འཇིགས་མེད་བཀྲ་ཤིས་ཀྱིས།
༄༅།། མདང་དགོང་ཨ་རིའི་བོད་སྐད་བརྙན་འཕྲིན་ནང་སྐད་ཡིག་སྲུང་སྐྱོབ་བྱེད་ཐབས་སྐོར་བགྲོ་གླེང་གནང་སྐབས། སློབ་གྲྭའི་སློབ་ཚན་ཁག་བོད་ཡིག་ཐོག་སློབ་ཁྲིད་གནང་དགོས་ཚུལ་དང། སློབ་གྲྭའི་དགེ་རྒན་དང་སློབ་ཕྲུག་གི་ཕ་མས་ཕྲུ་གུ་ཚོར་རྒྱུན་དུ་བོད་སྐད་གཙང་མ་བཤད་དགོས་པ། ཅ་དངོས་གསར་པའི་མིང་བོད་ཡིག་ཐོག་འབྲི་ཞིང་བརྗོད་དགོས་ཚུལ་སོགས་མང་པོ་ཞིག་གསུངས་སོང། ད་རུང་གཅིག་ནི། དྲ་ལམ་ཁག་ཏུ་བོད་ཡིག་བཀོལ་སྤྱོད་བྱེད་བཞིན་པ་འདིས་སྐད་ཡིག་སྲུང་སྐྱོབ་ལ་ཕན་ནུས་ཆེན་པོ་ཐོན་ཚུལ་གསུངས་སོང། ངས་འདི་ལ་གཟབ་གཟབ་གནང་དགོས་ཀྱི་འདུག་ཟེར་གྱི་ཡོད། གང་ཡིན་ཞེ་ན། དྲ་ལམ་ཁག་ཏུ་བོད་ཡིག་གི་དག་ཆ་དང་ཚིག་སྦྱོར་མ་ནོར་བ་སྤེལ་ན་ཕན་ཐོགས་ལོས་ཡོད་མ་གཏོགས། ཡིག་ནོར་བརྡ་ནོར་མང་པོ་ཞིག་སྤེལ་བསྡད་པ་ཡིན་ན་ཕན་ལས་གནོད་ཆེ་བ་མངོན་སུམ་དུ་གྲུབ་པས། དྲ་ལམ་དུ་བོད་ཡིག་བྲིས་པ་ཙམ་དང་ཁྱབ་གདལ་སོང་བ་ཙམ་གྱིས་བོད་ཀྱི་སྐད་ཡིག་ལ་ཕན་མིན་ཐེ་ཚོམ་རེད། མ་གཞི་ཟླ་སྔོན་མའི་ནང་ནས་བཟུང་བོད་ཕྱི་ནང་གཉིས་ཀར་སྐད་ཡིག་སྲུང་སྐྱོབ་སྐོར་ཚ་རླབས་ཤིག་འཕྱུར་བ་རེད།
རང་ཉིད་ལ་མཛུབ་མོ་བཙུགས་ནས་སྐད་ཆ་ཞིག་ཤོད་དང།
འབྲོང་བུ་ཟླ་བ་ཚེ་རིང་ནས།
ཁྱེད་ཀྱིས་བོད་ཡིག་ཤེས་སམ། ཁྱེད་ཀྱིས་བོད་སྐད་ཤེས་སམ། ཁྱེད་ཀྱིས་རང་སྐྱོན་རང་གིས་ངོས་ལེན་བྱེད་ཐུབ་བམ། ཁྱེད་ཀྱིས་རང་ཉིད་ནས་འགོ་བཙུགས་ཏེ་འབྱུང་བར་འགྱུར་བའི་ཉི་མ་རེ་རེའི་ནང་དུ་རང་ཉིད་ཀྱི་མི་ཚེ་ལ་བོད་པའི་གཤིས་ལུགས་དང་མཐུན་པའི་དོན་སྙིང་ཞིག་སྣོན་ཐུབ་བམ། རང་ཉིད་ལ་མཛུབ་མོ་བཙུགས་ནས་སྐད་ཆ་ཞིག་ཤོད་དང། བརྩེ་ལྡན་གྱི་གདོང་དམར་བོད་པ་ཚོ།
ངས་ཐོག་མར་གླེང་བར་འདོད་པ་ནི་བོད་པའི་གཤིས་ལུགས་ལ་ཡོང་དཀོན་པའི་སུན་འབྱིན་གྱི་རང་གཤིས་དང་རང་མཚང་ངོས་ལེན་གྱི་རང་གཤིས་འདི་གཉིས་ཡིན། ཚུལ་ལྡན་གྱི་སུན་འབྱིན་དང་དེ་བསྟུན་གྱིས་རང་མཚང་ངོས་ལེན་བྱེད་པ་ནི་ཡར་རྒྱས་ལ་ཕྱོགས་པའི་ཆེས་ཐོག་མའི་སྒོ་མོ་དེ་རེད། གཞན་སྐྱོན་སུན་འབྱིན་པའི་སྐབས་སུ་ཡང་ཀུན་སློང་ཡག་པོ་ཞིག་གིས་སྐུལ་དགོས་པ་སྨོས་མེད་ཡིན་མོད་། ཡིག་ཐོག་ཏུ་འབྲི་པའི་སྐབས་སུ་གཞན་ལ་ཕན་པར་བསམ་པའི་རེ་བ་ཉག་གཅིག་ཡིན་ན་དེ་བསྟུན་གྱིས་འབྲི་ཚུལ་ཞིག་སྤྱོད་དགོས་པ་རེད། ༼འདི་ནི་དེང་དུས་དྲ་ཐོག་ན་དོན་མེད་རྩོད་གླེང་བྱེད་བཞིན་ཡོད་པའི་གནད་དེའི་མི་འདང་བའི་ཀུན་སྤྱོད་དང་འབྲི་ཐབས་ཀྱི་ཆ་དེ་རེད།༽ ང་ཚོས་ཤེས་དགོས་པ་ནི་སུན་འབྱིན་པ་འདིས་ང་ཚོ་མདུན་དུ་བསྐྱོད་སའི་སྒོ་མོ་ཆེ་རུ་ཕྱེས་བཞིན་ཡོད་པ་འདི་རེད། གནད་འགག་གཞན་དེ་ནི་ནོར་འཁྲུལ་བཟོ་མཁན་དེའི་རང་སྐྱོན་ངོས་ལེན་བྱེད་པའི་བསམ་རྒྱ་ལ་རེག་ལས་ཞིག་རེད། ནོར་འཁྲུལ་བཟོ་མཁན་ནམ་འཐུས་ཤོར་དུ་གཏོང་མཁན་དེར་གུ་ཡངས་པའི་བསམ་བློ་ཞིག་དགོས་པ་རེད་ལ། ཡག་ཕྱོགས་ལ་བལྟ་བའི་བློ་མིག་ཅིག་ཀྱང་དགོས་པ་རེད། འདི་ནི་དཀྱེལ་ཡངས་ཀྱི་བསམ་བློའི་འཁོར་རྒྱ་དེ་རེད། དཀྱེལ་ཡངས་ཀྱི་བསམ་བློའི་འཁོར་རྒྱ་འདི་ནི་ཡང་དག་པའི་འདུ་ཤེས་ཤིག་དང་རྒྱུ་མཚན་ལ་ཕྱོགས་པའི་བློ་མིག་ལ་བརྟེན་ནས་འབྱུང་གི་ཡོད། གནད་དོན་འདི་གཉིས་གཞི་ལ་བཞག་པའི་ཐོག་ནས་ངས་བཙན་བྱོལ་སྤྱི་ཚོགས་ཀྱི་བོད་པའི་སྐད་ཡིག་གི་གནས་བབ་ལ་མིག་བལྟ་ཞིག་བྱེད་རྒྱུ་ཡིན།
དེ་ལས་མང་བ་། “རང་ཉིད་ལ་མཛུབ་མོ་བཙུགས་ནས་སྐད་ཆ་ཞིག་ཤོད་དང།” »
ཡེས་ཅེ་ཡི་༼བདག་གི་ཕུགས་བསམ་མེ་རུ་སྤར་བ༽བཀླགས་པ། བོད་འགྱུར།
རྒྱའི་ལོ་ཆུང་རྩོམ་པ་མོ་ཞོ་ཡན་མེས།
ཤེས་རབ་ཅན་གྱི་སྨྱུ་གུས་སྤྱི་ཚོགས་སྟེང་དངོས་སུ་བདོག་པའི་གནད་དོན་ཞིག་བྲི་སྲིད་དེ། ཁོའི་ནང་སེམས་སུ་བདོག་པ་ནི་ལྷད་མེད་དྭངས་གཙང་གི་མཚེའུ་ཞིག་ཡིན་པའི་ཕྱིར་རོ།། བདག་གིས་ངེས་པར་དུ་ཁས་ལེན་འོས་པ་ཞིག་ནི་བདག་གི་དཔེ་ཀློག་གི་གྲངས་འབོར་ཤིན་ཏུ་ནས་ཉུང་བ་དེ་དང་། དེ་ལས་ཀྱང་ཡིད་ཆེས་བྱས་ཆོག་པ་ཞིག་ལ་བདག་ནི་བསྙད་འདོགས་པ་ལ་མོས་པའི་ཀློག་པ་བོ་ཞིག་ཡིན་པ་དེའོ།།
དེ་ལས་མང་བ་། “ཡེས་ཅེ་ཡི་༼བདག་གི་ཕུགས་བསམ་མེ་རུ་སྤར་བ༽བཀླགས་པ། བོད་འགྱུར།” »
ཞེ་འདང་།
རས་པ།
སྙན་ངག་འདྲ་བའི་ཡིག་ཚོགས་འདི་དག
སླར་ཡང
ཁྱེད་ལ་སྤྱན་འབུལ་ཞུ་འདོད་དེ
བདག་ཉིད་རིང་དུ་གྱེས་པའི་ལོ་ཟླ་ནི་སད་སེར་གྲང་རླུང་དང
མ་བུའི་བརྩེ་བ་ལ་བྲིས་པའི་རྩོམ་བྱང་དེ་རུའང་འདྲ་ཨང
གྱེས་བྲལ་གྱི་ལོ་ཟླ་ནི་ཁང་ཁྱིམ་ཆུང་བུར་གསར་དུ་ཐོན་པའི
དཔེ་དེབ་ཀྱི་བརྩེགས་མར་ཡང་སེ་མཚུངས་པར་ཚོར་བས
ན་ཚོད་ཀྱིས
ལོ་ཟླའི་རྒྱུད་སྐུད་ལ་འཐམས་པའི་ཤེད་ཤུགས་ཅི་ཙམ་ཡོད་དམ
ཚོར་བའི་རླབས།
རྨོག་རུ་བསྟན་པ།
མི་མངོན་དག་པའི་ཞིང་ཁམས་ཤིག་ན་མགོན་སྐྱབས་བྱེད་པའི་ལྷ་ཚོགས་ཡོད་སྐད།།
མ་དག་རགས་པའི་གཟུགས་ཀྱིས་བསྡུས་པའི་འདོད་པའི་ཁམས་འདི་སྡུག་གི་གོང་བུ།།
སུན་དང་སེམས་པ་འཐབ་པས་ཀློང་དུ་སུ་དང་གང་གི་བྱིན་རླབས་མེད་པས།།
ཨུ་ཚུགས་མཁྲེགས་པོས་ཤུགས་རིང་ཞིག་གིས་ཡ་ཆུང་སྒོ་མོ་གཏོར་ལ་ཁད་ཅིག།
རི་དང་ལུང་པ་ཁད་ཀྱིས་བཅད་དེ་ས་ཆེན་བརྒལ་བའི་རྒྱལ་ཁམས་འདི་རུ།།
དཔུང་དང་ནོར་གྱི་གཉོམ་ལག་བཙན་པོ་གུང་ཁྲན་ལྟ་བའི་ངར་ལས་ཚ་བས།།
ལུས་ཟུངས་དྭངས་མ་ས་ལ་གཏོར་བའི་སྦྲང་དཀར་རྩམ་པའི་གསོས་ཕྲུག་ཆ་བོ།།
འདི་དང་གན་གྱི་གནས་ཚང་མེད་པ་རི་དང་ལུང་པའི་སྤྲེའུ་ཁོ་ན།།
བུ་མོ་ཉམ་ཆུང་ཞིག་གི་ཉིན་གང་།
ཀླུ་སྨྱོན།
ཐོ་རེངས་བྱ་ཕོས་ཀི་ཀི་ཀོ་ཀོ་ཞེས། །
མི་རྣམས་གཉིད་ལས་སློང་བའི་སྐད་བརྡ་སྒྲོག །
བུ་མོ་རིལ་རིལ་མལ་ནས་ཡར་ལངས་ཏེ། །
ཨ་མ་ནད་པར་ཞོགས་ཇ་དྲོན་མོ་བླུད། །
ཞོགས་པའི་ཉི་འོད་ས་གཞིར་འཕྲོས་པའི་དུས། །
བུ་མོ་རིལ་རིལ་བྲེལ་འཚུབ་ཆེ་རུ་སོང་། །
ཁང་ཆུང་ནང་དུ་གཙང་སྦྲ་ཏོག་ཙམ་བྱས། །
ཨ་མ་ནད་པར་ཉིན་གུང་ཟ་མ་བཟོས། །
ཁྲུས་ཁང་ཆུང་ཆུང་ནང་ནས་ཁྲུས་ཤིག་བརྒྱབ། །
མེ་ལོང་ཆག་པོའི་མདུན་ནས་ཡག་ཅིག་བཏོད། །
གསར་མིན་རྙིང་མིན་གྱོན་པ་གྱོན་ཞོར་དུ། །
ཨ་མ་མ་ཁོའི་འཁྲིས་སུ་གུང་ཟས་བཞག
བོད་རྒྱ་ཁ་ཆེ་གསུམ་འཛོམ་ཁྲོམ་སྲང་འདིར། །
དེང་སྐབས་ཕྱི་གླིང་བ་ཡང་རེ་ཟུང་མཆིས། །
ཆོས་རིག་དངོས་རྫས་ཐང་མར་བརྡལ་བའི་ཁྲོད། །
མི་རྣམས་རྣ་བར་འཛེར་བའི་སྐད་སྒྲ་སྒྲོག །
ཧི་མ་ལའི་རི་རྩེ་ནས་བླ་མས་ཀི་རྒྱབ་པ།
བྲག་མགོ་དཀོན་མཆོག་དར་རྒྱས།
མི་རིགས་དར་རྒུད་ཀྱི་རྩ་བ་སྟེ། མི་རིགས་ཤིག་གི་ངོ་བོ་མ་ལག་ལྟ་བུ་དེ་ཉིད་འཇིག་རྟེན་ན་དུས་ཡུན་ཇི་ཙམ་རིང་འཚོ་གནས་ཐུབ་མིན་ནི། སྐད་དང་ཡི་གེ་འདི་ཁོ་ན་ལ་རག་ལས་པ་གནའ་དེང་མཁས་པའི་ཁྱུ་མཆོག་ཀུན་གྱི་འདོད་ཚུལ་སྒོ་ཀུ་ནས་མཚུངས་ཤིང་། ཉེ་སྔོན་སླར་ཡང་གངས་ཅན་སྨྲ་བའི་དབང་ཕྱུག་ཆེན་པོ་དེས། ཧི་མ་ལའི་རི་རྩེ་ནས་ཀི་སྒྲ་གནམ་ས་འགེངས་པ་ཤིག་རྒྱབ་འདུག་པ་ཁྱེད་ཅག་གི་ཐོས་སོང་ངམ།
གདོང་དམར་བུ་རབས་ཚ་བརྒྱུད་ཀྱི་གནའ་དེང་གི་ཆབ་དཔལ་རིག་གསུམ་སོགས་ལ་དུས་དང་རྣམ་ཀུན་ཏུ་ཐུགས་ཁུར་ཆེས་ཆེར་གནང་བའི། སྐྱེས་བུ་དམ་པ་ཁོང་གི་ལྗགས་རྩོམ་གསར་པ་འཛམ་གླིང་སྐད་ཡིག་གི་སྐྱེ་འཆིའི་ལོ་རྒྱུས་བསྡུས་པ་ལུག་རྫི་རྒན་པོའི་ཀི་སྒྲ་ཞེས་བྱ་བ་དེ་ཉིད་བཀླགས་རྗེས། ཕྲན་ལ་ཡང་སྐད་ཡིག་སྐོར་ནས་སེམས་འགུལ་མི་དམན་པ་ཐེབས་ཅིང་། དེ་དང་ལྷན་དུ་བོད་ཀྱི་སྐད་ཡིག་ཐོག་རང་གི་ཚོར་སྣང་དང་བསྡེབ་ནས་དམ་པ་འདི་ཉིད་ངོ་
སྤྲོད་མདོར་བསྡུས་ཤིག་དང་བཅས་ཀློག་པ་པོ་རྣམས་ཀྱི་སྤྱན་ལམ་དུ་འབུལ་བའི་གོ་སྐབས་བཟུང་བ་ཡིན་ལ། དེ་ནིཁོ་བོས་དམིགས་བསལ་གྱིས་ཞུ་མི་དགོས་པར་གངས་ཅན་པ་རྣམས་ཀྱི་སེམས་སུ་གསལ་བ་བཞིན་མཁས་དབང་དམ་པ་མཁན་ཆེན་ཚུལ་ཁྲིམས་བློ་གྲོས་མཆོག་ནི། བོད་མདོ་ཁམས་བྲག་འགོ་རྫོང་གི་
ཆར་གཏོགས་དགོན་འབྲི་མ་ཞེས་པའི་འབྲོག་ཁུལ་དུ། རབས་བྱུང་་་༡༦་་པའི་དགེ་བྱེད་ཆུ་སྟག་ལོར། སྤྱི་ལོ་་༡༩༦༢་ལོར་སྐུ་འཁྲུངས།
མཁའ་འགྲོ་དགྱེས་པའི་གད་རྒྱང་མི་རྐང་གླིང་བུ་ཞེས་བྱ་བ། །
ཤྲྰི་སྨྱོན་ཨེ་མ་ཧོས།
ན་མོ་གུ་རུ་བུདྡྷ་ཛྙྰ་ན་པདྨ་ཀ་ར་ཡེ། །
ལྷན་སྐྱེས་ཆོས་སྐུའི་མཁའ་འགྲོ་ཀུན་བཟང་གི་བདག་མོ། །
སྔགས་སྐྱེས་ལོངས་སྐུའི་མཁའ་འགྲོ་བདེ་ཆེན་གྱི་རྒྱལ་མོ། །
ཞིང་སྐྱེས་སྤྲུལ་སྐུའི་མཁའ་འགྲོ་རྣམ་འདྲེན་གྱི་དབང་མོ། །
ཡེ་ཤེས་མཁའ་འགྲོའི་ཚོགས་ལ་སྒོ་གསུམ་གྱིས་འདུད་དོ། །
བཅོམ་ལྡན་ཐུབ་དབང་ཀུན་བཟང་ཆོས་མཆོག་གི་རྒྱལ་པོ། །
རྡོ་རྗེ་འཆང་དབང་ཕྱོགས་དུས་རྒྱལ་སྲས་ཀྱི་བདག་པོ། །
པདྨ་ཀ་ར་གསང་ཆེན་རིག་འཛིན་གྱི་དཔང་པོ། །
ཀུན་འདུས་བླ་མ་ཡིད་བཞིན་ནོར་བུ་ལ་འདུད་དོ། །
དེ་ལས་མང་བ་། “མཁའ་འགྲོ་དགྱེས་པའི་གད་རྒྱང་མི་རྐང་གླིང་བུ་ཞེས་བྱ་བ། །” »
བཙལ་ཡང་མ་རྙེད་པའི་བརྩེ་དུང་།
བོད། ལྷ་ཀླུ་གཉན་གསུམ།
གཅིག
ང་རང་སྲང་ལམ་དོགས་པོ་ཞིག་བརྒྱུད་དེ། མཚན་མོ་དེར་ཆང་ཁང་དེར་མཚོ་ཁའི་མེ་ཏོག་དང་འགྲོགས་ནས་སོང་བ་ཡིན། ང་རང་ཆང་ཁང་དེར་འབྱོར་དུས་སུ། གཞི་ནས་ང་རང་འགྲོ་ས་དེ་ནི་བུད་མེད་ཁོ་ནའི་གྲུབ་པའི་ཆང་ཁང་ཞིག་དང་། བུད་མེད་ཆེས་མང་བོ་ཞིག་གློག་འོད་མི་གསལ་བའི་ཁང་ཆེན་དེ་ན། བུད་མེད་སྐོར་སྐོར་བྱས་ནས་ཁ་བརྡ་བྱེད་ཞོར་དུ་ཨ་རག་འཐུང་གི་ཡོད་པ་ཞིག་དུ་སླེབས། སྐབས་དེར་ང་རང་ཅུང་དོགས་མི་བདེ་ངང་དུ་ཁ་རོག་གེར་ཅོག་རྩེ་ཞིག་གི་མཐའ་རུ་ཁོ་མོ་དང་ལྷན་དུ་བསྡོད་ཞོར། ཁྱེད་རང་ང་འདི་ལ་ཁྲིད་དེ་འོང་དོན་ཅི་ཡིན།
འཛམ་གླིང་སྟེང་ཆེས་ཐུང་བའི་སྒྲུང་ཐུང་ཁ་ཤས། ༼བོད་འགྱུར་མ།༽
རྟ་ནག་སྐལ་བཟང་ལུང་རིགས།
༼འཛམ་གླིང་སྟེང་ཆེས་ཐུང་བའི་བརྩེ་དུང་ཞིབ་འབྲིའི་སྒྲུང་།༽
ཁོ་འདས་པའི་ཉིན་མོར། བུས་པ་སྐྱེས་བྱུང་།
འཛམ་གླིང་སྟེང་ཆེས་ཐུང་བའི་སྒྱུ་འཕྲུལ་ཚན་རིག་གི་སྒྲུང་། ཆེས་མཐའ་མའི་སའི་གོ་ལའི་མི་དེ་རང་ཁྱིམ་དུ་བདོག གློ་རྡེག་ཏུ་སྒོ་བརྡུངས་བྱུང་།
༼འཛམ་གླིང་སྟེང་ཆེས་ཐུང་བའི་དོགས་སྒྲུང་།༽
སྐྱེས་པ། ཤི་བ། སྐྱེས་པ།
༼འཛམ་གླིང་སྟེང་ཆེས་ཐུང་བའི་རྗེས་དཔག་གི་སྒྲུང་།༽
ཁོ་ལྔ་ལམ་དུ་ཕྱིན་སོང་། དེ་སྔ་ངེས་པར་དུ་གསོན་མྱོང་།
དེ་ལས་མང་བ་། “འཛམ་གླིང་སྟེང་ཆེས་ཐུང་བའི་སྒྲུང་ཐུང་ཁ་ཤས། ༼བོད་འགྱུར་མ།༽” »
འཆི་ཁ་མའི་འཕག་འཚག
གཡང་སྐྱབས་རྒྱལ།
———————
ང་ཚོས་ ཤ་མོག་མོག་དང་ཚལ་མོག་མོག་བཟོས་པ་ཡིན། ཉི་མ་ཡང་ནུབ་ལ་ཉེ། ཁ་ཟས་བཟོ་རྒྱུ་ལ་ཆུ་ཚོད་འགའ་རེ་འགོར་ན་ཡང་། ཟ་རྒྱུ་ནི་སྐར་མ་ཁ་ཤས་ཀྱི་ལས་ཀ་རེད། ཆང་ཕོར་རྣམས་བཏེགས་ཏེ་ཧུབ་འཐུང་བྱས། ང་ཚོ་ལ་རྒྱུན་ལྡན་གྱི་སྐད་ཆ་དེ་ཚོ་མ་གཏོགས་མེད་པར་གྱུར། བཙན་བྱོལ་བའི་མི་ཚེ། ཨ་རིའི་ནང་གི་ལས་ཀ གྲོགས་མེད་ཁེར་རྐྱང་། དམིགས་བསལ་གྱིས་ང་ཚོས་དཀའ་ངལ་གྱི་ཕྱོགས་ནས་གླེང་པ་ཡིན། མཚམས་ཤིག་ལ་བོད་ཀྱི་མ་འོངས་པའི་ཐད་གླེང་མགོ་བརྩམས། རྒན་ལགས་ཀྱང་ར་བཟི་བ་འདྲ། འོན་ཀྱང་། ཁོང་གི་མིག་གོར་རིལ་དེ་དག་གྲུང་རིག་རིག་བྱེད།
“གལ་སྲིད་བོད་མི་བརྒྱ་ཆ་མང་ཤོས་ཀྱིས་ དབུ་མའི་ལམ་ལ་ འདོད་པ་ཡོད་ཅེས་བཤད་དེ་ཐག་ཆོད་པ་ཡིན་ན། ཉི་མ་དེ་ནི་ང་བོད་ནས་ཁ་གྱེས་པའི་ཉི་མ་དེ་ཡིན།”
༼མཇུག་མཐའི་སློབ་ཐུན་གཅིག ༽ གླེང་བ། བོད་འགྱུར་མ།
རྟ་ནག་སྐལ་བཟང་ལུང་རིགས།
མཇུག་མཐའི་སློབ་ཐུན་གཅིག་གི་རྒྱབ་ལྗོངས།
སྤྱི་ལོ ༡༨༧༠ ལོའི་ཟླ་བདུན་པར་ཧྤ་རན་སི་དང་འཇར་མན་གཉིས་ཀྱིས་དམག་འཁྲུགས་བསླངས། ཟླ་དགུ་བའི་ནང་ཧྥ་རན་སིའི་དམག་དཔུང་གཡུལ་ལས་རབ་ཏུ་ཕམ་ཏེ་ན་ཕོ་ལོན་སྐྱེ་ཕྲེང་གསུམ་པ་གསོན་བཟུང་ཐེབས།(ན་ཕོ་ལོན་སྐྱེ་ཕྲེང་གསུམ་པ། ཧྥ་རན་སི་སྤྱི་མཐུན་རྒྱལ་ཁབ་ཀྱི་སྐབས་གཉིས་པའི་སྲིད་བློན། ཧྥ་རན་སི་བཙན་རྒྱལ་རིང་ལུགས་ཀྱི་སྐབས་གཉིས་པའི་རྒྱལ་བོ། ན་པོ་ལོན་སྐྱེ་ཕྲེང་དང་བོའི་ཡང་ཚ།___སྒྱུར་མཁན་གྱི་མཆན) འཇར་ མན་ཕུའུ་ལུའུ་ཧྲི་དམག་དཔུང་ཤར་སྐྱོད་ཀྱིས་ཧྥ་རན་སིའི་ཨ་ཨར་ས་སི་ས་ཁུལ་དུ་ དཔུང་འཇུག་དྲག་པོ་བགྱིས་ཏེ། ལོ་ལིན་གཙོ་བོར་བྱས་པའི་རྒྱལ་ཡོངས་ཀྱི་སུམ་ཆའི་གཅིག་གི་ས་ཁུལ་བདག་ཏུ་བཟུང་། སྐབས་འདིར་ཧྥ་རན་སི་ལ་མཚོན་ནས་བཤད་ན། རང་སྲུང་དམག་ཇུས་ལ་ཡང་འགྱུར་བ་བྱུང་སོང་བར་མ་ཟད། ཁ་གཏད་ཀྱི་ཕུའུ་ལུའུ་ཧྲིའི་དམག་དཔུང་གིས་གསོད་སྲེག་འཕྲོག་གསུམ་བགྱིས་པས། ཧྥ་རན་སིའི་མི་དམངས་དག་སྡང་སེམས་མཉམ་སྐྱེས་དང་། དགྲ་འགོག་ཕར་རྒོལ་ཀྱི་ལས་ལ་བརྩོན་བཞིན་ཡོད། ༼མཇུག་མཐའི་སློབ་ཐུན་གཅིག་༽གི་སྒྲུང་ཐུང་འདིས་འདི་ལྟར་བཤད་བཞིན་ཡོད་དེ། དགྲ་ལག་ཏུ་ཤོར་བའི་ཨ་ཨར་སིའི་ས་ཁུལ་གྱི་སློབ་གྲྭ་ཞིག་ལ་ཧྥ་རན་སིའི་སྐད་ཡིག་ གཏན་འགོག་དང་དེའི་ཚབ་ཏུ་འཇར་མན་གྱི་སྐད་ཡིག་མ་གཏོགས་བཀོལ་མི་ཆོག་པ་བཟོས་ པའི་བརྗོད་བྱ་བརྒྱུད་ནས། ཧྥ་རན་སིའི་སྐད་ཡིག་གི་མཇུག་མཐའི་སློབ་ཚན་གཅིག་གི་སྣང་ཚུལ་དང་། སློབ་ཕྲུག་ཧྥོ་ལང་ཧྲི་དང་། ཧྥ་རན་སིའི་སྐད་ཡིག་གི་དགེ་རྒན་སྐུ་ཞབས་ཧན་མེར་གྱི་སྣང་བརྙན་དང་ཉམས་འགྱུར་ མངོན་པར་མཚོན་ཡོད་ལ། ཧྥ་རན་སིའི་མི་དམངས་ཀྱིས་རང་གི་རྒྱལ་ཁབ་ལ་བཅངས་པའི་རྒྱལ་ཞེན་གྱི་བསམ་བློ་དང་བརྩེ་བ་ཟབ་མོའང་མངོན་པར་མཚོན་ཡོད་པ་ཡིན་ནོ།།
དེ་ལས་མང་བ་། “༼མཇུག་མཐའི་སློབ་ཐུན་གཅིག ༽ གླེང་བ། བོད་འགྱུར་མ།” »
ཉི་མ་དམར་པོ།
གཡང་སྐྱབས་རྒྱལ།
“ཤར་ཕྱོགས་དམར། ཉི་མ་ཤར།་་་” གཞས་འདི་གོ་མྱོང་ངམ། གོ་མ་མྱོང་ན་ཟུར་གྱི་ཡུ་ཊུབ་ནས་གཟིགས་དང་། ངས་བོད་སྐད་ཐོག་ནས་གླུ་དབྱངས་འདི་བཙལ་བ་ཡིན། རྙེད་མ་བྱུང་།
གླུ་དབྱངས་འདི་བོད་ལ་སླེབས་དུས་བོད་མིས་མ་ཎི་གྱེར་གྱེར་བྱས་པ་རེད། ཉེ་ཆར་ ༡༠ པའི་ཚེས་ ༡༩ ཉིན་མདོ་སྨད་ཀྱི་སློབ་མས་སྐད་ཡིག་སྐོར་གྱི་སྐད་འབོད་དེ་བྱས་སྐབས་གླུ་དབྱངས་འདི་ངའི་སེམས་ལ་འཁོར་བྱུང་། གྲོང་གསེབ་ཀྱི་རྩིག་པ་རེ་རེའི་ངོས་ན་དམག་ཆས་གྱོན་པའི་མའོ་ཡི་པར་རིས་དང་། དེའི་གཤམ་དུ་རྩིག་ངོས་འཇམ་པོར་བརྡར་བའི་ངོས་སུ་བོད་ཡིག་དང་རྒྱ་ཡིག་གིས་ “མའོ་ཡི་གསུང་བཏུས་”བྲིས་ཡོད་པ་དྲན་བྱུང་། བོད་ཆས་རྙིང་ཧྲུལ་གོན་ཞིང་ལས་ཀས་ཨ་ཐང་ཆད་པའི་གྲོང་གསེབ་པ་ཚོས་རྒྱ་ཡིག་ཡིག་འབྲུ་གཅིག་ཀྱང་མི་ཤེས་ཀྱང་གླུ་དབྱངས་འདི་ཚོ་ཤར་ཤར་ལེན་པ་དྲན་བྱུང་། “ཤར་ཕྱོགས་དམར། ཉི་མ་ཤར།” ཉི་མ་མུ་མཐུད་ནས་ཤར།
ང་རོ་སྒམ་དུ་འཇུག་རྩིས་འདུག
བོད་མི་དང་བོད་ཡིག
བོད། ལྷ་ཀླུ་་གཉན་གསུམ།
དོན་དངོས་ཐོག
ང་རང་ལ་ལོ་རྒྱུས་ཡོད
དེ་ཡང་བདེན་པ་ཡིན
མེས་པོ་དག་གིས་ངའི་ཆེད་དུ་རྔུལ་ཆུ་བཙག་ཡོད
ཤ་ཁྲག་གི་མཆོད་པ་འབུལ་མྱོང་
དེ་རིང་ང་རང་ལ་ཉེས་པ་མེད་བཞིན་དུ
རོ་སྒམ་དུ་འཇུག་རྩིས་འདུག
ང་རང་མི་ལོ་སྟོང་ཕྲག་སྔོན་དུ
ངའི་བདག་པོ་ཚོས
རང་དབང་གི་སྒོ་ནས་ང་རང་འཁུར་ནས་འོང་
དཀའ་སྤྱད་གྲངས་མེད་ཅིག་མྱོང་ནས
འགྲོ་སོང་མང་བོ་ཞིག་བཏང་ནས
དེ་རིང་རིན་མེད་དུ
འདི་བ་ཚང་གིས
ང་རང་རང་ཁྱིམ་ནས་འཕུད་རྩིས་འདུག
མཐོ་རིམ་སློབ་ཐོན་པ་ ༤༠༩༢ ཅན་གྱི་བོད་ཁྱིམ།
ཤེས་རྡོར།
སྐད་ཆ་འདི་གོ་དུས་སེམས་རྩ་དྲོ་བོ་ཅིག་འདུག་ཅེས་ཐག་རིང་ན་ཡོད་པའི་གྲོགས་ཀྱིས་ང་ལ་གསུངས་སོང་། ངས་ཅི་ལྟར་ལན་འདེབས་དགོས་པའང་མ་ཤེས་པར་བོད་ཁྱིམ་བཙུགས་ནས་ལོ་ལྔ་བཅུ་ཕྱིན་པ་རེད་ཅེས་ཁ་ནས་ཤོར་སོང་། གཅིག་བྱས་ན་གྲོགས་པོས་ང་ཅི་ཞིག་ལ་གཡོལ་གྱིན་པའང་ཚོར་སྲིད་ཀྱི་རེད།
བོད་ཁྱིམ་ནི་དངོས་གནས་༸གོང་ས་མཆོག་གི་ཐུགས་རྗེ་འོག་སློབ་མའི་གྲངས་འབོར་ཆེ་ཤོས་ཀྱི་གཞུང་དང་ཐད་འབྲེལ་མེད་པའི་སྒྲིག་འཛུགས་ཤིག་ཡིན་ཚུལ་གོ་མྱོང་ཡང་། སློབ་གྲྭའི་བྱེད་སྒོ་རྣམ་གསུམ་ཤེས་རིག་ལས་ཁུངས་ལ་ལྟོས་མི་དགོས་པ་ཞིག་ཡིན་ཚུལ་ཡིག་ངག་གང་ནས་ཀྱང་ཐོས་མ་མྱོང་།
རྒྱ་གཞུང་གི་ཁྱད་ནོར "རིམ་བསྒྱུར་རྩད་རྫོགས" ཕྱིར་ཕྱུངས་ཏེ། ཆོས་དད་རང་མོས་ལ་མཛུབ་སྟོན་བྱེད་པ།
རྩོམ་པ་པོ། ཤར་ཕྱོགས་ཁུག་རྟ།
ཆོས་དད་རང་དབང་ཡིན་མིན་ནི་ཆོས་ཀྱི་བྱེད་སྒོར་རང་དབང་གིས་ཞུགས་ཆོག་མིན་ནས་ཐག་གཅོད་ཐུབ་ཀྱང་། ཆོས་ཀྱི་བྱེད་སྒོར་ཞུགས་སྟངས་ལ་ཆབ་སྲིད་དང་ཆོས་མེད་རང་ལུགས་གང་གིས་ཀྱང་སྟངས་འཛིན་བྱེད་ཐུབ་མེད་པ་ཞིག་ཡིན། ཆོས་ལུགས་སྤྱི་དང་བོད་བརྒྱུད་ནང་བསྟན་གྱི་གཞི་ལམ་འབྲས་གསུམ་ལ་ཤེས་ཚད་ཞན་པའི་རྒྱ་ནག་གཞུང་གིས་རྟག་ཏུ་ཚོད་བགམ་དང་འོལ་ཚོད་ཀྱིས་བོད་བརྒྱུད་ནང་བསྟན་ལ་ཁ་ལོ་བསྒྱུར་བསམ་གྱིན་ཡོད་ལ། དེ་ཡང་རྒྱ་ནག་གཞུང་གིས་འཇིག་རྟེན་གྱི་ཤེས་བྱ་ཡོད་དོ་ཅོག་མིའི་རིག་པའི་རྒྱ་ལས་མི་བརྒལ་བར་བསམ་པས་ལན་ཞིང་།
རྒྱ་གཞུང་གི་ཁྱད་ནོར “རིམ་བསྒྱུར་རྩད་རྫོགས” ཕྱིར་ཕྱུངས་ཏེ། ཆོས་དད་རང་མོས་ལ་མཛུབ་སྟོན་བྱེད་པ།
རྩོམ་པ་པོ། ཤར་ཕྱོགས་ཁུག་རྟ།
ཆོས་དད་རང་དབང་ཡིན་མིན་ནི་ཆོས་ཀྱི་བྱེད་སྒོར་རང་དབང་གིས་ཞུགས་ཆོག་མིན་ནས་ཐག་གཅོད་ཐུབ་ཀྱང་། ཆོས་ཀྱི་བྱེད་སྒོར་ཞུགས་སྟངས་ལ་ཆབ་སྲིད་དང་ཆོས་མེད་རང་ལུགས་གང་གིས་ཀྱང་སྟངས་འཛིན་བྱེད་ཐུབ་མེད་པ་ཞིག་ཡིན། ཆོས་ལུགས་སྤྱི་དང་བོད་བརྒྱུད་ནང་བསྟན་གྱི་གཞི་ལམ་འབྲས་གསུམ་ལ་ཤེས་ཚད་ཞན་པའི་རྒྱ་ནག་གཞུང་གིས་རྟག་ཏུ་ཚོད་བགམ་དང་འོལ་ཚོད་ཀྱིས་བོད་བརྒྱུད་ནང་བསྟན་ལ་ཁ་ལོ་བསྒྱུར་བསམ་གྱིན་ཡོད་ལ། དེ་ཡང་རྒྱ་ནག་གཞུང་གིས་འཇིག་རྟེན་གྱི་ཤེས་བྱ་ཡོད་དོ་ཅོག་མིའི་རིག་པའི་རྒྱ་ལས་མི་བརྒལ་བར་བསམ་པས་ལན་ཞིང་།
ཐོབ་ཐང་ཤོར་བའི་བདག་གི་བོད་པ། བོད་འབྱོར།
༼ བོད ༽ མགོ་ལོག་པ་འཇིགས་བྱེད་ཚེ་རིང་།
སྐྱི་གཡའ་བའི་དོན་རྐྱེན་དེ་བྱུང་རྗེས།
བོད་པས། རིགས་རུས་དང་ཐོབ་ཐང་ཤོར་སོང༌།
བྱམས་སེམས་དང་དད་འདུན་བརྗེད་སོང༌།
སྐྱི་གཡའ་བའི་དོན་རྐྱེན་དེ་བྱུང་རྗེས།
བོད་པར། ཕ་གཞིས་ན་མེ་ཁ་གསོ་མཁན་མེད།
དུ་བ་ཙམ་ཡང་མེད་པའི་ཁང་སྟོང་དེ།
སུ་ཤིག་གིས་འུ་ཚོ་ལ་བཞག་པའི་ཁྱིམ་གཞིས་རེད།
སྐྱི་གཡའ་བའི་དོན་རྐྱེན་དེ་བྱུང་རྗེས།
བོད་པའི། སྐད་དང་ཡི་གེ་ལ་སུ་ཞིག་གིས་བཙན་གཡེམ་བྱེད་ཀྱིན་འདུག
བོད་ལ་སྐྱིད་པའི་་ཉི་མ་ཅུང་ཙམ་འཆར་།
སྦྲ་ནག་ཚང་།
ད་ཐེངས་གི་བོད་ནང་གི་སློབ་མའི་འབོད་སྐུལ་དེ། ལོ་ངོ་སྟོང་ཕྲག་དུ་མ་ནས་རྒྱུད་ཡོང་ བའི་ང་ཚོ་གངས་ཅན་པའི་གཅེས་ནོར་སྟེ་། ང་ཚོ་མི་རིགས་འདི་ལ་བོད་པ་ཞེས་ འདོགས་གཞིའིི་ངོ་བོ་དང་། ཆོས་དང་རིགས་གཞུང་གི་རྩ་བ་དེ་། བོད་ཀྱི་སྐད་ཡིག་དེ་གསོན་མི་གསོན་གྱི་འགག་རྩ་དེར་ཐུག་ཡོད་། རྒྱ་ནག་གཞུང་གིས་ ་བོད་མི་རིགས་རྩ་མེད་བཟོ་རྒྱའི་ལས་འགུལ་རབ་དང་རིམ་སྤེལ་པ་དེ་དག་གིས་ཉམས་་མྱོང་ཕྱོགས་སུ་བསྡུས་ནས་། ད་ཐེངས་་གི་འཆར་བཀོད་འདི་རྙེད་པ་རེད་། མོའོ་ཙེ་ཏུང་གིས་སྤེལ་བའི་སྐད་གྲགས་ཅན་གྱི་རིག་གནས་གསར་བརྗེ་དང་མི་རིགས་བསྒྱུར་བཅོས་དེ་ནི་མིང་གྲགས་ཆེ་བ་ཙམ་ལས་།ད་ཐེངས་སློབ་གསོའི་བཅོས་བསྒྱུར་འདི་དང་བསྡུར་ན་ལྡབ་འགྱུར་གྱི་ནུས་བ་ཆུང་ལ་བོད་མི་རིགས་ལ་ཕོག་པའི་གྱོང་གུད་དེ་ལས་ཆུང་། མོའོ་ཡི་བསྒྱུར་བཅོས་དེ་ཕྱི་མིག་མཐོང་གི་དངོས་བོ་ཙམ་ལས་ནང་གི་མིའི་ཤེས་ཡོན་ལ་གནོད་པ་གང་ཡང་ སྐྱེལ་ཐུབ་མེད་། ད་ཐེངས་གི་བསྒྱུར་བཅོས་འདི་དེ་ལས་ཡོངས་སུ་ཐ་དད་ཡིན།
མཚོ་སྔོན་ཞིང་ཆེན་བོད་རྒྱ་སྐད་གཉིས་དུས་ཡུན་འབྲིང་རིང་གི་བཅོས་བསྒྱུར་ གནད་དོན་ཐད་ཀྱི་བསམ་འཆར།
བསྒྱུར་མཁན་འབྲོག་མྱི།
མཚོ་སྔོན་ཞིང་ཆེན་སློབ་གསོ་ཐེན།
བཅིངས་འགྲོལ་གྱི་རྗེས་སུ། ནང་སྒོས་སུ་བཅོས་བསྒྱུར་སྒོ་འབྱེད་བྱས་པ་ནས་བཟུང་། མཚོ་སྔོན་ཞིང་ཆེན་གྱི་མི་རིགས་སློབ་གསོའི་འཕེལ་རྒྱས་ཀྱི་གོམ་སྟབས་མགྱོགས་ཤིང་མྱུར་ལ་གསོན་ཤུགས་ལྡན། སྐད་གཉིས་སློབ་གསོའི་མ་ལག་གི་འཐུས་སྒོ་ཇེ་ཚང་དང་བསྟུན་ནས་གཡུར་དུ་ཟ་བའི་གྲུབ་འབྲས་ཐོབ་ཡོད་ལ། རྒྱལ་སྤྱིའི་སྟེང་ཉིན་རེ་ཞག་རེ་ལྟར་ཤུགས་རྐྱེན་ཇེ་ཆེ་ནས་ཇེ་ཆེར་འགྲོ་མུས་སུ་ཡིན། བོད་རིགས་རང་སྐྱོང་ཁུལ་དག་གིས་ནན་ནན་ཏན་ཏན་གྱིས་བརྟན་བརླིང་དང་ཚན་རིག་དང་མཐུན་ཞིང་། གཟབ་ནན་གྱིས་རྨང་གཞིའི་སློབ་གསོ་རིམ་པའི་སྐད་གཉིས་སློབ་གསོར་བསྐུལ་འདེད་བྱས་ཡོད་པས་སློབ་གསོའི་ཁྱབ་གདལ་གྱི་ཚད་རིམ་མཐོ་རུ་ཕྱིན་ཏེ་གཞོན་སྐྱེས་ཁྲོད 96%ཡིག་རྨོངས་ལས་ཐར་ཡོད། དེ་བས་ཀྱང་རྨ་ལྷོ་དང་མཚོ་ལྷོ་ཁུལ་གཉིས་ཀྱིས་གང་ཅིའི་ཐད་ནས་བོད་སྐད་དང་རྒྱ་སྐད་གཉིས་མཉམ་སྤྱོད་དང་ཁྱབ་སྤེལ་བཏང་བ་བརྒྱུད་དེ་བོད་སྐད་ནི་སློབ་ཚན་མང་ཆེ་བའི་སློབ་ཁྲིད་ཀྱི་ལག་ཆ་བྱས་ཡོད། དེའི་དབང་གིས་རང་ཡུལ་གྱི་ཤེས་འཇོན་གཉིས་འཛོམས་ཀྱི་མི་སྣའི་གྲངས་འབོར་དང་། མཐོ་རིམ་ཤེས་འཇོན་གཉིས་འཛོམས་ཀྱི་མི་སྣའི་གྲངས་འབོར་ཞིང་ཆེན་ཡོངས་ཀྱི་གྲལ་འགོར་སླེབས་ཡོད།
སྐད་གཉིས་དང་སྐད་མང་ཅན་གྱི་མི་སྣ་ནི་མཚོ་སྔོན་བོད་ཁུལ་གྱི་རང་ས་ལས་བརྒལ་བའི་འཕེལ་རྒྱས་དང་ཡུན་རིང་བརྟན་གནས་གྱི་སྟོབས་ཤུགས་མ་རྐང་ཡིན་པར་མ་ཟད། ད་དུང་འཛམ་གླིང་གྲུ་ཟུར་ཀུན་ཏུ་ཁྱབ་ཡོད་པས་ཁུལ་དེ་དག་ནི་བོད་ཁུལ་གྱི་སྐད་གཉིས་སློབ་གསོའི་གྲུབ་འབྲས་འབུར་དུ་ཐོན་པའི་ས་ཁུལ་དུ་གྱུར་ཡོད་ལ་སློབ་གསོ་དང་སྐད་རིགས་ཀྱི་ཕྱོགས་སུ་མང་ཚོགས་ཀྱི་བསམ་འཆར་ཆེས་ཉུང་བའི་ས་ཁུལ་དག་ཀྱང་ཡིན།༼ལྟོས་ས་བལྟོས་འཇོག་གིས་མཚོ་ཤར་དང་ཟི་ལིང་གྲོང་ཁྱེར་ཀྱི་ཁོངས་གཏོགས་བོད་རིགས་ཚོ་སྡེ་ཁག་དང་། མཚོ་བྱང་། ཡུལ་ཤུལ་སོགས་ས་ཁུལ་དུ་བསམ་འཆར་ཅུང་མང་།༽ རང་སྐྱོང་ཁུལ་དྲུག་དང་ཞིང་ཆེན་ཐད་གཏོགས་ལས་ཁུངས་ཀྱི་འཛིན་སྐྱོང་གཞུང་ཞབས་པ་དང་སློབ་གསོའི་ལས་ཀ་བ་ཞིག་གི་ཆ་ནས།