བསྟན་འཛིན་རྡོ་རྗེ། ཨ་རི།
བསོད་ནམ་སྟོབས་རྒྱལ་གྱིས་བོད་བསྒྱུར་བྱས།
གལ་སྲིད་བདག་ཉིད་ཆེན་པོ་གྷན་དྷི་ཡི་བདེན་པའི་ཨུ་ཚུགས་ཀྱི་ཐབས་ལམ་དེ་བོད་དུ་ལག་བསྟར་བྱུང་ན་ཇི་ལྟར་འགྱུར་རམ་ཞེས་ང་ལ་ལོ་ངོ་དུ་མའི་རིང་དྲི་བ་འདྲི་མཁན་འདུག དེར་བརྟེན་འདི་ལ་ལྷག་དཀར་ཟེར་ཞེས་ལན་འདེབས་བྱས་པ་ཡིན། རྒྱ་ནག་གིས་བོད་ཡོངས་སུ་དབང་བསྒྱུར་བྱས་ནའང་བོད་མི་ཚོས་འཚེ་བ་མེད་པའི་ཐབས་ལམ་གྱི་ནུས་ཤུགས་ལ་བརྟེན་ནས་ལས་འགུལ་སྤེལ་གྱི་ཡོད། འཕོ་འགྱུར་ཆེན་པོའི་གཞི་རྩ་འདི་ལ་ལྷག་དཀར་ཞེས་གྲགས་ལ་དེ་ནི་རེས་གཟའ་ལྷག་པ་དཀར་པོའམ་ཡང་དག་པའི་རེས་གཟའ་ལྷག་པ་ཞེས་པའི་དོན་ཡིན། ཉིན་དེ་ནི་༧གོང་ས་མཆོག་གི་སྐུའི་བླ་གཟའ་ཡིན་པས་རེས་གཟའ་ལྷག་པ་ལ་དེ་ལྟར་ཆེ་བསྟོད་བྱས་པ་ནི་འོས་འཚམས་རེད།
མཆོངས
དེ་ཉིད་བསོད་རྒྱལ།
ལམ་ལ་ཆས། ཐག་ཉེ་ན་ཅི་ཞིག་ཡོད་།
ལོ་མ་སེར་ཤགས་སེ་ས་ལ་ཐོར། མིག་ཆུ་ཡི་ལམ་རྒྱགས་དེ་ཞེ་རེ་མུག།
ལམ་ལ་ཆས། ཐག་རིང་ན་ཅི་ཞིག་ཡོད་།
ཆུ་བོའི་བཞུར་ལ་ལྟོས་ན། འབབ་ས་དེ་ཇི་འདྲ་མཛེས་ཨང་།
ཁུ་བྱུག་མ།
(སྨིན་་སྣང་མཛེས་ཀྱི་གླུ་སྐད་སྙན་མོ་སྙིང་ལ་ཟུག་རྗེས་བྲིས་པ།)
མྱི་ལྟིག
སྨན་ཆུང་སྣང་མཛེས་སྨྱུག་འཛིན་མ་ལས་གླུ་སྐད་དྭངས་མོ་མ་ཐོས་མོད།།
ཕྱི་ལུགས་ལོ་གསར་དགོང་ཚོགས་སྟེང་ནས་ལྷོད་ཤ་ཅན་གྱི་གླུ་སྐད་དེས།།
མདུན་གྱི་མགྲོན་པོའི་སྙན་དབང་ལྟ་ཅི་མཁའ་ཡི་སྤྲིན་ནག་ཕྱོགས་བཞིར་སྟོར།།
ཁོ་བོའི་ཡིད་སེམས་ཚིམས་པའི་རྟགས་སུ་ཁ་བཏགས་ཡུག་ཅིག་འཚབ་འཚུབ་སྒྲོན།།
གློག་ལམ་གྱི་བརྩེ་འཕྲིན་གསུམ་པ།
ཀུན་དགས་དབྱིན་ཡིག་ནས་བོད་བསྒྱུར་བྱས།
བརྩེ་བའི་ཡིག་འབྲེལ་བ་ལགས།
ཁྱེད་ལ་ཐུགས་རྗེ་ཆེ་གྲངས་མེད་ཞུ་རྒྱུ་ཡིན། འདས་དོན་གྱི་མནར་གཅོད་མང་པོ་ཞིག་གིས་ང་ལ་སྨྱོ་བ་ལྟ་བུའི་སེམས་ཁྲལ་གྱིས་ཁེངས་བཞིན་ཡོད་མོད། ཁྱོད་དང་ངེད་གཉིས་ཀྱི་ཡིག་ལན་བརྒྱུད་ནས་ངས་རང་ཉིད་ལ་ཅི་ཞིག་དགོས་པའི་ཚོར་བ་རྙེད་ཅིང་། གནམ་འོག་གི་གཞོན་ནུ་དར་མའི་ལང་ཚོ་དེ་རང་ཉིད་ཀྱིས་གཅེས་སྤྲས་བྱེད་དགོས་པའི་ངོས་ཟིན་ཀྱང་ཐོབ། དེ་རིང་ངས་ཁྱེད་ལ་བརྩེ་བའི་ཡིག་འབྲེལ་བ་ཞེས་བསྐྱར་ཏུ་འབོད་འདོད་བྱུང་།
ཁྱེད་རང་གི་འཕྲིན་ཡིག་འབྱོར་བ་ནས་ངོ་མ་ཧ་ཅང་སྐྱིད། ངས་ཁྱེད་ཀྱི་ཡིག་འབྲུ་རེ་རེ་ཞིབ་ཀློག་བྱེད་བཞིན་ཡོད། ཁྱེད་རང་བདེ་བོ་ཡིན་ནམ། ཁྱེད་རང་སྡོད་གནས་ཀྱི་གནམ་གཤིས་གང་འདྲ་འདུག ངས་བསམ་བློ་བཏང་ན་ཚང་མ་སྐྱིད་པོ་ཡོད་ཤག་རེད། དེང་སང་འདིར་གནམ་གཤིས་ཧ་ཅང་གྲང་། ཉི་མ་འདི་ཚོའི་གྲང་ཚད་ནི་ཀླད་གོར་༡༢ ནས་ ༡༤ ་ཁོ་ན་རེད། ཡི་གེ་འདི་བརྒྱུད་ང་ཡི་ཁོར་ཡུག་གི་གནས་བབ་སྐོར་ལ་གླེང་མོལ་བྱེད་འདོད་བྱུང་།
ཤེས་ཡོན་གྱི་བཅིངས་གྲོལ།
ཨོའོ་ཞོ་ཡིས་བརྩམམས། ཁྲི་ཆུ་བཟང་རྒྱ་མཚོས་ཨིན་ཡིག་ལས་བསྒྱུར།
ཤེས་ཡོན་ནི་བཅིངས་གྲོལ་གྱི་ཐབས་ལམ་ཞིག་ཡིན་མོད། འོན་ཀྱང་། དེ་ནི་འཇིག་རྟེན་ཧྲིལ་བོར་དངོས་སུ་ལག་བསྟར་བྱས་མྱོང་མེད། བཅིངས་གྲོལ་ཟེར་བ་ནི་བསམ་བློ་བཅིངས་གྲོལ་གཏོང་བ་ལ་གོ་དགོས། དེ་ནི་འདས་ཟིན་པའི་ཆབ་སྲིད་ཀྱི་ལྟ་བ་དང་། ཆོས་ལུགས་ཀྱི་རྣམ་གཞག་ལས་བསམ་བློ་དེ་གྲོལ་བར་འཁུམས། འདི་འདྲའི་བསམ་བློ་བཅིངས་གྲོལ་གཏོང་བའི་ཤེས་ཡོན་གྱི་ལམ་ཁའི་ཁྲོད་ནས་སློབ་བུ་ཞིག་བསྐྱེད་བསྲིང་བྱེད་སྐབས། སློབ་བུ་དེ་ནི་ཕྱོགས་ལྷུང་བྲལ་ཞིང་ཡང་དག་པའི་འཚོལ་ཞིབ་པ་ཞིག་ཏུ་འགྱུར་ངེས།
མདོ་སྨད་ས་རྒྱུན་དང་ཀླུ་མཁར་བྱམས་བཅས་ལ་བཟློ་བ།
མདོ་སྨད་པ་བློ་བཟང་ཆོས་འབྱོར།
དོན་འདིར་ལག་པ་འཆང་ན་མཁྱེན་ལྡན་རྣམས་ཡིད་ཐང་ཆད་འགྲོ་བ་ཞིག་ཡིན་ངེས་པ་ནི་ངའི་ཐོག་མའི་རྣམ་རྟོག་ཡིན། དེའི་དབང་གིས་ད་བར་འདིའི་ཐད་ཚིག་གཅིག་བྲིས་མེད། ཡིན་ནའང་ཁ་སང་དེ་རིང་བུ་ངར་བ་ཁ་ཤས་ཞི་ལོང་འབུར་འབུར་སླེབས་སོང་བས་ཚིག་ཁ་ཤས་བཤད་འདོད་བྱུང།
སྐད་ཆ་མ་བཤད་གོང་ཡི་གེ་འདི་འབྲི་དགོས་པའི་རྒྱུ་མཚན་བཤད་དགོས་པ་འདྲ་སྟེ། དེ་ནི་གུས་བར་བདག་པ་ཐམས་ཅད་ཤར་ཤར་གཡུག་དགོས་བྱུང་ཀྱང། རྒྱལ་བ་རིན་པོ་ཆེ་འདི་སེམས་དང་སེམས་ཀྱི་ནང་ནས་གཡུག་ཐབས་མེད་པ་ཞིག་དང། ཀླུ་མཁར་བྱམས་ལྟ་བུ་ཕུགས་རྒྱང་རིང་པོ་མཐོང་ཚུལ་བཞེས་མཁན་རྣམས་དང་གུས་བ་བོད་མི་རིགས་ལ་བརྩེ་ཞེན་གཅིག་པ་ཡིན་པར་བསམ་ནའང། ཡིན་ལུགས་ཐད་ནས་ཞུས་ན། གུས་བས་རང་རིགས་ལ་བསླབ་པ་དང་སྲི་ཞུར་ཞུགས་པའི་མྱོང་བ་གཉིས་ཀས་ཀྱང། གང་ཡོད་པ་ཐམས་ཅད་ཀྱི་གཙོ་བོ་རྒྱལ་བ་རིན་པོ་ཆེ་ཡིན་པར་རྟོགས་ཤིང། ཁོང་གཏན་དུ་མེད་ན་ང་ལ་མི་རིགས་ཤིག་མེད་པ་ཚོར་སོང་བས་སོར་མོའི་འདུ་འགོད་ཀྱི་ལས་འདི་བརྩམས་པ་ཡིན། ཡིན་ནའང་རྒྱལ་བ་རིན་པོ་ཆེ་ཡོད་སྟངས་ཐད་སྐབས་དོན་མ་ཡིན་པས་རེ་ཞིག་སྐུམས་པར་བྱའོ།
དེ་ལས་མང་བ་། “མདོ་སྨད་ས་རྒྱུན་དང་ཀླུ་མཁར་བྱམས་བཅས་ལ་བཟློ་བ།” »
“ང་རྒྱ་ནག་གི་ཨོ་བྷ་མ་བྱེད་འདོད་ཡོད།”ཅེས་པའི་བློ་བཟང་སེང་གེ་ལགས་ཀྱི་གཏམ་བཤད་ལ་དཔྱད་པ།
བོད་ཀྱི་ཆབ་སྲིད་གནད་དོན་ཉམས་ཞིབ་རྩོམ་སྒྲིག་ཚོགས་ཆུང་གིས་ཕྱི་ལོ་༢༠༡༠ ཟླ་ ༡༠ ཚེས་ ༢༡ རེས་ གཟའ་ཕུར་བུ། ས་གནས་དེ་གའི་ཕྱི་དྲོ་ཆུ་ཚོད་༦ དང་སྐར་མ་ ༤༥ ཐོག་སྤེལ།
༡ བློ་བཟང་སེང་གེ་ལགས་དང་འཇམ་དབྱངས་ནོར་བུ་ལགས་རྣམ་པ་གཉིས་ལ་ཐུགས་རྗེ་ཆེ་ཞུ། བཀའ་བློན་ཁྲི་པའི་འགྲན་རྩོད་འདི་ཨ་རིའི་སྲིད་འཛིན་ཨོ་བྷ་མ་འོས་ལངས་སྐབས་ཀྱི་སྲིད་འཛིན་གཞོན་པའི་འོས་མ◌ིའི་ཁ་གཏད་ལྕམ་སྐུ་ས་ར་པ་ལིན་གྱི་དོན་རྐྱེན་དང་གཅིག་མཚུངས་ཀྱི་ཐོག་མའི་དུས་རིམ་ལ་སླེབས། ཕྱི་ལོ་༢༠༠༨ ལོའི་ཨ་རིའི་སྲིད་འཛིན་གཞོན་པའི་འོས་མིའི་ཁ་གཏད་ལྕམ་སྐུ་ས་ར་པ་ལིན་གྱིས་ཕྱི་སྲིད་ཀྱི་ཐོག་ཁོ་མོར་ཉམས་མྱོང་ཕུན་སུམ་ཚོགས་པོ་ཡོད། གང་ཡིན་ཟེར་ན། ཨ་ལ་ སི་ཀར་ཡོད་པའི་ཁོ་མོའི་ཁང་པ་ནས་ཨུ་རུ་སུ་མཐོང་ཐུབ་ཀྱི་ཡོད། ཅེས་སྤོབས་པ་ཆེན་པོའི་ངང་བཤད་པའི་རྐྱེན་གྱིས་འགྲན་རྩོད་ནང་ཁོ་མོར་ཕམ་ཉེས་བྱུང་བ་ཞུ་ཅི་ལ་དགོས། ཤོད་འཛོལ་ཤོར་བའི་ཁོ་མོའི་སྐད་ཆ་དེས་མངའ་སྡེའི་སྲིད་སྐྱོང་དུས་ཡུན་ཕྱེད་ཀྱི ་ནང་ལས་དོན་སྒྲུབ་པར་ཉམས་མྱོང་དམན་པ་དང་། གནད་དོན་ཐོག་འཛིན་པའི་ཁོ་མོའི་ལྟ་ཚུལ་ལ་ཞན་ཆ་ཆེན་པོ་ཡོད་པ་སོགས་ཀྱི་སྐྱོན་བརྗོད་དྲག་པོ་ཕོག་པའི་རྐྱེན་གང་ལ་གང་མཚམས་བྱས་ཡོད།
"ང་རྒྱ་ནག་གི་ཨོ་བྷ་མ་བྱེད་འདོད་ཡོད།"ཅེས་པའི་བློ་བཟང་སེང་གེ་ལགས་ཀྱི་གཏམ་བཤད་ལ་དཔྱད་པ།
བོད་ཀྱི་ཆབ་སྲིད་གནད་དོན་ཉམས་ཞིབ་རྩོམ་སྒྲིག་ཚོགས་ཆུང་གིས་ཕྱི་ལོ་༢༠༡༠ ཟླ་ ༡༠ ཚེས་ ༢༡ རེས་ གཟའ་ཕུར་བུ། ས་གནས་དེ་གའི་ཕྱི་དྲོ་ཆུ་ཚོད་༦ དང་སྐར་མ་ ༤༥ ཐོག་སྤེལ།
༡ བློ་བཟང་སེང་གེ་ལགས་དང་འཇམ་དབྱངས་ནོར་བུ་ལགས་རྣམ་པ་གཉིས་ལ་ཐུགས་རྗེ་ཆེ་ཞུ། བཀའ་བློན་ཁྲི་པའི་འགྲན་རྩོད་འདི་ཨ་རིའི་སྲིད་འཛིན་ཨོ་བྷ་མ་འོས་ལངས་སྐབས་ཀྱི་སྲིད་འཛིན་གཞོན་པའི་འོས་མ◌ིའི་ཁ་གཏད་ལྕམ་སྐུ་ས་ར་པ་ལིན་གྱི་དོན་རྐྱེན་དང་གཅིག་མཚུངས་ཀྱི་ཐོག་མའི་དུས་རིམ་ལ་སླེབས། ཕྱི་ལོ་༢༠༠༨ ལོའི་ཨ་རིའི་སྲིད་འཛིན་གཞོན་པའི་འོས་མིའི་ཁ་གཏད་ལྕམ་སྐུ་ས་ར་པ་ལིན་གྱིས་ཕྱི་སྲིད་ཀྱི་ཐོག་ཁོ་མོར་ཉམས་མྱོང་ཕུན་སུམ་ཚོགས་པོ་ཡོད། གང་ཡིན་ཟེར་ན། ཨ་ལ་ སི་ཀར་ཡོད་པའི་ཁོ་མོའི་ཁང་པ་ནས་ཨུ་རུ་སུ་མཐོང་ཐུབ་ཀྱི་ཡོད། ཅེས་སྤོབས་པ་ཆེན་པོའི་ངང་བཤད་པའི་རྐྱེན་གྱིས་འགྲན་རྩོད་ནང་ཁོ་མོར་ཕམ་ཉེས་བྱུང་བ་ཞུ་ཅི་ལ་དགོས། ཤོད་འཛོལ་ཤོར་བའི་ཁོ་མོའི་སྐད་ཆ་དེས་མངའ་སྡེའི་སྲིད་སྐྱོང་དུས་ཡུན་ཕྱེད་ཀྱི ་ནང་ལས་དོན་སྒྲུབ་པར་ཉམས་མྱོང་དམན་པ་དང་། གནད་དོན་ཐོག་འཛིན་པའི་ཁོ་མོའི་ལྟ་ཚུལ་ལ་ཞན་ཆ་ཆེན་པོ་ཡོད་པ་སོགས་ཀྱི་སྐྱོན་བརྗོད་དྲག་པོ་ཕོག་པའི་རྐྱེན་གང་ལ་གང་མཚམས་བྱས་ཡོད།
དུས་ཚོད།
བསྟན་འཛིན་ཤེས་རབ།
དངངས་འཚབ་ཀྱི་ཚོར་བ་ཞིག་གློ་བུར་དུ་འོང་ཞིང་གློ་བུར་དུ་འདས་སོང།
བཞུད་འགྲོ་བའི་རྟ་ཕོ་ཁྲི་སྟོང་རྨིག་སྒྲ་ལྷང་ལྷང་།
ཡུད་ཙམ་ཡུད་ཙམ་ངང་མཐོང་ལམ་ནས་ཡལ་སོང་།
རི་བོའི་རྩེ་མོ་རུ་འཛེག་གིན་པའི་མི་ཕོ་དེ་དག་དང་།
ཆུ་བོའི་ཕ་རོལ་ཏུ་རྐྱལ་བཞིན་པའི་བྱིས་པ་དེ་དག་ཀྱང་།
འདྲིལ་ཞོར་འཛེག་ཞོར་དང་སྣུབ་ཞོར་རྐྱལ་ཞོར་དུ།
ཨུ་ཚུགས་ཀྱིས་མདུན་ནས་མདུན་ནས་སྐྱོད་བཞིན་འདུག
གློག་ལམ་གྱི་བརྩེ་འཕྲིན་གཉིས་པ།
ཀུན་དགས་དབྱིན་ཡིག་ནས་བོད་བསྒྱུར་ཞུས།
བརྩེ་བའི་ཡིག་འབྲེལ་བ་ལགས།
དེ་རིང་གི་ཉི་མ་ནི་སྤྲོ་སྣང་གི་འོད་ཟེར་དང་ལྡན་ཞིང་། ང་རང་འཚིག་ཇ་འཐུང་སའི་ཇ་ཁང་ཞིག་ཏུ་སོང་སྟེ་ཁྱེད་ཀྱི་འཕྲིན་ཡིག་གསར་པ་ཀློག་བཞིན་ཡོད། ང་རང་ཆེས་དགའ་བ་ནི་ཁྱེད་ཀྱིས་ཡང་བསྐྱར་གློག་འཕྲིན་འབྱོར་བ་དེ་ཡིན། ཁྱོད་རང་ཉིད་ལ་ཐུགས་རྗེ་ཆེ་གྲངས་མེད་ཞུ་རྒྱུ་ཡིན།
མིག་ཆུའི་དར་དཀར།
མེ་ཏོག་མ།
བདེ་སྟོང་འོ་མའི་མཚོ་ན།
སྙིང་རྗེ་སྐུ་ཁྲུས་གསོལ་བའི།
ཡབ་གཅིག་པད་དཀར་འཛིན་པ།
འདི་རུ་ཅུང་ཙམ་གསོན་དང་།
ལང་ཚོའི་འཁྲི་ཤིང་རྩེ་ལ།
བྱམས་བརྩེའི་ལྗང་ལོ་བཞད་པའི།
གྲོང་གི་ཁྱིམ་མཚེས་མ་མ།
བཀྲ་ཤིས་བདེ་ལེགས་ཀྱི་རྟེན་འབྲེལ་དར་དཀར་རིང་མོ། །
ཨེ་མ་ཧོ། །
མཆོག་གསུམ་རྒྱལ་བ་སྲས་བཅས་བྱིན་རླབས་དང་། །
རྟེན་འབྲེལ་བསླུ་བ་མེད་པའི་བདེན་སྟོབས་ཀྱིས། །
དད་སྙིང་དྲང་བདེན་མཛད་པའི་སྐྱེ་བོ་ཀུན། །
བཀྲ་ཤིས་དབུ་གདུགས་དཀར་པོ་ཡར་ལ་ལྕོག །
དེ་ལས་མང་བ་། “བཀྲ་ཤིས་བདེ་ལེགས་ཀྱི་རྟེན་འབྲེལ་དར་དཀར་རིང་མོ། །” »
སྙིང་སྡུག་མ། ཁྱེད་ཀྱི་ཡོད་ཚད་སྙན་ངག་རེད།
ཀླུ་སྨྱོན།
སྙིང་སྡུག་མ།
ཐག་ཉེ་སར་བཅར་ཏེ་བལྟས་ན།
ཁྱོད་ཀྱི་ཡོད་ཚད་སྙན་ངག་རེད།
གནག་ཅིང་སྣུམ་པའི་སྐྲ་ལོ།
དཀར་ལ་དམར་པའི་ཞལ་རས།
དཀྱུས་རིང་ཁྲ་ཆུང་མིག་ཟུང་།
སྦྲང་རྩི་འཐུལ་བའི་མཆུ་འདབ།
ཁ་བ་ལྟ་བུའི་སོ་ཕྲེང།
བུམ་པ་ལྟ་བུའི་མགུལ་བ།
དུང་དཀར་ལྟ་བུའི་མྱོས་བུམ།
གཞོན་ཤ་ཆགས་པའི་བྲང་གཞུང་།
མཁྲངས་ལ་ཟླུམ་པའི་བརླ་ཟུང་།
བདེ་དྲོད་འབར་བའི་བྷ་ག
ཁྱོད་དྲན་སྟངས་ཤིག
ཟླ་བ་གཞོན་ནུ།
ཤ་དྲོད་ཀྱིས་བྲང་ཁོག་བསྲེག་སྲིད་པའི་ནུ་མ་རྡོག་དེ་གཉིས
ང་ནམ་ཡང་རྩིབ་ལ་ཤོག་ཅེས ཡང་ཡང་འབོད་པའི་གཡབ་མོ་ཞིག་ཡིན་ནམ།
ཡང་ན་ཁྱོད་ལུགས་ཀྱི་བརྡ་རྟགས་རིགས་ཤིག་ཡིན
ངྷ་སའི་དེ་རིང་གི་ནམ་ཟླ་ཧ་ཅང་འཁྱག་གི
ཨ་རིག་འགྱུར་མེད
ཁ་སང་དགོང་མོ་ནས་ད་ལྟའི་བར་ཆར་བ་བསྟུད་མར་བབས་པས།
ངྷ་སའི་དེ་རིང་གི་ནམ་ཟླ་ཧ་ཅང་འཁྱག་གི
རྡོ་ལ་བརྡར་གྱི་རི་མགོ་གངས་ཀྱིས་གཡོགས་འདུག
ཀཱང་ར་ལུང་ཁོག་གི་མཛེས་ལྗོངས་ཆར་གྱིས་རླན་འདུག
གངས་སྐྱིད་ཀྱི་རི་ལུང་ཐང་གསུམ་དུའང་འདམ་བག་གིས་ཁེངས་འདུག
ངའི་སེམས་ཁམས་ཀྱང་འཁྱག་སོབ་སོབ་དང་གྲང་ཤུར་ཤུར་རེད།
ཨ་མ་ལགས། ང་ཡུལ་ལ་ཡོང་ན་འདོད་ཀི
ཀླུ་སྨྱོན།
ཨ་མ་ལགས།
དགུང་ལོ་བགྲེས་པའི་ཨ་མ་ལགས།
ས་མཐའ་ན་སྦྲང་དཀར་རྩམ་པ་ཡོད་རུང་།
ས་མཐའ་ན་འོ་ཞོ་ཇི་འདྲས་མོད་ཀྱང་།
ཨ་མ་ལགས། ང་ཡུལ་ཡོང་ན་འདོད་ཀི
ཨ་མ་ལགས། ཁ་ཐག་རིང་བའི་ཨ་མ་ལགས།
ཁྱེད་ཀྱིས་ལན་མང་གསུངས་པ་ཇི་བཞིན།
ས་མཐའ་མི་སྐྱིད་ཀི
མཛོ་འཕོང་མི་བདེ་ཀི
རྡ་ས་མདོ་སྨད་ས་རྒྱུན་ཚང་ལ་ཆེད་དུ་བསྟབས་པ།
རྟ་ནག་སྐལ་བཟང་ལུང་རིགས། (བལ་ཡུལ)
ང་ཚོས་ལྟ་ཚུལ་མི་མཐུན་པ་གཉིས་རྒྱུན་བསྐྱངས་ནས་འགྲོ་མི་ཐུབ་པའི་དུས་ཀྱི་ཚེ་དགག་གཞག་བྱེད་ངེས། འདི་ནི་དམངས་གཙོ་རིང་ལུགས་ཀྱི་ཆེས་རྨང་གཞི་ཡིན་པའི་སྨྲ་བརྗོད་རང་དབང་ཞེས་པ་དེ་རེད་དོ།
__________འབར་མའི་དམངས་གཙོའི་དབུ་ཁྲིད་པ་ལྕམ་ཨང་སན་སོའུ་ཅེ་ནས།
ཁྱེད་ཚང་ལ་མནན་ན་མི་ནོན་པའི་གཡག་རོག་གི་སྙིང་ཁམས་གདོས་སུ་ཆེ་བ་དེ་ཇི་ལྟར་བསླེབས་སོང་། ཁྱེད་ཚང་ལ་སྐྱེ་བོའི་སྨྲ་ལྕེ་གཏུབ་ལ་ཐོགས་རྡུགས་བྲལ་བའི་སྒེར་གཅོད་ཀྱི་རལ་གྲི་དེ་སུ་ཡིས་སྤྲད་སོང་། ཁྱེད་ཚང་ནི་རྒྱལ་དབང་དོན་གྱི་བདག་པོའི་སྐུ་རྩ་སྐུ་བདག་ཡིན་ཞེས་པའི་གླང་ཆེན་སྟོང་གིས་མི་ཁྱག་པའི་དབང་ཚད་དེ་སུ་ཡིས་བསྟབས་སོང་། ཁྱེད་ཚང་ལ་མདོ་སྨད་ས་རྒྱུན་གྱི་མིང་གིས་བྲིས་ཏེ་སྐྱེ་བོ་སྒེར་བ་ཞིག་གི་སྐེ་རྩ་སྒོག་ཆོག་པའི་དབང་ཆ་དེ་སུ་ཡིས་སྦྱིན་སོང་། ཁྱེད་ཚང་གི་སྒེའུ་ཡོལ་གྱི་ཕག་ཏུ་ཡིབ་ནས་ཡོད་ཅིང་། མདའ་དང་མདེའུ་མེད་པར་ཟུངས་ཁྲག་འབྱིན་མཁན་ཏེ་ལྐོག་གྱུར་བའི་མི་དེ་སུ་རེད། ང་ཡང་མདོ་སྨད་པ་ཞིག་ཡིན་པའི་ངོས་ནས་དྲི་བ་དེ་དག་ལ་ལན་ལྡོན་ཅིག་ཅེས་བསྙད་པའི་དབང་ཆ་བདག་ལ་ཅིའི་ཕྱིར་མེད་དམ།
སྐྱེ་བོ་སྒེར་བ་ཞིག་གི་སྨྲ་བརྗོད་ལ་ལྕགས་ཀྱི་ཐུ་ལུམ་དམར་ལམ་ལམ་པ་འདེབས་པ་འདི་ལྟ་བུ་མཐོང་ན་བདག་གི་མིག་གིས་བལྟ་མི་ཕོད་ཅིང་སེམས་ཀྱིས་བསྲན་མི་ནུས་པའི་དུས་ལ་གཏུགས་སོང་བས། རང་ཉིད་ཀྱང་མདོ་སྨད་པ་ཞིག་ཡིན་པའི་ཆ་ནས་དང་། དེ་ལས་ཀྱང་དྲང་བོའི་གཏམ་སྨྲ་བ་བོ་ཞིག་ཏུ་ཁས་འཆེས་པ་ཡིན་པའི་ངོས་ནས་སྙིང་གི་རུས་པ་བཙུར་བའི་སྐད་ཆ་འདི་མི་སྨྲ་སྡོད་ཚོད་མེད་པར་གྱུར་སོང་ངོ་།།
རོ་སྒམ་ནང་དུ་མ་འཛུལ་སྔོན་གྱི་ཁ་བརྡ།
ཀླུ་སྨྱོན།
དགོང་མོ་དེར་ངོ་མ་འཇིགས་སྣང་སྐྱེ་དགོས་པའི་གློག་ཞགས་ཤིག་འཁྱུགས་སོང་ལ།
མུ་ཟིའི་དྲི་མ་འཐུལ་བའི་གློག་འོད་དེའི་སྡེར་མོ་རྣོན་པོ་དག་གིས།
གཤིན་རྗེའི་ལྕགས་ཀྱུ་བཏབ་པ་བཞིན་ནགས་ཚལ་ལས་ལྗོན་པ་སྐོར་ཞིག་གི་རྩད་པ་གཏུབས་སོང་ཨང་།
ཉི་འོད་འཇམ་ཞིང་སྐྱིད་སྣང་དོད་པའི་ཞོགས་པ་དེར།
ཤིང་བཟོ་བ་འགའ་ངེད་ཚང་གི་སྒོ་རའི་ནང་དུ་འདུས་ནས་ཅིག་ཅིག་མུག་མུག་གླེང་བཞིན་འདུག
ང་རང་ངལ་དུབ་དང་བཅས་རྒྱུན་རིང་ཞིག་གི་རྗེས་སུ་ཁོ་ཚོའི་འཁྲིས་སུ་བསླེབས་ཤིང་།
ཁོག་སྟོད་ཅུང་སྒུར་བའི་ཤིང་བཟོ་བ་རྒན་པ་ཞིག་ན་རེ།
རྩོམ་པ་པོ་ཞིག་འཚོལ་དུ་སོང་བ།
ཀླུ་སྨྱོན།
གཅིག ཐོག་མའི་འགྲུལ་བཞུད།
ཞོགས་པའི་དུང་དཀར་གྱི་དབྱངས་སྙན་ཕྱོགས་བཞིའི་རི་ཚོགས་ཀྱི་བང་རིམ་ཁྲོད་དུ་ཁྱབ་བཞིན་འདུག ཡིན་ན་ཡང་དེ་རིང་ང་ལ་ཚོགས་པར་འགྲོ་བའི་དུས་ཚོད་ཅིག་ག་ལ་ཡོད་དེ། ང་རང་སྟོད་ཉི་མ་ལྷ་སར་འགྲོ་དགོས་པས་ཡིན། ཕ་ཡུལ་གྱི་མི་རྣམས་ལྷ་སར་འགྲོ་ཐེངས་རེར་མི་མང་ཆེ་བའི་དམིགས་ཡུལ་ནི་ཇོ་བོ་ཡིད་བཞིན་ནོར་བུར་ཐོད་པ་ལན་གཅིག་གཏུག་ཆེད་ཡིན། ལོ་འགའི་སྔོན་གྱི་ང་ལ་མཚོན་ན་ཡང་དེ་ལས་མ་འདས་པར་ཇོ་བོ་དང་པོ་ཏ་ལ། སེ་འབྲས་དགེ་གསུམ་དང་བསམ་ཡས་སོགས་གནས་རྩ་ཆེན་དག་ལ་མཇལ་སྐོར་བྱེད་རྒྱུ་དེ་དམིགས་ཡུལ་དུ་བཟུང་བ་མ་ཡིན་ནམ། ཡིན་ན་ཡང་དེ་རིང་གི་ང་ལ་མཚོན་ན་དམིགས་ཡུལ་གཞན་ཞིག་སྟེ། སྙན་གྲགས་འབར་བའི་བོད་ཀྱི་རྩོམ་པ་པོ་ཞིག་ལ་ཐུག་འཕྲད་ཀྱི་ཆེད་དུ་འདི་ལྟར་ལམ་ལ་ཆས་བཞིན་ཡོད། ཨ་ཞང་བརྩོན་འགྲུས་ཀྱིས་བཀག་འགོག་ཅི་ཙམ་བྱས་མིན་ལ་མ་ལྟོས་པར་ངས་རང་ལ་ཡོད་པའི་རྒྱ་དངུལ་ལྔ་བརྒྱའི་སྟེང་དུ་གྲོགས་པོ་འགའི་ས་ནས་སྒོར་ཉིས་སྟོང་གཡར་བ་དང་། དགུན་ལྭ་མཐུག་པོ་ཁ་ཤས་གྲ་སྒྲིག་བྱས་ནས་འགྲུལ་བཞུད་རིང་མོ་འདིའི་མགོ་བརྩམས་པ་ཡིན། སྤྱི་སྤྱོད་རླངས་འཁོར་དུ་བསྡད་པའི་ཚོར་སྣང་དེ་ཅུང་ཟད་འཚབ་འཚུབ་ཅིག་རེད་ལ། ཅུང་མ་འགོར་བར་ལམ་ཁ་ཡག་པོ་མེད་པའི་རྐྱེན་གྱིས་ཐལ་རྡུལ་དཀར་པོ་ཞིག་རླངས་འཁོར་གྱི་ནང་དུ་འཐིབས་ཡོང་ནས་དབུགས་ཀྱང་རྔུབ་གཏོང་བྱེད་དཀའ་བའི་ཚོད་དུ་བསྐྱལ། ཡིན་ན་ཡང་དུས་ཚོད་ཏག་ཏག་ཅིག་གི་སྟེང་དུ་ཟི་ལིང་ལ་བསླེབས་སོང་བས། འགྲུལ་བ་མང་ཆེ་བས་འཁང་ར་དེ་ཙམ་ཞིག་མི་བྱེད་པ་དང་རྒན་རྒོན་གློ་ནད་ཡོད་པ་འགས་ཀྱང་འཕྲོད་བསྟེན་སྡེ་ཁག་ལ་གཏུགས་གཤེར་བྱེད་རྒྱུ་ཟེར་བའི་རྩོད་གླེང་དེའི་མགོ་ཡང་སྐྱར་བཙུགས་མ་སོང་།
ཡོ་སེབ་དགེ་རྒན་གྱི་སྐོར་ལ།
ནུབ་པ་འབྱོར་ལྡན་གྱིས།
༄༅། ༎ད་ལོར་ཕ་རན་སིའི་སློབ་གྲྭ་ཆེན་མོར་ཞིབ་འཇུག་གི་ཡིག་ཆ་ཞིག་འབྲི་དགོས་ཡོད། འོ་ན་ཡོ་སེབ་དགེ་རྒན་ཟེར་བ་དེའི་སྐོར་ལ་ཞིབ་འཇུག་བྱེད་རྒྱུ་ཡིན། ཡོ་སེབ་དགེ་རྒན་ནི་ཡེ་ཤུའི་ལ་དྭགས་པ་ཞིག་རེད། དགེ་རྒན་ཟེར་བ་ནི་ཁོང་གི་མིང་གི་ཆ་ཤས་ཤིག་རེད། དུས་རབས་ཉི་ཤུ་པའི་སྟོད་ལ་ཁོང་གིས་ནུབ་ཕྱོགས་ཀྱི་ཡེ་ཤུ་མི་ཤིའི་ཆོས་པ་ Francke ཅེས་བྱ་བ་ལ་མཇལ་པ་རེད། ངས་འདིར་ཡོ་སེབ་དགེ་རྒན་དང་ཁོང་གི་ལས་ཀའི་སྐོར་མ་བྲིས་སྔོན་ལ་བོད་ཀྱི་ཡེ་ཤུ་མི་ཤིའི་ལོ་རྒྱུས་ཀྱི་སྐོར་ལ་ཏོག་ཙམ་འབྲི་རྒྱུ་ཡིན། བོད་ལ་ཡེ་ཤུ་མི་ཤི་པ་དང་པོ་སླེབས་མཁན་དུས་རབས་བདུན་པ་ལ་ནུབ་ཕྱོགས་ནས་ཡོང་བ་རེད། ཡེ་ཤུ་མི་ཤི་པ་དེ་ཚོར་Nestorian་ཟེར་ཀྱི་ཡོད་རེད།
པར། Nestorianགི་ཐོག་ལྕགས་རེད། Giuseppe Tucciསྟོད་ནས་བརྙེད་པ་རེད།