འཇམ་དབྱངས་དཀར་པོ།
མེ་རི་ཁུ་རི་(Marie Curie) ནི་སྤྱི་ལོ་༡༨༦༧ ཟླ་༡༡ ཚེས་༧ ཉིན་པོ་ལེནྜའི་(Poland) ས་གནས་བར་སོ་(Warsaw) ཞེས་པར་སྐྱེས་ཤིང་། སྤྱི་ལོ་༡༩༣༤ ཟླ་༧ ཚེས་༤ སྟེ། ལོ་ ༦༦ ཐོག་ཧྥ་རན་སིའི་ས་གནས་ཧཱོ་ཏེ་ས་བཱའོ་(Haute-Savoie) ཞེས་པར་འདས།
མོ་ནི་ནོ་བྷེལ་གཟེངས་རྟགས་ཐོབ་པའི་བུད་མེད་ཐོག་མ་དང་། མི་གཅིག་ལ་ནོ་བྷེལ་གཟེངས་རྟགས་གཉིས་ཐོབ་མཁན་གྱི་ཐོག་མ།
འགྱུར་མེད་བློ་གྲོས་རྒྱ་མཚོ། (ཨེ་མ་ཧོས་འོས་སྦྱོར་བྱས།)
གང་མཚན་ཙམ་གྱིས་འཇིག་རྟེན་བྱེད་པོ་ཡང༌། །ཁེངས་སེམས་རི་བོའི་བ་གམ་བསྙིལ་དང་ལྷན། །དད་པའི་འཁྲི་ཤིང་གཡོ་བའི་ངལ་སྦྱིན་པོ།། མཉན་ཡོད་བཞུགས་པ་དེ་ཡིས་དགེ་ལེགས་སྩོལ། །ལྷོ་ནུབ་དྷ་ན་ཀོ་ཤའི་མཚོ་གླིང་དབུས། །འོད་ལྔའི་གུར་གྱིས་མཛེས་པའི་པད་སྡོང་སྦུབས།། མཚན་དཔེ་རབ་རྫོགས་རྒྱལ་ཀུན་འདུས་པའི་དཔྱིད། །སངས་རྒྱས་པདྨ་འབྱུང་གནས་ཕྱག་གི་ཡུལ། །གངས་ཅན་བསྟན་པའི་ཕྱི་མོ་རྙིང་མ་པའི།། རྨད་བྱུང་ཆོས་ཀྱི་བྱུང་བ་མདོར་བསྡུས་ཤིག །ལོ་རྒྱུས་ཡིག་ཆ་དག་ལས་ལེགས་བཏུས་ཏེ། །བློ་གསར་བློ་ཡི་སྒོ་མོ་འབྱེད་ཕྱིར་འགོད། །
དེ་ལས་མང་བ་། “སྔ་འགྱུར་རྙིང་མའི་ཆོས་འབྱུང་བསྡུས་པ་རིན་པོ་ཆེས་ཁེངས་པའི་ཟ་མ་ཏོག” »
ཐེ་བོ་སངས་རྒྱས།
འཛམ་གླིང་ལོ་རྒྱུས་ནང་ནོ་བྷེལ་གཟེངས་རྟགས་The Nobel prize.ལས་ལྷག་སྐད་གྲགས་ཆེ་བའི་བྱ་དགའ་ཞིག་བྱུང་མེད་ཚོད་རེད། རྒྱལ་སྤྱི་རང་བཞིན་ཅན་གྱི་བྱ་དགའ་དེ་ལ་ཞི་བདེ་དང་། གསོ་རིག་སྨན་སྦྱོར། རྫས་འགྱུར། རྩོམ་རིག དཔལ་འབྱོར་རིག་ཚན་རྣམས་ཡོད་པ་ལས་ཞི་བདེའི་གཟེངས་རྟགས་ནི་བརྩི་མཐོང་ཚད་མེད་བྱེད་ཅིང་རིན་ཐང་དང་སྙན་གྲགས་ཆེ་ཤོས་ཡིན་པར་རྩོད་པ་མེད། ཕྱི་ལོ་1989 ལོར་དེ་བོད་ཀྱི་ཆོས་སྲིད་གཉིས་ཀའི་དབུ་ཁྲིད་༸གོང་ས་ཏཱ་ལའི་བླ་མ་མཆོག་ལ་ཕུལ་བ་ནི་ཐུ་བྷོད་མི་རིགས་སྤྱིའི་ང་རྒྱལ་དུ་བརྩི་ཆོག
འོས་སྦྱོར་བ། ཁྲོ་གཏུམ།
༼ཀ་སྐྱེས་འཇིགས་མེད་རང་གྲོལ་ལགས་ཀྱིས་བརྩམས་པའི་<<སྐྱབས་རྗེ་བླ་མ་ངག་བློའི་རྣམ་ཐར།>>གྱི་ཚན་པ་ཞེ་བཞི་པ།༽
སྐབས་འདིར་ཨ་ནེ་གཡང་མོ་མཚོ། བཙོན་ཁང་དུ་ཁོང་ཉིད་བསུ་བ་ལ་ཇི་ལྟར་སོང་ཚུལ་ཞིག་བཤད་ན། ལོ་དེའི་དབྱར་ཟླ་ལྔ་བའི་བཅུ་སོ་ཞིག་ཏུ། ཉ་ལུང་སྡེ་བའི་ཞོལ་གྱི་སྡེ་རོང་ཐང་ཞེས་པར་ཞིང་ལ་ཡུར་མ་ཡུར་བར་འགྲོ་དུས། རྒྱ་མི་གཉིས་ཀྱིས་ལག་ཏུ་ཡིག་ཆ་འཇོག་སྤྱད་ཀྱི་ཁུག་མ་རེ་བཟུང་ནས་ཡར་ཉ་ལུང་དུ་བུད་སོང་། དེ་ནས་མོས་ཡུར་མ་ཡུར་བཞིན་པའི་ཉིན་གུང་གི་སྐབས་ཤིག་ལ། སྡེ་འདབས་ནས་མི་ཞིག་གིས་བོས་ཏེ་ཁྱོད་ཡུལ་ལ་ཤོག་ཟེར། དེ་ནས་ཞིང་གི་ཡུར་མ་ཡུར་མཚམས་བཞག་སྟེ་ཀུང་ཧྲེ་ནང་ལ་སོང་བས།
དེ་ལས་མང་བ་། “རེ་སྒུག་གི་ལོ་ཟླའི་ཁྲོད་ནས་ལྷན་ཏུ་འཛོམས་ཤིང་། ཕྱིར་རེབ་གོང་དུ་ཕེབས་པ།” »
འོས་སྦྱོར་བ། ཁྲོ་གཏུམ།
༼ཀ་སྐྱེས་འཇིགས་མེད་རང་གྲོལ་གྱིས་བརྩམས་གནང་བའི་<<སྐྱབས་རྗེ་བླ་མ་ངག་བློའི་རྣམ་ཐར།>>གྱི་ཚན་པ་ཉེར་བདུན་པ་འདྲེན་བཀོད་བྱས་པ་ཞིག༽
ཕྱི་ལོ་༡༩༥༤ལོའི་སྟོན་ཁའི་དགུ་བའི་བཅོ་ལྔའི་ནངས་མོར། དགོན་ལ་ཁར་མཚམས་ཁང་དུ་ཁོང་ཡབ་ཡུམ་གཉིས་ཀྱིས་ནངས་ཇ་བཞེས་ནས་ཡོད་སྐབས་ཤིག་ཏུ། རྒྱ་མི་རྟ་ཞོན་ཞིག་ཁོང་ཚང་གི་མཚམས་ཁང་དུ་ཐོན་བྱུང། དེ་ནི་རེབ་གོང་རྫོང་གིས་མངགས་པའི་བང་མི་ཞིག་རེད། ཁོས་བཤད་ན་སང་ཉིན་ནས་བླ་མ་དཔོན་པོ་རྣམས་རྒྱ་ནང་དུ་མཚམས་གོན་༼ལྟ་སྐོར།༽ལ་ཁྲིད་རྒྱུ་ཡིན་པས་ལམ་ཆས་ཀྱིས་ཟེར།
འོས་སྦྱོར་བ། ཁྲོ་གཏུམ།
༼ཀ་སྐྱེས་འཇིགས་མེད་རང་གྲོལ་གྱིས་བརྩམས་གནང་བའི་<<སྐྱབས་རྗེ་བླ་མ་ངག་བློའི་རྣམ་ཐར།>>གྱི་ཚན་པ་ཉེར་དགུ་བ་འདྲེན་བཀོད་བྱས་པ་ཞིག༽
རེབ་གོང་དུ་ཕྱི་ལོ་༡༩༥༨ ལོར་གུང་ཁྲན་དབང་བསྒྱུར་གྱི། བསྒྱུར་བཀོད་མཉམ་ལས་ཁང་གི་སྲིད་ཇུས་ལག་བསྟར་བྱས་པ་རེད། ལམ་ཕྱོགས་དེའི་ངོ་བོ་ནི། གང་ལ་དབང་བསྒྱུར་གྱི་ཕྱོགས་ཐམས་ཅད་དུ། མ་རྩ་རིང་ལུགས་བཀས་བཀོད་རྒྱུད་འཛིན་གྱི་ཞིང་བྲན་དང་། ཕྱུག་བྲན། རྨོངས་དད་བཤུ་གཞོག་ལམ་ལུགས་སོགས་བཅིང་འགྲོལ་དང་ཡོ་བསྲིངས་བྱས་ཏེ། སྤྱི་ཚོགས་རིང་ལུགས་ཀྱི་དམངས་གཙོའི་ལམ་ལུགས་གསར་བའི་གསར་བརྗེ་མངོན་འགྱུར་བྱེད་རྒྱུ་དེ་རེད།
དེ་ལས་མང་བ་། “ཉེར་དགུ་བ། བསྒྱུར་བཀོད་མཉམ་ལས་ཀྱི་དུས་འགྱུར་བྱུང་བ།” »
འཇིགས་མེད་ནུབ་པ།
ངེད་ཀྱིས་བཀླགས་པའི་བོད་ཀྱི་ལོ་རྒྱུས་དེབ་ “Tibet: A History” (བོད་། ལོ་རྒྱུས་ཤིག)ཟེར་བ་དེ་གཞིར་བཞག་ན། བསམ་ཡས་ངག་གི་དབང་པོས་(1308-1363)ཀ་རྩོམ་འདི་མཛད་པའི་ལོ་ནི་ཕྱི་ལོ་1334ལོ་རེད་འདུག དེ་དུས་ཁོང་དགུང་ལོ་ཉེར་བདུན་ལ་སོན་འདུག་པ་མ་ཟད་གསང་ཕུ་དགོན་པའི་གྲྭ་བ་ཡང་རེད་། གསང་ཕུ་དགོན་པའི་མིང་དངོས་ལ་གསང་ཕུ་ནེའུ་ཐོག་དགོན་ཟེར་ཞིང་དགོན་པ་དེ་རྔོག་ལེགས་པའི་ཤེས་རབ་ཀྱིས་ཕྱི་ལོ་1073ལོར་ཕྱག་བཏབ་འདུག
རྔ་བ་རྒྱལ་ཁམས་པ།
སྣེ་ཤན་པའི་འཆར་གཞི་ལྟར་ན། ང་ཚོ་སོང་ཟིན་པའི་བྱེ་ནག་མཚོ་ཚལ་དང་། གླིང་ཆེན་གྱི་ལྷོ་སྣེ། ཀོ་ཕི་སྲན་མ་འདེབས་སའི་ས་ཁུལ་དུ་འགྲོ་རྒྱུའི་འཆར་གཞི་འདུག་ཀྱང་། གནས་ཆུང་སྒྲ་དབྱངས་གླིང་དུ་མཆོད་མཇལ་ལ་བསྐྱོད་དུས།
དེ་ལས་མང་བ་། “༅༅།། སྤྲིན་གྱི་འཇིག་རྟེན་བགྲོད་པའི་གཏམ་རྒྱུད། དགུ་བ།” »
རྔ་བ་རྒྱལ་ཁམས་པ།
ང་ཚོ་བྱ་འཕུར་བ་ལྟར། ནུབ་ཕྱོགས་སུ་སྐྱོད་ཀྱིན་པའི་ངང་ཚུལ་ནི། ནུབ་ཁའི་ཉི་རྒས་འཛིན་པའི་ཆེད་མྱུར་མོར་སྐྱོད་ཀྱིན་ཡོད་པ་དང་ཀུན་ཏུ་མཚུངས། རེས་འཆར་རེས་ནུབ་ཀྱི་ཉི་མ་དེ་བཞིན་མི་ལོ་ས་ཡ་མང་བོའི་རིང་བར་མེད་དུ་འབར་བཞིན་ཡོད་སྟབས། དུས་ནམ་ཞིག་གི་ཚེ་འབར་ནུས་ཀྱི་སྣུམ་ཤུགས་རྫོགས་སོང་ན། སྐབས་དེའི་ང་ཚོའི་མི་རྒྱུད་དང་། ང་ཚོའི་འཇིག་རྟེན་འདིའི་གནས་སྟངས་ཅི་འདྲ་ཞིག་གི་ངོ་བོར་འགྱུར་རྒྱུ་ཡིན་ནམ། རང་གིས་རང་ལ་ལྐོག་ལབ་དང་དྲི་བ་མང་བོ་ཞིག་འདོན་དགོས་བྱུང་། ང་ཚོ་ལམ་འགྲམ་དུ་བསྡད་ནས་ཚོང་བ་རྒན་པོ་ཞིག་ལས།
དེ་ལས་མང་བ་། “༅༅།། སྤྲིན་གྱི་འཇིག་རྟེན་བགྲོད་པའི་གཏམ་རྒྱུད། བརྒྱད་བ།” »
རྔ་བ་རྒྱལ་ཁམས་པ།
དེ་ལས་མང་བ་། “༅༅།། སྤྲིན་གྱི་འཇིག་རྟེན་བགྲོད་པའི་གཏམ་རྒྱུད། བདུན་པ།” »
སློབ་དཔོན་སྣ་ཚོགས་གཟུགས་ཅན་གྱིས་བརྩམས།
༄༅༎ སློབ་དཔོན་ཆེན་པོ་རྡོ་རྗེ་གྲོ་ལོད་ཀྱི་སྐུར་བཞེངས་པའི་གནས་མོན་གྱི་སྤ་གྲོ་སྟག་ཚང་གི་གཏམ་རིག་འཛིན་གྲུབ་པའི་ལམ་ཡིག་ཅེས་བྱ་བ།
༈ བླ་མ་པདྨ་འབྱུང་གནས་ལ་ཕྱག་འཚལ་ལོ༎ ཡི་དམ་སྒྲུབ་པ་བཀའ་བརྒྱད་ལ་ཕྱག་འཚལ་ལོ༎ མཁའ་འགྲོ་ཡེ་ཤེས་མཚོ་རྒྱལ་ལ་ཕྱག་འཚལ་ལོ༎ མོན་མོ་བཀྲ་ཤིས་ཁྱེའུ་འདྲེན་ལ་ཕྱག་འཚལ་ལོ༎ དེ་ཡང་སློབ་དཔོན་སྣ་ཚོགས་གཟུགས་ཅན་ཞེས་བྱ་བ། རང་བཞིན་གྱིས་བློ་གྲོས་གསལ་ཞིང་སྐྱེ་མཆེད་དྭངས་པ། རང་བྱུང་པདྨ་རྒྱལ་པོའི་བཀའ་གཏེར་གྱི་ཆོས་སྒོ་རབ་འབྱམས་ལ་ཐོས་བསམ་སྒོམ་པའི་སྐལ་བ་སྦོམ་པོར་གྱུར་པ་བདག རང་ལོ་བཅུ་བདུན་བཅོ་བརྒྱད་ཡས་མས་ཀྱི་དུས་སུ།
དེ་ལས་མང་བ་། “མོན་གྱི་སྤ་གྲོ་སྟག་ཚང་གི་གཏམ་རིག་འཛིན་གྲུབ་པའི་ལམ་ཡིག” »
རྔ་བ་རྒྱལ་ཁམས་པ།
ཚོགས་ཁང་དེར་བཀལ་བའི་སྐུ་ཐང་། མཆོད་ཁྲིའི་སྟེང་གི་མཆོད་རྫས། ས་གདན་སོགས་ལ་བལྟས་ན། ཁང་བ་འདིར་འཆར་ཅན་ཆོས་སྤྱོད་ཀྱི་མཛད་སྒོ་སྣ་ཚོགས་ཤིག་སྤེལ་བཞིན་ལོས་ཡོད་སྙམ་པ་ཞིག་འདུག མཐའ་སྐོར་གྱི་མཆོད་སྟེགས་ལྟ་བུའི་པང་གདན་གྱི་ཐོག
དེ་ལས་མང་བ་། “༅༅།། སྤྲིན་གྱི་འཇིག་རྟེན་བགྲོད་པའི་གཏམ་རྒྱུད། དྲུག་པ།” »
ཟླ་བ་གཞོན་ནུ།
དེ་ཡང་འཕགས་ཡུལ་གྱི་སྙན་ངག་གི་རྒྱན་གྱི་བསྟན་བཅོས་དག་ལས་ལོ་ཙཱ་བ་བཀའ་དྲིན་ཅན་གྱིས་བོད་སྐད་དུ་བསྒྱུརད་ཅིང་འཆད་ཉན་གྱི་ལུགས་ཀྱང་བྱུང་བའི་གཞུང་<<སྙན་ངག་མེ་ལོང་མ>>ལས་གཞན་མིང་ཙམ་གྲགས་པ་རྒྱལ་བོ་ཟས་བྱ་བས་མཛད་པར་གྲགས་པའི་<<དབྱངས་ཅན་མགུལ་རྒྱན>>ཙམ་མ་གཏོགས་བོད་ལ་ཡོངས་སུ་མ་གྲགས་ཤིང་། གཅིག་ནས་ད་ལྟ་ལ་ཐུག་ཏུ་དེའི་སྐོར་ཞིབ་ཏུ་བཤད་པ་མཐོང་ཞིང་། གཉིས་ནས་རང་ཉིད་གར་ཡོང་ཚ་མ་འཚལ་བའི་མོས་པ་དང་འདུན་པ་དྲག་པོས་བསྐུལ་ཏེ་བརྩོན་པས་ཐོབ་པའི་མིག་འདི་ཉིད་ཀྱི་སྤྱོད་ཡུལ་དུ་གྱུར་པ་
དེ་ལས་མང་བ་། “དབྱུག་པ་ཅན་ལས་གཞན་པའི་འཕགས་ཡུལ་གྱི་རྒྱན་མཁན་པོ།” »
རྔ་བ་རྒྱལ་ཁམས་པ།
གནམ་མཐའ་དང་འབྲེལ་བའི་རྒྱང་རིང་བོའི་རི་བོ་དང་རི་ཕྲན་དག་ནི། གཤོངས་པ་ཆེན་པོ་འདིའི་མཐའ་སྐྱོར་ལྟ་བུ། སྐབས་རེར་སྨུག་ཤར་རེ་བ་དང་སྐབས་རེར་སྐྱ་ཤར་རེ་བར་མངོན་ཞིང་། ལོ་ངོ་བརྒྱ་སྟོང་མང་བོའི་ཡར་སྔོན་དུ་བྱུང་བའི་མེ་རི་འབར་གས་ལས་གྲུབ་པའི་བྲག་ཞུན་ནག་པོ་རྗེས་ཤུལ་གཉེར་སུལ་ཅན་རྣམས་དང་། དེ་དག་ལས་སྐྱེས་པའི་བདུད་པོའི་དབུ་སྐྲ་ལྟ་བུའི་རྩྭ་ཁམ་སྐྱ་རྩུབ་རེག་དང་ལྡན་པ། གཉོམ་ལག་མ་རྒྱས་པའི་ཤིང་སྡོང་ཁེར་སྐྱེས་དག་གིས། ཡུལ་འདིའི་སྐམ་རྒྱུད་ཕལ་ཆེ་བ་བཀབ་ཡོད་པར་རྟོགས།
དེ་ལས་མང་བ་། “༅༅།། སྤྲིན་གྱི་འཇིག་རྟེན་བགྲོད་པའི་གཏམ་རྒྱུད། ལྔ་བ།” »
རྔ་བ་རྒྱལ་ཁམས་པ།
དེར་བརྟེན། གནས་འདི་དག་ཏུ་ཤར་ཕྱོགས་པ་མང་བོ་ཞིག་ཡོང་གི་ཡོད་པ་ཚོད་གིས་ཐུག་སླ། དཔེ་ཆ་དེར་སྟོན་པའི་རྣམ་ཐར་དང་། ཤེར་སྙིང་། བདེན་བཞི་ལས་འཕྲོས་པའི་ནང་བའི་ལྟ་གྲུབ་སྐོར་བཞུགས། མགྲོན་ཁང་འདིར་ཞག་མ་གཅིག་ལ་ཨ་སྒོར་སུམ་བརྒྱ་ཐམ་པ་རེད། ཁོང་གསུམ་གྱིས་སན་ཧྥི་རན་སས་སི་ཁོའི་གནམ་ཐང་ནས་ཉོས་པའི་སྟབས་བདེའི་ཟས་ལ་རོལ་ཞིང་། ངས་སྟབས་བདེའི་ཤ་མེད་ཐུག་པ་སྐམ་པོ་ཞིག་བསྐོལ་ནས་ཟོས་པ་ཡིན། མ་རྒན་གྱིས་ཞལ་ཟས་ཟོས་ཚར་བ་མ་ཟད།
དེ་ལས་མང་བ་། “༅༅།། སྤྲིན་གྱི་འཇིག་རྟེན་བགྲོད་པའི་གཏམ་རྒྱུད། བཞི་བ།” »
རྔ་བ་རྒྱལ་ཁམས་པ།
ད་ལམ་ང་ལ་སྒེ་ཁུང་འཁྲིས་ནས་འདུག་ས་ཞིག་ཐོབ་ཡོད་ཀྱང་། དགུང་རུབ་ལ་ཉེ་བས་གནམ་སའི་མཛེས་ལྗོངས་ལ་ལྟ་བའི་གོ་སྐབས་མང་བོ་ཞིག་མེད་སྟབས། གནམ་གྲུ་དེ་སྔ་བོ་ཞིག་ནས་ལམ་དུ་ཆས་ན་བསམས། གང་ལྟར་གནམ་གྲུ་འདིའི་ནང་ནས་འདོད་མོས་ལྟར་གློག་བརྙན་ལ་ལྟ་ཆོག་པས། ངས་གློག་བརྙན་ཞིག་བདམས་ཏེ་སོས་དལ་ངང་བལྟ་བའི་མགོ་བརྩམས། ངའི་ཆུང་མ་ཁོང་ཚོ་ངའི་གཡོན་ཕྱོགས་ཕར་ངོས་ཀྱི་རྐུབ་སྟེགས་ཐོག་བསྡད་ཡོད།
དེ་ལས་མང་བ་། “༅༅།། སྤྲིན་གྱི་འཇིག་རྟེན་བགྲོད་པའི་གཏམ་རྒྱུད། གསུམ་པ།” »
རྔ་བ་རྒྱལ་ཁམས་པ།
གནམ་འགྲུལ་གྱི་ལུགས་སྲོལ་ལྟར་མི་རེས་རྒྱ་མ་ལྔ་བཅུའི་ཡན་གྱི་ལྕི་ཚད་ལྡན་པའི་ཅ་དངོས་ཁྱེར་ཆོག་གི་མི་འདུག ངའི་དོ་པོ་ཆེན་པོ་གཉིས་ཀར་ཁྱོན་སྡོམ་རྒྱ་མ་དགུ་བཅུ་ལྷག་ཅིག་ལས་མེད་པས་དཀའ་ངལ་ཅིའང་མ་བྱུང་། སྐུར་གླ་དོ་པོ་རེར་ཨ་སྒོར་ལྔ་བཅུ་སྤྲད། ལྷག་མ་འདྲུད་ཁུག་ཅུང་ཆུང་ངུ་གཉིས་དང་། རྒྱབ་ཁུག་གཉིས། ལག་ཁུག་གཉིས་བཅས་ང་ཚོ་རང་ཉིད་ཀྱིས་ཁུར་ཏེ་གནམ་གྲུར་འཇུག་རྒྱུ་བྱས། ང་ཚོ་གནམ་ཐང་འདི་ནས་ཨ་རིའི་ནུབ་ཕྱོགས་མཚོ་རྒྱུད་དུ་ཆགས་པའི་གྲོང་ཁྱེར་སྙན་གྲགས་ཅན། སན་ཧྥི་རན་སས་སི་ཁོ་དང་། དེ་ནས་གནམ་གྲུ་བརྗེ་བོ་བརྒྱབ་རྗེས་ཧ་བ་ཡས་ལ་འཕུར་དགོས་པ་རེད།
དེ་ལས་མང་བ་། “༅༅།། སྤྲིན་གྱི་འཇིག་རྟེན་བགྲོད་པའི་གཏམ་རྒྱུད། གཉིས་པ།” »
རྔ་བ་རྒྱལ་ཁམས་པ།
མཚན་མོ་དེར། གྲང་རླུང་ཤུར་ཤུར་ལྡང་ཞིང་། སྡོང་ལོ་ཤིག་ཤིག་འདར། ལམ་ལམ་འབར་བའི་མེ་ལྕེའི་ཁྲོད་ནས། མི་རྐང་ལྟ་བུའི་གླིང་བུ་འཛེར་སྐད་ཅན་ཞིག་ཐེངས་འགར་གྲགས་རྗེས། སྟོབས་རྩལ་ཅན་གྱི་དམག་དཔུང་ཞིག་གི་རྔམས་བརྗིད་དང་། ཡིད་དབང་འཕྲོག་པའི་མཛེས་མ་དག་གིས། གླུ་གར་དང་རོལ་མོའི་རམ་འདེགས་ཀྱི་ཁྲོད། བོད་ཀྱི་གྲྭ་སའི་ཞྭ་མོ་དང་། ཟླ་གམ་སྨུག་པོ་གྱོན་པའི་མི་དབང་ཞིག་གར་སྟེགས་སུ་ཕེབས་ཏེ། མདུན་དུ་གོམ་པ་འགའ་སྤོས་ནས། “ཨ་ལོ་ཧ”ཞེས་ཀུན་ལ་ཕྱག་ཕེབས་ཀྱི་གུས་ཞབས་བསྟན། ཡུལ་འདིའི་གྲོང་དང་གྲོང་ཁྱེར་གྱི་ལམ་ག་ཆེ་ཆུང་དང་། ཟ་ཁང་། ཚོང་ཁང་། ཡུལ་སྐོར་གྱི་ས་ཚུགས་ཕལ་ཆེ་བར།
དེ་ལས་མང་བ་། “༅༅།། སྤྲིན་གྱི་འཇིག་རྟེན་བགྲོད་པའི་གཏམ་རྒྱུད། དང་པོ།” »
གོང་དཀར་ངག་རྣམ།
དེང་རབས་འཕེལ་གྱུར་རིག་པ་ཞེས་ཡོངས་སུ་གྲགས་པ་འདི་ནི་སྐུ་ཞབས་ཌར་ཝིན་(1809-1882)གྱིས་གསར་གཏོད་བྱས་པ་ཞིག་ཡིན། ལོ་དེར་བོད་ཀྱི་མཁས་པ་དངུལ་ཆུ་དབྱངས་ཅན་གྲུབ་པའི་རྡོ་རྗེ་དང་། ཉག་བླ་པདྨ་བདུད་འདུལ་ཞེས་པ་གཉིས་པོ་དེ་འཁྲུངས།
སྐྱེ་བོ་མང་ཆེ་བར་སྐྱེས་སྟོབས་དང་སྦྱངས་སྟོབས་ཀྱི་སྤོབས་པའམ་ཤེས་རབ་གཉིས་རང་ཆས་སུ་གྲུབ་ཡོད་ཅིང་། དེ་གཉིས་ཀའི་སྒོ་ནས་སྐྱེ་བོ་དེས་འཇིག་རྟེན་དང་། རང་གི་སྤྱི་ཚོགས། ཡང་ན་རང་ཉིད་ཀྱི་སྤྲོ་སྣང་འཚོལ་སྙེག་བྱེད་བཞིན་པ་ཆོས་ཉིད་ཅིག་རེད།
ཚངས་དབང་།
༄༅།།ཨ་ལགས་དཀོན་མཆོག་ཚང་བྱ་བ་ནི། རེབ་གོང་གསེར་མོ་ལྗོངས་ཀྱི་ནང་གསེས་སྒོ་དམར་བྱ་བའི་གྲོང་སྡེ་རུ་འཁྲུངས་ཤིང་། རེབ་གོང་གི་བོན་སྡེ། ཁྲི་ཀ་ཕྱོགས་ཀྱི་བོན་སྡེ་བཅས་ཀྱིས་ཨ་ལགས་སྒོ་དམར་ཞེས་འབོད། སྒོ་དམར་རང་དུ་སྒོ་དམར་སྤྲུལ་སྐུ་ཡོད་པས། ཨ་ལགས་སྒོ་དམར་ཞེས་མི་འབོད་དོ།། ཉེ་ཆར་བོན་གྱི་རྫོགས་ཆེན་ཉམས་ལེན་བྱས་ནས་འཇའ་ལུས་བརྙེས་པའི་བླ་མ་རྟོགས་ལྡན་པ་ཞིག་རེད། ང་རང་ཆུང་དུས་སྒོ་དམར་དགོན་དུ་ཡོད་སྐབས་ངའི་ཤག་དང་ཁོང་གི་ཤག་གཉིས་ཐག་ཉེ་ཡིན་པས། ཁོང་རྒྱུན་དུ་ངེད་ནང་ལ་ཕེབས་ཀྱི་ཡོད།
དེ་ལས་མང་བ་། “སྒོ་དམར་ཨ་ལགས་བསྟན་པ་དཀོན་མཆོག་ཚང་གི་ལོ་རྒྱུས་བསྡུས་པ།” »