ཨ་རིག་དགེ་མཐོང་།

སྤྱིར་བཏང་དེ་རིང་གླེང་རྒྱུའི་བོད་པ་ཚང་གཉིད་ལས་སད་སྟངས་ཟེར་བ་འདི་ནི་སྔོན་གྱི་མེས་པོ་གོང་མ་ཞེས་ཐག་རིང་ནས་མི་གླེང་བར་༡༩༥༨་ནས་ ༢༠༡༢་བར་ཡིན། བོད་ནང་གི་འབོད་སྟངས་ལྟར་ན་བོད་ལ་དུས་འགྱུར་བྱུང་བ་ཟེར། དེ་ལྟར་བརྩིས་ན་ལོ་ལྔ་བཅུ་ལྷག་གི་འགྱུར་བ་རེད། དེའི་ནང་དུ་འགྱུར་བ་ག་རེ་བྱུང་སོང་ཟེར། ང་བརྒྱད་དང་རིག་གནས་གསར་བརྗེ་སྐབས་སུ་རྒྱ་དམར་སྲིད་གཞུང་གི་འགོ་གཙོ་དག་གིས་བོད་ལ་བཙན་འཛུལ་བྱས་ཏེ་དམར་གསོད་བཏང་བ་དང་། ལྷ་རྟེན་ཆོས་གསུམ་བཤིགས་པ། ཆོས་ལུགས་དད་མོས་རང་དབང་མ་སྤྲད་པ་རེད། བོད་མི་འགའ་རེ་རྒྱ་ནག་གི་བཙན་འོག་ནས་འུ་ཐུག་པ་དང་ཁག་ཅིག་ངོ་ལོག་ནས་རང་མི་བསད་པ་དང་ལྷ་ཁང་མཆོད་རྟེན་སོགས་བཤིགས་པ། སྐྱབས་ཡུལ་དགེ་འདུན་པའི་སྡེ་ལ་གཅར་རྡུང་བྱས་པ། ནང་རྟེན་སྐུ་འདྲ་དང་གསུང་འབུམ་སོགས་ཀྱི་མཚོན་པའི་མང་བོ་ཞིག་མེ་བསྲེགས་པ་རེད། དེ་ནི་བཙན་དབང་དང་མི་རིགས་ཀྱི་འདུ་ཤེས་མེད་པས་རེད། ད་ལྟ་མི་རིགས་ཀྱི་འདུ་ཤེས་སྐྱེས་ཏེ་འདས་ཟིན་པའི་དམར་གསོད་དང་བཙན་འཕྲོགས་སོགས་ལ་ངོ་རྒོལ་བྱས་ཏེ་རང་ལུས་མེ་བསྲེགས་གཏོང་གི་ཡོད། འདི་ནི་ལྷ་རྟེན་ཆོས་གསུམ་མེ་བསྲེགས་ནས་ཞབས་འདྲེན་ཞུས་པ་དང་། བོད་མིའི་བདེ་སྡུག་བསམ་སྟེ་རང་ལུས་མེ་བསྲེགས་པའི་དཔའ་རྟགས་བཞག་པའི་བར་གྱི་འགྱུར་བའམ་སད་སྟངས་ཤིག་རེད།

དེ་ལས་མང་བ་། “བོད་པ་ཚང་གཉིད་ལས་སད་སྟངས།” »

ཆབ་མདོ་ངག་དབང་ཕུན་ཚོགས་ཀྱིས་

མཐོ་སྒང་གངས་ལྗོངས་ཞེས་ཡོངས་སུ་གྲགས་པའི་གནས་མཆོག་དགྲ་བོའི་ལག་ཏུ་ཤོར་ནས་ཁ་བྲལ་འདོད་མེད་བཞིན་མི་ཡུལ་ལ་འཚོ་བ་སྐྱུར་མོ་རོལ་ནས་མི་ལོ་ལྔ་བཅུ་ལྷག་ཙམ་འཁོར་ཞིང༌། ལོ་ངོ་དེ་དག་གི་ནང་དུ་བཀའ་དྲིན་བླ་མེད་དུ་ཆེ་བའི་ྋརྒྱལ་བ་རིན་པོ་ཆེ་དབུས་གཙོས་པའི་རྒྱལ་ཞེན་ཅན་གྱི་ལས་བྱེད་རྣམས་པས་ངལ་བ་བརྒྱ་ཕྲག་དང་དུ་བཞེས་ནས་བོད་མི་རིགས་ཀྱི་ཆབ་དཔལ་རིག་གསུམ་གྱི་དོན་དུ་སྐུ་ལས་སྐྱོན་གནང་མཛད་པས་གྲུབ་འབྲས་ཀྱི་དེང་སྐབས་བོད་མི་རིགས་ཞེས་གོར་ལོའི་སྟེང་དུ་མ་ཤི་བ་གསོན་པོ་འཚོ་གནས་ཐུབ་པ་ནི་ཁོང་རྣམས་པས་སྐུ་དྲན་ཁོར་ན་ལས་བྱུང་བ་ཞིག་ཀྱང་ཡིན། ལྷག་པར་དུ་ྋརྒྱལ་བ་རིན་པོ་ཆེའི་ཐུགས་དགོངས་བླ་མེད་བཞེས་ཏེ་བོད་མིའི་སློབ་གྲྭ་ཁག་གཙང་ཟུར་འཛུགས་གནང་ནས་བོད་མི་རིགས་ཀྱི་ཆོས་དང་རིག་གཞུང་མི་ཉམས་རྒྱུན་འཛིན་དང་ཉམས་པ་སླར་གསོ། དེང་དུས་ཀྱི་སྐད་ཡིག་ཤེས་པའི་གནའ་དེང་ཡ་མ་བྲལ་བའི་འདབ་གཤོག་གཉིས་ལྡན་ཡོང་བའི་ཐུགས་རེ་ཆེན་པོ་གནང་ཡོད། འོན་ཀྱང་ྋརྒྱལ་བ་རིན་པོ་ཆེའི་ཐུགས་རེ་གནང་བ་ཇི་བཞིན་ཤེས་ཡོན་སྤྲོད་ཐུབ་ཀྱི་མེད་པ་དེ་རེད། དེ་ཡང་ཤེས་རིག་ཚོགས་ཆེན་ཐོག་ཏུ་ཤེས་རིག་བཀའ་བློན་མཆོག་ནས།

དེ་ལས་མང་བ་། “བོད་ཀྱི་སྐད་ཡིག་སྐོར་ལ་དཔྱད་གླེང་སྒྲོན་མེ།” »

༼རང་རེའི་བོད་ཀྱི་རྒྱལ་གཅེས་དཔའ་བོ་དཔའ་མོ་ཚོ་ལ་རྗེས་དྲན་ཆེད་དུ་བྲིས་པ།༽

ཚྭ་རུ་མ་ཐབས་མཁས་ཀྱིས་བྲིས།

༡༽ ཁ་སང་།

སྐྱེས་པ་རླབས་ཆེ་ཞིང་འཆི་བ་ལ་གཟི་བརྗིད་ལྡན་ཞེས་པ་ལྟར་ང་ཚོའི་ཕ་ས་ཕ་ཡུལ་ན། མཚམས་འཇོག་མེད་པར་རྒྱུན་མཐུད་དུ་འབར་བཞིན་པའི་མེ་ལྕེ་འདི་དག་བུད་ཤིང་དང་། འབར་སྣུམ་སོགས་ལས་བྱུང་བ་མིན་པར་འདི་དག་ནི། ཕུང་ལྔའི་ཚོགས་ཙམ་ཉིད་དུ་གྲུབ་པའི་རང་རེའི་བོད་མི་ཚོའི་ཤ་ཁྲག་རུས་གསུམ་ཚག་སེར་བསྒྲོན་པ་དང་། ལྷམ་སེར་འབར་བའི་མེ་ལྕེ་ཏག་ཏག་ཡིན་པ་ང་ཚོས་ངེས་པར་དུ་ཤེས་དགོས། ཐེ་ཚོམ་དང་མཚམས་འཇོག་མེད་པར་ལོ་ཟླ་ཉིན་སྦྲེལ་ངང་ང་ཚོའི་ཕ་ཡུལ་གྱི་རྒྱལ་གཅེས་དཔའ་བོ་དཔའ་མོ་ཚོས་འདི་ལྟར་རང་རང་གི་གཅེས་སྲོག་དམར་པོ་ང་ཚོའི་རྒྱལ་ཁབ་དང་མི་རིགས་ཀྱི་ཆེད་དུ་ཕུལ་དང་འབུལ་བཞིན་པ་ནི། ང་ཚོ་བཙན་བྱོལ་ཕྱི་ཡུལ་ན་ཡོད་པའི་སྒེར་དོན་དང་། རང་གཅེས་ལ་འཇོན་པའི་བོད་པ་ཚོར་ཁ་བཤད་དོན་ཐོག་ཏུ་ལག་བསྟར་དགོས་པའི་ལམ་སྟོན་དང་སྣེ་ཁྲིད་གནངས་པ་ཞིག་ཡིན་ཞིང་། རང་དོན་ལས་གཞན་དོན་དང་སྒེར་ལས་སྤྱི་གཙོ་བོར་འཛིན་པའི་ཀུན་སྤྱོད་རྣམ་དག་དགོས་པའི་མིག་དཔེ་གསོན་པོ་ཞིག་ཀྱང་གསར་བཏོད་གནང་བཞིན་པ་རེད།

དེ་ལས་མང་བ་། ““སྐྱེས་པ་རླབས་ཆེ་ཞིང་འཆི་བ་ལ་གཟི་བརྗིད་ལྡན།”” »

བོད། ལྷ་ཀླུ་གཉན་གསུམ།

རྒྱ་ནག་སྲིད་གཞུང་གིས་ཉོ་མི་སྲིད་པའི་ཅ་དངོས་གང་ཡང་མེད། ཉོ་ཐུབ་པའི་སྟབས་འགྲིག་པ་ཡིན་ན། བོད་མི་རེ་རེ་བྱས་ནས་ཉོ་ངེས་ཡིན་ལ། ཉོས་པའི་གོང་ཚད་ཀྱང་གཏན་ནས་མི་ཉུང་བ་ཞིག་སྤྲོད་ངེས་ཡིན། རང་རང་གཞན་གྱིས་ཉོས་རྗེས་ནམ་ཞིག་ནོར་འཁྲུལ་དུ་ཤེས་ནས་ཕྱིར་ཉོ་རིན་ཕྱིར་སློག་བྱེད་འདོད་ཀྱང་། ཚེ་སྲོག་དང་ཁང་ཁྱིམ་ཅ་དངོས་གང་ཞིག་སྤྲད་ཀྱང་། གཏན་ནས་མི་འཕྲོད་པ་ཞིག་དུ་འགྱུར་ངེས་ཡིན། དེ་ཡིན་དུས་ད་ལྟ་བོད་མི་རྣམས་ཀྱིས་ཆེས་རྣམ་རིག་སྒྲུམ་དགོས་པའི་དུས་ཚོད་ཏག་ཏག་ཞིག་ལ་འཁེལ་ཡོད་པ་ཡིན། དུས་ཚོད་འདི་ཉིད་བོད་མི་དག་གིས་དམ་འཛིན་མ་བྱས་པ་ཡིན་ན་ནི། དངོས་ནས་མི་རིགས་ཤིག་གི་ཆོས་དང་སྐད་ཡིག རིག་གཞུང་ཡོད་ཚད། བྱམས་དང་སྙིང་རྗེ་བྲལ་བའི་སྲིད་གཞུང་ཞིག་གི་དཔལ་འབྱོར་གྱི་བྲན་གཡོག་ཁོ་ན་རུ་འགྱུར་ངེས་ཡིན། དེ་དུས་ཡོད་ཚད་ཚར་བའི་བོད་མི་རིགས་དེ་ནི། བེམ་པོ་ལས་རྣམ་ཤེས་མེད་པའི་མི་རིགས་མན་ཇུ་ལྟ་བུ་ཆགས་ངེས་རེད།

དེ་ལས་མང་བ་། “བོད་མི་རིགས་འདི་ཉིད་ས་སྒང་འདི་ནས་གསོན་དགོས་ཀྱི་ཡོད་ཚེ།” »

མི་ཞུན། ཝཱར་ཎ་མཐོ་སློབ།

དེ་རིང་ནས་བརྩིས་ཏེ་ལོ་ངོ་བཅོ་ལྔ་ལྷག་གི་ཡར་སྔོན་དུ་ང་རང་མཐོ་འབྲིང་གཉིས་པའི་སློབ་མ་ཡིན་སྐབས་ཀྱི་ཉིན་མོ་ཞིག་ལ་ངེད་ཚོའི་བོད་ཀྱི་སྐད་ཡིག་དགེ་རྒན་གྱིས་འཛིན་གྲྭའི་སློབ་ཕྲུག་ཚོ་ལ་དྲི་བ་གཅིག་དྲིས་སོང་། དྲི་བ་དེ་ནི་ད་ལྟ་ད་དུང་ཡང་ངའི་རྣ་ལམ་དུ་སིང་སིང་གྲགས་ཀྱི་འདུག་ལ་ངའི་དྲན་ངོགས་སུ་གཏན་ནས་ཡལ་ཐབས་མེད་པའི་རི་མོ་བཞིན་འབྱར་ནས་སྡོད་ཀྱི་འདུག དགེ་རྒན་གྱིས་གློ་བུར་དུ་སློབ་ཕྲུག་ཚོ་ལ་”ང་ཚོའི་རྒྱལ་ས་གང་རེད”་ཅེས་དྲིས་སོང་། འཛིན་གྲྭའི་ནང་དུ་སློབ་མ་བཞི་བཅུ་ལྷག་ཡོད་པ་ཚང་མས་མཉམ་གཅིག་ཏུ་ང་ཚོའི་རྒྱལ་ས་པེ་ཅིན་རེད་ཅེས་ལན་བཏབ་པ་ད་དུང་ཡང་ངས་དྲན་པ་སོས་ཀྱི་འདུག དེ་ནས་དགེ་རྒན་གྱིས་དེས་ན་”ང་ཚོ་བོད་ཀྱི་རྒྱལ་ས་གང་རེད་”ཅེས་བསྐྱར་དུ་དྲི་བ་གཅིག་བཀོད་སོང་། ད་ལྟ་བསམས་ན་དེ་ནི་ཧ་ཅང་གི་སྤྱིར་བཏང་བའི་དྲི་བ་གཅིག་རེད། ཁག་པོ་ཁྱོན་ནས་མ་རེད་དེ། སློབ་ཕྲུག་ཚོའི་སྨྲ་བ་ཅི་ཞིག་གིས་བསྡམས་སོང་བ་བཞིན་གྲགས་རྒྱུ་ཅི་ཡང་མི་འདུག

དེ་ལས་མང་བ་། “གདུག་རྩུབ་ཀྱི་སོ་ཁ་ནས་འཁྲུངས་པའི་རང་རྟོགས་རང་ཞེན།” »

མི་ཕམ་ཚངས་ཐིག
བོད་ཀྱི་བྱང་སེམས་དཔའ་རྟུལ་ཕོ་མོ་ཚོས་རང་སྲོག་མཆོད་མེར་ཕུལ་དགོས་དོན་གསལ་བཤད་ཡིད་ཚིམས་པ་ཞིག་བརྙན་འཕྲིན་དང་རླུང་འཕྲིན། ཚགས་ཤོག་སོགས་གང་སར་བྱེད་མ་ཐུབ་ན། མི་རིགས་དང་རིག་གཞུང་གཞན་པ་དག་གིས་ངོས་འཛིན་བཟང་བོ་ཞིག་བྱེད་ཤེས་ཀྱིན་མི་འདུག་པས་ཕན་མེད་གོ་ལོག་གི་ཉེན་ཁ་འདུག མ་ཟད་བོད་མི་དཀྱུས་མ་དག་གིས་ཀྱང་འདི་དག་གི་རིན་ཐང་ཆ་ཚང་ཞིག་རྟོགས་ཀྱི་མི་འདུག གསར་འགོད་བརྒྱུད་ལམ་ཁག་ཏུ་བོད་མིའི་རང་སྲོག་མེ་མཆོད་གྱི་གནད་དོན་གླེང་བའི་གོ་ སྐབས་ཡོད་མཁན་དག་མང་ཆེ་བས་འགྲེལ་བཤད་ཡིད་ཚིམ་ཞིག་བརྗོད་ཡོད་པ་མ་ཐོས། ཁོང་ཚོས་འདི་ལྟར་བརྗོད་བཞིན་འདུག བོད་མི་ཚོས་རྒྱ་ནག་གཞུང་གིས་སྲིད་ཇུས་ལ་བློ་ཁ་མ་ཁེངས་པས་ཞི་རྒོལ་བྱུང་བ་རེད་ཟེར་བ་དེ་ཁ་ལ་བྱང་འདུག དེ་ལས་ཅུང་ཟད་བཟང་བའི་ལན་འདེབས་མཁན་དག་གིས་རྒྱ་གཞུང་གིས་བོད་མི་ལ་སྡུག་སྦྱོང་དྲག་གནོན་ཆེ་དྲགས་ནས་བོད་མི་ཚོ་འུ་ཐུག་ཐབས་ཟད་ནས་རང་ཤི་བརྒྱབས་པ་རེད་ཟེར་རྒྱུ་དེ་ཡང་ཁ་ལ་བྱང་འདུག་པ་ཙམ་ལས། རྒྱལ་གཅེས་དཔའ་བོ་དཔའ་མོ་དག་གི་ཟླ་བྲལ་གྱི་མཛད་པ་ལ་འོས་ཤིང་འཚམས་པའི་འགྲེལ་བརྗོད་ཆ་ཚང་བ་ཞིག་གནང་ཐུབ་མཁན་ད་བར་ཤེས་མ་སོང་།

དེ་ལས་མང་བ་། “སྐུ་སྲོག་མེ་མཆོད་ཀྱི་རིན་ཐང་ཆ་ཚང་ཞིག་སུས་བཤད་ཐུབ་ཡོད་དམ།” »