བསྟན་འཛིན་ཤེས་རབ།
ཉིས་སྟོང་བདུན་ལོའི་དབྱར་ཟླ་ར་བའི་ནང་ང་འཁྱམ་མྱུལ་གྱིས་བོད་ཀྱི་འབྲོག་ཁུལ་ཞིག་ཏུ་སླེབས་ཡོད། ཉིན་ཞིག་ང་དཔེ་དེབ་མང་བོ་འཁུར་བའི་འབྲོག་པ་ཞིག་ལ་ཐུག་བྱུང་། ཁོང་གིས་ང་ལ་དཔེ་དེབ་ཉོས་དང་གོང་སྩ་མོ་ཡིན་ཟེར། ཁོང་གིས་འཁུར་བའི་དཔེ་དེབ་ལ་རིགས་གཉིས་འདུག གཅིག་ནི་ཞྭ་སྒབ་པའི་སྲིད་དོན་རྒྱལ་རབས་སྟོད་སྨད་གཉིས་རེད། གཅིག་དེ་༸གོང་ས་མཆོག་གི་ནང་ཆོས་ངོ་སྤྲོད་རེད། བསྡོམས་པས་དེབ་གྲངས་སོ་དྲུག་འདུག ཚང་མ་དཔར་གཞི་གསར་བ་རེད་ལ་སྐུ་དཔར་དང་གསལ་བཤད་སོགས་ཅི་ཡང་མི་འདུག
གཅན་ཡེ་རྒྱམ།
དང་པོ།
དོན་འགྲུབ་རྒྱལ་བོས་ཨ་སམ་སོ་གྲོང་ཁྱེར་ནང་འབྱོར་བའི་སོ་ཊའི་དོ་པོ་རྣམས་དོ་ཁང་ཆུང་ཆུང་ནང་ལེགས་པར་བརྩིགས་ཏེ་དོ་དམ་ནན་པོས་རང་བློ་བདེ་བོ་ཆགས་མཚམས་རང་ཡུལ་དུ་ཕྱིར་ལོག་པའི་གྲ་སྒྲིག་གིས་མེ་འཁོར་འབབ་ཚུགས་སུ་སོང་སྟེ་པ་སི་ཉོས། ཁ་ལག་ཡག་པོ་ཞིག་ཟོས་རྗེས་དགོང་དྲོའི་ཆུ་ཚོད་དགུ་བའི་སྟེང་གི་མེ་འཁོར་ལ་སྒུག མེ་འཁོར་གྱི་ཁྲོག་སྒྲ་དང་། མི་མང་གི་འདུར་སྒྲ་ནི་རྒྱུན་ཆད་རྒྱུ་མེད་ལ། མི་མང་གི་སྐད་སྒྲ་ནི་དེ་བས་ཀྱང་རྒྱུན་ཆད་རྒྱུ་མེད། དོན་འགྲུབ་རྒྱལ་བོས་རས་གདན་བརྡབ་བརྡབ་བཏང་སྟེ་ངོས་གཅིག་ཏུ་ལེགས་པར་བཏིང་པའི་སྟེང་བལ་གོས་ཀྱི་ཞོལ་བལྟབས་ནས་བཞག་པ་དང་། དེའི་སྟེང་དུ་རྒྱབ་ཁུག་སྨུག་ནག་བསྙལ་ནས་བཞག རང་ཉིད་ཀྱང་རས་གདན་སྟེང་དཀྱིལ་ཀྲུང་དུ་བསྡད་དེ་ཐོ་འགོད་དེབ་ཆུང་གི་སྟེང་དེ་རིང་གི་འགྲོ་སོང་བཏང་བ་རྣམས་ལེགས་པར་བྲིས། གདོང་ལ་འཛུམ་མདངས་དང་སེམས་ལ་སྤྲོ་བའི་ཁེངས་བཞིན་ད་ཐེངས་ངས་ནང་མི་ལ་གཏམ་བཟང་ཞིག་བཤད་ཡག་ཡོད། འགྲོ་སོང་ཞེ་དྲག་གཏོང་མ་དགོས་པའི་སྟེང་སོ་ཊ་སྤུས་དག་ངང་འབྱོར་ཡོད་ལ། རྩིས་ཁྲའང་ཁ་གསལ་ཡོད་པས།
གཡུ་དྲུག་དཀར། རྡ་ས།
ནམ་རྒྱུན་སློབ་ཁྲིད་ཀྱི་བར་བར་ནས་སློབ་ཕྲུག་རྟའུ་པ་ཚོར་ལོག་སྐད་རེ་བཤད་དུ་བཅུག་ན། སྒྲ་ཙམ་ལས་དོན་གོ་མི་བཏུབ་པའི་ཚིག་རྡོག་དེ་དག་གིས་སློབ་ཁང་དགོད་སྒྲ་ཡིས་ཁེངས་སུ་འཇུག་ངེས་ལ། དེ་མུར་སློབ་ཕྲུག་པྲ་ཚགས་རེ་འགས་ཀུ་རེ་དང་སྦྲགས་ནས་རྟའུ་པ་ཚོའི་ལོག་སྐད་བོད་སྐད་ཡིན་མིན་གྱི་སྙད་རེ་བརྐོས་ཏེ། དགོད་སྒྲ་ཡི་མཇུག་ཁོང་ཁྲོས་བསྡུ་དགོས་པའང་ཡོད། དོན་ངོ་མར་རྟའུའི་ལོག་སྐད་འདི་དེ་འདྲའི་ལོག་ཀ་ཞིག་ཡིན་ནམ། ང་ཚོའི་ཨམ་འབྱོག་གིས་གཏན་ནས་མི་གོ་ཞིང་། ང་ཚོའི་སེམས་སུ་ནམ་ཡང་མི་འབབ་ལ། ང་ཚོའི་བློ་ཡིས་ཡེ་ནས་མི་རྟོགས་པ་ཞིག་ཡིན་ནམ།
དེ་ལས་མང་བ་། “རྟའུ། ཁྱོད་ཀྱི་ལོག་སྐད། སུ་ཡིས་གོ་སོང་། གང་གིས་ཚོར་སོང་།” »
(སྙན་ངག་གི་འགྱུར་རིམ་ཞིག)
རས་པ།
[སྙན་ངག་ནི་ལུགས་ཅི་ཡང་མེད་ཅིང་། ཚུགས་ཀ་གང་ཡང་མི་དགོས་པའི་ལབ་ལོབ་ཐན་ཐུན་རེ་ཡིན་ན། འདི་ཉིད་རིག་ཚན་ཞིག་གི་ངོས་ནས་ནམ་ཞར་གླེང་ཐབས་མེད་ཅིང་། དགག་རྒྱག་ཚོགས་འདུ་ཞིག་བསྡུས་ནས་ས་སྐྱ་པཎ་ཆེན་ལ་སྙན་ངག་རིག་པ་རིག་གནས་ཆུང་བ་ལྔའི་ནང་ནས་ཕྱིར་འཐེན་བྱེད་དགོས་པའི་གནས་ལུགས་བཤད་ཆོག འོན་ཀྱང་། ལས་འགུལ་དེ་འདྲ་མ་སྤེལ་བའི་སྔོན་དུ་ད་དུང་སྙན་ངག་ལ་རང་གི་འཇིག་རྟེན་ཞིག་ཡོད་པས་ང་ཚོས་འཇིག་རྟེན་དེའི་གླེང་ཕྱོགས་ཡང་གཞན་དང་མ་འདྲ་བ་ཞིག་སྤེལ་ཏེ། རང་ཉིད་ཀྱི་ལྟ་ཚུལ་རྒྱུད་འགོད་བྱས་མ་ཆོག་པའི་རྒྱུ་མཚན་ཅི་ཡང་མེད་པ་ཡིན། ]
མི་ལོ་དུ་མའི་ཡར་སྔོན། སྣང་བ་སྣ་རྩེར་འཁྱིལ་པའི་སྐབས་སུ་ངས་རང་ཉིད་ཀྱི་སྙན་ངག་གླེང་ཞིང་། རང་གི་སྙན་ངག་ལ་གྲུབ་མཐའ་ཞིག་ངོས་ལེན་བྱས་པ་ཡིན། དེ་དག་ཐམས་ཅད་མངོན་མཚོན་དང་བསྡུས་གཟུགས་ཀྱི་དབར་དུ་སྐེ་དགག་མ་ཐེབས་ཙམ་གྱི་ཚོར་བ་དེ་རང་ལས་གཞན་ཅི་ཡང་མེད་ཅིང་། ཐ་ན་བོད་མི་རྣམས་བཤད་ལ་དགའ་བའི་འགན་འཁུར་ཡང་མེད་པ་ཡིན། དོན་དངོས་བཤད་ན་སྐབས་དེར་སྨྱོན་པ་ཞིག་ཡིན་ཟེར་ཡང་ཆོག་པ་སྟེ། ཕྱི་རོལ་གྱི་བྱ་དངོས་མང་དག་ཅིག་ལ་ཁ་བརྡ་བྱས་པའི་སྣང་ཚུལ་དེ་སྤྱི་དམངས་ཀྱི་སྤྱོད་ཚུལ་དང་མ་འདྲ་བ་ཞིག་ཡིན། འོན་ཀྱང་། སྐབས་དེར་རྗེ་བཙུན་མི་ལ་རས་པ་དང་ཞབས་དཀར་ཚོགས་དྲུག་རང་གྲོལ་སོགས་ཁག་ཅིག་གིས་རང་བྱུང་ཁམས་ཀྱི་སྐྱེས་དངོས་མང་དག་ཅིག་ལ་ཁ་བརྡ་གནང་སྟེ་ལོ་ངོ་ཧ་ཅང་མང་པོ་འདས་ཟིན་པ་རེད།
གཅན་ཡུ་མོ་སམ་དྲུག་དཀར་མཚོས།
ཨ་ཕ་ལགས། མིག་ཟུང་མང་པོས་ལྐོག་ཏུ་བལྟས་ཡོད་པའི་དུས་ཚིགས་དེར། ཁྱེད་ཀྱི་དཀའ་ཚེགས་ལ་མ་འཛེམ་པར་ཁྱིམ་གཞི་འདིའི་གོ་ཁ་རུ་ང་རང་པང་དུ་ཉར་ཏེ་ཐ་མག་ཧུབ་ཀྱི་འཐེན་བཞིན་ཡོད་པ་ངས་ད་རུང་ཡང་བརྗེད་མི་འདུག སྤྱིར་ང་ཚོའི་སྡེ་བ་འདི་རུ་སེམས་གཏིང་གི་སྙིང་གཏམ་ཕོད་ས་མེད་ལ་ཁ་ཡེམས་ཀྱི་མི་སེམས་དཀྲུགས་མཁན་མང་བས་ངའི་ལས་དབང་ཀྱང་དེ་ཚོས་སྒྱུར་སོང་བ་འདྲ། ཨ་མས་བཤད་ན། ཁྱེད་ནི་ཀུན་གྱི་ཡིད་སྨོན་བྱེད་སའི་མི་དྲང་པོ་སེམས་བཟང་ཅན་ཞིག་ཡིན་ཟེར། དེ་ན། ངའི་རེ་ཐག་ཆད་དགོས་དོན་ཅི་ཡིན་ནམ།
ཁྲན་ཝན་ཅཱན་གྱིས་བརྩམས།
ཏྲེ་ཧོར་ཐུབ་བསྟན་གྱིས་བསྒྱུར།
བོད་རང་དབང་གི་སླད་དུ། ཟླ་ཤས་རིང་བསྟུད་མར་བོད་ཀྱི་གྲྭ་བཙུན་༡༡དྲག་ཏུ་འབར་བའི་མེ་དཔུང་ཟླུམ་པོ་རེ་རེའི་གཟུགས་སུ་སྤྲུལ་བ་རེད། ཁོང་ཚོས་རང་ལུས་མེར་བསྲེག་གི་སྔོན་དུ་ “ཏཱ་ལའི་བླ་མ་བོད་དུ་གདན་འདྲེན་དགོས།”“བོད་ལ་རང་དབང་དགོས”སོགས་ཀྱི་འབོད་ཚིག་བསྒྲགས། ཚེ་སྲོག་རེ་རེ་བཞིན་མེ་དཔུང་དྲག་པོའི་ལྷུམས་ནས་དུས་གཏན་དུ་ཡལ་སྐབས། ཁོང་ཚོས་འཛམ་གླིང་ལ་གཟས་ཏེ་དོན་དམ་གྱི་བརྡ་འཕྲིན་འདི་འདྲ་ཞིག་བསྐྱལ་ཡོང་བ་སྟེ། བོད་ཁ་བ་གངས་ཅན་པའི་ལྗོངས་འདི་ནི། མི་རབས་ནས་མི་རབས་བར་ལྷ་དང་བླ་མར་དད་ཅིང་བྱམས་སེམས་ལྡན་པའི་མི་རིགས་ཤིག་ཡིན་ནའང་། ད་ནི་རྒྱ་དམར་པོའི་དབང་བསྒྱུར་ལ་བཟོད་བསྲན་བྲལ་བའི་ཚད་དུ་སླེབས་སོང་ཟེར་བ་འདི་རེད།
དེ་ལས་མང་བ་། “རང་ལུས་མེར་བསྲེག་དང་འགྲོགས་ཏེ་འབར་གྱིན་པའི་བོད་དང་བོད་མིའི་རང་དབང་།” »
ཤར་ཕྱོགས་ཁུག་རྟ།
ཕོ་རོག་དཀར་པོ་ཆགས་ན་སྔོན་ཐོན་པ་ཞེས་འཕྱ་སྟངས་ཤིག་གངས་ཅན་སྐྱིད་གཞོངས་ན་དར་ནས་བསྡད་ཡོད་ཁར། ད་ཐེངས་ཁ་བཙུམས་ནས་མ་བསྡད་པ་ཨམ་གཤིས་སུ་བསྒྲགས་ནས་འཕྱ་སྨོད་ཀྱང་བྱེད་སྲིད་མོད། བསམ་བློ་ག་ལེར་བཏང་དུས། དངོས་གནས་ཤ་མཆིན་པའི་སྟེང་འོག་བརྗེས་པ་ཟེར་བའི་སེམས་པ་སྐྱོ་ཕྱོགས་དེ་དབང་མེད་དུ་ཡ་ཆུང་ལ་མ་ཤོང་བར་ཁ་ནས་ཤོར་འགྲོ་བ་ཞིག་ནི་ཆགས་སོང་།
དེ་ཡང་༧པཎ་ཆེན་རིན་པོ་ཆེས་དབུ་ཁྲིད་པའི་གཞིས་ལུས་མི་མང་ལོ་ངོ་ ༥༠ ལྷག་གི་རིང་ལ་མགོན་དཔུང་དབུ་ཁྲིད་གཞུང་དང་བཅས་པ་བྲལ་རྗེས། གཞན་གྱི་གནོན་བཙུར་དྲག་ཤུགས་འོག་སྟབས་བསྟུན་གྱིས་ཉི་མཚན་རྩིས་ན་མི་འགྲོ་བའི་ངང་མི་ཚེ་བསྐྱལ་དགོས་བྱུང་ཡང་། བོད་ཀྱི་རིག་གནས་སྐད་ཡིག་དང་བཅས་པ་མུན་ནག་གི་མཁའ་ལ་སྐར་མ་བཞིན་བྲིས་ནས། བོད་ཀྱི་འཆི་གསོན་ལ་བླ་ན་མེད་པའི་ཞབས་འདེགས་བསྒྲུབས་དང་སྒྲུབ་བཞིན་པ་ཡིན། ངས་ད་ལྟ་ཡི་གེ་འདི་འབྲི་བཞིན་པའི་སྐབས་སུའང་། བོད་ནང་དུ་སྐུ་གཞོགས་བློ་བཟང་སྐལ་བཟང་དང་བློ་བཟང་དཀོན་མཆོག་གཉིས་ཀྱིས་རང་གི་ཚེ་སྲོག་མེ་ལ་སྲེག་དང་སྲེག་བཞིན་པའི་སྒང་རེད། ཁོང་ཚོའི་ན་ཟུག་དང་གཏོང་ཕོད་ཀྱིས་ངས་ཡང་ཡང་༧པཎ་ཆེན་རིན་པོ་དྲན་ལ། པཎ་ཆེན་རིན་པོ་ཆེས་ཚེ་སྲོག་བློས་བཏང་གི་དཀའ་སྤྱད་ཀྱིས་ཁོང་ཚོ་རྣམས་ཀྱིས་བོད་དང་བོད་ཀྱི་དྲི་མ་དངོས་གནས་དེ་རྟོགས་ཡོད་ལ། བོད་དྲི་ཡོད་པའི་བོད་ཀྱི་མདུན་ལམ་གྱི་ཆེད་དུ་རང་གི་ཚེ་སྲོག་ནི་མེ་སྒྲོན་ཆོག་ཆོག་གི་མར་མེ་ཅིག་དང་གཉིས་མེད་བསྒོམས་བཞིན་ཡོད།
དེ་ལས་མང་བ་། “བཀའ་བློན་འདི་གཉིས་ངར་༧པཎ་ཆེན་རིན་པོ་ཆེ་དྲན་དུ་བཅུག་སོང་།” »
གསལ་ལེ་རྒྱལ།
སྐད་ཆ་འདི་གསལ་ལེ་རྒྱལ་ཞིག་གིས་བཤད་དགོས་བ་ཞིག་མིན་ནའང་། འདིའི་སྐོར་གྱི་སྐད་ཆ་འགས་ངའི་དོགས་པ་ཇེ་ཆེར་བཏང་ཞིང་ངའི་རྣམ་ཤེས་དེའི་ཕྱོགས་སུ་དྲངས། ངའི་སེམས་སུ་གྲྭ་བའི་ཕོ་མཚན་དེ་གཅིན་པ་གཏོང་བྱེད་ཙམ་ལས་བེད་མེད་དུ་ལུས་བའི་ཤ་ལྷག་ངོ་མ་ཞིག་ཡིན་པའི་ཡིད་ཆེས་བྱས་ཡོད། སྔོན་མ་ཞིག་ལ་གྲོགས་པོ་གྲྭ་བ་ཞིག་ཡོད་པ་དེས་ཆུ་རྐྱལ་རྒྱག་སྐབས་ངས་ཁོང་གི་ཁོང་གི་ཕོ་མཚན་ལ་བལྟས་བ་ཡིན། ཁོའི་ཕོ་མཚན་ནི་ད་དུང་བྱིས་དུས་ཀྱི་ཆུ་སྦུ་བཞིན་སྐྱི་མོས་ཡོངས་སུ་བཏུམ་ནས་འདུག་པ་མ་ཟད། ཕོ་མཚན་གྱི་མགོ་ན་སྐྱི་མོ་མཛུབ་ཆུང་ཙམ་ཞིག་གནར་འདུག་པ་དེས་ངའི་སེམས་སུ་ཁོ་རང་འདི་ལ་ལག་པའང་ཐུག་མྱོང་མེད་པ་འདྲའང་བསམ་པའི་སྣང་བ་བྱིན། དེ་དུས་ངས་གྲྭ་རྟ་ཞེས་བའི་མིང་ཚིག་འདི་གོ་ཐོས་ཙམ་ཡང་བྱུང་མེད་པས་གྲྭ་བ་ཚང་མ་ཁོ་དང་གཅིག་མཚུམས་ཡིན་པའི་བསམ་པ་བཟུང་ཡོད། མགོ་སེར་མ་ཞིག་གིས་བོད་པའི་གྲྭ་བ་ཚོས་ཕོ་རྒྱོའམ་མཚན་མཐུན་ཆགས་སྤྱོད་བྱེད་ཀྱིན་ཡོད་པའི་སྐད་ཆ་ཞིག་ང་ལ་བཤད་དེ་ངས་མཐའ་གཅིག་ཏུ་ངོ་རྒོལ་བྱས་བ་ཡིན་ལ་ངོ་རྒོལ་དེ་ནི་མི་རིགས་དང་ཆོས་ལུགས་ཀྱི་ཕྱོགས་རུས་བཟུང་བ་མིན་པར་སེམས་བསམ་པའི་སྟེང་ནས་ངོ་རྒོལ་བྱས་བ་ཡིན།
སྒྲོལ་མ་སྐྱབས་། པུར་མིང་ལ་ཅོག་རོང་གི་མྱི་།
སྐུ་ཞབས་དོན་འགྲུབ་རྒྱལ་རྗེས་སུ་དྲན་པ་དང་ཁོང་གི་བརྩམས་ཆོས་ལང་ཚོའི་རྦབ་ཆུའི་བརྗོད་བྱ་ཀ་དག་དེ་འབུར་དུ་འདོན་ཞོར་སྲིད་སྐྱོང་བློ་བཟང་སེང་གེ་ལ་བཀྲ་ཤིས་བདེ་ལེགས་ཀྱི་རྟེན་འབྲེལ་དང་སྦྲགས། དེང་གི་དུས་འདིར་དཀའ་ངལ་ཕྲད་བཞིན་པའི་ཁོང་དཔོན་གཡོག་ལྷན་རྒྱས་རྣམ་པར་སེམས་ཤུགས་སྤེལ་བའི་ཕྱིར་སྙན་ངག་ལྟར་སྣང་འདི་བྲིས་པ་ཡིན། ནོངས་པ་ཇི་མཆིས་མཁས་པ་དག་གི་སྤྱན་སྔར་མཐོལ་ལོ་བཤགས།
བྱམས་ཤིང་བརྩེ་བའི་༧ཡིད་བཞིན་ནོར་བུ།
མཁས་ཤིང་འཇོན་པའི་ཟམ་གདོང་བླ་མ
བཀའ་དྲིན་ཆེ་བའི་འཕགས་ཡུལ་མང་ཚོགས།
གཏོང་ཕོད་ལྡན་པའི་རྒྱ་གར་སྲིད་གཞུང་།
ལས་ལ་བརྩོན་པའི་བཙན་བྱོལ་མི་མང་།
ཚུལ་ཁྲིམས་ལྡན་པའི་གདན་ས་འདུ་སྡེ།
ཨེ་མ།
དེ་ལས་ཀྱང་ཉམས་དགའ་བ་ནི།
བཙན་བྱོལ་སྲིད་ཀྱི་བྲག་ངོས་གཟར་བོ་ན།
དེ་ལས་མང་བ་། “ལང་ཚོའི་རྦབ་ཆུ་དང་སྦྱར་ཏེ་སྲིད་སྐྱོང་བློ་བཟང་སེང་གེར་ཕུལ་བའི་སྙན་ངག” »
རྩོམ། འོད་ཟེར།
སྒྱུར། ནགས་ཤོད་སད་མི།
གཟའ་འཁོར་གསུམ་གྱི་གོང་དུ། ང་རང་དམ་དྲག་ཆེ་བའི་ལྷ་ས་ནས་ཐལ་སྐྱས་བཏུམས་པའི་པེ་ཅིང་དུ་ཕྱིར་ལོག་བྱས། མ་གཞི་གྲོང་ཁྱེར་འདིའི་རང་བྱུང་མཁའ་དབུགས་སྦག་བཙོག་ཚབས་ཆེན་ཐེབས་ཡོད་ནའང་། ཆབ་སྲིད་ཀྱི་མཁའ་དབུགས་ལྷ་ས་ལས་ཏན་ཏན་ཞི་འཇམ་པས། དམ་དུ་བཀྱིགས་པའི་ངའི་ཁྲག་རྩ་རྣམས་ལྷོད་ལ་འབབ་ཏུ་བཅུག ཡིན་ནའང་། བཙུན་མ་བསྟན་འཛིན་དབང་མོས་རང་ལུས་མེར་བསྲེགས་ནས་སྐུ་གཤེགས་པའི་གནས་ཚུལ་དེས། དར་ཞིང་རྒྱས་པའི་པེ་ཅིང་གི་གདོང་འབག་དབྲལ་སོང་ལ། ངས་དགུངལོ ༢༠ ལས་མེད་པའི་བཙུན་མ་འདིའི་ཆེད་དུ་མིག་ཆུ་གཏོང་དགོས་ཐུག
དེ་ལས་མང་བ་། “མེ་ཁར་སྣུམ་གཤོ་གིན་པ་ལྟ་བུའི་སྐད་ཆ་དེ་ཚོ………..” »
རྫ་ཚེ་རིང་བཀྲ་ཤིས་ཀྱིས་བསྒྱུར།
མཁན་རིན་པོ་ཆེས་བྱམས་བརྩེའི་ངང་ཐུགས་སེམས་ཁོལ་པོས། གང་ཡང་མེད། ཚང་མ་ཡག་པོ་ཟིན་པ་ཡིན་ཞེས་གསུངས་གནང་བྱུང་།——-ཆོས་དབྱིངས་ལྷ་མོ།
བཀུར་འོས་གདུང་སྲས་རིན་པོ་ཆེ། མཁྱེན་བརྩེ་རིན་པོ་ཆེ། མཁན་པོ་རིན་ཆེན་དང་མཁན་པོ་འཇམ་དབྱངས་བློ་གསལ་གཙོས་པའི་མཁན་པོ་སྤྲུལ་སྐུ་རྣམ་པ། དགེ་འདུན་པ་རྣམ་པ། ཕྱོགས་མཐའ་ཁག་ནས་ཕེབས་པའི་ཆོས་གྲོགས་རྣམ་པར་འཚམས་འདྲིའི་བཀྲ་ཤིས་བདེ་ལེགས་ཞུ།
ཚང་མས་འགྲུལ་བཞུད་དང་བཞུགས་གནས་མཐུན་རྐྱེན་སོགས་ཀྱི་སྐུ་ངལ་ལ་མ་འཛེམས་པར་ཐེངས་འདིའི་བཟང་སྤྱོད་སྨོན་ལམ་ཆེན་མོར་ཆིབ་སྒྱུར་བསྐྱངས་གནང་བར་སྙིང་ཐག་པ་ནས་བཀའ་དྲིན་ཆེ་ཞུ་བཞིན་ཡོད། སྨོན་ལམ་འདི་ནི་གུས་པའི་རྩ་བའི་བླ་མ་མཁན་ཆེན་ཀུན་དགའ་དབང་ཕྱུག་རིན་པོ་ཆེ་འཁྲུངས་ནས་ལོ་དགུ་བཅུ་འཁོར་བའི་དུས་དྲན་དུ་འཚོགས་པ་ཞིག་རེད། གུས་པ་ནང་བསྟན་གྱི་རྗེས་སུ་འཇུག་པའི་སློབ་མ་ཞིག་ཡིན་པ་ཙམ་གྱི་ཆ་ནས་སྨོན་ལམ་འདི་ཉིད་འཚོགས་པའི་རྒྱུ་རྐྱེན་རྟེན་འབྲེལ་གྱི་སྐོར་ཉུང་ཉུང་ཞིག་ཞུ་རྒྱུ་ཡིན།
དེ་ལས་མང་བ་། “སྨོན་ལམ་ཆེན་མོ་སྔ་ཕྱིའི་རྟེན་འབྱུང་ལས་བརྩམས་པའི་གཏམ་བཤད།” »
བསོད་ནམས།
མཐོ་སྒང་འདི་ན་ཆེས་ཆེར་གསང་བ་དང་། །
ལྐོག་ཏུ་གྱུར་པའི་ཆོས་ཤིག་ཡོད་གྱུར་ན། །
མགོ་ནག་མི་ཡི་སེམས་ཀྱི་གཤིས་ཀ་དང་། །
གསུང་རབ་དགོངས་དོན་གཉིས་ལས་གཞན་ཅི་ཞིག །
གཅིག་དང་གཉིས་ཞེས་གྲངས་སུ་བགྲང་འདོད་ཀྱང་། །
ང་ལ་ཡོད་པ་སྔོན་མའི་ལོ་རྒྱུས་ཙམ། །
ཁྲིག་ཁྲིག་མེད་པའི་འཇིག་རྟེན་ཁམས་འདི་ལ། །
ང་ཡི་ཡོད་ཚད་མདང་གི་རྨིན་ལམ་འདྲ། །
(བོད་ནང་རྒྱ་ནག་གཞུང་གིས་དཔལ་འབྱོར་འཕེལ་རྒྱས་དང་ཡུན་རིང་བདེ་འཁོད་ཡོང་རྒྱུ་བཤད་ཀྱང་དོན་དུ་དེ་སྔ་ལས་ལྷག་པའི་དྲག་གནོན་གྱི་སྲིད་བྱུས་ལག་བསྟར་བྱ་རྒྱུ་ཡིན་པ།)
བུ་རྫོང་ལྷ་མོ་ཚང་ཚེ་རིང་དབང་ཕྱུག
༄༅། རྒྱ་ནག་གཞུང་གིས་ཉེ་ཆར་གསར་དུ་བསྐོ་གཞག་བྱས་པའི་བོད་རང་སྐྱོང་ལྗོངས་ཀྱི་དམར་ཤོག་དྲུང་ཆེ་ཁྲེན་ཆེན་གོས་ཟླ་བ་འདིའི་ཚེས་༡༡ཉིན་གྱི་སྔ་དྲོར་ཚོགས་པའི་ཀྲུང་གོ་གུང་ཁྲན་ཏང་བོད་རང་སྐྱོང་ལྗོངས་དམར་ཤོག་སྐབས་བརྒྱད་པའི་ཨོུན་ལྷན་ཁང་ཞེས་པའི་ཚབ་བྱས་ཏེ་ལས་དོན་སྙན་ཞུ་ཤོག་གྲངས་ ༡༥ ཡོད་པ་ཞིག་སྒྲོགས་སྦྱང་བྱས་འདུག་པར་ལྟ་ཞིབ་བྱེེད་སྐབས། དོན་ཚན་ཆེ་བ་ཁག་བཅུ་ཡོད་ཁོངས་ནས་གཙོ་ཆེ་ཤོས་དོན་ཚན་བཞི་པ། “སྤྱི་ཚོགས་བརྟན་ལྷིང་སྲུང་སྐྱོབ་བྱ་རྒྱུ་དེ་མཐའ་གཅིག་ཏུ་བསྒྲུབ་དགོས་པའི་ལས་འགན་དང་འགན་འཁྲི་ཨང་དང་པོར་བརྩིས་ནས་ཡུན་རིང་བདེ་འཁོད་ཡོང་བའི་འབད་བརྩོན་བྱེད་དགོས་”ཞེས་བཤད་པ་དེ་རེད་འདུག དོན་ཚན་བཞི་པ་དེའི་ནང་། ནང་གསེས་དོན་ཚན་བཞི་ལ་ཁག་དབྱེ་ནས། དང་པོ་འདི་ཁ་བྲལ་ལ་ངོ་རྒོལ་བྱེད་པའི་འཐབ་རྩོད་གཏིང་ཟབ་སྤེལ་དགོས་ཞེས་པ་དང་། གཉིས་པ་ཁྲིམས་ལུགས་ལྟར་དགོན་སྡེར་དོ་དམ་བྱེད་རྒྱུ་མཐབ་འཁྱོངས་བྱེད་དགོས་ཟེར་བ། གསུམ་པ་གྲོང་ཁྱེར་དང་གྲོང་གསེབ་ཀྱི་གཞི་རིམ་རྨང་གཞི་སྲ་བརྟན་དུ་གཏོང་དགོས། བཞི་པ་སྤྱི་ཚོགས་དོ་དམ་ལ་ཤུགས་སྣོན་རྒྱག་པ་དང་གསར་གཏོད་བྱེད་དགོས་ཞེས་བཀོད་འདུག
དེ་ལས་མང་བ་། “དེ་སྔ་ལས་ལྷག་པའི་དྲག་གནོན་གྱི་སྲིད་བྱུས་ལག་བསྟར་བྱ་རྒྱུ་ཡིན་པ།” »
ཀླུ་སྨྱོན།
ཡབ་ལ་རེ་བ་རུམ་གང་ཡོད། །
ཡུམ་ལ་རྨི་ལམ་པང་གང་ཡོད། །
གཉིས་ཀར་བརྩེ་བ་ཁྱིམ་གང་ཡོད། །
འབྲོག་ཁྱིམ་སྟོང་གི་བསྡུས་གཟུགས་རེད། །
ལྷ་ལ་ལུང་བསྟན་རྫོགས་མེད་ཡོད། །
མི་ལ་འདོད་པ་ངོམས་མེད་ཡོད། །
ལྷ་མིའི་རེ་བ་དེ་རིང་འགྲུབ། །
རྟེན་འབྲེལ་སྟོང་གི་བསྡུས་གཟུགས་རེད། །
ཁོག་ལ་ཉར་ན་བདེ་སྣང་སྐྱེས། །
ལྟེ་ཁྲག་འཐོར་ན་སྡོང་བོ་སྐྱེས། །
བྱིས་པ་ཕལ་ལས་ལྷག་པ་འདི། །
བོད་ཕྲུག་སྟོང་གི་བསྡུས་གཟུགས་རེད། །
བྱ་ཁྱུང་བྲག་ན་བླ་མ་བཞུགས། །
དེ་ལ་འབྲེལ་བའི་ལས་ཤིག་བདོག །
དགེ་རྒན་དགེ་ཕྲུག་ཆགས་པ་དེ། །
བན་ཆུང་སྟོང་གི་བསྡུས་གཟུགས་རེད། །
གཡུ་དྲུག་དཀར། རྡ་ས།
སྐྱ་རེངས་ཀྱི་སྣང་བས་གཙང་འཁྲུས་བྱས་སམ། གནམ་སྔོན་པོའི་དཀྱིལ་འཁོར་གཡའ་དག་པའི་མེ་ལོང་དུ་འདུག ཞོགས་ཉི་དམར་སེར་དེས་སྤུད་པས་ཡིན་ནམ། ས་དོག་མོའི་དཀྱིལ་འཁོར་རྡུལ་དག་པའི་ནམ་མཁའ་རུ་གདའ།
འདི་ལྟར་དག་གཙང་དྭངས་གཙང་གིས་ཁྱོད་ཀྱི་དྲུང་དུ་བཏུད་དུས། ལུས་ཀྱི་བ་སྤུའི་རྩེ་མོ་མ་ལུས་གྱེན་དུ་གཟེངས་ནས། ཁྱོད་ཀྱི་ཞལ་ངོ་མཇལ་བའི་དགའ་བ་གནམ་ལ་མཆོད་ཀྱིན་འདུག་ལ། ཁྱོད་ཀྱི་གསུང་དྲོན་མོས་ཡོམ་ཡོམ་དུ་སྒུལ་བྱུང་པའི་ཡ་ཁོག་ཚ་ལམ་ལམ་གྱི་མེ་རོ་རུ་འདུག་ཅིང་། ཚ་རླབས་ཤིག་གིས་གཅུན་བྱུང་པའི་སྙིང་དམར་པོའང་དལ་བ་དལ་བུར་ཇེ་མགྱོགས་ཀྱིས་འབའ་འབའ་ལུ་གུ་ཞིག་སྔོན་མོ་སྤང་ལ་ཤོར་བ་དང་འདྲ་བྱུང་།
སྐྱོ་བྲག་དགའ་དབང་།
གང་གི་གཟུགས་བྱད་གཤིས་སྤྱོད་སོགས། །སྔོན་ནས་ཡིད་ལ་མཛའ་དྲགས་པས། །ད་ལྟ་འདི་ན་ཡོད་པ་བཞིན། །ཡིད་ཀྱི་མེ་ལོང་ངོས་ན་གསལ། །
ཡུན་རིང་བྲལ་བའི་དངོས་པོ་དག །ཡིད་ཀྱི་ཁྱིམ་ནས་ཡལ་འགྱུར་མོད། །ལོ་ཟླའི་ཕྲེང་བ་དེ་ཟད་ཀྱང་། །འདི་ན་ཡོད་བཞིན་ཅིའི་ཕྱིར་སྣང་། །
ཀ་མ་ལ་ཡི་འདབ་མ་ལྟར་མཛེས་དྲི་མེད་སྤྱན་དཀྱུས་རིང་པོ་ཡིས། །
ཁ་བ་ཅན་གྱི་སྐྱེ་འགྲོ་རྣམས་ལ་དུས་དྲུག་འཁོར་མོར་གཟིགས་པར་མཛད། །
ག་སར་རྟེན་འབྱུང་ཚད་མའི་གཏམ་གྱིས་འགྲོ་ཀུན་ཚིམ་པར་མཛད་པ་ཡི། །
ང་ཅག་གངས་ཅན་འགྲོ་བའི་བླ་མ་བསྟན་འཛིན་རྒྱ་མཚོར་སྤྱི་བོས་མཆོད། །
ཅ་མ་ཟིང་གི་གོ་ལ་ཧྲིལ་པོའི་འཇིག་རྟེན་འདི་ན་ལུགས་གཉིས་ཀྱི། །
ཆ་ཤས་མ་འདྲེས་རྣམ་པར་འབྱེད་པའི་ཟབ་གསུང་ལེགས་བཤད་སྙིང་པོ་ཡིས། །
ཇ་ཆང་འདོད་ཡོན་ཕལ་གྱིས་མྱོས་རྣམས་འདི་དང་ཕྱི་མའི་དོན་ཆེན་ལ། །
དེ་ལས་མང་བ་། “༸གོང་ས་མཆོག་ལ་བསྟོད་པ་ཀ་ཕྲེང་དད་པའི་སྙིམ་པ།” »
[ཞར་བཀོད་གཅིག།]
རས་པ།
ཁང་ཆེན་སྟེང་ལ་བྱ་ཞིག་བབས་ཡོད།།
བྱ་ཞིག་མ་རེད་འཁུར་བོ་ཞིག་རེད།།
རྡོག་འཁྲིས་འཁུར་མཁན་འབངས་དང་མི་སེར།།
འཁུར་ནས་བསྐྱལ་ས་ཆེན་པོ་དཔོན་པོ།།
སྡུག་སྨྲེ་འདོན་སའི་རི་བོ་ཞིག་ཡོད།།
རི་ཞིག་མ་རེད་དཔོན་ཞིག་ཡིན་ཟེར།།
དཔོན་པོ་མཐོན་པོས་ཁ་བཟང་བཤད་པ།།
སོ་དཀར་མགོ་དཀར་སུ་ལ་མ་ཐོབ།།
མྱི་ལྟིག
གཅིག
རྒྱབ་རི་མཐོན་པོ་མཐོན་པོ་དེ་རྒས་པོ་ལོ་ལོན་ལོ་ལོན་ཞིག་དང་འདྲ་པར་སྐྱ་ཆད་ལེར་འདུག ཉལ་ཁང་གཡས་གཡོན་གྱི་ཤིང་སྡོང་དེ་ཚོའི་ལོ་འདབ་སྟེང་དུའང་སེར་ཐིག་བབས་འདུག་ལ་རླུང་བུའི་རྒྱུ་ཕྱོགས་དང་བསྟུན་ནས་ཟགས་ཀིན་འདུག དུས་ཚིགས་འདི་ནི་རང་ཉིད་ལ་མཚོན་ན་ཆེས་མི་སྐྱིད་པའི་དུས་སྐབས་ཤིག་རེད་ཨང་།
ཀླུ་སྨྱོན།
གཟིགས་པ་ལྔ་ཡི་པུར་རྩེ་ལས།།
བྲིས་པའི་སྙན་ངག་རྡོག་གཅིག་སྟེ།།
སྒྱུ་འཕྲུལ་མ་ཡི་རོལ་མོ་ལས།།
ས་གསུམ་མ་བུའི་བརྩེ་བས་གཏམས།།
ཟླ་དགུ་ཞག་བཅུའི་དཀའ་སྡུག་གིས།།
ལུས་སེམས་ལྕི་བའི་ཡུམ་ཆེན་མའི།།
རྣ་བར་རྒྱལ་སྲས་གཞོན་ནུ་ཡི།།
ངུ་ངག་དེ་ལས་སྙན་ཞིག་གང་།།
ཡིན་ཡང་སྙིང་དུ་སྡུག་པ་ཡི།།
ལྷ་བུ་དེ་ཉིད་མཐོ་རིས་ལས།།
བབས་པའི་འོད་ཀྱི་ཐེམ་སྐས་དེར།།
མ་ཡུམ་གང་དེ་གཤེགས་ལ་རིངས།།