བསྟན་འཇམ །
རང་ཅག་བོད་མི་ཡོངས་ཀྱི་མགོན་སྐྱབས་དམ་པ་༧གོང་ས་ཏྰ་ལའི་བླ་མ་མཆོག་གི་འགན་ཁུར་གསུམ་གྱི་ཡ་གྱལ་བོད་ཀྱི་ཆབ་སྲིད་དཀའ་ཉོག་གི་འཛིན་སྐྱོང་ལས་ཁུར་ཐག་བཅད་གཙང་དག་གིས་བསྐྱུར་བའི་ཐད་ལ་སྤྱིར་འཛམ་གླིང་གི་ཆབ་སྲིད་པ་དང་དགོས་བོད་མིའི་ངོས་ནས་ལྟ་སྟངས་ཉེ་རང་གི་ཁྱད་པར་ཙམ་ལས་ལྟ་སྟངས་གསུམ་གི་སྟེང་དུ་བབས་འདུག དགོས་པའི་ཆེད་དུ་བོད་མའི་ལྟ་སྟངས་གསུམ་ནི ། ཚོར་བ་སྡུག་ཡུས་ཀྱིས་གླེང་སྟངས་གཅིག་དང་། བཏང་སྙོམས་ཀྱིས་གླེང་སྟངས་གཉིས་དང །

དེ་ལས་མང་བ་། “བགྲེས་ཡོལ་ལ་མི་མང་ངོས་ནས་ལྟ་སྟངས་ཐ་དད་པ།” »

དགུ་རོང་སྤུན་གྲོལ།

རྒྱ་གར་པན་ཆེན་བོད་ལ་བཀའ་དྲིན་ཆེ་ཞེས་པའི་མན་ངག་ཟབ་མོ་འུ་ཅག་བོད་པ་རྣམས་ཀྱི་ཤ་དང་ཁྲག་ལ་འདྲེས་ནས་མི་ལོ་སྟོང་ཕྲག་འགོར། གང་དེ་ནི་རྣལ་འབྱོར་བ་ཆེན་པོ་ཞིག་དང་། བསམ་གཏན་པ་ཆེན་པོ་ཞིག་ཏུ་བསྒོམས་ནས། གློ་སྙིང་བྲང་གསུམ་ཁོ་ཚོར་གཏད་དེ་རང་ཉིད་ལོང་བའི་རྣམ་ཅན་དུ་བཅོས། ཁོང་ཅག་གི་མདུན་དུ་ཉྭ་ཞུམ་ཞུམ་དང་མགོ་སྒུར་སྒུར་བྱས་ཏེ། འཇིན་རྟེན་པའི་བྱ་བཞག་གང་ཡིན་ཀྱང་ཁོ་ཚོར་སྐྱབས་གསོལ་ཞུ་བའི་སྲོལ་དར།

དེ་ལས་མང་བ་། “དབུ་མའི་ལམ་གྱི་རྒས་རྟགས།” »

བདེ་ཆེན་སྒྲོལ་མ།

སྔོན་གླེང་དང་གསལ་བཤད།
ཉེ་བའི་བདུན་ཕྲག་གཅིག་གཉིས་འདིའི་ནང་། མི་མང་པོ་ཞིག་གིས་༧གོང་ས་མཆོག་གི་བགྲེས་ཡོལ་སྐོར་ནས་རང་རང་གི་བསམ་ཚུལ་བཤད་སོང་། ཕྲན་པས་ཀྱང་རང་ཉིད་ཀྱི་བསམ་ཚུལ་མཚོན་པའི་རྩོམ་ཡིག་ཐུང་ངུ་ཞིག་༼ཉི་མ་ནུབ་རྗེས་ཀྱི་རི་ལུང་ནག་པོ།༽བྲིས་པ་ཡིན། ཁ་བརྡ་དང་དུས་བབ་དྲ་ཚིགས་བརྒྱུད་ནས་དྲ་གྲོགས་མང་པོ་ཞིག་གིས་ཕྲན་གྱི་རྩོམ་ཡིག་ལ་བཏབས་པའི་མཆན་བུ་དང་། གཞན་རང་རང་སྒེར་གྱི་བསམ་ཚུལ་ལ་ཞིབ་ཏུ་ཉན་ན། མི་མང་པོ་ཞིག་གིས་བོད་ཀྱི་ལོ་རྒྱུས་དང་འབྲེལ་བའི་༧གོང་ས་མཆོག་གི་རིན་ཐང་དངོས་དེ་ཕྱོགས་མང་པོ་ཞིག་ནས་ངོས་ཟིན་གྱི་མེད་པའི་ཚོར་སྣང་བྱུང་། འདི་ནི་ཆེས་ཉེན་ཁ་ཆེ་བའི་ཕྱོགས་ངོས་ཤིག་ཀྱང་རེད་སྙམ།

དེ་ལས་མང་བ་། “༧གོང་ས་མཆོག་གི་བགྲེས་ཡོལ་སྐོར་གྱི་རང་རྩོམ་༼ཉི་མ་ནུབ་རྗེས་ཀྱི་རི་ལུང་ནག་པོའི༽རྒྱབ་དཔུང་དུ་སྤྲོས་པ།” »

བོད། ལྷ་ཀླ་་གཉན་གསུམ།

རྒྱལ་ཁབ་འདིའི་ནང་དུ་ཡོང་མཁན་ཞིག་སྟེ། བོད་མི་ཞིག་གི་དངོས་ནས་བཤད་ན། ང་དང་བཅས་པའི་བོད་མི་བརྒྱད་རྒྱལ་ཁབ་འདིའི་བུད་མེད་ཚོའི་མཉམ་དུ་ཡོང་བ་རེད། ཁ་ཤས་ཤིག་ད་ལྟའི་འཆར་ཁ་ཁར་ཡང་སོང་ཟིན་པ་ཡིན། ང་རང་མ་རྩིས་པའི་འདིར་ཡོད་མཁན་གྱི་བོད་མི་བདུན་དེ་ནི་རྒྱལ་ཁབ་འདིར་ཡོང་དུས་སུ་བཟའ་ཚང་བྱས་དེ་ཡོང་བ་རེད་འདུག

དེ་ལས་མང་བ་། “བོད་ཟེར་བའི་རྒྱལ་ཁབ་ཞིག་མེད་ཀི་ཟེར།” »

༼མཚོ་སྔོན་དགེ་ཐོན་སློབ་ཆེན་གྱི་དགེ་རྒན་ཆེན་མོ་བསྟན་འཛིན་ཚེ་རིང་ལགས་གློ་བུར་ཏུ་སྐུ་གཤེགས་པའི་མྱ་ངན་ཞུ་ཚིག༽

གཅན་མེ་སོན།

ཉིན་དེ་ནི་ཁོ་བོས་བརྗེད་ག་ལ་སྲིད་དེ། གཟའ་སྐར་ལ་མུན་པས་སྒྲིབ་པའི་སྤྱི་ཟླ ༢ པའི་ཚེས ༢༣ ཉིན་རེད། ཁོ་བོ་ཕ་ཡུལ་ན་སོ་ནམ་པའི་ཆས་སུ་ཞུགས་ཏེ་ས་ཞིང་རྨོ་འདེབས་བྱེད་པའི་ལས་ལ་བྲེལ་གྱིན་པའི་ཏག་ཏག་སྐབས་དེ་ལ། སློབ་གྲོགས་ཞིག་གིས་གློ་རྡེག་ཏུ་ཁ་པར་ཐོན་ཏེ་ད་ནངས་སྔ་དྲོའི་དུས་ཚོད ༡༠ སྟེང་། རང་རེའི་བོད་ཡིག་སྡེ་ཁག་གི་སྡེ་གཙོ་གཞོན་པ་དགེ་རྒན་བསྟན་འཛིན་ཚེ་རིང་ལགས་མ་འཚམས་པའི་གཏམ་དེ་ཉིན་དེའི་གྲང་རླུང་དང་འདྲ་བར་ངའི་རྣ་བའི་བུ་ག་དང་ལུས་པོའི་སྦུབས་སུ་ཟུག་ནས་བུད་སོང་། ཁོ་བོས་དོན་དེ་ནི་རྨི་ལམ་ཞིག་ཏུ་འཁྲུལ་ཞིང་འདི་ནི་མངོན་སུམ་ལ་བསྙོན་བཏིང་བའི་གཏམ་ཞིག་མིན་ནམ་སྙམ་ནས་ཡིད་ཆེས་བྱ་དཀའ་བར་གྱུར་ལ། ཀུན་བཏགས་གདོན་གྱིས་བཟུང་བའི་གཅོང་ནད་ཕོག་པ་ནང་བཞིན་ཁོ་བོའི་ལུས་སེམས་ཡོངས་རྗོགས་ལྗིད་ཏིག་གེར ་གྱུར་ནས་རེ་ཞིག་ལ་ཞིང་ཚིགས་ནས་ཅི་ཡང་བྱེད་མ་ནུས་པར་ལུས་སོང་། མི་རིགས་སློབ་གསོ་ལ་ཤ་ཞེན་ཆེ་ཞིང་བྱམས་སེམས་དང་རྒྱུ་འབྲས་བློ་མིག་མངའ་བའི་ལོ་ན་བཞི་བཅུར་སོན་མ་ཐག་པའི་འོ་སྐོལ་གྱི་ཐོ་རེངས་སྐར་ཆེན་འདྲ་བའི་དགེ་རྒན། ང་རང་དངོས་སྦྱོང་ལ་སོང་ཤུལ་ནས་ཐེངས་གཅིག་ལའང་མཐོང་མ་ནུས་པའི་དགེ་རྒན་ཁོང་ལགས་འདི་ལྟར་འཇིག་རྟེན་དཀར་ངོགས་ནས་ང་ཚོ་དང་གཏན་དུ་གྱེས་ཕྱག་ཕུད་པ་ནི་ཇི་འདྲའི་ཡིད་སྐྱོ་ཞིང་ཕངས་སེམས་ལ་འགྱོད་གདུང་གིས་ཁེངས་པ་ཞིག་རེད་ཨང་།

དེ་ལས་མང་བ་། “མིག་ཆུ་དང་འཁྲེང་སེམས།” »

ཀུན་བཟང་།

ཁ་སྔོན་སྤྱི་ཟླ་གསུམ་པའི་ཚེས་བཅུ་བཞིའི་ཉིན་། བཞུགས་སྒར་རྡ་རམ་ས་ལར་འཚོགས་པའི་སྐབས་བཅུ་བཞི་པའི་བོད་མི་དམངས་སྤྱི་འཐུས་ལྷན་ཚོགས་ཀྱི་ཚོགས་དུས་བཅུ་གཅིག་པའི་ཐོག གོང་ས་ཏྭ་ལའི་བླ་མ་མཆོག་ནས་ད་ཆ་སྐུ་ཉིད་ཀྱི་བཙན་བྱོལ་བོད་གཞུང་གི་ཆབ་སྲིད་ཀྱི་ཐུགས་འགན་ཐམས་ཅད་། མི་དམངས་ཀྱི་འོས་འདེམས་བྱས་པའི་འགོ་ཁྲིད་སོ་སོར་གནང་རྒྱུ་དང་། ཐེངས་དེའི་གྲོས་ཚོགས་ཀྱི་ཚོགས་དུས་དེའི་ཐོག་བཅའ་ཁྲིམས་གཙོ་བོར་གྱུར་བའི་ཁྲིམས་སྒྲིག་ཁག་ལ་བསྐྱར་བཅོས་དགོས་ངེས་རྣམས་བསྐྱར་བཅོས་ཀྱིས་། གོང་ས་མཆོག་གི་མཚན་གནས་རྗེས་འབྲེལ་གྱི་ཆབ་སྲིད་དང་འཛིན་སྐྱོང་གི་བྱེད་སྒོ་གང་ཡང་མི་དགོས་པ་ཞིག་ངེས་པར་བྱེད་དགོས་པའི་གསུང་འཕྲིན་ཞིག་བསྩལ་གནང་མཛད་ཡོད་།

དེ་ལས་མང་བ་། “༧གོང་ས་མཆོག་གི་ཐུགས་དཀྱེལ་ཆེ་ལ་གཟིགས་རྒྱང་རིང་བའི་རླབས་ཆེན་གྱི་ཐག་གཅོད།” »

གཡུ་དྲུག་དཀར། རྡ་ས།
ཉི་མ་ནི་འཇིག་རྟེན་གྱི་ལྟེ་བ་ཡིན། ཉི་མ་རང་འཁོར་རྒྱག་གིན་མེད་ལ་གཞན་སྐོར་ཡང་རྒྱག་གིན་མེད་ན། ཉི་མ་ནི་གཡོ་མེད་འགུལ་མེད་ཀྱི་གཟའ་སྐར་ཁོ་ནའོ་ཟེར་ཞིང་། དེ་ནི་ཉི་མ་རང་སྟེང་གི་གཤིས་ལུགས་ཤིག་གི་རྣམ་བཤད་བཙན་པོ་མ་ཡིན་ཆོང་ཨང་། སའི་གོ་ལའི་ཆོས་◌ཉིད་ཀྱི་སྟོབས་ཆེན་པོ་སྟེ། ཁོའི་རང་འཁོར་གཞན་སྐོར་གྱི་ལམ་ཁ་རུ། ང་ཚོས་ཉི་མ་རེ་རེར་ཉི་མ་ནུབ་རིར་ཡོལ་དུས་ཤིག་དངོས་སུ་མྱོང་བཞིན་འགྲོ་བཞིན། ང་ཚོས་ཉི་མ་ནུབ་རིར་ཡོད་དུས་འདི་ཅིས་ཀྱང་ལོས་དྲན་ཡ།

དེ་ལས་མང་བ་། “ཉི་མ་ནུབ་རིར་ཡོལ་དུས།” »