བསྟན་འཛིན་བཀྲ་ཤིས།

ཁ་སང་ཨ་རིའི་གྲོས་ཚོགས་ཀྱི་ཞོགས་ཇའི་སྨོན་ལམ་སྐབས་སུ་༧གོང་ས་མཆོག་ཆིབས་བསྒྱུར་གནང་པ་དེ་ལ་བོད་མི་མང་པོས་རྒྱལ་ཁ་ཆེན་པོ་ཞིག་ཏུ་བརྩི་བཞིན་འདུག་ཅིང་།  དེ་ལྟར་དགའ་བསུ་ཡང་ཞུ་བཞིན་འདུག  ང་ནི་དེ་ལས་ལྡོག་སྟེ་ཡིད་སྐྱོ་བ་ཚད་མེད་པ་ཞིག་བྱུང་།  གཅིག་ནི་༧གོང་ས་ཆེན་པོའི་དགུང་ནའི་བབ་རེད།  དགུང་ན་མཐོན་པོ་འདི་ལྟ་བུ་ཞིག་ལ་ཕེབས་རུང་། སྨོན་ལམ་འདེབས་པའི་ཚོགས་བཅར་བ་ཞིག་གི་ཚུལ་དུ་ཕེབས་ཏེ་སྐུ་འོ་བརྒྱལ་བཟོས་སོང་དྲན་བསྡད་ཡོད། 

དེ་ལས་མང་བ་། “རྒྱ་རླུང་ལངས་ན་བོད་ལ་གནོད་ངེས་རེད།” »

ཁྲིམས་ལུགས་རིག་པ་བ། བློ་བཟང་གྲགས་པ།

 
འདས་པའི་ལོ་ངོ་གཅིག་གི་རིང་། རྒྱ་ནག་ལ་བཅོས་བསྒྱུར་ཆེན་པོ་རིམ་པ་བྱུང་བའི་ནང་། གཙོ་བོར་རྒྱ་ནག་གི་སྲིད་འཛིན་ཞིས་ཅིན་ཕིང་གི་དབང་ཆ་བཟུང་བ་ནས་བཟུང་། རྒྱ་ནག་ལ་ཆབ་སྲིད་དང་དཔལ་འབྱོར། རིག་གནས་དང་སྤྱི་ཚོགས། ལྷག་པར་ཏུ་རྒྱ་ནག་སྲིད་གཞུང་གི་འཛིན་སྐྱོང་དང་ཏང་ཡོན་ནང་ཁུལ་གྱི་སྒྲིལ་སྲོལ་གསར་བཟོ་སོགས་ཀྱི་བཅོས་བསྒྱུར་མང་པོ་སོང་དང་འགྲོ་བཞིན་ཡོད་པ་མ་ཟད། སྒོས་སུ་རྒྱ་ནག་གི་ཁྲིམས་ལུགས་དབང་འཛིན་གྱི་ནུས་པ་ཆེས་ཆེར་གཏོང་པ་དང་རྒྱལ་ཁབ་ཁྲིམས་ལུགས་ཀྱི་སྟངས་འཛིན་འོག་ཤར་བསྐྱོད་ཐུབ་པ་སོགས་ནི། རྒྱ་ནག་ད་ཡོད་ཀྱི་བཅོས་བསྒྱུར་ཆེན་པོ་ཞིག་དང་།

དེ་ལས་མང་བ་། “ཁྲིམས་ལུགས་དབང་འཛིན་དང་རྒྱ་ནག་གི་དཀའ་ངལ་གསར་པ།” »

ཨེ་མ་ཧོ།

འཛམ་གླིང་ཡུལ་གྲུ་ཀུན་ཏུ་ཁ་ཐོར་བའི་གངས་ཅན་པ་རྣམས་ལ་དེ་རིང་ངས་འཕྲིན་ཐུང་ཞིག་འབུལ་ན་འདོད་ཐལ།

གཅིག༽ ང་ཚོའི་ལོ་རྒྱུས་བདེན་པའི་རང་བཞིན་ལ་ཕྱོགས་རིས་ཙམ་མིན་པར་ཁ་ཁོག་མཚུངས་པས་བདེན་པ་ལ་ངོ་སོ་འདོན་ན་ཕྱི་རབས་ཀྱི་གངས་ཅན་བསྟན་པ་སྤྱི་ལ་ཕན་ཐོག་ལས་གནོད་པ་མི་འབྱུང་བར་དངོས་པོ་བདེན་པའི་རྟེན་འབྲེལ་ལ་སུ་ཞིག་གིས་རྒྱབ་འགལ་སྨྲ་ནུས་སམ་མི་ནུས་སོ།།

དེ་ལས་མང་བ་། “ཁ་བའི་ཁྲོད་ཀྱི་གཞི་རྩ་ལྔ།” »

ཁང་ཟླ་སྲས།

 
གནས་ལུགས་ཀྱི་ངོས་ཟབ་ས་ཞིག་ནས་ང་ཚོས་ཞིབ་འདངས་བྱེད་སྐབས་མི་ཞིག་ལ་མཚོན་ན་ཤེས་ཡོན་ཡོད་མེད་ཅི་ལྟར་ཡང་། འགྲོ་བ་མིའི་ཐོབ་ཐང་ལ་བརྩི་འཇོག་བྱེད་ཤེས་མིན་ནི་གཙོ་བོ་རང་གི་ཁེ་ཕན་དང་འབྲེལ་བའི་ཐོབ་ཐང་བརྩད་རྒྱུ་དེ་མ་ཡིན་པར། རང་ཉིད་ལས་གཞན་པའི་མི་བུ་ཚོའི་ཚེ་སྲོག་ལ་མཐོང་ཆེན་དང་བརྩི་བཀུར་བྱེད་རྒྱུ་དེ་རེད།
ངས་སྐད་ཆ་དེ་འདྲ་ཞིག་བཤད་དོན་ནི། འཛམ་གླིང་སྤྱི་ཚོགས་ཀྱི་གྲུབ་ཆ་གང་ཞིག་ཡིན་རུང་མི་རྣམས་ཀྱི་ངག་ནས་འགྲོ་བ་མིའི་ཐོབ་ཐང་ཞེས་ཡང་ཡང་གླེང་གི་ཡོད་ནའང་།

དེ་ལས་མང་བ་། “བོད། འཚེ་མེད་ཞི་བ་ལག་ལེན་གྱི་ཕ་ས་ངོ་མ།” »

ཁང་ཟླ་སྲས།

དང་པོ། དཔའ་པོའི་ཆོད་སེམས།

      ང་ཚོས་འདས་ཟིན་པའི་རང་དབང་འཐབ་རྩོད་ཀྱི་བརྒྱུད་རིམ་ལ་ག་ལེར་ཕྱིར་མིག་ཅིག་བལྟས་ཚེ། རྒྱ་གཞུང་གིས་ཇི་ལྟར་ཆབ་སྲིད་ཀྱི་ལྟ་བ་མཁྲེག་འཛིན་བྱས་པ་དེ་བས་ཀྱང་བོད་མི་ཚོའི་རང་གི་ཆོས་དང་རིག་གཞུང་ལ་བཅངས་པའི་རྣམ་པ་ཇེ་ཆེ་དང་ངོ་བོ་ཇེ་བརྟན་དུ་སོང་ཡོད་དེ། རྒྱ་ནག་གི་བོད་དབང་བསྒྱུར་བྱས་པ་ནས་བཟུང་བོད་ཀྱི་གཞི་རིམ་མང་ཚོགས་དཀྱུས་མ་ནས་མཐོ་རིམ་ལས་བྱེད་པ་ཚུན་ཆད་ཀྱིས་རྒྱ་ནག་གིས་བོད་ལ་བཟུང་བའི་སྲིད་བྱུས་ཐད། རང་གི་གཅེས་པའི་ཚེ་སྲོག་ཀྱང་སྣང་མེད་དུ་བཏང་སྟེ་ཡིག་ངག་གཉིས་ཐད་ནས་རྩོད་གླེང་བྱས་ཡོད་ལ།

དེ་ལས་མང་བ་། “ལྟ་བ་ནི། ཚེ་སྲོག་ལས་ཀྱང་གལ་ཆེ།” »

འཇམ་གཅེས་ནས།

སྐྱེ་བོ་རེ་ཟུང་ངམ་ཡང་ན་ཆེས་ཉུང་ཤས་ལ་ཁྱད་ཆོས་དམིགས་བསལ་ཅན་དེ་འདྲ་ཡོད་པ་ནི་མཐོང་ཆོས་སུ་གྲུབ་ལ། ཡིན་ཡང་བརྒྱ་ཆ་བརྒྱད་བཅུ་དང་དགུ་བཅུ་ཙམ་ནི། ཕྱིའི་ལུས་ངག་གིས་བྱ་སྤྱོད་དང་ཆ་ལུགས་འདྲ་མིན་སོགས་ལས་ནང་གི་བསམ་བློའི་གནས་ཚད་ཏེ། དཔེར་ན། མི་བུ་གང་ཞིག་གི་སྙིང་སྟོབས་དང་། ལ་རྒྱལ། སྤྱི་སེམས། རྣམ་དཔྱོད། ཤེས་ཡོན་སོགས་ཀྱི་མཚོན་པའི་སྐྱོན་ཡོན་གྱི་ཕྱོགས་གཉིས་ཀའི་ཆ་ནས་ལྗིབ་ཚད་དཔོག་ནུས་པ་ཡིན་ཏེ། ཆོས་གཞུང་ནས་གསུངས་པའི་དོན་གྱི་འབྲས་རྟགས་ཡང་དག་ལྟ་བུའི་

དེ་ལས་མང་བ་། “ཕྱིའི་ཆ་ལུགས་དང་ཀུན་སྤྱོད་ལས་ནང་གི་བསམ་བློའི་གནས་ཚད་དཔོག་ནུས།” »

རིག་འབྱུང་དོན་གྲུབ་བཀྲ་ཤིས།

བཀུར་འོས་ཆོས་གྲགས་ལགས།

ཐོག་མར་ཁྱེད་ལ་འཚམས་འདྲི་ཞུ། ཁྱེད་ཀྱི་དཔྱད་རྩོམ་”བོད་ཀྱི་ལོ་རྒྱུས་རིག་པའི་གཞི་རྩའི་ཤེས་བྱ་མཛུབ་མོ་རི་སྟོན་”ཟེར་བ་དེ་ངེད་ཀྱིས་ཐེངས་གསུམ་ལྷག་བཀླགས་པ་ཡིན། ཁྱེད་ཀྱི་དཔྱད་རྩོམ་དེའི་འགོ་བརྗོད་དང་མཇུག་གི་གཏམ་གཉིས་མ་བརྩིས་ན། ས་བཅད་གཙོ་བོ་གསུམ་འདུག་ཅིང་ས་བཅད་དང་པོ་ནི་ལོ་རྒྱུས་ཞིབ་འཇུག་གི་དཔྱད་གཞིའི་རྒྱུ་ཆའི་སྐོར། ས་བཅད་གཉིས་པ་ནི་ལོ་རྒྱུས་སྨྲ་བའི་རྨང་གཞིའི་ཆ་རྐྱེན་སྐོར། ས་བཅད་གསུམ་པ་ནི་ལོ་རྒྱུས་ཇི་ལྟར་ཞིབ་འཇུག་བྱེད་པའི་རྩ་བའི་བྱ་ཐབས་སྐོར་བཅས་རེད་།

དེ་ལས་མང་བ་། “བོད་ཀྱི་ལོ་རྒྱུས་རིག་པ། སྤྲོ་ཚིགས་ཆོས་གྲགས་ཀྱི་དཔྱད་རྩོམ་ལ་བཏབ་པའི་མཆན་བུ་འགའ།” »

 ཁྲི་རལ་པ་ཅན།།

སྤྱི་ལོ་༢༠༠༡ལོར་ང་རང་བོད་ནས་རྒྱ་གར་ནང་སླེབས་པ་ཡིན་ལ། སྐབས་དེར་བལ་ཡུལ་སྣེ་ལེན་ཁང་དུ་རྣམ་ཀུན་མི་ཆིག་སྟོང་ནས་བདུན་བར་འཚངས་ཀ་བརྒྱབས་ཡོད་པ་རེད། དེ་ནས་རིམ་པར་རྒྱ་གར་དུ་འབྱོར་དུས་གསར་འབྱོར་འདུག་ས་གསོག་སྒར་སློབ་གྲྭ་དང་སུ་ཇ་སློབ་གྲྭ། བོད་ཁྱིམ་སློབ་གྲྭ།གདན་ས་ཁག་བཅས་སུ་མི་མང་དྲག་སྟེ་ཟ་ཆས་དང་ཉལ་ཆས། སྡོད་ཁང་བཅས་ཀྱི་དཀའ་ངལ་འཕྲད་བཞིན་པ་དངོས་སུ་མཐོང་སོང་བ་མ་ཟད། བོད་མི་གསར་འབྱོར་དེ་ཚོ་སྒྲིག་ཁོངས་ནས་ཕྱི་ལ་འཐོན་པ་དང་ལས་ཀ་མི་རེག་པ་དང་།

དེ་ལས་མང་བ་། “རྒྱ་བལ་ནང་བཙན་བྱོལ་བོད་མིས་སྟོང་དུས།།” »

རྩོམ་པ་པོ། གུར་མགོན་སྐྱབས།  འོས་སྦྱོར་བ་འཇིགས་མེད།

ལོ་དུ་མའི་ཡར་སྔོན་ཞིག་ལ་ང་རང་ཆབ་ཆ་ནས་གྲོགས་པོ་ཞིག་ལ་ཐུག་མྱོང་། ཁོས་ང་ལ“ཨ་ལགས་དོར་ཞིའི་ཁ་པར་ཨང་གྲངས་ཨེ་ཤེས”ཟེར། ངས“ཨ་ལགས་ཚང་གི་ཁ་པར་གྱིས་ཅི་བྱེད”ཅེས་ཕྱིར་དྲིས་པ་ན། ཁོས“ངས་ཁོང་ལ་ཁ་པར་ཞིག་གཏོང་དགོས། ཁོང་གིས་ནང་དོན་རིག་པའི་གཞུང་མང་པོ་རྒྱ་ཡིག་ཏུ་བསྒྱུར་བཞིན་འདུག ཡིན་ནའང་རྒྱ་ཡིག་ནས་བོད་ཡིག་ཏུ་བསྒྱུར་པའི་དེབ་གཅིག་ཀྱང་མི་འདུག ངས་བསམ་ན་བོད་ཡིག་ནས་རྒྱ་ཡིག་ཏུ་བསྒྱུར་རྒྱུ་དེ་རྒྱ་མི་དག་གི་ལས་ཀ་རེད།

དེ་ལས་མང་བ་། “བོད་ཀྱི་ལོ་ཙཱ་བའི་སྡེ་ལ་བཤད་པའི་སྐད་ཆ་འགའ།” »

ཁྲི་རལ་པ་ཅན།

འཇིག་རྟེན་འདིར་རྒྱལ་ཁ་ཐོབ་དགོས་ན་སྤྱོད་པ་ངན་པ་མང་ཙམ་ཤེས་དགོས།

ང་ཚོ་མི་རྣམས་རྩ་བའི་བདེ་བ་འདོད་པ་དང་སྡུག་བསྔལ་མི་འདོད་པ་ཞེ་གཅིག་ཡིན་གཤིས། ནམ་རྒྱུན་ཆོས་སྲིད་ཀྱི་འགོ་ཁྲིད་སུ་རུང་གིས་མི་ཡ་རབས་སྤྱོད་བཟང་གནང་དགོས་པ་མང་ཙམ་གསུང་གིན་ཡོད་ནའང་། དོན་དངོས་པོའི་གནས་ཚོད་ལ་ང་ཚོའི་སྤྱི་ཚོགས་གང་གི་ནང་མཐོང་ཆོས་སུ་གྱུར་པ་ནི། མི་འཇོན་པོ་དང་རྒོད་པོ། དབང་ཅན་དང་འབྱོར་ལྡན། དགྲ་འདུལ་གཉེན་སྐྱོང་སོགས་འཇིག་རྟེན་གྱི་བྱ་བ་ཡོངས་རྫོགས་ལེགས་པར་གྲུབ་བསྡད་པ་དང་གནས་བཟོད་བདེ་བསྡད་པ་མང་དག་ཅིག

དེ་ལས་མང་བ་། “སྤྱོད་པ་ངན་པ་མང་ཙམ་བསླབ་ན་དགའ།” »

འཇམ་གཅེས།

དེ་རིང་ནི་སྤྱི་ལོའི་ལོ་གསར་རམ་༢༠༡༥ ལོའི་ལོ་གསར་པ་ཚེས་སོང་ཞེས་གསར་འགྲོགས་དང་། རང་ཚུགས་བྲལ་བའི་བོད་པ་ཚོས་དགའ་བསུ་དང་འཚམས་འདྲི་མང་འདུག་མོད། ངས་ནི་ཕྱི་ལུགས་ལོ་གསར་དང་ཡེ་ཤུའི་དུས་བཟང་གང་ཡང་བརྩི་སྲུང་མི་བྱེད། རྒྱུ་མཚན་ནི། ང་ནི་བོད་མི་ཡིན་པའི་ཆ་ནས་ཐུན་མོང་མ་ཡིན་པའི་རིག་གནས་དང་། ཡུལ་གོམས་གཤིས་ལུགས་དང་མཐུན་པའི་རང་ཉིད་ལ་ལོ་གསར་པའི་དུས་ཚིགས་ཡོད་ལ། ཆོས་ལུགས་ཀྱི་དུས་ཚིགས་ཀྱང་ཡོད། ཡོད་པ་ཙམ་དུ་མ་ཟད་རིན་ཐང་ལྡན་པ་དང་།

དེ་ལས་མང་བ་། “རིག་གནས་གཞན་དང་ཡུལ་སྲོལ་གཞན་གྱིས་བཙན་འཛུལ།” »

འཇམ་གཅེས།
བདག་ལ་མཚོན་ན་ཡེ་ཤུའི་སྟོན་པའི་འཁྲུངས་སྐར་ལ་མི་དགའ་བའི་སྡང་ཟུག་མེད་མོད། ཡིན་ནའང་འཁྲུངས་སྐར་དེའི་ཕྱིར་དུ་བོད་རིགས་ནང་ཕན་ཚུན་སུ་ལའང་དགའ་སྤྲོའི་བསྟོད་གླུ་ནམ་ཡང་འཐེན་མི་འདོད་ལ། ཤིས་ཚིག་དང་ཤིས་ཤོག་ནམ་ཡང་བསྐུར་མི་འདོད། འདི་ནི་ཡེ་ཤུའི་སྟོན་པ་ལ་མ་དགའ་བ་དང་། དེའི་རྗེས་འཇུག་དག་ལ་སྡང་ཟུག་གང་ཡང་མིན་ལ་ད་དུང་ཆོས་ལུགས་འཐེན་ཁྱེར་རམ་ཕྱོགས་ཞེན་སོགས་གང་ཡང་མིན།

གཙོ་ཆེར་རང་གི་སྟོན་པ་ལ་བཅངས་པའི་དད་མོས་བརྟན་པོ་ཞིག་རྒྱུན་གནས་ཐུབ་ཐབས་དང་།

དེ་ལས་མང་བ་། “གཡག་ཚུགས་ཤོར་ན་གཡག་མིན་ལ། འབྲི་ཚུགས་ཤོར་ན་འབྲི་མིན།” »

འཇམ་གཅེས།

 
ད་ནང་ཞོགས་པ་སྔ་མོ་ནས་གཉིད་ལས་སད་མ་ཐག་ཏུ་བསམ་བློ་འདྲ་མིན་སྣ་ཚོགས་པ་ཞིག་ཀྱང་རང་དབང་མེད་པར་མངོན་དུ་གྱུར་འདུག གཙོ་བོ་ནི་ཉིན་འདི་དག་ལ་ཤར་ནུབ་ཡུལ་ལུང་སོ་སོ་ནས་ཡེ་ཤུའི་སྟོན་པའི་རྗེས་འབྲངས་པ་ཚོས་སྟོན་པ་ཡེ་ཤུའི་འཁྲུངས་ཚེས་སྲུང་བརྩིའི་ཕྱིར་དུ་མེ་ཏོག་དང་ཤིས་ཚིག ཚོན་མདོག་དཀར་དམར་གཉིས་ལས་གྲུབ་པའི་མིའི་གཟུགས་སོགས་གཟུགས་བརྙན་འདྲ་མིན་སྣ་ཚོགས་པ་ཞིག་ངོ་དེབ་བམ་སྤྱི་ཚོགས་འབྲེལ་མཐུད་དྲྭ་ལམ་ཁག་དང་། སྐད་འཕྲིན་སོགས་བརྒྱུད་ལམ་ཡོད་ཚད་ཀྱི་ནང་དུ་ཧ་ཅང་མང་།

དེ་ལས་མང་བ་། “ཁ་ཆེའི་སྟོན་པའི་འཁྲུངས་སྐར་ལའང་གུས་བརྩི་དགོས་སམ།” »

གངས་ཤར།
 
ཉེ་ཆར་བུད་མེད་ན་ཆུང་མ་ཤ་ཚ་བ་ཞིག་དང་། གྲྭ་པ་ཕོ་གསར་ཤིག་གིས་རང་ལུས་མེར་བསྲེགས་པ་འདིས། རྒྱ་ནག་ནང་ལ་མི་ཚང་མའི་ཡིད་ལ་འཇིགས་སུ་རུང་བའི་རྒྱུ་ཞིག་བསྐྲུན་པ་དང་། རྒྱ་མི་ལྟ་ཅི། སྤྱིར་བཏང་གི་བོད་པ་རྣམས་ཀྱང་འཇིགས་ངད་དང་། འགྱོད་སེམས། ད་དུང་བཤད་མི་ཕོད་པའི་སྙིང་གཏམ་དུ་མས་བཅིངས་ཡོད། ང་རང་རྒྱ་ནག་ལ་བསྡད་ནས་རྩོམ་འདི་འབྲི་བཞིན་ཡོད། དུས་ཚོད་མང་པོ་མེད།

རང་ལུས་མེར་བསྲེགས་པའི་རིག་གཞུང་འདི་བོད་ལ་དར་བ་ནས་བཟུང་། མི་ཀུན་གྱི་ཡིད་ལ་འཇིགས་སྣང་དང་། གཤོངས་མི་ཐུབ་པ། བསམ་མི་ཕོད་པའི་འདུ་ཤེས་ཤིག་བསྐྲུན་སོང་།

དེ་ལས་མང་བ་། “རང་ལུས་མེར་བསྲེགས་པ་ནི་བོད་མིའི་མདུན་ལམ་ཆུ་ལ་བསྐྱུར་བའི་གླེན་རྟགས་ཚ་ཤོས་ཤིག་རེད།” »

ཁྲི་རལ་པ་ཅན།།

བོད་ནང་ན་ཡོད་དུས་རང་ཉིད་བོད་མི་ཞིག་ཡིན་པར་སྤོབས་པ་ཡོད་ལ། བོད་མི་ནང་ཕན་ཚུན་ཕྱི་ལ་ཐུག་དུས་ཧ་ཅང་གིས་ཁ་མཐུན་པོ་དང་མི་རིགས་ཀྱི་ལ་རྒྱ་ཆེན་པོ། ལྷག་བསམ་དང་བློས་གཏོང་གི་ཚད་ཀྱང་མཐོན་པོ་ཡིན་པས། བོད་མི་རྣམས་གྲངས་ཀ་ཉུང་བ་མ་གཏོགས་ཁ་མཐུན་པོ་དང་རྡོག་སྒྲིལ་བོ་ཡོད་པ་དངོས་མྱོང་ཡིན། འོན་ཀྱང་། བཙན་བྱོལ་དུ་སླེབས་པ་ནས་བོད་མིའི་ཞེན་ཁོག་ཀྱང་ཉམས་འགྲོ་གིན་འདུག་ལ། བོད་པ་ཚོའི་སྤྱོད་ལམ་ཅིག་མཐོང་ཡོང་དུས་སྤོབས་པ་ནི་དེ་བས་ཀྱང་གང་ནས་གང་ནས་ཡོང་།

དེ་ལས་མང་བ་། “མང་གཙོ་ཡིས་བོད་དོན་འཆི་ལམ་དུ་འདེད་ངེས།” »

དུར་བྱང་།

 
(ནེ་ཙོ་ཟེར་བ་ནི་བྱ་བྱེ་བྲག་པ་ཞིག་གི་མིང་རེད། ལད་ཟློས་ཞེས་པའི་དཔེ་རུ་བགྲང་བའི་བྱ་ཞིག་རེད། མི་ཚེ་གང་བོ་ལད་མོ་རྐྱང་རྐྱང་གིས་འཚོ་ཞིང་གནས་པའི་བྱ་ཞིག་རེད། ཁ་ཆོས་ཙམ་གྱི་དཔེ་རུ་ནེ་ཙོ་ཡོང་བ་རེད།)
གུང་ཐང་རིན་པོ་ཆེས། “ནེ་ཙོ་འདོན་པ་ལྟ་བུ་བརྒྱ་ཚར་གྱིས།། བརྗོད་བྱའི་གནད་ལ་སྒྲོ་འདོགས་མི་ཆོད་པས།།” ཞེས་བཀའ་མཆིད་སྩལ་གནང་བ་རེད།

དིང་སང་། འོ་ཅག་གི་གཙོ་རྒྱུགས་སུ་གྱུར་པའི་ཐ་སྙད་གལ་ཆེན་ཞིག་ཡོད་པ་ནི་ལྷག་དཀར་ཞེས་པ་འདི་རེད།

དེ་ལས་མང་བ་། “བོད་པ་ཕལ་མོ་ཆེ་ནེ་ཙོ་དང་ཤིན་ཏུ་ཆ་འདྲ།” »

 ཨ་འདུས་མིག་ཆུ།

             —གྲོགས་སྐལ་བཟང་ལུང་རིགས་ཀྱི་སྐད་ཆ་འགར་ལན་དུ་སྦྲན།

དེང་སང་སྐལ་བཟང་ལུང་རིགས་སུ་འབོད་པའི་ན་གཞོན་སྙན་ངག་པ་དེ་ཤེས་ཡོན་པའི་ཚད་ལ་མ་གནས་པར་བླུན་དད་པའི་ཚོར་བའི་རྗེས་སུ་འབྲངས་ཏེ། གང་འདོད་ཅི་བསམ་གྱིས་དཔལ་དོན་གྲུབ་རྒྱལ་ལ་རྗེས་དྲན་བྱེད་པ་ནི། ཀྲང་གོ་ཧྭ་སོགས་མི་རིགས་ཀྱི་དཔའ་བོ་གང་མང་ཞིག་དམར་གསོད་གཏོང་མཁན་དག་ལ་རྗེས་དྲན་བྱས་པ་དང་ཁྱད་པར་མེད་པའི་བརྡོལ་གཏམ་སྨྲ་བཞིན་འདུག་ལ། དེ་ནི་ཤེས་རབ་གྱི་བློ་མིག་གིས་བདེན་པ་ལ་དྲང་ཐད་ནས་བལྟས་པ་ཞིག་ཏུ་གཏན་ནས་ཚོར་མ་སོང་།

དེ་ལས་མང་བ་། “དོན་གྲུབ་རྒྱལ་རྙིང་བཞི་རྩ་གཏོར་མཁན་ཞིག་ཡིན་ནམ།” »

འཕན་པོ་སྐལ་ལྡན།

བོད་རྗེ་ཐོག་མ་མཉའ་ཁྲི་བཙན་པོ་ནས་དབུ་ཚུགས་སྟེ་བོད་རྗེ་དར་མ་བར་བོད་འདི་བཞིན་ཤར་གླིང་དབུས་མའི་ནང་དཔུང་སྟོབས་དང་མངའ་ཐང་ཆེ་གྲས་སུ་འགྱུར་སྟེ་བོད་ཀྱི་སྐད་ཡིག་དང་བརྡ་སྤྲོད་ཆོས་རིགས་སྤྱི་ཚོགས་བཅས་ཀྱི་གནས་བབ་རང་བཙན་རྒྱལ་ཁབ་ཞིག་ཡིན། བོད་རྗེ་དར་མས་བོད་ནང་གསར་རྗེའི་རིང་ལུགས་སྤེལ་བའི་རྗེས་བོད་ཀྱི་བཙན་པོའི་རྒྱལ་རབས་མཇུག་རྫོགས་པ་དང་། བོད་སིལ་བུར་འཐོར་རྗེས་སླར་ཡང་རང་ཅག་རྣམས་ལ་བཀྲིན་བླ་ན་མེད་པ་༸གོང་ས་སྐུ་ཕྲེང་ལྔ་པ་ཆེན་པོས་ཆབ་སྲིད་ལུགས་གཉིས་ཀྱི་ཐུགས་འགན་གཙང་བཞེས་གནང་སྟེ།

དེ་ལས་མང་བ་། “འདྲེ་ཤར་སྒོར་བཞག་གླུད་ནུབ་སྒོར་མ་འཁྱེར།” »

ཨ་ནུ་ཐང་བསོད་ནམས།

༡༽

དཀའ་ངལ་འདི་འཕྲད་མཁན་སྤོབས་མཆོག་མཐའ་ཡས་གཅིག་བུ་མིན་པ་སྤྱི་ཚོགས་ལས་ཐོད་རྒལ་གྱི་བསམ་བློ་འཛིན་མང་པོ་ཞིག་ལ་དེ་ལྟར་དཀའ་ངལ་འཕྲད་བཞིན་ཡོད། ཐ་ན་ཤཱཀྱ་ཐུབ་པ་ལའང་དཀའ་ངལ་དེ་འཕྲད་ཡོད། ཟབ་ཞི་སྤྲོས་བྲལ་འོད་གསལ་འདས་མ་བྱས།། བདུད་རྩི་ལྟ་བུ་ཆོས་ཤིག་ཁོ་བས་རྙེད། སུ་ལ་བསྟན་ཡང་གོ་བར་མི་ནུས་པས།། མི་སྨྲ་ནགས་ཀྱི་ཁྲོད་དུ་གནས་པར་བྱ།། ཚིག་ཇི་བཞིན་ཨེ་ཡིན་མི་ཤེས་མོད་གནད་དོན་དེ་ལྟར་ཡིན། དཀའ་ངལ་འདི་རིགས་འཕྲད་ས་ནི་བཀག་རྒྱ་ཡོད་པའི་སྤྱི་ཚོགས་ཁྲོད་ནས་ཚད་བརྒལ་གྱི་བསམ་བློ་འཛིན་ཀུན་ཡིན།

དེ་ལས་མང་བ་། “སྤོབས་མཆོག་མཐའ་ཡས་ཀྱི་དཀའ་ངལ་སྐོར་ལ་བསམ་ཚུལ་ཐུང་ངུ་ཞིག” »