ཨ་ནུ་ཐང་བསོད་ནམས།

 
ད་དུང་ཡང་ལྷ་འདྲེ་གདོན་བགེགས་ལ་རེ་བ་ཞུས་ཤིང་ལུང་བསྟན་གནང་བཞིན་ཡོད་པས། ག་རེ་བྱས་ནས་བོད་མིའི་སྒྲིག་འཛུགས་ཀྱིས་སྐྱི་གཡའ་བའི་གནའ་བོའི་དྲི་མ་ངན་པ་འདི་དག་བོད་ཀྱི་སྤྱི་ཚོགས་ནང་དུ་ཡང་ནས་ཡང་དུ་སླར་གསོ་བྱེད་དགོས་པ་ཡིན་ནམ། བོད་ཀྱི་སྤྱི་ཚོགས་ཁྲོད་དུ་ད་དུང་ཡང་འདི་འདྲ་ལ་ཡིད་ཆེས་མཁན་ཡོད་དམ། སྐྱོ་བ་ལ། བོད་མིའི་སྒྲིག་འཛུགས་ཀྱིས་བོད་མི་རྣམས་རྨོངས་དད་ཀྱི་ཡུལ་ལས་སད་པ་ལ་སྐུལ་འདེད་བྱེད་རྒྱུའི་ཚབ་ཏུ་འདི་ལྟར་རྨོངས་དད་ཁྲོད་ལ་གང་ཐུབ་ཀྱིས་ཁྲིད་བཞིན་ཡོད་པས་ཡིན།

དེ་ལས་མང་བ་། “ཡིད་ཆེས་བྱེད་མི་ལ་མགོ་སྐོར་གཏོང་བ་ནི་ཧ་ཅང་གི་ཁྲེལ་མེད་ལས་ཤིག་ཡིན།” »

ཁང་གསར་རྡོ་རྗེ།

ཡོངས་གླིང་སློབ་གྲྭའི་རྩོད་གཞི་དེ་ཐོན་ནས་ལོ་ཟླ་གང་ཙམ་ཞིག་སོང་། རྩོད་གཞི་དེ་ཞུ་རྩོད་བྱེད་ས་དང་ཐག་གིས་གཅོད་ས་ཁྲིམས་ཞིབ་ཁང་ན་ཡིན་རུང་། གླེང་རྙོག་རྒྱུན་མི་ཆད་པར་ཐོན་ས་བོད་མི་མང་སྤྱི་འཐུས་གྲོས་ཚོགས་ནང་རེད། གླེང་རྙོག་དེ་ལོ་ལྟར་གླེང་ཙམ་གླེང་ཙམ་བྱེད་མཁན་ལ་བལྟས་ན། སྐྱེ་ཁུངས་མདོ་སྟོད་ནས་ཡིན་པའི་སྤྱི་འཐུས་འགའ་རེད། དེ་མིན་སྐྱེ་ཁོངས་ཨ་མདོ་དང་དབུས་གཙང་ནས་ཡིན་པའི་སྤྱི་འཐུས་གཞན་གྱིས་དེའི་སྐོར་གླེང་བ་ཁོ་བོས་ནི་མ་མཐོང་། དེ་ལ་དམིགས་བསལ་རྒྱུ་མཚན་ཡོད་སྲིད་ཀྱང་ང་ཚོས་ཤེས་ཀྱིན་མེད།

ཁ་མཆུ་དེ་ཡོངས་གླིང་སློབ་གྲྭའི་བདག་ཐོབ་སྐོར་ནས་ཡིན་

དེ་ལས་མང་བ་། “སྤྱི་རྒྱུ་སྒེར་བདག སྤྱི་ཁྲིམས་སྒེར་གཅོད།” »

ཁྲོ་གཏུམ།

 
འོས་ཤོག་ཐོན་ལ་ཉེ་ཞིང་། ལོ་ལྔའི་ནང་ལ་གོ་སྐབས་གཅིག་རག་པའི་འོས་ཤོག་ཐོན་ལ་ཉེ་སོང་། འོས་ཤོག་ཅེས་པའི་མིང་ཚིག་འདི་ནི་ཡིག་འབྲུ་གཉིས་རེད། ཡིག་འབྲུ་འདི་གཉིས་ཀྱིས་བོད་ཀྱི་མང་གཙོའི་ཀ་བ་གསུམ་གྱི་ནང་གི་ཀ་བ་གཉིས་ལ་གཞི་འཛིན་བྱས་ཡོད། ཀ་བ་དེ་གཉིས་ནི་སྲིད་སྐྱོང་དང་སྤྱི་འཐུས་རེད(བཀའ་ཤག་དང་གྲོས་ཚོགས།)།

ང་རང་ལྷོད་ལ་བབས་ནས་རང་ཉིད་ཀྱི་ཁོར་ཡུག་ཀུན་ཏུ་མིག་དང་རྣ་བའི་དབང་བོ་གཉིས་ཀྱིས་འོས་ཤོག་གིས་འཇུས་པའི་མང་གཙོའི་ཀ་བ་གཉིས་སུ་ཞིབ་ལྟ་ཞིག་བྱས་ན།

དེ་ལས་མང་བ་། “མང་གཙོའི་ཀ་བ་གཉིས་འོས་བསྡུའི་ཁྲོད་ན་འདུག” »

བསྟན་འཛིན་འཇམ་དཔལ།

 
ཕྱི་ཟླ་༣ ཚེས་༩ ཉིན་དབུས་འོས་བསྡུ་ལས་ཁང་གིས་སྤེལ་བའི་ http://bod.asia/2016/03/འོས་བསྡུ་དང་འབྲེལ་བའི་/ འོས་བསྡུ་དང་འབྲེལ་བའི་ཡོངས་ཁྱབ་གསལ་བསྒྲགས་ཀྱི་གནད་དོན་གཉིས་པར་་་ ༼ ༢། འོས་བསྡུའི་སྒྲིག་གཞི་དོན་ཚན་ ༣༤ ནང་གསེས་ ༦ ༼ཀ༽ ནང་གསལ་ལྟར་ས་གནས་སོ་སོར་འོས་ཤོག་གྲངས་བཤེར་ཟིན་རྗེས་འོས་གཞི་དོ་བདག་སོ་སོར་ས་གནས་དེ་ནས་འོས་གྲངས་ཇི་ཐོབ་ས་གནས་དེ་གའི་འོས་བསྡུའི་ཚོགས་མི་དང། ཟུར་དཔང་མཉམ་འཛོམས་ཐོག་ས་གནས་འོས་བསྡུའི་འགན་འཛིན་ནས་གསལ་བསྒྲགས་བྱེད་རྒྱུ་དང་།

དེ་ལས་མང་བ་། “བྱང་ཨ་རིའི་ས་གནས་ཁག་གི་འོས་སྒམ་དང་དབང་ཚད།” »

བློ་གྲོས་རབ་བརྟན།

 
ད་ལོའི་སྲིད་སྐྱོང་འོས་བསྡུའི་ཐད་ནས་མི་སྐོར་ཞིག་གིས་ཆོལ་ཁས་ཕྱོགས་རེས་དང་དཔུང་སྒྲིག་བྱས་སོང་ཟེར། དོན་ངོ་མ་ཕྱོགས་རེས་དང་དཔུང་སྒྲིག་བྱས་ཡོད་དམ། ཆོལ་ཁའི་ཕྱོགས་རེས་དང་དཔུང་བསྒྲིགས་ལབ་ན་ག་འདྲ་ཞིག་རེད། གཞི་འཛིན་ས་ཞིག་ཡོད་དམ།
དྲ་ལམ་ཁག་ན་སྲིད་སྐྱོང་འོས་བསྡུའི་ཐད་ཆོལ་ཁས་ཕྱོགས་རེས་དང་དཔུང་སྒྲིག་བྱས་སོང་ཟེར་ནས་གཏམ་འཆར་འགའ་མཐོང་མོད། དེ་ནི་དེ་ཙམ་བདེན་པ་ཡིན་པའི་ཚད་འཛིན་བྱས་མེད་དེ། ཆེད་དུ་བཙན་བྱོལ་བོད་མིའི་སྤྱི་ཚོགས་འདི་དཀྲིག་པར་གཏམ་འཆར་སྤེལ་མཁན་ཡོད་ཁོ་ཐག་ཡིན་པས་ཡིན།

དེ་ལས་མང་བ་། “གཏམ་འཆར་ལ་གཏམ་ལན།” »

གཡུ་སྒང་གངས་དཀར་རྒྱལ་སྲས།

སྲིད་སྐྱོང་མི་མང་ནས་འདེམས་པ་ནི་སྤྱི་ཚོགས་ཡར་རྒྱས་དང་དམངས་གཙོའི་གལ་ཆེན་རང་བཞིན་གྱི་ངོ་བོ་ཞིག་ཡིན། དེ་བཞིན་སྲིད་སྐྱོང་འགྲན་རྩོད་འདིའང་རང་དབང་མཚོན་བྱེད་དང་དམངས་གཙོ་མཚོན་བྱེད་ཅིག་ཡིན། ང་ཚོ་ལ་རང་དབང་གི་སྲིད་སྐྱོང་འོས་འདེམས་ཀྱི་ཐོབ་ཐང་ཡོད་ལ་ཁོ་བོ་དག་ལ་སྲིད་སྐྱོང་འགྲན་རྩོད་ཀྱི་ཐོབ་ཐང་ཡོད་པ་སོགས་ནི་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་དྲིན་ཉག་གཅིག་ཡིན་ལ། ང་ཚོའི་དམངས་གཙོ་རང་དབང་གི་ཆེས་མཐོའི་ཁེ་དབང་ཉག་གཅིག་ཀྱང་ཡིན།

དེ་ལས་མང་བ་། “སྲིད་སྐྱོང་འདེམས་པ།” »

རིག་ལྡན་རྣམ་གྲོལ། (ཧྥ་རན་སི།)

 
ཕྱི་ལོ་༢༠༡༡་ལོར་བློ་བཟང་སེང་གེ་སྲིད་སྐྱོང་དུ་ལངས་སྐབས་སུ་རྩ་དོན་གསུམ་གྱི་ཐ་ཚིག་བསྒྲགས་ཏེ་གསར་བཏོད་ཀྱི་ལམ་དུ་ཞུགས་ཡོད་མོད། འདས་པའི་ལོ་ངོ་བཞི་ལྷག་ལ་ཕྱི་མིག་ལྟ་སྐབས་ཁོང་གིས་བཟང་ཕྱོགས་ནས་བོད་པའི་སྤྱི་ཚོགས་སུ་གསར་བཏོད་ཀྱི་ནུས་པ་གང་ཡང་འདོན་ཐུབ་མེད་པ་རེད།

ཡིན་ནའང་། ཁོང་ཉིད་ཀྱིས་ནུབ་ཕྱོགས་སྤྱི་ཚོགས་ཀྱི་ང་ཆེ་ངས་འཇོན་གྱི་ལྟ་གྲུབ་ཅིག་བོད་པའི་སྤྱི་ཚོགས་སུ་འགད་རྫས་བཞིན་དར་སྤེལ་བཏང་ཡོད་པ་དང་།

དེ་ལས་མང་བ་། “བློ་བཟང་སེང་གེའི་མདུན་གྱི་དཀའ་ངལ།” »

——-རྭ་འཕྲིན
 
ཡང་དོལ་ཚོགས་སྐོར་ལ་བསམ་ཚུལ་ཐུང་ཐུང་ཞིག་ཞུ་འདོད་བྱུང་། ཉེར་ཆར་ང་ཚོའི་སྤྱི་ཚོགས་ཁྲོད་ལ་རྒྱལ་སྤྱིའི་ཤུགས་ལྡན་ཚོགས་པ་ཟེར་བ་ཞིག་སྒོ་བརྒྱབ་ཡོད་པ་དང་༧ གོང་ས་མཆོག་ལ་ངོ་རྒོལ་མཚམས་འཇོག་བྱས་ཡོད་པའི་གསར་འགྱུར་སྙན་མོ་ཞིག་ཐོན་ཡོད། སྤྱིར་ཡིན་ན་དོལ་ཚོགས་དང་འབྲེལ་ཡོད་ཀྱི་ལས་ཁུངས་དང་ཚོགས་པ་གཅིག་གི་སྒོ་བརྒྱབ་པ་ཡིན་ན་ང་ཚོར་མཚོན་ན་མཐུན་རྐྱེན་ཞིག་རེད།

དེ་ལས་མང་བ་། “དོལ་ཚོགས་སྒོ་བརྒྱབ་ཡོད་དམ།” »

ཅོ་རི་ཉི་མ།
 

དང་པོ། ཆོལ་ཁ་ཞེས་པའི་ཐ་སྙད་འདིའི་ཚིག་འགྲེལ་ལ་དཔྱད་པ།

1 ཆོལ་ཁ་ཞེས་པའི་ཐ་སྙད་འདི་ལ་ཚིག་འགྲེལ་རྒྱག་སྟངས་མི་འདྲ་བ་གསུམ་འདུག
༡་་་དག་ཡིག་གསར་བསྒྲིགས་ལས། ཆོལ་ཁ་ཞེས་པ་ནི་གནའ་དུས་དཔལ་འབྱོར་དང་རིག་གནས་ལ་བརྟེན་ནས་བགོས་པའི་ས་ཁུངས་ཀྱི་མིང་སྟེ། མདོ་སྨད་རྟའི་ཆོལ་ཁ་ཞེས་པ་ལྟ་བུ། ཅེས་འགྲེལ་བཤད་བརྒྱབ་འདུག

༢་་་སྨོན་ལམ་བོད་ཡིག་ཚིག་མཛོད་ལས། ་་ཆོལ་ཁ་ཞེས་པ་ནི་འབྱུང་ཁུངས་སམ་དར་སའི་གནས་ཏེ།(དཔེར་ན།) དབུས་གཙང་ཆོས་ཀྱི་ཆོལ་ཁ།

དེ་ལས་མང་བ་། “བོད་ཆོལ་ཁ་གསུམ་ཞེས་པ་ལ་དཔྱད་པའི་བསམ་ཚུལ།” »

ཚེ་འབར།

 
ཉེ་སྔོན་དྲ་ལམ་ཁག་ནས། ཁྱེད་ཀྱིས་འོས་ཤོག་སུ་ལ་བླུག་རྒྱུ་ཡིན། སྔོན་འགྲོའི་འོས་མི་གཉིས་སུ་བཟང་གི་རེད། ཁྱེད་ཀྱིས་འོས་སུ་ལ་བླུག་ན་ངས་དེ་ལ་བླུག་རྒྱུ་ཡིན་ཟེར་མཁན་ཚོ་ལ། སྤྱིར་ཡིན་ན་ངའི་ད་ལོའི་འོས་མི་ནི་རྒྱལ་གཅེས་དཔའ་བོ་ཨ་ཚོགས་ཀླུ་མཁར་བྱམས་ཡིན་པ་དེ་ཕྱི་གསལ་ནང་གསལ་ཆགས་པ་རེད། རང་ཉིད་ཀྱིས་བསམ་པ་ལ་ཁོང་གི་བཏོན་གནང་པའི་”འཆར་སྒོ་གཉིས་དང་ངོ་རྒོལ་གཉིས་”ཟེར་བ་དེ། ད་ལྟའི་ཆར། ང་ཚོའི་བཙན་བྱོལ་སྤྱི་ཚོགས་སུ་དུས་ཐོག་ཆར་བ་ལྟ་བུ་ཆགས་ཡོད་པ་ངོས་འཛིན་ཡོད་པའི་ཐོག་ནས་རེ་བ་བརྒྱབ་པ་ཡིན།

དེ་ལས་མང་བ་། “བློ་འཚབ་ཅིག་གིས་བློ་བཟང་སེང་གེ་ལ་འོས་འཕེན་རྒྱུ་ཡིན།” »

ལྷག་པ་ཚེ་རིང་།

 
འོས་བསྡུ་ཟིན་ལ་ཉེ། ངས་ད་དུང་ཡང་བློ་བཟང་སེང་གེའི་ལས་དོན་གྲུབ་འབྲས་བཙལ་ནས་རྙེད་མེད། མ་རྙེད་པའི་གནད་འགག་གང་རེད། ངས་བཙལ་མ་ཤེས་པ་ཡིན་ནམ། དེ་ཡང་མ་རེད། བློ་བཟང་སེང་གེ་ཁོ་རང་གིས་ལོ་བཞི་དང་ཕྱེད་ཀའི་གྲུབ་འབྲས་འདི་ཡིན་ཟེར་ས་གཙོ་བོ་ནི། སྤྱི་ཚོགས་ལྷིང་འཇགས་བྱུང་ཡོད། རྨང་གཞི་གསར་པ་བསྐྲུན་ཡོད། ཨ་སྒོར་ས་ཡ་དྲུག་རག་ཡོད། ཟེར་བ་འདི་གསུམ་རེད། འདི་གསུམ་གྲུབ་འབྲས་སུ་ག་ཚད་བསྒྲགས་ནའང་། མང་ཚོགས་ཀྱིས་གྲུབ་འབྲས་ཤིག་མ་རེད་ཅེས་ངོས་ལེན་བྱེད་ཀྱིན་ཡོད་པ་མ་རེད། ང་རང་ཡང་དེ་གསུམ་གྲུབ་འབྲས་སུ་ཁས་ལེན་མ་ཐུབ་མཁན་གྱི་གྲས་ཡིན།

དེ་ལས་མང་བ་། “མཁས་དབང་བློ་བཟང་སེང་གེ། རྫུན་དང་ཧམ་པས་ཕམ་སོང།།” »

-ཆབ་སྲིད་དབྱེ་ཞིབ་པ་གཙུག་ལག་སློབ་ཐོན་རིག་ལྡན་རྣམ་གྲོལ།

 
ཕྱི་ལོ་༢༠༡༦ལོའི་སྲིད་སྐྱོང་གི་འོས་བསྡུ་ཚ་ཚ་འུར་འུར་འགྲོ་བཞིན་ཡོད་པ་དང་།དྲ་ཐོག་ན་འཛམ་གླིང་འཁྲུག་ཆེན་གཉིས་པ་ལྟ་བུའི་ཁ་དམག་རྒྱག་པ་དང་། པར་རིས་འདྲ་མིན་རྫུན་བཟོ་བྱེད་པ་སོགས་བོད་མི་རིགས་ཀྱི་ཡ་རབས་ཀུན་སྤྱོད་ཅེས་པའི་ཁ་ཚིག་སྙན་མོའི་ར་བ་ལས་བརྒལ་ཏེ་དགྲ་དགའ་གཉེན་སྡུག་དང་།

དེ་ལས་མང་བ་། “ཚོགས་གཙོ་སྤེན་པ་ཚེ་རིང་སྐབས་བཅོ་ལྔ་བའི་སྲིད་སྐྱོང་ཆགས་རྒྱུ་རེད།” »

རབ་འབྱོར་ནས།

 
དགྲ་དགའ་གཉེན་སྡུག་ཟེར་བ་འདི་ང་ཚོས་སྐྱབས་བཅོལ་བའི་སྤྱི་ཚོགས་ནང་དུ་རྒྱུན་དུ་ཐོས་པའི་གཏམ་དཔེ་ཞིག་ཡིན།   བཙན་བྱོལ་བོད་གཞུང་དང་སྤྱི་ཚོགས་ཀྱི་ནང་མཚང་ཞིག་དང་།  ནང་འགལ་ཞིག་ལ་ཕྱི་ལ་མངོན་དུས་གཏམ་དཔེ་འདི་ལན་མང་དུ་ཐོས།  འདིའི་མཚོན་དོན་ནི།  རང་ཕྱོགས་ཀྱི་ནང་འགལ་ལམ་ནང་སྐྱོན་ཞིག་གཞན་ལ་ཤེས་ཚོར་གྱི་གོ་སྐབས་མེད་པའི་སྒོ་ནས་སེལ་ཐུབ་ན་ལོས་བཟང་སྟེ།  སེལ་མ་ཐུབ་ན་ཡང་དེ་དག་ཕྱི་ལ་མི་མངོན་པར།  ཅི་ཡང་མེད་པའི་ཟོལ་གྱིས་སྡོད་དགོས་པ་དེ་ཡིན།

དེ་ལས་མང་བ་། “དོན་དངོས་ཀྱི་དགྲ་དགའ་གཉེན་སྡུག” »

རྩོམ་པ་པོ། ཁ་ལཱའོ་དྲི ཨར་པི། (Claude Arpi)

ཡིག་བསྒྱུར་བ། དྭགས་པོ་བ་ཆོས་སྒྲོན།

(རྩོམ་པ་པོ་ཁ་ལཱའོ་ཊི་ ཨར་པི་མཆོག་ནི་སྤྱི་ལོ་ ༡༩༤༩ ལོར་ཧྥ་རིན་སིར་སྐྱེས་པ་ཞིག་ཡིན་ལ། ཁོང་གསར་འགོད་པ་དང་། ལོ་རྒྱུས་མཁས་པ། བོད་རིགས་པ་མཁས་དབང་བཅས་རེད། ཁོང་གིས་ལོ་ངོ་བཞི་བཅུ་ལྷག་ཅིག་གི་རིང་རྒྱ་གར་དང་རྒྱ་ནག བོད་སོགས་དབར་གྱི་འབྲེལ་བའི་སྐོར་ལ་རྩོམ་ཡིག་གང་མང་སྤེལ་ཡོད་ལ། ནམ་རྒྱུན་བོད་དོན་དང་འབྲེལ་བའི་

དེ་ལས་མང་བ་། “བཙན་བྱོལ་བའི་འོས་བསྡུ།” »

འཇམ་དབྱངས་སྦྱིན་པ།
 
(བཀའ་ཟུར་བདེ་སྐྱིད་ཆོས་དབྱངས་ལགས་ཀྱི་དགོངས་ཞུ་དང་གསལ་བསྒྲགས་སྐོར།)
བཀའ་ཟུར་བདེ་སྐྱིད་ཆོས་དབྱངས་ལགས་ཀྱིས་ལོ་བཞི་དང་ཕྱེད་ཀའི་རིང་དགོངས་པ་མ་ཞུས་པར། ཅིའི་ཕྱིར་ཉེ་ཆར་དགོངས་པ་ཞུས་པ་ཡིན་ནམ། དགོངས་ཞུས་དེ་ནི་”གདོང་ལེན་བྱེད་དགོས་པའི་དཀའ་ངལ་ཆེན་པོ་རྣམས་ང་ཚོའི་མདུན་ཕྱོགས་ན་ཡོད་”པ་ཤེས་པའི་སྒོ་ནས། སྤྱི་དོན་ཆེད་བསམ་བློ་གཏིང་ཟབ་བཏང་ནས་ཐག་གཅོད་གནང་བ་ཞིག་ཡིན་གསུངས་པས། ཁོང་སྒེར་ངོས་ནས་འོས་བསྡུ་དང་འབྲེལ་བའི་ཆ་ཤས་བཞེས་རྒྱུ་དེ་ཅིའི་ཕྱིར་དེ་ཙམ་གལ་ཆེན་དུ་གཟིགས་དགོས་པ་ཡིན་ནམ།

དེ་ལས་མང་བ་། “ང་ཚོས་བསམ་བློ་མ་གཏང་ཐབས་མེད་ཀྱི་གནད་དོན་ཞིག” »

སྟག་སྨྱོན། ཡོ་རོབ།

 
བཀའ་ཤག་སྔ་ཕྱི་དང་སྲིད་སྐྱོང་ལས་ཁུངས་ནས་རྒྱ་རིགས་སྤྱི་དང། ལྷག་པར་ཕྱི་རྒྱལ་ཁག་ཏུ་ཡོད་པའི་རྒྱ་རིགས་ཚོ་ལ་འབྲེལ་བ་ཞུ་རྒྱུ་བོད་དོན་འཐབ་རྩོད་ཀྱི་ལས་འགུལ་གནད་འགག་ཆེན་པོ་ཞིག་ཏུ་བརྩི་གི་ཡོད་གསུངས་སོང་། འོན་ཀྱང་ཨ་རིའི་བཙན་བྱོལ་བོད་མའི་སྒྲིག་འཛུགས་ཀྱི་སྐུ་ཚབ་དོན་གཅོད་ཁང་གི་རྒྱ་རིགས་འབྲེལ་མཐུད་པ་ཀུན་དགའ་བཀྲ་ཤིས་ལགས། ལས་གནས་ནས་ཕྱིར་འཐེན་བྱས་ཏེ་ཕྱིར་རྡ་སར་ཚུར་བླངས་རྗེས། ཨ་རིའི་བོད་མིའི་དོན་གཅོད་ཁང་དུ་རྒྱ་རིགས་འབྲེལ་མཐུད་པ་མ་རྙེད་པར། ལོ་གཅིག་ཙམ་རིང་འབྲེལ་མཐུད་པའི་ས་མིག་སྟོང་པ་བཞག་འདུག

དེ་ལས་མང་བ་། “རྒྱ་རིགས་འབྲེལ་མཐུད་པའི་སྐོར།” »

—–ནམ་མཁའ།
 

དང་པོ།

བཙན་བྱོལ་བོད་མིའི་སྒྲིག་འཛུགས་འདི། སྐྱབས་བཅོལ་བ་བོད་མི་ཆིག་འབུམ་ལྔ་ཁྲི་ལྷག་གིས་གྲུབ་པ་ཞིག་ཡིན་པས། གཞན་དབང་སྟབས་བསྟུན་ཡིན་པ་ཞིག་ལས། ནུབ་ཕྱོགས་རྒྱལ་ཁབ་དང་རྒྱ་གར་ལྟ་བུར་རང་གི་ས་ཐོག་ཏུ་བསྡད་མེད་པ་དེ་ངོས་འཛིན་གསལ་བོར་ཤེས་དགོས་ལ།

དེ་ལས་མང་བ་། “ཆོལ་ཁའི་འཐེན་ཁྱེར་གྱི་མཁྲིས་ནད་ཕོག་པའི་སྲིད་སྐྱོང་འོས་མི་གཉིས།” »

གངས་རིའི་དོམ་ཁྲ།

 
བོད་རྒྱ་ཞི་མོལ་ཡོང་བ་ལ་འབད་བརྩོན་ཧུར་ཐག་གནང་མཁན་ཞིག་དགོས་ན། སྲིད་སྐྱོང་འོས་མི་སྤེན་པ་ཚེ་རིང་གདམས་གལ་ཆེ་ལ། བོད་རྒྱ་ཞི་མོལ་ཡོང་བའི་ལམ་ཁ་རྩ་མེད་བཟོ་མཁན་ཞིག་དགོས་ན། སྲིད་སྐྱོང་འོས་མི་བློ་བཟང་སངས་རྒྱས་གདམས་དགོས། རྒྱུ་མཚན་ཅི་ཡིན་ཟེར་ན། རྒྱལ་སྤྱི་དང་རྒྱ་གཞུང་གང་ཐད་ནས་བལྟས་ན། བོད་རྒྱ་ཞི་མོལ་ཡོང་བ་ལ ༧ གོང་ས་མཆོག་གམ་གོང་ས་མཆོག་གི་སྐུ་ཚབ་ལ་མ་གཏོགས། དབུས་བོད་མིའི་སྒྲིག་འཛུག་ལ་འབྲེལ་མོལ་མི་བྱེད་པ་གསལ་བོ་མཐོང་གི་འདུག་ཅེས་སྲིད་སྐྱོང་འོས་མི་སྤེན་པ་ཚེ་རིང་གིས་ཟེར།

དེ་ལས་མང་བ་། “བོད་རྒྱ་འབྲེལ་མོལ་དགོས་སམ་བློ་སེང་དགོས།” »

བསྟན་འཛིན་ནམ་མཁའ།

 
སྲིད་སྐྱོང་འོས་མི་གཉིས་བར་བགྲོ་གླེང་ཐེངས་གསུམ་པ་ཨེ་ཤ་ཡ་རང་དབང་རླུང་འཕྲིན་ཁང་གིས་རྡ་རམ་ས་ལར་བཀོད་སྒྲིག་བྱས་འདུག་པ་དེར་དྲ་ལམ་ནས་བལྟ་ཉན་བྱས་པ་ཡིན། རང་ཉིད་ཀྱི་རྣ་བར་ཡིད་མི་ཆེས་པ་ལྟ་བུའི་ཚོར་བ་ཐེངས་ཁ་ཤས་བྱུང་། བགྲོ་གླེང་གི་དུམ་བུ་འགའ་ལ་བསྐྱར་དུ་བལྟ་ཉན་རེ་ཡང་བྱས་པ་ཡིན། རང་ཉིད་ལ་གོ་ལོག་བྱུང་མི་འདུག བློ་བཟང་སེང་གེས། ༼ངའི་ལས་ཀའི་བརྒྱ་ཆ་ལྔ་བཅུ་དེ་ཕྱི་ལོགས་ལ་བཤད་ཡ་མ་རེད། གསང་བ་བྱས་ནས་ཉར་དགོས་ཀྱི་ཡོད་པ་རེད།༽ ཟེར།

དེ་ལས་མང་བ་། “སྲིད་སྐྱོང་འོས་མི་བློ་བཟང་སེང་གེས་རང་གི་ལས་ཀའི་བརྒྱ་ཆ་ལྔ་བཅུ་གསང་བ་ཡིན་ཟེར།” »

བོན་པོ།

 
བོད་མིའི་སྒྲིག་འཛུགས་ཀྱི་དྲྭ་རྒྱར་ཁྱབ་བསྒྲགས་སྤེལ་བ་འདི་ལྟར།

ཕ་མའི་དུས་ཆེན་སྲུང་བརྩི་དང་སྟབས་བསྟུན་བོད་ཡིག་སློབ་སྦྱོང་དྲ་ཚིགས་དབུ་འབྱེད་གནང་བ།
༼དེ་ནས་ཤེས་རིག་བཀའ་བློན་དངོས་གྲུབ་ཚེ་རིང་མཆོག་གིས་ཤེས་རིག་ལས་ཁུངས་ནས་ཕ་མའི་དུས་ཆེན་དང་སྟབས་བསྟུན་རང་རིགས་གཞོན་སྐྱེས་རྣམས་ལ་ལེགས་སྐྱེས་ཀྱི་ཚུལ་དུ་གཞི་རིམ་སློབ་མའི་བོད་ཡིག་སློབ་སྦྱོང་དྲ་ཚིགས་ www.bodyiglobjong.com ཞེས་པ་དབུ་འབྱེད་གནང་བ་དང་འབྲེལ།༽ ཞེས་རིམ་པས་བཀོད་འདུག

དེ་ལས་མང་བ་། “གཞི་རིམ་སློབ་མའི་བོད་ཡིག་སློབ་སྦྱོང་དྲ་ཚིགས་སྐོར་ལ་བསམ་ཚུལ།” »