གྲྭ་ཆེན་མོའི་སློབ་མ་ཞིག་ནས་བྲིས་ཞེས་མཚན་རྟགས་བཀོད་འདུག CDT ནས་བསྒྱུར་།
བོད་ཀྱི་ས་ཁུལ་དུ་ཡར་རྒྱས་ཆེན་པོ་འགྲོ་བའི་སྐབས་འདིར་ངས་རྩོམ་ཡིག་ཅིག་འབྲི་འདོད་བྱུང་། ཡིན་ནའང་། རྒྱལ་ཁབ་ཕྱི་ནང་གཉིས་སུ་གསར་འགྱུར་བརྒྱུད་ལམ་དུ་གནས་ཚུལ་གཏོང་སྤེལ་གནང་བ་དེ་མཐོང་རྗེས། ངས་གང་ཞིག་ལ་ཡིད་ཆེས་བྱེད་དཀའ་བ་བྱུང་། ངས་རྣམ་དཔྱོད་ཀྱང་བོར་སོང་། རྩོམ་ཡིག་འབྲི་བའི་འགོ་འཛུགས་ཐབས་ཤེས་བྱས་ཡང་། ངས་མུ་མཐུད་ནས་འབྲི་མ་ཐུབ། རྒྱུ་མཚན་ནི་ངའི་ཚོར་ཤེས་དེ་ཧ་ཅང་རྙོག་དྲ་ཞིག་གི་ནང་དུ་འཚུད་། དེ་རིང་ཕྱི་དྲོ་། ངས་ལས་གྲོགས་ཞིག་ལ་གནད་དོན་དེའི་སྐོར་ཡང་བསྐྱར་གླེང་མོལ་བྱས་བ་དང་ཁ་བརྡ་དེ་འཁྲུག་རྩོད་ནང་ཛ་དྲག་ཏུ་གྱུར་། མཐར་མར་ལས་གྲོགས་ཀྱིས་ “རྒྱ་ནག་དམར་ཕྱོགས་པའི་”་རྣམ་པ་སྤྱད་ནས་སྨྱོ་བ་ལྟ་བའི་གདོང་བསྟན་ཏེ་་“ཁོང་ཁྲོས་ཚིག་ངན་དུ་ནག་འཕྱུར་འཕྱུར”ངང་ནས་ང་ལ་མཚམས་བཞག དེ་ནི་དོན་མེད་ཅིག་ཏུ་བསམ་ནས་ངས་རང་ཉིད་ཀྱི་ཁ་བཙུམ་པ་ཡིན། ངས་མི་སྣ་མང་པོ་མཉམ་དུ་ལས་ཀ་བྱས་ཡོད་། ཡིན་ནའང་། མི་མང་པོ་ཞིག་འདི་ལྟར་ཀླད་པ་སྒྱུར་བཀོད་བྱས་ཡོད་པ་ངས་ཡིད་ལ་འཆར་མ་སོང་།
དུས་རབས་ཀྱི་ངོས་ནས་ནག་ཉེས་ལ་ལྟ་བ།
དུས་རབས་ཀྱི་ངོས་ནས་ནག་ཉེས་ལ་ལྟ་བ།
གཡུ་དྲུག་དཀར། རྡ་ས།
དུས་རབས་ཀྱི་སེམས་ལ་བཞག་པའི་རང་གཟུགས།
དུས་རབས་རེ་རེ་ནི་འཛམ་གླིང་སྤྱི་ཡོངས་ཀྱི་ལོ་རྒྱུས་རང་བཞིན་གྱི་འགྱུར་འགྲོས་ཀྱི་མཚམས་ཚིགས་ཡིན་པས། དུས་རབས་རེ་ལ་ཡུལ་དུས་གནས་བབ་གསར་དུ་བཙས་པ་ལྟ་བུའི་ཁྱད་རྟགས་བྱུང་བ་རེད། དེ་བཞིན་བོད་མི་རིགས་ལ་མཚོན་ན་ནའང་དུས་རབས་སྔོན་མ་དག་ལ་པྱིར་འདང་རྒྱག་དུས་གཅིག་ལས་གཅིག་བརྗིད་ཅིང་བརླིང་པའི་བཙན་དྲག་རྡོ་རིང་རེ་རེ་དྲན་འོང་ཞིང༌། དྲན་རྟོགས་འདིའི་ཀློང་ནས་ད་ལྟའི་ཡ་ང་ཞིང་སྐྱོ་ཤས་ཆེ་བའི་གནས་སྟངས་འདི་དང༌། ལྷག་པར་དུ་༣་༡༠ ཉིན་ནས་འགོ་ཚུགས་པའི་ཛ་དྲག་གི་གནས་བབ་འདི་ལ་བསམ་ན་སྙིང་རླུང་སྟོད་ལ་འཚང་ནས་ཐང་བོད་དབར་གྱི་ལོ་རྒྱུས་བསྐྱར་ལོག་བྱེད་པར་ཐེ་ཚོམ་མི་མངའ་ཡང༌། དུས་རབས་ཉེར་གཅིག་པའི་བོད་མི་རིགས་ནི་དེ་འདྲ་ཞིག་གཏན་ནས་མིན། ང་ཚོ་འགྱུར་ཡོད། ང་ཚོ་དྲག་པོ་ནས་ཞི་བར་འགྱུར་ཡོད། ང་ཚོ་བཙན་པོ་ནས་གཉོམ་ཆུང་དུ་འགྱུར་ཡོད། ང་ཚོ་འཚེ་བ་ཅན་ནས་འཚེ་མེད་དུ་འགྱུར་ཡོད།
ངའི་ཁྱིམ་ཚང༌།
ངའི་ཁྱིམ་ཚང༌།
(ན་མཉམ་གྲོགས་པོ་ཚོར་ཕུལ་བ།)
སྐར་ཆེན།
ངའི་ཁྱིམ་ཚང་གི་མིང་ལ་བོད་ཁྱིམ་ཟེར། ངའི་ལོ་ངོ་བདུན་ལྷག་གི་ལྟོ་གོས་གཏམས་གསུམ་ཁྱིམ་ཚང་འདི་ལ་བརྟེན་པ་ཡིན། ངའི་ཕུགས་བསམ་དང་བསམ་བློ། མི་ཚེའི་རིན་ཐང་བཅས་རྙེད་ས་ཡང་ཁྱིམ་ཚང་འདི་ཡིན། ང་བརྩིས་བའི་ཁྱིམ་ཚང་འདིའི་ནང་གི་བུ་ཕྲུག་ཕལ་ཆེ་བ་ནི་ཉམ་ཐག་དང་དྭ་ཕྲུག ཕྱེད་དྭ་ཕྲུག་བཅས་ཡིན་ལ་ཁྱིམ་ཚང་འདི་ཐོག་མར་འཛུགས་སྐབས་བུ་ཕྲུག་ཁ་ཤས་ལས་མེད་མོད། ད་ལྟ་བུ་ཕྲུག་ཚོའི་གྲངས་འབོར་སྔོན་ལས་ལྡབ་འཕར་བྱུང་ཡོད་པ་མ་ཟད་བུ་ཕྲུག་མང་པོ་ཞིག་འཛམ་གླིང་ཤར་ནུབ་སར་འཐོར་ནས་ཡོད། ཁྱིམ་ཚང་འདི་ལ་གྲ་སྒྲིག་འཛིན་གྲྭ་བརྩིས་བའི་འཛིན་རིམ་དང་པོ་ནས་བཅུ་གཉིས་བར་དུ་ཡོད་པ་མ་ཟད་མི་རིང་བར་མཐོ་སློབ་ཞིག་ཀྱང་ཚགས་གྲབས་ཡོད།
དགུ་རེ་སུ་ཝང་།
དགུ་རེ་སུ་ཝང་།
༼བདེན་དོན་ལ་ཕྱོགས་ཤིང་དྲང་ཚུགས་ཆེ་བའི་བུད་མེད་དགུ་རེ་སུ་ཝང་ལས་འཕྲོས་པའི་ཁ་བརྡ།༽
འགར་ཚེ་རྒྱལ།
ཉེ་དུས་བོད་མི་རིགས་ཀྱིས་ཞི་བའི་གྱེན་ལངས་ངོ་རྒོལ་སྐབས་ཨ་རིར་སློབ་གཉེར་བྱེད་པའི་རྒྱ་ནག་གི་བུད་མེད་དགུ་རེ་སུ་ཝང་ཞུ་བ་ཞིག་གིས་བོད་མིའི་བདེན་དོན་ལ་དྲང་ཚུགས་ཀྱིས་རྒྱབ་སྐྱོར་བྱས་པར། ཨ་རིར་གནས་སྡོད་རྒྱ་རིགས་རྣམས་ཀྱིས་ཁོ་མོར་དམའ་འབེབས་འཇིགས་སྐུལ་དང། རྒྱ་ནག་གཞུང་གིས་རྒྱལ་བཙོང་པའི་ཉེས་མིང་གཡོགས་ཏེ་ཁོ་མོ་རྒྱལ་ཁོངས་ནས་སྤྱུགས་པའི་གནས་ཚུལ་དེའི་ཐད། ཕྲན་གྱི་བསམ་ངོར་བུད་མེད་སྒེར་བ་དེའི་བསམ་བློའི་ལངས་ཕྱོགས་དང་རྒྱ་ནག་གཞུང་གི་དམངས་འཛིན་སྲིད་ཇུས་ཀྱི་ཁ་ཕྱོགས་ལ་བདེན་རྫུན་གྱི་ཧེ་བག་ཆེན་པོ་ཡོད་པའི་ཐོག་ནས་བུད་མེད་དེའི་བསམ་བློའི་རྩ་དོན་ལ་རྒྱབ་སྐྱོར་གྱི་ཚུལ་དུ་སྐད་ཆ་འགའ་བཤད་འདོད། ཡིན་ནའང་འདི་ལ་ལྟ་ཚུལ་གཞན་ཞིག་གིས་རྒྱ་ནག་གི་བུད་མེད་དཀྱུས་མ་ཞིག་ལ་འདི་ལྟར་སྔགས་བརྗོད་དང་རྒྱབ་སྐྱོར་བྱེད་རན་མི་འདུག་ཟེར་མཁན་དང། རྒྱ་ནག་གི་བུད་མེད་ཞིག་འདི་ལྟར་གླེང་ནས་ཁྱོད་ཅི་ཉེས་ཟེར་མཁན་འགའ་རེ་ཡོད་སྲིད་པས། དེར་འུ་ཅག་བོད་མིའི་འཐབ་རྩོད་འདི་བདེན་པའི་འཐབ་རྩོད་ཅིག་ཡིན་སྟབས་འདི་ལ་བདེན་པའི་རྒྱབ་སྐྱོར་བྱེད་མཁན་ཚོར་དགྲ་གཉེན་ཕྱོགས་འཛིན་མེད་པར་གདེང་འཇོག་བྱེད་རྒྱུ་འུ་ཅག་གི་འོས་འགན་ཡིན་པའི་ཆ་ནས་དང་། ལྷག་པར་དགུ་རེ་སུ་ཝང་ཞུ་བ་རྒྱ་མི་ཞིག་ཡིན་པའི་ངོས་ནས་སྤྱིར་མིའི་རིགས་ལ་དགོས་པའི་ཁེ་དབང་དང་ཁྱད་པར་བོད་མིའི་རང་དབང་ཐད་ནས་པདེན་པའི་རྒྱབ་སྐྱོར་བྱས་ཏེ། ཁོ་མོ་སྒེར་ངོས་ནས་སྤྲོ་སྣང་འཁྱིལ་བའི་བདེ་སྐྱིད་མང་པོ་ཞིག་སད་ཀྱིས་བཅོམ་པ་ལྟར་ཡལ་བའི་གྱོང་གུད་དེ་སྤྱི་དོན་ཞིག་གི་ཆེད་ཡིན་སྟབས།
འཛམ་གླིང་ཧྲིལ་པོ་བདེན་དོན་དང་ཞི་བདེ་ལ་ཕྱོགས་པའི་དུས་མཚམས་འདིར་ཁོ་མོ་ལྟ་བུའི་བསམ་བློ་འཛིན་མཁན་ཚོ་དགོས་གལ་དུ་མཐོང་ནས་གླེང་བ་ལས་གཞན་ཁེ་ཕན་དང་དམིགས་ཡུལ་ངན་པ་གང་གི་ཆེད་དུའང་མིན་ཟེར་བ་དེ་ཡིན།
ངེད་ཀྱི་ཉིན་ཐོ༌།
སྐར་ཆེན།
ཉིན་འདི་དག་གི་རིང་ལ་ངས་བོད་ནང་གི་བོད་མིའི་གྱེན་ལངས་ཆེན་མོའི་སྔ་ཕྱིའི་བྱུང་རིམ་དང་གཞིས་ལུས་བོད་མི་ཚོའི་སེམས་འདུན༌། བོད་ནང་གི་བོད་མི་ཚོའི་ལྷག་བསམ་དང་ཞུམ་མེད་ཀྱི་སྙིང་སྟོབས་ལ་གདུང་སེམས་མཉམ་བསྐྱེད་ཀྱི་སླད་དུ་བཙན་བྱོལ་བོད་མི་ཚོའི་ངོས་ནས་་ལས་འགུལ་སྤེལ་སྟངས། བཙན་བྱོལ་བོད་གཞུང་གི་སྲིད་ཇུས་ཀྱི་ཁ་ཕྱོགས། ༧གོང་ས་མཆོག་གི་ཐུགས་རེ་དང་ཁོང་གིས་རྒྱལ་སྤྱིའི་སྤྱི་ཚོགས་ལ་གསལ་འདེབས་གནང་སྟངས། རྒྱ་ནག་གཞུང་གིས་མུ་མཐུད་དུ་བོད་མིར་དྲག་གནོན་བྱེད་སྟངས་དང་བོད་དོན་ཐད་སྲིད་ཇུས་འཛིན་སྟངས། རྒྱའི་ཤེས་ལྡན་མི་སྣ་ཁག་གི་བོད་དོན་ཐད་ཀྱི་བསམ་ཚུལ་དང་དེའི་རྒྱབ་ལྗོངས། རྒྱ་ནག་སྐམ་ས་ཆེན་མོའི་མི་མང་དང་ཕྱི་སྡོད་རྒྱ་མི་དག་གིས་བོད་དོན་ལ་རྣམ་འགྱུར་སྟོན་སྟངས། བོད་ཕྱི་ནང་གི་བརྒྱུད་ལམ་ཁག་གི་བསམ་ཚུལ་དང་ཁ་ཕྱོགས༌། རྒྱལ་སྤྱིའི་ཐོག་གི་ཤེས་ལྡན་མི་སྣ་ཁག་དང་སྲིད་གཞུང་ཁག་གིས་བོད་དོན་ལ་རྣམ་འགྱུར་སྟོན་སྟངས། རྒྱལ་སྤྱིའི་སྤྱི་ཚོགས་ཀྱིས་བོད་དོན་ལ་ངོས་འཛིན་གནང་སྟངས་དང་བོད་དོན་བརྒྱུད་རང་གི་ཕུགས་རེ་དང་གོ་སྐབས་འཚོལ་སྟངས་སོགས་ཕྱོགས་ཚང་མར་ཉན་ཤེས་དང་བསྡུ་ལེན་བྱེད་བཞིན་ཡོད།
བུད་མེད།
ང་ནི་ཐོག་མ་ཡིན་ལ་མཐའ་མའང་ཡིན། ང་ནི་མཆོད་ཡུལ་དང་ནི་དམོད་ཡུལ་ཡིན། ང་ནི་སྨད་འཚོང་མ་དང་གྲུབ་ཆེན་མ། ང་ནི་སྐྱེད་མ་ཡིན་ལ་ཞབས་གསར་མ། ང་ནི་ཨ་མ་དང་ནི་བུ་མོ་སྟེ། ང་ནི་རང་གི་མ་ཡི་དཔུང་བ་ཡིན། ང་ནི་མོ་སྐམས་བུ་མང་ཨ་མ་དང་། ང་ནི་ཤུག་མོ་གཏན་དུ་མོ་ཧྲེང་ཡིན། ང་ནི་བཙས་མ་བུ་ཕྲུག་མ་སྐྱེས་མཁན། ང་ནི་བུ་སྐྱེས་ཟུག་རྔུར་བདེ་སྟེར་མ། ང་ནི་སྐྱེས་དམན་དང་ནི་ཁྱོ་ག་སྟེ། ང་རང་བཟོ་མཁན་རང་གི་ཕོ་སྐྱེས་ཡིན། ང་ནི་སོ་སོའི་ཕ་ཡི་ཨ་མ་དང་། ང་ནི་རང་གི་ཁྱོ་གའི་གཅུང་མོ་ཡིན། ང་ཡིས་གཡུག་པའི་བུ་ཕྲུག་ཁྱོ་གར་གྱུར་།…