གཡུ་སྒང་དགེ་འདུན།

ཞལ་ཁྱིམ་སྟོན་ཟླའི་དཔལ་ལ་སྐྱེངས་སྟེར་མ།།
སྤྱན་ཟུར་ཟླ་དཀྱིལ་རི་བོང་གཡོ་ལྡན་མ།།
ཚེམས་ཕྲེང་ཟླ་འོད་སྟོང་གི་མདངས་འཛིན་མ།།
ཟླ་བའི་མ་མ་ལས་བྱུང་ཡིད་འཕྲོག་མ།།

ཐུགས་བརྩེ་འོ་མའི་མཚོ་ལས་བྱུང་འདྲ་མ།།
འོ་འཛིན་དུང་གིས་སྐྱེ་འགྲོ་འགུག་བྱེད་མ།།
ལུས་ཅན་བློ་ལ་ཤེས་བྱའི་དཔལ་སྟེར་མ།།

དེ་ལས་མང་བ་། “ལྷ་མོ་དབྱངས་ཅན་མ་ལ་བསྟོད་པ་མེ་ཏོག་ཕྲེང་བ།” »

ཨོ་གླིང་།   འདྲེ་གླེན་པ། 

སྐྱ་རེངས་མ་ཤར་པས་རྨི་ལམ་གྱི་གཤོག་པ་ཆད་མེད།།
རྦ་རླབས་མ་འཕྱུར་བས་མིག་ཆུ་ཡི་གཏམ་རྒྱུད་རྫོགས་མེད།།
ཟླ་འོད་མ་ཚེས་པས་ཞལ་ཁྱིམ་གྱི་མཛེས་པ་ཤར་མེད། ། 
གླུ་སྐད་མ་གྲག་པས་རི་གྲོང་གི་དགོད་སྒྲ་བོར་མེད།  
ཁྱེད་རང་སྐྱེས་པ་ཡང་ཚེ་སྲོག་ཅིག་མ་རེད།།    རྨི་ལམ་ཞིག་རེད་དོ།།   

ཐང་ཆེན་མ་བརྒྱབ་པས་རྟ་མཆོག་གི་གོམ་སྒྲ་རྙེད་མེད།། 
ལ་ཆེན་མ་བརྒལ་བས་འབྲོང་རྒོད་ཀྱི་རྭ་རྩེ་མཐོང་མེད།། 

དེ་ལས་མང་བ་། “ཚེ་སྲོག་རེད་དམ་རྨི་ལམ་རེད།” »

རིག་འཛིན་རྡོ་རྗེ།

ཀ་བ་བཞིན་དུ་གཞུང་དྲང་གཏན་མིན་ཞིག །
ཁ་བའི་ཕྱི་རོལ་བཙན་བྱོལ་སྒྲིག་འཛུགས་ཀྱི།།
ག་ཤེད་སྟེས་ཀྱིས་དཔོན་མིང་ཐོབ་ན་ཡང་།།
ང་སྙམ་འཁྲུལ་སྣང་ཆེ་བས་རང་མདོག་བསྟན།།
ཅ་ཅོ་འདུ་འཛིའི་ལས་བསྟེན་ཆེ་ཉམས་འཛིན།།
ཆ་མེད་བོད་ཐད་ཨ་མཚར་འགྲེལ་ལོག་བསྐྱོན།།
ཇ་ལན་ཆུ་ཡིས་འཇལ་དང་རྟག་འདྲིས་མཐུས།།
ཉ་ཉོག་གཏམ་ནང་མི་མཐུན་འགལ་ཚིག་མང་།།

དེ་ལས་མང་བ་། “ཕེབས་སྐྱེལ་ཀ་རྩོམ་ཐོལ་བྱུང་མ།” »

གཡུ་སྒང་དགེ་འདུན།

(༢༠༢༡།༠༥།༢༧ སྲིད་སྐྱོང་གསར་པའི་དམ་འབུལ་ལ་ཕུལ།)

༡༽ལྷག་བསམ་ཁ་བའི་འདབ་མ་རེ་རེ་དམངས་སེམས་འཛིན་མའི་ཟུངས་སུ་སིམ།།
འདྲེ་དགུའི་ལག་པ་གྲངས་མེད་བསྐྱངས་ཀྱང་བདེན་པའི་རྒྱལ་ཁའི་དར་ཆ་བསྒྲེངས།།
དྲང་བདེན་ལས་ཀྱི་རིན་ཆེན་དང་པོའི་གཟི་འོད་ནམ་མཁའི་དབྱིངས་སུ་འཕྲོས།།
མདོ་སྨད་སྣང་རའི་སྤེན་པ་ཚེ་རིང་སྲིད་སྐྱོང་གསེར་གྱི་ཁྲི་ལ་འགྱིངས།།

༢༽རང་གཞན་ཕྱོགས་རིས་དྲི་མས་མ་གོས་སྤྱི་སྙོམས་དྲང་བདེན་གཙུག་ཏུ་བཟུང་།།

དེ་ལས་མང་བ་། “དབུ་མའི་ལམ་གྱི་རྒྱལ་སྲས་སྲིད་སྐྱོང་སྤེན་པ་ཚེ་རིང་།” »

འདྲེ་གླེན་པ། ༼ཨོ་གླིང་།༽

དབུས་ཇ་མངར་མོ་ལ་སྐོལ་སྟངས་མི་འདྲ་བ་བརྒྱ་ཡོད།།
མངའ་རིས་སྒྲ་སྙན་ལ་དཀྲོལ་སྟངས་མི་གཅིག་པ་བརྒྱ་ཡོད།།
ཨ་མདོའི་བག་ལེབ་ལ་སྙལ་སྟངས་མི་འདྲ་བ་གཉིས་ཡོད།།
ཁམས་པའི་རལ་གྲི་ལ་གཡུགས་སྟངས་མི་འདྲ་བ་གཅིག་རེད།།

ཨ་མདོའི་མོག་མོག་གི་ཁ་ཆུ་ཐུར་དྲུད་མ་ལངས་སྟངས།།
དབུས་གཙང་མོག་མོག་གི་སེན་ཁ་བརྒྱ་འགྲོས་མ་ཉལ་སྟངས།།
ཁམས་པའི་མོག་མོག་མོག་གི་གཡག་ཤ་ཚོན་པོ་མ་འགྱིངས་སྟངས།།

དེ་ལས་མང་བ་། “བོད་ཆོལ་ཁ་གསུམ་ལ་འཐེན་ཐུག་གསུམ་དང་མོག་མོག་གསུམ།” »

ཨོ་གླིང་།   འདྲེ་གླེན་པ། 

མཚན་མོ་གཅིག 
ཁ་བ་འབབ་རྗེས་ཤིག 
རི་དྭགས་ཤིག་དང་འདྲ་བར 
མི་ཀུན་གཡོལ་ནས་འགྲོ་སྐབས་ཤིག
ཁྱེད་རང་གཅིག་པུ་ང་ཡི་འགྲམ་དུ་བཅར
ད་ནི་མི་ལོ་བཅུ   ཕུགས་བསམ་བོར   བརྩེ་དུང་བོར    
དྲན་གདུང་གཅིག་པུ་མིག་ཆུ་དང་འདྲ    

དེ་ལས་མང་བ་། “མི་ལོ་བཅུ” »

བསྟན་འཛིན་ཆོས་སྐྱོང་ནས།

དུས་འགྱུར་རླུང་གིས་སྒྲིབ་པ་གངས་ཀྱི་མདངས།།
གསལ་མཛད་བསིལ་ལྗོངས་མགོན་གཅིག་མི་ཕམ་པའི།།
ཡང་དག་ལམ་གྱི་བདེན་སྟོབས་གནང་སྐྱེས་ཀྱིས།།
འགོག་མེད་འཁྲུངས་པ་སྤེན་པ་ཚེ་རིང་ཅན།།
སྲིད་ཀྱི་ཁྲི་འཕང་བཞེས་པའི་སྟ་གོན་མཛད།།

དེ་ལས་མང་བ་། “མང་བཀུར་སྲིད་སྐྱོང་སྤེན་པ་ཚེ་རིང་མཆོག་གི་མཛད་རྗེས་ཉུང་ཙམ་བརྗོད་པ་ཨུ་དུམ་ཝ་རའི་མེ་ཏོག་ཞེས་བྱ་བ།” »

བསྟན་འཛིན་རབ་དགའ།

བདེན་པའི་གད་རྒྱངས་བསྐལ་པའི་མེ་དཔུང་གིས།།
ངན་རྟོག་བྱེ་མའི་མཁར་རྫོང་སྟོང་ཕྲག་སྲེག།
ཁྲེལ་གཞུང་འགྱེལ་བའི་འཐེང་པོི་ཁྱུ་དང་ཁྱུ།།
ཁྲོམ་ལ་གཅེར་བུར་དེད་པའི་ལྟད་མོ་ལ།།
གུས་བསྟོད་མཐེ་བོང་རི་བོ་ནམ་མཁར་བརྩེགས།།
སྲིད་སྐྱོང་ཁྲི་ལ་འཁོད་པར་རྟེན་འབྲེལ་ཞུ།།

དེ་ལས་མང་བ་། “དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་ལ་འཚམས་འདྲིའི་ཤིས་ཚིག་བསོད་ནམས་རྒྱན་གྱི་མེ་ཏོག་ཅེས་བྱ་བ།” »

མདོ་སྨད་དབུས་རྒྱུན་ཚོགས་ཟུར་བསྟན་པའི་དངོས་སྒྲུབ་ཀྱིས།

བསྟོད་པས་དགའ་བར་མི་འགྱུར་རང་ཉིད་རང་གིས་ཤེས་པའི་མི།།
སྨད་པས་སྡང་བར་མི་འགྱུར་བསམ་ཤེས་གུ་ཡངས་མཉམ་པར་འཛིན།། 
ལྟ་བའི་མིག་དང་ཁོག་པའི་སྙིང་ཞེས་མགོ་ནག་བོད་མིའི་སྐྱབས་གཅིག་བུ།།
སྒྲུབ་པའི་མཆོད་པས་མཉེས་པར་བྱེད་མཁས་མི་རྗེ་ཁྱེད་ཉིད་གཙུག་ཏུ་བཀུར།།

དེ་ལས་མང་བ་། “མི་རྗེ་སྐུ་ངོ་སྤེན་པ་ཚེ་རིང་མཆོག་བོད་མིའི་སྒྲིག་འཛུགས་ཀྱི་སྲིད་སྐྱོང་དུ་འོས་བསྡུའི་ལམ་ནས་རྒྱལ་ཁ་ཆེན་པོ་ཐོབ་པར་བཀྲ་ཤིས་བདེ་ལེགས་གྲངས་མེད་ཞུ།” »

གསལ་ལེ་རྒྱལ།

ལོ་རེའི་སྣ་ཡི་ཁ་ཡག་ལན་གཅིག་དེར་ཉན་ནས།།
ཁ་སང་བསྟོད་པ་སྟོང་གི་ལས་མཚམས་ལ་བཞུགས་རྗེས།།
ད་ནིང་སྔ་སེ་ལོངས་ཞེས་ཁ་སང་གི་ལས་ཀ།
ནམ་ལང་ཉི་མས་དེད་པའི་ཨ་མ་ལགས་བདེ་འམ།།   

དྲ་རྒྱའི་རྒྱུད་ལམ་ཚང་མ་འགུལ་སྟངས་ལ་བལྟས་ན།།
ཁ་སང་ཁེར་མོར་ཁ་སྐྱིད་ཡ་མཚན་ཞིག་བརྒྱབ་འདུག།
རྒྱས་ཟ་རྒྱས་འཐུང་བྱེད་ལ་མ་གོམས་པའི་ཨ་མར།།
རྒྱགས་གཟེར་ལྟོགས་གཟེར་གཉིས་ལ་ཁྱད་པར་འདྲ་འདུག་གམ།།

དེ་ལས་མང་བ་། “ཨ་མའི་དུས་ཆེན་གྱི་ཕྱིར་ཉིན།   ” »

འོད་ཟེར།

ཨ་མ་མེད་ན་གནམ་འོག་སྟོང་པ་ཡིན།།
མི་རུ་སྐྱེས་ནས་མི་ཚེ་མ་ཟད་བར།།
མི་ཡི་ཡུལ་ན་བློ་ཡིས་མི་ཐོང་པ།།
མི་ཆོས་དམ་ཆོས་གང་ནས་བསམས་ཀྱང་རུང།།
མི་ལུས་གཅིག་ལ་བཀའ་དྲིན་གསབ་དཀའ་མ།།
གང་ཁྱོད་དྲན་ནས་མི་ལ་རུས་པ་ངུས།།
གང་དེའི་ཆེད་དུ་རྒྱལ་བ་ལྷ་ཡུལ་འགྲིམས།།
གང་གིས་ཤངས་ཁྲག་རང་སྐུ་མ་ལ་བཞེངས།།

དེ་ལས་མང་བ་། “ཨ་མ།” »

རིག་བྱེད་པ་ཚེ་རིང་། (རྡ་ས།)

སྤྱི་པའི་སྒྲིག་འཛུགས་གཟི་བརྗིད་འོད་མདངས་ཅན།།
སྒེར་གྱི་སྙན་གྲགས་སྐམ་པོ་རྒྱས་བྱེད་དུ།།
བེད་ལོག་སྤྱོད་མཁན་བློ་བཟང་སེང་གེ་དང་།།
ཨབ་ཕྲུག་མང་པོའི་པགས་པ་དམར་པོ་བཤུས།།

སྤྱི་སེམས་བོར་བའི་གཏམ་བཤད་ཡན་པོ་དང་།།
ཤ་ཚ་བྲལ་བའི་བྱ་སྤྱོད་ནག་པོ་ཡིས།།
ཆིག་སྒྲིལ་དུམ་བུར་བཏང་བའི་ཉེས་པ་རྣམས།།
མངོན་མངོན་རྗེན་པར་ཕྱུངས་པའི་སྨྲ་བ་མཐོ།།

དེ་ལས་མང་བ་། “དྲང་བདེན་པ་ཐུབ་བསྟན་ཐོགས་མེད་ལ་བསྟོད་པ།” »

གཞུང་པ་ཚེ་དབང་བསོད་ནམས།

ཀ་བ་གསུམ་གྱིས་འགན་ཁུར་འོག་ཏུ་བཙུགས་པའི་བོད་མིའི་མང་གཙོ་འདི།།
ཁ་ནས་བཤོད་རྒྱུ་ཁྲིམས་ཀྱི་དབང་བསྒྱུར་ལག་ལེན་བཅའ་ཁྲིམས་དོ་ཕོག་བཏང་།།
ག་ནས་ལྟས་ཀྱང་བཅའ་ཁྲིམས་འགལ་འཛོལ་ནོར་འཁྲུལ་ཤོར་བ་སྤྱི་འཐུས་འགན།།
ང་ཚོའི་མང་གཙོ་ཁྲིམས་ཀྱི་དབང་བསྒྱུར་བཅའ་ཁྲིམས་ནོར་བུ་མང་གཙོའི་སྲོག།

ཅ་ཅོ་མང་བའི་བཙན་བྱོལ་སྤྱི་ཚོགས་བཅའ་ཁྲིམས་ལྟ་ཀློག་ཉིན་སྐར་ཙམ།།
ཆ་རྒྱུས་མེད་པའི་ཞི་བའི་མི་མང་རྩ་ཁྲིམས་བཅའ་ཁྲིམས་གང་བསམ་གླེང་།།
ཇ་ཕོར་གང་གི་འཐུང་ཡུན་མ་འགོར་ཁྲིམས་ཞིབ་ཆ་ཚང་གནས་དབྱུངས་བཏང་།།
ཉི་མ་དེ་ནི་བཙན་བྱོལ་བོད་མིའི་ལོ་རྒྱུས་ནང་དུ་ནག་ཐིག་བཀོད།།

དེ་ལས་མང་བ་། “བཙན་བྱོལ་བོད་མིའི་མང་གཙོའི་ཀ་བ་གསུམ་གྱིས་འགན་ཁུར་ལ་དཔྱད་པའི་ཀ་བཤད།” »

རྔ་བ་ཀུན་བཟང་།

འཁོར་བའི་ནང་གི་ཆུང་ལོ།།
ཚིག་གི་མདུད་པ་མ་རྒྱག།
ལས་མཐུན་བསྐལ་བ་ཡོད་ན།།
སྐྱེ་བ་འདི་ནས་ཕྲད་ཡོང་།།

སྨད་ཀྱི་ཆུ་བོའི་འགྲམ་ན།།
ཆུ་ལེན་བུ་མོ་ང་ཡོད།།
སྐོམ་པའི་གདུང་བ་བྱུང་ན།།
ལན་གཅིག་འཐུང་ན་ཆོག་གི།

དེ་ལས་མང་བ་། “ཆོག་གི” »

ཆང་སྐྱེས།

གངས་དཀར་ཁ་བ་རི་བོའི་རྩེ་མོ་ན།།
དུང་གི་ཟླ་བ་གཞོན་ནུ་རེ་ཞིག་ནུབ།།
ཆོལ་གསུམ་ས་ཡ་དྲུག་གི་སྐྱེ་འགྲོ་རྣམས།།
མི་འདོད་སྐྱོ་གདུང་དྲག་པོས་ཡང་ཡང་མནར།།

གཟའ་སྐར་རྟེན་འབྲེལ་བཟང་བའི་ཉིན་མོར་དེར།།
གང་གི་ཡང་སྲིད་མཆོག་སྤྲུལ་རིན་པོ་ཆེ།།
འཇའ་ཚོན་མེ་ཏོག་དང་བཅས་རྟགས་མཚན་གྱིས།།

དེ་ལས་མང་བ་། “ང་ཡི་བླ་མ་རིན་པོ་ཆེ། (སྐུ་ཕྲེང་བཅུ་གཅིག་པ་མཆོག་གི་འཁྲུངས་སྐར་ལ།)” »

ཁྲོ་གཏུམ།

མཚན་མོས་ཉིན་མོ་འབོད་པ
ཉིད་འོད་ཤར་བའི་བརྡ་ལན་རི་བོའི་རྩེ་དང་རྒྱ་མཚོའི་མཐར་རུ་མི་འདུག

ཉིན་མོས་མཚན་མོ་འབོད་པ
ཟླ་འོད་འཕྲོས་པའི་བློ་གྲོས་ཤར་ནུབ་གང་དུ་ཡང་ནི་མི་འདུག

ས་གཞིས་རྒྱ་མཚོ་འབོད་པ
རླབས་ཀྱི་རང་སྒྲར་གྱུར་བའི་སྤོབས་པའི་ལ་རྒྱ་གང་སར་མི་འདུག

དེ་ལས་མང་བ་། “འབོད་པ་ཡོད་རུང་སེམས་པ་མེད།” »

ཆང་སྐྱེས།

གློག་སྒྲོན་དམར་པོ་འཚེར་བའི་འོད་ངོགས་ནས།།
རྒུན་ཆང་ཟ་ཟིལ་ཞིག་ཀྱང་འཐུང་རྗེས་སུ།།
ལུས་ཀྱི་རྩ་བརྒྱའི་རྩེ་ལ་ཚ་བརྒྱབ་ན།།
འདོད་པའི་དཔལ་ལ་མི་རོལ་སུ་ཞིག་ཡོད།།

ཕན་ཚུན་ལུས་པོ་གཅེར་བུར་ཕུད་ཞོར་ཏུ།།
ཕྱག་ཟུང་འཇམ་པོ་གཅིག་ཏུ་རབ་སྦྲེལ་ནས།།
དབུགས་རྒྱུན་མགྱོགས་མོ་སྟོད་ལ་འཚང་དུས་སུ།།
ཨ་ཚ་མི་དགོས་ཟེར་མཁན་སུ་ཞིག་ཡོད།།

དེ་ལས་མང་བ་། “འདོད་པའི་འཇུག་སྒོ། (མུ་འགོད་ལེའུ་གཉིས་པ།)” »

ཆང་སྐྱེས།

ལྷ་ཆེན་ཚངས་པ་ཆེན་པོའི་མན་ཆད་དང་།།
སྲོག་ཆགས་འབུ་སྲིན་ཕྲ་མོ་ཡན་ཆད་ཀྱི།།
དབུགས་ཀྱི་རྒྱུ་བ་ལྡན་པའི་སྐྱེ་འགྲོ་རྣམས།།
འདོད་པའི་བདེ་ལ་མི་དགའ་སུ་ཞིག་ཡོད།།

འདོད་པའི་དབང་རྩ་སྟོད་ནས་འཁྲུག་པ་དང་།།
མྱོས་པའི་མཚན་མ་སྨད་ནས་རྒྱས་གྱུར་ནས།།
མིག་ཟུང་སྲེད་ཆགས་དམར་པོས་བསླུས་ན་ནི།།

དེ་ལས་མང་བ་། “འདོད་པའི་འཇུག་སྒོ (མུ་འགོད་ལེའུ་དང་པོ།)” »