གཡང་སྐྱབས་རྒྱལ།
———————

དེ་རིང་བོད་ཀྱི་དྲ་བརྙན་བརྒྱུད་ནས་ བཀའ་བློན་ཁྲི་པ་མཆོག་གིས་ “བོད་གཞུང་”དང་འབྲེལ་བའི་གསལ་བཤད་གནང་བ་དེར་ཉན་པ་ཡིན། ཁོང་གིས་ ཐེངས་འདིའི་བཅའ་ཁྲིམས་བསྐྱར་བཅོས་ཀྱི་རིམ་པ་དེ་གཙོ་བོར་༧གོང་ས་མཆོག་གི་སྐུ་དབང་ཕྱིར་བསྡུ་ལ་དམིགས་ཡོད་ཅེས་གསུངས་ནས། “བོད་གཞུང་”དེ་ “བོད་མིའི་སྒྲིག་འཛུགས་”ཞེས་བསྒྱུར་བ་ནི་ཞོར་འཕྲོས་སུ་སོང་བ་ཡིན་པ་ལྟ་བུ་ཞིག་གསུངས་སོང་། དེ་ཡང་། བོད་མི་དམངས་ལ་འདོད་པ་མེད་ན་སྐབས་བཅོ་ལྔ་པའི་སྤྱི་འཐུས་ཀྱིས་བསྐྱར་བཅོས་བྱེད་ཆོག་གི་རེད་ཅེས་གསུངས་སོང་།

དེ་ལས་མང་བ་། “བོད་གཞུང་ ཐ་སྙད་ཅིག་མ་རེད།” »

(རིག་གསར་དང་འབྲེལ་བའི་དེང་རབས་བོད་ཀྱི་རྩོམ་རིག་ལ་དཔྱད་པ་བྱ་རོག་སོ་རྟོག་གི་བསྟན་བཅོས། སྨད་ཆ།)
བོང་རྫི།

ལང་ཚོ་རྦབ་ཆུ།
གསར་བརྗེ་བ་ཚོས་དོན་གྲུབ་རྒྱལ་གྱིས་༡༩༨༣ལོའི་སྤྲང་ཆར་དེབ་གསུམ་པའི་སྟེང་བཀོད་པའི་ལང་ཚོ་རྦབ་ཆུ་གླེང་དུས། སྤོབས་པ་ཆེན་པོ་དང།འཛེམ་དོགས་ཅི་ཡང་མེད་པར “བོད་ཀྱི་སྙན་ངག་གསར་པ”དང་ “གསར་གཏོད”་དང། ༼བདུད་ལྷ་རྒྱལ། ཚེ་གྲུབ་༽སོགས་ཀྱིས་ཚིག་བཀོད་ནས། ལང་ཚོ་རྦབ་ཆུ་འདིའི་ཚིག་གི་གཅོད་སྟངས་དང། ངག་གི་འགྱུར་བ་སོགས་སྔོན་གྱི་བོད་ཀྱི་རྩོམ་སྲོལ་དང་མི་འདྲ་བར། དུས་རབས་གསར་པའི་སྙན་རྩོམ་ཞིག་གོ་ཞེས་འུད་སྒྲོག་ཆེན་པོ་བྱེད་ཀྱིན་འདུག་པ་མ་ཟད། རྩོམ་དེ་སྤྲང་ཆར་སོགས་སུ་བཀོད་མ་ཐག་ཏུ་མཚོ་སྔོན་རྒྱང་བསྒྲགས་ལས་ཁུངས་ཀྱིས་རྩོམ་དེ་དབྱངས་སུ་ཕབ་ནས་གྱེར་འདོན་བྱས་པ་དང། ལོ་རབས་བརྒྱད་དང་དགུ་བཅུའི་མགོ་སྟོད་དུ་རྒྱང་བསྒྲགས་ལས་ཁུངས་སུ་ཐེངས་མང་པོ་རྒྱང་བསྒྲགས་བྱས་ཏེ། ཕལ་ཆེར་ཨམ་སྐད་ཤོད་ཤེས་བ་ཞིག་ཡིན་ན།མ་གོ་བ་མེད་པ་ལྟ་བུ་ཞིག་ཆགས་བསྡད་བཅུགས། དེ་བཞིན་ལང་ཚོའི་རྦབ་ཆུའི་རྗེས་སུ་བདུད་ལྷ་རྒྱལ་གྱིས་སྐད་ཆ་དྲངས་ནས་བཤད་ན། “བོད་ཀྱི་སྙན་ངག་གསར་བའང་རབ་དང་རིམ་པར་བྱུང”། ལང་ཚོ་རྦབ་ཆུ་དང་ལད་ཟློས་བྱས་ཏེ་ “རང་མོས་སྙན་ངག”་ཅེས་མིང་བཏགས་པའི་སྙན་ངག་མང་པོ་ཐོན།

དེ་ལས་མང་བ་། “དེང་རབས་བོད་ཀྱི་རྩོམ་རིག་ལ་དཔྱད་པ” »

ཕུན་ཚོགས།

བོད་པ་བཙན་བྱོལ་བ་རྣམས་རྒྱ་ནག་དོན་གཅོད་ཁང་བརྒྱུད་ཕྱིར་བོད་དུ་ལོག་ཆོག་པའི་མཐོང་མཆན་སྤྲོད་ཀྱིན་པའི་སྲིད་བྱུས་ལ་རགས་དཔྱད།

ཉེ་བའི་ཆར་རྒྱ་ནག་གི་དོན་གཅོད་ཁང་བརྒྱུད་བོད་དུ་ལོག་མཁན་བོད་མི་རྣམས་ལ་མཐོང་མཆན་སྤྲོད་པ་དང་སྣེ་ལེན་གཟབ་རྒྱས་བྱེད་ཀྱིན་པའི་སྲིད་བྱུས་གཏིང་མི་ཚུགས་པ་ཞིག་སྤེལ་གྱིན་ཡོད་པ་འདི་ནི། རྒྱ་ནག་གི་རྩོམ་པ་པོ་ཁ་ཤས་ཀྱིས་བོད་ཐོག་འཛིན་པའི་སྲིད་བྱུས་ལ་སྤྱི་ལོ༢༠༠༩ལོའི་ལོ་མཇུག་ནས་གློ་བུར་བསྒྱུར་བཅོས་ཆེན་པོ་བཏང་བ་ལྟ་བུའི་ངོས་འཛིན་བྱེད་ཀྱིན་ཡོད་ཀྱང་། རྩ་བའི་ཆ་ནས་རྒྱ་ནག་གཞུང་གིས་བོད་གཙོས་པའི་གྲངས་ཉུང་མི་རིགས་ཁག་ལ་འཛིན་པའི་སྲིད་བྱུས་ལ་འགྱུར་བ་གང་ཡང་བཏང་མེད་ལ། རྒྱ་གཞུང་གི་དམིགས་ཡུལ་དང་ཕུགས་བསམ་གྱི་ངོས་ནས་ཀྱང་བསྒྱུར་བཅོས་གང་ཡང་བཏང་མེད་མོད། འོན་ཀྱང་ཉེ་བའི་ཆར་རྒྱ་ནག་གཞུང་གིས་བོད་གཙོས་པའི་གྲངས་ཉུང་མི་རིགས་ཁག་ལ་འཛིན་པའི་སྲིད་བྱུས་སྤེལ་ཐབས་ཁྱད་པར་པ་དང་། ཡང་ན་ཐོག་མ་ནས་བཟུང་དང་འཛིན་བཞིན་པའི་སྲིད་བྱུས་ཀྱི་དམིགས་ཡུལ་འགྲུབ་ཐབས་ཆེད། སྲིད་བྱུས་སྤེལ་ཐབས་དམིགས་བསལ་བ་དང་མ་འདྲ་བ་དུ་མ་རབས་དང་རིམ་པར་འབྱུང་གིན་པ་འདི་ནི་འུ་ཚོས་མིག་འོག་ནས་འབོར་མི་ཉན་ཞིང་། དཔྱད་པས་གཡོལ་མི་རུང་པའི་གནད་འགག་གལ་ཆེན་དག་ཡིན།

དེ་ལས་མང་བ་། “གྲིབ་ཡོར་མག་མོག་འོག་གི་བོད།” »

ལྷ་ཆབ་སྦྱིན་པ།

ལོ་ངོ་དུ་མའི་ཡར་སྔོན་ཞིག་ལ། བདག་གི་གྲོགས་པོ་ཞིག་གིས་བོད་པའི་གཞོན་སྐྱེས་སྙན་ངག་པ་ཞིག་གིས་དབྱིན་ཡིག་གི་སྟེང་ནས་སྙན་དེབ་ཅིག་བཏོན་འདུག དེབ་ཀྱི་ཁ་བྱང་ལ་《སྐོར་བ》ཟེར་ཞེས་ང་ལ་ལབ་སོང་། དེ་དུས་བདག་གི་སེམས་ནས་ཡི་རངས་ཤིག་སྐྱེས་མྱོང་། དེའི་རྗེས་ནས་གཞོན་སྐྱེས་སྙན་ངག་པ་ཁོང་གི་སྐོར་མང་དུ་ཤེས་པའི་རེ་བ་བཟུང་མྱོང་བ་ལྟར། དགྱ་ནག་གི་དཔོན་རིགས་ཤིག་རྒྱ་གར་དུ་འཚམས་གཟིགས་ལ་ཡོང་བའི་སྐབས་དང་བསྟུན་ནས་ཁོང་གིས་ཁང་བརྩེགས་མཐོན་པོ་ཞིག་གི་སྒང་ལ་འཛེག་སྟེ་བོད་ཀྱི་རྒྱལ་དར་འཕྱར་ནས་ངོ་རྒོལ་བྱས་པའི་གསར་འགྱུར་དང་པར་བཅས་གསར་འགྱུར་བརྒྱུད་ལམ་ཁག་ནས་ཐོན་བྱུང་། དུས་དེ་ནས་བསྟན་འཛིན་བརྩོན་འགྲུས་ཟེར་བའི་གཞོན་སྐྱེས་ཤེས་ཡོན་དང་་ལྷག་བསམ་གཉིས་ལྡན་གྱི་སྐྱེས་བུ་ཞིག་ཡོད་པར་སྤོབས་པ་སྐྱེས་མྱོང་།

དེ་ལས་མང་བ་། “བཙན་བྱོལ་གྱི་དབྱིན་ཡིག་སྙན་ངག་པ་བསྟན་འཛིན་བརྩོན་འགྲུས་གླེང་བ།” »

གཡང་སྐྱབས་རྒྱལ།
————————–
ང་མགོ་འཐོམས་པ་ནི་ ལམ་གྱི་བཞི་མདོ་ཞིག་ལ་སླེབས་ནས་ཕྱོགས་གང་དུ་བསྐྱོད་རྒྱུ་མ་ཤེས་ནས་མགོ་འཐོམས་པ་དེ་མ་རེད། ང་མགོ་འཐོམས་པ་ནི་ལམ་གྱི་དཀྱིལ་ནས་ཤར་བསྐྱོད་བྱེད་སྐབས་མགོ་ཡོམ་ཞིག་འཁོར་ཏེ་མགོ་འཐོམས་པ་དེ་རེད། གཅིག་བྱས་ན་ཁྲག་ཤེད་མཐོ་དྲགས་པ་ཡིན་ནམ། གཅིག་བྱས་ན་ངོས་མ་ཟིན་པའི་ན་ཚ་ལྗིད་པོ་ཞིག་གིས་ཟིན་པ་ཡིན་ནམ། ང་མགོ་འཐོམས་འདུག

ངས་ བོད་ལ་ཤ་ཚ་མཁན་གྱི་མི་ཞིག་བཙལ། བོད་དང་བོད་མི་ལ་ཤ་ཚ་མཁན་གྱི་མི་ཞིག་བཙལ། ང་༧རྒྱལ་བ་རིན་པོ་ཆེ་ལ་ཐེངས་མ་འགའ་མཇལ་མྱོང་། ཐེངས་མ་གཅིག་ནི་ཧ་ཅང་ནང་མོལ་གྱི་མཇལ་ཁ་ཞིག་ཡིན། ངས་ བོད་ལ་ཤ་ཚ་བྱེད་མཁན་གྱི་ཁྲོད་ནས་ ༧རྒྱལ་བ་རིན་པོ་ཆེ་ལས་ལྷག་ཅིག་རྙེད་མི་ཐུབ། འདི་ནི་སྤྱན་རས་གཟིགས་དང་གངས་ཅན་བོད་ཀྱི་འབྲེལ་བ་དེ་མ་རེད། འདི་ནི་ཆུང་བྱིས་པ་ནས་བོད་མི་རིགས་འདི་སྐྱོབ་རྒྱུའི་འགན་ཕྲག་ཏུ་བཞེས་པའི་ ༧རྒྱལ་བ་རིན་པོ་ཆེ་དང་བོད་མིའི་འབྲེལ་བ་རེད། ༧རྒྱལ་བ་རིན་པོ་ཆེས་བོད་ལ་མགོ་སྐོར་གཏོང་བ་དང་༧རྒྱལ་བ་རིན་པོ་ཆེས་བོད་ལ་ཤ་ཚ་བྱེད་གི་མ་རེད་ཅེས་བཤད་ན། ཉི་མ་དེ་ནས་བོད་ལ་ཤ་ཚ་མཁན་ཞིག་མེད་པ་རེད།

དེ་ལས་མང་བ་། “"༧གོང་ས་མཆོག་ལ་ཐུགས་ཁག་མི་འདུག"” »

གཡང་སྐྱབས་རྒྱལ།
————————–
ང་མགོ་འཐོམས་པ་ནི་ ལམ་གྱི་བཞི་མདོ་ཞིག་ལ་སླེབས་ནས་ཕྱོགས་གང་དུ་བསྐྱོད་རྒྱུ་མ་ཤེས་ནས་མགོ་འཐོམས་པ་དེ་མ་རེད། ང་མགོ་འཐོམས་པ་ནི་ལམ་གྱི་དཀྱིལ་ནས་ཤར་བསྐྱོད་བྱེད་སྐབས་མགོ་ཡོམ་ཞིག་འཁོར་ཏེ་མགོ་འཐོམས་པ་དེ་རེད། གཅིག་བྱས་ན་ཁྲག་ཤེད་མཐོ་དྲགས་པ་ཡིན་ནམ། གཅིག་བྱས་ན་ངོས་མ་ཟིན་པའི་ན་ཚ་ལྗིད་པོ་ཞིག་གིས་ཟིན་པ་ཡིན་ནམ། ང་མགོ་འཐོམས་འདུག

ངས་ བོད་ལ་ཤ་ཚ་མཁན་གྱི་མི་ཞིག་བཙལ། བོད་དང་བོད་མི་ལ་ཤ་ཚ་མཁན་གྱི་མི་ཞིག་བཙལ། ང་༧རྒྱལ་བ་རིན་པོ་ཆེ་ལ་ཐེངས་མ་འགའ་མཇལ་མྱོང་། ཐེངས་མ་གཅིག་ནི་ཧ་ཅང་ནང་མོལ་གྱི་མཇལ་ཁ་ཞིག་ཡིན། ངས་ བོད་ལ་ཤ་ཚ་བྱེད་མཁན་གྱི་ཁྲོད་ནས་ ༧རྒྱལ་བ་རིན་པོ་ཆེ་ལས་ལྷག་ཅིག་རྙེད་མི་ཐུབ། འདི་ནི་སྤྱན་རས་གཟིགས་དང་གངས་ཅན་བོད་ཀྱི་འབྲེལ་བ་དེ་མ་རེད། འདི་ནི་ཆུང་བྱིས་པ་ནས་བོད་མི་རིགས་འདི་སྐྱོབ་རྒྱུའི་འགན་ཕྲག་ཏུ་བཞེས་པའི་ ༧རྒྱལ་བ་རིན་པོ་ཆེ་དང་བོད་མིའི་འབྲེལ་བ་རེད། ༧རྒྱལ་བ་རིན་པོ་ཆེས་བོད་ལ་མགོ་སྐོར་གཏོང་བ་དང་༧རྒྱལ་བ་རིན་པོ་ཆེས་བོད་ལ་ཤ་ཚ་བྱེད་གི་མ་རེད་ཅེས་བཤད་ན། ཉི་མ་དེ་ནས་བོད་ལ་ཤ་ཚ་མཁན་ཞིག་མེད་པ་རེད།

དེ་ལས་མང་བ་། ““༧གོང་ས་མཆོག་ལ་ཐུགས་ཁག་མི་འདུག”” »

ལུང་རིགས་རྒྱལ་།

༡། རིན་པོ་ཆེ་རྣམ་གསུམ།

དུས་རབས་ཉི་ཤུ་ནས་ཉེར་གཅིག་གི་བར་དང་། ཡང་ན། ཉེ་རབས་ཀྱི་བོད་མི་རིགས་ཀྱི་ལོ་རྒྱུས་ཀྱི་དཀྱོགས་མཚམས་ཆེ་ཤོས་དེར་བྱོན་པའི་བོད་མིའི་དབུ་ཁྲིད་གལ་ཆེ་ཤོས་གཉིས་དེ་ཟླ་བ་འདིའི་ནང་དུ་དུས་མཉམ་དུ་བོད་མིའི་ཆབ་སྲིད་ཀྱི་ཁྲི་སྟེགས་ལས་ཕེབས། སྟེས་དབང་ལྟ་བུར། ཁོང་རྣམ་པ་གཉིས་ཀྱི་ལས་འཁྱུར་གྱི་དུས་སྐབས་དེ་ནི་བཙན་བྱོལ་བོད་མི་རྣམས་ཀྱིས་རང་དབང་དང་མང་མོས་ཀྱི་ཐོག་ནས་དབུ་ཁྲིད་ལོ་གཞོན་དང་དེང་རབས་ཀྱི་ཤེས་ཡོན་ལྡན་པ། ནུས་པ་དང་འཇོན་ཐང་ཅན་ཞིག་དགོས་པར་བློ་ཐག་གཙང་བཅད་བྱས་པའི་དུས་སྐབས་ལ་ཡང་འཁེལ། ད་དུང་བོད་མིའི་ཆབ་སྲིད་ཀྱི་འགྱུར་རིམ་འདི་ནི་མི་དགོས་ས་ནས་སྟབས་འཁེལ་ས་ཞིག་ནི། ཨ་རབ་ཀྱི་དཔྱིད་ཀ་སྟེ། དབུས་ཤར་ཨེ་ཤ་ཡའི་ནང་གི་གསར་བརྗེའི་འོས་ལངས་དང་འབྲེལ་བའི་སྲིད་དབང་རྩིས་སྤྲོད་དང་རང་དབང་རྩོད་ལེན་གྱི་སྐབས་ལ་ཡང་འཁེལ།

དེ་ལས་མང་བ་། “ཉིན་ཤས་རིང་གི་བོད་དོན་འགའ།” »

གངས་དཀར་རྒྱལ་སྲས།

དང་ཐོག་ངས་ཁྱོད་རང་མཐོང་དུས། ཁྱོད་རང་ཁྱི་ཕྲུག་མང་པོ་ཞིག་དང་ལྷན་དུ་སྡེ་བ་འདི་དང་ཐག་རིང་ས་ཞིག་ན་འདུག ངས་ཁྱོད་ལ་གཟན་ཅུང་ཙམ་རེ་སྤྲད་པ་ལ་བསྟེན་ནས་ཁྱོད་ཀྱིས་ང་ངོ་ཤེས་ཤིང། གང་ནས་མཐོང་ཡང་ངོ་ཤེས་མདོག་གིས་རྒྱུག་ཡོང་ཞིང། རྣམ་འགྱུར་སྙིང་རྗེ་བོ་སྣ་ཚོགས་བསྟན་ཡོང་བ་ལ་བསྟེན་ནས་ང་ཡང་ཁྱོད་ལ་་བརྩེ་བ་ཆགས། དེའི་རྐྱེན་གྱིས། ངའི་སེམས་ལ་ཁྱོད་རང་ཁྱི་ཕྲུག་བློ་གཏད་ཅན་ཞིག་རེད་བསམ་ཏེ་ཁྱོད་རང་གཏན་དུ་ཉར་དགོས་བསམ་ནས་བརྩེ་བ་ལྷད་མེད་ཅིག་གི་སྣེ་མོ་ཁྱོད་ལ་གཏད་པ་ཁྱོད་ཀྱིས་དྲན་སོས་སམ། དེ་ནས་བཟུང།

དེ་ལས་མང་བ་། “ཁྱི་དང་ཁྱིའི་བདག་པོ་ཚོའི་གཏམ་རྒྱུད།” »

རས་པ།

སུ་ཞིག་གིས་“སྟོང་པ་ཉིད་”དང་“ཆབ་སྲིད་”ཀྱི་གོ་དོན་ཐད་མཚུངས་གསལ་གྱི་འགྲེལ་བཤད་བྱེད་ཐུབ་ཀྱི་རེད། དེ་ནི་ཆབ་སྲིད་བསམ་བློའི་ཚད་གཞི་བྱེའུའི་ཀླད་པ་ཙམ་ལས་མེད་པའི་“འཁྲབ་དོ་འདྲ་ཆགས་”རེ་གཉིས་ཀྱི་བྱེད་སྟངས་ཡིན་ངེས་ཤིང་། “ལག་པ་མཆིན་བཅིངས་”ཀྱིས་འདུག་པར་དགའ་བའི་མི་རྣམས་ཀྱི་ནང་དུ་ཆབ་སྲིད་ནི་རྟོག་པ་མཐོ་བའི་མི་ཁོ་ནའི་སེམས་ཀྱི་ཚད་གཞིར་རུང་བར་རློམ་སེམས་བྱས་ཏེ་རང་ཉིད་ཀྱི་སྒལ་ཚིགས་དྲང་བོར་རྫུས་ཤིང་། རང་མགོ་མཐོན་པོ་བྱེད་པ་རེད། དོན་དངོས་བཤད་ན་ཆབ་སྲིད་ནི་རིག་གནས་ཤིག་ཡིན་ཞིང་། རིག་གནས་ནི་མི་རྣམས་ཀྱིས་ལས་དོན་སྒྲུབ་བྱེད་ཀྱི་ལག་ཆ་ཞིག་སྟེ། 《ཆབ་མདོའི་ཡིག་ཚང་རིན་ཆེན་སྤུངས་པ་》ཞེས་པར་“ཤེས་བྱའི་ཡུལ་ནི་མུན་ཁུང་གི་གསེར་དང་འདྲ་ལ་ཤེས་བྱེད་རིག་གནས་ནི་མུན་པ་བསལ་པའི་སྒྲོན་མེ་དང་ཆོས་མཚུངས་པས་ན་་།” ཞེས་གསལ་བཤད་གནང་ཡོད། འོན་ཀྱང་། གནས་ལུགས་འདི་ཚིག་མགོ་རེ་གཉིས་སྐྱོར་ནས་ཐམས་ཅད་ཁོངས་སུ་ཆུད་མདོག་སྟོན་པ་རྣམས་ཀྱིས་ཤེས་ཐབས་མེད་པ་རེད།

དེ་ལས་མང་བ་། ““འཁྲབ་དོ་”ནི་མའི་སྙིགས་རོ།” »

ལྷ་སྡེ་གནམ་ལོ་ཡག་དང་འབྲོག་མྱི་སྟག་ལྷ་རྒྱལ།
སྔོན་གླེང་།
“ཕྱི་ཚེས་ ༢༧ ཉིན་གྱི་སྐབས་བཅུ་བཞི་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་འཕར་མའི་ཉིན་གཉིས་པའི་སྟེང་། བཙན་བྱོལ་བོད་གཞུང་གི་ཚབ་ཏུ། ‘ བོད་མིའི་སྒྲིག་འཛུགས’ དང་། བོད་གཞུང་དགའ་ལྡན་ཕོ་བྲང་གི་ཚབ་ཏུ། ‘བདེན་པ་ཉིད་རྣམ་པར་རྒྱལ་གྱུར་ཅིག’ ཅེས་གཏན་འབེབས་གནང་སོང”ཞེས<<བོད་ཀྱི་དུས་བབ་དྲ་རྒྱའི>>སྟེང་དུ་ཕྱི་ལོ ༢༠༡༡ལོའི་ཟླ ༥ཚེས ༢༨ཉིན་བཀོད་འདུག འོ་ན། ཨིན་ཇིའི་ནང་གི “Central Tibetan Administration”ཞེས་པའི་ཚིག་འདིར་འགྱུར་བ་ཡོད་དམ་མེད། ད་དུང་གསལ་ཁ་ཐོན་མི་འདུག
གསར་འགྱུར་འདི་མཐོང་མ་ཐག་བོད་ནང་གི་མི་གྲངས་ཉི་ཤུ་ལྷག་ལ་བརྡ་འཕྲིན་གྱི་ལམ་ནས་བསམ་ཚུལ་དྲིས་པ་ཡིན་ཞིང་། དེའི་ཁྲོད་ཀྱི་མི་བཅོ་ལྔས་རང་སྲོག་རང་གིས་བཅད་པ་ཞིག་ལ་ངོས་འཛིན་དང་བློ་ཕམ་ཚད་མེད་ཡོད་པའི་རྣམ་འགྱུར་བསྟན་པ་དང་མཉམ་དུ་པེ་ཅིན་སྲིད་གཞུང་གིས་བཙན་བཟུང་ནས་ད་བར་དུ། རྒྱ་ནག་གི་རྩ་ཁྲིམས་སྒྲོམ་གཞིའི་འོག་གི་རང་སྐྱོང་ཟེར་བ་དེ་བོད་ཁུལ་ཡོངས་ལ་ཡོད་བཞིན་པ་རེད།

དེ་ལས་མང་བ་། ““བོད་མིའི་སྒྲིག་འཛུགས”ལས་འཕྲོས་པའི་བསམ་གཞིགས་ཐ་ཐུན།” »