པདྨ་ཚེ་དབང་ཤཱསྟྲི།
____________________________

རང་ཡུལ་གངས་ཅན་གྱི་ལྗོངས་དེ་རྒྱ་ནག་གིས་དྲག་པོའི་བཙན་བཟུང་བྱས་ཏེ་མི་ལོ་དྲུག་ཅུ་ལྷག་འགྲོ་བའི་སྐབས་སུའང་། བོད་དོན་བདེན་མཐའ་གསལ་རྒྱུའི་སྐྱ་རེངས་ཙམ་ཡང་འཆར་རྒྱུ་མེད་པའི་ཁར། གཞིས་བཞུགས་བོད་མིའི་གནས་སྟངས་ནི། ཉིན་རེ་ཞིང་ཇེ་ཞན་ཇེ་སྡུག་ཏུ་འགྲོ་བཞིན་པ་དང་། བྱེས་འབྱོར་རྣམས་ནི། རིམ་པས་ནུབ་ཕྱོགས་ཡུལ་གྲུ་ཁག་གི་ནང་དུ་ཁ་ཐོར་དགུ་ཐོར་དུ་འགྲོ་བཞིན་པའི་གནས་སྐབས་འདིར། འདས་དོན་ལ་ཕྱི་མིག་ཅིག་བལྟས་ཏེ་མནོ་བསམ་གཏོང་སྐབས་གཞིས་བྱེས་གཉིས་ཀའི་ནང་དུ་སྤོབས་པ་དང་། དགའ་མགུ་ཡི་རངས་བྱེད་འོས་པའི་གྲུབ་འབྲས་གཟེངས་སུ་ཐོན་པ་མང་དག་ཅིག་བྱུང་ཡོད་ཀྱང་། གངས་ཅན་པ་ས་ཡ་དྲུག་ལ་རིང་ནས་སྙིང་དུ་བརྣག་པའི་འདོད་པའི་དོན་དེ་ནི་ད་དུང་ཡང་ཐག་རིང་དུ་གནས།

དེ་ལས་མང་བ་། “འཚེ་བ་སྤངས་པའི་འགོག་རྒོལ་གྱི་ནུས་པ།” »

བསྟན་རྣམ།
___________
རྒྱ་བོད་ཞི་མོལ་ཡོང་ཆེད་སྤྱི་ནོར་༧གོང་ས་སྐྱབས་མགོན་ཆེན་པོའི་དབུ་ཁྲིད་འོག་བཙན་བྱོལ་གཞུང་གི་བསྒྲུབ་བྱའི་དམིགས་ཡུལ་ཁ་གསལ་དང་རྒྱ་ནག་སྤྱི་མཐུན་རྒྱལ་ཁབ་ཀྱི་རྣ་བར་འགྲོ་འོས་པའི་ཆབ་སྲིད་ཀྱི་ལངས་ཕྱོགས་ཤིག་ངེས་པར་དུ་དགོས་པ་ནི་སྨྲོས་མེད་ཡིན་ན་ཡང་། བོད་མི་དཀྱུས་མ་ཞིག་གི་དུས་རྒྱུན་བོད་ཀྱི་རྩ་དོན་ཆེད་ལས་འགུལ་སྤེལ་ཕྱོགས་ནང་ད་ལྟའི་ཆབ་སྲིད་ཀྱི་གནས་སྟངས་འོག་ དེ་མཚུངས་ཀྱི་སྲིད་བྱུས་ཤིག་གང་ཟག་རེ་རེ་ནས་འཛིན་དགོས་པ་ཨེ་ཡིན་སྙམ།
བསམ་ཚུལ་འདིས་གཉིས་སྨན་དབུ་མའི་ལམ་དང་བསྒྲུབ་བྱ་དོན་དམ་རང་སྲིད་རང་སྐྱོང་ལའང་མཐའ་གཅིག་ཏུ་རྒྱབ་སྐྱོར་ཁོ་ན་ལས་འགོག་རྐྱེན་བཟོ་གི་ཡོད་པ་གཏན་ནས་བསམ་གྱི་མེད། དུས་རྒྱུན་དུ་ནས་བོད་མི་དཀྱུས་མ་ཞིག་གི་བོད་ཀྱི་རྩ་དོན་ཆེད་ལས་འགུལ་འདྲ་མིན་ནང་མཉམ་ཞུགས་བྱེད་སྐབས་དགོས་མཁོ་མེད་པའི་རྣམ་རྟོག་གཅིག་ནི། ང་རྩ་དོན་ལས་འགུལ་འདིར་ཞུགས་ན་༧གོང་ས་མཆོག་གམ་བཙན་བྱོལ་བོད་གཞུང་གི་དགོངས་པ་དང་འགལ་གྱི་མེད་དམ་སྙམ་པ་འདི་ཡིན། སེམས་ཚོར་འདི་ནི་ལྷག་པར་ང་ལྟ་བུ་བོད་མི་ཞིག་གི་གནས་སྟངས་འོག་འཆར་ངེས་ཡིན།

དེ་ལས་མང་བ་། “བསྒྲུབ་བྱ་དོན་དམ་རང་སྲིད་རང་སྐྱོང་དང་རང་བཙན་གཙང་མ་གཉིས་གཞི་རིམ་གྱི་ལས་འགུལ་ངོ་བོ་གཅིག་ཡིན།” »

དཀོན་མཆོག་དབང་འདུས་ཨབ་ཕྱི།

དང་པོ།
བཙན་བྱོལ་བོད་མིའི་མང་གཙོ་ནི་གྲོས་ཚོགས་ལམ་ལུགས་ཅན་གྱི་མང་གཙོ་ཡིན་པ་གང་ཞིག་ལ་གཞུང་འཛིན་ཚོགས་པ་དང་ཁ་གཏད་ཚོགས་པ་ཡོད་པའི་མང་གཙོ་མིན།
གྲོས་ཚོགས་གཅིག་གིས་གཞུང་འཛིན་དང་ཁ་གཏད་ཀྱི་གོ་གཉིས་ཆོད་བྱེད་དགོས་ཀྱི་ཡོད། གཞུང་འཛིན་ཚོགས་པ་དེ་ཁ་གཏད་ཚོགས་པ་ཡང་ཡིན། རྒྱུ་མཚན་འདི་འདྲར་བརྟེན།
བཀའ་བློན་ཁྲི་བའི་འོས་མི་གཞུང་འཛིན་དང་ཁ་གཏད་ཀྱི་ཚོགས་ཁོངས་ནས་འདེམས་ས་མེད་ལ་སོ་སོའི་འོས་མི་ཡིན་ཞེས་ཕྱིར་བསྒྲགས་ཀྱང་བྱེད་རྒྱུ་མེད། བཀའ་ཁྲིའི་འོས་མི་ཁྱབ་བསྒྲགས་ཚུད་པའི་འོས་བསྡུའི་ལས་ཀ་ཚང་མ་འོས་བསྡུ་ལས་ཁུངས་ནས་བྱེད་ཀྱི་ཡོད། འོན་ཀྱང་། ད་ལོར་ཆབ་སྲིད་ཚོགས་པ་ཁ་ཤས་ཀྱིས་འོས་མི་ཁྱབ་བསྒྲགས་མཉམ་དུ་མི་མང་གི་ཁྲོད་ནས་འོས་བསྡུའི་ཤུགས་རྐྱེན་འཚོལ་བཞིན་པ་ནི་གཡོན་ཐལ་ཆེ་བའི་བྱ་སྤྱོད་རེད། དཔེར་ན། བོད་རྒྱལ་ཡོངས་མང་གཙོ་ཚོགས་པ་ལྟ་བུ།

དེ་ལས་མང་བ་། “གཡོན་ཐལ་ཆེ་བའི་ཆབ་སྲིད་ཚོགས་པའི་ལས་འགུལ་སྤེལ་སྟངས།” »

ཧོར་གཙང་འཇིགས་མེད།
———————–

གཅིག སྤྱི་བཤད།

ང་ཚོས་ནམ་རྒྱུན་སྐད་ཆ་བཤད་སྐབས་དང་། གཞན་ལ་སློབ་ཁྲིད་བྱེད་སྐབས། རྩོམ་ཡིག་འབྲི་སྐབས་བཅས་སུ་མིང་དང་ཚིག་གིས་མ་འདང་བའི་དཀའ་ངལ་དང་། ཁ་སྐད་དང་ཡིག་སྐད་གཉིས་ལ་བར་ཁྱད་ཆེ་བའི་དབང་གིས་དཀའ་ངལ་མང་བོ་ཞིག་ཡང་ཡང་འཕྲད་ཀྱིན་འདུག ཡིན་རྒྱུ་ནི། ད་ཡོད་ཀྱི་བརྡ་སྤྲོད་གཞུང་ལུགས་སམ། བརྡ་སྤྲོད་ཀྱི་ཁྲིམས་ཡིག་སུམ་ཅུ་བ་དང་། རྟགས་ཀྱི་འཇུག་པ་འདི་གཉིས་ཀྱིས་བོད་མི་ས་ཡ་དྲུག་གི་སྐད་ཆ་དང་ཡི་གེ་གཉིས་ཆ་ཁེབས་ཐུབ་ཀྱིན་ཡོད་མེད་དང་། དེ་ལ་ལེགས་བཅོས་ཇི་ལྟར་བྱེད་དགོས་མིན་སོགས་རྩ་བ་ནས་གླེང་དགོས་པ་ཞིག་ཡིན་ཀྱང་། དེ་ནི་བརྗོད་གཞི་རྒྱ་ཆེན་པོ་ཡིན་པས་རེ་ཞིག་བསྐྱུངས་ཏེ། འདིར་ནམ་རྒྱུན་ང་རང་གིས་ཡི་གེ་འབྲི་སྐབས་འཕྲད་བཞིན་པའི་ཡིག་རྡོག་གཅིག་རང་གི་སྐོར་ལ་གླེང་མོལ་ཐུང་ངུ་ཞིག་བྱ་རྩིས་ཡིན།
དཀའ་བའི་ལྡོག་ཟླ་སླ་ཞེས་པའི་ཡི་གེ་འདི་མདོ་སྨད་པ་དག་ལ་མཚོན་ན་ཤེས་ཡོན་ཅན་ཁོ་ནས་མ་གཏོགས་ཡུལ་མི་བྱིངས་ཀྱིས་མི་གོ་བའི་ཡི་གེ་ཞིག་ཡིན། ཁོང་རྣམ་པས་སླ་ཞེས་པའི་ཡིག་འབྲུ་འདིའི་ཚབ་ལ་སྩ་ཡིག་འདི་ཉིད་བེད་སྤྱོད་བྱེད།

དེ་ལས་མང་བ་། “སྩ་ཡིག་གི་གསང་བ།” »

བློ་བཟང་བཟོད་པ།

དེ་རིང་ངས་ཨ་རིག་འགྱུར་མེད་ཀྱིས་གཙོ་གཉེར་བྱས་པའི་དྲི་བ་ཕྱོགས་བསྒྲིགས། གསང་མིང་འོག་གི་འཇབ་རྒོལ་བ་དང་རྨས་མ་ཚོ་ཟེར་བའི་དུམ་བུ་དེ་བཀླགས་པ་ཡིན། གོ་སྐབས་འདི་དང་བསྟུན་ནས་ཡུན་རིང་པོ་ཞིག་ལ་བཤད་དགོས་བཤད་དགོས་བསམ་ཡང་སྐབས་རེ་ལེ་ལོ་དང་། སྐབས་རེ་དུས་ཚོད་མེད་པའི་དབང་གིས་ལྷག་སོང་བ་ཞིག་དེ་རིང་བཤད་རྒྱུ་ཡིན། ང་ནི་བོད་ཀྱི་བང་ཆེན་དང་ཁ་བར ྡ་གཉིས་ལ་མང་པོ་འགྲོ་གི་མེད། དུས་བབ་ནང་དུ་རང་གི་ཟིན་བྲིས་ཡོད་པས་དུས་ཚོད་གང་ཡོད་ལ་ཡོང་གི་ཡོད། དེར་མ་ཟད་སྐབས་རེ་ཚོར་ཤུགས་དྲག་པོས་གཞན་ལ་རྒྱབ་སྐྱོར་བྱེད་ཀྱི་ཡོད་ལ་སྐབས་རེ་གཞན་ལ་ངོ་རྒོལ་བྱེད་ཀྱི་ཡོད།

དེ་ལས་མང་བ་། “དྲ་འབུ་ལས་འཕྲོས་པའི་ཧམ་བཤད་དང་གནས་ལུགས།” »

སྒོམ་སྡེ་ལྷ་རམས་པ།

བློས་བྱས་ཉི་ཚེའི་སྟོང་པ། ❶ (དགེ་ལུགས) བློས་བྱས་ཀྱི་སྟོང་པ་ནི། རྟེན་འབྲེལ་བཤིག་པའི་སྟོང་པ་ལ་ཟེར་ལ། (རྗེའི་ལྷག་མཐོང་ཆུང་ངུ་ལས། ཆོས་རྣམས་ཡེ་གདོད་མ་ནས་དེ་ལྟར་སྟོང་པ་ལ་སྟོང་པར་ཤེས་པ་ཙམ་ཡིན་པས་བློས་བྱས་ཀྱི་སྟོང་པའང་མིན་ཞིང་། ཤེས་བྱ་ཐམས་ཅད་དེ་ལྟར་འདོད་པས་ཉི་ཚེ་བའི་སྟོང་པའང་མིན་པས། ཞེས་གསུངས་པས་ཤེས་ནུས་སོ)

དེ་ལས་མང་བ་། “བློས་བྱས་ཉི་ཚེའི་སྟོང་པ་ཞེས་པའི་གོ་དོན༽” »

རིག་འབྱུང་དོན་གྲུབ་བཀྲ་ཤིས། ཨ་རི།

བོད་ཕྱི་ལོགས་སུ་ཡོད་པའི་བོད་རིགས་གསར་འགོད་པ་ཚོའི་ཁྲོད་ན། ཤེས་ཡོན་གྱི་སྒང་ནས་ཆེད་ལས་གསར་འགོད་པ་ཧ་ཅང་ཉུང་ཉུང་ཡིན། འོན་ཀྱང་། ཉམས་མྱོང་གི་སྒང་ནས་ཆེད་ལས་གསར་འགོད་པ་ཆགས་བསྡད་པ་གང་འཚམས་ཡོད། བོད་པའི་གསར་འགོད་པ་ཚོའི་ཆེད་ལས་དེ་ཆེད་ལས་ཀྱི་ངོ་བོའི་སྒང་ན་འདུག་གི་མེད། བོད་པའི་གསར་འགོད་པ་ཚོའི་ཁྲོད་ན། གསར་འགྱུར་སྤེལ་དུས་གནས་ཚུལ་དང་བསམ་ཚུལ་བསྲེས་བསྲེས་གཏོང་མཁན། བདེན་པ་དང་བསམ་ཚུལ་མཉམ་བསྲེས་བྱེད་མཁན་སོགས་ཀྱང་ཡོད། ད་དུང་། བཅར་འདྲི་བྱེད་སྐབས་དྲི་བ་མི་གསལ་བ་དང་དྲི་བ་རིང་བ། དྲི་བ་འདྲི་མཁན་རང་གིས་བཤད་འདོད་པ་ཞིག་དྲི་བ་འདྲི་ཡུལ་ལ་བཤད་དུ་འཇུག་ཆེད་སྐོར་བཤད་རིང་པོ་རྒྱག་པ། དྲི་ཚིག་བསྐྱར་ཟློས་བྱེད་པ། ཐ་ན། སྐད་ཆ་རིང་པོ་ཞིག་མ་བཤད་ན། དྲི་བ་གཏོང་མི་ཤེས་བའི་གོམས་གཤིས་ངན་པ་ཞིག་ཡོད། གོམས་གཤིས་ངན་པ་འདི་ན་ཚ་ཡང་རེད། ན་ཚ་འདིའི་རྐྱེན་པས། མཚམས་ལན་རེར་གསར་འགོད་པ་རང་ཉིད་དྲི་བ་གཏོང་མཁན་མིན་པར་དྲི་ལན་རྒྱག་མཁན་གྱི་སར་ལངས་ནས་བསམ་ཚུལ་བཤད་གི་ཡོད། གནད་དོན་འདི་དག་གི་ཐད་ལ་།
ངེད་ཀྱིས་ཚིག་འགའ་ཞུ་གི་ཡིན། རྩོམ་ཐུང་འདི་གང་ཟག་སྒེར་ལ་དམིགས་པ་ཞིག་མིན། རྩོམ་ཐུང་འདི་གསར་འགོད་པ་སྒེར་པ་ཞིག་དཔེ་མཚོན་དུ་བཞག་ནས་བོད་རིགས་གསར་འགོད་པ་གཞན་པ་ཚོར་བྲིས་བ་ཞིག་ཡིན།
ངེད་ཀྱི་བསམ་ཚུལ་བཤད་ས་དེ། ཀུན་གླེང་གསར་འགོད་པ་རྣམ་རྒྱལ་ཤཱསྟི་ལགས་ཀྱི་བཅར་འདྲིའི་སྐོར་ལ་ཡིན།

དེ་ལས་མང་བ་། “དྲི་བ་ཐུང་ཐུང་དྲིས། བསམ་ཚུལ་ཉུང་ཉུང་ཤོད།” »

ཟླ་བ་གཞོན་ནུ།

ཉེ་འཆར་དགྱ་ནག་གིས་ཉེས་མེད་ཉེས་འགེལ་གྱིས་བཙོན་དུ་བཅུག་པའི་རྩོམ་པ་པོ་བཀྲ་རྒྱལ་ལམ་ཞོགས་དུང་མཆོག་གི་《གནམ་ས་གོ་འབྱེད》་ཅེས་པའི་དེབ་འདི་བོད་ཕྱི་ལོགས་སུ་བཏོན་ནས་ཟླ་གཅིག་ལྷག་འགོར་བའི་དེ་རིང་གི་ཉིན་མོ་འདི་ལའང་གནམ་ས་གོ་འབྱེད་ཅེས་པའི་དེབ་མིང་འདིའི་གོ་བརྡའང་ཏག་ཏག་ཅིག་འཕྲོད་མེད་པ་ནི་དངོས་གནས་སེམས་པ་སྐྱོ་དགོས་པའི་དོན་དག་ཅིག་ཏུ་གྱུར།

དེ་ལས་མང་བ་། “གནམ་ས་གོ་འབྱེད་ཅེས་པའི་དོན་ཅི་ཞིག་ཡིན་ནམ།” »

འབྲོང་བུ་ཟླ་བ་ཚེ་རིང།

གཅིག

སློབ་གྲྭའི་སྒོ་གླེགས་འགྲིམ་ཞིང་ཆ་མི་སྙོམས་པའི་སྤྱི་ཚོགས་ལ་བལྟ་དུས། ཁྱོད་ཚོའི་སེམས་ལ་ཚོར་སྣང་ཤིན་ཏུ་མཐུག་པོ་ཞིག་འབྱུང་སྲིད། ཚོར་སྣང་དེ་ནི་གློ་བུར་བ་ཞིག་ཡིན་མིན་གང་ལྟར་ཡང། ཁྱོད་ཚོའི་སེམས་ལ་བཟོད་དཀའ་བའི་ན་ཟུག་འབྱུང་སྲིད་ལ་དཔག་དཀའ་བའི་དགའ་སྣང་ཡང་འབྱུང་སྲིད། ཚོར་སྣང་དེ་དགའ་འོས་བ་ཞིག་ཡིན་ཚེ་ཁྱོད་ལ་དུས་གཏན་དུ་དབང་ན་བསམ་ཞིང། ཚོར་སྣང་དེ་སྡུག་བསྔལ་ཞིག་ཡིན་ཚེ་ཡང་བསྐྱར་མི་འབྱུང་བའི་སྨོན་ལམ་འདེབས་ངེས། འདི་ནི་ང་ཚོའི་རང་གཤིས་རྣལ་མ་ཡིན་པས་རེ་སྐྱིད་རེ་སྡུག་གི་འཚོ་བའི་ཁྲོད་ནས་ཉམས་མྱོང་གསོག་རྒྱུ་གལ་འགངས་ཤིན་ཏུ་ཆེ། ཉམས་མྱོང་ནི་དགེ་རྒན་གྱི་མཆོག་ཡིན་ཞེས་གསུངས་བ་ལྟར།

དེ་ལས་མང་བ་། “ཁྱོད་ཀྱི་རིན་ཐང།” »

ར་ས་ཕོ་ཉ།
ཚན་རིག་པ་ཚོས་འཛམ་གླིང་གི་ཕྱི་རོལ་གྱི་སེམས་ཅན་དང་འབྲེལ་བ་བྱེད་རྒྱུ་ནི་མིའི་འགྲོ་བ་འདི་གཏོང་རྒྱུའི་ཉེན་ཁར་ཡིད་ཆེས་བྱེད་ཀྱི་ཡོད།
འཛམ་གླིང་ཕྱི་རོལ་དུ་སེམས་ཅན་འཚོ་གནས་བྱེད་ཀྱི་ཡོད་དམ་ཞེ་ན། བྱེད་ཀྱི་ཡོད། འོན་ཀྱང་མིས་མ་མཐར་ཡང་ཁོང་ཚོ་དང་འབྲེལ་བ་བྱེད་རྒྱུ་དེ་སྤོང་གི་ཡོད་པ་ཡིན་ཞེས་འཛམ་གླིང་འདི་ཚན་རིག་པའི་སྣེ་འཁྲིད་མཁན་སེ་ཊིཕན་་་ཧཱག་གྷིང་Stephen Hawkingགིས་བརྗོད་ཡོད། ཧཱག་གིང་གིས་འཇིག་རྟེན་གྱི་གསང་བ་ཆེན་པོའི་ཐོག་བསམ་ཚུལ་གསར་པ་ཞིག་སྟོན་གྱི་ཡོད་པའི་ནང་འཛམ་གླིང་གི་ཕྱི་རོལ་དུ་སེམས་ཅན་འཚོ་གནས་བྱེད་ཀྱི་ཡོད་པའི་ཚོད་དཔག་བྱེད་པ་ཌི་སི་་་ཀོ་ཝ་རི་བརྙན་འཕྲིན་ནང་འཐོན་ཡོད།

དེ་ལས་མང་བ་། “འཛམ་གླིང་ཕྱི་རོལ་གྱི་སེམས་ཅན། ༼ཚན་རིག༽” »

ཟླ་བ་གཞོན་ནུས་ལེགས་སྦྱར་ལས་བསྒྱུར།

གང་གིས་རྒྱུན་དུ་སྣུམ་སྦྱིན་པ།།
དེ་ལ་རྟག་ཏུ་ཆོས་རྣམས་ཀྱི།།
ཤེས་རབ་འོད་སྣང་སྩོལ་བྱེད་པའི།།
བདག་ནི་སུ་ཡིན་ད་ཀོ་ཤོད།།

གཙང་ཞིང་དག་པའི་བདག་གི་ངོར།།
གང་ཚེ་མི་རྣམས་ལྟ་འདོད་དུས།།
ཇི་ལྟར་དགའ་དང་སྐྱོ་བ་ཡི།།
སོ་སོའི་གདོང་བཞིན་སྟོན་པར་བྱེད།།

དེ་ལས་མང་བ་། “བདག་ནི་སུ་ཡིན་ད་ཀོ་ཤོད།” »