བུ་རྫོང་ལྷ་མོ་ཚང་ཚེ་རིང་དབང་ཕྱུག
༄༅། འདས་ཟིན་པའི་ཕྱི་ལོ་ ༢༠༡༠ ལོའི་ཨ་རི་དང་རྒྱ་ནག་དབར་གྱི་འབྲེལ་བར་ཕྱི་མིག་ཅིག་བལྟས་ན། མི་མང་ཤོག་སྒོར་གྱི་འཛའ་ཐང་དང་། ཉོ་ཚོང་གི་རྩོད་རྙོག ཨ་རིས་ཐའེ་ཝན་ལ་གོ་མཚོན་བཙོང་པ། བོད་ཀྱི་དབུ་ཁྲིད་༸གོང་ས་མཆོག་གིས་ཨ་རིར་འཚམས་འདྲི་གནང་བ། དྲ་རྒྱ་ཕན་ཚུན་འབྲེལ་བ་བྱེད་པའི་རང་དབང་དང་། ཀོ་རི་ཡ་ལྷོ་བྱང་གཉིས་ཀྱི་རྩོད་གཞི་གཙོས་པའི་ཤར་ཨེ་ཤ་ཡའི་མཁའ་དབྱིངས་སུ་དམག་འཁྲུག་གི་སྤྲིན་ནག་ལང་ལོང་དུ་འཕྱུར་ཏེ་ཨ་རི་དང་རྒྱ་ནག་གི་འབྲེལ་བ་ཧ་ཅང་གི་རྣོ་ངར་དང་ཛ་དྲག་ཏུ་གྱུར་ཡོད།
བོད ལྷ་ཀླུ་གཉན་གསུམ།
ལོ་ངོ་དེ་འདྲའི་མང་བོ་ཞིག
ངས་ཁྱེད་རང་ཁོ་ན་བཙལ་བ་ཡིན
ངས་ཁྱེད་ལ་རེ་བ་བརྒྱབས
ཡིད་ཆེས་བྱས
ཡོད་ཚད་ཁྱེད་ཀྱི་ཆེད་དུ་བཏང་
མཐར་ཐུག་ན ང་ལ་ཐོབ་སྲིད་པའི་དངོས་པ་དེ་གང་ཡིན་སྲིད
ཀུན་དགས་དབྱིན་ཡིག་ནས་བསྒྱུར།
བརྩེ་བའི་ཡིག་འབྲེལ་བ་ལགས།
ཁྱེད་ཀྱི་ཡི་གེ་འབྱོར་བར་ཐུགས་རྗེ་ཆེ་ཞུ་རྒྱུ་དང་།ཁྱེད་ཀྱི་ཡིག་འབྲུ་རེ་རེ་ཡི་བར་ནས་ངས་རང་ཉིད་ལ་དགོས་པའི་སྙན་ཚིག་གི་མེ་ཏོག་འཐུ་བཞིན་ཡོད་ལ།ཉི་འོད་ལྟ་བུའི་དགའ་སྣང་ཞིག་ངེད་ཀྱི་སེམས་པའི་གཏིང་རིམ་ལ་འཛུལ་སོང་།དེ་ནི་རེ་སྒུག་གིས་བཟི་བའི་བུ་མོ་ང་དྲ་རྒྱ་ཁང་ནས་ཐང་ཆད་གྲབས་བྱས་པའི་རྐྱེན་གྱིས་ཡིན་སྲིད་ལ།བསྐྱར་སྐོར་ཡང་བསྐོར་གྱིས་དྲ་ཚིགས་ཁང་ལ་བཅོལ་བའི་རེ་བ་འདིས་དྲ་བདག་གི་མིག་ལ་སུན་སྣང་ཡང་བྱིན་ཡོད་ངེས་སྙམ།
ཐོགས་མེད།
ཉིན་འགའི་སྔོན<<ཁ་བརྡ་དྲ་བ>>འི་སྟེང་སྤེལ་ཟིན་པའི་རྡ་ས་མདོ་སྨད་དབུས་ས་གཉིས་ཀྱི་ཞུ་ཡིག་སྐོར་ལ་མི་མི་ཉུང་བ་ཞིག་གིས་བགྲོ་གླེང་གནང་བཞིན་པའི་སྐབས་རེད་ལ། འདི་ཡང་ཕྱོགས་ཞེན་དང་རིང་ལུགས་མཁྲེགས་འཛིན་གྱིས་གཡག་སྣ་ཁུར་ཚུར་མི་བྱེད་པར། མིའི་རིགས་ཀྱི་རིང་བཞིན་ལྷན་སྐྱེས་ཀྱི་སྐད་ཆར་བརྩི་མཐོང་དང་། ལྷག་བསམ་རྣམ་དག་གིས་བརྗོད་ཚུལ་སྣ་ཚོགས་དོགས་སློང་བསེད་དཀྲོལ་གནང་བ་མིའི་སྤྱི་ཚོགས་ཀྱི་འགྲོ་ལུགས་ཡིན། ཡིན་ནའང་། ཁོ་བོར་གནད་དོན་འདིའི་སྐོར་གསལ་བོར་མ་ངེས་པས་ཐད་ཀར<<དུས་བབ>>ནང་གི<<ཨ་ཚོགས་ཚང་གི་གཏམ་ཚོགས>>ཞེས་པའི་ཨ་ཚོགས་ཀླུ་མཁར་བྱམས་ཀྱི་ཟིན་བྲིས་སུ་རོབ་ལྟ་ཞིག་བྱས་པ་ཡིན།
དེ་ལས་མང་བ་། “ཨ་ཚོགས་ཚང་གི་གཏམ་ཚོགས་དང་དེའི་བདག་པོ་གླེང་བ།” »
ཀླུ་སྨྱོན།
མི་ཚེའི་ནང་བརྗེད་ཐབས་བྲལ་བའི་ཉིན་མོ་ཞིག་ནས་བཟུང་སྟེ།
གནའ་བོའི་སྙན་ངག་པ་སྐོར་ཞིག་གི་བྱེད་སྟངས་བཞིན།
ཟླ་འོད་དཀར་ཞིང་བསིལ་རླུང་ལྡང་པའི་མཚན་མོ་རེ་རེ་བཞིན།
སྒེའུ་ཁུང་འཁྲིས་ཀྱི་ལྗོན་ཤིང་དེའི་འོག་ཏུ་བསྡད་དེ།
རྒུན་ཆང་དམར་པོའི་བྲོ་བ་མྱོང་བཞིན།
རང་སེམས་སྐྱིད་པོ་དགུང་ལ་བཏེགས་ཏེ།
ཆགས་སྡང་འབར་བའི་སྙན་ངག་རེ་འབྲི་རྒྱུ་དེ་ནི་ངའི་གོམས་གཤིས་ཤིག་ཏུ་གྲུབ་ཡོད།
ཉིན་འདི་ཚོར་ལུས་ཕུང་དེ་འདྲའི་བདེ་རྒྱུ་ཞིག་མེད་ལ།
སེམས་པ་ཡང་དེ་ཙམ་སྐྱིད་རྒྱུ་མེད་ན་ཡང་།
ཁ་སང་ཕྱི་དྲོར།
རྡ་ས་མདོ་སྨད་ས་གནས་རྒྱུན་ལས་ཁང་ནས།
གསལ་བཤད།
༡། ཨ་ཚོགས་ཀླུ་མཁར་བྱམས་ཀྱིས་དྲ་དེབ་ཁག་ཏུ་འདྲ་མིན་བཤད་པའི་སྐོར་ང་ཚོས་མདོ་སྨད་དབུས་རྒྱུན་ལ་སྙན་ཞུ་ཞིག་ཕུལ་བའི་ཐད། མིང་འདྲ་མིན་གྱི་རྩོམ་ཡིག་དང་མཆན་ཅི་རིགས་ཐོན་བཞིན་འདུག་པར་བདག་སྤྲོད་བྱ་འོས་མ་མཐོང་མོད། ཁྱོད་རང་གིས་སྤྱི་ཚོགས་ནང་མགོ་འཐོམ་གཞིའི་རྫུན་སྒྲུང་དང་བཤད་ཡམས་ཇི་སྙེད་ཅིག་བྲིས་འདུག་སྟབས། དངོས་དོན་གསལ་བཤད་འདི་བཀོད་པ་ཡིན།
༢། ཨ་ཚོགས་ཀླུ་མཁར་བྱམས་རྡ་ས་ས་གནས་རྒྱུས་ལས་ཁང་གི་ཁྱབ་ཁོངས་ཀྱི་མི་ཞིག་ཡིན་སྟབས། ང་ཚོས་དེར་འགན་ཁུར་བའི་ཐོག་ནས་སྙན་ཞུ་ཕུལ་ཟིན་པ་ཡིན་ཞིང་། མཐའ་མའི་ཐག་གཅོད་ཇི་གནང་ནི་མདོ་སྨད་དབུས་རྒྱུན་ལས་ཁང་ལ་ཐུག་ཡོད།
རྩོམ་པ་པོ: Anonymous ཚེས: 01/12/2011 – 00:59
ལོ་རབས་བརྒྱད་ཅུ་བ་ནས་བོད་ས་ཁྱོན་ཡོངས་ལ་དུས་ཡུན་ཐུང་ངུའི་ནང་སྒོར་མོ་མང་ཙམ་རེ་ལག་འབྱོར་ཡོང་བའི་ཐབས་ལམ་ཞིག་རྙེད་པ་ནི་དབྱར་རྩྭ་རྒུན་འབུ་བརྐོ་ཤེས་པར་གྱུར་པ་འདི་ཡིན་ལ། སྨན་རྩྭ་འདི་བརྐོ་ཤེས་པ་ནས་བོད་ཀྱི་རིག་གནས་མང་པོ་ཞིག་ལ་གོད་ཆག་འབྱུང་མགོ་ཚུགས་ཡོད་པ་ནི་ད་དུང་ཡང་ངོས་ཟིན་མཁན་དཀོན་པོར་གྱུར་ནས་ལུས་ཡོད།
དེ་ལས་མང་བ་། “ང་ཚོ་དབྱར་རྩྭ་དགུན་འབུའི་གཡོ་འོག་ཏུ་ཚུད་ཀྱིན་འདུག (རླངས་ཚང་གཡག)” »
རྟ་ནག་སྐལ་བཟང་ལུང་རིགས།
_______རྭ་རྒྱ་ཤེས་རིག་ནོར་བུའི་སློབ་གླིང་དུ་ལོ་ངོ་བཞིའི་འཚོ་བའི་ཁྲོད་འདྲིས་པའི་གྲོགས་པོ་ཚེ་རྡོར་གཏན་དུ་གྱེས་པ།
མང་རའི་བྱེ་མའི་གཞུང་ན་ཁྱེད་ཀྱི་སེམས་རྟེན་ལུས་ཡོད།།
ར་རྒྱའི་ས་དམར་གཞུང་ན་ཁྱེད་ཀྱི་རྐང་རྗེས་ལྷག་ཡོད།།
གཤིན་རྗེ་ཞགས་པ་ནག་པོ་འཕེན་པ་ཅུང་ཙམ་སྔ་སོང་།།
མི་མཐོང་ཕྱི་མའི་འཕྲང་ལ་འགྲོ་བ་དེའུ་རེ་སྔ་སོང་།།
བོད་ཀྱི་ཆབ་སྲིད་བསྐྱར་ཞིབ་ཀྱི་རྩོམ་སྒྲིག་པས་སྤེལ། (By Editors of the Tibetan Political Review)
ཚེ་རིང་དོན་གྲུུབ་ཀྱིས་བསྒྱུར།
བཀའ་བློན་ཁྲི་བའི་འོས་བསྡུའི་འགྲན་བསྡུར་ལ་སེའེ་ར་པེ་ལིན་(Sarah Palin)ལ་བྱུང་བའི་ཐོག་མའིི་དོན་རྐྱེན་དེའི་རང་བཞིན་ལྡན་པ་དང་བློ་བཟང་སེང་གེ་དང་འཇམ་དབྱངས་ནོར་བུ་རྣམ་གཉིས་ལ་བཀའ་དྲིན་ཆེ་ཞུ། སེའེ་ར་པ་ལིན་ནི་ཕྱི་ལོ་༢༠༠༨ལོའི་ཨ་རིའི་སྲིད་འཛིན་གཞོན་པའི་འོས་གཞི་ལས་ཕམ་ཁ་མྱོང་མཁན་དེ་ཡིན་ཞིང་ཁོ་མོས་ཨུ་རུ་སུ་(Rassia)མོ་རང་གི་གཟིམ་ཤགས་ཨེ་ལ་སི་ཀ་(Alaska)ནང་ཡོད་པ་ནས་གཟིགས་ཐུབ་ཀྱི་ཡོད་ཙང་མོརང་ལ་ཕྱི་འབྲེལ་གྱི་ཉམས་མྱོང་ལྡན་ཡོད་ཞེས་བརྗོད། སྐད་ཆ་དེེས་ཁོ་མོའི་འཛིན་སྐྱོང་གི་དུས་ཡུན་ཕྱེད་ཀའི་རིང མོའི་ཞན་ཆ་དེ་དག་གནས་སྐབས་རིང་མི་མང་གི་སྐྱོན་བརྗོད་ལས་མཐར་ཐུབ་པ་བྱུང་བ་རེད། ཀློག་པ་པོ་ཚོས་མཁྱེན་གསལ་བཞིན་འཇམ་དབྱངས་ནོར་བུས་བདེན་མཐའ་སྐྱོང་བ་དེ་ནི་བློ་བཟང་སེང་གེ་ལགས་ཀྱིས་ཁོ་ནི་རྒྱ་ནག་གི་ཨོ་བྷ་མ་(Obama)བྱེད་འདོད་ཡོད་ཅེས་བརྗོད་པ་དེ་རེད། ཉན་ཞིབ་པ་ཁ་ཤས་ལ་མཚོན་ན་ཚིག་དེ་གསན་དུས་བློ་བཟང་སེང་གེ་ནི་རེ་འདུན་ཚད་བརྒལ་བྱེད་མཁན་ཞིག་གམ་ཡང་ན་ཆབ་སྲིད་ཀྱི་གོ་རྟོགས་སྐྱོ་བོ་འདུག་ཅེས་བརྗོད་སྲིད་པ་རེད། རྒྱ་ནག་གི་ཨོ་བྷ་མ་ཞེས་བའི་གླེང་གཞི་དེས་རྣོ་ངར་ཅན་གྱི་གླེང་སྟེགས་ཤིག་བསྐྲུན་ཡོད་པ་དང་བོད་ཀྱི་ཆབ་སྲིད་བསྐྱར་ཞིབ་རྩོམ་སྒྲིག་པ་(Editors of the Tibetan Political Review )ཚོ་ལ་མཚོན་ན་སྐད་ཆའི་འཐབ་རྩོད་འདི་ཙམ་གྱིས་གོ་རྟོགས་ལྡན་པའི་འོས་བླུགས་མཁན་ཚོ་ལ་དེ་འདྲའི་ཤུགས་རྐྱེན་ཐེབས་མི་ཐུབ་པའི་ཡིད་ཆེས་ཡོད། དེར་བརྟེན་ཚིག་དོན་འདི་ལ་གོ་བ་ལོག་པར་མི་ལེན་པའི་ཆེད་ང་ཚོས་བློ་བཟང་སེང་གེ་ལགས་ཀྱིས་དངོས་གནས་ག་རེ་བརྗོད་ཡོད་པ་ལ་འཚོལ་ཞིབ་བྱས་པ་དང་། ང་ཚོས་འོས་བླུགས་མཁན་ཚོས་འོས་མི་ཚོ་ཆབ་སྲིད་ཀྱི་ལང་ཕྱོགས་ཐོག་ནས་ཐག་གཅོད་བྱེད་རྒྱུ་ལས་དཀྲོག་གཏམ་ལ་ཡིད་ཆེས་བྱས་ཏེ་ཧོར་རྒྱུགས་མི་བྱེད་པའི་རེ་བ་བྱེད་ཀྱིན་ཡོད།
དེ་ལས་མང་བ་། “བློ་བཟང་སེང་གེའི་༼རྒྱ་ནག་གི་ཨོ་བྷ་མ་༽ཞེས་བའི་གཏམ་བཤད་ལ་ཞིབ་འཇུག” »
ཤར་ཕྱོགས་ཀྱི་འོད་སྣང་ནས།
ཀ་མད་སུམ་ཅུའི་མུ་ཏིག་རྒྱན་ཕྲེང་་་
ཁ་བའི་མདོག་འདྲའི་ལྷག་བསམ་ལྡན་པའི་་་
ག་བུར་དབང་པོའི་བཞིན་རས་ཅན་ལ་་་
ང་ཡི་བརྩེ་སེམས་མཚོན་བྱེད་དུ།།
ཅ་དངོས་ཕུན་ཚོགས་ཡིད་དུ་འོང་བའི་་་
ཆ་རྐྱེན་ཀུན་འཛོམས་བདག་ལ་མེད་ཀྱང་་་
ཇ་རོ་ལྟ་བུའི་སྙིང་མེད་མ་ཡིན་་་
ཉ་གང་ཟླ་འདྲའི་ལྷག་བསམ་གྱིས།།
ཕྲན་ཤར་ཕྱོགས་འོད་སྣང་བས།
ཀ་མ་ལ་ལྟར་འདམ་ལས་སྐྱེས་ཀྱང་འདམ་གྱིས་མ་གོས་འགྲོ་བའི་མགོན།།
ཁ་སྦྱོར་བདུན་ལྡན་སྤྲུལ་བའི་རོལ་གར་ངེས་མེད་གདུལ་བྱའི་ཞིང་ས་རུ།།
ག་ཤེད་ཡུལ་ན་སྣ་ཚོགས་སྤྱོད་སྐྱོང་གྲུབ་ཆེན་ཏཻ་ལོའི་བུ་རྒྱུད་མཆོག།
ང་བདག་འཛིན་པའི་གཡུལ་ལས་རྣམ་རྒྱལ་ཕ་གཅིག་མར་པའི་གཅེས་ཕྲུག་བསྟོད།།
ཀུན་དགས་དབྱིན་ཡིག་ནས་བོད་བསྒྱུར་བྱས།
བརྩེ་བའི་ཡིག་འབྲེལ་བ་ལགས།གློག་འཕྲིན་གྱི་བརྒྱུད་ལམ་སྤྱད་ནས་ང་ཚོའི་བར་དུ་བརྗོད་ན་རིན་ཐང་ལྡན་པའི་བརྩེ་འཛུམ་ཞིག་གི་མེ་ཏོག་ཁ་ཕྱེས་པ་རེད།ངས་སུ་ཞིག་ལ་ཐུགས་རྗེ་ཆེ་ཞུའི་ལེགས་སྐྱེས་འབུལ་དགོས་སམ།
ཁྱེད་རང་བདེ་བོ་ཡིན་ནམ།དེང་སང་ཁྱེད་ཀྱི་ལས་ཀའི་གནས་བབ་གང་འདྲ་འདུག
འདིར་ང་རང་གི་ཆོས་ལུགས་དང་འབྲེལ་བའི་སྐོར་ཞིག་བཤད་རྒྱུ་ཡིན།ཁྱེད་རང་དཀོན་མཆོག་ལ་ཡིད་ཆེས་ཡོད་དམ།ཁྱེད་ཀྱིས་དཀོན་མཆོག་གི་གནང་སྦྱིན་ལ་དང་ལེན་བྱེད་ཀྱིན་ཡོད་དམ།
ཀླུ་སྨྱོན།
ཞོགས་པ་དེར།
བྲེལ་འཚབ་དང་འཇིགས་སྐྲག་ཆེ་བའི་ཞོགས་པ་དེར།
མི་ཚེ་གང་བོར་བརྗེད་ཐབས་བྲལ་བའི་ཞོགས་པ་དེར།
རྩ་བས་བླ་མས་གནང་བའི་ཆོས་གོས་སེར་པོ་དེ།
བཀྲ་ཤིས་ལྷུན་པོའི་འདབས་ཀྱི་ཤིང་སྡོང་ཞིག་གི་ཡལ་གའི་སྟེང་དུ་འཕངས་པ་ཡིན།
ཕྱི་མིག་ཅིག་ལྟ་དུས།
ཆོས་གོས་སེར་པོ་དེ་བསིལ་རླུང་གི་ཁྲོད་དུ་ཧ་ཅང་ལྷིང་འཇགས་སུ་གནས་འདུག
ཆོས་གོས་སེར་པོ་དེ་དར་ལྕོག་སྣ་ཚོགས་ཀྱི་དཀྱིལ་དུ་ཕངས་སེམས་ཅི་ཡང་མེད་པར་གནས་འདུག
ཆོས་གོས་སེར་པོ་དེ་ཉི་འོད་སེར་པོ་ཞིག་གི་ཀློང་དུ་ཞེན་ཆགས་ཅི་ཡང་མེད་པར་སེར་ལམ་མེར་གནས་འདུག
དེ་ལས་མང་བ་། “བཀྲ་ཤིས་ལྷུན་པོ་ནས་བསྐྱུར་པའི་ཆོས་གོས་སེར་པོ།” »
མྱི་ལྟིག
་་་་་་་་་་་གསོག་སྒར་སློབ་གྲྭའི་འཛིན་གྲོགས་མ་ཞིག་ལ་རྩེད་མཚར་དུ།
ཀ་ཡེ་སྙིང་གྲོགས་ཟེར་ཞོར་ལོ་འགར་མཉམ་དུ་བསྡད་ཀྱང་།།
ཁ་ཞིག་གཏུགས་རོགས་ཟེར་དུས་གཞན་གྱིས་མཐོང་ཡོང་ཟེར་གི།
ག་ས་གང་དུ་སོང་ཡང་མི་བརྗེད་འུ་གཉིས་བརྩེ་བ།།
ང་ལ་ལན་བརྒྱར་བཤད་པ་དེ་རིང་ད་དུང་བརྗེད་མེད།།
ཅ་ལག་ལེགས་སྐྱེས་དགོས་ན་ང་ཡིས་ཉོ་ལུགས་བཤད་ན།།
ཆ་ལུགས་དེ་འདྲའི་རིགས་ལ་སེམས་ནས་དུངས་བ་མེད་ཟེར།།
ཇ་ཁང་ནང་དུ་མི་འགྲོ་སྤུན་མཆེད་ཨ་ཁུས་རྡུང་ཟེར།།
ཀླུ་སྨྱོན།
མདང་དགོང་ཉལ་ཁར་བྲིས་པའི་སྙན་ངག་དེ།
སྙན་ངག་འབྲི་དུས་ཀྱི་དམིགས་རྣམ་ཞེས་པའི་སྙན་ངག་ཡིན་ལ་མིན་ལ་དེ།
དེ་གཉིས་ལ་མི་གཏོགས་པའི་གཞས་ཚིག་ཐུང་ཐུང་དེ།
སེམས་ནང་ལ་འཁོར་ནས་འདང་ཞིག་བརྒྱབ་དུས།
ལོ་ཟླ་འདི་དག་གི་རིང་ལ་བྲིས་པའི་སྙན་ངག་དེ་ཚོས།
མ་ཤེས་མ་ཚོར་བའི་ངང་དོར་མ་གྱོན་འདུག
དེ་ཡང་ཁ་དོག་མི་འདྲ་བའི་དོར་མ་གྱོན་འདུག
རིང་ཐུང་མི་འདྲ་བའི་དོར་མ་གྱོན་འདུག
གོང་ཚད་མི་འདྲ་བའི་དོར་མ་གྱོན་འདུག
གཙང་བཙོག་མི་འདྲ་བའི་དོར་མ་གྱོན་འདུག
ཀླུ་སྨྱོན།
ཉི་མ་ནུབ་ཟིན།
དགོང་ཟས་ཟོས་ཟིན།
གཅིན་པ་བཏང་ཟིན།
ཉལ་སའི་ནང་དུ་ཡང་འཛུལ་ཟིན།
ཉིན་གཅིག་གི་བྱ་བ་ཉག་ཉོག་ཡོད་ཚད་ཚར་སོང་བ་འདྲ།
ད་ནི་ཉིན་ཐོ་འདིའི་ཁ་བསུམ་པའི་དུས་ཚོད་རེད།
ད་ནི་མིག་གཉིས་བཙུམས་ནས་གཉིད་པའི་དུས་ཚོད་རེད།
ཡིན་ན་ཡང་ཉལ་སའི་ནང་ནས་ཁོག་སྟོད་དགྱེ་སྟེ་ཅིག་འབྲི་ན་འདོད་ཀི
ཚོར་སྣང་ཞིག་ལ་ཕྱི་རོལ་ཏུ་ཁ་བ་འབབ་བཞིན་འདུག་ཅིང་།
དེ་ཡང་གཏིང་མཐའ་བྲལ་བའི་ནམ་མཁའི་དབྱིངས་རུམ་ཞིག་ནས་འབབ་བཞིན་པའི་ཚོར་སྣང་ཞིག་འདུག
ཤར་ཕྱོགས་འོད་སྣང་།
ཀ་མད་སུམ་ཅུའི་ཡིག་འབྲུ་རེ་ལ་སྙིང་གཏམ་དྲོན་མོའི་གསང་ཚིག་བསྟིམས།།
ཁ་བཤད་ཚིག་གི་རྒྱབ་ལྗོངས་རེ་ལ་གཟུགས་མེད་སེམས་ཀྱི་ཚོར་བ་གསལ།།
ག་ཤེད་ཡུལ་ན་ངེས་མེད་འཁྱམས་པའི་ཁེར་རྐྱང་ལྡོམ་བུའི་ཆིག་ལབ་འདི།།
ང་ཡི་སྙིང་གི་གྲོགས་མཆོག་དམ་པ་རྒྱུན་དུ་དྲན་པའི་ཉིན་ཐོ་ཞིག།
ཅ་ཅོའི་ཀུ་རེས་ལབ་གླེང་བྱེད་བཞིན་ལོ་གྲངས་བཅོ་ལྔའི་དུས་ཡུན་དེ།།
ཆ་མེད་ངང་དུ་ཡུད་ཀྱིས་འདས་སྐབས་ཉིན་ཞག་འགའ་ཡི་ཚོར་སྣང་འོག།
ཇ་ཡུན་ཙམ་ལའང་འབྲལ་བར་མི་ཕོད་ལྷན་ཅིག་འགྲོགས་ཚུལ་དྲན་ཐེངས་རེར།།
ཉ་མོ་མཚོ་དང་བྲལ་བ་བཞིན་དུ་ད་དུང་སེམས་གཏིང་སྡུག་གིས་མནར།།
རྟ་ནག་སྐལ་བཟང་ལུང་རིགས།
སྤྱི་ ལོ་གཅིག་སྟོང་དགུ་བརྒྱ་གྱ་དགུ་ལོའི་ཟླ་གསུམ་པའི་ཚེས་ཉེར་དྲུག་ཉིན་ཧྲན་ཧེ་ ཀོན་འགག་སྒོ་རུ་ཧེ་ཙི་ལྷིང་འཇགས་ཀྱི་ངང་ནས་ལྕགས་ལམ་དུ་འཕྲེད་ཀྱིས་ཉལ་སོང་ལ། ཁོང་གི་ལུས་སྟེང་དུ༼དམ་པའི་གསུང་རབ༽ཀྱི་ཁ་ཕྱེ་ནས་ཡོད། མེ་འཁོར་ཞིག་ལྡིར་སྐད་དང་བཅས་ཏེ་རྒྱང་རིང་ནས་བསླེབས་སོང་། སྐྱེས་སྟོབས་ཀྱི་ཤེས་རབ་འབར་བའི་སྙན་ངག་པ་ཞིག་འདི་ལྟར་འཇིག་རྟེན་གཞན་ཞིག་གི་ཁམས་སུ་བསྙེགས་སོང་ངོ་།།
དེ་ལས་མང་བ་། “ཧེ་ཙི་ཅིའི་ཕྱིར་ལྕགས་ལམ་དུ་འཕྲེད་ཀྱིས་ཉལ་ཏེ་རང་སྲོག་དོར་བ་རེད། ༼བོད་འགྱུར་མ༽” »
གཡང་སྐྱབས་རྒྱལ།
———————-
འདས་པའི་རེས་གཟའ་སྤེན་པ་ཉིན་ཨ་རིའི་ཨ་རི་ཛོ་ན་མངའ་སྡེར་བྱུང་བའི་གོད་ཆག་དེས་ ད་བར་གྱི་གསར་འགྱུར་གྱི་བརྒྱུད་ལམ་བཟུང་སོང་། བརྒྱུད་ལམ་དེའི་ནང་ནས་ང་ལ་རྨི་ལམ་གྱི་ཟློས་གར་ལྟ་བུའི་ལྟད་མོ་ཞིག་བསྟན།
ཡོང་རྐྱེན་ངོ་མ་ནི། སེམས་ཁམས་འཁྲུགས་པའི་ཕོ་གསར་ལོ་ ༢༢ ཅན་ཞིག་གིས་མེ་མདའ་སྤྱད་ནས་གྲོས་ཚོགས་འཐུས་མི་གཅིག་དམར་གསོད་བྱེད་དུ་ཕྱིན་སྐབས། གྲོས་ཚོགས་འཐུས་མི་དེའི་མགོར་མདེའུ་ཐེབས་ནས་ མདེའུ་དེ་མགོའི་ཕྱོགས་གཅིག་ནས་ཕྱོགས་གཞན་དུ་བརྟོལ་ཏེ་ཐོན་པ་དང་། གཞུང་གི་ཁྲིམས་དཔོན་ཞིག་དང་བུ་མོ་ལོ་དགུ་ཅན་བཅས་པའི་མི་དྲུག་བསད། གཞན་མི་ ༡༢ རྨས་སྐྱོན་ཕོག་ཏུ་བཅུག ཉེས་ཅན་པ་ནི་ས་ཆ་དེ་རང་དུ་འཛིན་བཟུང་བྱས་པ་དེ་རེད།
ཞིང་པའི་བུ།
༄༅། །དཔལ་ལྡན་རང་གཞུང་ཁྲི་བཟོ་ལྷན་ཚོགས་ཀྱི་ཚོགས་གཙོ་དབུས་པའི་གྲོས་ཚོགས་འཐུས་མི་ཡོངས་ཀྱི་ཉེ་དྲུང་དུ།
ཆེད་དུ་ཞུ་གསོལ། བཀུར་འོས་རྣམ་པ་སྐུ་འཚོ་དྭངས་བཞུགས་དང་ལྷག་བསམ་ལྷོད་མེད་ཐོག་ས་ཡ་དྲུག་གི་བདེ་སྡུག་ཆེད་ཉིན་མཚན་མེད་པར་ཕྱོགས་ཡོངས་ནས་འབད་བརྩོན་གནང་དང་གནང་བཞིན་པ་ལ་ཡི་རང་དང་བསྔགས་བརྗོད་སྔོན་དུ་སོང་བ་དང་འབྲེལ།
མཚམས་དོན།
སྤྱི་ལོ ༢༠༡༡ ལོའི་ ༠༡ ཚེས་ ༡༢ ཉིན་ཝྭར་ཎ་བོད་ཀྱི་མཐོ་རིམ་སློབ་གྲྭར་རྒྱལ་སྤྱིའི་བསྟན་འགྱུར་ཕབ་བསྒྱུར་ཚོགས་ཆེན་ཞིག་འཚོགས་ཡོད་པ་དང་། དེའི་ནང་དུ་༧གོང་ས་མཆོག་དང་། བཀའ་ཁྲི། དགའ་ལྡན་ཁྲི་པ་སོགས་ང་ཚོའི་མི་གྲགས་དང་དཔོན་ཆེ་ཁག་རྣམས་ཀྱང་ཚོགས་ཞུགས་གནང་འདུག འོན་ཀྱང་༧གོང་ས་མཆོག་གིས་བཀའ་སློབ་གནང་དོན་དུ། རྒྱལ་བའི་གསུང་རབ་མང་ཆེ་བ་ཞིག་རྒྱ་བོད་ཀྱི་པཎ་གྲུབ་རྣམས་ཀྱི་བོད་ཡིག་ཏུ་བསྒྱུར་ཡོད་ཀྱང་། པ་ལི་ནང་ཡོད་པ་བོད་སྐད་དུ་མེད་པ། དེ་བཞིན་དུ་རྒྱ་ཡིག་ནང་ཡོད་པ་བོད་ཡིག་ནང་མེད་པ་ཏན་ཏན་ཡོད་རེད། དེ་ཚོའི་གྲས་ཚུར་བོད་སྐད་དུ་བསྒྱུར་ནས་ཆོས་གཞུང་ཆ་ཚང་བ་ཞིག་བཟོ་ཐུབ་ན་བྱ་བ་ཧ་ཅང་རླབས་ཆེན་པོ་དང་གལ་ཆེ་པོ་ཞིག་རེད། ཅེས་གསུངས་པ་ལས་བསྟན་འགྱུར་དབྱིན་ཡིག་དུ་བསྒྱུར་བ་ལ་བསྔགས་བརྗོད་དང་ལེགས་སོ་དེ་ཙམ་གནང་མེད་པ་རེད་འདུག