སྐྱུ་རྩི་ནས།
ཀ་བ་ལྟ་བུའི་བསམ་བློ་དྲང་པོ་ཞིག་བཏང་ནས།
ཁ་རུ་ཁ་ཐུག་སྐད་ཆ་ངོ་མ་དེ་བཤད་ན།
ག་ནས་བལྟས་ཀྱང་ད་ལྟའི་དུས་ངན་གྱི་སྐབས་འདིར།
ང་ཡི་བཀའ་ཁྲི་ཁྱོད་ལས་ངེས་པ་རང་མིན་འདུག

དེ་ལས་མང་བ་། “མི་རབ་གསར་པའི་བཀའ་ཁྲི།” »

སྐྱོ་བྲག་དགའ་དབང་།
ཕ་མའི་བཀའ་དྲིན་བཟང་པོས། །ས་སྟེང་མི་ཡི་མཉམ་པོར། །འདོད་པའི་ཡོན་ཏན་དག་ལ། །ཡུན་རིང་སྤྱོད་རྒྱུ་རེད་སོང༌། །འོན་ཀྱང་ཕྱི་ཡི་གནས་ཚུལ། །ནང་གི་བསམ་པའི་ཁྱེར་སོས། །སྐྱོ་བའི་སྣང་བ་མ་གཏོགས། །དགའ་མོ་ཡོང་རྒྱུ་མི་འདུག །རྣམ་རྟོག་སེམས་ཀྱི་རླུང་གིས། །ང་རང་ཉམ་ཆུང་བྱི་འུ། །ཐག་རིང་མི་ཡི་ཡུལ་དུ། །འགྲིམ་པའི་སྐལ་བ་ཤར་བྱུང༌། །གྲངས་མེད་ཕོ་མོའི་འདུ་ལོང༌། །ནམ་ཡང་འབྲལ་དུ་མེད་ཀྱང༌། །སེམས་པ་གཏད་སའི་གྲོགས་པོ། །

དེ་ལས་མང་བ་། “སྐྱོ་གླུ་སྨྱོ་གཏམ་མ།” »

(བཀའ་ཁྲི་འདེམས་ཐོན་པ་བློ་བཟང་སེང་གེ་ལ།)

ས་དཀྱིལ་ཚེ་བཀྲ། བོད་འབྱོར།
རྒྱལ་བསྟན་ངོ་མཚར་རིན་ཆེན་ཞིང་དུ།།
ཆོས་སྲིད་བསྟན་ལ་བྱིན་རླབས་མངའ་ཞིང་།།
རིས་མེད་འགྲོ་ལ་ཐུགས་སེམས་བརྩེ་བའི།།
སྤྱན་རས་གཟིགས་དབང་མགོན་ཉིད་འདུད་དོ།།

དེ་ལས་མང་བ་། “ཁྲི་ལ་གསོལ་བའི་མི།” »

བསྟན་འཛིན་ཤེས་རབ།

སེམས་ཀྱི་ལྷ་མོར་མིག་གིས་འཚོས་ཡོད། །

སྙན་མོའི་ངག་དེར་རྣ་བ་བླགས་ཡོད། །

སྒྱུ་འཕྲུལ་ལུས་ཀྱི་གར་སྟབས་མཉེན་མོས། །

ཚོར་བའི་གཏིང་སར་སིམ་པ་སྩོལ་དང་། །

སྣང་བ་ཞིག་གིས་མཁའ་ལམ་སྙེག་ཡོད། །

སྟོང་བའི་དབྱིངས་ལ་དཔྱངས་ཟམ་བཙུགས་ཡོད། །

རྟོགས་པའི་གཏམ་རྒྱུད་སེམས་ལ་འབྲི་བཞིན། །

གློག་གི་སྒྱུ་མའི་ཕོ་བྲང་བརྩིགས་ཡོད། །

དེ་ལས་མང་བ་། “སྣང་བ་ཕྱི་ལ་འཁོར་དུས།” »

རྫ་ཚེ་རིང་བཀྲ་ཤིས།
༡༽ཆུ་བོ་སྐད་ཅིག་ཀྱང་མི་སྡོད་པར་མདུན་དུ་རྒྱུག་ཅིང་། ང་ཚོ་ཡང་དེའི་ངོགས་ན་འཚོ་བ་ཡིན། བྱེ་ཟེགས་དང་འདམ་གྱིས་རྙོག་ཀྱང་རུང་། མེ་ཏོག་གི་ཁ་ཆུས་བརླན་ཡང་རུང་། མཐར་ནི་སླར་ཡང་རྒྱ་མཚོར་འབབ་པར་འགྱུར།
༢༽མཐའ་ཡས་པའི་ཚེ་སྲོག་དག་གི་སླད་དུ་མཐའ་ཡས་པའི་གོ་ཆ་བགོས་པའི་དཔའ་བོ་འགའ་ཞིག་གམ་ཏུ་མཆིས་ཏེ། ཡང་ཡང་མདོངས་གསོལ་དུ་ཕུལ་བའི་སྨྲེ་ངག་དེ་དག་ཐུགས་ལ་བཞག་སྟེ། བདག་གི་སླད་དུ་གཡོ་བར་གྱུར། དེ་དུས་འཇིག་རྟེན་འདིའི་ཚེ་སྲོག་མཐའ་ཡས་པས་རང་གི་བདེ་བ་དག་ཐོབ་པ་ནི།

དེ་ལས་མང་བ་། “སྐྱེས་བུ་རླབས་པོ་ཆེ།” »

རྨིག་སྒྲ།

སྲིད་ཞི་ཕན་བདེ་འདོད་རྒུ་ཞེས་པའི་བདེན་དོན་རྟོགས་པའི་རྣམ་དཔྱོད་བྲལ།

ཐུབ་བསྟན་བསམ་འཕེལ་ནོར་བུ་ཞེས་པའི་བདེན་ཚིག་དོན་ལ་གདེང་སྤོབས་བྲལ།།

བསྟན་འགྲོ་ནོར་འཛིན་རྒྱ་ཆེ་ཞེས་པའི་གསུང་རབ་ཟབ་མོར་ངེས་ཤེས་བྲལ།།

འཕྲིན་ལས་རོལ་ཚོ་རྡོ་ཁམས་ཞེས་པའི་དཔྱད་གསུམ་དག་པའི་དོན་ལ་རྨོངས།།

དེ་ལས་མང་བ་། “གངས་ཅན་གྱི་གདོན།” »

དོལ་སྨྱོན།

རླུང་ནག་འཚུབ་མའི་དུས་ཚིགས་འདི་ནས།
ང་ཁྱོད་དང་ཕྲད་པ་ནི་ང་ཡི་ལས་དབང་ཡིན་ལ།
གྲང་ངར་སྐྱེན་པའི་གྲུ་ཁ་འདི་ནས།
ང་ཁྱོད་དང་ཐུག་པ་ནི་ང་ཡི་ཕམ་ཁ་ཡིན།

མུ་ཏིག་གི་དོག་པོ་དར་ལ་བརྒྱུས་པ་ལྟ་བུའི་ཁྱོད་ཀྱི་སོ་ཡི་འཕྲེང་བ་དེ།
ང་ལ་མཚོན་ན་སྐྱོ་སྣང་གི་གདུང་བ་སྤོར་བྱེད་ཅིག་ལས་གཞན་མེད་ལ།
ལི་ཁྲིའི་མཚོན་མདོག་ལས་དམར་བའི་ཁྱོད་ཀྱི་ཁུར་ཚོས་མཛེས་པོ་དེ།
ང་ལ་མཚོན་ན་སྡུག་བསྔལ་གྱི་ཁུར་པོ་འཕར་མ་ཞིག་ལས་ཅི་ཡང་མེད།

དེ་ལས་མང་བ་། “ཁྱོད་དང་ཐུག་པའི་ཉིན་ནས།” »

བསམ་གླིང་ཚེ་རིང་ལྷ་མོ།

ཁྱེད་ཀྱི་མཚོ་ལྟར་ཟབ་པའི།།
བརྩེ་འཕྲིན་དབྱར་རྔའི་སྒྲ་ཡིས།།
ཁེར་རྐྱང་རྨ་བྱ་གཞོན་ནུའི།།
ཡིད་ཀྱི་དགའ་བ་རྒྱས་སོང།།
* * * *
ཁྱེད་ཀྱི་ལ་རྒྱའི་འཛུམ་མདངས།།
དཀར་གསལ་ཟླ་བ་འདྲ་བྱུང།།
མུན་པའི་ཐང་ལ་ལུས་པའི།།
བདག་སེམས་ལམ་སྣེ་གསལ་སོང།།
* * * *

དེ་ལས་མང་བ་། “བརྩེ་འཕྲིན་ཡིད་ཀྱི་འབོད་སྒྲ།” »

གཙུང་བུ།

རྣམ་རྟོག་མིག་ཤེལ་ནག་པོས་འདྲེན་བྱེད་དེ་བཀག་ཅིང༌། །
གྲོགས་ལ་ཞགས་གསུམ་འགྲོགས་པའི་འགྲོན་པོ་ཡི་འདུ་ཤེས། །
བཅོས་མའི་འཛུམ་དང་སྙིང་གཏམ་བཤད་ཁུལ་ལ་འབད་ཀྱང༌། །
ལྷད་མེད་བརྩེ་དུང་སྐྱེ་བའི་དུས་ཚོད་ཅིག་མི་འདུག །

རྣམ་རྟོག་རབ་རིབ་ངན་པས་མིག་དབང་དེ་བསྒྲིབས་ཅིང༌། །
ཡོད་ཚད་ངོ་བོར་ལོག་པའི་བག་ཆགས་རེ་འཇོག་བཞིན། །
མི་འདོད་བཙན་གྱིས་སྒྲིག་པའི་ཆོ་ཤུག་ལྟར་འདྲིས་ཀྱང༌། །
བཅོས་མིན་འཛུམ་དང་བདེ་སྐྱིད་རྒྱ་ཁབ་ལས་ཕྲ་བ། །

རྣམ་རྟོག་ད་དུ་ར་ཡིས་མིག་ཤེས་དེ་བསྒྲིབས་ཅིང༌། །
དྲི་བྲལ་གཡའ་དག་གྲོགས་བཟང་ཆོས་དུང་དེ་དཀར་པོར། །
ལན་བརྒྱར་བལྟས་ཀྱང་དཀར་གཙང་བཞིན་རས་ཀྱི་རང་མདོག །
འཇལ་སྐལ་དབེན་ཞིང་མགོ་བོ་མུན་ནག་ཏུ་ཚུད་ངེས། །

དེ་ལས་མང་བ་། “རྣམ་རྟོག་གི་འཇིག་རྟེན།” »

སྐལ་བཟང་ཉི་མ། ཤེས་རབ་དགའ་ཚལ་གླིང་།
གཅིག
ཆུང་ཆུང་བྱིས་པའི་དུས་སུ། ཁྱིམ་གྱི་ཀོ་ཐུམ་ཅན་གྱི་རླུང་འཕྲིན་ཚི་སྟུག་མ་དེ་ལས། རྔ་བ་ན་ཚོང་བ་མང་གི་ཞེས་འོར་དང་ཡང་གིས་གྲགས་ཡོང་བ་དེ་ནི། ངའི་རྣ་ལམ་དུ་རྔ་བ་ཟེར་བ་ཞིག་འཁྱེར་ནས་ཡོང་མཁན་གྱི་དབྱར་ཐོག་མའི་འབྲུག་སྒྲ་ཡིན་ཞིང་། ངའི་སེམས་སུ་རྔ་བ་ཟེར་བ་ཞིག་འཇགས་སུ་འཇུག་མཁན་གྱི་སྒྲ་དབྱངས་ཆེས་ཐོག་མའང་དེ་ཡིན་མོད། དེ་ནི་ཨ་ཁུ་སྨན་བླའི་ཁ་ཤགས་ཀྱི་དགོད་བྲོ་བའི་ཚིག་གི་རོལ་རྩེད་དང་ངག་གི་འགྱུར་ཁུག་ལས་ཐོས་པ་ཡིན་པས། སྐབས་དེར་ངའི་རྣ་ལམ་དུ་རྔ་བ་ཟེར་བ་ནི་དགོད་སྤྱད་ཅིག་ལས་ཅི་ཡང་མིན་ལ། ངའི་སེམས་ནའང་རྔ་བ་ཟེར་བ་དེར་གོ་བ་ཅི་ཡང་མེད།

དེ་ལས་མང་བ་། “ང་ཡི་ལོ་ཟླ་དང་ཨ་མདོ་རྔ་བ།” »

(ཕ་ཡུལ་དུ་ཁ་པར་ཐེངས་ཤིག་བཏང་རྗེས་བྲིས།)
སྦྲ་ཪིགས་ཐོགས་མེད།

སུ་ལའང་ཡོད་ཆོག་པའི་མཛེས་སྡུག་གི་རྨི་ལམ་དེའི་ཕྱིར་དུ།
ཡང་ན། སུ་ལའང་ཡོད་དགོས་པའི་རང་དབང་གི་འབོད་སྒྲ་དེའི་ཆེད་དུ།
སྨག་ནག་པའི་ཕ་ཡུལ་གྱི་རི་སུལ་དེ་ནས།
ཁྱོད་ཀྱིས་རང་ཉིད་མར་མེ་རྐོང་བུ་ཞིག་གི་ཚུལ་དུ་བསྒྲོན།
ཁྱོད་ཀྱིེས་རང་ཉིད་ཚག་སྒྲ་རྐང་ཞིག་གི་ཟོལ་དུ་སྤར།

དེ་ལས་མང་བ་། “རང་ཉིད་མེ་ལ་སྒྲོན་མཁན་ཁྱོད།” »

རྔ་བ་ཚེ་སྐྱིད།

བཀའ་དྲིན་ཆེ། རྒྱལ་གཅེས་དཔའ་བོ་ཕུན་ཚོགས་ལགས།
ཁྱེད་ཀྱིས། མི་རིགས་ཤིག་གི་དཀའ་སྡུག་སེལ་རྒྱུའི་ཆེད་དུ།
ཁྱེད་ཀྱིས། རིག་གཞུང་གི་བླ་སྲོག་སྐྱོབ་རྒྱུའི་ཆེད་དུ།
ཁྱེད་ཀྱིས། ཁོར་ཡུག་ཅིག་གི་མདངས་ཉམས་གསོ་རྒྱུའི་ཆེད་དུ།
ཁྱེད་ཀྱིས། ལྷན་སྐྱེས་སུ་ཡོད་པའི་ཐོབ་ཐང་ཞིག་གི་ཆེད་དུ།
ཁྱེད་ཀྱིས། སྤྱི་ཁྱབ་འདྲ་མཉམ་ཞིག་ཡོང་བའི་ཆེད་དུ།
འདི་ལྟར། རྩ་ཆེ་ཞིང་། གཅེས་པའི་སྲོག་དེ། དམར་བོ་མེ་དཔུང་ལ་བསྒྱུར་བ་རེད།

དེ་ལས་མང་བ་། “རྒྱལ་གཅེས་དཔའ་བོ་ཕུན་ཚོགས་ལགས།” »

རིག་འཛིན།

ཞི་བདེའི་འགྲོ་བའིསྐྱབས་མགོན་གངས་ལྗོངས་ནས་བལྟམས་དུས།།
ཞི་བདེའི་བོད་འབངས་སེམས་པ་དགའ་བདེ་ཡི་ཁེངས་ཏེ།།
ཞི་བདེའི་བསིལ་ལྗོངས་ཕ་ཡུལ་སླར་གསོ་ཡི་སླད་དུ།།
ཞི་བདེའི་གངས་ཕྲུག་ཕུག་བསམ་སྐྱིད་ཆུ་ལས་རིང་བ།།

ཞི་བདེའི་རྟ་བདུན་བདག་པོ་ཤར་ཕྱོགས་ནས་འཕགས་དུས།།
ཞི་བདེའི་བྱམས་སྐྱོང་བྲལ་བའི་རིགས་དྲུག་གི་ཚོགས་ལ།།
ཞི་བདེའི་འོད་མདངས་ཕོག་དུས་བདེ་སྐྱིད་ལ་རོལ་ཏེ།།
ཞི་བདེའི་ལང་ཚོ་རྒྱས་སྐབས་བྱམས་སེམས་ཀྱི་ཕྱུག་སོང་།།

དེ་ལས་མང་བ་། “ཞི་བདེ་འགྲོ་བའི་སྐྱབས་མགོན།” »

རས་པ།

གློ་བུར་དུ་རྔུལ་ཆུ་ཐོན་ཞིང
གློ་བུར་དུ་གཉིད་གཅོག་རྒྱག་གིན་འདུག
ན་གཞོན་པའི་གཟུགས་པོར་ཉོབ་སྣང་སྐྱེས་ཤིང
མདུན་དུ་བསྒྲིགས་པའི་ཡིག་ཚགས་ཀྱང་རབ་རིབ་དུ་གྱུར

དེ་ལས་མང་བ་། “ཚ་བ་སླེབས་སོང་།” »

ཁྲག་ཐིགས།

སྨག་ནག་གིས་ཟིན་པའི་མཚན་དཀྱིལ་འདིར།

ངའི་དབུགས་གཏོང་ལེན་གྱིས་ལུས་པོ་འདི་སྒུལ་གྱིན་འདུག

གློག་སྒྲོན་དང་སྒེའུ་ཁུང་ཐ་ན་ཁང་མིག་ཀྱང་ཅུང་ཙམ་ཞིག

དེ་ལས་མང་བ་། “མཚན་དཀྱིལ་དུ།” »

གཙང་བུ།

དད་པ་བྱེད་སའི་རྒྱལ་བའི་སྐུ་ཐང་ཞིག །
ཉི་འོད་མེད་པའི༷་ཁང་པ་ནག་འཁུང་གཅིགས་། །
ཇ་ཆུ་སྐོལ་སའི་རླངས་ཐབས་རང་སྒྲིག་གཅིག །
རྡོག་ཛེས་ཐེབ་པའི་ལྕག་སྒམ་གོབ་དོ་གསུམ།
མཚནམོ་ཉལ་སའི་ཉལ་ཁྲི་རང་སྒྲིག་གཅིག །

དེ་ལས་མང་བ་། “གསར་འབྱོར་གྱི་མཚར་གཏམ།” »