ན་མ་ཤྲྰི་བཛྲ་དྷརྨྰ་པ་ལ་ཡེ། །
ལས་ཀྱི་མེ་ཏོག་ཕོག་པའི་དམ་ཚིག་མཆེད་ལྕམ། །
བརྩེ་གདུང་རྒྱུན་ཆད་མེད་པའི་རྡོ་རྗེའི་མཆེད་པོ། །
གང་ཤར་སྙན་ངག་འབྲི་བའི་ཁྲག་འཐུང་དཔའ་བོ། །
གནས་ཡུལ་ཞིང་ཁམས་ངེས་མེད་གང་དུ་ཕེབས་སོང་། །
སྨྱོན་པའི་འཇིག་རྟེན་དེ་ཡང་སྟོང་པར་གྱུར་འདུག །
བདེན་པའི་སྙན་ངག་དེ་ཡང་གོ་ཚོར་མི་འདུག །
བྱམས་བརྩེའི་གོམས་བགྲོད་འོག་ནས་འདས་པ་མིན་ན། །
ཁ་བརྡ་བྱིས་པའི་གྲོ་རར་ལན་ཅིག་ཕེབས་ཤོག །
དེ་ལས་མང་བ་། “ཀླུ་སྨྱོན་ཧེ་རུ་ཀ་ལ་གླུ་བསྐུལ་རྡོ་རྗེའི་ཐོལ་གླུ་ཞེས་བྱ་བ། །” »
སྐྱོ་བྲག་དགའ་དབང་།
ལུས་སྲོག་བསྐྱེད་ཅིང་འགྱུར་མེད་བྱམས་བརྩེས་བསྐྱངས། །
ཤེས་བྱ་ཀུན་བསླབས་བུ་ཡི་བདེ་ཐབས་སུ། །
ཐམས་ཅད་བློས་གཏོང་ཕོད་པའི་ཕ་མ་ནི། །
དགའ་གུས་བཀུར་གཟོས་གཙུག་ཏུ་མཆོད་འོས་ཉིད། །
དེ་ཡང་འཇིག་རྟེན་འདི་རུ་རྐང་རྗེས་བཞག་པའི་འགྲོ་བ་ཞིག་ཡིན་ནས་བཟུང་བདེ་བ་འཐོབ་ཐབས་སུ་གང་སར་འཁྱམས་ཀྱི་ཡོད་པ་བཞིན། བདག་ཀྱང་སྔོན་མ་ནས་བོད་ས་སྟོད་སྨད་ཀུན་ཏུ་འཁྱམས་པའི་འཁྱམས་པོ་ཞིག་ཡིན་ཐོག རབ་རྒྱན་མེ་གླང་ལོའི་ལོ་སྨད་ནས་རྒྱལ་ཁབ་གཞན་དུ་འཁྱམས་པའི་གོ་སྐབས་འཕྲད་པ་ལྟར། ལས་ཀ་ཡོད་ལ་མེད་ཀྱི་ངང༌། མི་ཚེ་ཅི་འགྲོས་འཁྱམས་བསྡད་པ་ན། ཆུ་ལུག་ཟླ་བ་དྲུག་པའི་ཟླ་དཀྱིལ་གྱི་ཉིན་ཞིག རུམ་བཏེག་ཞོལ་པའི་འདན་མ་ཟླ་བས་ཨང་གྲངས་འདིའི་ཐོག་ཁ་པར་ཞིག་རྒྱོབ་ཤོག་ཁྱོད་རང་ལ་མཁན་པོ་ཚུལ་རྣམ་གྱིས་གསུང་གི་འདུག་ཟེར་བས། གནས་ཚུལ་ག་རེ་ཡོད་པ་ཡིན་ནམ་སྙམ་སྟེ་ཞལ་པར་ཞིག་ཕུལ་བར། ཁྱོད་རང་ཕ་མས་སང་ཉིན་དགོང་མོ་ཨང་གྲངས་འདིའི་ཐོག་ངེས་པར་དུ་ཁ་པར་ཞིག་རྒྱོབ་ཤོག་ཟེར་གྱི་འདུག་གསུངས་པས།
དོལ་སྨྱོན།
དྭངས་གཙང་གི་སེམས་པ་དེ་རྨས་ཚར་དུས། རྣམ་དག་གི་བརྩེ་དུང་དེ་བསྲེགས་ཚར་དུས།
ངས་སུ་ཞིག་ལ་འཁང་ར་བྱེད། དེ་རིང་།
ངས་སློབ་གླིང་གི་གྲུ་ཟུར་ཞིག་ནས། རང་ཉིད་ཀྱི་ལས་དབང་དང་།
མི་རིགས་ཀྱི་གོད་ཆགས་ལ་བསམ་གཞིགས་བྱེད་ཐུབ་ནའང་།
ང་ཡི་སེམས་པ་འདི། སྔར་བཞིན།
གྲང་ཤུར་ཤུར། སྐྱོ་ལྷང་ལྷང་།
དོན་ངོ་མར་ངས་ད་དུང་ཡང་ཁྱོད་དྲན་བཞིན་ཡོད།
དེ་ལས་མང་བ་། “ད་དུང་ཡང་ངས། སློབ་གླིང་གི་གྲུ་ཁ་ནས་ཁྱོད་དྲན་བཞིན་ཡོད།” »
གཙུང་བུ
རྣམ་རྟོག་མིག་ཤེལ་ནག་པོས་འདྲེན་བྱེད་དེ་བཀག་ཅིང༌། །
གྲོགས་ལ་ཞགས་གསུམ་འགྲོགས་པའི་འགྲོན་པོ་ཡི་འདུ་ཤེས། །
བཅོས་མའི་འཛུམ་དང་སྙིང་གཏམ་བཤད་ཁུལ་ལ་འབད་ཀྱང༌། །
ལྷད་མེད་བརྩེ་དུང་སྐྱེ་བའི་དུས་ཚོད་ཅིག་མི་འདུག །
བཙན་བྱོལ་བོད་གཞུང་དང་བཙན་བྱོལ་བོད་མིའི་གཞུང་གི་སྒྲིག་འཛུགས་གཉིས་ལ་ཁྱད་པར་ཅི་ཞིག་ཡོད།
འབྲོག་མྱི།
དང་ཐོག་དགོས་དབང་གིས་བཙན་བྱོལ་བོད་གཞུང་དང་བཙན་བྱོལ་བོད་མིའི་གཞུང་གི་སྒྲིག་འཛུགས་ཞེས་པའི་མིང་འདི་གཉིས་ལ་ཡིག་ཐོག་གི་གོ་དོན་ལ་འགྲེལ་བཤད་ཅིག་མི་རྒྱག་ཐབས་མེད་རེད།
༡༽བཙན་བྱོལ་བོད་གཞུང།
བཙན་བྱོལ —- ཞེས་པ་ནི་གང་ཟག་སྒེར་དང་ཚོགས་སྡེ། གཞུང་སོགས་རང་ས་རང་ཡུལ་དུ་གནས་ཐབས་བྲལ་ནས་འཇིགས་པ་དང་ཉེན་ཁ་བྱོལ་ཆེད་ས་ཁུལ་གཞན་དུ་སོང་ནས་མུ་མཐུད་ནས་ལས་དོན་གང་ཞིག་གི་རྒྱུན་སྐྱོང་དང་ཡང་ན་འཚོ་གནས་མཐུད་འཛིན་གྱི་འཚོ་ཐབས་ཤིག་ལ་ཟེར།
བོད —- ཞེས་པ་ནི་གནའ་ནས་ད་བར་དུ་རི་བོ་ཧི་མ་ལ་ཡའི་ཤར་རྒྱུད་ཀྱི་མདོ་དབུས་མཐོ་སྒང་དུ་འབོད་པའི་སྟོད་མངའ་རིས་སྐོར་གསུམ། བར་དབུས་གཙང་རུ་བཞི། སྨད་མདོ་ཁམས་སྒང་དྲུག་གིས་གྲུབ་པའི་གནས་དེ་རུ་འཚོ་ཞིང་གནས་པའི་ཆོས་དང་རིག་གནས་གཅིག་མཚུངས། སྐད་དང་ཡི་གེ་གཅིག་མཚུངས། ཤ་མདོག་དང་སྐྲ་མདོག་གཅིག་མཚུངས་ཀྱི་མི་ཡི་རིགས་དེའི་སྤྱི་མིང་ངམ་ཡུལ་གྲུ་དེའི་མིང་ཡིན།
གཞུང —-ཞེས་པའི་མཚན་ཉིད་ནི་རྒྱལ་ཁབ་ཅིག་གི་དབང་འཛིན་སྒྲིག་གཞི་ལ་གོ་ཞིང༌། ཐུན་མོང་གི་ཁེ་ཕན་དང་མངོན་འདོད་ལ་སྲུང་སྐྱོབ་དང་མངོན་འགྱུར་ཡོང་སླད། ས་ཁོངས་དབྱེ་བགོས་ངང་གཞི་རྩའི་ཐབས་ལམ་ལྟར་སྒྲིག་འཛུགས་བྱས་པ་དང༌། དྲག་ཤུགས་ལ་རྒྱབ་རྟེན་པའི་ཆབ་སྲིད་དབང་བསྒྱུར་དང་སྤྱི་ཚོགས་དོ་དམ་གྱི་སྒྲིག་འཛུགས།
ཨ་རིག་འགྱུར་མེད།
གཅིག ཨ་རིའི་རླུང་འཕྲིན་ཁང་།
ད་ལོའི་ལོ་གསར་བ་འདིའི་ནང་དུ་ང་ལ་ཕ་ཡུལ་གྱི་སྤུན་ཟླ་གཉིས་ཀྱིས་ཨ་རིའི་རླུང་འཕྲིན་ཁང་གིས་ཨམ་སྐད་མི་བཤད་པ་ཅི་རེད་ཟེར་ནས་དྲིས་བྱུང་། ངས་སྐབས་སོ་སོར་སྟབས་བདེའི་འགྲེལ་བརྗོད་རེ་བྱས་པ་ཡིན། ཡིན་ནའང་། ད་ལྟ་ངས་ཡང་དང་བསྐྱར་དུ་འདིའི་སྐོར་ལ་བསམ་གཞིག་བྱེད་ཀྱིན་པར་མ་ཟད། གནད་དོན་འདིའི་ཐད་དུ་བདེ་སྡུག་ཅིག་ཞུས་ན་འགྲིག་པར་སྙམ། ཅི་ལྟར་བཤད་རུང་ཨ་རིའི་རླུང་འཕྲིན་ཁང་གི་ནང་དུ་མདོ་སྟོད་སྨད་གཉིས་ཀྱི་སྐལ་ཆད་ཡོད། དེ་རུ་མདོ་སྟོད་སྨད་ཀྱི་ལས་བྱེད་པ་མེད་པ་ཡིན་ཡང་མདོ་སྟོད་སྨད་ཀྱི་ལས་བྱེད་པར་རང་རང་གི་ཆོལ་ཁའི་སྐད་ཐོག་ནས་གསར་འགྱུར་བཤད་པ་དང་མདོ་འཛིན་པ་བྱེད་པའི་སྟེགས་བུ་མེད་པ་དེ་རེད། དེ་ནི་ལས་བྱེད་པ་གཅིག་པུར་འཕྲད་པའི་དཀའ་ངལ་ག་ལ་ཡིན། བོད་ཕྱི་ནང་གི་ཉན་མཁན་ཁྲི་སྟོང་མང་བོར་ཐད་ཀར་འཕྲད་ཀྱིན་པའི་དཀའ་ངལ་སྟེ།
དེ་ལས་མང་བ་། “ཨ་རིའི་རླུང་འཕྲིན་ཁང་སོགས་ལ་བདེ་སྡུག་ཅིག་ཞུས་ན།” »
བ་ཡེ་མ་ཁྱེ་གཅོད་པ་ཐར་གྱིས་བརྩམས། གཟུངས་མོ་སྐྱིད་ཀྱིས་བསྒྱུར།
དང་པོ། བོད་མི་བརྒྱ་ལ་བཏོན་པའི་དྲི་བ་གཉིས།
དྲི་བ་འདི་གཉིས་ཐད་ངས་ལོ་ངོ་གཅིག་ཙམ་རིང་ལ་ཚོད་ལྟ་བྱས་པ་ཡིན།
༡༽ རང་རེའི་བོད་རྒྱལ་ཁབ་ཆེན་པོར་རྫོང་ཁག་ག་ཚོད་ཡོད་དམ།
༢༽ བཙན་བྱོལ་བོད་གཞུང་ལ་སྲིད་འཛིན་ས་ཁུལ་དབྱེ་མཚམས་ཀྱི་ས་ཁྲ་ངོ་མ་ཞིག་ཡོད་དམ་མེད། གལ་ཏེ་ཡོད་ན་གང་དག་ཡིན།
དྲི་བ་བཏོན་པའི་མི་བརྒྱ་ཡི་ཁྲོད་མི་བརྒྱད་ཁོ་ནས་ཕྱིར་ལན་བཏབ་བྱུང་མོད། འོད་ཀྱང་ཁོ་ཚོ་ཚང་མས་རང་རེའི་བོད་རྒྱལ་ཁབ་ཆེན་པོར་རྫོང་ཁག་ག་ཚོད་ཡོད་མེད་ཤེས་ཀྱི་མི་འདུག་ལ། བོད་གཞུང་གི་སྲིད་འཛིན་ས་ཁུལ་དབྱེ་མཚམས་ཀྱི་ས་ཁྲ་ངོ་མ་ཡང་གང་ཡིན་ཤེས་ཀྱིན་མི་འདུག ཁོ་ཚོའི་ནང་དུ་གྲོས་ཚོགས་ཀྱི་ཚོགས་མི་དང་། གཞུང་གི་འགན་ཁུར་མི་སྣ་གཙོ་གྲས། དེ་མིན་ཕྱོགས་སོ་སོའི་དོན་གཅོད་ཁག་གི་མི་སྣ་དང་། རྩོམ་པ་པོ་གྲགས་ཅན། གསར་འགོད་པ། ཚོགས་པ་ཁག་གི་ཚོགས་གཙོའམ་ཆབ་སྲིད་ཤོག་ཁག་གི་འགོ་ཁྲིད། གཞན་ད་དུང་མིང་དུ་གྲགས་པའི་འགྲོ་བ་མིའི་ཐོབ་ཐང་དང་སྤྱི་ཚོགས། ཆབ་སྲིད་སོགས་ཀྱི་ལས་འགུལ་སྤེལ་མཁན་མི་སྣ་བཅས་འདུས་ཡོད།
དེ་ལས་མང་བ་། “གྲོས་ཚོཊ་བཅོས་བསྒྱུར་དང་གཞུང་གི་གཞི་རིམ་རྩ་འཛུཊ་བཞེངས་སྐྲུན།” »
སྐྱུ་རྩི་ནས།
ཀ་བ་ལྟ་བུའི་བསམ་བློ་དྲང་པོ་ཞིག་བཏང་ནས།
ཁ་རུ་ཁ་ཐུག་སྐད་ཆ་ངོ་མ་དེ་བཤད་ན།
ག་ནས་བལྟས་ཀྱང་ད་ལྟའི་དུས་ངན་གྱི་སྐབས་འདིར།
ང་ཡི་བཀའ་ཁྲི་ཁྱོད་ལས་ངེས་པ་རང་མིན་འདུག
སྐྱོ་བྲག་དགའ་དབང་།
ཕ་མའི་བཀའ་དྲིན་བཟང་པོས། །ས་སྟེང་མི་ཡི་མཉམ་པོར། །འདོད་པའི་ཡོན་ཏན་དག་ལ། །ཡུན་རིང་སྤྱོད་རྒྱུ་རེད་སོང༌། །འོན་ཀྱང་ཕྱི་ཡི་གནས་ཚུལ། །ནང་གི་བསམ་པའི་ཁྱེར་སོས། །སྐྱོ་བའི་སྣང་བ་མ་གཏོགས། །དགའ་མོ་ཡོང་རྒྱུ་མི་འདུག །རྣམ་རྟོག་སེམས་ཀྱི་རླུང་གིས། །ང་རང་ཉམ་ཆུང་བྱི་འུ། །ཐག་རིང་མི་ཡི་ཡུལ་དུ། །འགྲིམ་པའི་སྐལ་བ་ཤར་བྱུང༌། །གྲངས་མེད་ཕོ་མོའི་འདུ་ལོང༌། །ནམ་ཡང་འབྲལ་དུ་མེད་ཀྱང༌། །སེམས་པ་གཏད་སའི་གྲོགས་པོ། །
(བཀའ་ཁྲི་འདེམས་ཐོན་པ་བློ་བཟང་སེང་གེ་ལ།)
ས་དཀྱིལ་ཚེ་བཀྲ། བོད་འབྱོར།
རྒྱལ་བསྟན་ངོ་མཚར་རིན་ཆེན་ཞིང་དུ།།
ཆོས་སྲིད་བསྟན་ལ་བྱིན་རླབས་མངའ་ཞིང་།།
རིས་མེད་འགྲོ་ལ་ཐུགས་སེམས་བརྩེ་བའི།།
སྤྱན་རས་གཟིགས་དབང་མགོན་ཉིད་འདུད་དོ།།
བསྟན་འཛིན་ཤེས་རབ།
སེམས་ཀྱི་ལྷ་མོར་མིག་གིས་འཚོས་ཡོད། །
སྙན་མོའི་ངག་དེར་རྣ་བ་བླགས་ཡོད། །
སྒྱུ་འཕྲུལ་ལུས་ཀྱི་གར་སྟབས་མཉེན་མོས། །
ཚོར་བའི་གཏིང་སར་སིམ་པ་སྩོལ་དང་། །
སྣང་བ་ཞིག་གིས་མཁའ་ལམ་སྙེག་ཡོད། །
སྟོང་བའི་དབྱིངས་ལ་དཔྱངས་ཟམ་བཙུགས་ཡོད། །
རྟོགས་པའི་གཏམ་རྒྱུད་སེམས་ལ་འབྲི་བཞིན། །
གློག་གི་སྒྱུ་མའི་ཕོ་བྲང་བརྩིགས་ཡོད། །
བོན་རྒྱ་བསྟན་འཛིན་རབ་རྒྱས།
བོད་ཀྱི་དུས་བབ་ནི་བཙན་བྱོལ་ནང་གི་སློབ་ཆེན་ཐེབས་ཆག་ཚོའི་ཡན་ཡིན་ལ། གྲྭ་ས་རྫིག་པོ་ཚོ་ལས་ཀྱང་རྫིག་ཡིན་ཞེས་བཤད་ནའང་ཐལ་ཆེ་བ་ཅི་ཡང་མིན་ཏེ། བོད་ཀྱི་རྩ་དོན་དང་འབྲེལ་བའི་ཤེས་བྱ་རེ་རེ་བཞིན་དུས་བབ་ཀྱིས་གྲྭ་ས་ནས་སློབ་ཆེན། གངས་སྐྱིད་ནས་གཞིས་ཆགས་ཁག་བར་བསྐྱལ་ནས་འགྲོ་ཞིང་། ཡར་བཀའ་ཤག་ནས་མར་གཞིས་གྲོང་ཁག་གི་བརྒྱ་དཔོན་བར་དང་། མར་རྡ་སའི་སྲང་ལམ་གྱི་ཟ་ཁང་ཚོང་ཁང་གི་བདག་པོ་ནས་སློབ་གྲྭ་ཁག་གི་དགེ་རྒན་དང་སློབ་མ་བཅས་པར་གནད་དོན་རེ་རེའི་སྟེང་ཚ་འདེད་དང་། མཚང་འབྱིན་བྱས་ཡོད་པས། དུས་བབ་ཀྱི་གསར་འགྱུར་རིམ་པ་བྱས་ནས་གྲོས་ཚོགས་ཀྱི་གླེང་གཞི་ལ་གྱུར་ཡོད། དེ་ལྟར་བསམ་བློ་ཞིག་བཏང་ན་བཙན་བྱོལ་ནང་གི་ནང་རུལ་གཙང་དག་བྱེད་མཁན་དུས་བབ་ཡིན་ལ། རྒྱ་ནག་ཞིབ་འཇུག་བྱ་ས་དང་། རྒྱལ་སྤྱིར་རྒྱང་ལྟ་བྱེད་སའང་དུས་བབ་ཡིན། དེ་ནི་གཞན་ཅི་ཡང་མིན་ཏེ། སྐུ་ཞབས་རབ་གསལ་དང་། ལྷག་བསམ། ལུང་རིགས་རྒྱལ་བཅས་རྩོམ་སྒྲིག་པ་སྟག་འདྲ་གཟིག་འདྲ་གསུམ་གྱི་སྙིང་སྟོབས་དང་། རྣོ་མིག་གི་ཤེས་རབ་ལས་བྱུང་བ་རེད། ཡིན་ནའང་།
རྩོམ། ཝང་ལིས་ཞུང་།
སྒྱུར། ནགས་ཤོད་སད་མི།
གསར་འགོད་པས་ང་ལ་ཅིའི་ཕྱིར་ཁྱོད་ཀྱིས་རྒྱ་ནག་ལ་དམངས་གཙོ་སྐུལ་འདེད་བྱེད་པ་དང་། ཏཱ་ལའི་བླ་མ་དང་དྲ་བརྙན་བརྒྱུད་གླེང་མོལ་བྱས་པ་དྲིས་ཚེ། ངས་ལན་འདེབས་བྱས་དོན། དབང་སྡུད་པས་སྒེར་སྡེམ་བྱས་པའི་རྒྱ་བོད་འབྲེལ་ཐུག་གི་དངོས་རིས་ལ་འཁྱོག་བརྗོད་བྱས་ཡོད། ལོ་ངོ་དེ་འདྲ་མང་པོའི་རིང་དུ་ཏཱ་ལའི་བླ་མས་རང་བཙན་རྩོད་ཀྱི་མེད་པ་འགྲེལ་བརྗོད་བྱས་པ་དེ་འཛམ་གླིང་གི་མི་ཕལ་མོ་ཆེས་ཧ་གོ་ཡོད། ཡིན་ནའང་། རྒྱ་ནག་གི་སྲིད་གཞུང་འདིས་ག་དུས་ཡིན་ནའང་རྒྱ་ནག་མི་དམངས་ལ་ཏཱ་ལའི་བླ་མས་རྒྱ་ནག་ཁ་བྲལ་གཏོང་གི་འདུག བོད་རང་བཙན་རྩོད་ཀྱི་འདུག་ཟེར་བ་སོགས་བརྗོད།
རྫ་ཚེ་རིང་བཀྲ་ཤིས།
༡༽ཆུ་བོ་སྐད་ཅིག་ཀྱང་མི་སྡོད་པར་མདུན་དུ་རྒྱུག་ཅིང་། ང་ཚོ་ཡང་དེའི་ངོགས་ན་འཚོ་བ་ཡིན། བྱེ་ཟེགས་དང་འདམ་གྱིས་རྙོག་ཀྱང་རུང་། མེ་ཏོག་གི་ཁ་ཆུས་བརླན་ཡང་རུང་། མཐར་ནི་སླར་ཡང་རྒྱ་མཚོར་འབབ་པར་འགྱུར།
༢༽མཐའ་ཡས་པའི་ཚེ་སྲོག་དག་གི་སླད་དུ་མཐའ་ཡས་པའི་གོ་ཆ་བགོས་པའི་དཔའ་བོ་འགའ་ཞིག་གམ་ཏུ་མཆིས་ཏེ། ཡང་ཡང་མདོངས་གསོལ་དུ་ཕུལ་བའི་སྨྲེ་ངག་དེ་དག་ཐུགས་ལ་བཞག་སྟེ། བདག་གི་སླད་དུ་གཡོ་བར་གྱུར། དེ་དུས་འཇིག་རྟེན་འདིའི་ཚེ་སྲོག་མཐའ་ཡས་པས་རང་གི་བདེ་བ་དག་ཐོབ་པ་ནི།
རྨིག་སྒྲ།
སྲིད་ཞི་ཕན་བདེ་འདོད་རྒུ་ཞེས་པའི་བདེན་དོན་རྟོགས་པའི་རྣམ་དཔྱོད་བྲལ།
ཐུབ་བསྟན་བསམ་འཕེལ་ནོར་བུ་ཞེས་པའི་བདེན་ཚིག་དོན་ལ་གདེང་སྤོབས་བྲལ།།
བསྟན་འགྲོ་ནོར་འཛིན་རྒྱ་ཆེ་ཞེས་པའི་གསུང་རབ་ཟབ་མོར་ངེས་ཤེས་བྲལ།།
འཕྲིན་ལས་རོལ་ཚོ་རྡོ་ཁམས་ཞེས་པའི་དཔྱད་གསུམ་དག་པའི་དོན་ལ་རྨོངས།།
དོལ་སྨྱོན།
རླུང་ནག་འཚུབ་མའི་དུས་ཚིགས་འདི་ནས།
ང་ཁྱོད་དང་ཕྲད་པ་ནི་ང་ཡི་ལས་དབང་ཡིན་ལ།
གྲང་ངར་སྐྱེན་པའི་གྲུ་ཁ་འདི་ནས།
ང་ཁྱོད་དང་ཐུག་པ་ནི་ང་ཡི་ཕམ་ཁ་ཡིན།
མུ་ཏིག་གི་དོག་པོ་དར་ལ་བརྒྱུས་པ་ལྟ་བུའི་ཁྱོད་ཀྱི་སོ་ཡི་འཕྲེང་བ་དེ།
ང་ལ་མཚོན་ན་སྐྱོ་སྣང་གི་གདུང་བ་སྤོར་བྱེད་ཅིག་ལས་གཞན་མེད་ལ།
ལི་ཁྲིའི་མཚོན་མདོག་ལས་དམར་བའི་ཁྱོད་ཀྱི་ཁུར་ཚོས་མཛེས་པོ་དེ།
ང་ལ་མཚོན་ན་སྡུག་བསྔལ་གྱི་ཁུར་པོ་འཕར་མ་ཞིག་ལས་ཅི་ཡང་མེད།
བསམ་གླིང་ཚེ་རིང་ལྷ་མོ།
ཁྱེད་ཀྱི་མཚོ་ལྟར་ཟབ་པའི།།
བརྩེ་འཕྲིན་དབྱར་རྔའི་སྒྲ་ཡིས།།
ཁེར་རྐྱང་རྨ་བྱ་གཞོན་ནུའི།།
ཡིད་ཀྱི་དགའ་བ་རྒྱས་སོང།།
* * * *
ཁྱེད་ཀྱི་ལ་རྒྱའི་འཛུམ་མདངས།།
དཀར་གསལ་ཟླ་བ་འདྲ་བྱུང།།
མུན་པའི་ཐང་ལ་ལུས་པའི།།
བདག་སེམས་ལམ་སྣེ་གསལ་སོང།།
* * * *
གཙུང་བུ།
རྣམ་རྟོག་མིག་ཤེལ་ནག་པོས་འདྲེན་བྱེད་དེ་བཀག་ཅིང༌། །
གྲོགས་ལ་ཞགས་གསུམ་འགྲོགས་པའི་འགྲོན་པོ་ཡི་འདུ་ཤེས། །
བཅོས་མའི་འཛུམ་དང་སྙིང་གཏམ་བཤད་ཁུལ་ལ་འབད་ཀྱང༌། །
ལྷད་མེད་བརྩེ་དུང་སྐྱེ་བའི་དུས་ཚོད་ཅིག་མི་འདུག །
རྣམ་རྟོག་རབ་རིབ་ངན་པས་མིག་དབང་དེ་བསྒྲིབས་ཅིང༌། །
ཡོད་ཚད་ངོ་བོར་ལོག་པའི་བག་ཆགས་རེ་འཇོག་བཞིན། །
མི་འདོད་བཙན་གྱིས་སྒྲིག་པའི་ཆོ་ཤུག་ལྟར་འདྲིས་ཀྱང༌། །
བཅོས་མིན་འཛུམ་དང་བདེ་སྐྱིད་རྒྱ་ཁབ་ལས་ཕྲ་བ། །
རྣམ་རྟོག་ད་དུ་ར་ཡིས་མིག་ཤེས་དེ་བསྒྲིབས་ཅིང༌། །
དྲི་བྲལ་གཡའ་དག་གྲོགས་བཟང་ཆོས་དུང་དེ་དཀར་པོར། །
ལན་བརྒྱར་བལྟས་ཀྱང་དཀར་གཙང་བཞིན་རས་ཀྱི་རང་མདོག །
འཇལ་སྐལ་དབེན་ཞིང་མགོ་བོ་མུན་ནག་ཏུ་ཚུད་ངེས། །
འཇིགས་མེད་ཚེ་རིང་།
བོད་གཞུང་བཙན་བྱོལ་དུ་མ་འོང་པའི་སྔ་རོལ་དུ་བོད་ཀྱི་ཆོས་སྲིད་གཉིས་ཀྱི་བླ་ན་མེད་པའི་དབུ་ཁྲིད་༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བོད་གཞུང་དགའ་ལྡན་ཕོ་བྲང་གི་སྲིད་ལུགས་ལེགས་བཅོས་ཀྱི་དགོངས་བཞེད་གནང་ཡོད་པ་དང་། སྲིད་ལུགས་ལེགས་བཅོས་ཀྱི་ངོ་བོ་ནི་རྒྱ་དམར་གཞུང་གིས་བཤད་བཞིན་པའི་“དམངས་གཙོ་སྦུག་སྦུག་”དེ་ལྟ་བུ་མ་ཡིན་པར་འཛམ་པོའི་གླིང་སྤྱི་ཡོངས་ཀྱིས་མང་གཙོར་ངོས་འཛིན་བྱེད་ཐུབ་པའི་གཞི་རྩ་ཡོད་པ་དེ་འདྲ་རེད།
དེ་ལས་མང་བ་། “༸གོང་ས་མཆོག་གིས་“སྲིད་དབང་གསོལ་བསྩལ་”གྱི་དགོངས་དོན་གླེང་བ། དང་པོ།” »
སྐལ་བཟང་ཉི་མ། ཤེས་རབ་དགའ་ཚལ་གླིང་།
གཅིག
ཆུང་ཆུང་བྱིས་པའི་དུས་སུ། ཁྱིམ་གྱི་ཀོ་ཐུམ་ཅན་གྱི་རླུང་འཕྲིན་ཚི་སྟུག་མ་དེ་ལས། རྔ་བ་ན་ཚོང་བ་མང་གི་ཞེས་འོར་དང་ཡང་གིས་གྲགས་ཡོང་བ་དེ་ནི། ངའི་རྣ་ལམ་དུ་རྔ་བ་ཟེར་བ་ཞིག་འཁྱེར་ནས་ཡོང་མཁན་གྱི་དབྱར་ཐོག་མའི་འབྲུག་སྒྲ་ཡིན་ཞིང་། ངའི་སེམས་སུ་རྔ་བ་ཟེར་བ་ཞིག་འཇགས་སུ་འཇུག་མཁན་གྱི་སྒྲ་དབྱངས་ཆེས་ཐོག་མའང་དེ་ཡིན་མོད། དེ་ནི་ཨ་ཁུ་སྨན་བླའི་ཁ་ཤགས་ཀྱི་དགོད་བྲོ་བའི་ཚིག་གི་རོལ་རྩེད་དང་ངག་གི་འགྱུར་ཁུག་ལས་ཐོས་པ་ཡིན་པས། སྐབས་དེར་ངའི་རྣ་ལམ་དུ་རྔ་བ་ཟེར་བ་ནི་དགོད་སྤྱད་ཅིག་ལས་ཅི་ཡང་མིན་ལ། ངའི་སེམས་ནའང་རྔ་བ་ཟེར་བ་དེར་གོ་བ་ཅི་ཡང་མེད།