གངས་སེང་།

བོད་ཀྱི་ལོ་རྒྱུས་ཕལ་མོ་ཆེ་རྣམས་སུ་ང་ཚོའི་བོད་ཀྱི་རིག་གནས་ཕུན་སུམ་ཚོགས་པ་འདིའི་ཁུངས་ངོ་མ་དེ་རྒྱ་གར་འཕགས་པའི་ཡུལ་ལ་གཏུགས་ཏེ་དེའི་གོང་དུ་བོད་ལ་ཡིག་རིགས་ཙམ་ཡང་མེད་པ་ཆེས་ཀླ་ཀློ་ཞིག་ངོས་འཛིན་བྱས་ཡོད། བོད་རྒྱལ་སྲོང་བཙན་གྱིས་ཐོན་མི་ཨ་ནུ་རྒྱ་གར་ལ་བཏང་ནས་ཐོན་མིས་མཁས་པ་ལི་བྱིན་ལ་བསྟེན་ནས་ཡི་གེ་བསླབ་པ་མཐར་སོང་བྱས་ཏེ་ཕྱིར་བོད་ལ་ལོག་རྗེས་བོད་ཡིག་གསར་བཟོ་བྱས་པར་བཤད་དེ་བོད་པའི་ཀླད་ཁོག་ནང་དུ་བསུབ་ཏུ་མེད་པའི་རྫུན་རིས་ཞིག་བྲིས་པ་དེ་གནས་རི་སྲོང་བཙན་ཡན་གྱི་རྒྱལ་རབས་སུམ་ཅུ་སོ་གཉིས་རིང་གི་ཡབ་མེས་གོང་མ་རྣམས་ལ་བསམ་ཡུལ་ལས་འདས་པའི་སྨ་འབེབས་ཞིག་ཡིན་པ་སྨོས་མེད་རེད།

དེ་ལས་མང་བ་། “སྲོང་བཙན་གོང་དུ་བོད་ཡིག་ཡོད་མེད་ལ་རོབ་ཙམ་དཔྱད་པ།” »

མཛད་པ་པོཿ དགེ་བཤེས་ཤེས་རབ་རྒྱ་མཚོས།
མཁོ་འདོན་པཿ མིག་བརྒྱད་པ།

འདིར་བདག་གཞན་དུས་གསུམ་སྐུལ་ཚིག་ལ་ཡི་གེའི་གཟུགས་འགྱུར་ཡོད་མེད་ཀྱི་ཟུར་བཀོལ་གཉིས་ཁོ་བོར་ཞུ་དག་ཏུ་གཞུང་ནས་གནང་བར་རྒྱ་བོད་བརྡ་སྤྲོད་ཆེས་མང་པོའི་སྤྱི་སྲོལ་རང་བློས་གང་དཔོག་ཏུ་བཟུང་སྟེ་དཔྱད་མོད། མཁས་བླུན་སྣ་ཚོགས་པས་མཚོ་ལས་སྐྱོགས་ཀྱིས་བཅུས་པའི་ཚུལ་དུ་སུམ་རྟགས། བརྡ་གསར་རྙིང་། དག་ཡིག་སོགས་ལ་གཞུང་ཆེ་ཆུང་མཐའ་ཡས་པར་སྤེལ་བ་དེ་དག་གི་ནང་ནས་ཚད་མར་བྱ་བའི་འོས་མ་མཆིས་པའང་ཤིན་ཏུ་མང་ཞིང་།

དེ་ལས་མང་བ་། “དུས་གསུམ་གྱི་རྣམ་བཞག་བློ་མུན་སེལ་བའི་འོད་སྣང་ལ་ཞུ་དག་གནང་བའི་སྐབས་ཀྱི་དཔྱད་གཏམ།” »

ཨོ་རྒྱན་ཉི་མ།

གང་སྐུ་མཚན་བཟང་གསེར་ཞུན་འབུམ་ལྡན་དཔེ་བྱད་ཉི་འོད་བྱེ་བས་འཁྱུད།། གསུང་དབྱངས་དྲུག་ཅུ་དྲི་ཟའི་དབྱངས་ཀྱིས་ཐེག་གསུམ་ཆོས་ཀྱི་རང་སྒྲ་འབྱིན།། ཇི་ལྟར་ཇི་སྙེད་མཁྱེན་པའི་སྟོབས་བཅུས་བློ་གྲོས་མཆོག་རྣམས་ཟིལ་གྱིས་གནོན།། སྲིད་གསུམ་འདི་ན་མཚུངས་ཟླ་བྲལ་བ་ཤཀྱའི་རྒྱལ་པོས་དགེ་ལེགས་སྩོལ།།། ཅེས་མཆོད་པར་བརྗོད་པའི་ངག་གིས་མདུན་བསུས་ཏེ་གང་ཞིག་གླེང་བར་བྱ་བ་ནི། དེ་ཡང་བདག་ཅག་གི་སྟོན་པས། ང་ཡི་བསྟན་པ་འདི་བྱང་ནས་བྱང་དུ་དར་བར་འགྱུར་རོ།

དེ་ལས་མང་བ་། “༄༅། །བླ་ཆེན་གྱི་རྣམ་ཐར་ལ་དཔྱད་པ་ཤཱཀྱའི་རྗེས་འཇུག་དགྱེས་པའི་དགའ་སྟོན།” »

ཤར་ཕྱོགས་ཁུག་རྟ།

ད་བལྟས་དུས་དབུ་མའི་ལམ་གྱི་ནང་དོན་རྒྱ་ནག་གཞུང་ལ་དངོས་ར་གསལ་འཕྲོད་བྱུང་ཡོད་ཅེས་པའི་སྡོམ་ཚིག་དེ་ནི་ཞེ་དྲག་དོན་དངོས་ཡིན་པ་རྟོགས་ཤིང། ཀྲུང་གོའི་བོད་ལྗོངས་དྲ་བའི་རྩོམ་སྒྲིག་པ་ཉིང་ཀྲེང་གིས་ཁ་སང་ཕྱི་ཚེས ༢༡ ཉིན་བསམ་ཚུལ་སྤེལ་བའི་ནང་”ཏཱ་ལའི་ཡིས་བརྗོད་བཞིན་པའི་དབུ་མའི་ལམ་ཞེས་པ་གང་ལ་གོ་དགོས་ཞེ་ན། བོད་རང་སྐྱོང་ལྗོངས་དང་བོད་ཁུལ་གཞན་པ་བཞིའི་བོད་མི་ཡོངས་གཅིག་གྱུར་གྱི་སྲིད་འཛིན་མངའ་ཁོངས་ནང་དོན་དངོས་དང་མཐུན་པའི་རང་སྐྱོང་བྱས་པ་བརྒྱུད། རང་ཁྱིམ་རང་བདག་བྱེད་པ་མངོན་འགྱུར་ཡོང་རྒྱུ་དང། ཕྱི་འབྲེལ་དང་རྒྱལ་སྲུང་ལས་དོན་ཕུད་པའི་བོད་ཀྱི་ལས་དོན་གཞན་པ་ཡོངས་རྫོགས་བོད་རིགས་མགོ་ཁྲིད་དང་བོད་རིགས་ལས་བྱེད་པས་འགན་ཁུར་དང་ཐག་གཅོད་རྒྱུ་དེ་རེད། ”ཟེར།

དེ་ལས་མང་བ་། “རྩོམ་སྒྲིག་པ་ཉིང་ཀྲེང་གི་སྐད་ཆར་དབྱེ་ཞིབ་བྱས་པ།” »

ཆབ་སྲིད་དཔྱད་གླེང་འདོན་ཐེངས་གཉིས་པ་ལས་དྲངས་ཞེས་པའི་ཟམ་གདོང་རིན་པོ་ཆེའི་གསུང་བཤད་ལ་བལྟས་རྗེས།

ད་རུང་རྨོངས་སྡོད་པ་དེ་ཐབས་སྐྱོ་བོ་ཞེ་དྲག་རེད། ཟམ་གདོང་རིན་པོ་ཆེས ་་༼བསམ་འཆར་༽ཡིག་ཆ་དེ་བཞག་ནས་ཐབས་ལམ་གསར་པ་ཞིག་བཙལ་དགོས་ཀྱི་ཡོད་པར་ནམ་ཡང་ངོས་འཛིན་བྱེད་ཀྱི་མེད་ལ། དེ་འདྲའི་བསམ་ཚུལ་ཞིག་རྩ་བ་ཉིད་ནས་མེད།་་ ཟེར། འདི་ནི་རྩ་བ་ནས་འགྲིགས་མེད་པ་དང་རྒྱ་ནག་གི་གནས་ཚུལ་ཡོངས་སུ་མ་ཤེས་པའི་སྣང་བ་སྐྱིད་པོའི་སྐད་ཆ་ཞིག་རེད་ལ་རང་མགོ་རང་གཡོག་དང་ངང་སྒུག་བྱེད་རྒྱུ། རེ་སྟོང་ཞིག་ལས་མ་མཆིས། ནོར་འཁྲུལ་ཅན་གྱི་བསམ་ཚུལ་འདིའི་རྩ་བ་ཐུག་སའང་གཤམ་གྱི་སྐད་ཆ་འདི་རེད།
་་མི་དང་མི་གདོང་ཐུག་ནས་སྐད་ཆ་བཤད་པའི་སྐབས་་ ་་འབྱུང་འགྱུར་འབྲེལ་མོལ་དང་གྲོས་མོལ་བྱེད་རྒྱུའི་གོ་སྐབས་ག་དུས་བྱུང་ནའང་། ང་ཚོའི་ངོས་ནས་སྐད་ཆ་བཤད་རྒྱུའི་གཞི་རྩ་ལྟེ་བ་ལ་བཟུང་ནས་འགྲོ་རྒྱུ་རེད།་་ བསམ་ཚུལ་འདི་རེད། ང་དགོད་ཤོར་སོང་།

དེ་ལས་མང་བ་། “དབུ་མའི་ལམ། རེ་ཐག་ཆད་རྒྱུ་མེད་པའི་རེ་སྟོང་གི་རྨི་ལམ།” »

ཨ་རིའི་བོད་པ།

ངས་བཤད་འདོད་པ་ནི་”དབུས་བོད་མིའི་སྒྲིག་འཛུགས”ཟེར་བའི་བཀའ་བློན་ཁྲི་བའི་མིང་བྱང་གི་སྐོར་ཡིན། ཡིན་ན་ཡང་མིང་བྱང་དེ་སྲིད་གཞུང་ཞིག་གི་མིང་རེད་དམ། ཚོགས་པ་ཞིག་གི་མིང་རེད་ཟེར་བའི་སྲིད་དོན་གྱི་རྣོར་ངར་ལྡན་པའི་རྩོད་པ་དེ་མིན།
ང་ལ་དགོས་པ་ནི་”དབུས་བོད་མིའི་སྒྲིག་འཛུགས” ཟེར་བ་འདི་བོད་ཀྱི་བརྡ་སྤྲོད་དང་མཐུན་པའི་མིང་ཞིག་རེད་དམ་མ་རེད། ཡིན་ན་ནི་དེའི་དོན་དག་ཅི་རེད། བདག་གིས་རྨོངས་བློར་ཤར་བ་ནི་་དབུས་གཙང་གཉིས་སུ་དབྱེ་བའི་དབུས་ཏེ་ལྷ་སའི་གཡས་གཡོན་ན་ཡོད་པའི་བོད་མི་ཚོའི་སྒྲིག་འཛུགས་ཞིག་ལ་གོ་གི་འདུག

དེ་ལས་མང་བ་། “བློ་སེང་ནི་ལྷ་སའི་གཡས་གཡོན་གྱི་བོད་མིའི་བཀའ་ཁྲི་རེད་དམ།” »

༼འདི་ཡང་རྩོམ་རྙིང་ཞིག་ཡིན་ལ།  ལོ་རྒྱུས་མཁན་པོ་དག་གིས་དགོངས་འཆར་ཡོང་སླད་འདིར་དྲངས་པ་ཡིན། དགེ་འདུན་རབ་གསལ་གྱིས།༽

འདིར་རྒྱལ་པོ་ན་རིམ་གྱི་མཛད་རྗེས་ལོ་ཚིགས་དང་བཅས་པ་རགས་གསལ་ཞིག་འགོད་རྒྱུ་གལ་ཆེར་མཐོང་ཞིང་། དེ་ཡང་དུས་ཕྱིས་ཀྱི་མཁས་དབང་ཚེ་ཏན་ཞབས་དྲུང་བས་བསྟན་རྩིས་ཀུན་ལས་བཏུས་པའི་བསྟན་བཅོས་མཛད་དེ་ལོ་ཚིགས་ལ་སོགས་པའི་ཁུངས་དག་པར་མཛད་པ་ཉིད་ཕྱི་མོ་བྱ་འོས་སུ་མཐོང་བ་དང་མཉམ་དུ། གུས་ཀྱིས་དཀར་ཆག་ལྷན་དཀར་མ་དང་རྟོགས་བརྗོད་དཔག་བསམ་འཁྲི་ཤིང་གཉིས་ཀྱི་སྐོར་ལ་དེབ་ཆུང་རེ་འབྲི་ཁུལ་བྱས་པའི་ནང་ཡང་ལོ་ཚིགས་ཀྱི་རིམ་པ་དེ་རང་ལ་གཞིར་བཞག་ཡོད་པས་འདིར་སྣོན་འཕྲི་དང་འགོད་པར་བྱ་བ་ལ།

ཕྱི་ལོ་ ༦༡༧ བོད་མེ་གླང་ལོར་སྲོང་བཙན་སྒམ་པོ་སྐུ་འཁྲུངས། དགུང་ལོ་བཅུ་གསུམ་དུ་ཕེབས་པ་ན་ཡབ་འདས་ནས་ཆབ་སྲིད་ཕྱག་ཏུ་བཞེས། ཁོང་གི་བློན་པོ་ཁྱུང་པོ་སྤུང་ཟད་ཟུ་ཙེ་དང་མོང་ཁྲི་དོ་རེ་སྣང་ཚབ་ཀྱིས་བྱས་ཤིང་། རྗེས་སུ་མོང་ལ་བཀྱོན་ཕབ་པ་དང་མགར་སྟོང་བཙན་གྱིས་བློན་པོ་ལོ་མང་རིང་བྱས། རྒྱལ་པོ་རང་གིས་ལོ་དྲུག་ཅུ་རྩ་དགུར་ཆབ་སྲིད་བསྐྱངས།

དེ་ལས་མང་བ་། “བཙན་པོ་རིམ་བྱུང་གི་ལོ་ཚིགས་འགའ་ཞིག་གུང་བསྒྲིགས་པ།” »

 དབུ་མའི་ལམ་མི་མང་ལས་འགུལ་ཁང་གི་ཆབ་སྲིད་དཔྱད་གླེང་གསར་འཕྲིན་འདོན་ཐེངས་གཉིས་པ་ལས་དྲངས། 

རང་རེའི་བོད་ཀྱི་བཙན་པོའི་རྒྱལ་རབས་དེ་བཤད་སྲོལ་དང་ཡིག་ཐོག་ཏུ་བཀོད་པར་གཞིགས་ན་གཉའ་ཁྲི་བཙན་པོ་ནས་འགོ་ཚུགས་པ་དང། མཁར་དང་པོ་ཡུམ་བུ་བླ་སྒང་རེད། གཉའ་ཁྲི་བཙན་པོ་ནས་རྒྱལ་རབས་ ༣༣ སྟེ་སྲོང་བཙན་སྒམ་པོའི་དུས་སུ་སྤྱི་ལོའི་དུས་རབས་༧པ་ཡིན་ཞིང། སྐབས་དེར་ཁོང་གི་དྲག་ཤུགས་ལ་བརྟེན་ནས་བོད་ཡོངས་རྫོགས་གཅིག་གྱུར་གནང་བ་དང། བསྐྱར་དུ་གཅིག་གྱུར་གྱི་བཙན་པོའི་རྒྱལ་རབས་བཙུགས་གནང་བར་བརྟེན་བོད་ཀྱི་ཆོས་སྲིད་ཕྱོགས་གང་ཅིའི་ཐད་རིམ་པས་གོང་འཕེལ་བྱུང་བ་རེད། དེའི་གོང་གོ་རྒྱལ་རབས་ ༣༢ རིང་ཞིང་ལས་དང་འབྲོག་ལས་ཐོན་སྐྱེད་སོགས་ཕྱོགས་གང་ཅིའི་ཐད་གོང་འཕེལ་བྱུང་ཡོད་ན་ཡང་སྲོང་བཙན་སྒམ་པོའི་སྐབས་ཀྱི་

དེ་ལས་མང་བ་། “བཀའ་ཟུར་ང་ཕོད་ལགས་ཀྱི་གཏམ་བཤད། གཉིས་པ།” »

དབུ་མའི་ལམ་མི་མང་ལས་འགུལ་ཁང་གི་༼ ཆབ་སྲིད་དཔྱད་གླེང་༽གསར་འཕྲིན་འདོན་ཐེངས་ ༡ ལས་དྲངས།

འཐུས་མི་རྣམ་པ་དང། ཨུ་ཡོན་རྣམ་པ། བློ་མཐུན་རྣམ་པ་ཚོ། ཉིན་ཤས་སྔོན་འགོ་ཚུགས་པའི་སྐབས་ལྔ་པའི་མི་དམངས་འཐུས་མིའི་ཚོགས་ཆེན་གྱི་ཚོགས་འདུ་ཐེངས་གཉིས་པའི་ཐོག་སྐབས་བཅུ་གསུམ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་སྤྱི་བསྒྲགས་དང། བློ་མཐུན་ཏེང་ཞའོ་ཕེན། ལི་ཕུང། ཅང་ཙེ་མིན་སོགས་ཀྱི་གལ་ཆེའི་གསུང་བཤད། བློ་མཐུན་ཧུའུ་ཅིན་ཐའོ་དང་རྡོ་རྗེ་ཚེ་རིང་གིས་ལྗོངས་ཏང་ཨུད་ཀྱི་རྒྱུན་ཨུའི་རྒྱ་ཆེའི་གྲོས་ཚོགས་ཐོག་གནང་བའི་གསུང་བཤད་བཅས་བརྒྱུད་བསྒྲགས་སློབ་སྦྱོང་དང་གྲོས་བསྡུར་གནང་བ་དང། སྲིད་གཞུང་གི་ལས་དོན་དང་འབྲེལ་ཡོད་སྙན་སྒྲོན་གསན་ཐོག་ཚང་མས་རང་ལྗོངས་ཀྱི་ལས་ཀའི་གྲུབ་འབྲས་དང་གནད་དོན་ཟུང་འབྲེལ་གྱིས་གྲོས་བསྡུར་འཁྲུག་པོ་གནང་དང་གནང་མུས་རེད།

དེ་ལས་མང་བ་། “བཀའ་ཟུར་ང་ཕོད་ལགས་ཀྱི་གཏམ་བཤད།” »

༼ ཆབ་སྲིད་དཔྱད་གླེང་༽གསར་འཕྲིན་འདོན་ཐེངས་གཉིས་པའི་རྩོམ་སྒྲིག་པའི་གཏམ།

གནའ་སྔ་མོ་སྔ་མོ་ཞེས་ན་མི་ཆོག་པ་མེད་པ་དེ། དབུ་མའི་ལམ་གྱི་སྲིད་བྱུས་འདི་བཟུང་བའི་དུས་ཚུགས་དེ་ཡིན་ལ། དེ་ལ་གནའ་སྔ་མོ་ནས་སྲིད་བྱུས་འདི་བཟུང་བ་རེད་ཅེས་བཤད་མཁན་མང་པོ་བྱུང་ཡོད། གཞིས་ཆགས་ཁག་ཏུ་སོ་ནམ་ཞིང་ལས་བརྩོན་མཁན་དང་རྡ་ས་དང་ལྡི་ལིར་ཕྱི་རྒྱལ་ལ་ཕེབས་རྒྱུར་བྲེལ་མཁན་ཚོར་མཚོན་ན། གནའ་སྔ་མོ་འདི་དངོས་གནས་གནའ་སྔ་མོ་ཞིག་ཡིན་སྲིད། ཡིན་ནའང། དངོས་བྱུང་ལོ་རྒྱུས་ལ་མཇལ་མཁན་གྱི་ལྟ་ཞིབ་པ་ཞིག་ལ་མཚོན་ན། དབུ་མའི་ལམ་གྱི་སྲིད་བྱུས་ནི་གཞུང་མང་གཉིས་ཀས་གནའ་སྔ་མོ་ནས་ཁྱོན་ནས་བཟུང་མེད་པ་རྟོགས་ཐུབ། དེ་ལ་སྒྲུབ་བྱེད་མང་པོ་འདྲེན་མི་དགོས་པར། ༢༠༠༢ ལོའི་སྔོན་གྱི་བཀའ་སྤྱི་གཉིས་ཀྱི་སྲིད་བྱུས་འདི་འཛིན་ཕྱོགས་དང། དེ་བཞིན་སྲིད་བྱུས་འདི་ཁྱབ་བསྒྲགས་གཞུང་འབྲེལ་གཏན་འབེབས་བྱས་པ་ནས་དེ་རིང་བར་གྱི་ང་ཚོའི་གཞི་རྩ་གཞིས་ཆགས་ཁག་ཏུ་བལྟས་པ་ཡིན་ན།

དེ་ལས་མང་བ་། “རང་བཙན་པ་ཚོས་གོ་སྐབས་འདི་ཤོར་གི་མ་འཇུག” »

༡༩༨༣ ལོའི་ ཟླ་ ༡༢ ཚེས་ ༢༨ དང་ ༢༩ ཉིན་ཐུན་གཉིས་ལ་ཀན་ལྷོ་རྩོམ་རིག་སྒྱུ་རྩལ་ཚོགས་པས་བསྡུས་པའི་སློབ་སྦྱོང་འཛིན་གྲྭའི་སློབ་མ་རྣམས་ལ་འབེལ་གཏམ་བྱས་པ།

༼ཚེ་ཏན་ཞབས་དྲུང་འཇིགས་མེད་རིགས་པའི་བློ་གྲོས་མཆོག་གི་གསུང་འབུམ། པོད་ ༦ ཤོག་གྲངས་ ༢༡༩ ནས་ ༢༢༤ བར། མི་རིགས་དཔེ་སྐྲུན་ཁང་། ༢༠༠༧༽

ཞར་ལ་བཤད་རྒྱུ་གཅིག་ནི་འདི་ལྟར། དེང་སང་གི་བོན་པོ་འགའ་རེས་བོད་ཡིག་ཐོན་མིས་བཟོས་པ་ཡིན་ཞེས་བཤད་ན་མགོ་བོ་མགལ་མེ་ལྟར་དུ་འཁོར་འགྲོ་ཟེར། བོད་ཡིག་གི་མགོ་ཤམ་བྷ་ལ་འོལ་མོའི་གླིང་གི་ཡི་གེ་སྤུངས་ཆེན་དང་སྤུངས་ཆུང་། ཞང་ཞུང་གི་ཡི་གེ་སྨར་ཆེན་དང་སྨར་ཆུང་ནས་དར་བ་ཡིན་ཟེར། འདི་ལ་དཔྱད་པའི་སྒོ་ཙམ་བཏོད་ན། འདི་ལྟར། རྒྱའི་ཡིག་ཚང་རྙིང་བར་སྲོང་བཙན་མ་བྱོན་གོང་བོད་ལ་ཡི་གེ་མེད་སྟབས་མི་བརྗེད་པའི་མཚན་མར་ཐ་གུ་ལ་མདུད་པ་རྒྱག་པ་དང་། ཤིང་ལེབ་ངོས་གྲངས་ཀའི་རི་མོ་འབྲི་སྲོལ་ཡོད་ཅེས་པ་འདི་ནི་གསུབ་ཏུ་མེད་པའི་ལོ་རྒྱུས་ཁུངས་དག་ཡིན། ངས་སྔོན་ཆད་རྩོམ་ཡིག་ཅིག་ཏུ་བྲིས་ཡོད་པ་ལྟར་གནའ་དང་བོ་བོན་པོ་ཁོ་རང་རྣམས་ཀྱིས་ཆོས་འདོན་སྤྱད་ཀྱི་ཡི་གེ་ཞིག་ཡོད་ཐང་ཡང་དེ་ཁྱབ་གདལ་ཅན་ཞིག་གཏན་མ་ཡིན། ཞེས་པའི་དཔྱད་པ་འདི་བསམ་བློ་ཞིབ་མོ་བཏང་ནས་བཤད་པ་མ་གཏོགས་གང་དྲན་བཤད་པ་མིན། དཔེར་ན་ཞུང་ཧྭ་ཤན་ན་ནུབ་ཕྱོགས་ནས་རུ་ཡོང་པའི་ཟ་ལར་ཚོས་ཨ་རབ་ཡི་གེ་སྟེང་ནས་ཁོ་ཚོའི་ཆོས་འདོན་པ་མ་གཏོགས། ཡི་གེ་དེའི་སྟེང་ནས་ཟིན་བྲིས་འདེབས་པ་དང་ཟོན་གྲངས་རྒྱག་སྤྱད་ལ་བཀོལ་མི་ཐུབ་ཅིང་གོ་མི་ཆོད་པ་དེ་ལྟ་བུ་རེད་སྙམ། ཞེས་མཐུན་དཔེ་ལ་བཞག་ཡོད་པ་འདི་གཟུར་གནས་མཁས་པ་ཚོས་རྐན་སྒྲ་གཏོགས་བཞིན་ཡོད་དོ།།

དེ་ལས་མང་བ་། “བོད་ཡིག་ཐོན་མིས་བཟོས་པ་ཡིན་ཞེས་བཤད་ན་མགོ་བོ་མགལ་མེ་ལྟར་དུ་འཁོར་འགྲོ་ཟེར།” »

བོད་ཀྱི་ཆབ་སྲིད་བསྐྱར་ཞིབ་ཀྱི་རྩོམ་སྒྲིག་པས་སྤེལ།

ཕྱི་ལོ། ༢༠༡༢ ལོའི་ཕྱི་ཟླ་གསུམ་པའི་ཚེས། ༢༣ ཉིན། ༸གོང་ས་མཆོག་གི་དམིགས་བསལ་སྐུ་ཚབ་རྒྱ་རི་བློ་གྲོས་རྒྱལ་མཚན་མཆོག་གིས། བཙན་བྱོལ་བོད་གཞུང་དང་། རྒྱལ་སྤྱིའི་བོད་དོན་ལས་འགུལ་ཁང་གཉིས་ཀའི་དྲ་རྒྱའི་སྟེང་བསྒྲགས་གཏམ་ཞིག་སྤེལ་ཡོད་པ་རེད། གལ་ཆེའི་བསྒྲགས་གཏམ་དེའི་ནང་། ༸གོང་ས་མཆོག་གིས་ཆབ་སྲིད་ཀྱི་སྐུ་དབང་ཡོངས་རྫོགས་མི་དམངས་ཀྱིས་འོས་འདེམས་བྱས་པའི་དབུ་ཁྲིད་རྣམས་ལ་གསོལ་སྩལ་གནང་བའི་རྗེས། ད་ལྟའང་བོད་མིའི་མང་གཙོའི་འཕེལ་རིམ་དེ་ལམ་ཞིག་འཚོལ་བཞིན་ཡོད་པའི་རྣམ་པ་ཞིག་མངོན་སྲིད།

དེ་ལས་མང་བ་། “རྒྱ་རི་བློ་གྲོས་ཀྱིས་བློ་བཟང་སེང་གེ་དང་འབྲེལ་བའི་བསྒྲགས་གཏམ་སྤེལ་བར་དཔྱད་པ།” »

སློབ་དཔོན་ཨརཅྱ་གཟི་གཡང་།

༧གཡུང་དྲུང་བོན་གྱི་སྐོར་བགྲོ་གླེང་སྐབས་༡༢པའི་ཉིན་བཞི་པའི་བརྗོད་བྱ་སྙིང་བསྡུས

བོན་དང་འབྲེལ་བའི་བོད་ཀྱི་བརྡ་སྤྲོད་རིག་པ་ཞེས་པའི་བརྗོད་བྱ་དངོས་གཞིའི་སྐོར་དངོས་སུ་མ་གླེང་སྔོན་དང་ཐོག་བརྡ་སྤྲོད་རིག་པ་ཞེས་པ་དེ་ཅི་འདྲ་ཞིག་ལ་བརྗོད་དགོས་མིན་དང་། རིག་གནས་ཆེ་ཆུང་བཅུ་ཡི་ནང་གང་གི་ཁོངས་སུ་འདུས་པ་དང་། ལེགས་སྦྱར་གྱི་ཚིག་བིདྱཱ་དང་དབྱིན་ཚིག་ལོ་ཇི་ཞེས་པ་དེ་བོད་ཚིག་“རིག་པ་”ཞེས་པར་བསྒྱུར་སྲོལ་དར་འགོ་ཚུགས་ཡོད་པའི་དཔེ་མཚོན་བཅས་སྔོན་འགྲོའི་གཏམ་གྱི་ཚུལ་དུ་གླེང་སློང་བྱ་རྒྱུ་ཡིན།

དེ་ལས་མང་བ་། “བོན་དང་འབྲེལ་བའི་བོད་ཀྱི་བརྡ་སྤྲོད་རིག་པ།” »

(༧གཡུང་དྲུང་བོན་གྱི་སྐོར་བགྲོ་གླེང་སྐབས་༡༢པའི་ཉིན་གསུམ་པའི་བརྗོད་བྱ་སྙིང་བསྡུས།)

སློབ་དགེ་པདྨ་དགྲ་འདུལ།

བོད་མི་རིགས་རང་ཉིད་ཀྱི་ཤེས་རིགས་དང་། རིག་གཞུང། ཡུལ་སྲོལ་གོམས་གཤིས་ སོགས་བརྟན་ཚུགས་ཀྱི་ལོ་རྒྱུས་རང་རྐྱ་ཐུབ་དང་མི་ཐུབ་ཡི་གེ་ལ་རག་ལས་ཡོད་པར་ བརྟེན། བོད་ཀྱི་ཡི་གེའི་འབྱུང་གཞིར་ཕྱི་མིག་རྒྱང་རིང་པོས་ལུང་རིགས་ཟུང་ འབྲེལ་གྱི་སྒོ་ནས་དཔྱད་གཞིགས་མཐིལ་ཕྱིན་པ་ཞིག་བྱུང་ན་དགེ་མཚན་ཆེ་བར་ མཐོང་། སྤྱིར་དུས་རབས་བདུན་པའི་སྔོན་སྡེ་སྲིད་སངས་རྒྱས་རྒྱ་མཚོས་མཛད་པའི་ གསོ་རིག་སྨན་གྱི་ཁོག་འབུགས་ལས་སྤྱིར་ཀླ་ཀློ་ལ་སོགས་པ་ཁོས་བུ་རེ་གཉིས་ལས་ཕལ་ ཆེ་བ་མི་རིགས་ཡིན་ནོ་ཅོག་ལ་རང་རང་གི་ཡི་གེ་རེ་ཡོད་པར་གྲགས་ཤིང་མངོན་སུམ་དུའང་སྣང་། འོན་ཀྱང་བོད་ཡུལ་འདིར་གནམ་རི་སྲོང་བཙན་ཡན་དུ་ཡི་གེ་མེད་པར་ འདོད་པ་ལྟར་ན་ཞེས་མ་རངས་པའི་ཚིག་གསུངས་ཡོད།

དེ་ལས་མང་བ་། “དུས་རབས་བདུན་པའི་སྔོན་གྱི་བོད་ཡིག་ལ་དཔྱད་པ།” »

དབུ་མའི་ལམ་གྱིས་བོད་དོན་གྱི་དཀའ་རྙོག་སེལ་ཐུབ་ཀྱི་རེད་སྙམ་པའི་འཁྲུལ་སྣང་ཞིག་བོད་མི་མང་པོ་ཞིག་ལ་འདས་པའི་ལོ་བཅུ་ཕྲག་རིང་སྐྱེས་པ་རེད་ལ་ད་དུང་གྲངས་ཀའི་མང་ཉུང་ལ་མ་ལྟོས་པར་མི་མང་པོ་ཞིག་མུ་མཐུད་འཁྲུལ་བའི་སྣང་བ་དེ་ལས་ཐར་ཐུབ་ཀྱི་མེད་པ་གསལ་པོ་རེད། དེས་ན་ང་ཚོས་ངེས་པར་ཐོག་མར་ཤེས་དགོས་པ་ཞིག་ནི། མི་སེམས་རྨོངས་ཤིང་འཁྲུལ་བར་བྱེད་པའི་ཉལ་ཐ་ལྟ་བུའི་དུག་རྫས་དེ་སུ་ཞིག་གིས་བོད་མིའི་སྤྱི་ཚོགས་ནང་ཐོག་དང་པོར་གཏོར་བ་རེད། དེ་ངོས་ཟིན་རྒྱུ་དེ་གལ་ཆེན་པོ་རེད།

དེ་ལས་མང་བ་། “དབུ་མའི་ལམ་གྱི་འཁྲུལ་སྣང་།” »

ནགས་ཕྲན་པ་བསོད་ནམས་ཚེ་རིང་།

བོད་ནི་སྔ་རབས་ནས་ས་ལྒང་འདིར་ཐུན་མོང་མ་ཡིན་པའི་ས་ཁམས་དང་རིག་གཞུང་ཁྱད་འཕགས་ལྡན་པའི་མི་རིགས་ཤིག་ཡིན་པས་མ་ཚད། དུས་རབས་བདུན་པའི་གཡས་གཡོན་དུ་བོད་རྒྱལ་ཁབ་ཀྱི་ཆབ་སྲིད་དང་དམག་དོན་གྱི་སྟོབས་ཤུགས་ཀྱིས་ཤར་གླིང་ས་ཡི་གསུམ་གཉིས་དབང་དུ་བསྡུས་པའི་ལོ་རྒྱུས་བསྐྲུན་ཡོད། དེའི་སྐབས་བོད་ཀྱིས་དམག་འཁྲུག་རྒྱག་ས་གཙོ་བོ་ཡང་རྒྱ་ནག་ཡིན་པ་དང་། བོད་ཀྱི་རྒྱལ་པོ་མངའ་བདག་ཁྲི་རལ་པ་ཅན་གྱི་སྐབས་སུ་རྒྱ་བོད་དབར་དབོན་ཞང་མཇལ་འདུམ་མཛད་པའི་ས་མཚམས་རྡོ་རིང་ངོས་སུ་“དེའི་ཤར་ཕྱོགས་ཐམས་ཅད་ནི་རྒྱ་ཆེན་པོའི་ཡུལ་དང། ནུབ་ཕྱོགས་ཐམས་ཅད་ནི་ཡང་དག་པ་བོད་ཆེན་པོའི་ཡུལ་ཏེ།

དེ་ལས་མང་བ་། “ཁ་བྲལ་ཟེར་བ་ནི་གཞི་རྩ་མེད་པའི་རྩོད་གླེང་ཞིག་རེད།” »

ཐུབ་བསྟན་ལུང་རིགས། ༼ བཀའ་ཟུར། ༽

༄༅། ། ཆོས་མེད་རིང་ལུགས་ཙམ་དུ་མ་ཟད། ཆོས་ལ་དུག་དུ་ལྟ་བ་རབ་ཏུ་བྱུང་བར་རྐུན་མ་དམར་པོ་དང། བླ་མ་སྤྲུལ་སྐུར་ཇག་པ་སེར་པོའི་མིང་འདོགས་མཁན་གྱི་རྒྱའི་དབང་འཛིན་པས་ཆོས་བཤད་བྱས་པ་ནི་འུག་པ་ཆོས་བཤད་ཀྱི་དཔེ་ལྟར་ལ། ལན་བྱ་བ་དོན་ཡོད་པར་མ་མཐོང་ཡང། ༧རྒྱལ་དབང་ལྔ་བ་ཆེན་པོས། བྱང་བསྟན་ཕུག་པར་རྟ་ལྗང་ཅན་གྱི་ཟེར།། མི་འཇུག་དངོས་པོའི་གཤིས་ལ་བཅོས་མེད་ཀྱང།། ཕྱོགས་གཞན་བུག་པར་ཤར་བའི་སྣང་བ་ཡིས།། འཐིབས་བུའི་སྨག་རུམ་སེལ་བ་འགའ་བྱུང་སྙམ།། ཞེས་གསུངས་པ་བཞིན་ཞི བའི་མི་མང་མགོ་བོ་མི་རྨོངས་ཆེད་དགག་གཞག་ཀེ་ཏ་ཀ་འདིས་དྭངས་བར་བྱེད་ལ་སྤྲོ་བ་ཡིན།

དེ་ལས་མང་བ་། “རྫུན་ཁུང་རང་རྡིབ་ཀྱི་དྲི་བ་བདུན་ལ་དགག་གཞག་ཀེ་ཏ་ཀ” »

ནམ་མཁའ།

ཁ་སང་དེ་རིང་པེ་ཅིན་གྱི་དབང་འཛིན་པ་ཚོའི་མདུན་ཅོག་འོག་ལ་ས་འགུལ་ཆེན་པོ་ཞིག་བྱུང་ཡོད། ས་འགུལ་འདི་ནི་སྔར་བྱུང་མ་མྱོང་བ་ཞིག་རྩ་བ་ནས་མིན། མའོ་ཙེ་ཏུང་གི་སྐབས་ནས་བྱུང་བའི་རྒྱ་ནག་དམར་ཕྱོགས་ཀྱི་ལུགས་སྲོལ་གྱི་ས་འགུལ་ཞིག་ཡིན། དཔེར་ན་མའོ་དང་ལུའུ་ཧྲོ་ཆི་གཉིས་བར་གྱི་མདུན་ཅོག་འོག་ལ་ཡང་ས་ཡོམ་ཆེན་པོ་བྱུང་བ་མ་ཟད། མའོ་ཡི་དབང་ཤུགས་དང་གཡོ་སྒྱུས་ལུའུ་ཧྲོ་ཆི་བཙོན་ཁང་དུ་བཅུགས་ཏེ་ཐ་མ་དེ་གར་མི་ཚེ་རྫོགས་པ་རེད།

དེ་ལས་མང་བ་། “པེ་ཅིན་གྱི་ས་ཡོམ།” »