གངས་རི་སྐྱབས།

ཡིད་དུ་མི་ཤོང་བ་ནི་བཙན་བྱོལ་བོད་གཞུང་གི་མཚན་བྱང་བསྒྱུར་བཅོས་གནང་བ་འདི་རེད། འདི་བསྒྱུར་བ་ཙམ་གྱིས་ང་ཚོ་གཉིད་ཐུམ་རེ་ལེན་བྱེད་ཅིག་ཏུ་འགྲོ་ན་ཐང་མོད། གཟི་འོད་རྣམ་པར་འཕྲོ་ཞིང་དཔང་མཐོ་བའི་བོད་མི་རིགས་ཀྱི་ལོ་རྒྱུས་ལ་གཏོར་བརླག་ཚབས་ཆེན་བཟོས་པ་ཞིག་ཏུ་མཐོང་། ང་ཚོའི་ཆེད་དུ་མྱི་སྲོག་བློས་གཏོང་སྒོས་དམར་གསོད་གཏོང་དུ་བཅུགས་ཟིན་པ། ད་ལྟ་གཏོང་བཞིན་པ། མ་འོངས་གཏོང་དུ་འཇུག་པར་དཔའ་མི་ཞིམ་པའི་བོད་གཞིས་ལུས་པ་དག་ལ་ངོ་གནོང་དགོས་པ་དང་། རྒྱལ་གཅེས་དཔའ་བོ་དཔའ་མོ་དག་གི་ཚེ་སྲོག་དོར་བར་ཕངས་སེམས་སྐྱེས་པ། ཡུན་རིང་དྲ་བའི་བརྒྱུད་ལམ་ནས་འདྲིས་གཤིབ་ཆེ་བའི་གཞིས་ལུས་ཤེས་ཡོན་པ་ཚོའི་རྩེད་མཚར་ཀུ་རེ་ལའང་ཁ་སང་དེ་རིང་ལན་མ་རྙེད་པར་བསྡད་ཡོད།

དེ་ལས་མང་བ་། “སྒོ་གཏན་ཚར་བའི་བཙན་བྱོལ་བོད་གཞུང་།” »

—— འགར་ཚེ་རྒྱལ།
རྟེན་ཅིང་འབྲེལ་བ་ནི་ཆོས་དང་འཇིག་རྟེན་གཉིས་ཀྱི་ངོས་ཐད་ནས་ངེས་པ་དོན་གྱིས་དགོས་པ་ཞིག་རེད་མོད། འོན་ཀྱང་མི་ཞིག་ཡིན་ཕྱིན་རང་ཉིད་གཞན་སུའི་ལད་རྗེས་སུ་འབྲང་ཆོག་ཆོག་མིན་པའི་རང་ཚུགས་བརྟན་པོ་ཐུབ་པའི་རང་རྟོན་གྱི་བསམ་བློ་ཞིག་ཅིས་ཀྱང་དགོས་ངེས།
—— སྔོན་འགྲོའི་གཏམ་དུ།
ཅི་སྟེ་འུ་ཚོ་མི་རབས་གསར་པ་ནི་སྤྱི་ཚོགས་ཆུང་ཆུང་འདིའི་ཁྲོད་ཡག་སྡུག་ཅི་ཞིག་ཡོད་ན་མ་གསང་མ་སྦས་པར་ཕན་ཚན་ལ་བསམ་བློ་བརྗེ་རེས་དང་རིག་པ་སྐོར་བསྡུར་བྱེད་མཁན་གྱི་དུས་མཉམ་མི་རབས་ཤིག་ཡིན་པའི་འདུ་ཤེས་བཟུང་ནས་ཁོ་བོ་རང་སྣང་གི་བསམ་བྱ་འགའ་ལབ་གླེང་བྱེད་ཀྱི་ཡིན་མོད། འོན་ཏང་སུ་ཞིག་གི་ངོས་ཐད་ནས་ཅི་གང་ལ་མི་གཏོགས་པའི་བླུན་པོ་གནག་རྫིའི་འཆོལ་གཏམ་དང་། སུ་གང་ལ་མི་ཐེ་བའི་སྨྱོན་པའི་ལབ་བརྡོལ། ཚིག་གནད་ལ་མི་ཕོག་པའི་དགྲ་བོའི་རྒོལ་གཏམ་གང་དུ་ངོས་བཟུང་ཆོག
དེང་སྐབས་འུ་ཅག་མི་རབས་རྗེས་མའམ་ན་གཞོན་གསར་པའི་ནང་མང་པོ་ཞིག་ནས་དམིགས་ཡུལ་ཞིག་རྙེད་སོང་བ་དང༌།

དེ་ལས་མང་བ་། “ལད་ཟློས་རང་བཞིན་གྱི་འགུལ་སྟངས།” »

༼ རྒྱལ་ཡོངས་ཚོགས་ཆེན་ཐེངས་གཉིས་པ་ལས་འཕྲོས་པའི་བསམ་ཚུལ།༽
ཁག་དང་པོ།
ཤར་ཕྱོགས་ཁུག་རྟ།
༧གོང་ས་ཆེན་པོར་ངོ་བསྟོད་ཙམ་གྱི་ཚོགས་ཆེན་ཐེངས་གཉིས་པ་དེ་རྒྱལ་ཁའི་ངང་མཇུག་རྫོགས་སོང་ཟེར། ཁོ་བོ་ཚོགས་ཆེན་དུ་ཞུགས་སྐལ་ཐོབ་པ་དང་། ཚོགས་འདུའི་གྲོས་གཞི་ལ་རྒྱུས་མངའ་མི་ཉུང་ཙམ་བྱུང་བས་ཚོགས་ཆེན་ཐེངས་གཉིས་པའི་སྔ་ཕྱིའི་གནས་ཚུལ་ལ་རྒྱུས་ཡོད་ཆེ་ཤོས་ཀྱི་གྲས་ཡིན། ཚོགས་ཆེན་འདི་དང་འབྲེལ་བའི་གསུང་འཕྲིན་རིན་པོ་ཆེ་ཐོག་མར་ཕེབས་དུས་ནས་ང་རང་ལ་མཚོན་ན། བསྐྱར་བཅོས་ཀྱི་དུས་ཡུན་ནི་དུས་ཚོད་ངེས་ཅན་དགོས་པར་སེམས་མཁན་གྱི་གྲས་ཡིན་ལ། ༧གོང་ས་མཆོག་གི་གསུང་འཕྲིན་རིན་པོ་ཆེར་གསལ་བའི་མི་མང་གི་གནས་ཚད་སྨིན་པར་ངོས་འཛིན་གནང་བར་གོ་བ་མ་ལོན་པ་ནི་ད་དུང་ཡང་ནག་ཁུངས་རང་ཡིན།

དེ་ལས་མང་བ་། “གྲྭ་ཆས་དང་ཕྱུ་པ།” »

རིག་འཛིན་མཚོ། བོད་འབྱོར།

ལོ་དུ་མའི་སྔོན་ནས་དམངས་ཀྱིས་ཐད་འདེམས་བྱས་པའི་བཀའ་ཁྲི་བཀའ་ཤག་ཏུ་ཕེབས་པ་ནས་བཟུང་༧གོང་ས་མཆོག་གིས་ཕྱེད་རྒན་ཡོལ་བྱས་ཡོད་ཅེས་ཐེངས་མང་གསུངས་པ་བཞིན། བཙན་བྱོལ་གཞུང་གི་ལས་གནས་ཆེ་ཕྲ་མང་པོ་ཞིག་བཀའ་ཁྲི་མཆོག་གིས་འབད་པས་སྒྲུབ་དགོས་པར་གྱུར་ཡོད་ལ། ཁོང་གིས་ཀྱང་རང་ཉིད་ལ་སྒོ་ཕྱེ་ཆོག་ཆོག་གི་བླ་བྲང་ཕར་ཞོག་སྡོད་ཤག་ཅིག་ཀྱང་བློ་ལ་མ་འཁོར་བར་དབུ་སྐྲའི་ཁ་མདོག་ཡོངས་སུ་བརྗེ་བའི་བར་དབུས་གངས་ཅན་སྐྱིད་གཤོང་ནས་འཛམ་གླིང་ཤར་ནུབ་ཀུན་ཏུ་གནས་པའི་བོད་པ་དག་གི་བདེ་སྡུག་ཆེད་དཀའ་བ་ཁྱད་བསད་ཀྱིས་འབད་པ་བྱས་ཡོད་ཁར། འཛམ་གླིང་མི་མང་གི་མིག་མདུན་དུ་རྒྱལ་ཁབ་མེད་པའི་བཀའ་ཁྲིའམ་ཐུན་མིན་གྱི་སྲིད་བློན་ཞིག་གི་སྣང་བརྙན་གསར་བཞེངས་བྱས་ཡོད།

དེ་ལས་མང་བ་། “ང་ལ་འདི་འདྲ་ཞིག་བཤད་འདོད་སྐྱེས།” »

འཇམ་དཔལ་ཚུལ་ཁྲིམས།
ཉེ་ཆར་བོད་ཀྱི་ལོ་རྒྱུས་ཀྱི་འགྱུར་འཚམས་ཧ་ཅང་གལ་ཆེན་གྱི་དུས་སྐབས་སུ་ང་རང་ཉིད་ལ་མཚོན་ན་༧གོང་ས་མཆོག་གི་སྐུ་དབང་མེད་པར་གྱུར་བ་ལས་བཙན་བྱོལ་བོད་གཞུང་གི་མིང་འདི་མེད་པར་གྱུར་བ་ལ་སེམས་སྡུག་དང་། འགྱོད་པ། ཡིད་ཆད། སོགས་རྒྱ་མཚོའི་རླབས་བཞིན་བྱུང་སོང་།
ཟིན་བྲིས་ཚོགས་ཆུང་གིས་“བཙན་བྱོལ་བོད་གཞུང་”་ཞེས་བསུབ་ནས་དེའི་ཚབ་ཏུ་“བཙན་བྱོལ་བོད་མིའི་གཞུང་གི་སྒྲིག་འཛུགས།”ཞེས་པའི་མིང་འདི་ འཇོག་རྒྱུར་གྲོས་བཏོན། དེ་ལ་བདག་སོགས་ཀྱིས་བློ་རུ་མ་བབ་པའི་དབང་གིས་འུར་སྒྲ་མང་ཙམ་བརྒྱབས་ནས་། ནམ་གྱེན་ལང་གི་གསོལ་བ་འདེབས་ས། མུན་ཐུར་རུབ་ཀྱི་བསམ་བློ་བཏང་མཐར་། གཞུང་མང་རྒྱལ་ཡོངས་ཚོགས་ཆེན་གཉིས་པའི་སྐབས་སུ་“བཙན་བྱོལ་བོད་གཞུང་།”ཞེས་པ་རང་འཇགས་འཇོག་རྒྱུར་སྤྱི་མོས་བྱུང་། གཏམ་བཟང་འདི་གོ་བ་དང་ཁོ་བོས་ད་ལན‘མིས་བསམ་སར་རྟ་ཡིས་སྤོས’་སོང་བསམ་ནས་ཡིད་སེམས་སྤྲོ་བས་ཧ་ཅང་བརྟས།

དེ་ལས་མང་བ་། “གངས་ལྗོངས་ཀྱི་གོ་དོན་མ་རྟོགས་པའི་བོད་པ།” »

བསམ་གླིང་ཚེ་རིང་ལྷ་མོ།

རོལ་དབྱངས་ནི་དུས་ཚོད་སྟོང་པའམ་ལྷོད་ལྷོད་ཡིན་པའི་སྐབས་ལ་ཉན་པའི་ཡིད་ཀྱི་འགྱུར་ཁུག་ཅིག་སྟེ། བདེ་བ་ནས་བདེ་བར་སིམ་ཐུབ་པའི་ཆོ་ག་ཞིག་རེད་ཅེས་བརྗོད་འདོད། གལ་སྲིད་བར་སེང་མེད་པའམ། རྟག་ཏུ་བྲེལ་འཚུབ་ཁོ་ན་ལས་མ་འདས་ན་ཡིད་གར་སིམ་པའི་རོལ་དབྱངས་ཤིག་ཉན་ཁོམ་ག་ལ་ཡོད།

དེ་ལས་མང་བ་། “རོལ་དབྱངས།” »

གཡང་སྐྱབས་རྒྱལ་གྱིས།
————————-

དུས་བབ་ཀྱི་གསར་འགྱུར་ “དེ་རིང་༼ བོད་མིའི་སྒྲིག་འཛུགས ༽ཞེས་གཏན་ཁེལ་ཐལ།” ཞེས་པ་ལན་གཅིག་བཀླགས་ཏེ་བསམ་ཚུལ་འདི་བརྗོད་དགོས་བྱུང་། གངས་སྐྱིད་དུ་མི་ཚེ་བསྐྱལ་མཁན་ཞིག་ཡིན་ཚེ། “གཞན་དབང་སྟབས་བསྟུན་”ཞེས་པའི་མིང་ཚིག་འདི་ཡང་ཡང་ཐོས་པར་འགྱུར། ཚིག་འདི་ནི་བོད་མི་ལ་འདོད་པ་ཡོད་པའི་ལས་ཀ་ཞིག་ཡུལ་ཁྲིམས་སམ་ཡུལ་ལུང་གི་དབང་ཤུགས་ཀྱིས་བྱེད་མ་ཐུབ་པའི་སྐབས་སུ་བེད་སྤྱོད་བྱེད་ལ། འདི་ནི་ལས་དོན་གང་ཞིག་སྒྲུབ་མ་ནུས་པའམ་སྒྲུབ་རྒྱུར་འཐུས་ཤོར་ཕྱིན་སྐབས་ ཁག་འགེལ་བྱེད་སའི་མིང་ཚིག་ལྟེ་བ་ཞིག་ཀྱང་ཡིན།

དེ་ལས་མང་བ་། ““གཞན་དབང་སྟབས་བསྟུན་”གྱི་དབུགས་ཐེངས་གཅིག” »

བསྟན་འཛིན་ཐོས་བསམ།

བོད་པ་ཚོས་ཡོངས་གྲགས་སུ་སྨྲ་ཞིང་སྤྱི་གཙུག་གི་རྒྱན་བཞིན་བརྩི་བའི་ཆོས་སྲིད་ཟུང་འབྲེལ་གྱི་གཞུང་འཛིན་ཆབ་སྲིད་ཀྱི་ལམ་ལུགས་དེ་ལྟ་གྲུབ་བམ་རིགས་པའི་གཞུང་ལུགས་ཤིག་གི་ངོས་ནས་དཔྱད་པ་བྱས་ན་དགེ་སྡིག་ལེགས་ཉེས་ཀྱི་དབྱེ་བ་འབྱེད་དགོས་དོན་དེ་ཙམ་ཡོད་ཚོད་མི་འདུག ཡིན་ན་ཡང་ང་ཚོ་བོད་པ་ཚོས་ལམ་ལུགས་དེ་ལག་ལེན་བསྟར་སྟངས་ཀྱི་ལོ་རྒྱུས་རིང་པོ་དེ་ལ་ཕྱི་མིག་ཅིག་བལྟས་ན། བོད་ལ་ཆོས་སྲིད་གཉིས་དེ་གཅིག་ཤོས་གཅིག་གྲོགས་སུ་འགྲོ་བའི་ཆོས་སྲིད་ཟུང་འབྲེལ་ཡང་དག་པ་ཞིག་བྱུང་ཡོད་མེད་ བརྟག་ཞིབ་ཅུང་ཟད་བྱས་ན་ཀུན་གྱི་རྒྱུད་ལ་དངོས་སྟོབས་ཚད་མ་ཞིག་ཡོད་པ་ངོ་འཕྲོད་ཐུབ་སྙམ།

དེ་ལས་མང་བ་། “ཆོས་སྲིད་ཟུང་འབྲེལ་སྐོར་གྱི་དཔྱད་པ་རགས་པ།” »

ཨ་རིག་དགེ་མཐོང་།

ཉེ་ཆར་ཁོ་བོ་རྒྱ་གར་གྱི་རྒྱལ་ས་ལྡི་ལི་དང་ཧི་མ་ཅལ་མངའ་སྡེའི་བྱང་ཕྱོགས་ངྷ་རམ་ས་སོགས་ལ་ལས་དོན་ཞིག་གི་ཆེད་དུ་སོང་ཡིན། སྐབས་དེར་རྩོམ་གྲོགས་དང་དྲ་གྲོགས། བློས་ཐུབ་གྲོགས་པོ་དང་ཤ་ཉེ། ས་ཕྱོགས་གཅིག་པའི་ཡུལ་མི་གང་མང་ཞིག་ལ་ཐུག་འཕྲད་བྱུང་བ་དང་། ཕན་ཚུན་ལ་བདེ་སྡུག་བརྗོད་ནས་སྐྱིད་པོ་ལྟ་བུ་བྱུང་། ཕྲན་གྱི་ས་མཐའི་སྤུན་གྲོགས་ཤིག་གི་ནང་དུ་རྨ་ཆུའི་བསམ་གཏན་གྱི་དཔྱད་རྩོམ་དེབ་༼ བོད་ལ་ལྟ་བ༽་ཞེས་པ་དེ་འདུག ངས་ཁོ་ལ་འདི་ང་ལ་སྤྲད་ན་ཆོག་གམ་ཞེས་ལབ་ཡིན། ཁོས་འགྲིག་གི་རེད་ཟེར། ང་ལ་མཚོན་ན་དེབ་དེ་ཀློག་འདོད་ཀྱི་འདུན་པ་དྲག་ཏུ་འཕྱུར་ན་ཡང་། གནས་སྐབས་རྒྱབ་ཁུག་ནང་དུ་བཅུགས་ནས་བལྟས་མེད།

དེ་ལས་མང་བ་། “བོད་ལ་ལྟ་བ་བཀླགས་ནས།” »

ཁྲིམས་རྩོད་པ་ཟུར་བ་ཕུར་བུ་རྡོ་རྗེ།

ཕྱི་ལོ་༢༠༡༡ ལོའི་ཟླ་༣ པའི་ཚེས་༡༤ ཉིན་༧སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་བཅའ་ཁྲིམས་ཀྱི་སྒྲོམ་གཞི་ལ་འགྱུར་བ་བཏང་ནས་ཆབ་སྲིད་དང་འཛིན་སྐྱོང་གི་འགོ་ཁྲིད་མང་ཚོགས་ཀྱིས་འོས་འདེམས་བྱས་པའི་མི་སྣས་དུས་ཡུན་ངེས་ཅན་དུ་བྱ་རྒྱུའི་ཆ་རྐྱེན་བསྐྲུན་ཏེ་བཅའ་ཁྲིམས་ཡུལ་མིའི་རྒྱལ་ཁབ་ཀྱི་སྒྲོམ་གཞི་དང་མཐུན་པ་ཞིག་ངེས་པར་བཟོ་དགོས་ཞེས་བཀའ་ཕེབས་ཡོད། དེར་བརྟེན། ༧གོང་ས་མཆོག་གིས་ཆབ་སྲིད་ཀྱི་འགན་དབང་མི་བཞེས་རྒྱུའི་ཐུགས་ཐག་བཅད་པ་དེར་གཞིས་བྱེས་བོད་མི་ཡོངས་ལ་སེམས་འཚབ་བྱུང་བ་ཇི་བཞིན་དུ་བོད་མི་མང་སྤྱི་འཐུས་ལྷན་ཚོགས་ནས་གསོལ་བ་ཕུར་ཚུགས་བཏབ་པ་དེ་ནི་ཧ་ཅང་གི་དགོས་ངེས་ཤིག་དང་བསྟོད་བསྔགས་བྱེད་འོས་པ་ཞིག་ཀྱང་རེད།

དེ་ལས་མང་བ་། “གཞི་རིམ་མང་གཙོའི་ལྟ་གྲུབ་ལ་སྲུང་སྐྱོབ།” »

བསྟན་འཛིན་ཐོས་བསམ།
སྤྱི་ལོ་ ༢༠༡༡ ཟླ་ བ ༥ཚེས་༨ ཉིན་ཨ་རིའི་སྙན་གྲགས་ཅན་གྱི་ཝིར་ཇི་ནི་ཡ་མཐོ་སློབ་ཆེན་མོར་བོད་མི་ཤེས་ཡོན་ཅན་ཁག་ཅིག་གིས་ད་ལྟའི་བཙན་བྱོལ་བོད་མིའི་བཅའ་ཁྲིམས་བསྐྱར་བཅོས་ཀྱི་ལས་དོན་དེ་དང་འབྲེལ་ཡོད་ཀྱི་བགྲོ་གླེང་ཚོགས་འདུ་ཞིག་བསྐོངས་པ་ཡིན། སྐབས་འདིའི་ཚོགས་ཞུགས་པ་ཚོས་ཐུགས་ཁུར་བཞེས་ཕྱོགས་དང་དམིགས་བསལ་གྱི་འབྲེལ་བ་ཡོད་པར་བརྟེན། ཕྱི་ཚེས་༧ཉིན་གྱི་དགུང་དྲོར་ཁྲིམས་ལུགས་མཁས་དབང་གྲགས་ཅན་དང་སློབ་ཆེན་དེའི་རྩ་ཁྲིམས་གྱི་སློབ་དཔོན་ཆེན་པོ་ཇན་མེ་སི་རོན་ཡན་(James E Ryan)གདན་དྲང་ནས་ཚོགས་ཞུགས་པ་ཚོ་ལ་རྩ་ཁྲིམས་ཀྱི་ངོ་བོ་དང་། བྱེད་ལས།གྲུབ་ཆ་བཅས་ཐད་གསུང་བཤད་གལ་ཆེན་གནང་ཡོད། བགྲོ་གླེང་ནང་དངོས་སུ་མཉམ་ཞུགས་གནང་མཁན་ཨ་རིའི་རྒྱལ་ས་ཝཱ་ཤིན་ཏོན་དང་། ནིའུ་ཡོག་གྲོང་ཁྱེར་ནས་ཕེབས་ཡོད་པར་མ་ཟད། བོད་བཙན་བྱོལ་གཞུང་གི་བཀའ་བློན་ཁྲི་ཟུར་བཀྲས་མཐོང་བསྟན་འཛིན་རྣམ་རྒྱལ་མཆོག་དང་རྒྱ་ནག་སྲིད་དོན་ཁྱད་མཁས་པ་སྐྱབས་རྗེ་ཨ་ཀྱཱ་རིན་པོ་ཆེ་མཆོག་གཉིས་ཀྱིས་ཀྱང་སྔ་རྗེས་སུ་(Skype)དྲ་བརྙན་བརྒྱུད་དེ་མཉམ་བཞུགས་གནང་ཡོད།
 

དེ་ལས་མང་བ་། “རྒྱལ་ཡོངས་ཚོཊ་ཆེན་ལ་ཕུལ་བའི་བསམ་འཆར།” »