རྟ་ནག་སྐལ་བཟང་ལུང་རིགས།
༡༩༥༥ལོའི་ཟླ༡༢ཚེས༢༨ལ་ཅིས་ལིན་ཞིང་ཆེན་གྱི་ཁྲང་ཁྲོན་གྲོང་ཁྱེར་དུ་སྐྱེས།
༡༩༦༩ ནས ༡༩༧༣བར་ཕ་མའི་རྗེས་འབྲངས་ནས་ནང་སོག་དུ་སོང་།
༡༩༧༦ལོར་ཁྲོན་ཁྲང་གྲོང་ཁྱེར་གྱི་འཛུགས་སྐྲུན་ཀུང་ཟིའི་ལས་བཟོ་བ་བྱས།
༡༩༧༧ནས༡༩༨༢བར་ཅིས་ལིན་སློབ་ཆེན་གྱི་རྒྱ་ཡིག་ཚན་ཁག་ཏུ་སློབ་གཉེར་བྱས་ཏེ། ༡༩༨༢ལོར་སློབ་གླིང་དེ་གར་སློབ་མཐར་ཕྱིན་ཅིང་། རིག་གནས་རབ་འབྱམས་པའི་དཔང་རྟགས་ཐོབ།
དེ་ལས་མང་བ་། “ལུག་ཞོ་པོ་ཡི་ལོ་རྒྱུས་ལོ་ཚིགས་གུང་བསྒྲིགས་མ། ༼བོད་འགྱུར་མ།༽” »
(ཆེས་སྔགས་པར་འོས་པའི་བསམ་སྤྱོད་ལེགས་པོ་ནི་འཇིགས་པ་མེད་པ་དེའོ།)
ཉི་ཚེ། (尼采)
བུད་དྷ།（སི་ཁྲོན།）
༡ ཕྱིར་དྲན་ལ་ན་ཟུག་གིས་ཁེངས་པའི་ཟླ་གསུམ་པ།
ཉིས་སྟོང་བརྒྱད་ལོའི་ཟླ་གསུམ་པ་ནི་འཛམ་གླིང་ལ་མཚོན་ན་མིག་ཟུང་ཧྲིག་གེར་བལྟ་དགོས་པའི་དུས་ཚིགས་ཁྱད་པར་བ་ཞིག་རེད། གསུམ་པའི་བཅུ་བཞིའི་ཉིན་སྟོད་ཉི་མ་ལྷ་ས་ནས་མི་སེར་གཙོ་བྱས་པའི་མང་ཚོགས་ཡར་ལངས་ནས་ཁྲོམ་བསྐོར་བྱས། ཆུ་ལ་རྡོ་འཕངས་པ་ཇི་བཞིན་བསྟུན་མར་བོད་ཀྱི་ས་ཆ་མང་པོ་རུ་གཅིག་རྗེས་གཉིས་མཐུད་ངང་ངོ་བོ་དང་རྣམ་པ་འདྲ་བའི་ཁྲོམ་སྐོར་གང་མང་བྱས།
རང་ཡུལ་ཨ་མདོ་ལ་མཚོན་ན་གསུམ་པའི་བཅུ་དྲུག་སྔོན་གྱི་ཉི་མ་ཁ་ཤས་རིང་མེ་མདའ་དང་ད་དུང་མིང་ཡང་འབོད་མི་ཤེས་པའི་མཚོན་ཆ་མང་པོ་ཐོགས་པའི་དམག་མི་མང་པོས་རྫིག་རྫིག་ངང་དམག་ངོམས་བྱེད་ཅིང་བསྟར་ཕྲེང་བསྒྲིགས་ཏེ་ཚོང་རའི་ཡང་སྣེ་མར་སྣེ་སོགས་ཉུལ་ནས་སྐད་བསེང་མཐོན་པོས་འབོད་ཚིག་འདོན་གྱིན་ཉིན་མཚན་དབྱེར་མེད་ཀྱིས་དོགས་ཟོན་དང་མེལ་ཚེ་བྱེད་ཁུལ་བྱས།
གསུམ་པའི་བཅུ་དྲུག་ཉིན་མི་སེར་དང་གྲྭ་བ་གཉིས་ཀྱིས་གྲུབ་པའི་མི་ཚོགས་ཤིག་ཀིརྟི་དགོན་གྱི་ལམ་མདོ་(ཚོང་རའི་ལྷོ་ལམ་དང་ཆ་ཐང་ལམ་གྱི་བསྣོལ་མཚམས)ནས་མགོ་བརྩམས་ཏེ་ཁྲོམ་བསྐོར་བྱས།
བོད ལྷ་ཀླུ་གཉན་གསུམ།
རང་བཙན་བརྩད་དེ་རྩ་བར་མ་ཐུག་ཅིང་།།
དབུ་མར་ཕྱོགས་ནས་ལས་དོན་མ་སྒྲུབ་པར།།
རང་ཐག་རང་གཅོད་མ་བྱས་ལྷོད་ལྷོད་བསྡད།།
བོད་པ་ང་ཚོའི་རིགས་འདི་སྙིང་རེ་རྗེ།།
གཅིག་གིས་བྱས་པར་གཅིག་གིས་འཕྱ་ཞིང་དམོད།།
གཞན་གྱིས་བྱས་ན་ཕྲག་དོག་མེ་ལྕེ་འབར།།
ཕར་ཚུར་གཉིས་ཀའི་བྱ་བ་མི་འཇོན་པའི།།
བོད་པ་ང་ཚོའི་རིགས་འདི་སྙིང་རེ་རྗེ།།
ལུག་ཞོ་པོས་བརྩམས།
རྟ་ནག་སྐལ་བཟང་ལུང་རིགས་ཀྱིས་བསྒྱུར།
དམག་ཆེན་གཉིས་པའི་རྗེས་སུ་རང་སྐྱོང་གི་ཁེ་དབང་ཡང་སྤང་ལ་མེ་སྟག་འཐོར་བ་བཞིན་ ཕྱོགས་གང་སར་ཁྱབ་པར་གྱུར་ཅིང་། “མི་བུའི་ཆེས་མཐོའི་ཁེ་དབང་”ཡང་མི་བུ་རེ་རེ་ཡི་སེམས་ལ་བྱིང་པར་གྱུར། གྲངས་ཉུང་མི་རིགས་ཀྱི་རང་དབང་དང་རང་བཙན་གྱི་འདུན་པས་ཀུན་ནས་བསླངས་པའི་མི་ རིགས་ཀྱི་འགལ་བ་མཐའ་དག་ཀྱང་ཐག་གཅོད་བྱ་ཐུབ་པ་བྱུང་ཞིང་། སྲིད་དོན་མཁས་ཆེན་དག་གི་ཁྲིམས་མཐུན་རང་བཞིན་གྱི་ཐབས་ཤེས་དང་། ནུས་པ་རྒྱལ་ཡོངས་ཀུན་ཏུ་སྤྱོད་ཐུབ་པ་བྱུང་བས། དམངས་གཙོ་ནི་རིམ་བཞིན་འཛམ་གླིང་གི་རྒྱལ་ཁབ་ཕལ་མོ་ཆེས་སྤྱི་ཤེས་ལྟ་བུར་གྲུབ་ སོང་བ་རེད། དམངས་གཙོའི་ལྟ་ཚུལ་གྱི་རིན་ཐང་འདི་མི་དམངས་ཀྱི་ཁེ་དབང་གཏན་འབེབས་ཁྲོད་རིན་ ཐང་ལྡན་པས། མང་བོ་མང་བོ་ཞིག་གིས་དམངས་གཙོའི་རང་ལུགས་ལ་་བརྩི་མཐོང་དང་གདེངས་འཇོག་བླ་ མེད་གནང་ཞིང་། གྲངས་ཉུང་མི་རིགས་སྲུང་ཞིང་སྐྱོབ་པའི་རྩ་དོན་ཞིག་ལྷང་ངེར་གསལ་ཡོང་བ་རེད། མདོ་དོན་བཤད་ན། དམངས་གཙོའི་ལམ་ལུགས་ཀྱིས་གྲངས་ཉུང་མི་རིགས་ལ་མགོན་སྐྱབས་མཛད་དགོས་པ་གསལ་ བོར་མཚོན་ཡོད་པ་དེའོ།།
རྒྱལ་སྟོན་དུས་ཆེན་ཉིན་ལ་ཕུལ། བོད་འབྱོར་རྩོམ་་་་་་ལྷམ་ཀོག
ཉི་མ་འདི་ཚོར་སྤྲིན་པ་དེ་ཡང་ནད་པ་ཞིག་དང་མཚུངས་ཤིང
སྐེ་བསྒགས་ནས་གཞན་གྱིས་རྡུང་གིན་ཡོད་པ་དང་འདྲ
ཉི་མ་འདི་ཚོར་མེ་ལོང་དེ་ཡང་སླ་ང་བཞིན་ནག་རོག་གེར་སོང་ཞིང
ཅི་ཡང་འཆར་རྒྱུ་མི་འདུག་པའི་རྒན་པོ་ལོང་བ་དེ་དང་མཐུན་འདུག
ཉི་མ་འདི་ཚོར་མགོ་ཐོག་ན་བརྐྱངས་པའི་སྤྲིན་པ་དེ་ཡང་ཡོམ་སྣང་འདུག་ལ
རྐང་བའི་འོག་གི་ས་གཞི་འདི་ཡང་དངངས་སྙམ་སྐྱེས
ཉི་མ་འདིའི་སྟེང་ལ་ད་དུང་ཉི་མ་འདི་འདྲ་ཞིག་ཡོད་ཚེ
འཇིག་རྟེན་འདི་ནས་སྡོད་འདོད་སྐྱེས་པའི་མི་གཅིག་ཀྱང་ཡོད་མི་སྲིད་ལ
མི་གཅིག་ཡོད་པའི་དབང་དུ་བཏང་ན་དེ་ནི་ཀླད་རྩ་མི་ཚང་བ་ཞིག་ཡིན་ངེས
ངས་ཉི་མ་འདི་ལྟག་ཀ་ནས་དེད་དེ་མདུན་དུ་ཕུད་འདོད་ཀྱང
དེ་ནི་ངས་དུས་ཚོད་ལྟར་དུ་འདང་བརྒྱབས་པ་ལྟ་བུ་ཞིག་མ་ཡིན་པར
ཤིན་ཏུ་དཀའ་མོ་ཞིག་རེད
གལ་ཏེ་དེ་ལྟའི་ཤེད་ཤུགས་འདྲ་ཡོད་པའི་བསམ་བློ་བཏང་རུང
ལོ་རྒྱུས་འདྲ་ཆག་པོ་ཞིག་གིས་ལྟག་པར་འཐེན་ནས་ཐབས་ཤེས་ཁྱོན་ནས་མི་འདུག
ཆུ་སྐྱེས་སྒྲོལ་མ།
རྒྱ་གར་ལྷོ་ཕྱོགས་ནས་འཚོགས་པའི་བོད་གཞུང་དམངས་རྒྱལ་ཡོངས་ཚོགས་ཆེན་ཐེངས་དང་པོ་དེ་རྒྱལ་ཁའི་ངང་མཇུག་སྒྲིལ་བ་དང༌། མཇུག་བསྡོམས་སྙན་ཐོ་དེ་བཞིན་ཕྱི་ཟླ ༨ པའི་ཚེས་ ༣༡ ཉིན་རྒྱ་གར་ལྷོ་ཕྱོགས་སེ་ར་བླ་སྤྱིའི་གཙུག་ལག་ཁང་དུ་༸གོང་མཆོག་ལ་སྙན་སྒྲོན་ཞུས་པ་དང་། སྐབས་དེར་༸གོང་ས་མཆོག་གིས། བཙན་བྱོལ་བོད་མིའི་ཤེས་ཡོན་དང་གཞིས་ཆགས་ཀྱི་སྐོར། དགོན་སྡེ་ཁག་གི་འོས་འགན་གྱི་སྐོར་སོགས་ཕྱོགས་མང་པོ་ནས་བཀའ་སློབ་ལམ་སྟོན་བླ་མེད་གནང་བ་གཉིས་ནི།
འདས་པའི་དུས་ཚོད་ལ་ཕྱིར་བལྟ་བྱེད་པ་དང་། ད་ལྟའི་དུས་ཚོད་དམ་འཛིན་བྱེད་པ། མ་འོངས་པའི་དུས་ཚོད་ལ་སྔོན་དཔག་བྱེད་སྟངས་ཤིག་རེད། ལོ་ལྔ་བཅུའི་དུས་ཚོད་ལ་འདི་ལྟར་བསྐྱར་ཞིབ་ཅིག་གནང་བ་རེད། འདི་ནི་ལོ་རྒྱུས་ཀྱི་འཕེལ་རིམ་ཞིག་ལ་སྡོམ་བརྒྱབ་ཞིག་ཆགས་ཡོད།
སྐབས་དེར་ཚོགས་འདུའི་མཇུག་སྡོམ་གསུངས་བཤད་གྲུབ་རྗེས་གོང་ས་མཆོག་ནས། བོད་རྒྱ་ཐ་དད་ཡིན་པ་དེ་ལོ་རྒྱུས་ཀྱི་ཐོག་ནས་ང་ཚོར་ཐོབ་ཐང་ཡོད། བོད་ཀྱི་གནད་དོན་འདི་དེ་ཙམ་ཛ་དྲག་མིན་ན། ཐོབ་ཐང་བརྩད་བསྡད་ན་མ་འགྲིག་པ་གང་ཡང་མེད།
དེ་ལས་མང་བ་། “ཛ་དྲག་གནས་སྟངས་ལས་སྐྱོབ་རྒྱུ་དེ་ཐོབ་ཐང་རྩོད་རྒྱུ་ལས་གལ་ཆེ།” »
གཡུ་དྲུག་དཀར། རྡ་ས།
ཞོགས་པ། གསར་དུ་བཙས་ཤིང་། གསོན་ཤུགས་ཀྱིས་ཆེར་རྟས་ལ། རྒས་གཉེར་གྱིས་མ་ཁྱབ་ཅིང་། དུག་རླངས་ཀྱིས་མ་གོས་པའི་སེམས་ཀྱི་རང་སྣང་ཞིག ཡུལ་ཁམས་ཤིག ངང་གཤིས་ཤིག
སྔོ་ཤག་ཤག་གི་གསལ་ལྷང་ལྷང་གི་མཁའ་དབྱིངས་ཤིག་གུར་དུ་ཕུབ་པའི་ཞོགས་པ། ཞིག་རལ་དུ་གྱུར་བའི་མདང་དགོང་གི་མལ་ས་ལས་མགོ་བོ་ཡར་དགྱེ་སྟེ། དབུགས་རིང་བཏང་ཆོག་ལ། གླད་སྒྱིང་བྱས་ཀྱང་ཆོག གསེར་མདོག་གིས་བརླན་པའི་ཉི་མའི་མདངས་ཟེར་སྤྲོ་དུས། མཚན་གང་བོར་གཉིད་ཀྱིས་ཁོལ་བོའི་ངོ་གདོང་ལ་ཆབ་ཆུ་གཞོང་བ་གང་གིས་ཁྲུས་ཤིག་བྱས་ཏེ། ཉི་མར་ལྡེ་ཆོག་ལ། འཛུམ་གྱིས་ངོམས་ཀྱང་ཆོག
སེམས་སྦུག་ན་ནག་ཐིགས་ཤིག་ལྟར་བསྡད་ཡོད་པའི་རྨི་ལམ་གྱི་དྲན་པ་དེ་ཡིན་ཡང་།
(1455-1529)
ཀླུ་སྨྱོན་ཧེ་རུ་ཀ
འབྲུག་ཡུལ་གྱི་ཡུ་མོ་ཚོའི་ཕྱི་ལུས་པོར་ཤ་ཤེད་དང་གཟི་འོད་རྒྱས་ཤིང་།
ནང་སེམས་ལ་ཆགས་པའི་རྦ་རླབས་འཕྱུར་བའི་དབྱར་གཞུང་ཞིག་ལ།
ཁ་བ་རི་བའི་རྔོན་པ་ཁེར་འཁྱར་ཞིག་སྟེ།
འབྲུག་སྨྱོན་ཀུན་དགའ་ལེགས་པ་ཁོང་གིས།
འཕངས་ན་ཕོག་པས་ཁྱབ་པ་དང་།
ཕོག་ན་འཆི་བས་ཁྱབ་པ།
ཤི་ན་མཐོ་རིས་སུ་འགྲོ་བས་ཁྱབ་པ་སྟེ།
ཁྱབ་པ་གསུམ་ལྡན་གྱི་ལིང་གའི་ལྕགས་མདའ་ཞིག་ཁུར་ནས་སྦས་ཡུལ་འདིར་བསླེབས་སོང་།
བོད ལྷ་ཀླུ་གཉན་གསུམ།
བལྟས་བལྟས་དུས ད་གཟོད་ཤུན་པགས་ཤིག་རེད
ཡིན་ཡང་ དེ་ལ་གཅེས་པའི་སྣང་བ་འདི
དེ་འདྲའི་ལྕི་མོ་ཞིག རྒས་ན་ཡང་
ཚོར་བ་ནི་འགྱུར་སླ་བའི་ངང་ཚུལ་མེད་པར
མདུན་ནས་རྒྱབ རྒྱབ་ནས་གཞུག
བར་དང་གཏིང་འོག་མེད་པར་ནུར་བཞིན་འདུག
བསྟན་འཛིན་ཤེས་རབ།
མྱུ་གུ་ཕོན་པོ་ཞིག་ལྗང་མདོག་འཁྱིལ་ལེར་སྐྱེས་སོང་།
གཤོག་པ་སྡེབ་བཞིན་པའི་བྱེའུ་ཆུང་དེས་མགྲིན་པ་སངས་བཞིན།
རི་བོའི་ཕ་རོལ་ཏུ་འགྲོ་འདོད་ཟེར།
རི་བོའི་ཕ་རོལ་ན་ཅི་ཞིག་ཡོད་དམ།
ནམ་ཡང་ཡིད་ཆེས་ཀྱིས་འདྲོངས་པའི་མི་ཨང་།
སྐྱོ་བ་དེ་སེམས་ཀྱི་ཕྱི་རོལ་ཏུ་འདེད་རོགས།
ཕུགས་བསམ་ལ་མཚོན་རྩིས་ཤན་ནམ།
ཁྱོད་ལ་མངོན་གྱིན་པའི་ཁང་མིག་གསོར་མོ་དང་།
མེ་དྲོད་ཀྱི་སོས་བཞིན་པའི་སེམས་ཁམས་དྭངས་མོ་དེ་དག
ནུབ་ཕྱོགས་ན་ལྡང་བའི་དྲི་ངད་དང་སྦྲེལ་ཐབས་མི་འདུག
རྟ་ནག་སྐལ་བཟང་ལུང་རིགས།
བོད་འགྱུར་མ་འདིའི་གསལ་བཤད།
(藏区十大骗子)”བོད་ཁམས་ཀྱི་ཁྲམ་པ་བཅུ”ཞེས་པའི་བྲིས་རྩོམ་འདི་ ཉེ་ལམ་བོད་མིའི་རིག་གནས་དྲ་བའི་པོད་ཁུག་ཏུ་༼སྙན་ངག་པའི་ལྷ་ཡུལ༽ཞེས་པར་རྒྱ་ ཡིག་གི་ལམ་ནས་བཀོད་ཡོད་ཅིང་། དཔྱད་རིན་ཞིག་དང་བསམ་རིན་ཞིག་འདུག་བསམས་ཏེ་འདིར་བོད་འགྱུར་བགྱིས་པ་ཡིན། རིག་གནས་ཀྱི་ལྟ་ཚུལ་དང་།
མི་གཤིས་ཀྱི་མཛེས་པ་སོགས་ཡོད་ཚད་འགྱུར་བ་ལ་ཕྱོགས་པའི་དུས་འདིར་བྲིས་རྩོམ་ འདི་ལྟ་བུ་ཡང་མཐའ་གཅིག་ཏུ་ཕྱོགས་སྔར་བཟུང་ནས་དགག་རྒྱག་མི་བྱ་བར་བསམ་རྒྱུ་ ཅུང་འདུག་གོ།
བོད་ཁམས་ཀྱི་ཁྲམ་པ་བཅུ།
༡ དང་བོ་བོད་ཀྱི་སྙན་ངག་པ། བོད་ཀྱི་སྙན་ངག་པ་ནི་དེང་དུས་བོད་ཀྱི་རིག་གནས་པའི་བསྡུས་གཟུགས་ཤིག་ཏུ་གྲུབ་ཡོད་ཅིང་། བོད་ཀྱི་ཤེས་ལྡན་པའི་དཔུང་ཁག་ཅིག་ཏུ་འཚོལ་སྙེག་བྱེད་བཞིན་ཡོད། ཁོ་ཚོས་རྒྱལ་ནང་གི་ཤེས་ཡོན་པ་དག་གིས་སྔོན་ནས་དོར་ཚར་བའི་རིག་གནས་ཀྱི་གད་སྙིགས་དག་འཚོལ་སྙེག་གི་ཡུལ་དུ་བྱེད་བཞིན་ཡོད་དེ། དཔེར་ན། མི་རབས་གསུམ་པའི་སྙན་ངག་གི་གྲུབ་མཐའ་བ་དག་གིས་ནུབ་ཕྱོགས་པའི་སྙན་ངག་གང་ཡང་ རུང་བ་ཞིག་གི་ལུགས་ལ་རྗེས་ཟློས་བྱེད་པ་ལྟ་བུའོ།། ཁོ་ཚོས་དེང་རབས་ཀྱི་རིག་གནས་ཀྱི་རྗེས་ཟིན་གྱིན་མེད་པའི་ཁར། སྔར་མེད་གསར་གཏོད་ཀྱི་རྣམ་པར་གནས་པའི་འོད་སྟོང་འབར་བའི་སྲོལ་རྒྱུན་སྙན་ གཞུང་དག་གི་སྲོག་རྩའང་ཆད་ལ་ཉེ། ཁོ་ཚོས་གང་འདོད་ཀྱིས་མིང་ཚིག་ཁ་ཤས་ཤིག་འཐེན་སྣོན་བགྱིས་ཏེ་གྱ་ཚོམ་དུ་བྲིས་ པའི་སྙན་ངག་དག་ལ་འབྲི་བ་བོ་རང་ཉིད་ཀྱིས་ཀྱང་གོ་བ་ལོན་མི་སྲིད་དོ།།
བོད། ལྷ་ཀླུ་གཉན་གསུམ།
ཉིན་མ་འདི་ཚོའི་རིང་དུ་དྲ་ཐོག་གི་སྤུན་ཟླ་གང་ན་སུ་ཡོད་པ་ཚང་མས་བལ་ཡུལ་གྱི་དམག་གིས་བོད་མིའི་འོས་སྒམ་འཕྲོག་པའི་སྐོར་གླེང་གི་འདུག ངས་དེ་ལ་ཞིབ་དུ་བསམ་བློ་བཏང་བ་ཡིན། བལ་ཡུལ་གཞུང་གིས་ལོ་ངོ་དུ་མའི་གོང་ནས་བཟུང་དེ། བལ་ཡུལ་གནས་བསྡོད་ཀྱི་བོད་མི་དག་ལ་ལྟ་སྟངས་ཡག་པོ་མེད་ལ། དུས་རྒྱུན་གྱི་བསང་གསོལ་ཚུན་ཆད་དུ་བཀག་འགོག་སྣ་ཚོགས་ཤིག་བྱས་ཡོད་པ་དེ་ཡིན།
དེ་ལས་མང་བ་། “བལ་ཡུལ་གཞུང་ལ་བཀའ་དྲིན་ཆེ། ང་ཚོར་དགོས་དེ་ཡོད།” »
དམུ་རབ་ཀྱིས།
སྤྱིར་གསོ་བ་རིག་པའི་གཞུང་ནས་རང་ཅག་གི་ལུས་ཁམས་འདི་ལ་མི་འདོད་པའི་ནད་འབྱུང་རྐྱེན་ལ་ཕྱིའི་དུས་གདོན་ཟས་སྤྱོད་བཞི་དང། ནད་བྱུང་བའི་ཚེ་དེ་གསོ་བྱེད་ཀྱི་གཉེན་པོ་ལའང་ཕྱིའི་ཟས་སྤྱོད་སྨན་དཔྱད་བཞིར་བསྡུས་ནས་བཤད་ཀྱི་ཡོད། དེས་ན་མི་རང་རང་གི་སྒོ་གསུམ་གྱི་སྤྱོད་ཚུལ་དེ་སོ་སོའི་ལུས་ཁམས་བདེ་ཐང་ཡོང་མིན་ལ་ཧ་ཅང་འབྲེལ་བ་ཆེན་པོར་ཡོད་པར་བརྟེན། ང་ཚོའི་ངག་རྒྱུན་ལ་འགྲོ་ཆགས་ཉལ་འདུག་གི་སྤྱོད་ལམ་ཞེས་གླེང་བཞིན་པའི་ཡ་གྱལ་གཉིད་ཉལ་བའི་སྤྱོད་ལམ་དེའང་ང་ཚོའི་ལུས་འཚོ་ལུགས་ཀྱི་གནས་སྟངས་ཐད་ངེས་པར་ཤེས་དགོས་པའི་དོན་དག་ཅིག་རེད། མ་ཟད་གཉིད་ཉལ་བའི་སྤྱོད་ལམ་དེ་ཕྱི་ལུས་ཀྱི་འཕྲོད་བསྟེན་གཅིག་བུ་མ་ཡིན་པར་ནང་སེམས་ཀྱི་འགྲོ་ལུགས་དང་བློ་སྦྱོང་གི་རིམ་པ་ལ་དེ་བས་ཀྱང་འབྲེལ་བ་ཆེན་པོ་ཡོད་པ་ནི་ལུས་སེམས་གཉིས་རྟེན་འབྲེལ་གྱི་གནད་འགོག་ཅིག་ཏུ་སེམས་སོ།། དེས་ན་འདིར་ལུས་སེམས་གཉིས་ལས་གཙོ་བོ་ལུས་ཀྱི་འཕྲོད་བསྟེན་དང་བསྟུན་ང་ཚོའི་ཉིན་ཞག་གཅིག་ཆུ་ཚོད་ཉེར་བཞི་རུ་ཕྱེས་པའི་ནང་ནས་གཉིད་ཉལ་བའི་དུས། ཇི་ལྟར་ཉལ་བའི་ཚུལ། དེ་ལྟར་ཉལ་བའི་ཕན་ཡོན། ཚུལ་བཞིན་མ་ཉལ་བའི་ཉེས་སྐྱོན་སོགས་དོན་ཚན་འགའ་ཞིག་གི་ཐོག་ནས་གཤམ་དུ་རིམ་པས་ཞུ་འདོད་བྱུང།
རྩིས་ཆེ།
གུང་ཁྲན་རིང་ལུགས་ཀྱི་དམག་བོད་དུ་མ་འབྱོར་གོང་དུ་བོད་ལ་རང་བཙན་ཡོད་མེད་དང་། གལ་སྲིད་ཡོད་ཀྱང་རང་སྐྱོང་གི་རྣམ་པ་ཡིན་ནམ། འབྲུག་དང་རྒྱ་གར་གྱི་འབྲེལ་པ་ལྟ་བུར་སྤྱིར་རང་བཙན་ཡིན་ཀྱང་ཕྱི་སྲིད་ཀྱི་གནད་དོན་དང་སྟངས་འཛིན་རྣམས་གཞུང་ཆེན་པོས་བྱེད་པའི་དབྱིན་སྐད་ཐོག་SOVEREIN STATE ཡིན་ནམ་གང་ཡིན་སྐོར་ཁ་གསལ་མེད་པས་མཁས་པ་མང་པོའི་བགྲོ་གླེང་གི་གཞིར་གྱུར་ཡོད། འོན་ཀྱང་ལྔ་བཅུའི་ལོ་རབས་ནང་གི་དུས་འགྱུར་དེས་བོད་ལ་བློ་ཡུལ་ལས་འདས་པའི་འགྱུར་བ་བཏང་ཡོད་པ་ནི་འཛམ་གླིང་ཡོངས་གྲགས་རེད། བོད་མི་ཚོས་གལ་སྲིད་བོད་ལ་རང་བཙན་ཡོད་ན་ཟེར་ནས་བཟང་ཕྱོགས་ཤ་སྟག་ནས་བལྟ་ཡི་ཡོད་ཀྱང་།
བོད། ལྷ་ཀླུ་གཉན་གསུམ།
དྲན་པའི་གླུ་དབྱངས་རྒྱང་རིང་ནས་བླངས་ཀྱང་།།
གོ་བའི་མི་དེ་དཔག་ཚད་དུ་མ་ཡི་ཆོད་སྟབས།།
འཕྱོ་བའི་རླབས་ཀྱི་མཚོ་མོའི་བཞུར་སྒྲ་ལ་ཉན་ཞོར།།
ནང་གི་ཤེས་པ་དྭངས་པའི་མཚོ་མོ་ལ་སྤྲིངས་ཡིན།།
ལས་ཀྱི་དབང་ཐང་མི་གཅིག་གནམ་འོག་གི་འཚོ་བ།།
བསམ་པའི་འཁྱེར་སོ་མི་གཅིག་རིག་གཞུང་གི་གོམས་གཤིས།།
ཡིན་ཡང་ཁྱིམ་གཅིག་བསྡུས་པ་སྔོན་ལས་ཀྱི་འཕྲོ་མ།།
འདི་ཉིད་སྲུང་དེ་དུས་ཡུན་ཅི་ཙམ་ཞིག་འཁྱོལ་ཡོང་།།
འཇིགས་མེད་བཀྲ་ཤིས་ཀྱིས།
༄༅།། ཟམ་གདོང་རིན་པོ་ཆེ་བཀའ་ཁྲི་ཟུར་ནས་གང་དུ་ཕེབས་རྒྱུ་ཡིན་མིན་སྐོར་གླེང་སློང་ཞིག་དེ་སྔོན་ནས་ཡོང་གི་ཡོད། ཁ་ཤས་ཀྱིས་སྤྱི་འཐུས་ནང་ལ་ཕེབས་ཀྱི་རེད་ཟེར། ཁ་ཤས་ཀྱིས་ཁྲིམས་ཞིབ་ཁང་ལ་ཕེབས་ཀྱི་རེད་ཟེར། ཁ་ཤས་ཀྱིས་རི་ཁྲོད། ཁ་ཤས་ཀྱིས་གདན་ས། ཁ་ཤས་ཀྱིས་སླར་ཡང་ཝཱར་ཎར་ཕེབས་ཀྱི་རེད་ཟེར། དེ་ཐམས་ཅད་ལ་ཡིན་སྲིད་པའི་ཆ་རེ་ཡོད་པས་མཐའ་གཅིག་ཏུ་མ་རེད་ལབ་མི་ཐུབ། འོན་ཀྱང་སྤོབས་པ་མཐའ་ཡས་ཟེར་བས་ཟམ་གདོང་རིན་པོ་ཆེ་དོལ་དགོན་གསར་པའི་ནང་དུ་འཛུལ་སྲིད་སྐོར་བཤད་སོང། དེ་ནི་གཏན་ནས་མི་སྲིད་པ་ཞིག་རེད། ཆུ་བོ་གངྒཱ་ཝཱ་རཱཎ་སཱི་ནས་དཀྱོགས་ཏེ་རྒྱ་ནག་གི་རྒྱལ་ས་པེ་ཅིན་ལ་བཞུར་གྱི་རེད་ཟེར་བ་དང་མཚུངས། འདི་འདྲའི་མི་སྲིད་པ་ཞིག་བཤད་དགོས་དོན་གང་ཡིན་ནམ། མི་སྲིད་པའི་རྟོག་བཟོ་འདི་རིགས་ལ་དཔྱད་ཀྱང་དགོས་པ་ཆུང་བས་བཞག
དེ་ལས་མང་བ་། “ཟམ་གདོང་རིན་པོ་ཆེ་སྡེ་སྲིད་ཁྲི་པར་ཕེབས་ཀྱི་རེད།” »
གྲགས་པས།
དེ་རིང་བཙན་བྱོལ་བོད་མིའི་ས་གནས་ཁག་ནས་བཀའ་ཁྲི་དང་སྤྱི་འཐུས་ཀྱི་འོས་ཤོག་བླུག་གི་ཡོད་པ་ལྟར། འདི་ག་བལ་ཡུལ་དུ་གནས་སྡོད་བྱེད་མཁན་ས་གནས་ཆོལ་གསུམ་བོད་རིགས་མང་ཚོགས་ཀྱིས་གལ་ཆེ་དོན་ཆེན་གྱིས་འོས་བསྡུའི་ལས་རིམ་ལ་ཞུགས་ནས་སྔ་དྲོའི་ཚོུད་༩་ནས། ཕྱི་དྲོའི་ཚོུད་༤ཟ་མ་ཟིན་གྱི་མཚམས་ལ་བསླེབས་དུས་བློ་བུར་དུ་བལ་ཡུལ་གྱི་དྲག་ཆས་ཉེན་རྟོག་པ་རླངས་འཁོར་གཅིག་དང་། ཉེན་རྟོག་པ་རླངས་འཁོར་གཅིག་ཡོང་ནས་མི་མང་གིས་བླུགས་ཚར་པའི་འོས་སྒམ་ཁ་ཤས་འཕྲོག་བཅོམ་བྱས་པས་མ་ཚད། འོས་འཕེན་པ་དེ་ཚོའི་ཐོག་དྲག་པོའི་རྣམ་འགྱུར་ཤུགས་དྲག་བསྟན་སོང་། ད་དུང་དྲག་ཆས་ཉེན་རྟོགས་པ་དེ་ཚོ་ནི་ལག་ཏུ་དབྱུག་པ་དང་། མི་མདའ་ཐོག་པ་དེ་འདྲ་རེད་འདུག ཉམས་ཐག་པའི་བོད་རིགས་མང་ཚོགས་ཀྱི་གདོང་ལ་སྐྱོ་ཉམས་དང་བཅས། ཇི་བྱ་གཏོར་མེད་དུ་གྱུར་ནས་རང་སོར་ཕྱིར་ལོག་བྱེད་དགོས་བྱུང་ཞིང་།
འཇིགས་མེད་བཀྲ་ཤིས་ཀྱིས།
༄༅།།ན་ནིང་༸གོང་ས་མཆོག་གིས་བོད་རིགས་གཞོན་སྐྱེས་རྣམས་ལ་ནང་ཆོས་ངོ་སྤྲོད་ཐེངས་གསུམ་པའི་སྐབས། དེང་སང་བོད་པའི་སྤྱི་ཚོགས་སྤྱི་དང། ལྷག་པར་རླུང་འཕྲིན་སོགས་ཀྱི་ནང་བོད་ཀྱི་སུམ་རྟགས་དག་གསུམ་གྱི་འགྲོ་སྟངས་དང་མི་མཐུན་པའི་ཐ་སྙད་གསར་བཟོ་མང་པོ་ཡོང་གི་ཡོད་པ་མི་ལེགས་ཚུལ་དང། སྔོན་གྱི་མཁས་པས་བཟོས་པའི་ཐ་སྙད་ཀྱི་འགྲོ་སྟངས་ལ་ནོར་འཁྲུལ་མེད་སྟབས་ཐ་སྙད་གསར་བཟོ་བྱེད་དགོས་དོན་མེད་ཚུལ་བཀའ་སློབ་ཕེབས་ཡོད། འདི་ཡང་བོད་རང་གི་སྐད་ཡིག་ལ་གཅེས་སྤྲས་བྱེད་སྟངས་ཀྱི་ཆ་ནས་གསུངས་པ་ཡིན་འདུག
དེས་ན་ང་ཚོས་བོད་ཡིག་ཐོག་ནས་རྩོམ་ཡིག་འབྲི་བ་དང། གསར་འགྱུར་སྤེལ་བ། ཡིག་བསྒྱུར་དང་རྩོམ་སྒྲིག་བྱེད་པ། དེ་བཞིན་དྲ་རྒྱའི་ཐོག་ཟིན་བྲིས་དང་ཟིན་ཐོ། བསམ་ཚུལ་དང་བསམ་འཆར། དྲི་བ་དང་ལན་འབྲི་བ་སོགས། མདོར་ན་བོད་སྐད་བོད་ཡིག་གི་ཐོག་ནས་སྒྲུབ་བཞིན་པའི་ལས་དོན་འདི་ཐམས་ཅད་ཀྱི་ནང་དུ། སུམ་རྟགས་དག་གསུམ་གྱི་འགྲོ་སྟངས་དང་མི་མཐུན་པའི་ཐ་སྙད་གསར་བཟོ་བྱས་ན། བོད་རང་གི་སྐད་ཡིག་ལ་གནོད་ཀྱི་ཡོད་པ་དངོས་ཡོད་གནས་ཚུལ་ལ་བརྟེན་ཚང་མས་གཟབ་དགོས་པར་གདའ།
རྔ་བ་རྒྱལ་ཁམས་པ།
གླེང་བརྗོད།
ཚན་རིག་ལག་རྩལ་ཀྱི་ཤེས་བྱ་ཡར་རྒྱས་ཕྱིན་པ་ལས། མིས་བཟོས་འཁོར་སྐར་དང་། གློག་ཀླད། གཟུགས་མཐོང་གློག་འཕྲུལ། སྐུད་བཅས་སྐུད་མེད་ཀྱི་ཁ་པར་སྣ་ཚོགས། གནམ་གཤིས་བརྟག་དཔྱད་ཀྱི་གློག་རླབས་རྒྱང་ཤེལ། མྱུར་ཤུགས་ཀྱི་མགྱོགས་ཚད་མཐོན་པོར་སླེབས་པའི་གནམ་གྲུ་དང་། མཚོ་གྲུ་སོགས་གཙོ་ཆེར་རྫས་འཕྲུལ་དང་། གློག་རླབས་ཀྱི་ནུས་པ་ལས་སྟབས་བདེའི་བྱ་དངོས་སྣ་ཚོགས་གསར་སྐྲུན་དར་ཁྱབ་ཆེན་པོར་ཕྱིན་པས། གོ་ལའི་ཁྱིམ་རྒྱུད་ཆུང་ངུ་འདི་ཉིད་ཀྱི་ཐོག་འཚོ་ཞིང་གནས་པའི་རྒྱལ་ཁབ་དང་། ཚོགས་སྡེ། ཁྱིམ་ཚང་ཚུན་ཆད་ཀྱི་བར་སྟབས་བདེའི་འབྲེལ་ལམ་འཛུགས་ཐུབ་པ་བྱུང་སྟེ། དེ་སྔ་རྒྱང་ཐག་དང་སེམས་ཐག་ཆེས་ཧ་ཅང་གི་རིང་བོ་ལྟར་སྣང་ཞིང་། གསང་བ་ཀློག་གྱུར་གྱི་ཡུལ་དུ་ཆགས་པ། ཉིན་མཚན་གྱི་གོ་རིམ་ལྡོག་ཅིང་སྐད་ཡིག་རིག་གཞུང་མི་གཅིག་པ། ཤ་རུས་སྤུ་མདོག་མི་མཚུངས་པའི་ཡུལ་ལུང་མང་བོའི་བར་དགོས་དབང་གི་འབྲེལ་ལམ་བྱུང་སྟེ། ཐེ་ཚོམ་དང་། མཁྲེགས་འཛིན།
དེ་ལས་མང་བ་། “དགའ་རྒུ་ལེ་མོ་མར་ཁོ་ནེ་དང་གློག་འཕྲིན། (Guglimo Marconi)” »
བློ་བཟང་ཆོས་འཕེལ་གྱིས་
————–
B B C གསར་ཁང་གི་སྡོམ་ཚིག་ལྟར་ན་ཉིན་རེར་འཛམ་གླིང་འདིར་ཕོ་མོའི་ལུས་འབྲེལ་བྱེ་བ་གཅིག་ལྷག་བྱེད་ཀྱིན་ཡོད་པ་ལ་བརྟེན་ནས་ཕྲུ་གུ་གྲངས་བཞི་འབུམ་རེ་སྐྱེ་བཞིན་ཡོད་སྐད་བསྒྲགས་འདུག་ཀྱང་། ཁྱིམ་ཚང་ཞིག་ལ་མཚོན་ན་ལུས་དབང་ཡན་ལག་དང་བཅས་པ་ཐང་པོ་ཡོད་པའི་ཕྲུ་གུ་རེ་སྐྱེ་བ་ནི་ཧ་ཅང་རེ་བ་ཆེན་པོ་བྱེད་ཡུལ་ཞིག་ཡིན། མ་ཟད་ཕྲུ་གུ་ཆགས་མ་ཐུབ་པ་དང་། ཡང་ན་སྐྱེས་ཀྱང་སོ་སོའི་རེ་འདུན་དང་མི་མཐུན་པར་བུ་ལས་བུ་མོ་མི་སྐྱེ་བ་དང་བུ་མོ་ལས་བུ་མི་སྐྱེ་བ། ཞ་ལོང་ལྟ་བུ་དབང་པོ་ཡན་ལན་མ་ཚང་བ་དང་སྐྱོན་ཅན་སྐྱེ་བ་སོགས་ཕྲུ་གུ་སྐྱེད་བསྲིང་བྱེད་པའི་ཐད་སེམས་འཚབ་དང་དཀའ་ངལ་མང་པོ་ཞིག་ཡོང་དང་ཡོད་བཞིན་པར་བརྟེན་དེའི་རིགས་ལ་དཔྱད་གཞི་ལྟ་བུར་དམིགས་ནས་བོད་ལུགས་གསོ་རིག་དང་མི་འགལ་བའི་རང་ལུགས་གཙོར་བཟུང་གིས་གཞན་ལུགས་ཀྱི་སྤྲོས་པ་དོར་ཏེ་ཚིག་ཉུང་དོན་བསྡུས་གང་ཐུབ་བྱས་ཏེ་བྲི་བ་ལ།
དང་པོ། ཕ་མའི་འོས་ཆོས།